Диаглизид® MR

МНН: Гликлазид
Производитель: Фармак ПАО
Анатомо-терапевтическо-химическая классификация: Gliclazide
Номер регистрации в РК: № РК-ЛС-5№122156
Период регистрации: 20.04.2016 - 20.04.2021
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 26.66 KZT

Инструкция

Саудалық атауы

Диаглизид® MR

Халықаралық патенттелмеген атауы

Гликлазид

Дәрілік түрі

Босап шығуы ұзаққа созылатын таблеткалар, 60 мг

Құрамы

1 таблетканың құрамында

белсенді зат – 60 мг гликлазид,

қосымша заттар: гипромеллоза, лактоза моногидраты, коповидон, сусыз коллоидты кремнийдің қостотығы, магний стеараты.

Сипаттамасы

Сызығы мен ойығы бар тегіс беткейлі дөңгелек пішінді, ақ немесе сәл сарғыш реңді ақ түсті таблеткалар. Таблеткалардың беткейі мәрмәрлі болуына жол беріледі.

Фармакотерапиялық тобы

Қант диабетін емдеуге арналған дәрілер. Пероральді қабылдауға арналған қант төмендететін препараттар. Сульфанилмочевина туындылары. Гликлазид.

АТХ коды А10ВВ09

Фармакологиялық қасиеттері

Фармакокинетикасы

Қан плазмасында гликлазид концентрациясы қабылдағаннан кейін алғашқы 6 сағат ішінде үдемелі өседі, содан кейін тұрақты деңгейге жетеді (плато), ол қолданғаннан кейін 6-дан 12 сағатқа дейін сақталады. Жекелей ауытқуы елеусіз.

Гликлазид асқазан-ішек жолында толық сіңіріледі. Ас ішу сіңу жылдамдығына және дәрежесіне әсер етпейді.

Гликлазидтің қан плазмасы протеиндерімен байланысуы шамамен 95% құрайды. Таралу көлемі шамамен 30 л құрайды.

Диаглизид® MR  препаратының тәуліктік дозасын бір реттік қабылдау 24 сағат ішінде қан плазмасында гликлазидтің тиімді концентрациясын қамтамасыз етеді.

Гликлазид көбінесе бауырда метаболизденеді және несеппен шығарылады, әсер етуші заттың 1 %-дан азы өзгермеген күйде несеппен шығарылады. Плазмада белсенді метаболиттер жоқ.

Гликлазидтің жартылай шығарылу кезеңі шамамен 12-20 сағатты құрайды.

Препараттың 120 мг-ге дейінгі қабылданған дозасы мен плазмадағы концентрациясы арасында дозаға тәуелділік байқалады.

Еге жастағы пациенттерде препарат фармакокинетикасының клиникалық маңызды өзгерістер анықталмайды.

Фармакодинамикасы

Гликлазид – пероральді қант төмендететін препарат, құрамында азот бар гетероциклдік сақинасының болуымен басқа препараттардан ерекшеленетін және эндоциклдік байланысы бар сульфанилмочевина туындылары.

Гликлазид ұйқы безінің Лангерганс аралшықтарының β‑жасушаларымен инсулин секрециясын көтермелеу салдарынан қан плазмасындағы глюкоза деңгейін төмендетеді. Постпрандиальді инсулин деңгейінің жоғарылауы және С-пептид секрециясы препаратты 2 жыл қолданғаннан кейін де сақталады. Гликлазидтің, сондай-ақ, гемоваскулярлық қасиеттері бар.

Инсулиносекрецияға әсері. ІІ типті диабеті бар науқастарда гликлазид глюкозаның түсуіне жауап ретінде инсулиносекрецияның ерте шегін қалпына келтіреді және инсулин секрециясының екінші фазасын арттырады. Инсулин бөлінуінің айтарлықтай ұлғаюы қабылданған тағамға немесе глюкозамен жүктемеге сәйкес жүреді.

Гемоваскулярлық қасиеттер. Гликлазид қант диабеті асқынуының дамуына қатысы бар екі механизм арқылы микротромбозды төмендетеді:

  • тромбоциттердің агрегациясын және адгезиясын ішінара тежейді, тромбоциттердің белсендірілу маркерлерінің мөлшерін төмендетеді (β-тромбоглобулин, тромбоксан В2);

  • тамырлар эндотелийінің фибринолитикалық белсенділігіне әсер етеді (tPА белсенділігін арттырады).

Қолданылуы

  • диета сақтау, дене жүктемесі және салмақтың төмендеуі қандағы глюкоза деңгейін талапқа сай бақылау үшін жеткіліксіз болғанда, ересектердегі 2-типті қант диабетінде

Қолдану тәсілі мен дозалары

Пероральді қолдануға арналған. Ересектерге ғана тағайындалады.

Тәуліктік доза тәулігіне 30-дан 120 мг-ге дейін өзгеруі мүмкін. Тәуліктік дозаны таңертеңгі тамақ кезінде бір рет қабылдау керек.

Таблеткаларды бүтіндей жұту керек (сындырмау және шайнамау керек).

Егер науқас таблетканы қабылдауды ұмытып кетсе, келесі күні дозаны арттыруға болмайды.

Қантты төмендететін барлық дәрілер сияқты, Диаглизид® MR дозасын пациенттің емге деген жеке жауабына байланысты жекелей таңдауды қажет етеді (қандағы глюкоза деңгейі, гликозилирленген гемоглобин HbAlc).

Бастапқы дозасы және дозаны таңдау. Ұсынылған бастапқы доза тәулігіне 30 мг (30 мг-лік таблетканың Диаглизид® MR 1 таблеткасы) құрайды. Глюкоза деңгейін тиімді бақылаған кезде осы дозамен емдеуді жалғастыруға болады. Қандағы глюкоза деңгейін бақылауды күшейту қажет болғанда тәуліктік доза 60 мг-ға, 90 мг-ға немесе 120 мг-ға дейін біртіндеп арттырылуы мүмкін. Дозаны арттыруды емдеудің 2 аптасы ішінде қандағы глюкоза деңгейінің азаюы байқалмаған жағдайлардан басқасында, 1 ай аралықпен біртіндеп жүргізу ұсынылады. Мұндай жағдайда дозаны емнің екінші аптасының соңында арттыруға болады.

Ұсынылатын ең жоғары тәуліктік доза – 120 мг (2 таблетка).

Диаглизид® MR препаратының таблеткасын бөлуге болмайды.

Пациентті қант төмендететін басқа пероральні препараттардан Диаглизид® MR препаратына ауыстыру: Диаглизид® MR препаратын қант төмендететін басқа пероральді препараттың орнына тағайындауға болады. Бұл ретте соңғының дозасы мен жартылай шығарылу кезеңін назарға алу қажет. Өтпелі кезең әдетте қажет емес. Дозаны кейін түзете отырып 30 мг дозадан (30 мг-лік Диаглизид® MR таблеткалары) бастау керек («Бастапқы доза және дозаны таңдау» бөлімін қараңыз).

Диаглизид® MR препаратына қарағанда, жартылай шығарылуы ұзағырақ болатын гипогликемиялық сульфанилмочевина препараттарынан ауыстырғанда, екі препараттың жиынтық әсерін және гипогликемияның туындауын болдырмау үшін, емге бірнеше күн үзіліс жасау қажет болуы мүмкін. Препаратпен емдеуді жоғарыда сипатталғандай кейін дозаны түзете отырып, тәулігіне 30 мг дозадан (30 мг-лік Диаглизид® MR таблеткалары) бастайды.

Диабетке қарсы басқа препараттармен бір мезгілде қолдану: Диаглизид® MR препаратын бигуанидтермен, альфа-глюкозидаза тежегіштерімен және инсулинмен біріктіріп қолдануға болады. Диаглизид® MR қабылдап жүрген пациенттерде қандағы глюкоза деңгейін талапқа сай бақылауға қол жеткізе алмаған жағдайда, мұқият медициналық бақылау арқылы инсулинмен бір мезгілде емдеуге болады.

Егде жастағы (65 жастан асқан) пациенттер үшін Диаглизид® MR препаратын дозалау режимі 65 жасқа дейінгі пациенттердегідей.

Жеңіл және орташа дәрежедегі бүйрек жеткіліксіздігі бар пациенттер үшін Диаглизид® MR препаратын дозалау режимі бүйрек функциясы қалыпты пациенттердегі сияқты, алайда пациент мұқият бақылауда болуы тиіс.

Гипогликемияның туындауы бойынша қауіп тобына жататын пациенттер үшін («Айрықша нұсқаулар» және «Дәрілермен өзара әрекеттесуі» бөлімін қараңыз) тәулігіне 30 мг ең төменгі бастапқы доза ұсынылады (30 мг-лік Диаглизид® MR таблеткалары).

Тамырлардың ауыр аурулары бар пациенттер үшін (жүректің ишемиялық ауруы, каротидтік қантамырлардың ауыр патологиясы, қантамырлардың диффузиялық аурулары) тәулігіне 30 мг ең төменгі бастапқы доза ұсынылады (30 мг-лік Диаглизид® MR таблеткалары).

Жағымсыз әсерлері

Гликлазидті және басқа сульфанилмочевина туындыларын қолданған кезде төменде көрсетілген жағымсыз әсерлер байқалуы мүмкін.

Гипогликемия. Сульфанилмочевинаның басқа препараттарын қолданғандағыдай гликлазидті қабылдау жүйесіз тамақтанғанда және әсіресе ас ішу уақытын өткізіп алғанда гипогликемияны туындатуы мүмкін. Гипогликемияның туындауы өзіне тән симптомдармен қатар жүруі мүмкін, атап айтқанда: бас ауыруы, қатты ашығу сезімі, жүрек айнуы, құсу, шаршау, ұйқының бұзылуы, қозу, озбырлық, зейін шоғырландыру және назар аударудың төмендеуі, реакциялардың баяулауы, депрессия, сананың шатасуы, көру және сөйлеудің бұзылуы, тремор, парез, сезімталдықтың бұзылуы, бас айналу, шарасыздық сезімі, өзін-өзі бақылауды жоғалту, елестеулер, құрысулар, беткейлік тыныс алу, брадикардия, ұйқышылдық және естен тану, бұл комаға және өлімге әкелуі мүмкін.

Бұдан бөлек, адренергиялық жүйе тарапынан бұзылыстар байқалуы мүмкін: тершеңдік, жабысқақ тері, үрей, тахикардия, артериялық гипертензия, пальпитация, төс артының ауыруы, аритмия.

Әдетте гипогликемия симптомдары көмірсуларды (қантты) қабылдағаннан кейін жоғалады. Алайда қант алмастырғыштарды қабылдау бұл жағдайда тиімді болмайды. Сульфанилмочевинаның басқа препараттарын қолдану тәжірибесі, тіпті, алдымен қабылданған шаралар тиімді болса да, гипогликемия қайтадан туындауы мүмкін екендігін білдіреді.

Егер гипогликемия көрінісі ауыр немесе ұзақ болса және пациенттің жай-күйі қант қабылдау арқасында уақытша бақылауда болса, шұғыл медициналық көмек немесе тіпті ауруханаға жатқызу керек.

Асқазан-ішек жолы тарапынан: абдоминальді ауыру, жүрек айнуы, құсу, диспепсия, диарея және іш қату. Таңғы ас кезінде препаратты қабылдау осы көріністердің туындауын болдырмауға немесе төмендетуге көмектеседі.

Төмендегі жағымсыз әсерлер сирек байқалады:

  • тері және теріасты тіндері тарапынан: бөртпе, қышыну, есекжем, ангионевроздық ісіну, эритема, макулопапулездік бөртпелер, буллездік реакциялар (Стивенс-Джонсон синдромы, уытты эпидермальді некролиз);

  • қан жүйесі және лимфа жүйесі тарапынан (сирек туындайды): анемия, тромбоцитопения, лейкопения, гранулоцитопения. Әдетте бұл құбылыстар емдеуді тоқтатқаннан кейін жоғалады;

  • гепатобилиарлық жүйе тарапынан: бауыр ферментері (АЛТ, АСТ, сілтілік фосфатаза) деңгейінің жоғарылауы, гепатит (бірлі-жарым жағдайлар). Холестаздық сарғаю туындағанда препаратпен емдеуді тоқтату керек.

Төменде көрсетілген жағымсыз әсерлер әдетте препаратты қабылдауды тоқтатқаннан кейін жоғалған.

  • Көру мүшелері тарапынан: қандағы глюкоза деңгейінің өзгеруімен байланысты әсіресе емнің басында көрудің уақытша бұзылулары туындауы мүмкін;

Қолдануға болмайтын жағдайлар

  • гликлазидке немесе сульфанилмочевинаның басқа да препараттарына, сульфаниламидтерге немесе препараттың кез келген компоненттеріне жоғары сезімталдық

  • инсулинге тәуелді қант диабеті (I тип)

  • диабеттік прекома және кома, диабеттік кетоацидоз

  • бауыр немесе бүйректің ауыр жеткіліксіздігі

  • миконазолмен емдеу

  • жүктілік және лактация кезеңі

  • 18 жасқа дейінгі балалар мен жасөспірімдер

Дәрілермен өзара әрекеттесуі

Бір мезгілде тағайындағанда гипо- немесе гипергликемия пайда болуы мүмкін препараттарды қолданғанда пациентке емдеу кезінде қандағы глюкоза деңгейін мұқият бақылап отырудың қажеттігін ескерту қажет. Осы препараттармен емделу кезінде және емдеуден кейін қантты төмендететін препараттың дозасын түзету қажет болуы мүмкін.

Бір мезгілде қолдану гипогликемияның пайда болу қаупін арттыруы мүмкін препараттар:

Бір мезгілде қолдануға болмайды:

миконазол (жүйелік қолдануға арналған, ауыз қуысына арналған гель) гипогликемиялық әсерді күшейтіп, гипогликемия симптомдары және тіпті кома пайда болуы мүмкін.

Бір мезгілде қолдану ұсынылмайды:

фенилбутазон (жүйелік қолдану үшін) сульфанилмочевина туындыларының гипогликемиялық әсерін күшейтеді (олардың плазма протеиндерімен байланысын алмастырады және/немесе олардың шығарылуын азайтады);

алкоголь гипогликемиялық реакциялардың пайда болу қаупін арттырады (компенсаторлық реакцияның тежелуіне байланысты), бұл гипогликемиялық комаға әкеп соғуы мүмкін. Алкогольді және құрамында алкоголь бар препараттарды пайдалануға болмайды.

Сақтықты қажет ететін біріктірілімдер:

төменде көрсетілген препараттардың бірімен бір мезгілде қолданғанда кейбір жағдайларда гипогликемиялық әсердің күшеюі салдарынан гипогликемия туындауы мүмкін: қант төмендететін басқа препараттар (инсулин, акарбоза, бигуанидтер), β-блокаторлар, АӨФ тежегіштері (каптоприл, эналаприл), флуконазол, Н2-рецепторлар антагонистері, сульфаниламидтер, қабынуға қарсы стероидты емес препараттар, МАО тежегіштері.

Бір мезгілде тағайындау гипергликемия туындау қаупін арттыруы мүмкін препараттар.

Бір мезгілде қолдану ұсынылмайды:

даназол диабетогендік әсер көрсетеді.

Сақтықты қажет ететін біріктірілімдер:

хлорпромазин (нейролептик) жоғары дозаларын (тәулігіне 100 мг-ден жоғары) қолданған кезде қандағы глюкоза деңгейін арттырады (инсулиннің босап шығуы төмендеуіне байланысты);

глюкокортикостероидтар (жүйелік және жергілікті қолдануға арналған: буынішілік, тері үстілік, теріастылық және ректальді препараттар) және тетракозактид – қандағы глюкоза деңгейін жоғарылатады, кетоацидоз даму мүмкін (көмірсуларға төзімділікті төмендетеді);

ритодрин, сальбутамол, тербуталин (көктамырішілік) –β2-агонистік әсеріне байланысты қандағы глюкоза деңгейін арттыруы мүмкін. Қажет болғанда инсулинмен емдеуге көшу керек.

Назар аударуды қажет ететін біріктірілімдер:

антикоагулянттар (мысалы, варфарин және басқалар): антикоагулянттармен бір мезгілде қолданғанда сульфанилмочевина туындылары соңғысының антикоагулянттық әсерін үдетуі мүмкін. Қажет болғанда антикоагулянттар дозасы түзетілуі мүмкін.

Айрықша нұсқаулар

Гипогликемия. Бұл препаратты жүйелі тамақтану (таңғы асты қоса) мүмкіндігі бар пациенттерге ғана тағайындау керек. Ұзақ немесе шамадан тыс дене жүктемелерінен, алкогольді қолданғаннан кейін немесе бірнеше гипогликемиялық препараттарды біріктіріп қолданған жағдайда төмен калориялы диетада гипогликемия туындау қаупі артады.

Гипогликемияның даму қаупі артуына байланысты қосымша көмірсуларды ұдайы қабылдау ұсынылады (егер тамақ кеш ішілсе, егер ас жеткіліксіз мөлшерде ішілсе, егер тамақтың құрамында көмірсулар төмен деңгейде болса).

Гипогликемия сульфонилмочевина туындыларының препараттарын қолданғаннан кейін дамуы мүмкін. Кейбір жағдайлар күрделі және ұзақ болуы мүмкін. Ауруханаға жатқызу, сондай-ақ бірнеше күн бойы глюкоза енгізу қажет болуы мүмкін.

Гипогликемиялық көріністер дамуы қаупін төмендету үшін пациентке мұқият нұсқау беру қажет.

Гипогликемияның туындау қаупін арттыратын факторлар:

- пациент дәрігердің ұсыныстарын орындаудан бас тартады немесе орындай алмайды (әсіресе бұл еге жастағы пациенттерге қатысты);

- қанағаттанарлықсыз тамақтану, жүйелі тамақтанбау, ашығу кезеңдері және диетаны өзгерту;

- дене жүктемесі мен көмірсуларды қолдану арасындағы теңгерімсіздік;

- алкогольді қолдану;

- бүйрек жеткіліксіздігі;

- бауырдың ауыр жеткіліксіздігі;

- препараттың артық дозалануы;

- эндокриндік жүйенің белгілі бір бұзылулары: қалқанша без функцияларының бұзылуы, гипопитуитаризм және адреналдық жеткіліксіздік;

Дәрілермен өзара әрекеттесуі

Бүйрек және бауыр жеткіліксіздігі: гликлазидтің фармакокинетикасы және/немесе фармакодинамикасы бауыр және ауыр бүйрек жеткіліксіздігі бар пациенттерде өзгеруі мүмкін. Мұндай пациенттерде гипогликемия көріністері ұзақ болуы мүмкін, сондықтан тиісінше емдеуді қажет етеді.

Пациент диета сақтау маңыздылығын, тұрақты дене жүктемесін және қандағы глюкоза деңгейін ұдайы бақылап отыру қажеттілігін білуі тиіс. Науқастарға және олардың отбасы мүшелеріне гипогликемия қауіптілігін түсіндіру қажет, осы асқынудың дамуына бейім оның симптомдары, емдеу тәсілдері мен факторлары туралы айту керек.

Қантты төмендететін препараттарды қабылдап жүрген пациенттерде гликемияны бақылаудың нашарлауы инфекциядан, қызбадан, жарақаттан немесе хирургиялық араласудан туындауы мүмкін. Кейбір жағдайларда инсулинді тағайындау қажет болуы мүмкін.

Қантты төмендететін кез келген пероральді препараттың, соның ішінде гликлазидтің, гипогликемиялық тиімділігі уақыт өте келе өзгеруі мүмкін. Бұл аурудың ауырлығының үдеуімен байланысты немесе емге жауаптың төмендеуімен байланысты болуы мүмкін. Бұл феномен, препараттар емнің басында-ақ тиімсіз болып табылғанда бастапқы жеткіліксіздіктен айырмашылығы бар екіншілік жеткіліксіздік ретінде белгілі. Пациентте екіншілік жеткіліксіздіктің дамуына қатысты қорытынды жасар алдында, тағайындалған дозаның түзетілгенін және пациенттің диетаны сақтауын тексеру қажет.

Зертханалық көрсеткіштер: қандағы глюкоза деңгейін бақылап баға беру үшін гликолизирленген гемоглобин деңгейін (немесе ашқарында қандағы глюкоза деңгейін) анықтау ұсынылған.

Глюкозо-6-фосфат-дегидрогеназа тапшылығы бар пациенттерде сульфанилмочевина препараттарын қолдану гемолиздік анемияны тудыруы мүмкін. Мұндай пациенттерге гликлазидті абайлап тағайындау керек және сульфанилмочевина препараттарын қолданбай-ақ, баламалы ем тағайындау мәселесін қарастырған жөн.

Препараттың құрамына лактоза кіреді, сондықтан галактоза көтере алмаушылығының сирек түрлері, глюкоза және галактоза мальабсорбциясы синдромы, Лапп лактаза жеткіліксіздігі бар пациенттерге бұл препаратты тағайындау ұсынылмайды.

Педиатрияда қолданылуы

Пациенттердің осы санатында препаратты қолдану туралы деректер жоқтығына байланысты гликлазидті балаларға тағайындау ұсынылмайды.

Жүктілік және лактация кезеңінде қолданылуы

Қантты төмендететін пероральді препараттарды жүктілік кезінде қолдануға болмайды.

Жүктілік кезінде Диаглизид® MR препаратын қолдану тәжірибесі жоқ.

Жүктілікті жоспарлағанда немесе жүктілік анықталғанда әйелді пероральді гипогликемиялық препараттардан инсулинге көшіру қажет.

Диаглизид® MR препаратын балада гипогликемия туындау мүмкіндігіне байланысты бала емізу кезінде қолдануға болмайды.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Пациенттер гипогликемия симптомдарын білуі, оларды тани алуы тиіс және ол симптомдар туындаған кезде әсіресе емнің басында автокөлік басқарғанда немесе түрлі механизмдермен жұмыс істеген кезде сақ боулы тиіс.

Артық дозалануы

Симптомдары: орташадан ауыр дәрежеге дейінгі гипогликемия.

Орташа гипогликемия симптомдарын (естен танусыз және неврологиялық симптомдарсыз) көмірсулар (қант) қабылдаумен, қантты төмендететін препарат дозасын түзету және/немесе диета арқылы түзету қажет. Дәрігер пациенттің қауіпсіз жағдайда екеніне көз жеткізбейінше, пациентті мұқият бақылауды жалғастыру керек.

Команың, конвульсияның немесе басқа да неврологиялық бұзылыстардың дамуымен ауыр гипогликемия дереу ауруханаға жатқызу арқылы шұғыл медициналық көмекті қажет етеді.

Емі: гипогликемиялық кома диагнозы анықталғанда немесе команың дамуына күдік туындағанда пациентке жедел түрде көктамыр ішіне 50 мл концентрацияланған глюкоза ерітіндісін енгізу керек (20 %-дан 30 %-ға дейін) әрі қарай қандағы глюкоза деңгейін 1 г/л-ден жоғары ұстап тұратын жиілікпен аз концентрацияланған глюкоза ерітіндісін (10 %) біртіндеп енгізу қажет. Пациентті тұрақты бақылауды қамтамасыз ету қажет. Пациенттің жай-күйіне байланысты дәрігер ары қарайғы емдеу тәсіліне қатысты шешім қабылдайды.

Гликлазидтің плазма ақуыздарымен байланысу деңгейі жоғары, сондықтан диализ қолдану тиімсіз.

Шығарылу түрі және қаптамасы

10 таблеткадан поливинилхлоридті мөлдір үлбірден және баспалы лакталған алюминий фольгадан жасалған пішінді ұяшықты қаптамада.

3 немесе 6 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25 0С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл. Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханадан босатылу шарттары

Рецепт арқылы

Өндіруші

«Фармак» ЖАҚ.

Украина, 04080, Киев қ., Фрунзе к-сі, 74.

Тіркеу куәлігінің иесі

«Фармак» ЖАҚ, Украина

Қазақстан Республикасы аумағында тұтынушылардан өнім (тауар) сапасы жөнінде шағымдарды қабылдайтын ұйымның мекенжайы

Қазақстан Республикасы, 050012, Алматы қ., Амангелді к-сі 59 "А", "Шартас" бизнес орталығы, 9 қабат.

Тел +7 (727) 267-64-63, факс +7 (727) 267-63-73, электронды поштасы: a.liadobruk@gmail.com

Прикрепленные файлы

300287551477976216_ru.doc 125.5 кб
425794151477977454_kz.doc 141.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники