Детралекс® (SERDIX ООО)

• русский
• қазақша

• Скачать инструкцию медикамента

Саудалық атауы

Детралекс®

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар, 1000 мг

Құрамы

Үлбірлі қабықпен қапталған бір таблетканың құрамында

белсенді заттар - 900 мг (90 %) диосминнен және 100 мг (10%) гесперидин түріндегі флавоноидтардан тұратын тазартылған, микрондалған** флавоноидты фракция,

қосымша заттар: микрокристалды целлюлоза, желатин, натрий карбоксиметилкрахмалы (А типі), тальк, магний стеараты, тазартылған су,

үлбірлі қабықтың құрамы: натрий лаурилсульфаты, қызғылтсары–қызғылт қоспа OY-S-8761, құрамында: глицерин, гипромеллоза, макрогол 6000, магний стеараты, темірдің қызыл тотығы (Е 172), титанның қостотығы (Е 171), темірдің сары тотығы (Е 172).

Таблеткаларды жылтыратуға арналған толықтырғыш - макрогол 6000.

Сипаттамасы

Қызғылтсары-қызғылт түсті үлбірлі қабықпен қапталған сопақша пішінді таблеткалар, таблетканың екі жағында да сындыруға арналған сызығы бар. Сындырғаннан кейін таблетка ядросы - бозғылт-сарыдан сары түске дейінгі біртекті емес құрылымнан тұрады.

Фармакотерапиялық тобы

Жүрек-қантамыр жүйесі ауруларын емдеуге арналған препараттар. Ангиопротекторлар. Қылтамырлар өткізгіштігін төмендететін препараттар. Биофлавоноидтар. Басқа препараттармен біріктірілген диосмин.

АТХ коды C05СА53

Фармакологиялық әсері

Фармакокинетикасы

Препарат негізінен нәжіспен шығарылады. Препараттың қабылданған мөлшерінің орта есеппен 14 % жуығы несеппен шығарылады.

Жартылай шығарылу кезеңі 11 сағатты құрайды.

Препарат белсенді метаболизмге ұшырайды, ол несепте фенол қышқылының барын растайды.

Фармакодинамикасы

Детралекс® веналық тонусты көтермелейтін және ангиопротективті қасиеттерге ие.

Препарат венаның созылғыштығын және венадағы іркілісті азайтады, қылтамырлардың өткізгіштігін төмендетеді және олардың төзімділігін арттырады.

Детралекс® препаратының дозаға тәуелді әсері келесі веналық плетизмографиялық параметрлер үшін анықталған веналық ыдыста, вена созылғыштығында, венаның босау уақытында. Доза-әсер оңтайлы арақатысы күніне 1000 мг қабылдағанда байқалады.

Детралекс® веналық тонусты көтермелейді. Микроциркуляциясының айқын бұзылу белгілері бар пациенттерде Детралекс® препаратымен емдегеннен кейін ангиостереометрия әдісімен бағаланған қылтамырлық төзімділіктің жоғарылағаны байқалған.

• Детралексті® жүйелі қолданғанда органикалық және функционалды табиғатымен аяқтағы созылмалы веналық жеткіліксіздіктің, сондай-ақ геморрой ауруының клиникалық симптомдары айқындығының азаюы байқалады.

Қолданылуы

• вена-лимфалық жеткіліксіздікті (аяқтың ауырлау сезімі, ауыруы, ісінуі және құрысулар) симптоматикалық емдеуде

• геморройдың жедел ұстамаларына байланысты функционалдық симптомдарда

Қолдану тәсілі және дозалары

Вена-лимфа жеткіліксіздігі кезінде ұсынылатын доза – тәулігіне 1 таблетка, дұрысы таңертең ас қабылдау кезінде.

Таблеткадағы сызық тек жұтуды жеңілдету мақсатында бөлуге арналған.

Жедел геморрой кезінде ұсынылатын доза – тәулігіне 3 таблетка (таңертең, күндіз және кешке 1 таблеткадан) 4 күн бойы, одан кейін тәулігіне 2 таблеткадан (таңертең және кешке 1 таблеткадан) келесі 3 күн бойы.

Емдеу курсының ұзақтығын емдеуші дәрігер анықтайды.

Емдеудің орташа ұзақтығы 2-3 айды құрайды.

Жағымсыз әсерлері

Детралекс® препаратын қабылдау кезінде мынадай жағымсыз әсерлер туралы хабарланды, олар келесі градация түрінде: өте жиі (≥1/10); жиі (≥1/100, <1/10); жиі емес (≥1/1 000, <1/100); сирек (≥1/10 000, <1/1 000); өте сирек (<1/10 000), жиілігі белгісіз (жиілігі қол жетімді деректер бойынша саналмайды).

Жиі

• диарея, диспепсия, жүрек айну, құсу

Жиі емес

• колит

Сирек

• бас айналу, бас ауыру, жалпы дімкәстік

• бөртпе, қышыну, есекжем

Жиілігі анықталмаған

- іштің ауыруы

- беттің, еріннің және қабақтың оқшауланған ісінуі

Сирек жағдайларда

- ангионевроздық ісіну

Кез келген, оның ішінде бұл нұсқаулықта айтылмаған жағымсыз реакциялар мен сезімдердің пайда болғаны, сондай-ақ емдеу аясында зертханалық көрсеткіштердің өзгергені жайлы дәрігерге хабарлаңыз.

Қолдануға болмайтын жағдайлар

- препарат құрамына кіретін белсенді компоненттер немесе қосымша заттарға жоғары сезімталдық

- лактация кезеңінде

- 18 жасқа дейінгі балаларға

Дәрілермен өзара әрекеттесуі

Белгіленбеген.

Емдеуші дәрігеріңізді Сіздің қабылдап жүрген барлық дәрілік препараттарыңыз жайлы хабардар ету керек.

Айрықша нұсқаулар

Детралекс® препаратын қабылдауды бастар алдында дәрігерден кеңес алу ұсынылады.

Геморрой асқынған кезде Детралекс® препаратын тағайындау басқа анальді бұзылыстардағы спецификалық емнің орнын баспайды. Бұл жағдайда, егер симптомдар емнің ұсынылған курсынан кейін кетпесе, онда онан арғы емді таңдап беретін проктологқа қаралу керек.

Веналық қанайналымының бұзылуы кезінде емнің ең жоғары әсері емдеуді салауатты өмір салтымен (теңгерілген) үйлестіруді қамтамасыз етеді: дұрысы күннің астында көп жүрмеу, көп уақыт жүру, сондай-ақ дененің артық салмағын төмендету ұсынылады. Жаяу жүру, және кейбір жағдайларда арнайы шұлықтар кию қан айналымының жақсаруына ықпал етеді.

Егер емдеу үдерісінде Сіздің жағдайыңыз нашарласа немесе жақсармаса дереу дәрігерге жүгініңіз.

Жүктілік және емшек емізу кезеңінде қолдану

Осы уақытқа дейін жүкті әйелдерге препаратты қолдану кезінде жағымсыз әсерлер туралы хабарланбаған.

Дәрілік заттың автокөлік құралдарын немесе әлеуетті қауіпті механизмдерді басқару қабілетіне әсер ету ерекшеліктері

Әсер етпейді

Артық дозалануы

Артық дозалану жағдайлары туралы сипатталмаған.

Препарат артық дозаланғанда дереу медициналық көмекке жүгініңіз.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.

3 пішінді қаптаманы мемлекеттік және орыс тілдеріндегі медициналық қолдану жөніндегі нұсқаулықпен бірге картон қорапшаға салады.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Сердикс» ЖШҚ, Ресей Федерациясы

142150, Мәскеу қ., Софьино, 1/1 құр.

Тіркеу куәлігінің иесі

Les Laboratoires Servier, Франция

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Сервье Казахстан» ЖШС

050020, Алматы қ., Достық даңғ. 310г, Бизнес орталығы, 3 қабат

Тел.: (727) 386 76 62/63/64/70/71 , Факс: (727) 386 76 67

Электронды поштасы: kazadinfo@servier.com