Деринат (Дезоксирибонуклеат натрия)

Деринат

Натрий дезоксирибонуклеаты

Дәрілік түрі, дозалануы

Бұлшықет ішіне енгізуге арналған ерітінді, 15 мг/мл, 5 мл

Антинеопластикалық және иммуномодуляциялайтын препараттар.

Иммуностимуляторлар. Басқа иммуностимуляторлар.

АТХ коды: L03AX

Кешенді ем құрамында дәрілік препарат 18 жастан асқан ересектерде, 1 жастан 11 жасқа дейінгі балаларға, 12 жастан 18 жасқа дейінгі жасөспірімдерге қолдануға көрсетілген.

- радиациялық зақымдануларда;

- гемопоэздің бұзылуында;

- цитостатикалық және/немесе сәулемен емдеу (гемопоэзді тұрақтандыру, химиопрепараттардың кардио- және миелоуыттылығының төмендеуі) аясында дамыған онкологиялық науқастардағы миелодепрессия мен цитостатиктерге резистенттілікте;

- цитостатикалық еммен индукцияланған стоматиттерде;

- асқазанның және 12-елі ішектің ойық жарасында, эрозиялық гастродуоденитте;

- жүректің ишемиялық ауруында;

– аяқ тамырларының облитерациялайтын ауруларында, аяқ-қолдың II-III сатысындағы созылмалы ишемиялық ауруында;

- трофикалық ойық жараларда, ұзақ уақыт емделмейтін жараларда,

- одонтогенді сепсисте, іріңді-сепсистік асқынуларда;

- ревматоидты артритте;

- күйік ауруында;

- операция алдындағы және операциядан кейінгі кезеңдерде (хирургиялық тәжірибеде);

- эндометритте, сальпиногоофоритте, эндометриозда, миомаларда;

- хламидиозда, уреаплазмозда, микоплазмозда;

- простатитте, қуық асты безінің қатерсіз гиперплазиясында;

- өкпенің созылмалы обструктивті ауруларында;

- өкпе туберкулезінде, тыныс алу жолдарының қабыну ауруларында.

Қолдануды бастағанға дейін қажетті мәліметтер тізбесі

- әсер етуші затқа (заттарға) немесе қосымша заттардың кез келгеніне аса жоғары сезімталдық

- жүктілік және бала емізу кезеңі

- 1 жасқа дейінгі балалар

Қолдану кезіндегі қажетті сақтық шаралары

- Деринат препаратын қолданар алдында емдеуші дәрігермен кеңесіңіз.

- Гипотензияға бейімділігі бар пациенттерге препаратты баяу енгізу және инъекциядан кейін 10-15 минут бойы тұрмау ұсынылады.

Басқа дәрілік препараттармен өзара әрекеттесуі

Деринат препаратын тағаммен және темекімен қолдануды шектеу туралы деректер жоқ. Препаратты алкогольмен бірге қолдану ұсынылмайды.

Арнайы ескертулер

Егде жастағы пациенттер - қарттарда сақтықпен қолдану керек, себебі қауіпсіздік бойынша ұзақ мерзімді деректер жоқ

Қант диабеті бар пациенттер: Қант диабетімен ауыратын науқастарда гипогликемиялық әсер байқалады, оны қандағы қант деңгейін бақылау кезінде ескеру керек.

Бүйрек жеткіліксіздігі бар пациенттер: бүйрек жеткіліксіздігі бар пациенттерде қолдану кезінде жағымсыз реакциялар туралы деректер жоқ.

Бауыр жеткіліксіздігі бар пациенттер: Бауыр жеткіліксіздігі бар пациенттерде қолдану кезінде жағымсыз реакциялар туралы деректер жоқ.

Гипотензияға бейімділігі бар пациенттерге препаратты баяу енгізу және инъекциядан кейін 10-15 минут ішінде тұрмау ұсынылады.

Педиатрияда қолдану

1 жастан кіші балаларда қолдануға болмайды, себебі қауіпсіздік бойынша ұзақ мерзімді деректер жоқ.

Жүктілік немесе лактация кезінде

Жүкті әйелдерде Деринатты қолдану туралы деректер жоқ. Деринатты жүктіліктің I триместрінде - эмбриогенез кезеңінде тағайындауға болмайды, егер әйелдің клиникалық жай-күйі терапияны қажет етпесе, өйткені эмбриоуытты, тератогендік, мутагендік әсер ету қаупі және басқа да жағымсыз әсерлер қалады.

Дәрігердің кеңесі қажет. Жүктілік кезінде препаратты тағайындау қажет болған жағдайда ана үшін күтілетін пайда мен шарана үшін ықтимал қауіпті бағалау керек.

Бала емізу кезеңінде дәрігердің тағайындауы бойынша қатаң түрде қолдану керек.

Препарат фертильділікке және репродуктивті функцияға теріс әсер етпейді. Препарат жүктілік кезінде енгізген кезде эмбрионуытты және тератогендік әсерге ие болмайды.

Егер сіз жүкті болсаңыз немесе емізіп жүрсеңіз, жүкті деп ойласаңыз немесе жүктілікті жоспарласаңыз, препаратты қолданар алдында дәрігермен кеңесіңіз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Деринат препаратын қолдану зейін қоюдың жоғарылауы және психомоторлық реакциялардың жылдамдығын талап ететін (оның ішінде көлік құралдарын басқару, қозғалатын механизмдермен жұмыс істеу) әлеуетті қауіпті қызмет түрлерін орындау қабілетіне әсер етпейді.

Қолдану жөніндегі ұсынымдар

Дозалау режимі

Ересектерге:

Бір реттік және тәуліктік доза - 75 мг

Бұлшықет ішіне 1-2 минут ішінде 5 мл ерітіндіден 24-72 сағат аралықпен енгізеді.

Жүректің ишемиялық ауруы кезінде - 48-72 сағат аралықпен 10 инъекция.

Асқазанның және 12 елі ішектің ойық жарасы кезінде – 48 сағат аралықпен 5 инъекция.

Онкологиялық аурулар кезінде - 24-72 сағат аралықпен 3-10 инъекция.

Гинекологияда (эндометрит, хламидиоз, уреаплазмоз, микоплазмоз, сальпиногоофорит, миомалар, эндометриоз) – 24-48 сағат аралықпен 10 инъекция.

Андрологияда (простатит, қуық асты безінің қатерсіз гиперплазиясы) – 24-48 сағат аралықпен 10 инъекция.

Ревматоидты артрит кезінде - 48 сағат аралықпен 15 инъекция.

Өкпе туберкулезінде - 24-48 сағат аралықпен 10-15 инъекция.

Жедел қабыну ауруларында - 24-72 сағат аралықпен 3-5 инъекция.

Созылмалы қабыну аурулары кезінде - 24 сағат аралықпен 5 инъекция, одан әрі - 72 сағат аралықпен 5 инъекция.

Балалар:

Препарат ересектерге арналған схема секілді бұлшықет ішіне тағайындалады.

1 жастан 10 жасқа дейінгі балаларда бір реттік доза өмір сүру жылына 0,5 мл препарат есебінен анықталады.

10 жастан бастап бір реттік доза – 5 мл ерітінді, курстық доза-препараттың 5 инъекциясына дейін.

Енгізу әдісі мен жолы

Бұлшықет ішіне. 1-2 минут ішінде баяу енгізу керек.

Артық дозалану жағдайында қабылдануы қажет шаралар

Артық дозаланғанда жағымсыз құбылыстар анықталған жоқ.

Препараттың екінші дозасын 24 сағаттан кейін кездейсоқ енгізген кезде келесі дозаны енгізу арасында 24-48 сағат ішінде үзіліс жасау жеткілікті. Препаратты қолдану туралы сұрақтар туындаған жағдайда емдеуші дәрігерге қаралыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жеке төзімсіздігі кезінде препарат қабылдауды тоқтату керек. Препаратты тоқтату, әдетте, жағымсыз реакциялардың дамуын тоқтату үшін жеткілікті.

Қант диабетімен ауыратын науқастарда орташа гипогликемиялық әсері байқалады. Қандағы қанттың деңгейін бақылау қажет.

Жиі емес

- аса жоғары сезімталдықтың дамуы мүмкін (терідегі аллергиялық бөртпе (есекжем)) препаратты тоқтатуды және дереу медициналық көмекке жүгінуді талап етеді

- препараттың бірінші және сирек жағдайларда екінші инъекциясынан кейін дене температурасы 38°С-ге дейін көтерілуі мүмкін, температура әдетте 30 минуттан 3 сағатқа дейін сақталады және қалыпты мәндерге дейін төмендейді, сирек жағдайларда ыстықты басатын дәрілерді қолдану мүмкін. Емдеуді тоқтатуды талап етпейді.

- герпестік бөртпелер (созылмалы герпестің өршуі), препаратты тоқтатуды қажет етеді, дәрігермен кеңескеннен кейін, герпеске қарсы препараттар тағайындалуы мүмкін.

- гиперемия, ісіну, енгізу орнының қышынуы препаратты тоқтатуды талап етпейді.

Сирек

- жүректің жиі соғуы, тахикардия сезімі тоқтатуды қажет етпейді.

Өте сирек

- гипотензияға (төмен артериялық қысым) бейімділігі бар пациенттерде препаратты баяу енгізу және инъекциядан кейін 10-15 минут ішінде орнынан тұрмау ұсынылады.

- кеуденің ауыруы, жүрек айнуы, іштің ауыруы, бүйрек аймағының ауыруы, инъекция кезінде инъекция орнында бұлшықеттің клонустық жиырылуы мүмкін,

препаратпен одан әрі емдеуді тоқтатуды талап етеді.

- лейкоциттер санының 10х109 - дан астам жоғарылауы - препаратты тоқтатуды талап етпейді, эритроциттер санының артуы (5,5х109-дан астам) - эритремиясы бар пациенттерге сақтықпен тағайындау, гемоглобин деңгейінің жоғарылауы-гипергемоглобинемиясы бар пациенттерге сақтықпен тағайындау.

Жағымсыз дәрілік реакциялар туындаған кезде Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» шаруашылық жүргізу құқығындағы республикалық мемлекеттік кәсіпорнының дәрілік препараттардың тиімсіздігі туралы хабарламаларын қоса алғанда, медицина қызметкеріне, фармацевтика қызметкеріне немесе дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу керек

http://www.ndda.kz

Қосымша мәліметтер

Дәрілік препараттың құрамы

Бұлшықет ішіне енгізуге арналған ерітінді, 15 мг/мл, 1 құты Деринат препаратының құрамында:

Белсенді зат - натрий дезоксирибонуклеаты - 75 мг

Қосымша заттар: натрий хлориді - 45 мг, инъекцияға арналған су - 5 мл дейін.

Сыртқы түрінің, иісінің, дәмінің сипаттамасы

Мөлдір түссіз сұйықтық.

Шығарылу түрі және қаптамасы

5 мл-ден резеңке тығынмен тығындалған және Flip Off жұлып алынатын пластик жапсырмасы бар алюминий қалпақшамен қаусырылған, түссіз шыныдан жасалған құтыда.

5 құтыдан пішінді пластик қаптамаға (тұғырға) медициналық қолдану жөніндегі қазақ және орыс тілдеріндегі нұсқаулықпен бірге тұтынушы ыдысына арналған картон қорапшаға салынған.

Сақтау мерзімі - 5 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде 15о С-ден 25°С-ге дейінгі температурада сақтау керек.

Балалардың қолы жетпейтін жерде сақтау керек!

Рецепт арқылы

Тіркеу куәлігінің ұстаушысы

«ФармПак» ЖШҚ

127521, Мәскеу, Анненский өтпесі, 7 үй, 1 құр. тел.: (495) 739-52-98, e-mail: info@derinat.ru

Өндіруші

«ФЗ Иммунолекс» ЖШҚ

105318, Ресей, Мәскеу қ., Мироновская к-сі, 33 үй, 27 құр., тел.: (495) 739-52-98,

e-mail: info@derinat.ru

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін бақылауға жауапты ұйымның атауы, мекенжайы және байланыс деректері

«Адилова» ЖК

Алматы қ., Тимирязев к-сі 113,70

тел. + 7 (701) 456-82-68

e-mail: kazgvp@derinat.com

6