Депренорм® МВ

• русский
• қазақша

• Скачать инструкцию медикамента

Саудалық атауы

Депренорм® MB

Халықаралық патенттелмеген атауы

Триметазидин

Дәрілік түрі

Үлбірлі қабықпен қапталған, ұзақ әсер ететін таблеткалар, 35 мг

Құрамы

Үлбірлі қабықпен қапталған, ұзақ әсер ететін бір таблетканың құрамында

белсенді зат – 35 мг триметазидин дигидрохлориді,

қосымша заттар: кальций гидрофосфаты дигидраты, гипролоза (гидроксипропилцеллюлоза), гипромеллоза (гидроксипропилметилцеллюлоза), коповидон, кремнийдің коллоидты қостотығы (аэросил), магний стеараты, микро- кристалды целлюлоза,

қабықтың құрамы: Селекоат AQ-01673 [гипромеллоза (гидроксипропилметилцеллюлоза), макрогол-400 (полиэтиленгликоль-400), макрогол-6000 (полиэтиленгликоль-6000), [Понсо 4R] (Е124) қан қызыл бояғыш негізіндегі алюминий лагы, титанның қостотығы (Е171)].

Сипаттамасы

Екі беті дөңес дөңгелек пішінді, қызғылт түсті үлбірлі қабықпен қапталған таблеткалар. Шамалы кедір-бұдыр болуы мүмкін. Көлденең кесіндісінде қабаты ақ дерлік түсті.

Фармакотерапиялық тобы

Жүрек ауруларын емдеуге арналған басқа да препараттар. Триметазидин.

АТХ коды С01ЕВ15

Фармакологиялық қасиеттері

Фармакокинетикасы

Препаратты ішке қабылдағаннан кейін триметазидин асқазан-ішек жолынан тез және толықтай дерлік сіңіріледі. Биожетімділігі – 90 %.

Қан плазмасында ең жоғары концентрациясына жету уақыты – 5 сағат. Тепе-тең жағдайға 60 сағаттан соң жетеді. Таралу көлемі 4,8 л/кг құрайды, бұл тіндерде таралудың жақсы диффузиясын білдіреді.

Қан плазмасының ақуыздарымен байланысуы – 16 %. Гистогематикалық бөгет арқылы оңай өтеді.

Жартылай шығарылу кезеңі (Т1/2) шамамен 7 сағатты құрайды, 65 жастан асқан емделушілерде – шамамен 12 сағат. Организмнен бүйрекпен шығарылады (шамамен 60 %-ы өзгермеген күйде).

Триметазидиннің бүйрек клиренсі креатинин клиренсімен (КК) тікелей өзара байланысқа түседі, бауыр клиренсі жас ұлғаюымен төмендейді.

Фармакодинамикасы

Триметазидин тұрақты стенокардия кезінде антигипоксиялық әсер етеді. Кардиомиоциттерге және мидың нейрондарына тікелей әсер ете отырып, олардың метаболизмін және қызметін оңтайландырады. Цитопротекторлық әсері энергетикалық шаманың жоғарылауына, тотықтырғыш декарбоксилдену белсенділігіне және оттегін тұтынуды ұтымды етуге негізделген (аэробтық гликолизді күшейтумен және май қышқылдарының тотығуын бөгеумен). Миокардтың жиырылуын демейді, аденозинтрифосфорлық (АТФ) қышқыл мен креатинфосфат жасушаішілік мөлшерінің төмендеуін болдырмайды. Ацидоз жағдайында жарғақшалық ионды өзектер қызметін қалыпқа келтіреді, кардиомиоциттерде кальций мен натрийдің жинақталуына тосқауыл болады, калий иондарының жасушаішілік құрамын қалыпқа келтіреді. Миокард ишемиясы мен реперфузияға байланысты жасушаішілік ацидозды және фосфаттар мөлшерін төмендетеді. Бос радикалдардың зақымдайтын әсеріне тосқауыл болады, жасушалық жарғақшалар бүтіндігін сақтайды, ишемия аумағында нейтрофилдердің белсенділігін болдырмайды, электрлік күштің ұзақтығын арттырады, жасушалардан креатинфосфокиназа шығарылуын және миокардтың ишемиялық зақымданулар айқындығын төмендетеді.

Триметазидин стенокардия ұстамалары жиілігін азайтады (нитраттардың тұтынылуы азаяды), 2 апта қабылдаудан соң физикалық жүктемеге төзімділік артады, артериялық қысымның күрт құбылуы төмендейді.

Қолданылуы

- ересектерге жеткілікті түрде бақыланбайтын немесе алғашқы желінің антиангинальді препараттарын көтере алмаушылықта тұрақты стенокардиясы бар науқастарды симптоматикалық емдеу үшін қосымша ем ретінде.

Қолдану тәсілі мен дозалары

Ішке, тамақтану кезінде бір стақан сумен іше отырып қабылдайды.

Депренорм® MBны 1 таблеткадан тәулігіне 2 рет қабылдайды (таңертең және кешке). Емдеу ұзақтығы ауру сипатына байланысты әр адамға жекелей белгіленеді. Дозаны жіберіп алған жағдайда екі еселенген дозаны қабылдауға болмайды.

Жағымсыз әсерлері

Жиі

- бас айналу, бас ауыруы

- абдоминальді ауыру, диарея, диспепсия, жүрек айнуы, құсу

- астения

Сирек

- ұйқының бұзылуы (ұйқысыздық, ұйқышылдық)

- жүректің қағуы, экстрасистолия, тахикардия

- артериялық гипотензия; әсіресе антигипертензивті препараттарды қабылдайтын науқастарда дімкәстікке, бас айналуға немесе емделушінің құлауына байланысты болуы мүмкін ортостатикалық гипотензия

- гиперемия

Жиілігі белгісіз

- паркинсонизм белгілері (діріл, акинезия, гипертония), жүріс-тұрыстың орнықсыздығы, мазасыз аяқтар синдромы, әдетте препаратты қабылдауды тоқтатқаннан кейін қайтымды болып келетін басқа да қимыл-қозғалыс бұзылыстары

- іштің қатуы

- жедел жайылған экзантематозды пустулез, ангиоэдема

- агранулоцитоз, тромбоцитопения, тромбоцитопениялық пурпура

- гепатит

Қолдануға болмайтын жағдайлар

- белсенді затқа немесе қосымша заттардың кез келгеніне жоғары сезімталдық

- Паркинсон ауруы, паркинсонизм белгілері, діріл, мазасыз аяқтар синдромы және басқа да қимыл-қозғалыс бұзылыстары

- бүйрек қызметінің ауыр бұзылулары (креатинин клиренсі < 30 мл/мин)

- жүктілік және лактация кезеңі

- 18 жасқа дейінгі балалар мен жасөспірімдерге (тиімділігі мен қауіпсіздігі анықталмаған)

Дәрілермен өзара әрекеттесуі

Басқа препараттармен клиникалық маңызды өзара әрекеттесуі белгіленбеген. Депренорм® МВны гепаринмен, кальципаринмен, К антивитаминдерімен, ішу арқылы қабылдайтын гиполипидемиялық дәрілермен, аспиринмен, β-блокаторлармен, кальций өзекшелері тежегіштерімен, оймақгүл препараттарымен бір уақытта тағайындауға болады (триметазидин қан плазмасындағы дигоксин деңгейіне әсер етпейді).

Айрықша нұсқаулар

Депренорм® MB әсіресе егде жастағы емделушілерде ұдайы бақыланып отыруы тиіс паркинсонизм симптомдарын туындатуы немесе нашарлатуы мүмкін (діріл, акинезия, гипертония). Күдікті жағдайларда емделушілер тиісті зерттеулер үшін неврологқа жіберілуі тиіс.

Паркинсонизм, мазасыз аяқтар синдромы, діріл, жүріс-тұрыстың орнықсыздығы сияқты қимыл-қозғалыс бұзылыстары пайда болған кезде препаратты қабылдауды тоқтату керек.

Бұл жағдайлар төмен жиілікке ие және әдеттегідей препаратты қабылдауды тоқтатқаннан кейін қайтымды. Көптеген емделушілер триметазидинді тоқтатқаннан кейін 4 ай ішінде қайта қалпына келеді.

Егер паркинсонизм симптомдары препаратты тоқтатқаннан кейін 4 айдан астам уақыт сақталатын болса, неврологқа қаралу керек.

Жүріс-тұрыстың орнықсыздығына немесе гипотензияға байланысты емделушінің құлап қалу жағдайлары болуы мүмкін, оның ішінде антигипертензивті препараттарды қабылдайтын емделушілер.

Организмнен триметазидиннің шығарылу уақыты ұзарған емделушілерге препаратты қабылдағанда сақ болу керек:

- бүйрек қызметінің орташа бұзылулары;

- 75 жастан асқан егде жастағы емделушілер.

Препарат стенокардия ұстамаларын басуға, сондай-ақ, тұрақты стенокардия немесе миокард инфарктісінің бастапқы емдеу курсына арналмаған.

Жүктілік және лактация кезеңі

Жүктілік кезінде қолдануға болмайды. Емделу кезінде бала емізуді тоқтату керек.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Клиникалық зерттеулерде триметазидин организмге гемодинамикалық әсер еткен жоқ. Алайда, маркетингтен кейінгі зерттеулерде автокөлік басқару қабілетіне және механизмдермен жұмыс істеуге әсер ететін бас айналу мен ұйқышылдық жағдайлары байқалды.

Артық дозалануы

Артық дозалануы туралы деректер шектеулі. Артық дозаланған жағдайда симптоматикалық ем жүргізу керек.

Шығарылу түрі және қаптамасы

10 немесе 30 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салады.

10 таблеткадан 3 немесе 6 пішінді ұяшықты қаптамадан немесе 30 таблеткадан 1 немесе 2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Құрғақ, жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Канонфарма продакшн» ЖАҚ, Ресей Федерациясы,

141100, Мәскеу облысы, Щелково қ., Заречная к-сі, 105 үй.

Тел.: +7 (495) 797-99-54, факс: +7 (495) 797-96-63

Е-mail: www.canonpharma.ru

Тіркеу куәлігі иесінің атауы мен елі

«Канонфарма продакшн» ЖАҚ, Ресей Федерациясы

Қазақстан Республикасы аумағында тұтынушыдан препараттың сапасы жөніндегі шағымдарды қабылдайтын ұйымның мекенжайы:

«Нестеренко Н.А.» ЖК, Қазақстан Республикасы, 050000, Алматы қ., Фурманов к-сі, 128 үй, 16 кеңсе, тел.: +7 727 2796659, e-mail: ip_n_nesterenko@list.ru