Денизид

Денизид

Цефтазидим

Инъекция үшін ерітінді дайындауға арналған 1 г ұнтақ

Бір құтының ішінде

белсенді зат – Цефтазидим пентагидраты және сусыз натрий карбонатының

стерильді қоспасы,

1000,0 мг сусыз цефтазидимге баламалы

Ақтан ақшыл-сары түске дейінгі кристалды ұнтақ.

Жүйелі қолдануға арналған бактерияға қарсы препараттар. Бактерияға қарсы басқа да бета-лактамды препараттар. Үшінші буын цефалоспориндері. Цефтазидим.

АТХ коды J01DD02

Фармакокинетикасы

Енгізгеннен кейін препарат адам организміне жылдам таралады, синовиальді, перикардиальді және перитонеальді сұйықтықтарды қоса, көптеген тіндер мен сұйықтықтарда, сондай-ақ өтте, қақырықта және несепте емдік концентрацияларына жетеді. Таралуы, сондай-ақ сүйектерде, миокардта, өт қалтасында, теріде және жұмсақ тіндерде, әсіресе препараттың диффузиясын күшейтетін қабыну үдерістері кезінде инфекциялық ауруларды емдеу үшін жеткілікті концентрацияларда жүреді. Зақымдалмаған гематоэнцефалдық бөгет арқылы нашар өтеді, бірақ препаратпен ми-жұлын сұйықтығына жететін терапиялық деңгейі менингитті емдеуге жеткілікті. Қан плазмасының ақуыздарымен (15%-дан кем) қайтымды байланысады, ал бактерицидті әсерге бос түрінде ғана ие болады. Қан ақуыздарымен байланысу дәрежесі концентрациясына тәуелді емес. Қан плазмасындағы ең жоғары концентрациясы 0,5 г немесе 1 г бұлшықетішілік енгізу кезінде бір сағаттан соң, 17 мкг/мл және 39 мкг/мл-ге жетеді, венаішілік енгізу кезінде, тиісінше 42 мкг/мл және 69 мкг/мл. Қан плазмасындағы ең жоғары концентрациясына жету уақыты бұлшықетішілік енгізу кезінде - 1 сағат, венаішілік енгізу кезінде - инфузияның соңына қарай. 4 мкг/мл-ге тең препараттың концентрациясы 6-8 сағат ішінде сақталады. Қан плазмасындағы терапиялық концентрациясы 8-12 сағат ішінде сақталады. Қалыпты бүйрек функциясы кезіндегі жартылай шығарылу кезеңі - 1,8 сағат; бұзылған кезінде - 2,2 сағат. Таралу көлемі 0,21-0,28 л/кг құрайды. Препарат жұмсақ тіндерде, бүйректе, өкпеде, сүйектерде, буындарда және серозды қуыстарда жинақталады. Препарат бауырда метаболизденбейді, бауыр функциясының бұзылуы препараттың фармакодинамикасында және фармакокинетикасында білінбейді. Мұндай пациенттерде доза әдеттегідей қалады. 80-90%-ға дейін (енгізілген дозаның 70%-ы алғашқы 4 сағатта шығарылады) шумақтық сүзіліс және өзекшелік сөлініс жолымен бірдей дәрежеде бір тәулік ішінде бүйректер арқылы өзгермеген түрде шығарылады. Бүйрек функциясының бұзылуы кезінде дозаны төмендету ұсынылмайды.

Фармакодинамикасы

Денизид препараты III буындағы цефалоспориндер тобынан бактерияға қарсы препарат болып табылады, кең ауқымды және бактерицидті әсер етеді, микроорганизмдердің жасушалық жақтауының синтезін бұзады, бета-лактамазалардың көпшілігінің әсеріне тұрақты. Препарат мынадай грамтеріс микроорганизмдерге қатысты белсенді: Haemophilus influenzae, Neisseria gonorrhoeae және басқа Neisseria spp. және Enterobacteriaceae тектес өкілдерінің көпшілігі (Citrobacter spp., Enterobacter spp., Escherichia coli, Klebsiella pneumoniae және басқа Klebsiella spp., Morganella morganii және басқа Morganella spp., Proteus mirabilis (соның ішінде индолоң), Proteus vulgaris және басқа Proteus spp., Providenсia rettgeri және басқа Providenсia spp. және Serratia spp.), Acinetobacter spp., Haemophilus parainfluenzae (ампициллинге тұрақты штамдарды қоса), Pasteurella multocida. Salmonella spp., Shigella spp. және Yersinia enterocolitica. Денизид препараты Pseudomonas aeruginosa және ауруханаішілік инфекцияға қарағанда III буындағы цефалоспориндердің арасында неғұрлым жоғары белсенділікке ие болады. Препарат мынадай грамоң бактерияларға қарағанда белсенді: Micrococcus spp., Streptococcus aureus, Streptococcus mitis, Streptococcus pneumoniae, А тобындағы Streptococcus pyogenes, Streptococcus viridans және басқа Streptococcus spp. (Streptococcus faecalis) қоспағанда; метициллинге сезімтал штамдар: Staphylococcus aureus, Staphylococcus epidermidis. Денизид препараты мынадай анаэробты бактерияларға қарағанда белсенді: Bacteroides spp. (Bacteroides fragilis штамдарының көпшілігі - резистентті), Clostridium perfringens, Peptococcus spp., Peptostreptococcus spp. және Propionobacterium spp. Препарат Campilobacter spp., Chlamydiа spp., Clostridium difficile, Enterococcus spp., Listeria monocytogenes және басқа Listeria spp., Staphylococcus aureus и және Staphylococcus epidermidis; Streptococcus faecalis метициллинге тұрақты штамдарына қатысты белсенді емес.

Препаратқа сезімтал микроорганизмдерден туындаған инфекциялық-қабынбалы ауруларды емдеу:

- ауруханаішілік пневмония

- муковисцидоз кезіндегі бронхөкпе инфекциялары

- бактериялық менингит

- созылмалы іріңді орташа отит

- қатерлі сыртқы отит

- несеп шығару жолдарының асқынған инфекциялары

- терінің және жұмсақ тіндердің асқынған инфекциялары

- асқынған интраабдоминальді инфекциялар

- сүйек және буын инфекциялары

- тұрақты амбулаторлық перитонеальді диализбен (ТАПД/CAPD) байланысты перитонит

- жоғарыда келтірілген инфекциялардың кез келгенімен байланысты бактериемиялар

- бактериялық инфекцияға күдіктенген кездегі нейтропениясы бар қызбалы пациенттерді емдеу

- қуық асты безіне операциялар кезіндегі инфекциялық асқынулардың профилактикасы (трансуретралық резекция)

- аэробты грамтеріс бактериялардан туындаған инфекциялар («Фармакодинамика» бөлімін қараңыз)

Болжамды қоздырғыштар қатары цефтазидимнің әсер ету ауқымына енбейтін жағдайларда, Денизидті бактерияға қарсы басқа препараттармен біріктіріп тағайындау керек.

Денизидті тек қана парентеральді – вена ішіне немесе бұлшықет ішіне қолданады. Препараттың дозасын ауру ағымының ауырлығын, инфекцияның орналасуын және қоздырғыштың сезімталдығын, жасты және дене салмағын, бүйрек функциясын ескере отырып, жекелей белгілейді.

Салмағы 40 кг-ден асатын ересектер және балалар – инъекция түрінде:

Муковисцидоз кезіндегі бронхөкпе инфекциялары – тәулігіне әрбір 8 сағат сайын 100-ден 150 мг/кг-ге дейін, ең жоғары тәуліктік доза - тәулігіне 9 г1);

Нейтропениямен науқастардағы қызба, ауруханаішілік пневмония, бактериялық менингит, бактериемия* - әрбір 8 сағат сайын 2 г-нан.

Сүйек және буын инфекциялары, терінің және жұмсақ тіндердің асқынған инфекциялары әрбір 8 сағат сайын 1-2 г.

Асқынған интраабдоминальді инфекциялар және тұрақты амбулаторлық перитонеальді диализдегі (ТАПД) пациенттердегі диализбен байланысты перитонит - әрбір 8 сағат сайын 1-2 г.

Несеп шығару жолдарының асқынған инфекциялары әрбір 8 немесе 12 сағат сайын 1-2 г.

Қуық асты безіне операциялар кезіндегі инфекциялық асқынулардың алдын алу (трансуретралық резекция) – енгізу анестезиясы кезінде бірінші доза 1 г., екінші доза - катетерді алып тастаған кезде.

Созылмалы іріңді орташа отит және сыртқы құлақтың қатерлі отиті - әрбір 8 сағат сайын 1-2 г.

Үздіксіз инфузия түрінде:

Нейтропениямен науқастардағы қызба, ауруханаішілік пневмония, муковисцидоз кезінде бронхөкпе инфекциялары, бактериялық менингит, бактериемия, сүйек және буын инфекциялары, терінің және жұмсақ тіндердің асқынған инфекциялары, асқынған интраабдоминальді инфекциялар және тұрақты амбулаторлық перитонеальді диализдегі (ТАПД) пациенттердегі диализбен байланысты перитонит – әрбір 24 сағат сайын 4 г-ден 6 г-ге дейін үздіксіз инфузия түрінде келесі енгізуімен 2 г жүктеме доза1)

1) бүйрек функциясы қалыпты ересектерде тәулігіне 9 г дозасы жағымсыз жағдайлар болмаған кезде пайдаланылды.

Салмағы 40 кг-ден аз балалар және 2 айдан асқан сәбилер – инъекция түрінде: Несеп шығару жолдарының асқынған инфекциялары – тәулігіне үш енгізгенде 100 мг-ден150 мг/кг дейін, тәуліктік ең жоғары доза - 6 г.

Созылмалы іріңді орташа отит, сыртқы құлақтың қатерлі отиті – тәулігіне үш енгізгенде 100 мг-ден150 мг/кг дейін, тәуліктік ең жоғары доза - 6 г.

Нейтропениясы, муковисцидоз кезінде бронхөкпе инфекциялары, бактериялық менингит, бактериемиясы* бар балалар – тәулігіне үш енгізгенде 150 мг/кг, тәуліктік ең жоғары доза - 6 г.

Сүйек және буын инфекциялары, терінің және жұмсақ тіндердің асқынған инфекциялары, асқынған интраабдоминальді инфекциялар, тұрақты амбулаторлық перитонеальді диализдегі (ТАПД) пациенттердегі диализбен байланысты перитонит – тәулігіне үш енгізгенде 100 мг-ден 150 мг/кг дейін, тәуліктік ең жоғары доза - 6 г.

Үздіксіз инфузия түрінде:

Нейтропениямен науқастардағы қызба, ауруханаішілік пневмония, муковисцидоз кезінде бронхөкпе инфекциялары, бактериялық менингит, бактериемия*, сүйек және буын инфекциялары, терінің және жұмсақ тіндердің асқынған инфекциялары, асқынған интраабдоминальді инфекциялар және тұрақты амбулаторлық перитонеальді диализдегі (ТАПД) пациенттердегі диализбен байланысты перитонит – тәулігіне 100 мг-ден 200 мг/кг дейін үздіксіз инфузия түрінде келесі енгізуімен 60-100 мг/кг жүктеме доза1. Тәуліктік ең жоғары доза – 6 г.

*Бактериемия «Қолданылуы» бөлімінде келтірілген инфекциялардың кез келгенінінің нәтижесінде немесе осы инфекцияларға күдік болған кезде.

Жаңа туған нәрестелер мен 2 айлық және одан кіші сәбилер – инъекция түрінде:

Инфекциялардың көпшілігі кезінде доза тәулігіне екі енгізгенде 25-60 мг/кг (жаңа туған нәрестелерде және ≤ 2 айлық сәбилерде қан сарысуында цефтазидимнің жартылай шығарылу кезеңі ересектерге қарағанда 3-4 рет ұзағырақ болуы мүмкін).

Балалар популяциясы

Нәрестелерде және сәбилерде ≤ 2 айлық үздіксіз инфузия түрінде цефтазидимнің қауіпсіздігі мен тиімділігі белгіленбеді.

Егде адамдар

Егде тұлғаларда бүйрек клиренсінің жасына қарай төмендеуін ескеріп, 80 жастан асқан пациенттерге ұсынылатын доза тәулігіне <3 г болуы тиіс.

Бауыр жеткіліксіздігі

Қолда бар деректер бойынша жеңіл немесе орташа бауыр функциясының бұзылу дәрежесі кезінде дозаны түзету қажеттілігі талап етілмейді, айқын бауыр жеткіліксіздігі кезіндегі деректер болмай тұр. Емдеу қауіпсіздігі мен тиімділігіне клиникалық бақылау жүргізу ұсынылады.

Бүйрек жеткіліксіздігі

Цефтазидим бүйректер арқылы өзгермеген түрінде шығарылады, сондықтан бүйрек функциясының бұзылуымен пациенттерде доза төмендетілуі керек.

Препараттың алғашқы жүктемелік дозасы 1 г құрайды. Демеуші дозаны креатинин клиренсіне байланысты таңдайды.

Бүйрек жеткіліксіздігінде инъекциялар түрінде енгізу кезінде ұсынылатын демеуші дозалар:

Ересектер және балалар > 40 кг

Ауыр инфекцияларымен пациенттерге демеуші дозаны 50%-ға ұлғайтуға немесе препаратты енгізу жиілігін көбейтуге болады. Балаларда креатинин клиренсінің көрсеткіштері дене беткейінің ауданына немесе дененің бұлшықет массасына байланысты түзету керек.

Дене салмағы 40 кг-ден кем емес балалар:

*Сарысудағы креатинин мәндері бүйрек функциясының төмендеуімен барлық пациенттер үшін дозаны төмендетудің сондай дәрежесін көрсете алмайтын шамамен алынған мәндер болып табылады.

**Дене беткейінің ауданына негізделген немесе өлшенген.

Емдеу қауіпсіздігі мен тиімділігіне клиникалық мұқият бақылау жүргізу ұсынылады.

Бүйрек жеткіліксіздігі кезінде ұсынылатын демеуші дозалар

үздіксіз инфузия түрінде енгізу кезінде:

Дене салмағы 40 кг-ден асатын ересектер мен балалар:

Дозаларды абайлап таңдау және қауіпсіздігі мен тиімділігіне клиникалық мұқият бақылау жүргізу керек.

Салмағы 40 кг-ден аз балалар:

Бүйрек жеткіліксіздігі бар салмағы 40 кг-ден аз балаларда үздіксіз инфузия кезінде цефтазидимнің қауіпсіздігі мен тиімділігі белгіленбеді. Қауіпсіздігі мен тиімділігіне клиникалық мұқият бақылау жүргізу ұсынылады.

Бүйрек функциясының бұзылуымен балаларда үздіксіз инфузия кезінде

креатинин клиренсін дене беткейінің ауданына немесе дененің бұлшықет массасына байланысты түзету керек.

Гемодиализ

Гемодиализ уақытындағы сарысудағы цефтазидимнің жартылай шығарылу кезеңі 3-тен 5 сағатқа дейінді құрайды.

Әрбір гемодиализ сеансынан кейін кестелерде көрсетілген ұсынымдарға сәйкес цефтазидимнің демеуші дозаларын қайталау керек.

Перитонеальді диализ

Цефтазидим перитонеальді диализ және тұрақты амбулаторлық перитонеальді диализ (ТАПД) кезінде пайдаланылуы мүмкін.

Венаішілік қолданғаннан басқа, цефтазидимді диализді ерітіндіге қосуға болады (әдетте 2 л диализді ерітіндіге 125 - 250 мг).

Үздіксіз артерия-веналық гемодиализде немесе қарқынды терапия бөлімшелеріндегі жоғары ағыммен гемофильтрацияда тұрған, бүйрек жеткіліксіздігімен пациенттер үшін: тәулігіне 1 г, бір реттік доза немесе бірнеше қабылдау түрінде. Төмен ағымдарымен гемофильтрация кезінде бүйрек функциясының бұзылуы кезінде ұсынылған дозаларды тағайындау керек.

Вена-веналық гемофильтрацияда және вена-веналық гемодиализде тұрған пациенттер үшін төмендегі кестелерде көрсетілген дозалар ұсынылады.

Үздіксіз вена-веналық гемофильтрация кезінде ұсынылатын дозалар:

Үздіксіз вена-веналық гемодиализ кезінде ұсынылатын дозалар:

1 Демеуші доза әрбір 12 сағат сайын тағайындалады.

Препаратты вена ішілік және бұлшықетішілік енгізу үшін сұйылту

Ұнтақты еріткен кезде көміртектің қостотығы бөлінеді. Еріткішті енгізгеннен кейін, мөлдір ерітінді болу үшін құтыны сілку керек. Препараттың дайын ерітіндісінде көміртек қостотығының шағын көпіршіктері болуы мүмкін.

Алынған ерітінді ақшыл сарыдан күңгірт сары түске дейін болуы мүмкін. Егер препаратты барлық ұсынылған сұйылту ережелері сақталса, онда оның тиімділігі алынған ерітіндінің түсіне байланысты емес.

Вена ішіне тамшылатып енгізу үшін бастапқы ерутіден кейін алынған Денизид препаратының ерітіндісін вена ішіне енгізуге арналған 50-100 мл келесі ерітінділердің біреуінде қосымша сұйылтады: 0,9% натрий хлориді ерітіндісі, Рингер ерітіндісі, 5%, 10% глюкоза (декстроза) ерітіндісі, 0,9% натрий хлориді ерітіндісі 5% глюкоза (декстроза) ерітіндісі. Тамшылатып енгізу үшін жаңа дайындалған ерітіндіні ғана пайдалану керек!

Бұлшықет ішіне енгізу үшін цефтазидимді лидокаин гидрохлоридінің 0,5% немесе 1% ерітіндісімен сұйылтуға болады. Лидокаинді педиатриялық тәжірибеде еріткіш ретінде пайдаланбайды!

Бірлі-жарым жағдайлардан гөрі жиірек кездескен жағымсыз реакциялар келесі градацияға сәйкес тізбеленген: өте жиі (≥10 %); жиі (≥1 %, 10 %); кейде (≥0,1 %, 1 %); сирек (≥0,01 %, 0,1 %); өте сирек (0,01 %), жиілігі белгісіз (реакцияның пайда болу жиілігін қолда бар деректер бойынша бағалау мүмкін емес).

Денизидтің әдетте жағымдылығы жақсы. Клиникалық сынақтарда препаратты қолданумен байланысты жағымсыз әсерлердің жиілігі төмен болды.

Жиі

– эозинофилия және тромбоцитоз

– флебит немесе препарат енгізген орындағы тромбофлебит

– диарея

– бір немесе бірнеше бауыр ферменттері деңгейінің транзиторлы жоғарылауы, макулопапулезді бөртпе

– есекжем

– инъекция орнының ауыруы және/немесе қабынуы

– Кумбс оң тесті

Сирек

– кандидоз (вагинит және афтозды стоматитті қоса)

– бас айналу

– бас ауыру

– лейкопения

– нейтропения

– тромбоцитопения

– жүрек айну

– құсу

– іштің ауыруы

– колит

– қызба

– қан мочевинасы, азот және / немесе креатинин мөлшерінің қандағы транзиторлық ұлғаюы

Өте сирек

– интерстициальді нефрит

– жедел бүйрек жеткіліксіздігі

Белгісіз

– агранулоцитоз

– гемолиздік анемия

– лимфоцитоз

– анафилаксиялар (бронх түйілуін және/немесе гипотензияны қоса)

– неврологиялық асқынулар

– парестезия

– дәмнің бұзылуы

– сарғаю

– уытты эпидермалық некролиз

– Стивенс-Джонсон синдромы

– эритема

– ангионевроздық ісіну

– эозинофилия және жүйелі симптомдармен дәрілік препаратқа реакция

– цефтазидимге, сондай-ақ басқа цефалоспориндік антибиотиктерге, пенициллиндерге немесе басқа бета-лактамдық антибиотиктерге және карбапенемдерге жоғары сезімталдық.

Cақтықпен: бүйрек жеткіліксіздігі, жүктілік, жаңа туылған кезең, анамнездегі колит, мальабсорбция синдромы бар пациенттер (протромбин белсенділігінің төмендеу қаупі жоғары, әсіресе бүйрек және/немесе бауырдың айқын жеткіліксіздігі бар адамдарда), лактация кезеңі.

Денизид аминогликозидтермен, гепаринмен, ванкомицинмен фармацевтикалық тұрғыда үйлеспейді. Натрий гидрокарбонаты ерітіндісін еріткіш ретінде пайдалануға болмайды. "Ілмекті" диуретиктер, аминогликозидтер, ванкомицин, клиндамицин клиренсті төмендетеді, соның нәтижесінде нефроуытты әсерінің қаупі артады. Бактериостатикалық антибиотиктер (оның ішінде хлорамфеникол) препараттың әсерін төмендетеді.

Егер 4 мг/мл концентрациядағы цефтазидимді келесі ерітінділерге қосатын болса, екі компонент те белсенділігін сақтайды: 1 мг/мл гидрокортизон (гидрокортизон натрий фосфаты) 0.9% натрий хлориді ерітіндісінде немесе 5% декстроза ерітіндісінде; 3 мг/мл цефуроксим (натрий цефуроксимі) 0.9% натрий хлориді ерітіндісінде; 4 мг/мл клоксациллин (натрий клоксациллині) 0.9% натрий хлориді ерітіндісінде; 10 ХБ/мл немесе 50 ХБ/мл гепарин 0.9% натрий хлориді ерітіндісінде; калий хлориді 10 мЭк/л немесе 40 мЭк/л 0.9% натрий хлориді ерітіндісінде. Цефтазидим ерітіндісі (1.5 мл инъекцияға арналған суға 500 мг) және метронидазолды (500 мг/100 мл) араластырғанда екі компонент те өзінің белсенділігін сақтайды.

Басқа дәрілік заттармен өзара әрекеттесуі бойынша зерттеулер пробенецидпен және фуросемидпен жүргізілді. Цефтазидим және нефроуытты препараттарының жоғары дозаларын бір мезгілде енгізу бүйрек функциясына жағымсыз әсер етуі мүмкін.

Хлорамфеникол in vitro цефтазидим және басқа да цефалоспориндер антагонисі болып табылады. Бұл құбылыстың клиникалық мәні белгісіз, алайда, егер цефтазидимді хлорамфениколмен бір мезгілде қолдану ұсынылса, антагонизм мүмкіндігін ескерген жөн.

Цефтазидимге аллергиялық реакциялар дамуында препаратты дереу тоқтату керек. Аса жоғары сезімталдық реакциялары дамыған кезде адреналин (эпинефрин), гидрокортизон, антигистаминдік препараттар қолдану және басқа да шұғыл іс-шараларды жүргізу көрсетіледі.

Цефалоспориндерді жоғары дозада аминогликозидтер және диуретиктер (фуросемид) сияқты нефроуытты препараттармен бір мезгілде тағайындағанда бүйрек функциясын бақылау қажет. Алайда Денизид емдік дозаларда бүйрек функциясын бұзатын деректер жоқ. Цефтазидим бүйрекпен шығарылатын болғандықтан, бүйрек жеткіліксіздігі бар пациенттерде препараттың дозасын бүйрек функциясының бұзылу дәрежесіне сәйкес азайту керек.

Әсер ету ауқымы кең антибиотиктерді, оның ішінде Денизидті ұзақ қолдану сезімтал емес микроорганизмдер (мысалы, Candida, Enterococcus spp.) өсуінің ұлғаюына әкелуі, бұл ретте емдеуді тоқтату немесе тиісті ем жүргізу қажет болуы мүмкін. Емдеген кезде науқастың жай-күйіне үнемі баға беріп отыру қажет.

Денизидпен емдеген кезде бастапқыда кейбіреулерде сезімтал Enterobacter spp. және Serratia spp штаммдарына төзімділік дамуы мүмкін. Сондықтан, егер қажет болса, емдеу барысында антибиотиктерге сезімталдыққа мерзімдік зерттеу жүргізіп отырған жөн.

Цефтазидим несепте глюкозаны анықтаудың ферментативтік әдістері нәтижелеріне әсер етпейді, бірақ мысты қалпына келтірумен тестілердің (Бенедикт, Фелинг, Клинитест) нәтижелеріне аздаған дәрежеде әсер етуі ықтимал.

Цефтазидим креатининді сілтілі-пикратты әдіспен анықтау нәтижесіне әсер етпейді.

Жалған жарғақшалы колит

Жалған жарғақшалы колит цефтазидимді қоса, көптеген бактерияға қарсы дәрілік заттарды қолданудан туындауы мүмкін. Мұндай жағымсыз әсердің пайда болу ауырлығы жеңіл дәрежесіндегі диареядан бастап өмірге қауіп төндіретін колитке дейін ауытқып тұрады. Сондықтан, бұл диагнозды диареясы бар пациенттерде цефтазидимді енгізу кезінде және одан кейін қарастырудың маңызы зор. Clostridium туындатқан колитті спецификалық емдеу үшін цефтазидимді тоқтату мәселесін қарастыру ұсынылады. Асқазан-ішек жолы жиырылуын бәсеңдететін дәрілік препараттарды қолданбаған жөн.

Натрий құрамы

Денизид ингредиенттерінің бірі туралы маңызды ақпарат:

1 құты Денизид, инъекция үшін ерітінді дайындауға арналған 1000,0 г ұнтақтың құрамында 52 мг натрий бар.

Мұны натрий бақыланатын диета ұстанатын пациенттер ескеруі керек.

Жүктілік және лактация кезеңі

Эмбриоуытты және тератогенді әсер етуінің эксперименттік дәлелденуі айқындалмаған, бірақ басқа да препараттар секілді, оны жүктіліктің I триместріндегі әйелдер мен емшек жасындағы балаларға сақтықпен тағайындаған жөн. Цефтазидим аздаған мөлшерде емшек сүтіне өтеді, сондықтан оны бала емізу кезеңінде сақтықпен тағайындау керек.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Препараттың жағымсыз әсерлерін (бас ауыру, бас айналу) ескере отырып, автокөлікті жүргізгенде және басқа да қауіптілігі зор механизмдерді басқарғанда сақ болу керек. Қауіптілігі зор әрекет түрлерімен шұғылдану мүмкіндігі туралы мәселені пациенттің препаратқа жеке реакциясына баға бергеннен кейін ғана емдеуші дәрігер шешеді.

Симптомдары: неврологиялық бұзылулар (оның ішінде энцефалопатия, құрысулар, кома).

Емі: симптоматикалық және демеуші ем жүргізу. Қан сарысуында цефтазидимнің концентрациясы гемодиализ немесе перитонеальді диализ жүргізгенде төмендеуі мүмкін.

Шығарылу түрі және қаптамасы

1 г препараттан (сусыз цефтазидимге шаққанда) түссіз шыныдан жасалған, резеңке тығындармен тығыздап жабылған және үстінде пластмасса қалпақшасы бар алюминий қалпақшалармен қаусырылған құтыларға салынады.

Құтыға өздігінен желімделетін қағаз заттаңба жапсырылады.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Құрғақ, жарықтан қорғалған жерде, 25 оС -ден аспайтын температурада сақтау керек.

Қалпына келтірілген ерітінді 25 оС-ден аспайтын температурада және 2 оС-ден 8 оС-ге дейінгі температурада 24 сағат бойы тұрақты.

Келесі ерітінділерде:

• инъекцияға арналған су

• 0,9% натрий хлориді ерітіндісі

• 10% глюкоза ерітіндісі

• 10% декстрандар ерітіндісі

• натрий лактаты ерітіндісі

сұйылту/араластырудан кейінгі физикалық-химиялық тұрақтылығы 25 оС -ден аспайтын температурада 4 сағат бойы немесе 2 оС-ден 8 оС-ге дейінгі температурада 24 сағат бойы екендігі анықталды.

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Рецепт арқылы

Өндіруші

Swiss Parenterals Ltd., Үндістан

402, 412-414, Kerala industrial Estate, Bavla, Ahmedabad - 382220, GIDC, India

DENI & HEMI FZ-LLC, БАӘ

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Дени энд Хеми» өкілдігі –Алматы, Қазақстан,

050000, Қазақстан Республикасы, Алматы қ., Назарбаев д-лы, 118, 3-кеңсе

тел./факс: +7 (727) 3900375

электронды поштасы: regulatory@deniandhemi.com