Делорикс

Делорикс

Дезлоратадин

Дәрілік түрі, дозалануы

Таблеткалар 5 мг

Респираторлық жүйе. Жүйелі әсер ететін антигистаминдік препараттар. Жүйелі әсер ететін басқа антигистаминдік препараттар. Дезлоратадин

АТХ коды: R06AX27

- маусымдық поллиноз және аллергиялық ринит (түшкіруді, мұрыннан шығатын шырыштың бөлінуін, мұрынның қышынуы мен бітелуін, көздің қышынуы мен қызаруын, жас ағуды, таңдайдың қышынуын жою немесе жеңілдету);

- есекжем (терінің қышынуы мен бөртпені азайту немесе жою).

Қолдануды бастағанға дейінгі қажетті мәліметтер тізбесі

- әсер етуші затқа немесе 6.1. бөлімде көрсетілген қосымша заттардың кез келгеніне аса жоғары сезімталдық

- 18 жасқа дейінгі балалар

- жүктілік және лактация кезеңі.

Қолдану кезінде қажетті сақтық шаралары

Қатысты емес.

Басқа дәрілік препараттармен өзара әрекеттесуі

Дезлоратадинді кетоконазолмен, эритромицинмен, азитромицинмен, флуоксетинмен, циметидинмен көп рет бірге қолданған кезде дәрілік өзара әрекеттесуін зерттеу кезінде плазмадағы дезлоратадин концентрациясында клиникалық елеулі өзгерістер анықталған жоқ.

Дезлоратадин алкогольдің орталық жүйке жүйесіне әсерін күшейтпейді.

Арнайы сақтандырулар

Ауыр бүйрек жеткіліксіздігі бар пациенттерде сақтықпен қолдану керек.

Жүктілік немесе лактация кезінде

Препаратты жүктілік кезеңінде қолдану қауіпсіздігі анықталмаған, сондықтан жүктілік кезеңінде Делориксті қолдану ұсынылмайды. Дезлоратадин емшек сүтіне өтеді, сондықтан Делориксті қолдану кезеңінде емшек емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Делорикс автомобильді басқару және психомоторлық реакциялардың жоғары жылдамдығын қажет ететін жұмыстарды орындау қабілетіне әсер етпейді. Бірақ пациенттерге өте сирек жағдайда ұйқышылдықтың пайда болуы мүмкіндігі туралы хабарлау керек.

Қолдану жөніндегі нұсқаулар

Дозалау режимі

Ересектерге: тәулігіне 1 рет 1 таблеткадан (5 мг).

Енгізу әдісі және жолы

Делориксті тамақтануға қарамастан судың аздаған мөлшерін іше отырып ішке қабылдайды.

Емдеу ұзақтығы

Емдеу курсы мен қабылдау ұзақтығы аурудың сипатымен анықталады. Маусымдық поллинозды емдеу кезінде симптомдар жоғалғаннан кейін препаратты қабылдауды тоқтатады.

Артық дозалану жағдайында қабылдау қажет болатын шаралар

Симптомдары: жағымсыз реакциялар айқындығының күшеюі.

Емі: артынан белсендірілген көмірді қабылдаумен асқазанды шаю, қажет болған жағдайда – симптоматикалық ем. Гемодиализ тиімсіз. Перитонеальді диализдің тиімділігі анықталған жоқ.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Дәрілік препаратты қолданар алдында дәрігердің немесе фармацевттің кеңесіне жүгініңіз

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Әдетте дезлоратадин көтерімділігі жақсы, бірақ кейде жағымсыз әсерлер пайда болуы мүмкін.

Препараттың жағымсыз реакциялары жиілігі бойынша орналасқан: өте жиі (≥ 1/10); жиі (≥ 1/100, <1/10); жиі емес (≥ 1/1000, ≤ 1/100) сирек (≥ 1/10000, ≤ 1/1000); өте сирек (≤ 1/10000), белгісіз (қолда бар деректердің негізінде бағалау мүмкін емес).

Жиі

- бас ауыруы

- ауыздың құрғауы

- қатты шаршау

Өте сирек

- елестеулер

- бас айналуы, ұйқышылдық, ұйқысыздық, психомоторлық жоғары белсенділік, құрысулар

- тахикардия, жүректің қатты соғуы

- диарея, іштің ауыруы, жүрек айнуы, құсу, диспепсия

- бауыр ферменттері белсенділігінің жоғарылауы, билирубин деңгейінің жоғарылауы, гепатит

- миалгия

- аса жоғары сезімталдық реакциялары (анафилаксияны, ангионевроздық ісінуді, ентігуді, қышынуды, бөртпені, есекжемді қоса)

Белгісіз:

- салмақтың артуы, астения

- сарғаю, фотосезімталдық

- талапқа сай емес мінез-құлық, озбырлық

- QT аралығының ұзаруы.

Балалар: постмаркетингтік кезең ішінде балалардағы QT аралығының ұзаруы, аритмия, брадикардия, ерекше мінез-құлық және озбырлық сияқты басқа да жағымсыз әсерлер туралы хабарланған.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында:

белсенді зат – 5.00 мг дезлоратадин,

қосымша заттар: микрокристалды целлюлоза (түйіршіктелген), микрокристалды целлюлоза, натрий крахмалы гликоляты А, магний стеараты, темірдің (III) қызыл тотығы (Е 172).

Сыртқы түрінің, иісінің, дәмінің сипаттамасы

Дөңгелек пішінді, екі беті дөңес, қызғылт түсті, бір жағында сызығы бар, диаметрі 7 мм таблеткалар.

Шығарылу түрі және қаптамасы

10 таблеткадан OPA/AL/PVC және алюминий фольгадан жасалған пішінді ұяшықты қаптамаға салынған.

1 немесе 3 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

4 жыл

Жарамдылық мерзімі өткеннен кейін қолдануға болмайды.

25ºС-ден аспайтын температурада сақтау керек.

Рецепт арқылы

Өндіруші туралы мәліметтер

Saneca Pharmaceuticals a.s.,

Нитрианска 100, 92027, Глоговец, Словакия Республикасы

Телефон, факс: +421 33 736 1111

Е-mail: info@saneca.com

Тіркеу куәлігінің ұстаушысы

Ксантис Фарма Лтд,

Lemesou, 5, EUROSURE TOWER, 1st floor, Flat/Office 101, 2112, Никосия, Кипр

Телефон, факс: +35722205976

Е-mail: info@xantispharma.net

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасы "ННЦ Фармаконадзора" АКЕҰ өкілдігі:"Интер-Фармасьютикал" ЖШС

483110 Қазақстан Республикасы, Қаскелен қ., Бокин к-сі, 58

Тел.: 8-800-777-86-04, сайт www.drugsafety.ru

E-mail: adversereaction@drugsafety.ru