Далацин® Ц Фосфат (600 мг/4 мл)

МНН: Клиндамицин
Производитель: Пфайзер Мануфактуринг Бельгия Н.В.
Анатомо-терапевтическо-химическая классификация: Clindamycin
Номер регистрации в РК: № РК-ЛС-5№015913
Период регистрации: 22.04.2015 - 22.04.2020

Инструкция

Саудалық атауы

Далацин® Ц фосфат

Халықаралық патенттелмеген атауы

Клиндамицин

Дәрілік түрі

Инъекцияға арналған ертінді, 300мг/2мл, 600мг/4мл

Құрамы

1 мл ерітіндінің құрамында

белсенді зат - 210 мг клиндамицин фосфаты (150мг клиндамицинге баламалы),

қосымша заттар: 9,0 мг бензил спирті, 0,5 мг динатрий эдетаты, натрий гидроксиді, иньекцияға арналған су.

Сипаттамасы

Мөлдір түссіз ерітінді

Фармакотерапиялық тобы

Жүйелі пайдалануға арналған бактерияларға қарсы препараттар. Макролидтер, линкозамидтер және стрептограминдер. Линкозамидтер. Клиндамицин.

АТХ коды J01FF01

Фармакологиялық қасиеттері

Фармакокинетикасы

Сіңуі

300 мг немесе 600 мг клиндамицин фосфатын бұлшықет ішіне енгізгеннен кейін препараттың сәйкесінше 4,9 мкг/мл және 5,5 мкг/мл құрайтын қан плазмасындағы ең жоғары концентрациясына 2-3 сағаттан кейін жетеді.

600 мг препаратты көктамырішілік инфузиялаудан кейін препараттың 8,07 мкг/мл құрайтын ең жоғары концентрациясына 20 минут ішінде жетеді.

Таралуы

Клиндамициннің жартылай шығарылу кезеңі 1,5-2 сағат құрайды. Клиндамицин организмнің көптеген тіндері мен сұйықтықтарына жақсы өтеді. Сүйек тінінде препарат концентрациясы сарысулық концентрациясынан шамамен 40 % (20–75 %), ана сүтінде 50–100 %, синовиальді сұйықтықта 50 %, қақырықта 30–75 %, перитонеальді сұйықтықта 50 %, ұрық қанында 40 %, іріңде 30 %, плевралық сұйықтықта 50–90 % құрайды.

Клиндамицин тіпті менингит жағдайында да гематоэнцефалдық бөгет арқылы өтпейді.

Енгізілген препараттың 95 % плазма ақуыздарымен байланысады.

Метаболизмі

Клиндамицин несеппен және өтпен шығарылатын N-деметилклиндамицин және клиндамицин сульфоксидіне дейін бауырда метаболизденеді.

Шығарылуы

Белсенді түрінде организмнен препараттың бүйректермен 10 %-20 %, нәжіспен - 4% шығарылады. Қалған мөлшері белсенсіз метаболиттер түрінде негізінен өтпен және нәжіспен шығарылады.

Фармакодинамикасы

Далацин® Ц фосфат препаратының белсенді заты микробқа қарсы белсенділігімен жартылай синтетикалық зат клиндамицин болып табылады ол 7-(R)-гидроксильді топтың 7- (S)-хлорға алмасуымен линкомициннен түзіледі.

Оның клиндамицин микроорганизмдері ақуызының синтезіне әсерінің салдарынан күшті микробқа қарсы белсенділік иеленген. Микроорганизмнің сезімталдығына және препаратының концентрациясына байланысты клиндамицин бактерицидті немесе бактериостатикалық әсер етеді.

Кландимицин in vitro келесі микроорганизмдерге қатысты белсенді:

  • Аэробты грамоң кокктар, төмендегілерді қоса:

    • Staphylococcus aureus

    • Staphylococcus epidermidis (пенициллиназаны өндіретін және өндірмейтін штаммдар). Іn vitro зерттеулер жүргізгенде эритромицинге төзімді кейбір стафилококктық штаммдардың клиндамицинге төзімділігінің жылдам дамуы байқалған.

    • Streptococci (Streptococcus faecalis-тен басқасы)

    • Pneumococci

  • анаэробты грамтеріс бациллалар, төмендегілерді қоса:

    • Bacteroides species (B.fragilis тобын қоса және B.melaninogenicus тобын қоса)

    • Fusobacterium species

  • спора түзбейтін анаэробты грамоң бациллалар, төмендегілерді қоса:

    • Propionibacterium

    • Eubacterium

    • Actinomyces species (оның ішінде А.israelii)

  • анаэробты және микроаэрофильді грамоң кокктар, төмендегілерді қоса:

    • Peptococcus species

    • Peptostreptococcus species

    • Microaerophilic streptococci

    • Clostidia: клостридиилер басқа көптеген анаэробтарға қарағанда клиндамицинге үлкен төзімділік танытады. Көптеген Clostridium perfringens клиндамицинге сезімтал, бірақ басқа түрлер мысалы, C.sporogenes пен C.tertium сияқтылар, көп жағдайда клиндамициннің әсеріне төзімді. Сондықтан сезімталдыққа сынамалар алуды жүргізіп отыру қажет.

  • жасушаішілік организмдер, Chlamidia trachomatis, Toxoplasma gondii, Plasmodium falciparum және Pneumocystis jiroveci (carinii) (примахинмен үйлестіріп), Gardnerella vaginalis, Mobiluncus mulieris, Mobiluncus curtisii, Mycoplasma hominis қоса.

    Әдетте клиндамицинге мына организмдер төзімді:

    • аэробты грамтеріс бациллалар

    • Streptococcus faecalis

    • Nocardia species

    • Neisseria meningitidis

    • метициллин-төзімді штаммдар Staphylococcus aureus пен Haemophilus influenzae штаммдары

    Линкомицин мен клиндамициннің арасында айқаспалы төзімділік бар. Клиндамицин, эритромицин және құрылымы тектес макролидтер арасында антагонизм бар. Клиндамицин пенициллиндерге қатысты қандай да бір болмасын антагонизм білдірмейді.

Қолданылуы

Клиндамицинге сезімтал микроорганизмдер туғызған ауруларды емдеу:

  • жоғарғы тыныс алу жолдарының жұқпаларында (қайталанған фаринготонзиллит; анаэробты микробтар туғызған созылмалы синусит; кейбір жағдайларда созылмалы іріңді ортаңғы отит жағдайында демеуші ем ретінде)

  • төменгі тыныс алу жолдарының жұқпаларында (аспирациялық пневмония; некроздық пневмония; эмпиема; өкпе абсцессі; өкпенің бактериялық жұқпалары; грамоң кокктар және анаэробты микроорганизмдерді бәсеңдету үшін грамтеріс жұқпаларды емдеу кезінде қосымша препарат ретінде)

  • тері және жұмсақ тіндердің жұқпалы ауруларында

  • сүйек және буындардың жұқпалы ауруларында (остеомиелит, септикалық артрит)

  • кіші жамбас мүшелерінің жұқпалы немесе қабынбалы ауруларында (эндометрит; тубоовариальді абсцесс; сальпингит; Chlamidia trachomatis туғызған цервицит)

  • құрсақ қуысының жұқпалы ауруларында (перитонит; құрсақ қуысының абсцесі)

  • септицемия; эндокардит

  • ауыз қуысының жұқпалары (периодонтальді абсцесс, пародонтит)

  • әдеттегі емді көтере алмайтын АИВ-жұқпамен науқастарда пириметаминмен біріктіріп токсоплазмалық энцефалитте

  • әдеттегі емді көтере алмайтын (сульфадиазинмен) немесе осы емге баламалы жауап байқалмайтын АИВ-жұқтырған науқастарда примахинмен біріктіріп пневмоцистті пневмонияда

  • монотерапия түрінде, сондай-ақ хинин немесе амодиахинмен біріктіріп Plasmodium falciparum туындаған малярияда

Қолдану тәсілі және дозалары

Далацин® Ц фосфат бұлшықет ішіне немесе көктамыр ішіне енгізіледі.

Ересектер

Клиндамицин фосфатының әдеттегі тәуліктік дозасы құрсақішілік жұқпаларды, әйелдерде кіші жамбас ағзаларының жұқпаларын және басқа да елеулі жұқпаларды емдеу үшін әдетте грамтеріс аэробты микроорганизмдерге қарсы антибиотикпен біріктірілімде 2, 3 немесе 4 бірдей дозаларын қабылдағанда 2400-2700 мг құрайды.

Сезімтал микроорганизмдермен туындаған орташа ауырлықпен жұқпаларда , мысалы, 3 немесе 4 бірдей дозалармен енгізілетін тәулігіне 1200–1800 мг төменірек дозаларына клиникалық жауап болуы мүмкін.

4800 мг дейінгі дозалармен ересек емделушілерді нәтижелі емдеу көрсетілген.

Бұлшықет ішіне бір мезгілде 600 мг артық енгізуге болмайды.

Жамбас ағзалары жұқпаларын емдеу

Клиндамицин фосфатын 900 мг дозада әрбір 8 сағатта сәйкес грамтеріс микроорганизмдерге қарсы антибиотикпен (мысалы, келесі әрбір 8 сағатта 1,5 мг/кг дозасымен 2 мг/кг гентамицин) бүйрек функциясы қалыпты емделушілерде көктамыр ішіне енгізу ұсынылады. Препаратты кем дегенде 4 күн ішінде енгізу керек. Ем клиникалық жақсару байқалғаннан кейін тағы 2 күн бойы жалғастырылуы керек. Ары қарай тәулігіне 1800 мг клиндамицин гидрохлоридін пероральді қабылдау керек. Аталған доза 10-нан 14 күнге дейін емнің жалпы кезеңінде бірнеше қабылдауға бөлінуі керек.

3 жастан асқан балалар

Ұсынылған дозасы күніне 3 немесе 4 бірдей дозаларға бөлінген дене салмағына 20-40 мг/кг құрайды.

Бүйрек және/немесе бауыр функциясының бұзылуымен емделушілер

Бүйрек функциясының бұзылуымен емделушілерде дозасын түзетудің қажеті жоқ. Гемодиализ және перитонеальді диализ клиндамицинді қаннан шығару үшін тиімсіз.

Бауыр функциясының орташа немесе елеулі төмендеуімен емделушілерде клиндамициннің жартылай шығарылу кезеңінің ұзаруы байқалды. Егер клиндамицинді әрбір 8 сағатта енгізсе, жинақталуы сирек жүреді. Сондықтан, дозасын төмендетудің қажеті жоқ.

ЖИТС-пен науқастарда Toxoplasma туындатқан энцефалит

Далацин® Ц фосфатының инъекцияға арналған ерітіндісін 600-1200 мг дозада әрбір 6 сағатта 2 апта бойы, ары қарай 300–600 мг әрбір 6 сағатта пероральді қабылдау.

Барлық емдеу курсы әдетте 8–10 апта бойы созылады. Тәулігіне 25 мг-ден 75 мг пириметаминді 8-ден 10 апта бойы пероральді қабылдау керек.

Пириметаминнің жоғарырақ дозаларында тәулігіне 10-нан 20 мг дейін фолий қышқылын қабылдау керек.

ЖИТС-пен науқастарда Pneumocystis jiroveci (carinii) туындаған пневмония

Далацин® Ц фосфатының көктамырішілік инфузияға арналған ерітіндісін 600-ден 900 мг дозада әрбір 6 сағатта немесе Далацин® Ц фосфатының көктамырішілік инфузия түрінде инъекцияға арналған ерітіндісін 900 мг дозада әрбір 8 сағатта.

Малярия

Тәулігіне 20 мг/кг парентеральді ем ретінде кем дегенде 5 күн бойы Сұйылту және инфузия жылдамдығы

Инфузияға арналған ерітіндідегі клиндамицин концентрациясы 18 мг/мл аспауы керек және инфузия жылдамдығы 30 мг/минуттан аспауы керек.

Сағатына 1200 мг асатын препарат енгізілетін көктамырішілік инфузия жасауға болмайды.

Инфузияның дозаға байланысты ұсынылатын жылдамдығы:

Клиндамициннің дозасы

Ерітінді көлемі

Уақыты

300 мг

600 мг

900 мг

1200 мг

50 мл

50 мл

100 мл

100 мл

10 мин

20 мин

30 мин

40 мин

Клиндамицин фосфаты ерітінділерінің сыйымдылығы:

Клиндамицин фосфатының әдеттегі концентрациядағы амикацин сульфаты, азтреонам, цефамандол нафат, натрий цефазолині, натрий цефотаксимі, натрий цефокситині, натрий цефтазидимі, натрий цефтизоксимі, гентамицин сульфаты, нетилмицин сульфаты, пиперациллин және тобрамицин секілді антибиотиктердің біреуі қосылатын 5 % декстрозадағы су және натрий хлоридінің ерітінділеріндегі ерітіндісі 24 сағаттан кем емес уақыт тұрақты болып қалады.

Осы ерітінділердің сыйымдылығы мен тұрақтылығы басқа жағдайлардағы концентрациясына байланысты өзгеруі мүмкін.

Жағымсыз әсерлері

Далацин® Ц фосфатты қолданғанда жағымсыз әсерлері олардың біліну жиілігіне қарай келесі топтарға жіктелген: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1 000-нан < 1/100-ге дейін), өте сирек (< 1/10 000), белгісіз (қолда бар деректер негізінде анықтау мүмкін емес). Кездесу жиілігіне қарай әрбір топта жағымсыз реакциялар олардың күрделілік дәрежесінің төмендеу ретімен берілген.

Өте жиі (≥ 1/10)

- жалған жарғақшалы колит

- тромбофлебит*

- бауыр функциясы биохимиялық көрсеткіштерінің қалыптан ауытқуы

- макулопапулезді бөртпелер

Жиі емес ( ≥ 1/1000-нан < 1/100-ге дейін)

- жүрек айнуы

- диарея

- дисгевзия

- тыныс алудың, жүрек функциясының тоқтап қалуы, гипотония (препаратты көктамыр ішіне өте жылдам енгізген кезде)

- есекжем, көп формалы эритема, тері қышынуы

- инъекция орнында ауыру және абсцестің түзілуі *

Өте сирек (< 1/10 000)

- анафилактикалық шок

- колит

Белгісіз (қолда бар деректер негізінде анықтау мүмкін емес)

- іштің ауыруы

- эозинофилия

- құсу

- вагинальді жұқпа

- нейтропения, лейкопения, агранулоцитоз, тромбоцитопения

- анафилактоидті реакциялар, эозинофилия және жүйелі симптомдарымен дәрілік бөртпелер

- уытты эпидермальді некролиз, Стивенс-Джонсон синдромы, жедел жайылған экзантематозды пустулез (ЖЖЭП), эритродермия, буллезді дерматит, қызылша тәріздес бөртпе

- сарғаю

- жергілікті тітіркену*

*Осындай құбылыстардың пайда болу жиілігі препаратты терең бұлшықет ішіне енгізгенде және ұдайы көктамырішілік катетерлерді мүмкіндігінше сирек қолданғанда азаяды.

Қолдануға болмайтын жағдайлар

- клиндамицинге, линкомицинге немесе препараттың қандай да бір компонентіне жоғары сезімталдық

- жұқпалы менингит

- эритромицинмен немесе басқа да құрылымы тектес макролидтермен бір мезгілде қабылдау

- ішек перистальтикасын төмендететін препараттармен бір мезгілде қабылдау

- 3 жасқа дейінгі балалар

- лактация кезеңі

Сақтықпен:

- бұрын да болған асқазан-ішек аурулары

- жүйке-бұлшықеттік берілуді бөгейтін препараттармен бір мезгілде қолдану

- бауыр немесе бүйрек функциясының ауыр бұзылулары

Дәрілермен өзара әрекеттесуі

Келесі препараттар инфузияға арналған ерітіндідегі Далацин® Ц фосфат препаратымен физикалық сыйымсыз: ампициллин, натрий фенитоины, барбитураттар, аминофиллин, кальций глюконаты, магний сульфаты, натрий цефтриаксоны, ципрофлоксацин.

Клиндамицин, эритромицин және құрылымды тектес макролидтер арасында in vitro антагонизм байқалатыны анықталған. Аталған антагонизм клиникалық мәнді болуы мүмкін болғандықтан, осы екі препаратты бір мезгілде енгізуге болмайды.

Клиндамицин жүйке бұлшықеттік берілісті бұзатын болғандықтан, ол басқа да шеткергі әсерімен миорелаксанттардың әсерін күшейтуі мүмкіндігі анықталған. Сондықтан, ол осы топтағы препараттарды қабылдайтын науқастарда сақтықпен қолданылуы керек.

К витаминінің антагонистері

Клиндамицинді К витаминінің антагонистерімен (мысалы, варфаринмен, аценокумаролмен және флуиндионмен), бір мезгілде қолданғанда қанның ұю қабілетін сипаттайтын көрсеткіштердің (протромбиндік уақыт (ПУ) және халықаралық қалыптастырылған қасиеттің (ХҚҚ)), және/немесе қан кетудің жоғарылауы байқалған. Осыған байланысты, К витаминінің антагонистерімен ем қабылдайтын емделушілерде, коагуляциялық тестілердің нәтижесіне жиі мониторингілеу жүргізу керек.

Айрықша нұсқаулар

Далацин® Ц фосфатын сұйылтылмаған түрінде бір мезгілде көктамыр ішіне енгізуге болмайды.

Енгізуді 10-60 минуттан кем емес уақыт ішінде жүргізу керек.

Далацин® Ц фосфат инъекцияға арналған ерітіндісінің құрамында бензил спирті бар. Бензил спиртінің күні жетпей туған жаңа туғандарда фатальді асфиксия синдромын және 3 жасқа дейінгі балаларда анафилактоидты, уытты реакциялар туындатуы мүмкіндігі туралы хабарлар бар. Уытты реакция туындатуы мүмкін бензил спиртінің мөлшері белгісіз.

Далацин® Ц фосфатты қоса, барлық бактерияларға қарсы препараттарды қолданғанда өмірге қауіп төндіретінге дейін әртүрлі дәрежедегі ауырлықтағы жалған жарғақшалы колит жағдайлары байқалған. Сондықтан диареяның барлық жағдайларында бактерияларға қарсы препараттарды қолданғаннан кейін аталған асқынудың даму мүмкіндігін қарастыру керек.

Бактерияларға қарсы препараттар ішектің қалыпты флорасын басады, ол клостридийлердің күшті өсуіне ықпал етуі мүмкін. Clostridium difficile associated diarrhoea (CDAD) өндірілетін А және В уыттары антибиотиктермен емдеумен байланысты колиттің негізгі себебі болып табылатыны дәлелденген. Токсиннің аса жоғары өндірілуімен difficile штаммдары ауру мен өлім жағдайларының жоғарылауын туындатады, өйткені бұл жұқпа микробқа қарсы емге төзімді болуы және колэктомия қажет болуы мүмкін. CDAD даму қаупін антибиотиктерді қабылдағаннан кейін барлық диареямен емделушілерде ескеру керек. Колиттің бұл түрі сулы диареяның жеңіл дәрежесімен сипатталады, ол өз кезегінде нәжісте қан мен шырыштың болуымен жүретін елеулі созылмалы диарея, лейкоцитоз, қызба, іштегі елеулі түйілулер секілді жағдайлардың дамуына әкелуі мүмкін.

Ары қарай емдеусіз перитонит, шок және уытты мегаколон дамуы мүмкін. Далацин® Ц фосфат препаратын қабылдаумен туындаған колит емді тоқтатқаннан кейін 2-3 апта ішінде дамуы мүмкін. CDAD жағдайлары бактерияға қарсы препараттарды қабылдағаннан кейін екі ай ішінде тіркелгендіктен, мұқият медициналық сыртартқысын жинау керек. Жалған жарғақшалы колит диагнозын қойғаннан кейін келесі шараларды жүргізу керек: жеңіл ағымы жағдайында әдетте бактерияға қарсы дәріні қабылдауды тоқтату жеткілікті; арташа ауырлықтағы және ауыр жағдайларда сұйықтықтар, электролиттер, ақуыздарды енгізуді қарастыру және Clostridium difficile қатысты тиімді бақтерияға қарсы препаратты тағайындау керек. Далацин® Ц фосфатты қоса, бактерияға қарсы дәрілерді қабылдауда Clostridium difficile туындаған орташа дәрежедегі диареядан өліммен аяқталатын колитке дейін байқалатын диарея туралы хабарланды. Антибиотикпен туындаған колитті диагностикалауды әдетте клиникалық симптомдар негізінде жүргізеді. Диагноз жалған жарғақшалы колитті эндоскопиялық растау және нәжісте Clostridium difficile және уыттарын анықтау көмегімен расталуы мүмкін.

Ішектің перистальтикасын төмендететін дәрілік препараттарды қолданудан аулақ болу керек.

Далацин® Ц фосфат препаратын менингитті емдеу үшін тағайындауға болмайды, өйткені клиндамицин гематоэнцефалдық бөгет арқылы нашар өтеді.

Клиндамицин мен эритромицин арасындағы антогонизм in vitro айғақталған. Болуы мүмкін клиникалық мәнділігінің себебінен екі препаратты бір мезгілде қолдануға болмайды. Егер ем ұзақ уақыт бойы жүргізілсе, мезгіл-мезгіл бауыр және бүйрек функциясына тексеру жүргізу керек.

Далацин® Ц фосфат препаратын қоса, бактерияға қарсы дәрілерді қолданғанда аталған препаратқа сезімтал емес микроорганизмдер, әсіресе ашытқы тәрізді зеңдердің шамадан тыс өсуі мүмкін.

Далацин® Ц фосфат препаратын бастан өткерген асқазан-ішек ауруларымен, атап айтсақ колитпен емделушілерге сақтықпен тағайындау керек. Антибиотикпен туындаған колит пен диарея, әлсіреген және/немесе егде жастағы емделушілерде жиі пайда болады және күрделі түрде өтеді.

Елеулі метаболикалық жағдайлармен байланысты бүйрек және/немесе бауырдың елеулі ауруларымен емделушілерде, клиндамицинді сақтықпен енгізу керек. Препараттың жоғары дозасын қабылдау қажет болған жағдайда клиндамициннің сарысулық концентрациясын қадағалау керек.

Клиндамицин жүйке бұлшықеттік берілісті бөгейтін әсер етуі мүмкін болғандықтан, жүйке бұлшықеттік берілісті бөгейтін препараттардың әсері күшеюі мүмкін. Осылайша, осы препараттармен емдеу курсын өтудегі емделушілерде клиндамицинді сақтықпен қолдану керек.

Клиндамицинді К витамині антагонистерімен (мысалы, варфаринмен, аценокумаролмен және флуиндионмен) қабылдаған емделушілерде, қанның ұю қабілетін (ПУ және ХҚҚ) және/немесе қан кетуді сипаттайтын көрсеткіштерінің жоғарылауы байқалды. Осыған байланысты, К витамині антагонистерімен ем алатын емделушілерде, коагуляциялық тест нәтижелеріне жиі мониторинг жасау керек.

Жүктілік және лактация кезеңі

Далацин® Ц фосфаты плацента арқылы өтеді. Препараттың бірнеше дозасын енгізгеннен кейін амниотикалық сұйықтың концентрациясы шамамен ана қанындағы концентрациясының 30% құрайды. Далацин® Ц фосфат препаратын жүкті әйелдерде тек абсолютті көрсетілімдерімен, яғни препаратпен емдеудің әлеуетті пайдасы әлеуетті қаупінен артқан жағдайда ғана қабылдау керек.

Далацин® Ц фосфат 0,7-3,8 мкг/мл концентрацияда ана сүтінен табылады. Бензил спирті плацента арқылы өтеді. Осыған байланысты препаратты лактация кезінде қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Клиндамицин көлік құралын басқару және қауіптілігі зор механизмдермен жұмыс жасау қабілетіне әсер етпейді немесе мардымсыз әсер етеді.

Артық дозалануы

Артық дозалану спецификалық симптомдар туғызбайды

Симптомдары: жағымсыз әсерлерінің күшеюі.

Емі: симптоматикалық және демеуші ем. Гемодиализ және перитонеальді диализ тиімсіз.

Елеулі анафилактикалық реакциялар жағдайында жедел шаралар қолдану керек: эпинефринді (адреналинді), оттегіні және көктамыр ішіне стероидтарды енгізу. Қажет болған жағдайда, сондай-ақ мүмкін интубациямен механикалық желдеткішті қолдану керек.

Шығарылу түрі және қаптамасы

Нейтральді шыныдан жасалған ампулаларға 2,0 мл немесе 4,0 мл препараттан құяды.

Ашуға арналған белгісі және қызыл және жасыл түсті жолағы бар полипропиленнен жасалған контейнерге 1 ампуладан салынған.

1 контейнерден медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25°С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші және қаптаушы

Пфайзер Мануфактуринг Бельгия Н.В.

Рийксвег 12, 2870 Пюрс

Бельгия

Тіркеу куәлігінің иесі

Пфайзер Эйч Си Пи Корпорэйшн, АҚШ

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Пфайзер Эйч Си Пи Корпорэйшн» компаниясының өкілдігі (АҚШ)

Алматы қ-сы, Абылай хан д-лы, 141

тел. (727) 272-27-01

факс (727) 272-04-06

Прикрепленные файлы

448473161477976511_ru.doc 90.5 кб
692004071477977678_kz.doc 124 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники