ДАБИКАРД (150мг) (Дабигатрана этексилат)

ДАБИКАРД

Дабигатран этексилаты

Дәрілік түрі, дозасы

Капсулалар, 150 мг

Қан және қан түзу ағзалары. Тромбозға қарсы препараттар. Тромбиннің тікелей (тура) тежегіштері. Дабигатран этексилаты

АТХ коды В01АЕ07

• келесі қауіп факторларының біреуі немесе бірнешеуі бар жүрекшелердің клапанды емес фибрилляциялары бар науқастарда инсульт пен жүйелі тромбоэмболияның алдын алу: инсульт алу, транзиторлы ишемиялық шабуыл, ≥75 жастағы кезең, жүрек-қантамыр жеткіліксіздігі (Нью-Йорк кардиологиялық қауымдастығының (NYHA) жіктеуіне сәйкес ≥ II класс), қант диабеті, гипертония.

• терең веналар тромбозын және өкпе артериясының тромбоэмболиясын емдеу, сонымен қатар қайталамалы терең веналар тромбозы мен өкпе артериясы тромбоэмболиясының профилактикасы.

Қолданудың басталуына дейін қажетті мәліметтер тізбесі

• белсенді затқа немесе қосымша заттардың кез келгеніне аса жоғары сезімталдық

• бүйрек функциясының ауыр бұзылулары (кретинин клиренсі <30 мл/мин) бар пациенттер

• клиникалық мәнді ауқымды қан кету

• ауқымды қан кетудің елеулі қаупімен байланысты зақымдану немесе жай-күй. Бұрыннан бар немесе таяу уақытта өткерілген асқазан-ішек жолы ойық жарасының болуы, қан кету қаупі жоғары қатерлі жаңа түзілімдердің болуы, таяуда алған ми немесе омыртқа жарақаты, миға немесе жұлынға таяуда жасалған хирургиялық операция немесе офтальмологиялық операция, таяуда болған бассүйек ішіне қан құйылу, белгілі немесе күмән тудыратын өңеш веналарының варикозды кеңеюі, артерия-веналық мальформациялар, тамыр аневризмалары немесе ірі омыртқаішілік немесе миішілік тамыр аномалиялары

• кез келген басқа антикоагулянттарды, оның ішінде, фракцияланбаған гепаринді (ФГ), төмен молекулалық гепариндерді (ТМГ) (эноксапарин, дальтепарин және т.б.), гепарин туындыларын (фондапаринукс және т.б.), пероральді антикоагулянттарды (варфарин, ривароксабан, апиксабан және т.б.) бір мезгілде тағайындау, айрықша жағдайларды, атап айтқанда, орталық веналық немесе артериялық катетерді ұстап тұруға қажетті дозаларда фракцияланбаған гепарин тағайындалатын антикоагулянттық ем ауысуын қоспағанда немесе жүрекшелер фибрилляциясында катетерлік абляция үдерісінде фракцияланбаған гепарин қолдану жағдайларында

• бауыр жеткіліксіздігі немесе тіршілік қабілетіне әсер етуі мүмкін бауыр аурулары

• күшті P-gp тежегіштерін: жүйелі қолдануға арналған кетоконазол, циклоспорин, итраконазол, дронедаронды және глекапревир/пибрентасвир біріктіліген бекітілген дозасын бір мезгілде қолдану («Басқа дәрілік препараттармен өзара әрекеттесуі» бөлімін қараңыз)

• антикоагулянтты ем қажет болатын жүректің протезделген клапанының болуы.

Қолдану кезіндегі қажетті сақтандыру шаралары

Қан кетудің даму қаупі

ДАБИКАРД препараты жоғары қан кету қаупімен сипатталатын жай-күйлерде, сондай-ақ тромбоциттер агрегациясын тежеу арқылы гемостазға әсерін көрсететін дәрілік препараттар бір мезгілде қолданылатын жағдайларда сақтықпен қолданылуы тиіс.

ДАБИКАРД препаратымен ем кезінде әртүрлі жерден қан кету дамуы мүмкін. Гемоглобин және/немесе гематокрит деңгейі түсініксіз түсіп кеткенде немесе артериялық қысым төмендегенде қан кету көзін іздестіру қажет.

Тез кері антикоагуляциялық әсер қажет болатын өмірге қатерлі немесе бақыланбайтын қан кету жағдайларында дабигатранға кері әсер ететін спецификалық агент идаруцизумаб бар.

Ағзадан ДАБИКАРДP препаратын гемодиализ шығара алады.

Пациенттер үшін жаңа алынған қанды немесе жаңа мұздатылған плазманы, қанның ұю факторларының концентраттарын (белсендірілген немесе бенсендірілмеген) немесе рекомбинантты VIIa факторларын қолдану орынды болуы мүмкін немесе тромбоциттер концентраттарын қолдану мүмкін болып табылады («Артық дозалану жағдайында қабылдау қажет болатын шаралар» бөлімін қараңыз).

Зерттеулерде ДАБИКАРД препаратын қолдану асқазан-ішектен ауқымды қан кетулер жиілігінің жоғарылауымен байланыстырылды. Осындай қан кетулердің жоғары қаупі күніне екі рет 150 мг қабылдаған егде жастағыларда (≥75 жас) білінді. Басқа қауіп факторлары (1 кестені де қараңыз) клопидогрел және ацетилсалицил қышқылы (АСҚ) немесе қабынуға қарсы стероидты емес препараттар (ҚҚСП) сияқты тромбоциттер агрегациясының тежегіштерін қолдануды, сондай-ақ эзофагит, гастрит немесе гастроэзофагеальді рефлюкс болуын қамтыды.

Қауіп факторлары

1 кестеде қан кету қаупінің артуына ықпал етуі мүмкін факторлар жинақталған түрде берілді.

1 кесте. Қан кету қаупінің артуына ықпал ететін факторлар.

Дене салмағы <50 кг пациенттер үшін деректер көлемі жеткіліксіз.

Сақтандыру шаралары және қан кету қаупін жою

Қан кету түріндегі асқынуларды қалай жоюға болады («Артық дозалану жағдайында қабылдау қажет болатын шаралар» бөлімін қараңыз).

Пайда және қауіпті бағалау

Ауқымды қан кету қаупін едәуір арттыратын зақымдануларда немесе жай-күйлерде, сондай-ақ осы қауіпті арттыратын емшаралар жасалғанда және/немесе дәрі-дәрмектік ем жүргізілгенде (мысалы, ҚҚСП, антиагреганттармен, СКҚСТ немесе СНКҚСТ емі) пайдасы мен қаупін мұқият бағалау қажет болады. ДАБИКАРД препаратын оны қолданудың пайдасы қан кету қаупінен басым жағдайларда ғана қолдану керек.

Мұқият клиникалық қадағалау

Емдеу кезеңі бойына, әсіресе, бірнеше қауіп факторлары бір мезгілде болғанда қан кету немесе анемия белгілерін анықтау үшін мұқият қадағалау ұсынылады. ДАБИКАРД препаратын верапамил, амиодарон, хинидин немесе кларитромицинмен (P-gp тежегіштері) бір мезгілде қолданғанда, әсіресе, қан кету туындаған жағдайларда, атап айтқанда, ауырлығы жеңіл және орташа дәрежедегі бүйрек функциясының бұзылулары бар пациенттерде сақтық таныту қажет («Басқа дәрілік препараттармен өзара әрекеттесуі» бөлімін қараңыз).

Препаратты ҚҚСП-мен бір мезгілде қолданғанда болуы мүмкін қан кету белгілерін анықтау үшін пациентті мұқият қадағалауға кеңес беріледі («Басқа дәрілік препараттармен өзара әрекеттесуі» бөлімін қараңыз).

ДАБИКАРД препаратымен емдеуді тоқтату

Бүйректің жедел жеткіліксіздігі дамыған жағдайда пациенттер ДАБИКАРД препаратын қабылдауды тоқтатуы тиіс («Қолдануға болмайтын жағдайлар» бөлімін қараңыз).

Ауыр қан кету дамыған жағдайда емдеуді тоқтатып, қан кету себебін анықтау және кері әсер ететін спецификалық агент идаруцизумаб қолдану мүмкіндігін қарастыру қажет. Ағзадан ДАБИКАРДP препаратын гемодиализ шығара алады.

Дозаны азайту

Дозаны азайту «Дозалау режимі» бөліміне сәйкес орындалады.

Протон помпасының тежегіштерін қолдану

Асқазан-ішектен қан кетуді болдырмау үшін протон помпасының тежегіштерін қолдануды қарастыру керек.

Коагуляцияның зертханалық параметрлері

ДАБИКАРД препаратымен емдеу антикоагулянттық мониторинг өткізуді талап етпейді. Алайда, дабигатран қолдану себебінен болған антикоагуляция деңгейін өлшеу қосымша қауіп факторлары аясында дабигатранның организмге қарқынды әсерінен сақтануға көмектесуі мүмкін.

Тромбин уақытының тестін (бТУ), экариндік ұю уақытын (ЭҰУ) және ішінара белсендірілген тромбопластин уақытын (ІБТУ) анықтау кезінде пайдалы ақпарат алуға болады, алайда, талдау рәсімдерінің нәтижелерін параметрлер арасындағы өзгергіштікке орай абайлап түсіндіру керек. ХҚҚ талдауы ДАБИКАРД препаратын қабылдаған пациенттерде сенімсіз нәтижелер береді; оны жүргізу кезінде жалған оң нәтижелер алынды (жоғары көрсеткіштер бекітілді). Осыған орай, ХҚҚ анықтамасын жүргізуге болмайды.

2 кестеде жоғары қан кету қаупімен салыстырылуы мүмкін препараттың ең төмен концентрациясы деңгейінде қан ұюына жасалған талдау нәтижелері үшін шектік мәндер беріледі.

2 кесте. Жоғары қан кету қаупімен салыстырылуы мүмкін препараттың ең төмен концентрациясы деңгейінде қан ұюына жасалған талдау нәтижелерінің шектік мәндері.

Жедел ишемиялық инсультті емдеу үшін фибринолиздік дәрілер қолдану

Егер пациенттің бТУ, ЭҰУ немесе ІБТУ көрсеткіштері зертханада қолданылатын референтті мәндер диапазонына сәйкес қалыптың жоғарғы шегінен асып кетпесе, жедел ишемиялық инсультті емдеу үшін фибринолиздік дәрілер қолдануға болады.

Хирургиялық операциялар және араласулар

Қан кетудің жоғары даму қаупіне байланысты, инвазиялық емшаралар немесе хирургиялық операциялар жасар алдында ДАБИКАРД препаратын қабылдау уақытша тоқтатылуы тиіс.

Пациенттер кардиоверсия кезінде ДАБИКАРД препаратын қабылдауды жалғастыра алады. Жүрекшелер фибрилляциясында катетерлік абляция жасалатын пациенттерде ДАБИКАРД препаратымен (күніне екі рет 150 мг) емдеуді тоқтату қажет болмайды («Дозалау режимі» бөлімін қараңыз).

Операциялық араласуларға байланысты емдеуді уақытша тоқтату кезінде сақ болу керек, ондай жағдайларда ұю жүйесінің жай-күйін мониторингтеу ұсынылады. Бүйрек жеткіліксіздігі бар пациенттерде дабигатран клиренсі артуы мүмкін. Бұл кез келген емшара тағайындалғанда ескерілу қажет. Ондай жағдайларда қан ұюына талдау жасау гемостаздың қалыпқа түскен-түспегенін анықтауға көмектесе алады.

Шұғыл операция немесе жедел емшаралар

ДАБИКАРД препаратын қабылдауды уақытша тоқтату керек. ДАБИКАРД препаратының антикоагулянттық әсерін тез бейтараптандыру үшін кері әсер ететін спецификалық агент идаруцизумаб пайдалануға болады.

Ағзадан ДАБИКАРД препаратын гемодиализ шығара алады.

Дабигатранмен емді тоқтату тромбоэмболиялық оқиғалардың дамуымен қиындап кетуі мүмкін. Пациенттің клиникалық тұрақты жай-күйіне және талапқа сай гомеостазға жеткен жағдайда ДАБИКАРД препаратымен емдеуді идаруцизумаб енгізуден кейін 24 сағат өткен соң жаңғыртуға болады.

Жеделге жуық жай-күйлер себепті жасалатын операциялық араласулар

ДАБИКАРД препаратын қабылдауды уақытша тоқтату керек. Операцияны/араласуды, мүмкіндігінше, препараттың соңғы дозасын қабылдаудан кейін кемінде 12 сағат өтетін сәтке дейін кейінге қалдыру керек. Егер операцияны кейінге қалдыруға болмаса, қан кету қаупі артуы мүмкін. Қан кету қаупін араласудың шұғылдық дәрежесімен салыстыру керек.

Жоспарлы операциялық араласу

ДАБИКАРД препаратын қабылдау, мүмкіндігінше, хирургиялық араласулар немесе операциялар жасалғанша, кем дегенде, 24 сағат бұрын уақытша тоқтатылуы тиіс. Қан кету қаупі жоғары пациенттерде немесе толық гемостаз талап етілетін ауқымды операция жасалар алдында ДАБИКАРД препаратын қабылдауды операциядан 2 - 4 күн бұрын тоқтату ұсынылады.

3 кестеде инвазиялық емшаралар немесе хирургиялық операциялар жасау алдында емді тоқтату кезіндегі ережелерге шолу берілді.

3 кесте. Инвазиялық емшаралар немесе хирургиялық операциялар жасау алдында емді тоқтату кезіндегі ережелерге шолу

Жұлын анестезиясы/ Эпидуральді анестезия/ Люмбальді пункция

Жұлын анестезиясы сияқты емшаралар жасау үшін гемостаз функциясын толық қалпына келтіру қажет болуы мүмкін.

Жарақаттық немесе қайталамалы пункциялар, сондай-ақ эпидуральді катетерді ұзақ уақыт пайдалану жағдайларында жұлын немесе эпидуральді гематоманың даму қаупі артады. ДАБИКАРД препаратының бірінші дозасын катетерді алып тастаудан кейін 2 сағат өткен соң барып қолдану керек. Ондай жағдайларда жұлын немесе эпидуральді гематоманың объективті және субъективті неврологиялық белгілерін анықтау үшін пациенттің жай-күйін жиі бақылау қажет болады.

Операциядан кейінгі кезең

Инвазиялық емшарадан немесе хирургиялық араласудан кейін ДАБИКАРД препаратымен емдеуді, пациенттің клиникалық жай-күйі осыны жасауға мүмкіндік берген және талапқа сай гемостазға жеткен жағдайда, мүмкіндігінше, ерте жаңғырту/бастау керек. Қан кету қаупі жоғары немесе препарат организмге шектен тыс әсер ететін пациенттерде, әсіресе, бүйрек функциясының орташа бұзылу жағдайларында емді сақтықпен жүргізген жөн (2 кестені қараңыз).

Тромбоэмболиялық асқынулардың қауіп факторлары бар және операция кезінде өліммен аяқталу қаупі жоғары болатын пациенттер

Осындай пациенттер үшін ДАБИКАРД препаратының тиімділігі мен қауіпсіздігі туралы деректер шектеулі, сондықтан препаратты абайлап тағайындау керек.

Бауыр функциясының бұзылуы

Бауыр ферменттерінің деңгейі жоғары пациенттер (ҚЖШ 2 еседен көп жоғары) бақыланатын клиникалық зерттеулерден шығарылды. Осы пациенттерде ДАБИКАРД препаратын қолдану тәжірибесі жоқ, осыған байланысты, препаратты ондай пациенттерде қолдану ұсынылмайды. Препарат бауыр жеткіліксіздігінде, сондай-ақ тіршілік қабілетіне әсер етуі мүмкін бауыр ауруларында қарсы көрсетілімді («Қолдануға болмайтын жағдайлар» бөлімін қараңыз).

P-gp индукторларымен өзара әрекеттесуі

ДАБИКАРД препаратын P-gp индукторларымен бір мезгілде қолданбау керек, өйткені осы біріктірілімдер қан плазмасында дабигатран концентрациясының төмендеуіне әкелуі мүмкін.

Фосфолипидке қарсы синдром бар пациенттер

Дабигатран этексилатын қоса, тікелей әсер ететін пероральді антикоагулянттар (ПОАК), анамнезінде тромбоз бар, фосфолипидке қарсы синдром диагностикаланған пациенттерге ұсынылмайды. Әсіресе, фосфолипидке қарсы үш тест нәтижесі оң болатын пациенттерде (жегілік антикоагулянт, кардиолипинге антиденелер және анти-бета 2-гликопротеин I антиденелері) ПОАК емдеу, К дәрумені антагонисімен салыстырғанда, қайталамалы тромбоз оқиғаларының жоғары даму қаупімен астасуы мүмкін.

Миокард инфарктісі (МИ)

Тәулігіне екі рет 110 мг, 150 мг дабигатран этексилаты мен варфарин қабылданғанда миокард инфарктісінің (МИ) жалпы жиілігі, тиісінше, 0,82%, 0,81% және 0,64%/жыл құрады, бұл дабигартан тобындағы осы аурудың салыстырмалы даму қаупінің, варфарин тобымен салыстырғанда, 29% және 27% артуына алып келді. Емнің сипатына қарамастан, ең көп МИ абсолютті қаупі, салыстырмалы қаупі сияқты, келесі қосалқы топтарда байқалды: анамнезінде МИ бар пациенттер, қант диабеті немесе жүректің ишемиялық ауруы бар ≥65 жастағы пациенттер, сол жақ қарыншаның лықсыту фракциясы <40% пациенттер және ауырлығы орташа дәрежедегі бүйрек функциясының бұзылуы бар пациенттер. Бұдан бөлек, МИ жоғары қаупі ацетилсалицил қышқылын және клопидогрелді бір мезгілде немесе тек клопидогрел қабылдайтын пациенттерде болады.

Дабигатран этексилатын қабылдаған ТВТ/ӨАТЭ бар пациенттерде, варфарин қабылдаған пациенттерге қарағанда, өте жоғары МИ қаупі анықталды: RE-COVER және RE-COVER II қысқа мерзімді зерттеулерінде 0,4% және 0,2%, сондай-ақ RE-MEDY ұзақ мерзімді зерттеуінде 0,8% және 0,1%. Осы зерттеуде атап көрсетілген МИ жиілігінің артуы статистикалық мәнді болды (p=0,022).

Дабигатран этексилаты мен плацебо салыстыруы жүргізілген RE-SONATE зерттеуінде МИ қаупі дабигатран этексилатын қабылдаған пациенттерде 0,1% және плацебо қабылдаған пациенттерде 0,2% құрады.

Белсенді сатыдағы обыры бар пациент (ТВТ/ӨАТЭ)

ТВТ/ӨАТЭ зардабын шегетін, белсенді сатыдағы обыры бар пациенттерде ДАБИКАРД препаратын қолдану қауіпсіздігі мен тиімділігі анықталмады.

Басқа дәрілік препараттармен өзара әрекеттесуі

Тасымалдағыштармен өзара әрекеттесуі

Дабигатран этексилаты белсенді P-gp тасымалдағышы үшін субстрат болып табылады. P-gp тежегіштерін бір мезгілде қабылдау (4 кестені қараңыз) дабигатран плазмалық концентрацияларының артуына алып келуі мүмкін.

Дабигатран күшті P-gp тежегіштерімен бір мезгілде қолдану жағдайларында өзге айрықша нұсқаулар болмаса, мұқият клиникалық қадағалау талап етіледі (қан кету немесе анемия белгілерін анықтау үшін). P-gp тежегіштерімен бір мезгілде қабылдағанда препарат дозасын азайту қажет болуы мүмкін.

4 кесте. Тасымалдағыштармен өзара әрекеттесуі

Антикоагулянттар және антиагреганттар

Дабигатран этексилаты қан кету қаупін арттыруы мүмкін келесі дәрілік заттармен бір мезгілде қолдану тәжірибесі жоқ немесе тым шектеулі: фракцияланбаған гепарин (ФГ), төмен молекулалық гепариндер (ТМГ), гепарин туындылары (фондапаринукс, дезирудин) сияқты антикоагулянттар, тромболитикалық дәрілер, К дәрумені антагонистері, ривароксабан немесе басқа пероральді антикоагулянттар; антиагреганттар - IIb/IIIa гликопротеин рецепторларының антагонистері, тиклопидин, прасугрел, тикагрелор, декстран және сульфинпиразон.

Басқа пероральді немесе парентеральді антикоагулянттармен бірге қолдану, ең алдымен, бір антикоагулянттан басқасына ауысу оқиғаларына байланысты ауқымды қан кетулер жиілігінің (дабигатран этексилатын да, варфаринді де қабылдау кезінде) шамамен 2,5 есе артуына алып келеді («Қолдануға болмайтын жағдайлар» бөлімін қараңыз). Бұдан басқа, дабигатран мен варфаринді антиагреганттармен, ацетилсалицил қышқылымен немесе клопидогрелмен бір мезгілде қабылдау ауқымды қан кету қаупін арттырады («Қолдану кезіндегі қажетті сақтану шаралары» бөлімін қараңыз).

Орталық вена немесе артерия катетерін ашық күйде ұстап тұруға немесе жүрекшелер фибрилляциясы кезіндегі катетерлік абляция үдерісінде қажет болатын дозаларда ФГ қолдануға болады.

5 кесте. Антикоагулянттармен және антиагреганттармен өзара әрекеттесу

Өзара әрекеттесудің басқа түрлері

6 кесте. Өзара әрекеттесудің басқа түрлері

Дабигатран этексилаты мен дабигатранның метаболизмдік бейінімен байланысты өзара әрекеттесулер

Дабигатран этексилаты мен дабигатран P450 цитохромы жүйесімен метаболизденбейді және in vitro зерттеулерінде адамның P450 цитохромы жүйесінің ферменттеріне ықпалын тигізбейді. Осылайша, дабигатран қолданылғанда дәрілік препараттардың тиісті өзара әрекеттесулерін күтпеу керек.

Арнайы сақтандырулар

Педиатрияда қолдану

ДАБИКАРД препаратын балалар мен 18 жасқа толмаған жасөспірімдерге тағайындау ұсынылмайды.

Жүктілік немесе лактация кезінде

Бала туу жасындағы әйелдер ДАБИКАРД препаратын қолдану кезінде жүкті болуын жоспарлау керек.

препаратының жүктілікке және шаранаға әсері белгісіз. Сізге, егер өз емдеуші дәрігеріңіз оның қауіпсіз екенін айтпаса, жүктілік кезінде ПрадаксаP®P препаратын қабылдауға болмайды.

ПрадаксаP®P препаратын қабылдау кезінде сізге бала емізуге болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ДАБИКАРД препараты көлік құралдарын басқару және механизмдермен жұмыс істеу қабілетіне әсер етпейді немесе мардымсыз әсер етеді.

Қолдану жөніндегі нұсқаулар

ДАБИКАРД препаратын өз дәрігеріңіздің нұсқауларымен дәлдікте қабылдаңыз.

Дозалау режимі

ДАБИКАРД препаратын келесі көрсетілімдерге арналған ұсынымдарға сәйкес қабылдаңыз:

Бір немесе одан көп қауіп факторымен жүрекшелердің клапанды емес фибрилляциясы (ЖКЕФ) бар науқастарда инсульттің және жүйелі тромбоэмболияның алдын алу.

Терең веналар тромбозын (ТВТ) және өкпе артериясының тромбоэмболиясын (ӨАТЭ) емдеу, терең веналардың қайталамалы тромбоздары мен өкпе артериясы тромбоэмболиясының профилактикасы.

ДАБИКАРД препаратының ұсынылатын дозасы 7 кестеде берілген.

7 кесте. Жүрекшелердің клапанды емес фибрилляциясы бар науқастарда инсульт пен жүйелі тромбоэмболияның алдын алуда, терең веналар тромбозын және өкпе артериясының тромбоэмболиясын емдеуде ұсынылатын дабигатранның дозасы

Терең веналар тромбозында және өкпе артериясының тромбоэмболиясында дабигатранді 220 мг дозада (тәулігіне екі рет 110 мг бір капсуладан) қолдану қажеттілігі туралы нұсқау фармакокинетикалық және фармакодинамикалық талдау нәтижелеріне негізделген. Қосымша ақпаратты төменнен, сондай-ақ «Қолдану кезіндегі қажетті сақтану шаралары», «Басқа дәрілік препараттармен өзара әрекеттесуі» бөлімдерін қараңыз.

Дабигатран жақпаған жағдайда, пациенттер жүрекшелер фибрилляциясымен астасқан инсульт пен жүйелі тромбоэмболияның алдын алу немеcе терең веналар тромбозы/өкпе артериясының тромбоэмболиясы үшін баламалы ем тағайындау мақсатында дереу дәрігерге қаралу керек (ТВТ, ӨАТЭ).

ДАБИКАРД препаратымен емделуге дейін және ем кезінде бүйрек функциясын бағалау

Барлық пациенттер, әсіресе егде жастағылар үшін (75 жастан асқан), осы жас тобында бүйрек функциясының бұзылуы жиі құбылыс болуы мүмкін екендіктен:

• дәрілік заттың бүйрек функциясының ауыр бұзылуы (креатинин клиренсі <30 мл/мин) бар пациенттерге тағайындалуына жол бермеу үшін креатинин клиренсін (КК) ДАБИКАРД препаратын қабылдаудың басталуына дейін есептеу қажет («Қолдануға болмайтын жағдайлар», «Қолдану кезіндегі қажетті сақтану шаралары» бөлімдерін қараңыз)

• бүйрек жеткіліксіздігінің дамуына күмән туындағанда (мысалы, гиповолемия, дегидратация, кейбір дәрілік препараттарды бір мезгілде қабылдау) емдеу кезінде бүйрек функциясына баға беру қажет.

Ауырлығы жеңіл және орташа дәрежедегі бүйрек функциясының бұзылулары бар пациенттер үшін, сондай-ақ 75 жастан асқан пациенттер үшін қосымша талаптар:

• ДАБИКАРД препаратымен ем кезінде бүйрек функциясының төмендеуіне немесе нашарлауына күмән туындаған белгілі бір клиникалық жағдайларда (мысалы, гиповолемия, дегидратация, кейбір дәрілік препараттарды бір мезгілде қабылдау) бүйрек функциясын жылына кем дегенде бір рет немесе одан жиірек тексеру керек.

Бүйрек функциясын (креатинин клиренсі, мл/мин) бағалау Кокрофт-Голт формуласы бойынша орындалады.

Қолдану ұзақтығы

Жүрекшелердің клапанды емес фибрилляциясымен науқастарда инсульт пен жүйелі тромбоэмболияның алдын алу үшін, терең веналар тромбозы мен өкпе артериясының тромбоэмболиясын емдеуде ДАБИКАРД препаратын қолдану ұзақтығы 8 кестеде берілген.

8 кесте. Жүрекшелердің клапанды емес фибрилляциясымен науқастарда инсульт пен жүйелі тромбоэмболияның алдын алу үшін, терең веналар тромбозын және өкпе артериясының тромбоэмболиясын емдеуде қолдану ұзақтығы

Өткізіп алған доза

ДАБИКАРД препаратының өткізіп алған дозасын, егер дәрілік затты келесі қабылдауға дейін 6 сағат қалса, қабылдауға болады. Келесі дозаны жоспарлы қабылдауға дейін 6 немесе одан аз сағат қалатын сәттен бастап, өткізіп алған дозаны қабылдауға болмайды.

Өткізіп алған дозаның орнын толтыру үшін препараттың екі есе дозасын қабылдауға болмайды.

ДАБИКАРД препаратымен емдеуді тоқтату

ДАБИКАРД препаратымен емдеуді емдеуші дәрігермен кеңесусіз тоқтатуға болмайды. Асқазан-ішек жолы тарапынан диспепсия сияқты осындай жағымсыз реакциялар дамығанда, пациенттер емдеуші дәрігерге қаралу қажет («Дәрілік препараттың стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек болатын шаралар» бөлімін қараңыз).

Препаратты ауыстыру

ДАБИКАРД препаратынан парентеральді антикоагулянттарға ауысу

Антикоагулянттарды парентеральді енгізуді ДАБИКАРД препаратының соңғы дозасын қабылдаудан кейін 12 сағат өткен соң бастау керек («Басқа дәрілік препараттармен өзара әрекеттесу» бөлімін қараңыз).

ДАБИКАРД препаратына парентеральді антикоагулянттармен емдеуден ауысу

Баламалы препарат дозасын келесі жоспарлы қабылдау уақытына дейін 0-2 сағат ішінде немесе препаратты үздіксіз парентеральді енгізуді тоқтатқан (мысалы, фракцияланбаған гепаринді (ФГ) вена ішіне енгізу кезінде) сәтте парентеральді антикоагулянт қабылдауды тоқтату және ДАБИКАРД препаратын қабылдауды бастау керек («Басқа дәрілік препараттармен өзара әрекеттесуі» бөлімін қараңыз).

ДАБИКАРД препаратымен емнен К дәрумені антагонистерін қабылдауға ауысу

К дәрумені антагонистерін қабылдаудың басталуы пациенттің креатинин клиренсін (КК) есепке ала отырып, келесі үлгіде түзетілуі тиіс:

• Егер КК ≥50 мл/мин болса, К дәрумені антагонистерін қабылдауды ДАБИКАРД препаратын қабылдауды тоқтатуға дейін 3 күн бұрын бастау керек.

• Егер КК ≥ 30 - < 50 мл/мин болса, К дәрумені антагонистерін қабылдауды ДАБИКАРД препаратын қабылдауды тоқтатуға дейін 2 күн бұрын бастау керек.

ДАБИКАРД препараты ХҚҚ (халықаралық қалыптасқан қатынасты) ұзартуы мүмкін екендіктен, ДАБИКАРД препаратын қабылдауды тоқтатудан кейін кемінде 2 күн К дәрумені антагонистерінің әсерін нақты көріністей алады. Осы уақытқа дейін ХҚҚ мәндерін абайлап түсіндіру керек.

К дәрумені антагонистерімен емдеуден ДАБИКАРД препаратын қабылдауға ауысу

К дәрумені антагонистерін қабылдау тоқтатылуы тиіс. ДАБИКАРД препаратын ХҚҚ 2,0 аз болған бойда қолдануға болады.

Кардиоверсия

Пациенттер кардиоверсия жүргізілгенде ДАБИКАРД препаратын қабылдауды жалғастыра алады.

Жүрекшелер фибрилляциясы кезіндегі катетерлік абляция

Тәулігіне екі рет ДАБИКАРД 150 мг препаратын қабылдайтын пациенттерде катетерлік абляцияны жасауға болады. ДАБИКАРД препаратымен емдеуді тоқтату қажет емес.

Стенттеумен тері арқылы коронарлық араласу (ТКА)

Стенттеумен ТКА өткізілетін жүрекшелердің клапанды емес фибрилляциясы бар пациенттер гемостазға жетуден кейін антиагреганттармен біріктірілімде ДАБИКАРД препаратын қабылдай алады.

Пациенттердің ерекше топтары

Егде жастағы пациенттер

Осы қауымда дозаны түзету деректерін 7 кестеден қараңыз.

Қан кету қаупі жоғары пациенттер

Қан кету қаупі жоғары пациенттер мұқият клиникалық қадағалауда болуы тиіс (қан кету немесе анемия белгілерін анықтау үшін). Дозаны түзету туралы шешім нақты пациент үшін болжамды пайдасы мен қаупін бағалаудан кейін дәрігердің қалауымен қабылдануы тиіс (жоғарыдан 7 кестені қараңыз). Дабигатранның шамадан тыс әсеріне байланысты қан кету қаупі жоғары пациенттерді қан ұюына талдау жасау арқылы анықтауға болады («Қолдану кезіндегі қажетті сақтану шаралары» бөлімін қараңыз). Қан кету қаупі жоғары пациенттерде дабигатранның шамадан тыс әсері анықталғанда препаратты 220 мг тәуліктік дозада (тәулігіне екі рет 110 мг бір капсуладан) қабылдау ұсынылады. Клиникалық мәнді қан кету туындаған жағдайда емді тоқтату керек.

Гастрит, эзофагит немесе гастроэзофагеальді рефлюкс бар пациенттерде ауқымды асқазан-ішектен қан кету қаупінің артуына байланысты препарат дозасын азайту мәселесін қарастыру керек (7 кестені және «Қолдану кезіндегі қажетті сақтану шаралары» бөлімін қараңыз).

Бүйрек функциясының бұзылуы бар пациенттер

Бүйрек функциясының ауыр бұзылулары (КК <30 мл/мин) бар пациенттерге ДАБИКАРД препараты қарсы көрсетілімді («Қолдануға болмайтын жағдайлар» бөлімін қараңыз).

Ауырлығы жеңіл дәрежедегі (КК 50 ≤ 80 мл/мин) бүйрек функциясының бұзылулары бар пациенттерде дозаны түзету қажет емес. Бүйрек функциясының орташа бұзылулары бар (КК 30 - 50 мл/мин) пациенттерге де ДАБИКАРД препаратын 300 мг тәуліктік дозада (тәулігіне екі рет 150 мг бір капсуладан) қабылдау ұсынылады. Алайда, қан кету қаупі жоғары пациенттерде ДАБИКАРД препаратының тәуліктік дозасын 220 мг дейін азайту (тәулігіне екі рет 110 мг бір капсуладан қабылдау) мәселесін қарастыру керек. Бүйрек функциясының бұзылулары бар пациенттерді мұқият клиникалық қадағалау ұсынылады.

ДАБИКАРД препаратын және Р-гликопротеиннің (P-gp) әлсіз және орташа тежегіштерін, мысалы, амиодарон, хинидин немесе верапамилді бер мезгілде қолдану

Препаратты амиодаронмен немесе хинидинмен бір мезгілде қолданғанда дозаны түзету қажет емес.

Верапамилмен бір мезгілде ем қабылдайтын пациенттерде дозаны азайту қажет. Осындай жағдайда ДАБИКАРД препараты мен верапамилді бір сәтте қабылдау керек.

Дене салмағы

Дозаны түзету қажет емес, алайда, дене салмағы <50 кг пациенттерді мұқият клиникалық қадағалау ұсынылады («Қолдану кезіндегі қажетті сақтану шаралары» бөлімін қараңыз).

Жынысы

Дозаны түзету қажет емес.

Балалар

ДАБИКАРД препаратын «жүрекшелердің клапанды емес фибрилляциясы бар пациенттерде инсульт пен жүйелі эмболияның профилактикасы» көрсетілімі бойынша балаларда қолданудың айтарлықтай тәжірибесі жоқ.

ДАБИКАРД препаратын терең веналар тромбозы мен өкпе артериясының тромбоэмболиясы бар 18 жасқа дейінгі балаларда қолдану қауіпсіздігі мен тиімділігі әлі анықталмаған. Қазіргі сәтте қолда бар деректер «Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек болатын шаралар» бөлімдерінде мазмұндалады, алайда дозалауға қатысты ұсынымдар жоқ.

Енгізу әдісі мен жолы

ДАБИКАРД препаратын ас ішуге байланыссыз қабылдауға болады.

Препараттың асқазанға түсуін қамтамасыз ету үшін капсуланы толық бір стақан сумен ішіп, бүтіндей жұту қажет. Капсуланы сындырмаңыз, шайнамаңыз және одан түйіршікті шығармаңыз, өйткені бұл қан кету қаупін арттыруы мүмкін.

Блистерден шығарылуы туралы нұсқау

– капсулаларды пішінді қаптаманың фольгасы арқылы қыспаңыз

– пішінді қаптаманың бір ұяшығын тесу сызығы бойымен бөліп алыңыз

– фольганы ажыратып, ұяшықтан капсуланы шығарып алыңыз

– тікелей қолданар алдында, егер тек капсуланы шығарып алу қажет болса, фольганы пішінді қаптамадан ажыратыңыз.

Құтыны ашу туралы нұсқау

• қақпағы басу және бұру арқылы ашылады

• капсуланы алып тастағаннан кейін, қақпақты дереу құтыға кигізіп, құтыны мықтап жабыңыз.

Қабылдау уақытының көрсетілуімен қолдану жиілігі

ДАБИКАРД препараты ас ішуге байланыссыз дәрігер тағайындауына сәйкес қабылданады («Дозалау режимін» қараңыз).

Емдеу ұзақтығы

Емдеу ұзақтығы көрсетілімдерге байланысты және «Дозалау режимі» бөлімінің 8 кестесінде берілген.

Артық дозалану жағдайында қабылдау қажет болатын шаралар

ДАБИКАРД препаратын ұсынылуынан асып кететін дозаларда қолдану кезінде пациентте қан кету қаупі артады.

Артық дозалануы күмән тудырғанда қан ұюына зертханалық зерттеулер жүргізу арқылы қан кету қаупінің дәрежесін анықтауға болады. Калибрленген сандық тест көмегімен немесе қайталап өлшеу жолымен протромбин уақытын (сТУ) анықтау, оның ішінде қосымша шаралар қабылданған, мысалы, диализ жасалған жағдайларда дабигатран концентрациясының белгілі бір деңгейлерге жететін уақытын болжауға мүмкіндік береді.

Антикоагуляцияның шектен тыс дәрежесінде ДАБИКАРД препаратын қабылдауды тоқтату қажет болуы мүмкін. Дабигатранның ақуыздармен байланысу деңгейінің төмен болуына орай, оның диализін жасауға болады, алайда клиникалық зерттеулер шеңберінде осы тәсілді қолданудың мақсатқа сай болатынын көріністейтін клиникалық тәжірибе тым шектеулі.

Қан кету түріндегі асқынуларды жою

Геморрагиялық асқынулар туындаған жағдайда ДАБИКАРД препаратын қабылдауды тоқтатып, қан кету көзін зерттеу қажет. Емдейтін дәрігердің шешімі бойынша, талапқа сай демеуші ем жүргізу, мысалы, хирургиялық гемостаз жасау немесе айналымдағы қан көлемін толықтыру қерек.

ДАБИКАРД препаратының антикоагулянттық әсерін тез бейтараптандыру үшін ДАБИКАРД препаратының фармакодинамикалық әсеріне қатысты антагонист болып табылатын кері әсер ететін спецификалық агент идаруцизумаб пайдалануға болады («Қолдану кезіндегі қажетті сақтандыру шаралары» бөлімін қараңыз).

Қан ұю факторларының (белсендірілген немесе белсендірілмеген) немесе рекомбинантты VIIa факторының концентраттарын қолдану мақсатқа сай болуы мүмкін. Осы дәрілік препараттардың дабигатранның антикоагулянттық әсерін жоюға қабілетті екенін айғақтайтын тәжірибелік деректер бар, алайда, клиникалық жағдайларда олардың тиімділігі туралы, сондай-ақ тромбоэмболия қайталануының болжамды қаупіне қатысты деректер өте аз. Антикоагулянттық әсер регресін қамтамасыз етуге ұсынылатын дәрілік препараттарды енгізу қан ұюына жүргізілетін зертханалық зерттеулер нәтижелерінің нақтылығына теріс әсер етуі мүмкін. Осындай зерттеулердің нәтижелерін абайлап түсіндіру керек. Тромбоцитопенияда, сондай-ақ ұзақ әсер ететін антиагрегантты препараттарды қолданудан кейін тромбоконцентраттар енгізу қажеттілігі мәселесін де қарастыру керек. Барлық симптоматикалық емдеу дәрігер қалауына қарай таңдалады.

Ауқымды қан кетулерде қан ұюы туралы маманмен (ондай маман бар болса) кеңесу мақсатқа сай болуы мүмкін.

Дәрілік препараттың бір немесе бірнеше дозасын өткізіп алу кезіндегі қажетті шаралар

ДАБИКАРД препаратының өткізіп алған дозасын, егер дәрілік затты келесі қабылдауға дейін 6 сағат қалған болса, қабылдауға болады. Келесі дозасын жоспарлы қабылдауға дейін 6 сағат немесе одан аз уақыт қалған сәттен бастап, өткізіп алған дозаны қабылдауға болмайды.

Өткізіп алған дозаның орнын толтыру үшін препараттың екі есе дозасын қабылдауға болмайды.

Тоқтату симптомдары қаупінің болуына көрсетілім

ДАБИКАРД препаратымен емделуді емдеуші дәрігермен кеңесусіз тоқтатуға болмайды. Асқазан-ішек жолы тарапынан диспепсия сияқты жағымсыз реакциялар дамыса, пациенттер емдеуші дәрігерге қаралу қажет («Дәрілік препараттың стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек болатын шаралар» бөлімін қараңыз).

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

ДАБИКАРД препаратын қабылдар алдында өз дәрігеріңізбен кеңесіңіз. Сонымен қатар, ДАБИКАРД препаратымен емделу кезінде, симптомдар дамуында немесе операциялық араласу жағдайында сізге өз дәрігеріңізбен кеңесу қажет болуы мүмкін.

Ағымдағы немесе бұрын болған жай-күйлер немесе аурулар туралы өз емдеуші дәрігеріңізге хабарлаңыз, атап айтқанда:

• егер сізде қан кету қаупі жоғары болса, мысалы:

• егер сізде қан кету таяуда болса

• егер сізде соңғы ай ішінде тіндерді хирургиялық кесіп алып тастау (биопсия) болса

• егер сізде күрделі жарақат (мысалы, сүйек сынуы, бассүйек-ми жарақаты немесе хирургиялық емдеу қажет болатын кез келген жарақат) болса

• егер сіз өңеш пен асқазанның қабыну ауруларынан зардап шегіп жүрсеңіз

• егер сізде өңештегі асқазан сөлі рефлюксімен кінәраттар болса

• егер сіз қан кету қаупін арттыруы мүмкін препараттарды қабылдап жүрсеңіз. «Басқа дәрілік препараттармен өзара әрекеттесуі» бөлімін қараңыз

• егер сіз диклофенак, ибупрофен, пироксикам сияқты қабынуға қарсы препараттарды қабылдап жүрсеңіз

• егер сіз жүректің инфекциялық ауруларынан (бактериялық эндокардит) зардап шегіп жүрсеңіз

• егер сізде диагностикаланған бүйрек функциясының бұзылуы болса немесе сусызданудан зардап шегіп жүрсеңіз (симптомдар шөлдеуді және күңгірт (концентрацияланған) несептің аз мөлшерде бөлінуін қамтиды)

• егер сіз 75 жастан асып кетсеңіз

• егер сіздің дене салмағыңыз 50 кг немесе одан аз болса

• егер сіз бұрын миокард инфарктісін алсаңыз немесе егер сізде миокард инфарктісі қаупін арттыратын жай-күй диагностикаланса

• егер сізде қан талдауының өзгерістерімен қатар жүретін бауыр ауруы болса. Осындай жағдайда ДАБИКАРД препаратын қабылдау ұсынылмайды.

Дәрілік препараттың стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек болатын шаралар

Қауіпсіздік бейінінің түйіндемесі

Жағымсыз реакциялар инсульт пен жүйелі эмболиялардың алдын алу емінен өткен жүрекшелер фибрилляциялары бар пациенттердің 22% (3 жылға дейін ұзақ мерзімді емдеу), терең веналар тромбозын/өкпе эмболиясын емдеу үшін дәрілік зат қабылдаған пациенттердің 14% және терең веналар тромбозының/өкпе эмболиясының профилактикасы мақсатында емдеуден өткен пациенттердің 15% жуығында байқалды.

Қан кету дабигатран этексилатың ең маңызы зор жағымсыз құбылысы болып табылады. Клиникалық зерттеулерде аталған ауқымды немесе күрделі қан кетулер жиілігінің аздығына қарамастан, осындай қан кетулер (кез келген жерде) болуы мүмкін. Олар пациенттердің еңбекке қабілеттілігін шектеуі, өміріне қатер төндіруі немесе өліммен аяқталуға алып келуі мүмкін. 9 кестеде дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек болатын шаралар келесі жіктеуді пайдаланумен берілген: өте жиі ≥1/10, жиі ≥1/100-ден <1/10 дейін, жиі емес ≥1/1000-нан <1/100 дейін, сирек ≥1/10000-нан <1/1000 дейін, өте сирек <10000, белгісіз (қолда бар деректер бойынша есептеу мүмкін емес).

9 кесте. Клиникалық зерттеулерде аталған жағымсыз әсерлері

Жекелеген жағымсыз реакциялар сипаттамасы

Қан кетудің даму қаупі

Әсер ету механизмін ескерсек, ДАБИКАРД препаратын қолдану кез келген ағзадан және тіннен жасырын немесе айқын қан кетудің жоғары қаупімен қатар жүруі мүмкін. Ауырлық белгілері, симптомдары мен дәрежесі (өліммен аяқталу мүмкіндігін қоса) қан кетудің орналасқан жеріне, ауырлық дәрежесіне немесе ұзақтығына және/немесе анемияға байланысты өзгеріп отырады. Клиникалық зерттеулер барысында, К дәрумені антагонистерімен (КДА) салыстырғанда, ДАБИКАРД препаратын ұзақ мерзімді қолдану аясында шырышты қабықтардан (мысалы, АІЖ, несеп-жыныс жүйесі) қан кету жиірек білінеді. Демек, жасырын қан кетулерді анықтау үшін, клиникалық қадағалаудан тыс, гемоглобин/гематокрит концентрацияларын анықтауға арналған зертханалық зерттеу жүргізу қажет. Қан кету қаупі пациенттердің жекелеген топтарында, мысалы, бүйрек функциясының орташа бұзылуы бар пациенттерде және/немесе гемостазға әсер ететін препараттармен немесе P-gp қуатты тежегіштерімен бірге қолдану кезінде жоғары болуы мүмкін («Қолдану кезіндегі қажетті сақтандыру шаралары» бөлімін қараңыз). Геморрагиялық асқынулар әлсіздікпен, бозарумен, бас айналумен, бас ауырумен, ентігумен, сондай-ақ аяқ-қол көлемінің ұлғаюымен немесе шокпен көрініс беруі мүмкін.

Дабигатран этенксилатын қолданғанда компартмент-синдром және гипоперфузия салдарынан болатын бүйрек жеткіліксіздігі сияқты белгілі асқынулар тіркелді. Осылайша, антикоагулянттар алатын кез келген пациенттің жай-күйін бағалағанда қан кету мүмкіндігін есепке алу керек. Бақыланбайтын қан кету жағдайында дабигатранға кері әсер ететін спецификалық агент - идаруцизумаб қабылдауға болады («Артық дозалану жағдайында қабылдау қажет болатын шаралар» бөлімін қараңыз).

Бір немесе одан көп қауіп факторларымен ЖКЕФ бар ересек пациенттердегі инсульт және жүйелі тромбоэмболия профилактикасы

Инсульт және ЖЭ профилактикасына қатысты дабигатранның клиникалық тиімділігі, сондай-ақ бассүйекішілік қан кетудің (БІҚ) төменірек қаупі, варфарин емімен салыстырғанда, оны қолдану кезінде, барлық қосалқы топтарда, атап айтқанда, бүйрек функциясының бұзылуларына, жас шамасына, сондай-ақ бір мезгілде жүргізілген ем, мысалы, антиагреганттармен немесе Pgp тежегіштерімен ем бойынша бөлінетін топтарда қадағаланады. Сонымен қатар, пациенттердің белгілі бір қосалқы топтарында дабигатранмен ем басталған соң әдетте алғашқы 36 айда білінетін АІ қан кету жиілігі себебінен антикоагулянттармен ем кезіндегі ауқымды қан кету қаупі, дабигатран қолдану кезіндегі шамадан тыс қан кету қаупі жоғары болды.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау Комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір капсула құрамында

белсенді зат – 172,96 мг дабигатран этексилаты мезилаты (150 мг дабигатран этексилатының бос негізіне баламалы),

қосымша заттар: шарап қышқылы түйіршіктелген, гипромеллоза 2910, тальк, 2-пропанол, метиленхлорид, қант түйірлері, гидроксипропилцеллюлоза

капсула қабығының құрамы: темірдің қызыл тотығы (Е172), темірдің сары тотығы (Е172),титанның қостотығы (Е171), тазартылған су, гипромеллоза

қара сия құрамы: шеллак, бутил спирті, изопропил спирті, темірдің қара тотығы (Е172), тазартылған су, пропиленгликоль, сусыз этил спирті, калий гидроксиді, концентрацияланған аммиак ерітіндісі.

Сыртқы түрінің, иісінің, дәмінің сипаттамасы

Өлшемі №0, мөлдір емес ашық көгілдір түсті қақпақшасы және мөлдір емес крем түсті корпусы бар, қақпақшасында қара сиямен «H» әрпі және корпусында қара сиямен «D11» жазуы түсірілген, гидроксипропилметилцеллюлозадан жасалған капсулалар.

Капсулалар ішінде – ақтан ақшыл сары түске дейін пеллеттер

Шығарылу түрі және қаптамасы

60 капсуладан тығыздығы жоғары полиэтиленнен жасалған құтыға салады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

10 капсуладан алюминий фольгадан жасалған пішінді ұяшықты қаптамаға салады.

3 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады

2 жыл

Жарамдылық мерзімі өткеннен кейін қолдануға болмайды.

Құрғақ жерде, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

Хетеро Лабс Лимитед,

Телангана штаты, Үндістан

Tel: +91-40-23704923/24/25

Fax: +91-40-23704926.

Email:msreddy@heterodrugs.com.

Тіркеу куәлігінің ұстаушысы

«CAMBER PHARMA (КАМБЕР ФАРМА)» жауапкершілігі шектеулі серіктестігі

Қазақстан Республикасы, 050059, Алматы қ., Бостандық ауд., Әл-Фараби даңғ. 5, Нұрлы-Тау Бизнес орталығы

Тел: +7(727) 3115352, +7 (727) 3115362

regulatory-pvg.kz@camberglobal.com

 PV.kazakhstan@heterodrugs.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электрондық пошта)

«CAMBER PHARMA (КАМБЕР ФАРМА)» жауапкершілігі шектеулі серіктестігі

Қазақстан Республикасы, 050059, Алматы қ., Бостандық ауд., Әл-Фараби даңғ. 5, Нұрлы-Тау Бизнес орталығы

Тел: +7(727) 3115352, +7 (727) 3115362

regulatory-pvg.kz@camberglobal.com

 PV.kazakhstan@heterodrugs.com