Гриппостад® С Стик

МНН: Аскорбиновая кислота, Кофеин, Парацетамол, Хлорфенирамина малеат (Хлорфенамин)
Производитель: Лозан Фарма ГмбХ
Анатомо-терапевтическо-химическая классификация: Парацетамол в комбинации с психолептиками
Номер регистрации в РК: № РК-ЛС-5№022205
Период регистрации: 14.06.2016 - 14.06.2021

Инструкция

Саудалық атауы

Гриппостад® С Стик

Халықаралық патенттелмеген атауы

Жоқ

Дәрілік түрі

Ішке қабылдау үшін ерітінді дайындауға арналған түйіршіктер

Құрамы

Бір стик-пакет ішінде

белсенді заттар: парацетамол 400 мг

аскорбин қышқылы 300 мг

кофеин 50 мг

хлорфенамин малеаты 5 мг,

қосымша заттар сусыз лимон қышқылы, натрий гидрокарбонаты, натрий цикламаты, натрий сахарині, повидон, рибофлавин натрий фосфаты, тальк, Evogran лимон хош иістендіргіші.

Сипаттамасы

Стик-пакет ішінде – ақ немесе ақ дерлік түсті сусымалы, агломератсыз немесе түйіндерсіз түйіршіктер.

Препарат ерітіндісі бұлыңғыр, сарыдан жасыл-сарғыш түске дейінгі, лимон иісі бар.

Фармакотерапиялық тобы

Анальгетиктер. Анальгетиктер – басқа да антипиретиктер. Анилидтер. Парацетамол психолептиктермен біріктірілімде

АТХ коды N02BE71

Фармакологиялық қасиеттері

Фармакокинетикасы

Парацетамол

Ішке қабылдағаннан кейін парацетамол асқазан-ішек жолынан жылдам және толық сіңеді. Плазмалық концентрациясының жоғары шегіне қабылдағаннан кейін 30-60 минуттан соң жетеді.

Парацетамол организмнің бүкіл тіндерінде тез таралады. Қандағы, қан плазмасындағы және сілекейдегі парацетамол концентрациясының көрсеткіштері өзара салыстырмалы. Қан плазмасы ақуыздарымен байланысуы төмен.

Парацетамол метаболизмі, негізінен, бауырда глюкурон және күкірт қышқылдарымен конъюгациялану жолымен жүзеге асады. Емдік дозаларынан асырып қабылдаған кезде, конъюгациялану реакциясының қанығуы тез болады. Ішінара парацетамол метаболизмі Р450 цитохромы жүйесінің (ең алдымен CYP2E1) қатысуымен атқарылады, бұл N-ацетил-р-бензохинонимин метаболитінің түзілуіне апарады, оның уытсыздануы глютатион арқылы, сондай-ақ цистеинмен және меркаптур қышқылымен байланысу арқылы жүзеге асады. Айқын уыттанған жағдайда уытты метаболиттерінің саны өседі.

Парацетамол, ең алдымен, несеппен шығарылады. Сіңген мөлшерінің 90 %-ы 24 сағат ішінде негізінен глюкуронидтер (60-80 %) және байланысқан сульфат (20-30 %) түрінде бүйрек арқылы шығарылады. 5%-дан азы өзгермеген күйде шығарылады. Жартылай шығарылу кезеңі 2 сағатқа жуықты құрайды. Бауыр және бүйрек функциясы бұзылған пациенттерде, сондай-ақ артық дозаланған кезде және жаңа туған нәрестелерде жартылай шығарылу кезеңі ұзарады. Ең жоғары әсері және орташа әсер ету ұзақтығы (4-6 сағат) плазмалық концентрация деңгейімен өзара байланысты болады.

Бүйректің ауыр жеткіліксіздігі бар (креатинин клиренсі ˂ 10 мл/мин) пациенттерде парацетамол мен оның метаболитінің шығарылуы баяулайды. Егде жастағы пациенттерде парацетамолмен байланысуға қабілеттілік сақталады.

Кофеин

Ішке қабылдағаннан кейін кофеин жылдам және толық дерлік (t1/2= 2-13 минут) сіңеді және оның биожетімділігі шамамен абсолюттілікке тең. 5 мг/кг қабылдағаннан кейін Cmax мәніне 30-40 минут ішінде жетеді. Қан плазмасы ақуыздарымен байланысуы 30-дан 40 %-ға дейін ауытқиды, ал таралу көлемі 0,52-1,06 л/кг құрайды. Кофеин бүкіл ағзалар мен тіндерге таралады, гематоэнцефалдық және плацентарлық бөгеттер арқылы тез өтеді және емшек сүтімен шығарылады.

Жартылай шығарылу кезеңі 4,1-ден 5,7 сағатқа дейін құрайды, дегенмен, жекеше ауытқуларына қарай, 9-10 сағатқа дейін ұлғаяды.

Кофеин және оның метаболиттері, ең алдымен, бүйрек арқылы шығарылады. 48 сағат ішінде жиналған несепте қабылданған дозаның 86 % анықталған, олардың 1,8 %-дан аспайтыны өзгермеген кофеин түрінде шығарылады. Негізгі метаболиттері 1-метилнесеп қышқылы (12-38 %), метилксантин (8-19 %) және 5-ацетиламин-6-амин-3-метилурацил (15 %) болып табылады. Қабылданған дозаның 2-5 %-ы нәжіспен шығарылады. Метаболиттердің жалпы санының 44 %-ы 1,7-диметилнесеп қышқылын құрайды.

Аскорбин қышқылы

Аскорбин қышқылы аш ішектің проксимальді бөліктерінен сіңіріледі, сіңірілу дәрежесі концентрациясына байланысты. Бір реттік дозасын арттырған кезде биожетімділігі 1 г қабылдағаннан кейін 60-75 %-ға дейін, 3 г қабылдағаннан кейін шамамен 40 %-ға дейін және 12 г қабылдағаннан кейін 16 %-ға дейін төмендейді. Сіңірілмеген мөлшері тоқ ішек флорасымен көмірқышқыл газына және органикалық қышқылға дейін ыдырайды.

Дені сау ересектерде метаболизм тәулігіне 40-50 мг ең жоғары жылдамдығына 0,8-1,0 мг/дл плазмалық концентрация кезінде жетеді. Жалпы тәуліктік метаболизмі дене салмағына шамамен 1 мг/кг құрайды. Шектік жоғары дозаларын қабылдағаннан кейін 3 сағат өткен соң плазмалық концентрациясының 4,2 мг/дл-ге дейінгі деңгейіне қысқа мерзімді қол жеткізіледі.

Аскорбин қышқылының 80 %-ы бүйрек арқылы өзгермеген күйде шығарылады. Жартылай шығарылу кезеңінің орташа мәні 2,9 сағат құрайды. Бүйрек арқылы шығарылуы гломерулярлық сүзілу және әріқарай проксимальді өзекшелерде кері сіңуі арқылы жүзеге асады. Дені сау ересектер плазмасында аскорбин қышқылы/дл концентрациясының жоғарғы шегі еркектерде 1,34±0,21 мг және әйелдерде 1,46±0,22 мг құрайды. Тәулігіне 180 мг жуық жоғары дозаларын қолданғаннан кейін организмдегі аскорбин қышқылының жалпы құрамы 1,5 г кем емес болады. Гипофизде, бүйрек үсті бездерінде, көз бұршағында және лейкоциттерде жинақталады.

Хлорфенамин малеаты

Хлорфенамин плазмалық концентрациясының жоғары шегіне қабылдағаннан кейін 1-2 сағаттан соң жетеді. Әсер ету ұзақтығы 3-6 сағат құрайды. Метаболизмі, ең алдымен, гидроксилдену және конъюгациялану, сондай-ақ деметилдену арқылы және N- және S-тотықтарының түзілуімен жүзеге асады.

Ішке қабылдаған кездегі биожетімділігі алғашқы өтуінің айқын әсері нәтижесінде 25-50 % құрайды, ол бауыр функциясы жеткіліксіздігі бар пациенттерде төмендейді. Қан плазмасы ақуыздарымен байланысуы – 69-72 %. Таралу көлемі – дене салмағына 3-7 л/кг. Жартылай шығарылу кезеңі ересектерде 15-36 сағат, ал балаларда 10-13 сағат құрайды. Бүйрек жеткіліксіздігі бар пациенттерде метаболиттерінің жартылай шығарылу кезеңінің ұзаруын күтуге болады. pH деңгейіне қарай (қышқылды немесе сілтілі орта) қабылданған дозаның 0-34 %-ы несеппен өзгермеген хлорфенамин түрінде шығарылады. Ұзақ қолданған кезде жинақталуы мүмкін.

Фармакодинамикасы

Суық тию ауруларының белгілерін жою үшін біріктірілген препарат. Ауыруды басатын, қызу түсіретін және қабынуға қарсы, сондай-ақ спазмолитикалық, бронхолитикалық, аллергияға қарсы және жалпы сергітетін әсер көрсетеді.

Парацетамол

Парацетамол ауыруды басатын, ыстық түсіретін және әлсіз қабынуға қарсы әсерлерін көрсетеді. Парацетамолдың әсер ету механизмі соңына дейін анықталмаған. Парацетамолдың простагландиндердің шеткергісіне қарағанда орталық синтезіне айқынырақ тежегіш әсері бары дәлелденген. Сонымен қатар, парацетамол гипоталамустың жылу реттеу орталығындағы эндогенді пирогендер әсерін бәсеңдетеді.

Аскорбин қышқылы

Аскорбин қышқылы және оның метаболиті - дегидроаскорбин қышқылы тотығу-тотықсыздану үдерістерін ретке келтіруге қатысады. Аскорбин қышқылы көптеген ферментті жүйелер ко-факторы ретінде көрінеді (коллагеннің түзілуі, катехоламин синтезі, стероидтар, тирозин және экзогенді заттар гидроксилденуі, карнитин биосинтезі, тетрагидрофолий қышқылының регенерациясы, сондай-ақ АКТГ және гастрин сияқты ақуыздардың альфа-аминделуі).

Аскорбин қышқылы тапшылығы организмнің төзімділігін, әсіресе хемотаксисті, комплимент жүйесі белсенділігін және интерферон өнімдерін төмендетеді. Осы уақытқа дейін барлық молекулярлық-биологиялық функциялары белгіленген жоқ.

Аскорбин қышқылы темір иондары және темір хелаттарының түзілуінің азаюы есебінен темір тұздарының сіңірілуін күшейтеді. Ол организмнің сұйық ортасында бос радикалдардың қатысуымен тізбекті реакцияларды бөгейді. Аскорбин қышқылының антиоксидантты функциясы мен А, Е витаминдері және каротиноидтермен өзара биохимиялық тығыз байланысы анықталды. Аскорбин қышқылы асқазан-ішек жолындағы әлеуетті экзогенді канцерогенді заттардың азаюына ықпал етеді деген дәйек толық дәлелденбеген.

Кофеин

Кофеин парацетамолдың ауыруды басатын әсерін күшейтетін ксантин туындысы болып табылады.

Хлорфенамин малеаты

Хлорфенамин малеаты Н1-рецепторларының классикалық блокаторы болып табылады, ол иммундық реакциялар кезінде туындайтын гистаминнің әсерін бәсеңдетеді. Тұмау тәрізді жай-күйлерде бұл қылтамырлар өткізгіштігінің жоғарылауымен және тегіс бұлшықеттер, атап айтқанда, бронхтардың бұлшықеті жиырылуының феноменімен көрініс береді. Мұрынның шырышты қабығының ісінуін басу және секрет бөлінісінің азаюы мұрынмен демалудың қалпына келуіне ықпал етеді.

Қолданылуы

  • дене температурасының жоғарылауымен, бас ауыруымен, бұлшықет ауыруларымен, мұрынның бітелуімен және құрғақ жөтелмен бірге жүретін суық тиюді, ЖРВИ, тұмауды симптоматикалық емдеуде

Қолдану тәсілі және дозалары

Гриппостад® С Стик препаратын ересектер күніне 3 рет бір стик-пакеттен қабылдайды.

Бауыр немесе бүйрек функциясы бұзылуы, сондай-ақ Жильбер синдромы бар пациенттерде препарат дозасын азайту немесе қабылдаулар арасындағы аралықты ұзарту қажет.

Бір стик-пакет ішіндегісін бөлме температурасындағы 150 мл ауыз суға қосады, бір қабылдауға қолданады. Түйіршіктер бір минут бойына араластырылмай-ақ ерітіледі.

Гриппостад® С Стик ұзақ уақыт бойы немесе ұсынылғаннан асатын дозаларда дәрігер кеңесінсіз қолданылмауы тиіс.

Жағымсыз әсерлері

Жиі (≥1/100 - <1/10)

  • ауыздың құрғауы

Жиі емес (≥1/1000 - <1/100)

  • терінің аллергиялық реакциялары (эритематозды немесе уртикарлы бөртпелер)

  • дене температурасының көтерілуі (дәрілік қызба)

  • шырышты қабықтардың зақымдануы

Сирек (≥1/10000 - <1/1000)

  • бауыр трансаминазалары деңгейінің жоғарылауы

Өте сирек (<1/10000)

  • қан көрінісінің өзгерістері: лейкопения, нейтропения, агранулоцитоз, тромбоцитопения, тромбоцитопениялық пурпура, панцитопения, апластикалық анемия, препаратты жоғары дозаларда қабылдағанда – елеусіз метгемоглобинемия

  • дискинезия (қозғалыс бұзылыстары)

  • глаукоманың дамуы (жабық бұрышты глаукома), көрудің нашарлауы

  • тыныс алу жолдарының аса жоғары сезімталдығы, бейімділігі бар пациенттердегі бронх түйілуі (анальгетикалық демікпе)

  • асқазан-ішек жолы тарапынан болатын реакциялар

  • бауыр зақымдануы (жоғары дозаларда ұзақ қолданудан немесе артық дозалануынан кейін)

  • несеп шығарудың бұзылуы, бүйректің зақымдануы (жоғары дозада ұзақ қолданудан кейін)

  • тәбеттің артуы

  • тамыр ісінуі, ентігу, қатты терлеу, жүрек айну, артериялық қысымның қан айналымы бұзылуына және анафилаксиялық шокқа дейін төмендеп кетуі сияқты парацетамолға аса жоғары сезімталдықтың ауыр реакциялары

  • психоздық реакциялар

  • ауыр тері реакциялары

Жиілігі белгісіз

  • парацетамол қабылдау фосфор-вольфрам қышқылының көмегімен қандағы несеп қышқылын анықтау және глюкоза-оксидаза-пероксидаза әдісімен қандағы глюкоза деңгейін анықтау нәтижелеріне ықпал етуі мүмкін

  • аскорбин қышқылын 1 г дозада қабылдағаннан кейін несептегі аскорбин қышқылының концентрациясы әртүрлі клиникалық-химиялық параметрлерді (глюкоза, несеп қышқылы, креатинин және органикалық емес фосфаттар) бағалауды қиындататын сипатта көтеріледі, сондай-ақ нәжістегі жасырын қанға жасалған талдау тұсында сенімсіз теріс нәтиже беруі мүмкін. Жалпы, аскорбин қышқылын қабылдағаннан кейін түсті реакцияларға негізделген химиялық талдаулардың нәтижелеріне баға беру қиындай түседі;

  • хлорфенамин малеаты аллергендерге жасалған тері тестілерінің нәтижелеріне әсер етуі мүмкін

  • жүрек ырғағының бұзылуы (тахикардия)

  • мазасыздық, ұйқысыздық

  • жекелеген жағдайларда препарат қабылдау және Стивенс-Джонсон синдромы мен уытты эпидермалық некролиз (Лайелл синдромы) сияқты буллёзді тері реакцияларының дамуы арасында уақытша өзара байланыс бары байқалды

Қолдануға болмайтын жағдайлар

  • препарат компоненттеріне аса жоғары сезімталдық

  • бүйрек функциясының ауыр бұзылулары

  • 18 жасқа дейінгі балалар мен жасөспірімдерге

  • жүктілік және лактация кезеңі

Дәрілермен өзара әрекеттесуі

  • асқазанның босатылуын баяулататын пропантелин сияқты дәрілік заттармен бірге қолдану сіңірілуін төмендетуі, тиісінше, парацетамолдың әсерін баяулатуы мүмкін

  • асқазанның босатылуын жеделдететін препараттармен, мысалы, метоклопрамидпен бір мезгілде қолдану препарат сіңуін және әсері басталуын жылдамдатуы мүмкін

  • зидовудинмен бірге қолдану нейтропенияның даму қаупін арттырады. Дәрігермен кеңескеннен кейін ғана зидовудинмен бір мезгілде қолдануға болады

  • пробенецид парацетамолдың глюкурон қышқылымен байланысуын бәсеңдетіп, сол арқылы парацетамол клиренсінің төмендеуіне апарады. Пробенецидпен бір мезгілде қолданғанда препарат дозасын азайту керек

  • салициламидтер препараттың жартылай шығарылу кезеңін ұзартуы мүмкін

  • бауыр ферменттерінің индукциясына әкелетін дәрілік препараттармен, сондай-ақ әлеуетті гепатоуытты субстанциялармен бір мезгілде қабылдаған кезде сақтану қажет

  • Гриппостад® С Стик ұзақ уақыт пайдалану (бірнеше апта бойы) антикоагулянттар әсерін күшейтеді

  • холестирамин парацетамол сіңуін төмендетеді

  • ОЖЖ функциясын бәсеңдететін препараттармен немесе алкогольмен бір мезгілде қолдану соңғыларының тыныштандыратын әсерін күшейтеді

  • Гриппостад® С Стик барбитураттар, антигистаминдер және т.б. сияқты әр түрлі заттардың тыныштандырғыш әсерін әлсіретуі мүмкін

  • тироксинмен және симпатомиметиктермен бір мезгілде қабылдау соңғыларының тахикардиялық әсерінің күшеюіне әкеледі

  • теофиллинмен бір мезгілде пайдаланғанда соңғысының шығарылуы баяулауы ықтимал

  • кофеин эфедрин типті субстанциялар тәуелділігінің әлеуетін арттырады

  • кофеин және әсер ету ауқымы кең заттардың біріктірілімі (мысалы, бензодиазепиндермен) жеке жағдайларда әр түрлі және болжамдалмаған өзара әрекеттесуді туындатуы мүмкін

  • ішуге арналған контрацептивтер, циметидин және дисульфирам бауырда кофеиннің ыдырауын төмендетеді, ал барбитураттар және никотин күшейтеді

  • хинолон-карбон типті гираза тежегіштерімен бірге қолдану кофеиннің және оның метаболиті параксантиннің шығарылуын баяулатуы мүмкін

Айрықша нұсқаулар

Гриппостад® С Стик тек мынадай жай-күйлерде ерекше сақтықпен немесе дәрігермен кеңескеннен кейін қолданылуы тиіс:

  • бүйрек функциясының бұзылуы

  • бауыр функциясының бұзылуы

  • Жильбер синдромы (Мейленграхт ауруы)

  • оксалатты уролитиаз

  • темірдің жиналуынан болатын аурулар (талассемия, гемохроматоз, орақ тәрізді-жасушалы анемия)

  • алкогольді шамадан тыс тұтынудың ұзаққа созылуы

  • пилородуоденальді тарылу және өт қабы мойнының тарылуы

  • жабық бұрышты глаукома

  • асқазанның және 12 елі ішектің ойық жаралы ауруы

  • гипертиреоидизм

  • жүрек ырғағының бұзылуы (тахикардияның және экстрасистолалардың күшею қаупі)

  • үрейлену жағдайы (көріністерінің күшею қаупі)

Жоғары температурада, симптоматика нашарлауында, салдарлы инфекциялардың симптомдары немесе басқа да асқынулар пайда болғанда дәрігермен кеңесу қажет.

Құрамында парацетамол бар дәрілік заттар бірнеше күн бойына ғана қолданылуы тиіс және дәрігер кеңесінсіз ұсынылған дозаларынан асырып қолданылмауы тиіс.

Ауыруды басатын дәрілердің жоғары дозаларын ұзақ уақыт қолдану, сондай-ақ ұсыныстарды орындамау препарат дозасын арттырумен емдеуге болмайтын бас ауыруының дамуына әкелуі мүмкін.

Сонымен қатар, құрамында парацетамол бар дәрілік заттардың бәрі сияқты, ұсынылғанынан асып кететін дозаларда Гриппостад® С Стик қабылдау бауырдың ауыр зақымдануына әкелуі мүмкін. Мұндай жағдайда дереу емдеу қажет.

Препараттың артық дозалануының профилактикасы мақсатында парацетамолды (дене салмағы 43 кг аспайтын жағдайда – 4000 мг парацетамол), оның ішінде құрамында парацетамол бар басқа да препараттарды қолданғанда ең жоғары тәуліктік дозасынан асыруға болмайтынын есте сақтау керек.

Жекелеген жағдайларда глюкоза-6-фосфат дегидрогеназаның эритроцитарлық тапшылығы бар пациенттерде аскорбин қышқылын үлкен дозаларда қабылдағаннан кейін (тәулігіне 4 г) гемолиз даму жағдайлары орын алды. Осыған байланысты ұсынылған дозасынан асыруға болмайды.

Тас түзілуіне бейім пациенттерде аскорбин қышқылын үлкен дозаларда қабылдағанда кальцийоксалатты тастардың түзілу қаупі артады.

Әрбір стик-пакет құрамында 5,6 ммоль (128 мг) натрий бар. Бұны натрий құрамы бақыланатын диетадағы (гипонатрийлі/тұзы аз) пациенттерді емдегенде ескеру керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тіпті препаратты тиісінше қолданғанның өзінде реакциялар шапшаңдығы көлік құралын немесе қауіптілігі зор механизмдерді басқару қабілеті бұзылатын дәрежеге дейін өзгеруі мүмкін. Әсіресе, бұл препаратты алкогольмен қосып қолдануға қатысты.

Артық дозалануы

Симптомдары: 24 сағат ішінде тері жабындарының бозаруы, тәбеттің төмендеуі, жүрек айну, құсу, іштің ауыруы, бауырдың зақымдану көрсеткіші ретінде іштің орташа ауыруының сақталуына қарамастан, жағдайдың кейіннен субъективті жақсаруы; «бауыр» трансаминазалары белсенділігінің, лактат дегидрогеназа мен билирубиннің жоғарылауы, тромбопластиндік уақыттың ұзаруымен біріктірілімде (қабылдағаннан кейін 12-48 сағаттан соң); бауыр зақымдануының клиникалық ауқымды көрінісі 2 күн өткен соң білінеді және шегіне 4-6 күннен кейін жетеді. Ересек пациенттерде және дене салмағы 140 мг/кг балаларда бір реттік қабылдау кезінде парацетамолдың 6 г және одан артық дозада артық дозалануы бауыр жасушалары некрозына әкеледі, бұл тұтастай қайтымсыз некрозға, және кешірек гепатоцеллюлярлық жеткіліксіздікке, метаболизмдік ацидозға және одан әрі кома мен өліммен аяқталатын энцефалопатияға әкелуі мүмкін. Парацетамолдың артық дозалануы кезінде бауырдың күрделі зақымдануы жоқ болса да, бүйрек өзекшелері некрозы бар жедел бүйрек жеткіліксіздігі, сондай-ақ миокард тарапынан бұзылудың және панкреатит дамуы мүмкін.

Препараттың артық дозалануы беттің қызаруымен, атаксиямен, мазасыздықпен, елестеулермен, бұлшықеттің дірілдеуімен, құрысулармен, қарашықтардың кеңеюімен, ауыз кеберсуімен, іш қатулармен және температураның аномальді жоғары көтерілуімен көрініс беретін антихолинергиялық синдромның дамуына әкелуі мүмкін. Әрі қарай ОЖЖ тарапынан белгілері байқалуы мүмкін (елестеулер, қозғалыс үйлесімінің бұзылуы және құрысулар).

Соңғы мәредегі белгілері кома, тыныс алудың тоқтауы және жүрек-қантамыр коллапсы болып табылады. Кофеинді 1 г және одан артық қабылдаған кезде қысқа мерзім ішінде тремор, ОЖЖ, жүрек-қантамыр жүйесі тарапынан реакциялар (тахикардия, миокард зақымдануы) дамуы мүмкін. Аскорбин қышқылын 3 г артық қабылдаудан кейін асқазан-ішек симптоматикасымен қатар жүретін транзиторлық осмостық диарея дамуы мүмкін, ол әрқашан 10 г астам қабылдағанда дамиды.

Емі: симптоматикалық.

Шығарылу түрі және қаптамасы

Препарат полиэстер/алюминий/полиамидтің үш қабатты үлбірінен жасалған стик-пакеттерге салынған.

12 стик-пакеттен медициналық қолдануы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

25 °C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Losan Pharma GmbH, Германия

Тіркеу куәлігі иесінің атауы және елі

ШТАДА Арцнаймиттель АГ

Штадаштрассе 2 - 18

D-61118 Бад Вилбель, Германия

Телефон: + 49 6101 603-0

Телефакс: + 49 6101 603-259

Веб сайт: http://www.stada.de

ҚР аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың қауіпсіздігіне тіркеуден кейінгі бақылауға жауапты ұйымның мекенжайы:

«Нижфарм» АҚ ҚР-дағы Өкілдігі

050043, Қазақстан Республикасы,

Алматы қ., Хан-Тәңірі ы/а, 55б

тел.: (727) 2222-100

факс: (727) 398-64-95

e–mail: almaty@stada.kz

 

Прикрепленные файлы

965044551477976210_ru.doc 95 кб
374160071477977459_kz.doc 89.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники