Гофен 400

Гофен 400

Ибупрофен

Дәрілік түрі, дозалануы

Капсулалар, 400 мг

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Пропион қышқылы туындылары. Ибупрофен.

ATХ коды М01АЕ01

Ибупрофен төмендегі жағдайларда ересектер мен 12 жастан асқан балаларда жеңіл және орташа ауыруды жеңілдету үшін қолданылады:

• бас ауыруы және тіс ауыруы

• бас сақинасы

• етеккір кезіндегі ауыру

• невралгиялар

• арқаның ауыруы

• бұлшықет және ревматизмдік аурулар

• тұмау және суық тию аурулары кезіндегі қызбалы жай-күй

Қолдануды бастағанға дейін қажетті мәліметтер тізбесі

- ибупрофенге немесе қосымша заттардың кез келгеніне аса жоғары сезімталдық

- ацетилсалицил қышқылын немесе басқа қабынуға қарсы стероидты емес препараттарды қабылдау түрткі болатын анамнездегі аса жоғары сезімталдық реакциялары (атап айтқанда, бронх демікпесі, ринит, Квинке ісінуі немесе есекжем)

- анамнездегі өршу сатысындағы ойық жара ауруы/ойық жарадан қан кету (ойық жара ауруы/ойық жарадан қан кетудің екі және одан көп расталған көрінісінің анамнезде болуы)

- анамнездегі ҚҚСП қолдану түрткі болған асқазан-ішек жолынан қан кету немесе тесілу

- қатты сусыздану (құсу, диарея немесе жеткіліксіз сұйықтық ішу салдарынан)

- гемофилия және қан ұюының басқа бұзылулары (соның ішінде гипокоагуляциялар), геморрагиялық диатездер

- бауырдың ауыр жеткіліксіздігі

- ауыр бүйрек жеткіліксіздігі

- ауыр жүрек жеткіліксіздігі (NYHA бойынша IV класс - Нью-Йорк Кардиологтар қауымдастығының жіктеуі)

- тұқым қуалайтын фруктоза жақпаушылығы, глюкоза-галактоза мальабсорбциясы, сукраза-изомальтаза ферментінің тапшылығы

- жүктілік (әсіресе III триместрде), босанудан кейінгі кезең және лактация кезеңі.

- 12 жасқа дейінгі балалар.

Қолдану кезінде қажетті сақтық шаралары

Оральді кортикостероидтар сияқты жаралану немесе қан кету қаупін ұлғайтуы мүмкін қатарлас препараттар, варфарин сияқты антикоагулянттар, серотонинді кері қармаудың селективті тежегіштері немесе аспирин сияқты антиагреганттар алатын пациенттерде сақтық таныту керек.

Басқа дәрілік препараттармен өзара әрекеттесуі

Ибупрофенді (басқа да ҚҚСП) келесі препараттармен бір мезгілде қолданудан сақтану керек:

Аспирин: дәрігер тағайындаған аспириннің төмен дозаларын (тәулігіне 75 мг-ден аспайтын) қоспағанда, өйткені бірге қолдану жағымсыз әсерлердің туындау қаупін арттыруы мүмкін.

Тәжірибелік деректер ибупрофеннің осы препараттарды бір мезгілде тағайындағанда аспириннің дезагрегациялық әсерін төмендетуі мүмкін екенін айғақтайды. Алайда, осы деректердің шектеулі екені және клиникалық оқиғаға ex vivo зерттеулері нәтижелерінің экстраполяциясы туралы ақпараттың болмауы ибупрофенді жүйелі қолданғанда осы әсер туындауының анық еместігін, ал препаратты анда-санда қолданғанда аспириннің дезагрегациялық қабілетіне клиникалық релевантты әсер етуі байқалмайтынын айғақтайды.

Басқа ҚҚСП, атап айтқанда, циклооксигеназа-2 селективті тежегіштері: жағымсыз әсерлерінің туындау қаупінің артуы мүмкін болғандықтан, ҚҚСП тобындағы екі немесе одан көп препараттарды бір мезгілде қолданудан сақтану керек.

Келесі препараттармен бір мезгілде сақтықпен тағайындау керек:

Глюкокортикостероидтар: ойық жаралардың немесе асқазан-ішектен қан кетудің туындау қаупінің жоғарылау мүмкіндігіне орай.

Гипотензиялық препараттар (АӨФ тежегіштері және ангиотензин II антагонистері) және диуретиктер: ҚҚСП осы топтар препараттарының тиімділігін төмендетуі мүмкін: Бүйрек функциясы бұзылған кейбір пациенттерде (мысалы, дегидратациясы бар пациенттерде немесе бүйрек функциясы бұзылған егде пациенттерде) АӨФ тежегішін немесе ангиотензин II антагонистін және циклооксигеназаны тежейтін агенттерді бір мезгілде енгізу әдетте қайтымды болатын ықтимал жедел бүйрек жеткіліксіздігін қоса бүйрек функциясының одан әрі нашарлауына әкелуі мүмкін. Бұл өзара әрекеттесуді ҚҚСД АӨФ тежегіштерімен немесе ангиотензин II антагонистерімен бір мезгілде қабылдайтын пациенттерде ескеру қажет. Сондықтан біріктірілімді әсіресе егде адамдарда сақтықпен қолдану керек.

Антикоагулянттар: ҚҚСП антикоагулянттардың, атап айтқанда, варфариннің әсерін күшейтуі мүмкін.

Антиагреганттар және серотонинді кері қармаудың іріктелген тежегіштері (СКҚІТ): асқазан-ішектен қан кетудің жоғары туындау қаупі.

Жүрек гликозидтері: ҚҚСП және жүрек гликозидтерін бір мезгілде тағайындау жүрек жеткіліксіздігінің өршуіне, шумақтық сүзіліс жылдамдығының төмендеуіне және қан плазмасында жүрек гликозидтері концентрациясының жоғарылауына әкелуі мүмкін.

Литий препараттары: ҚҚСП қолдану аясында қан плазмасында литий концентрациясының жоғарылау ықтималдығы туралы деректер бар.

Метотрексат: ҚҚСП қолдану аясында қан плазмасында метотрексат концентрациясының жоғарылау ықтималдығы туралы деректер бар.

Циклоспорин: ҚҚСП және циклоспорин бір мезгілде тағайындалғанда нефроуыттану қаупінің артуы.

Мифепристон: ҚҚСП қабылдау мифепристон қабылдаудан кейін 8-12 күн өткен соң барып басталу керек, өйткені ҚҚСП мифепристон тиімділігін төмендетуі мүмкін.

Такролимус: ҚҚСП және такролимус бір мезгілде тағайындалғанда нефроуыттану қаупі артуы мүмкін.

Зидовудин: ҚҚСП және зидовудинді бір мезгілде қолдану гематологиялық уыттанудың артуына алып келуі мүмкін. Зидовудинмен және ибупрофенмен бірге ем қабылдаған гемофилиясы бар АИТВ-оң пациенттерде гемартроз және гематомалардың жоғары туындау қаупі туралы деректер бар.

Хинолон қатарының антибиотиктері: ҚҚСП және хинолон қатарындағы антибиотиктермен бірге ем қабылдап жүрген пациенттерде құрысулардың туындау қаупі жоғарылауы мүмкін.

Арнайы ескертулер

Бүйрек жеткіліксіздігі

Препарат бүйрек жеткіліксіздігін дамыта отырып, бүйрек функциясын нашарлатуы мүмкін. Сусызданған балалар мен жасөспірімдерде бүйрек жеткіліксіздігінің даму қаупі бар.

Басқа жағдайлар

Егер препарат симптомдарды басуға қажетті ең төмен тиімді дозада ұзаққа созылмайтын уақыт аралығында қабылданса, жағымсыз әсерлерін азайта түсуге болады.

Егде жастағы адамдарда ҚҚСП қолдану аясында жағымсыз реакциялардың, әсіресе, кейбір жағдайларда өліммен аяқталатын асқазан-ішектен қан кетулер мен тесілудің жоғары жиілігі байқалады.

Тыныс алу ағзаларына әсері: өршу сатысындағы бронх демікпесі немесе аллергиялық ауруы бар пациенттерде, сондай-ақ анамнезінде бронх демікпесі/аллергиялық ауруы бар пациенттерде препарат бронх түйілуіне түрткі болуы мүмкін. Шылым шегіп жүргенде препаратты қолданар алдында маманмен кеңесу қажет.

Басқа ҚҚСП-мен бірге пайдалану: басқа ҚҚСП, атап айтқанда, циклооксигеназа-2 іріктелген тежегіштерімен ибупрофенді бір мезгілде қолданудан сақтану керек.

Жүйелі қызыл жегі және дәнекер тіннің аралас ауруы: препаратты жүйелі қызыл жегі немесе дәнекер тіннің аралас ауруы бар пациенттерде қолдану асептикалық менингиттің жоғары даму қаупімен байланысты.

Бауырға әсері: препарат бауыр функциясының бұзылуын туындатуы мүмкін.

Жүрек-қантамыр жүйесіне және ми қан айналымына әсері: ҚҚСП қолдану аясында сұйықтық іркілісі, артериялық қысымның көтерілуі және ісінулердің білінуі туралы хабарламалар болғандықтан, препаратты артериялық гипертензиясы және/немесе жүрек жеткіліксіздігі бар пациенттерде (қолданар алдында дәрігермен кеңесу керек) абайлап қолдану ұсынылады.

Клиникалық зерттеулерде болжамдалғандай, ибупрофенді әсіресе жоғары дозада (күніне 2400 мг) пайдалану артериялық тромбоз оқиғаларының (мысалы, миокард инфаркті немесе инсульт) аздаған жоғары қаупімен байланысты болуы мүмкін.

Жалпы, эпидемиологиялық зерттеулер ибупрофеннің (яғни, тәулігіне 1200 мг және одан аз) төмен дозаларын қабылдау мен миокард инфарктісінің жоғары даму қаупі арасында тәуелділік барын көрсетпейді.

Бақыланбайтын артериялық гипертензиясы, NYHA бойынша II-III класты іркілісті жүрек жеткіліксіздігі, анықталған ишемиялық жүрек ауруы, шеткері артериялар аурулары және/немесе цереброваскулярлы аурулары бар пациенттерге ибупрофен пайда-қауіп арақатынасын мұқият бағалаудан кейін ғана тағайындалу керек, осы орайда ибупрофеннің жоғары дозаларын (≥ 2400 мг/тәулік) қолданбау керек.

Асқазан-ішек жолына әсері: анамнезінде асқазан-ішек жолының аурулары (спецификалық емес ойық жаралы колит, Крон ауруы) бар пациенттерде препаратты сақтықпен қолдану қажет, өйткені осы топтың препараттарын пайдаланғанда бұл аурулар өршуі мүмкін.

ҚҚСП тобының кез келген препараттарын қолданудың кез келген сәтінде, сақтандыру симптомдары немесе осындай асқынулардың алдыңғы анамнезі болғанда немесе болмағанда асқазан-ішек қан кетуі, ойық жаралары мен тесілуі туындаған жағдайлар жөнінде хабарламалар бар.

Асқазан-ішек қан кетуі немесе ойық жаралары/тесілуінің жоғары қаупі ҚҚСП жоғары дозаларын пайдаланумен, пациент анамнезінде, әсіресе, қан кетуге және тесілуге ұласа асқынған ойық жаралы аурудың болуымен, сондай-ақ егде жастағы адамдарда препаратты қолданумен байланысты. Атап көрсетілген пациенттердің санаттарында емдеуді препараттың ең аз тиімді дозасынан бастау керек.

Анамнезінде асқазан-ішек жолы тарапынан уыттану көріністері бар пациенттер, соның ішінде, егде жастағы науқастар, әсіресе, емдеудің басында асқазан-ішек жолы тарапынан болатын кез келген әдеттен тыс симптомдар туралы (атап айтқанда, асқазан-ішектен қан кету жағдайында) хабарлауы тиіс.

Ибупрофенмен ем қабылдайтын пациенттерде асқазан-ішектен қан кету немесе ойық жара пайда болғанда препарат қабылдауды тоқтату керек.

Препараттың құрамында сорбитол бар.  Препаратты тағайындар алдында фруктоза жағымдылығын анықтау керек.

Әйел фертильділігінің бұзылуы

Циклооксигеназа / простагландин синтезін тежейтін дәрілік заттар овуляцияға әсер ете отырып, әйелдерде фертильділіктің бұзылуын тудыруы мүмкін деген шектеулі дәлелдемелер бар. Бұл емдеуді тоқтатқаннан кейін қайтымды.

Ауыр тері реакциялары

ҚҚСП қабылдаумен байланысты кейбір жағдайларда эксфолиативті дерматит, Стивенс-Джонсон синдромы және уытты эпидермалық некролизді қоса, өлімге ұшырататын зардаптардың дамуына дейін апаратын күрделі тері реакциялары дамуының өте сирек жағдайлары туралы жекелеген хабарламалар бар.

Осы реакциялар туындауының аса жоғары қаупі емнің басында (көпшілік жағдайларда емдеудің алғашқы айында) білінді. Тері бөртуі білінгенде, шырышты қабықтар зақымданғанда немесе аса жоғары сезімталдықтың басқа белгілерінде ибупрофен қабылдауды тоқтату керек.

Ибупрофен бар препараттарды қолдануға байланысты жедел жайылған экзентематоздық пустулездің (AGEP) дамуы туралы хабарланған.

Ибупрофен тері бөртпелері, шырышты қабықтың зақымдануы немесе аса жоғары сезімталдықтың кез келген басқа белгілері сияқты елеулі тері реакцияларының белгілері мен симптомдары алғаш пайда болған кезде тоқтату керек.

Педиатрияда қолдану

12 жасқа дейінгі балаларға қолдануға болмайды.

Жүктілік немесе лактация кезінде

Жүктілік

Простагландин синтезінің тежелісі жүктілік, эмбрион мен шарананың дамуына тікелей әсер етуі мүмкін. Эпидемиологиялық зерттеулер деректері жүктіліктің ерте мерзімдерінде простагландиндер синтезінің тежегіштерін пайдаланғанда өздігінен болатын аборт, жүрек ақаулары және гастрошизистің жоғары қаупі расталады.

Жүрек-қантамыр жүйесі аномалияларының абсолютті туындау қаупі 1%-дан аздан шамамен 1,5% дейін жоғарылаған.

Аталған қауіп дозалардың және емдеу ұзақтығының артуымен жоғарылайды.

Осыған орай, жүктіліктің I-II триместрлерінде препаратты қолданудан сақтану керек, қажет болса, препарат қабылдауды дәрігермен кеңесу керек.

Жүктілікті жоспарлайтын әйелдер немесе жүктіліктің I-II триместрлерінде Гофен қабылдағанда дозалануы мен емдеу ұзақтығы ең төмен болуы тиіс.

Жүктіліктің III триместрінде простагландин тежегіштерін қолдану шарана мен анасында келесілердің дамуына ықпал етеді:

- артерия түтігінің мерзімінен бұрын жабылуымен және өкпе гипертензиясының дамуымен кардиопульмонарлық жеткіліксіздік;

- су аздығының (сусыздану) дамуымен бүйрек жұмысының толық тоқтап қалуына әкелуі мүмкін бүйрек жеткіліксіздігі;

- тіпті өте төмен дозаларында қан кету уақытының ұзаруы, антиагрегациялық әсері;

- жатырдың жиырылу қызметінің бәсеңдеуі және мерзімінен кеш немесе созылып кететін босанулар.

Осыған орай, Гофенді жүктіліктің үшінші триместрінде қолдануға болмайды.

Емшек емізу

Ибупрофеннің мардымсыз мөлшерлерде емшек еметін сәби денсаулығына қандай да бір теріс зардаптарсыз емшек сүтіне өту мүмкіндігі туралы деректер бар, сондықтан әдетте қысқа мерзімде қабылдағанда емшек емізуді тоқтату қажеттілігі туындамайды. Препаратты ұзақ уақыт қолдану қажет болса, препаратты қолдану кезеңінде бала емізуді тоқтату мәселесін шешу үшін дәрігерге жүгінген жөн.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жағымсыз әсерлері болуы мүмкін екенін ескеріп, көлік құралдарын және аса қауіпті механизмдерді басқару кезінде сақ болу қажет.

Қолдану жөніндегі нұсқаулар

Дозалау режимі

Бұл препарат емдеуге жатпайды және ауыру синдромын жеңілдетуге және профилактикасы үшін тағайындалады. Препаратты сызба бойынша бір реттік дозаларда тағайындайды.

Ересектерге және 12 жастан асқан балаларға: ішке 1 капсуладан (200 мг) тәулігіне 3 ретке дейін. Капсулаларды сумен ішу керек. Емдік әсеріне тезірек жету үшін ересектерде дозаны тәулігіне 3 ретке дейін 2 капсулаға (400 мг) дейін арттыруға болады.

Капсулаларды қабылдау аралығы 4 сағаттан кем болмауы тиіс.

Ең жоғары тәуліктік доза: 1200 мг (3 капсула 400 мг).

Егер препаратты 2-3 күн бойы қабылдаған кезде симптомдары сақталса немесе күшейсе, препаратты қабылдауды тоқтату және дәрігерге көріну керек. Препаратты 12-ден 18 жасқа дейінгі балалар – 3 күннен астам, ал ересектер – 10 күннен астам уақыт бойы қабылдағанда жалпы жағдайы жақсармаса, дәрігерге көріну қажет.

Жағымсыз әсерлердің пайда болу қаупін азайту үшін препаратты мүмкін болған ең қысқа курспен және симптомдарды жою үшін қажетті ең аз тиімді дозада қабылдау ұсынылады.

Балалар

12 жасқа дейінгі балаларға қолдануға болмайды

Енгізу жолы және тәсілі

Препаратты қабылдау алдында нұсқаулықты мұқият оқып шығыңыз.

Пероральді қолдануға арналған.

Артық дозалану жағдайында қабылдануы қажет шаралар

Балаларда симптомдар дене салмағына 400 мг/кг-ден асып кететін дозасын қабылдаудан кейін туындауы мүмкін. Ересектерде дозаға тәуелді әсері аз білінеді. Артық дозаланғанда препараттың жартылай шығарылу кезеңі 1,5-3 сағат құрайды.

Симптомдары: жүрек айну, құсу, эпигастрий ауыруы немесе, сирек, диарея, құлақтың шуылдауы, бас ауыру және асқазан-ішектен қан кету. Аса ауыр жағдайларда орталық жүйке жүйесі тарапынан уыттану көріністері, атап айтқанда, ұйқышылдық, арасында – қозу, сондай-ақ бағдардан жаңылу немесе кома байқалады, сирек жағдайларда құрысулар туындайды. Ауыр улану жағдайларында метаболизмдік ацидоз дамуы және ХҚҚ/протромбин уақытының ұзаруы мүмкін, бұл препарат пен қан ұюының айналымдық факторларының өзара әрекеттесуімен байланысты болуы ықтимал. Жедел бүйрек жеткіліксіздігі және бауырдың зақымдануы туындауы мүмкін. Бронх демікпесі бар пациенттерде осы ауру өршуі мүмкін.

Емі: пациенттің жай-күйі қалыпқа түскенше негізгі тіршілік көрсеткіштерін, жүрек қызметін мониторингтеумен және тыныс алу жолдарының еркін өткізгіштігін міндетті түрде қамтамасыз етумен симптоматикалық және демеуші ем. Препараттың уыттылығы зор дозасын қабылдаудан кейін бір сағат ішінде ішу арқылы белсендірілген көмір қолдану ұсынылады. Жиі немесе ұзаққа созылатын құрысуларды вена ішіне диазепам немесе лоразепам енгізумен басу керек. Бронх демікпесінде бронходилататорлар қолдану ұсынылады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Егер сізде осы дәрілік препаратты қолдану бойынша қандай да бір қосымша сұрақтар туындаған жағдайда, дәрігерге немесе фармацевтке хабарласыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі емес

- есекжеммен және қышынумен аса жоғары сезімталдық реакциялары

- бас ауыруы

- іш ауыруы, іш кебуі, диспепсия және жүрек айнуы

- түрлі типтегі тері бөртпелері

Сирек

- диарея, метеоризм, іш қатуы және құсу

Өте сирек

- қан түзілуінің бұзылуы (анемия, гемолиздік анемия, апластикалық анемия), лейкопения, тромбоцитопения, панцитопения, агранулоцитоз). Алғашқы белгілері қызба, тамақтың ауыруы, ауыз қуысында ойық жаралар түзілуі, тұмау тәрізді симптомдар, әлсіздік, қан кетудің және гематомалардың себепсіз пайда болуы

- аутоиммундық бұзылулары (жүйелі қызыл жегі, дәнекер тіннің аралас ауруы сияқты) бұрыннан бар пациенттерде ибупрофенмен емделу кезінде желке бұлшықеттерінің сіресуі, бас ауыру, құсу, қызба немесе дезориентация сияқты асептикалық менингит симптомдарының жекелеген жағдайлары байқалды.

- аса жоғары сезімталдықтың ауыр реакциялары бет, тіл және көмей ісінуін, ентігу, тахикардия, гипотонияны (анафилаксия, Квинке ісінуі немесе ауыр шок) қамтиды.

- демікпенің асқынуы, бронх түйілуі

- бас ауыруы

- асептикалық менингит

- жүрек жеткіліксіздігі, ісінулер

- артериялық қысымның жоғарылауы

- асқазанның және он екі елі ішектің ойықжарасы (пептидтік ойық жара), тесілу немесе асқазан-ішектен қан кету, мелена, қан аралас құсу, кейбір жағдайларда өліммен аяқталатын, көбінесе егде жастағы пациенттерде.

- ойықжаралы стоматит

- бауыр функциясының бұзылуы (әсіресе ұзақ емдегенде), гепатит және сарғаюы

- асқынған тері аурулары: эксфолиативті және буллезді дерматоздар, соның ішінде уытты эпидермалық некролиз (Лайелл синдромы), Стивенс-Джонсон синдромы, мультиформалы эритема

- жедел бүйрек жеткіліксіздігі, папиллярлық некроз, әсіресе, ұзақ уақыт қолданғанда, қан сарысуында мочевина деңгейінің жоғарылауымен және ісінулердің пайда болуымен қатар жүретін

- шеткері ісінулер

- гемоглобин деңгейінің төмендеуі

Белгісіз (бар деректер негізінде бағалау мүмкін емес)

- эозинофилия және жүйелі симптомдар (синдром DRESS) кезіндегі дәрі-дәрмекке реакция

- жедел жайылған экзантематоздық пустулез (AGEP)

- демікпе, асқынған демікпе, бронх түйілуі немесе ентігуді қоса тыныс алу жолдарының реактивтілігі

- спецификалық емес ойық жаралы колит пен Крон ауруының өршуі

- бүйрек жеткіліксіздігі

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді зат – ибупрофен, 400.0 мг

қосымша заттар: полиэтиленгликоль 600, калий гидроксиді, тазартылған су

капсуланың құрамы: желатин, сорбитолдың 70 % ерітіндісі, тазартылған су.

Сыртқы түрінің, иісінің, дәмінің сипаттамасы

Ұзынша, мөлдір, жұмсақ, желатинді капсула, 10 minim ашық-сары түсті, мөлдір, түссіз, майлы сұйықтықпен толтырылған.

Шығарылу түрі және қаптамасы

10 капсуладан ПВХ/ПВДХ үлбірден және алюминий фольгадан жасалған пішінді ұяшықты қаптамаға салынады.

Бір пішінді ұяшықты қаптамадан картон қаптамаға салынады.

6 картон қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау мерзімі 2 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Өндіруші туралы мәлімет

Мега Лайфсайенсиз Паблик Компани Лимитед, Таиланд

384 Му 4, Сой 6, Бангпу Индастриал Эстейт, Паттана 3 Роуд,

Пхраекса, Муйанг, Самутпракам 10280

Teл: +66-2-401-8686

Факс: +66-2-324-0451

e-mail: info@megawecare.com

Тіркеу куәлігінің ұстаушысы

Мега Лайфсайенсиз Паблик Компани Лимитед, Таиланд

384 Му 4, Сой 6, Бангпу Индастриал Эстейт, Паттана 3 Роуд,

Пхраекса, Муйанг, Самутпракам 10280

Teл: +66-2-401-8686

Факс: +66-2-324-0451

e-mail: info@megawecare.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ConsultAsia ЖШС

Алматы қ-сы, Шевченко к-сі 165 Б

тел./факс: +77051708876/+77051708825

e-mail: pv@consultingasia.kz