Глютаминовая кислота (капсулы, 250 мг)

МНН: Глутаминовая кислота
Производитель: Павлодарский фармацевтический завод ТОО
Анатомо-терапевтическо-химическая классификация: Аминокислоты и их производные
Номер регистрации в РК: № РК-ЛС-5№018322
Период регистрации: 24.12.2015 - 24.12.2020

Инструкция

Саудалық атауы

Глютамин қышқылы

Халықаралық патенттелмеген атауы

Глутамин қышқылы

Дәрілік түрі

Ішекте еритін капсулалар, 250 мг

Құрамы

Бір капсуланың құрамында

белсенді зат - 250 мг глутамин қышқылы;

қосымша заттар: картоп крахмалы, желатин, тальк, кальций стеараты;

капсула қабығының құрамы: желатин, гидроксипропилметилцеллюлоза фталаты, титанның қостотығы (Е171), жасыл бояғыш S (Е142), куркумин бояғышы (Е100).

Сипаттамасы

Крем түсті корпусы мен жасыл түсті қақпақшасы, құрамында ақ немесе ақ дерлік ақ ұнтақ немесе түйіршіктер бар ішекте еритін қатты желатин капсулалар.

Фармакотерапиялық тобы

АІЖ ауруларын және зат алмасудың бұзылуын емдеуге арналған басқа да препараттар. Амин қышқылдары және олардың туындылары.

ATХ коды A16AA

Фармакологиялық қасиеттері

Фармакокинетикасы

Глютамин қышқылы ішке қабылдаған кезде жақсы сіңеді және гематоэнцефалдық бөгет және жасуша жарғақшалары арқылы өтеді; организмге енгізілгеннен кейін ол метаболизм үдерісінде утилизацияланады, 4-7% жуығы өзгермеген күйінде бүйрекпен шығарылады.

Фармакодинамикасы

Ақуыздар мен көмірсудың алмасуына қатысады, мида тотығу-тотықсыздандыру үдерістерін көтермелейді, тотығу-тотықсыздандыру потенциалының төмендеуіне кедергі келтіреді, организмнің гипоксияға төзімділігін арттырады; жүйке және эндокриндік жүйе функционалдық жағдайын өзгерте отырып, зат алмасуды қалыпты етеді; нейромедиаторлық амин қышқылы болып табылады, ОЖЖ синапстарында қозудың берілуін ынталандырады; басқа амин қышқылдары, ацетилхолин, АТФ, мочевинаның синтезіне қатысады, калий иондарының қажетті концентрациясын тасымалдау мен ұстап тұруға ықпал етеді, қаңқа бұлшықеттерінің қызметін жақсартады (миофибрилл компоненттерінің бірі болып табылады); уытсыздандыратын әсер етеді, аммиакты зиянсыздандыруға және организмнен шығаруға ықпал етеді; қанда және тіндерде гликолиз көрсеткіштерінің мөлшерін қалыпты етеді, гепатопротекторлық әсері бар, асқазанның секреторлық функциясын бәсеңдетеді.

Қолданылуы

Кешенді ем құрамында:

  • эпилепсияда (көбіне баламасымен шағын ұстамаларда)

  • шизофренияда

  • психозда (соматогендік, уыттандырғыш, инволюциялық)

  • жүдеуге ұласатын реактивті жағдайларда

  • депрессияда

  • менингит және энцефалит зардаптарында

  • изоникотин қышқылының гидразидтерін қолдану аясындағы уытты нейропатияда

  • бауыр комасында.

Қолдану тәсілі және дозалары

Тамақтанудан 15-30 минут бұрын ішке, диспепcиялық құбылыстар дамыған жағдайда – тамақтану кезінде немесе одан кейін қабылдайды.

Ересектерге 1000 мг-ден тәулігіне 2-3 рет тағайындайды.

Емдеу курсы – 1-2 айдан 6-12 айға дейін.

Олигофренияда бірнеше ай бойы 100 – 200 мг/кг-ден тағайындайды. Дәрігердің тағайындауы бойынша қолдану керек.

Жағымсыз әсерлері

  • құсу, сұйық нәжіс болуы мүмкін

  • ОЖЖ қозуы

  • аллергиялық реакциялар

  • ұзақ уақыт қолданғанда: гемоглобин мөлшерінің төмендеуі, лейкопения, анемия, ауыз қуысының шырышты қабығының тітіркенуі, еріннің жарылуы.

Қолдануға болмайтын жағдайлар

  • препаратқа аса жоғары сезімталдық

  • қызба жағдайы

  • бүйрек және бауыр жеткіліксіздігі

  • асқазан мен он екі елі ішектің ойық жара ауруы

  • анемия, лейкопения

  • қатты қозғыштық, қарқынды жүретін психикалық реакциялар

  • 18 жасқа дейінгі балалар мен жасөспірімдерге

Дәрілермен өзара әрекеттесуі

Миопатия үдеген кезде пахикарпинмен немесе глицинмен біріктіріп қолданудың тиімділігі білінді.

Айрықша нұсқаулар

Емдеу кезеңінде қанға және несепке жалпы клиникалық талдаманы жүйелі жүргізу қажет.

Жағымсыз әсерлер пайда болған кезде қабылдауды тоқтатқан және дәрігерге қаралған жөн.

Педиатрияда қолданылуы

Бұл дәрілік түрі 18 жасқа дейінгі балаларға қолданылмайды.

Жүктілік және лактация

Жүктілік және лактация кезеңінде қолдану қауіпсіздігі жөнінде деректер жоқ.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Білінген жоқ

Шығарылу түрі және қаптамасы

10 капсуладан поливинилхлоридті немесе ұқсас импорттық үлбірден және баспалы лакталған алюминий немесе ұқсас импорттық фольгадан жасалған пішінді ұяшықты қаптамаға салынады.

Пішінді ұяшықты қаптамалар медициналық қолдану жөніндегі мемлекеттік және орыс тіліндегі нұсқаулықтың сәйкес санымен гофрланған картон жәшікке салынады.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

«Павлодар фармацевтикалық зауыты» ЖШС

Қазақстан, Павлодар қ., 140011, Қамзин к-сі, 33

Қаптаушы

«Павлодар фармацевтикалық зауыты» ЖШС.

Қазақстан, Павлодар қ., 140011, Қамзин к-сі, 33.

Тіркеу куәлігінің иесі

«Павлодар фармацевтикалық зауыты» ЖШС, Қазақстан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Павлодар фармацевтикалық зауыты» ЖШС, Қазақстан, Павлодар қ., 140011, Қамзин к-сі, 33, тел./факс: 8 (7182) 61-79-63/61-79-62, pfz@romat.kz.

 

 

Прикрепленные файлы

561293011477976308_ru.doc 54.5 кб
991518621477977554_kz.doc 53 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники