Глюкотон® MR

• русский
• қазақша

• Скачать инструкцию медикамента

Саудалық атауы

Глюкотон® MR

Халықаралық патенттелмеген атауы

Гликлазид

Дәрілік түрі

Босап шығуы өзгертілген таблеткалар, 30 мг

Құрамы

Бір таблетканың құрамында

белсенді зат - 30 мг гликлазид,

қосымша заттар: Полиэтиленоксид (POLYOX WSR Сoagulant), микрокристалды целлюлоза, магний стеараты, коллоидты кремнийдің қостотығы.

Сипаттамасы

Екі беті дөңес, ақ түсті таблеткалар.

Фармакотерапиялық тобы

Сульфонилмочевина туындылары, ішу арқылы қолданылатын қант түсіретін препараттар.

ATЖ коды A10BB09

Фармакологиялық қасиеттері

Фармакокинетикасы

Препаратты ішке қабылдағанннан кейін гликлазид асқазан-ішек жолынан толығымен сіңіріледі. Плазмадағы Cmax 6-12 сағатта жетеді. Плазма ақуыздарымен байланысуы 95% құрайды. T1/2 16 сағатқа жуықты құрайды. Көбінесе бүйрекпен метаболиттер түрінде шығарылады.

Фармакодинамикасы

Глюкотон® MR - II буын сульфонилмочевинасы туындылары тобына жататын пероральді гипогликемиялық препарат.

Глюкотон® MR Лангерганс аралшықтары β жасушаларының инсулин сөлінісін көтермелей отырып, қандағы глюкоза деңгейін төмендетеді. Препарат глюкозаның түсуіне жауап ретінде инсулиннің ең жоғарғы ерте сөлінісін қалпына келтіреді және инсулин сөлінісінің екінші фазасын күшейтеді. Инсулин сөлінісінің айтарлықтай жоғарылауы ас қабылдаудан және глюкоза енгізуден болған көтермеленуге жауап ретінде байқалады.

Глюкотон® MR шеткергі тіндердің инсулинге сезімталдығын арттырады және жасушаішілік ферменттердің белсенділігін көтермелейді (оның ішінде, гликоген-синтетаза).

Көмірсу алмасуына ықпалынан тыс гликлазид микроциркуляцияны жақсартады. Глюкотон® MR тромбоциттердің ішінара тежелген агрегациясы мен адгезиясына және тромбоциттердің белсену факторларының концентрациясын төмендеуіне ықпал ете отырып, майда қан тамырлардың тромбозы қаупін төмендетеді. Препарат қан тамыр эндотелийінің фибринолитикалық белсенділігін де қалпына келтіреді және плазминогеннің тіндік активаторының белсенділігін арттырады. Гликлазидтің антиоксиданттық және антиатерогендік қасиеттері бар.

Қолданылуы

Емдәммен және дене жүктемесімен емдеумен үйлестіргенде, соңғысы тиімсіз болғанда, 2 типті қант диабетінде.

Қолдану тәсілі мен дозалары

Препарат тек ересектерге арналған. Ұсынылатын бастапқы дозасы 30 мг (1 таб.) құрайды. Дозасын іріктеуді қандағы глюкоза деңгейіне сәйкес, емдеуді бастағаннан кейін жүргізу керек. Дозасын әрбір келесі өзгерту кемінде 2 апталық кезеңнен кейін жүзеге асырылуы мүмкін.

Демеуші емде бір дозасын күн сайын қабылдау қандағы глюкоза деңгейін тиімді бақылауды қамтамасыз етеді.

Препараттың күнделікті дозасы 30 мг-ден 120 мг-ге дейін (1-4 таб.) ауытқып отырады. Ең жоғарғы тәуліктік дозасы - 120 мг. Препаратты ішке, тәулігіне 1 рет, таңертеңгі ас кезінде қабылдайды.

Препараттың бір немесе бірнеше қабылдауын жіберіп алған жағдайда келесі қабылдауды жоғарырақ дозасын қабылдауға болмайды.

Бұрын ем алмаған емделушілер үшін, бастапқы дозасы 30 мг құрайды. Сосын дозасын жекелей, емдік әсеріне жеткенше іріктейді.

Басқа гипогликемиялық препараттан Глюкотон® MR-ға көшу қандай да бір өтпелі уақыт кезеңін талап етпейді.

Егер науқас бұған дейін T1/2 ұзаққа созылатын сульфонилмочевина туындыларымен ем алған болса, онда алдыңғы емнің қалдық әсерінің салдары ретінде гипогликемияның дамуын болдырмау үшін, 1-2 апта ішінде мұқият қадағалау жүргізу қажет (гликемия деңгейін бақылау).

Жағымсыз әсерлері

Кейде

- гипогликемия

- жүрек айнуы, құсу, іштің ауыру, диарея немесе іштің қатуы (әдетте қайтымды)

Сирек

• АСТ, АЛТ, СФ белсенділігінің жоғарылауы

• қышу, есекжем, макуло-папулалық бөртпе

• тромбоцитопения, агранулоцитоз немесе лейкопения, анемия (әдетте қайтымды сипаттағы).

Қолдануға болмайтын жағдайлар

• 1 типті қант диабетінде

• диабеттік кетоацидозда

• диабеттік прекома мен комада

• бүйрек пен бауырдың ауыр жеткіліксіздігінде

• балаларға және 18 жасқа дейінгі жасөспірімдерге

• жүктілікте; лактацияда (бала емізуде)

• миконазолды бір мезгілде қабылдағанда

• препараттың құрамдас бөліктері мен басқа сульфонилмочевина туындыларына жоғары сезімталдықта

Дәрілермен өзара әрекеттесуі

Глюкотон® MR-ді миконазолмен бір мезгілде қолдану болуы мүмкін гипогликемия дамуын коматоздық жағдайға дейін күшейтеді (мұндай біріктіру қарсы көрсетілімді).

Фенилбутазон, этанол сульфонилмочевина туындыларының гипогликемиялық әсерін күшейтеді.

Бета-адренобөгегіштерді бір мезгілде қолдану кейбір гипогликемия симптомдарын, мысалы, жүрек соғысы мен тахикардияны бүркемелейді. Іріктелмеген бета-адренобөгегіштердің көпшілігі гипогликемияның жиілігі мен айқындығын арттырады.

Флуконазол гипогликемияның даму қаупін ұлғайтады. Даназолмен бір мезгілде қолданғанда Глюкотон® MR-дің тиімділігі төмендеуі мүмкін.

Глюкокортикостероидтар (жүйелік, сыртқы немесе жергілікті қолдану үшін ), тетракозактид, ритодрин, сальбутамол, тербуталин (к/і енгізу үшін) Глюкотон® MR-мен бір мезгілде қолданғанда қандағы глюкоза деңгейін жоғарылатады.

Глюкотон® MR-ді прогестагендермен бір мезгілде қолданғанда, жоғары дозалардағы диабетогендік әсерін ескеру керек.

Айрықша нұсқаулар

Глюкотон® MR міндетті түрде таңғы асты қоса дұрыс тамақтанатын және көмірсулардың жеткілікті түсуін қамтамасыз ететін емделушілерге ғана тағайындалуы мүмкін.

Қандағы глюкоза деңгейін, несептегі глюкоза құрамын үнемі анықтап отыру қажет.

Глюкотон® MR-ды тағайындағанда науқасты гипогликемияның даму қаупінен, оның симптомдары мен оның дамуына ықпал ететін жағдайлар туралы хабардар ету керек.

Гипогликемиялық препараттарды қолданғанда егде жастағы науқастарда, үнемі жеткілікті тамақтанбайтын тұлғаларда, жалпы жағдайы әлсіреген, бүйрекүсті безі немесе гипофизарлық жеткіліксіздігі бар емделушілерде гипогликемияның даму қаупі жоғары.

Хирургиялық араласулар, жарақаттар немесе жұқпалы аурулар жағдайында, инсулин препараттарының қолданылу мүмкіндігін ескеру қажет.

Глюкотон® MR мен гликлазидтің фармакологиялық қасиеттеріне әсер ететін дәрілік заттарды бір мезгілде қолдану қажет болғанда, емделуші көмірсу алмасуы көрсеткіштерін өздігінен ұдайы бақылау қажеттігінен хабардар болуы тиіс.

Глюкотон® MR бигуанидтермен, альфа-глукозидазалар тежегіштерімен немесе инсулин препараттарымен бірге қолданылуы мүмкін.

Глюкотон® MR-мен емдеу аясында алкоголь немесе құрамына этанол кіретін медициналық препараттарды тұтынудан бас тарту қажет.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Науқастар гипогликемияның симптомдарынан хабардар болуы және автокөлік немесе механизмдерді басқару кезінде сақ болуы тиіс.

Артық дозаланғанда

Симптомдары - гипогликемия.

Емі: гипогликемияның орташа симптомдарын көмірсулар қабылдау арқылы, дозасын іріктеу және/немесе емдәмді өзгерту арқылы түзейді. Егер гипогликемиялық комаға күдіктенсе немесе диагностикаланса, науқасқа тез к/і концентрацияланған глюкоза ерітіндісінің (40%) 50 мл-сін енгізеді. Сосын қандағы глюкозаның қажетті деңгейін ұстап тұру үшін, к/і тамшылатып сұйығырақ глюкоза ерітіндісін (5%) енгізеді. Мұқият мониторингті кемінде келесі 48 сағат ішінде жүргізу керек. Ауыр гипогликемиялық жағдайлар емделушіні шұғыл ауруханаға жатқызуды талап етеді.

Шығарылу түрі мен қаптамасы

Бастапқы қаптамасы: 10 таблеткадан поливинилхлоридті үлбір мен баспалы лакталған алюминиий фольгадан жасалған пішінді ұяшықты қаптамаға салады.

Екіншілік қаптамасы: 3 пішінді қаптамадан мемлекеттік және орыс тілдеріндегі медицинада қолданылуы жөніндегі нұсқаулықпен бірге картон пәшкеге салады.

Сақтау шарттары

100C-ден 25 0C-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Препаратты жарамдылық мерзім өткеннен кейін пайдалануға болмайды.

Дәріханалардан босатылу шарттары

Рецепт арқылы.

Өндіруші

«GM Pharmaceuticals Ltd.», PSP group, Грузия

Тіркеу куәлігінің иесі

«GM Pharmaceuticals Ltd.», PSP group, Грузия

Қазақстан Республикасы аумағында тұтынушылардан тауар (өнім) сапасына қатысты шағымдарды қабылдайтын ұйымның мекенжайы:

ҚР-дағы өкілі, Алматы қ-сы, Шагабудинов к-сі 66, 22 -пәтер

телефоны + 7(727) 399 88 49

электронды поштасы: mss001@mail.ru