Глюкоза (200 мл)

МНН: Декстроза
Производитель: СП ООО Reka-Med Farm
Анатомо-терапевтическо-химическая классификация: Dextrose
Номер регистрации в РК: № РК-ЛС-5№014995
Период регистрации: 21.01.2016 - 21.01.2021

Инструкция

Саудалық атауы

Глюкоза

Халықаралық патенттелмеген атауы

Жоқ

Дәрілік түрі

Инфузияға арналған ерітінді 5 %

Құрамы

1 л препараттың құрамында

белсенді зат - глюкоза моногидраты (сусыз затқа шаққанда) 50.0 г,

қосымша заттар: хлорсутек қышқылы 0.1 М, натрий хлориді, инъекцияға арналған су.

Сипаттамасы

Түссіз немесе сәл сарғыштау мөлдір, иіссіз, дәмі тәттілеу сұйықтық

Фармакотерапиялық тобы

Плазма алмастыратын және перфузиялық ерітінділер. Басқа да ирригациялық ерітінділер. Декстроза.

АТХ коды ВО5СХ01

Фармакологиялық қасиеттері

Фармакокинетикасы

Декстроза тіндерге түскенде организмнің зат алмасуының көптеген бөлігіне белсенді қосылатын глюкоза-6-фосфатқа айнала отырып фосфорланады. Глюкозаның метаболизмінде тіндерде организмнің қызмет етуіне қажетті энергияның едәуір мөлшері бөлінеді.

Ерітінді қан тамырлар жүйесінен жылдам шығарылады және қан тамырлары айналымындағы сұйықтық көлемін тек уақытша ұлғайтады.

Бүйрек арқылы бөлінеді.

Фармакодинамикасы

Глюкоза организмдегі тотығу-тотықсыздану үдерістерін күшейтеді, бауырдың уыттануға қарсы функциясын жақсартады, организмнің энергетикалық шығындарының бір бөлігін жабады, өйткені ол жеңіл сіңетін көмірсулардың көзі болып табылады.

Қолданылуы

Кешенді ем құрамында:

- көмірсулық қоректенудің жеткіліксіздігі

- инфекциялық аурулар

- бауыр ауруы

- жүрек қызметінің декомпенсациясы

- гипогликемия

- өкпенің ісінуі

- шок

- коллапс

- көктамыр ішіне енгізу үшін дәрілік препараттардың ерітінділерін дайындау

Қолдану тәсілі және дозалары

Препаратты ең жоғары 7 мл/мин жылдамдықпен (1 минутта 150 тамшы немесе 400 мл/сағ) көктамыр ішіне тамшылатып енгізеді.

Ересектер үшін ең жоғары тәуліктік доза - 2 л. Сондай-ақ тері астына және клизмада (300-500 мл) қолданады.

Глюкозаның дозасы организмнің жекелей қажеттіліктеріне байланысты. Зат алмасуы қалыпты ересектерге енгізілетін глюкозаның тәуліктік дозасы 4-6 г/кг/тәулік аспауы тиіс, яғни 250-450 г/тәулік шамасында болуы тиіс, бұл орайда енгізілетін сұйықтықтың көлемі 30-40 мл/кг/тәулік құрайды. Зат алмасу көлемін қарқынды төмендеткенде тәуліктік дозаны 200-300 г-ге дейін азайтады.

Балаларға парентеральді қоректендіру үшін майлармен және аминқышқылдармен қатар, бірінші күні 6 г глюкозаны/кг/тәулік, одан кейін – 15 г/кг/тәулік дейін енгізеді. Глюкозаның дозасын есептеу кезінде енгізілетін сұйықтықтың жол берілетін көлемін назарға алу керек: салмағы 2-10 кг балалар үшін 100-165 мл/кг/тәулік, салмағы 10-40 кг балалар үшін 45-100 мл/кг/тәулік.

Электролиттік теңгерілімін қадағалау қажет!

Жағымсыз әсерлері

- қызба

- аллергиялық реакциялар

- гипергликемия

- гиперволемия

- электролиттік теңгерімнің бұзылуы, оның ішінде гипокалиемия, гипомагниемия, гипофосфатемия

- сол жақ қарыншаның жедел жеткіліксіздігі

Сирек

- енгізу орнында – инфекцияның дамуы, тромбофлебит, қан құйылу жағдайында тіндер некрозы.

Ұзақ қолдану немесе ерітіндінің үлкен көлемдерін жылдам инфузиялау ісінуге немесе сумен уыттануға, бауырдың функционалдық жағдайының бұзылуына және ұйқы безі инсулярлық аппаратының тозуына әкеп соғуы ықтимал.

Қолдануға болмайтын жағдайлар

- препаратқа аса жоғары сезімталдық

- қант диабеті

- гипергликемия

- гиперлактацидемия

- гипергидратация

- гиперосмолярлық кома

- глюкоза утилизациясының операциядан кейінгі бұзылуы

- ми мен өкпе ісіну қаупін төндіретін циркуляторлық бұзылу

- мидың ісінуі, өкпенің ісінуі

- сол жақ қарыншаның жедел жеткіліксіздігі

- метанолдан улану

Дәрілермен өзара әрекеттесуі

Глюкоза натрийдің асқазан-ішек жолынан сіңірілуін жеңілдетеді.

Препаратты аскорбин қышқылымен үйлестіріп қолдануға болады.

4-5 г-ге 1 ӘБ есебіндегі инсулинді бір мезгілде енгізу глюкозаның едәуір толық сіңуіне ықпал етеді.

Глюкоза жеткілікті түрде күшті тотықтандырғыш болып табылуына байланысты оны гексаметилентетраминмен бір еккіште енгізуге болмайды. Глюкозаны алкалоид ерітінділерімен (олар ыдырайды), жалпы анестетиктермен және ұйықтатқыш дәрілермен (олардың белсенділігін төмендетеді) бірге араластыруға болмайды.

Глюкоза ауыруды басатын, адреномиметикалық дәрілердің әсерін әлсіретеді. Глюкоза стрептомициннің белсенділігін жояды және нистатиннің белсенділігін төмендетеді.

Айрықша нұсқаулар

Қандағы қанттың деңгейін және электролиттік теңгерімді бақылау қажет!

Глюкозаның үлкен көлемдерін енгізу электролитті көп жоғалтқан науқастар үшін қауіпті болуы ықтимал. Глюкоза ерітінділерін жедел ишемиялық ұстамаларды өткергеннен кейін тағайындамау қажет, өйткені гипергликемия сауығу үдерісіне теріс әсер етеді.

Глюкоза көрсетілімдері бойынша қолданылуы мүмкін.

Жүктілік және лактация

Көрсетілімдері болған жағдайда препаратты жүктілік және бала емізу кезеңінде қолдануға болады.

Дәрілік заттың көлік құралдарын немесе әлеуетті қаупі бар механизмдерді басқару қабілетіне ықпал ету ерекшеліктері

Ықпал етпейді.

Артық дозалануы

Симптомдары: жағымсыз әсерлерінің айқын симптомдары, гипергликемияның пайда болуы. Глюкозаның құрамы (55 ммоль/л-ден жоғары, кейде 100 ммоль/л-ге дейін және одан да жоғары) артқанда гиперосмолярлық кома және шок пайда болуы мүмкін.

Емі: глюкозаны енгізуді тоқтатып, инсулин енгізу, симптоматикалық ем.

Шығарылу түрі және қаптамасы

200 мл препараттан резеңке тығынмен тығындалған және алюминий қалпақшамен қапсырылған қанға және қан алмастырғыштарға, трансфузиялық және инфузиялық препараттарға арналған шыны бөтелкелерге құяды.

28 бөтелкеден немесе тапсырыс берушінің талабымен қажет мөлшерде қолдану жөніндегі мемлекеттік және орыс тілдеріндегі нұсқаулықтың тиісті мөлшерімен бірге гофрланған картоннан жасалған жәшіктерге қаптайды.

Сақтау шарттары

25 ºС-ден аспайтын температурада сақтау керек.Балалардан қорғау қажет!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Reka - Med Farm» БК ЖШҚ, Өзбекстан Республикасы, Сырдария ауданы, С. Рахимов атындағы ф/х, М.Захидов к-сі, 36

Тіркеу куәлігінің иесі

«Reka - Med Farm» БК ЖШҚ, Өзбекстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы «МегаФармПлюс» ЖШС

ОҚО, Шымкент қ-сы, Қызыл жар ы/а, Қара су к-сі №30

Тел./факс: (7252) 45-31-23

E-mail: megafarmplus@yandex.kz

 

Прикрепленные файлы

167891391477976298_ru.doc 73.5 кб
775759571477977543_kz.doc 47.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники