Глюкоза (10 ампул)

Глюкоза

Жоқ

Инъекцияға арналған ерітінді 40 %, 5 мл, 10 мл

1 мл препараттың құрамында

белсенді зат – сусыз глюкоза - 0,40 г,

қосымша заттар: 0.1 М хлорсутек қышқылы, натрий хлориді, инъекцияға арналған су.

Түссіз немесе сәл сарғыштау мөлдір ерітінді.

Қан және қан түзу ағзалары. Қан алмастырғыштар және перфузиялық ерітінділер. Ирригациялық ерітінділер. Басқа да ирригациялық ерітінділер. Глюкоза.

ATХ коды B05CX01

Фармакокинетикасы

Препараттың 20% және 40% ерітінділері тіндер үшін гипертониялық болып табылады. Оларды венаға енгізген кезде қанның осмостық қысымы көтеріледі, сұйықтықтың тіндерден қанға ағып келуі мен зат алмасу күшейеді, жүрек бұлшықеттерінің жиырылу қызметі күшейеді, тамырлар кеңейеді, диурез артады.

Фармакодинамикасы

Глюкоза организмде тотығу-тотықсыздану үдерістерін күшейтеді, бауырдың уыттылыққа қарсы функциясын жақсартады, миокардтың жиырылу қызметін күшейтеді, жеңіл сіңірілетін көмірсу көзі болып табылады.

Глюкоза ерітінділерінің фармакодинамикалық қасиеттері жасушалық метаболизм энергиясының негізгі көзі – глюкозаның қасиеттеріне ұқсас.

Глюкоза тіндерге түсе отырып, организмнің көптеген зат алмасу буындарына белсенді қосылатын глюкоза-6-фосфатқа айналумен фосфорланады.

- гипогликемияда (қандағы қант деңгейінің төмендеуі)

Қатаң түрде дәрігердің тағайындауы бойынша қолданылады.

Вена ішіне тамшылатып енгізеді, 20 мл ең көбі минутына 40 тамшы, ең жоғары тәуліктік доза ересектер үшін 300 мл, 40% ең көбі минутына 30 тамшы, ең жоғары тәуліктік доза ересектер үшін 250 мл. Сонымен қатар 40% ерітінді 20 мл дозада 4-5 мл 5% аскорбин қышқылы ерітіндісімен бірге тәулігіне 1-2 рет вена ішіне баяу енгізіледі.

Енгізілетін глюкоза ерітіндісінің концентрациясы мен дозасы пациенттің жасына, дене салмағы мен клиникалық жағдайына байланысты.

Препаратты тұрақты медициналық бақылаумен қолдану керек.

Жағымсыз реакциялар MedDRA сөздігі мен ДДҰ жағымсыз реакциялар дамуы жиілігінің жіктеуіне сәйкес жүйелер мен ағзалар бойынша топталған: өте жиі (≥ 1/10), жиі (≥ 1/100 < 1/10 дейін), жиі емес (≥ 1/1000 < 1/100 дейін), сирек (≥ 1/10000 < 1/1000 дейін), өте сирек (< 1/10000), жиілігі белгісіз – жиілігін қолда бар деректер негізінде анықтау мүмкін емес.

• иммун жүйесі тарапынан:

жиілігі белгісіз – анафилаксиялық реакциялар (ангионевроздық ісіну, шок), жоғары сезімталдық

• зат алмасу және тамақтану тарапынан:

жиілігі белгісіз - су-электролиттік теңгерімнің бұзылуы (гипокалиемия, гипомагниемия және гипофосфатемия), гипергликемия, гемодилюция, дегидратация, гиперволемия

• қантамырлар тарапынан:

жиілігі белгісіз – веналық тромбоз, флебит.

• асқазан-ішек жолы тарапынан:

полидипсия, жүрек айну

• тері және тері асты тіндері тарапынан:

жиілігі белгісіз – қатты терлеу, бөртпе

• бүйрек және несеп шығару жолдары тарапынан:

жиілігі белгісіз - полиурия

• жалпы бұзылулар және енгізген орындағы бұзылыстар:

жиілігі белгісіз – қалтырау, қызба, инъекция орнындағы инфекция, тромбофлебит, инъекция орнының тітіркенуі, экстравазация, инъекция орнының ауыруы

• зертханалық-аспаптық деректер:

жиілігі белгісіз – глюкозурия.

• препаратқа жоғары сезімталдық

• гипогликемияға байланысты жағдайларды қоспағанда, бассүйекішілік және жұлынға субарахноидальді қан кету

• алкогольдік делирийді қоса, ауыр дегидратация

• анурия

• қант диабеті және гипергликемиямен қатар жүретін басқа да жай-күйлер

• глюкоза-галактоза мальабсорбциясы синдромы

• мидың ісінуі және өкпенің ісінуі

• жедел сол жақ қарыншалық жеткіліксіздік

• гиперлактацидемия

• гиперосмолярлық кома

Натрий хлориді ерітіндісімен бірге қолданғанда ерітіндінің осмолярлығына қатысты аддитивті әсер етеді.

Глюкоза айтарлықтай күшті тотықтырғыш болғандықтан, оны гексаметилентетраминмен, эритроциттер агрегациясы немесе гемолизіне байланысты қан препараттарымен бір шприцте енгізуге болмайды.

Глюкоза ерітіндісін жалпы анестетиктермен және ұйықтататын дәрілермен (белсенділігі төмендейді), алкалоидтар ерітінділерімен (олардың ыдырауы жүреді) бір еккіште араластыруға болмайды.

Глюкоза аналгетиктердің, адреномиметиктердің әсерін әлсіретеді, стрептомициннің белсенділігін жояды, нистатиннің тиімділігін төмендетеді.

Глюкозаның жақсы қорытылуы үшін нормогликемиялық жағдайларда дұрысы препаратты енгізуді қысқа мерзімді әсер ететін 4-8 ӘБ инсулин (тері астына) тағайындаумен біріктірген жөн.

Препаратты қандағы қант деңгейі мен электролиттер деңгейін бақылай отырып қолданған жөн.

Глюкоза ерітіндісін бассүйек-мидың ауыр жарақатының жедел кезеңінде, мидағы қан айналымының ауыр бұзылуы кезінде тағайындауға болмайды, өйткені препарат ми құрылымы бұзылуын ұлғайтуы және аурудың барысын (гипогликемияны түзету жағдайларынан басқасы) қиындатуы мүмкін.

Гипокалиемия кезінде глюкоза ерітіндісін енгізуді калий тапшылығын түзетумен үйлестіру керек (гипокалиемияның күшею қаупіне байланысты).

Гипотониялық дегидратацияда – препаратты гипертониялық тұзды ерітінділерді енгізумен бір мезгілде қолдану көрсетіледі.

Ерітіндіні тері астына және бұлшықет ішіне қолдануға болмайды.

Ампуланың ішіндегісін тек бір пациентке пайдалануға болады, ампуланың герметикалығы бұзылғаннан кейін пайдаланылмаған ерітіндіні төгіп тастау керек.

Бүйрек жеткіліксіздігі, декомпенсацияланған жүрек жеткіліксіздігі, гипонатриемия кезінде глюкоза тағайындағанда аса сақтық танытып, орталықтық гемодинамика көрсеткіштерін бақылау қажет етіледі.

Педиатрияда пайдалану

Балаларға тек дәрігердің тағайындауы бойынша және бақылауымен қолданады.

Жүктілік және лактация кезеңі

Жүктілік кезінде және лактация кезеңінде глюкоза көрсетілім бойынша қолданылуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралын немесе қауіптілігі зор механизмдерді басқаруға әсер етпейді.

Симптомдары: гипергликемия, глюкозурия, қанның осмостық қысымының жоғарылауы (тіпті гипергликемиялық команың дамуына дейін), гипергидратация және электролиттік тепе-теңдіктің бұзылуы.

Емі: препаратты тоқтатады және қандағы глюкоза деңгейі 9 ммоль/л жеткенге дейін қан глюкозасының әрбір 0,45-0,9 ммоль-не 1 ӘБ есебімен инсулин тағайындайды. Қандағы глюкоза деңгейін біртіндеп төмендету керек. Инсулинді тағайындағанда бір мезгілде теңестірілген тұз ерітіндісінің инфузиясы жүргізіледі.

Қажет болғанда симптоматикалық ем тағайындайды.

Шығарылу түрі және қаптамасы

5 мл және 10 мл шыны ампулада. 5 ампуладан поливинилхлоридті үлбірден жасалған пішінді ұяшықты қаптамаға салынады. 5 ампуладан аралықтары немесе арнайы ұялы орындары бар картон қорапшаға салынады. Әрбір қорапшаға 2 пішінді ұяшықты қаптамадан және медициналық қолдану жөніндегі мемлекеттік және орыс тіліндегі нұсқаулықты, ампулалық пышақ немесе ампулалық скарификатор салынады. Сындыру сақинасы, нүктесі мен кертігі бар ампулаларды қаптаған кезде ампулалық пышақ немесе скарификатор салынбайды.

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«UZGERMED PHARM» ЖШҚ БК, Өзбекстан

Ташкент облысы, Юкори Чирчик ауданы, Борданкөл кенті,

Телефон/факс нөмірі: (99871) 202-60-06, (998970) 983-62-62

Электронды пошта: info@ugp.uz

Тіркеу куәлігі ұстаушысының атауы және елі

«Мега Фарм Плюс» ЖШС

Шымкент, Абай ауданы, Қарасу к-сі 29

Телефон/факс нөмірі: (7252) 453123

Электронды пошта: Megafarmplis@yandex.kz

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Мега Фарм Плюс» ЖШС

Шымкент, Абай ауданы, Қарасу к-сі 29

Телефон/факс нөмірі: (7252) 453123

Электронды пошта: Megafarmplus@yandex.kz