Глутоксим®

Глутоксим®

Жоқ

Дәрілік түрі, дозасы

Инъекцияға арналған ерітінді, 10 мг/мл және 30 мг/мл

Антинеопластикалық және иммуномодуляциялайтын препараттар. Иммуностимуляторлар. Басқа иммуностимуляторлар.

АТХ коды L03АХ

- туберкулез микобактерияларының дәрілік резистенттілігі болған кезде барлық жерге жайылған туберкулездің ауыр кең таралған түрлерін кешенді туберкулезге қарсы емдеу құрамында, туберкулезбен ауыратын науқастарда созылмалы гепатит өршуінің профилактикасы мен туберкулезге қарсы емнен туындаған уытты асқынуларды емдеу үшін

- қатерлі ісіктерді кешенді емдеу құрамында, химиялық және сәулелік емнің уытты көріністерін емдеу мен профилактикасы үшін (гемо- және гепатоуытты әсерді төмендетуге ықпал етеді); ісікке қарсы ем жүргізу кезінде сүйек кемігінің қан түзу функцияларын қалпына келтіру үшін, аурудың спецификалық емес синдромдарын жою немесе азайту - (анемия, шаршау, тәбеттің төмендеуі, ауыру сезімталдығының жоғарылауы), сондай-ақ радиациялық және химиялық факторлармен астасқан қайталама иммун тапшылығы жағдайлары кезінде

- торакальді және абдоминальді хирургияда операциядан кейінгі іріңді асқынулардың профилактикасы үшін

- псориаздың, оның ішінде псориаздың орташа және ауыр түрлерінің кешенді емі құрамында.

Қолдануды бастағанға дейін қажетті мәліметтер тізбесі

• белсенді затқа немесе қосымша заттарға аса жоғары сезімталдық;

• 18 жасқа дейінгі балалар мен жасөспірімдер;

• жүктілік және лактация кезеңі.

Басқа дәрілік препараттармен өзара әрекеттесуі

Глутоксим біріктіріліп қолданғанда изониазидтің, рифампициннің, рифабутиннің, циклосериннің, капреомициннің, левофлоксациннің Micobacterium tuberculosis– ке, антрациклинді антибиотик доксорубициннің, алкилдеуші зат- этопозидтің ісік жасушаларына бактериостатикалық әсерін күшейтеді.

Глутоксим, нифедипин мен верапамилдің емдік әсерін төмендетеді.

Арахидон қышқылы тотығуының циклооксигеназа жолының тежегіштері - индометацин, мелоксикам глутоксим препаратының фармакологиялық әсерін төмендетеді немесе толығымен басады.

Глутоксим суда еритін дәрілік заттармен біріктіріледі және бір шприцке енгізілуі мүмкін.

Арнайы ескертулер

Инфузиялық енгізу үшін тасымалдаушы ерітінді ретінде натрий хлоридінің изотониялық ерітіндісі немесе 5% глюкоза ерітіндісі қолданылады.

Педиатрияда қолдану

18 жасқа дейінгі балалар мен жасөспірімдерде қолдануға болмайды.

Жүктілік және лактация кезеңі

Жүктілік кезінде және лактация кезінде қолдануға болмайды.

Препараттың көлік құралын немесе басқа қауіптілігі зор механизмдерді басқару қабілетіне әсер ету ерекшеліктері

Глутоксим көлік құралын немесе басқа қауіптілігі зор механизмдерді басқару қабілетіне әсер етпейді.

Қолдану бойынша ұсынымдар

Дозалау режимі

Глутоксим аурудың сипатына байланысты күн сайын 5-40 мг (1 курсқа – 50-300 мг) тағайындайды.

Туберкулезді кешенді емдеу құрамында 2 ай бойы күнделікті 60 мг (күніне 2 рет 30 мг) тәуліктік дозада қолданады. Спецификалық қабынудың өнімді фазаға өтуінен кейін Глутоксим бұлшықет ішіне күніне 1-2 рет таңертең және кешке аптасына 3 рет 10-20 мг тәуліктік дозада тағайындалады.

Онкологиядағы химиялық емде қатар жүретін дәрі ретінде 60 мг Глутоксим ісікке қарсы дәрілерді қолданудан 1,5-2 сағат бұрын тері астына енгізіледі. Одан әрі, химиотерапия курстары арасында Глутоксим, 60 мг, тері астына, күнара енгізіледі. Химиотерапияның келесі курсында препаратты қолдану сызбасы қайталанады.

Сәулелік емде қатар жүретін дәрі ретінде Глутоксим, 60 мг, сәулелік емнің барлық курсы бойына күнара кезекті сәулелендіру сеансынан кейін 0,5-1 сағаттан кейін тері астына енгізіледі.

Қажет болғанда 1-6 айдан кейін қайта емдеу курсын жүргізу керек.

Операциядан кейінгі іріңді асқынулардың профилактикасы үшін торакальді және абдоминальді хирургияда 10-30 мг вена ішіне немесе бұлшықет ішіне тәулігіне 1 рет, 3 апта бойы қолданылады.

Псориаздың кешенді емі құрамында Глутоксимді 15 күн бойы күнделікті 10 мг дозада, содан кейін аптасына 2 рет тағы 10 инъекция бұлшықет ішіне енгізіледі. Псориаздың асқынбаған түрінде 10 күн бойы 10 мг тәуліктік дозада бұлшықет ішіне.

Енгізу әдісі мен жолы

Глутоксим препаратын вена ішіне, бұлшықет ішіне, тері астына енгізеді.

Артық дозаланған жағдайда қабылдануы қажет шаралар

Артық дозалану жағдайлары байқалмайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Қатысты емес.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жағымсыз реакциялар жиілігінің параметрлері былайша анықталады: өте жиі (≥ 1/10); жиі (≥ 1/100 <1/10 дейін); жиі емес (≥ 1/1000 < 1/100 дейін); сирек (≥ 1/10000 < 1/1000 дейін); өте сирек (< 1/10000); жиілігі белгісіз (қолда бар деректер бойынша бағалау мүмкін емес).

Сирек

- температураның шамалы көтерілуі (37,1 оС - 37,5 оС дейін)

- препарат инъекциясы орнындағы ауырсыну

Егер көтерімділігі субъективті нашарлағанда және ауырсынғанда Глутоксим 1-2 мл 0,5% новокаин ерітіндісімен бірге енгізіледі..

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық дерекқорға тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір мл препараттың құрамында

белсенді зат – Глутамил-Цистеинил-Глицин динатрий 10 мг, 30 мг,

қосымша заттар: натрий ацетаты, сұйылтылған сірке қышқылы, инъекцияға арналған су.

Сыртқы түрінің, иісінің, дәмінің сипаттамасы

Иіссіз немесе сірке қышқылының әлсіз иісі бар мөлдір түссіз немесе сәл боялған сұйықтық.

Шығарылу түрі және қаптамасы

1 мл немесе 2 мл (10 мг/мл немесе 30 мг/мл дозамен) бейтарап шыныдан жасалған ампулаларда.

5 ампуладан (1 мл немесе 2 мл-ден 10 мг/мл немесе 30 мг/мл дозамен), 10 ампуладан (2 мл-ден 30 мг/мл дозамен) поливинилхлоридті үлбірден және баспалы лакталған алюминий фольгадан немесе бір қабатты поливинилиденхлоридті жабыны бар қағаздан жасалған пішінді ұяшықты қаптамада.

1 немесе 2 пішінді ұяшықты қаптамадан (5 ампуладан 2 мл-ден 30 мг/мл дозамен) ампулалық пышақпен немесе скарификатормен бірге медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

Кертіктері, сақиналары және сыну нүктелері бар ампулаларды қаптаған кезде скарификаторлар немесе ампулалық пышақтар салынбайды.

Әрбір ампулаға заттаңбалық қағаздан жасалған заттаңба немесе өзі жабысатын заттаңба немесе заттаңбаның мәтіні тез бекітілетін бояумен терең басып шығару әдісімен ампулаға түсіріледі.

3 жыл.

Жарамдылық мерзімі өткеннен кейін қолдануға болмайды.

Жарықтан қорғалған жерде, 25 °С аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәліметтер

«Гротекс» ЖШҚ Ресей, 195279, Санкт-Петербург қ., Индустриальный даңғ., 71 үй, к. 2, лит. А

Тел. +7(812) 385-47-87

Тіркеу куәлігінің ұстаушысы

«ФАРМА ВАМ» ЖАҚ, Ресей Федерациясы

Қазақстан Республикасының аумағында тұтынушылардан дәрілік заттардың сапасы жөніндегі шағымдарды(ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

"Нестеренко А. Е." ЖК, Қазақстан Республикасы, 050000, Алматы қ., Мұқанов к-сі, 104 үй, тел.: +7 7273271602, +7 7077862629, +7 7058887587, факс +7 727996659

e-mail: pharm_vigilance@mail.ru., ip_n_nesterenko@list.ru.