Гликлазид (30 мг)

МНН: Гликлазид
Производитель: Открытое акционерное общество "Борисовский завод медицинских препаратов" (ОАО "БЗМП")
Анатомо-терапевтическо-химическая классификация: Gliclazide
Номер регистрации в РК: № РК-ЛС-5№021416
Период регистрации: 29.05.2015 - 29.05.2020
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)

Инструкция

Саудалық атауы

Гликлазид

Халықаралық патенттелмеген атауы

Гликлазид

Дәрілік түрі

Босап шығуы ұзартылған таблеткалар 30 мг.

Құрамы

Бір таблетканың құрамында:

белсенді зат –30 мг гликлазид;

қосымша заттар:– микрокристалды целлюлоза, гидроксипропилметилцеллюлоза, натрий лаурилсульфаты, магний стеараты.

Сипаттамасы

Жайпақ цилиндр пішінді, ойығы бар, сұр немесе сары реңді ақ түсті таблеткалар. Мәрмәрлануына жол беріледі.

Фармакотерапиялық тобы

Ішке қабылдауға арналған қантты төмендететін препараттар. Сульфонилмочевина туындылары. Гликлазид.

АТХ коды А10ВВ09

Фармакологиялық қасиеттері

Фармакокинетикасы

Толық сіңеді, плазмадағы құрамы қабылдағаннан кейін 6-12 сағаттан соң шыңына жетіп үдемелі артады. Ас қабылдау сіңуіне әсер етпейді. Қабылданған дозасы (120 мг дейін) мен плазмадағы препарат концентрациясының арасында өзара байланыс дозаға тәуелділікті білдіреді. Плазма ақуыздарымен байланысуы – 85-97 %, таралу көлемі – 0,35 л/кг. Қандағы Css 4 тәуліктен кейін жетеді. T½ – 16-20 сағат.

Бауырда метаболизденеді, бұл кезде 8 метаболит түзіледі. Қабылданған препараттың барлық мөлшерінен қанда кездесетін негізгі метаболит мөлшері – 2-3 % , ол гипогликемиялық қасиет иеленбеген, әйтсе де микроциркуляцияға әсер етпейді. Бүйректермен – 70 % метаболиттер түрінде, 1 %-дан кемі өзгермеген түрінде; ішекпен – 12 % метаболиттер түрінде шығарылады. Егде жастағы емделушілерде фармакокинетикасының параметрлерінің клиникалық мәні бар өзгерістері байқалған жоқ.

Фармакодинамикасы

Гликлазид сульфонилмочевина туындылары тобынан, пероральді гипогликемизирлейтін дәрі болып табылады, ол осыған ұқсайтын препараттардан N-құрамымен хош иісті гетероциклдік сақинасының болуымен ерекшеленетін, пероральді гипогликемизирлейтін дәрі болып табылады. Гликлазид Лангерганс аралшықтары β-жасушаларымен инсулин сөлінісін стимуляциялап, глюкозаның деңгейін төмендетеді.

Инсулин мен С-пептид сөлінісінің жоғарылауы ұдайы қабылдаған жағдайда 2 жыл бойы постпрандиальді сақталады. Гипогликемизирлейтін әсерінен басқа гемоваскулярлық әсер иеленген.

Инсулиннің босап шығуына әсері. II типтегі қант диабетінде глюкозаның түсуіне жауап ретінде инсулиннің ерте сөлінісінің шыңын қалпына келтіреді және сөліністің екінші фазасын күшейтеді. Инсулиннің постпрандиальді стимуляцияланған сөлінісін және глюкозаны енгізуге жауап ретінде инсулин сөлінісін айтарлықтай жоғарылатады.

Гемоваскулярлық әсерлері. Гликлазид қант диабетінің аталған асқынуларының дамуына қамтылған 2 механизмге әсер етіп: 1) оларды белсендіретін факторлардың түзілуін азайту арқылы (β-тромбоглобулин мен тромбоксан В2) тромбоциттердің агрегациясы мен адгезиясын ішінара тежеп; 2) плазминогеннің тіндік белсендіргішінің белсенділігін жоғарылату есебінен эндотелийдің фибринолитикалық белсенділігін қалпына келтіріп, ұсақ қантамырлар тромбозы қаупін төмендетеді.

Қолданылуы

  • емдәмді сақтау, дене жүктемесі және салмақты азайту қандағы глюкоза деңгейін баламалы бақылау үшін жеткіліксіз болғанда, ересектердегі 2-ші типті қант диабетінде

Қолдану тәсілі және дозалары

Күнделікті ұсынылатын дозасы 1-ден 4 таблеткаға дейін ауытқиды, яғни 30-дан 120 мг дейін, бір рет ішке, ертеңгі ас кезінде. Таблетканы шайнамай жұту керек. Препаратты бір немесе бірнеше қабылдауды өткізіп алған жағдайда келесі қабылдауда жоғары дозасын қабылдауға болмайды. Доза глюкоза мен гликирленген гемоглобин (HbA1c) деңгейінің өзгеруін бақылаумен емделушінің қабылдауға жекелей реакциясына сәйкес таңдалуы керек,.

Ұсынылған бастапқы доза тәулігіне – 30 мг. Гликемияны тиімді бақылауда оны демеуші ретінде қолдануға болады. Егер гликемияны баламалы бақылауға қол жетпесе, онда дозаны тәулігіне 60, 90 немесе 120 мг дейін біртіндеп жоғарылатуға болады. Дозаны біртіндеп жоғарылату аралығындағы интервал, емнің екі аптасынан кейін қандағы глюкоза деңгейі төмендемейтін жағдайларды қоспағанда 1 айдан кем еместі құрауы керек. Осындай жағдайларда дозаны емді бастағаннан кейін екі аптадан кейін жоғарылатуға болады. Ең жоғары ұсынылатын тәуліктік доза 120 мг құрайды.

80 мг гликлазид таблеткасынан (әдеттегі босатылумен) босап шығуы ұзартылған Гликлазид таблеткаларына ауысу: 80 мг гликлазидтің 1 таблеткасы босап шығуы ұзартылған Гликлазидтің 1 таблеткасымен ауыстырылады, сондықтан қанды мұқият мониторингілеу жүргізген жағдайда ауыстыруға болады.

Басқа пероральді диабетке қарсы препараттан босап шығуы ұзартылған Гликлазидке ауысу: Гликлазид, босап шығуы ұзартылған таблеткаларын басқа пероральді диабетке қарсы дәрілерді ауыстыру үшін қолдануға болады. Ауыстырған кезде бұрын қабылданған диабетке қарсы дәрілердің дозасы мен жартылай шығарылу кезеңін ескеру керек. Әдетте ауыстыру үшін белгілі бір уақыт қажет етілмейді. Қабылдауды 30 мг дозадан бастау керек, ал содан кейін, емделушінің қанындағы глюкоза деңгейінің өзгеруіне байланысты, дозаны жоғарыда сипатталғандай түзету керек.

Егер науқас осыған дейін ұзақ жартылай шығарылу кезеңімен сульфонилмочевина туындыларымен ем қабылдаса, гипогликемияның дамуына әкелуі мүмкін екі препараттың әсерінің күшеюінен сақ болу үшін емді бірнеше күнге тоқтату қажет болуы мүмкін.

Босап шығуы ұзартылған Гликлазидпен емдеуге ауысуды бастапқы емдеуде сипатталған емшараға сәйкес жүргізу яғни, 30 мг дозадан бастау, ал содан кейін біртіндеп метаболикалық реакцияға байланысты жоғарылату керек.

Басқа пероральді диабетке қарсы дәрілермен біріктіріп қолдану: Гликлазид, босап шығуы ұзартылған таблеткаларын бигуанидтермен, α-глюкозидаза тежегіштерімен немесе инсулинмен біріктіріп қолдануға болады.

Босап шығуы ұзартылған Гликлазид таблеткаларын қолданумен қандағы глюкоза деңгейі жеткіліксіз бақыланатын емделушілерге, медициналық бақылаумен инсулинмен ем тағайындалуы мүмкін.

Егде жастағы емделушілерге Гликлазид 65 жасқа дейінгі емделушілер үшін ұсынылатын дозалау режимінде тағайындалуы керек.

Жеңіл және орташа бүйрек жеткіліксіздігімен емделушілерде, емделушілерді мұқият бақылаумен, қалыпты бүйрек функциясымен емделушілердегі дозалау режимі қолданылуы мүмкін.

Гипогликемияның дамуының жоғары қаупімен емделушілерге:

– жеткіліксіз тамақтану немесе дұрыс тамақтанбауда;

– ауыр немесе компенсацияланбаған эндокриндік бұзылыстарда (гипопитуитаризм, гипотиреоз, бүйрек асты безі функциясының жеткіліксіздігі);

– алдыңғы ұзақ және/немесе жоғары дозалы кортикостероидты емді тоқтатқаннан кейін;

– ауыр қантамырлық ауруларда (жүректің коронарлық ауруының ауыр түрінде, күре тамыр артериясының өткізгіштігінің ауыр бұзылуында, диффузды қантамырлық бұзылыстар), қабылдауды 30 мг ең төмен тәуліктік бастапқы дозадан бастау ұсынылады

Босап шығуы ұзартылған Гликлазид таблеткаларын балаларда қолдануға қатысты деректер жоқ.

Жағымсыз әсерлер

Төменде аталған жағымсыз реакциялар немесе нұсқаулықта аталмаған басқа реакциялар пайда болған жағдайда ол туралы дереу дәрігерге хабарлау керек.

Ас қорыту жүйесі тарапынан: диспепсия (жүрек айнуы, құсу, диарея, абдоминальді ауыру, іш қату) – айқындығы тамақпен бірге қабылдағанда төмендейді; сирек – бауыр функциясының бұзылуы (гепатит, холестатикалық сарғаю –препаратты қабылдауды тоқтатуды талап етеді, «бауыр» трансаминазалары, сілтілі фосфатаза (ЩФ) белсенділігінің жоғарылауы.

Қан түзу ағзалары тарапынан: сүйек кемігілік қан түзілуінің бәсеңдеуі (анемия, тромбоцитопения, лейкопения, гранулоцитопения).

Тері беткейі тарапынан: терінің қышуы, есекжем, ангионевротикалық ісіну, макулопапулезді және буллёзді реакциялар (Стивенс-Джонсон синдромын және уытты эпидермальді некролизді қоса), эритема, аллергиялық васкулит.

Гипогликемияның байқалуы: бас айналуы, шаршағыштық, ұйқышылдық, бас ауыруы және тершеңдік, әлсіздік, ашушаңдық, діріл, парестезиялар. Гипогликемияның басқа да болуы мүмкін симптомдары: ашығу, ұйқының бұзылуы, қозу, озбырлық, концентрацияның нашарлауы, реакцияның баяулауы, депрессия, сананың шатасуы, көру және сөйлеу бұзылыстары, афазия, парездер, сенсорлы бұзылыстар, шарасыздық сезімі, өзін-өзі бақылай алмау, делирий, құрысулар, жиі тыныстау, брадикардия, ұйқышылдық және естен тану, ол комаға әкелуі және өліммен аяқталуы мүмкін.

Одан басқа, адренергиялық контррегуляцияның мынадай белгілері дамуы мүмкін, терлеу, жабысқақ тері, үрейлену сезімі, тахикардия, жоғары қан қысымы, жүрек қағуының жиілеуі, стенокардия және жүрек аритмиясы. Әдетте осы клиникалық біліністер көмірсуын (қанттар) қабылдағаннан кейін жоғалады. Жасанды тәттілегіштер гипогликемияны басуда ешқандай әсер етпейді. Сульфонилмочевинаның басқа препараттарын қабылдау тәжірибесі оны қайтару үшін қолданылған шаралар басында тиімді болып көрінгеніне қарамастан гипогликемияның қайталану мүмкіндігін білдіреді. Гипогликемияның ауыр және созылмалы ұстамаларында және оны тіпті қант қабылдаумен уақытша қайтару мүмкін болса да, дереу дәрігердің көмегі немесе ауруханаға жатқызу керек.

Көру ағзалары тарапынан бұзылыстар: көрудің өтпелі бұзылыстары мүмкін, қандағы глюкоза деңгейінің өзгеруіне байланысты әсіресе емнің басында.

Сульфонилмочевинаның барлық туындылары үшін сипатты жағымсыз әсерлер: эритроцитопения, агранулоцитоз, гемолитикалық анемия, панцитопения, гипонатриемия, аллергиялық васкулит пайда болуы мүмкін. Бауыр ферменттері белсенділігінің жоғарылауы және бауыр функциясы бұзылуы (холестаз, сарғаю) жағдайлары, сондай-ақ гепатит байқалды. Дәрілік заттарды қабылдауды тоқтату әсерлерінің регрессиясына әкелді және тек кейбір жағдайларда олар қайтымды болды.

Қолдануға болмайтын жағдайлар

- гликлазидке немесе қосымша заттарының біреуіне, сульфонилмочевина тобындағы басқа препараттарға, сульфаниламидтерге аса жоғары сезімталдық

- 1 типті қант диабеті (оның ішінде ювенильді MODY-типті)

- диабеттік кетоацидоз, диабеттік гиперосмолярлы прекома және кома

- ауыр бауыр және/немесе бүйрек жеткіліксіздігі

- миконазолмен қатар жүретін ем

- аумақты жарақаттар және күйіктер, гипо- және гипертиреоз

- жүктілік және лактация кезеңі

- 18 жасқа дейінгі балалар

Дәрілермен өзара әрекеттесуі

Гипогликемияның басталу қаупі келесі препараттарды қабылдауда артады.

Қолдануға болмайтын біріктірілімдер. Миконазол (оны жүйелі енгізгенде немесе гель түрінде ауыз қуысының шырышты қабатына жаққанда): гипогликемиялық әсерді күшейтеді, гипогликемия симптомдары және гипогликемиялық кома пайда болуы мүмкін.

Ұсынылмайтын біріктірілімдер:

  • фенилбутазон (жүйелі енгізу): гипогликемиялық әсерді күшейтеді (олардың кешендерінен қан плазмасымен байланысқан ақуыздарды шығарады және/немесе олардың шығарылуын баяулатады). Дұрысы басқа қабынуға қарсы дәрі тағайындау, сондай-ақ емделушіні ескерту және оған қанның зертханалық көрсеткіштерін бақылаудың маңыздылығын түсіндіру керек. Қажет болған жағдайда қабынуға қарсы препаратпен ем кезінде және оны аяқтағаннан кейін дозаны түзету керек;

  • алкоголь гипогликемизирлейтін әсерді күшейтеді (компенсаторлық реакцияларды тежеу жолымен), ол өз кезегінде гипогликемиялық комаға әкелуі мүмкін. Алкогольді және құрамында спирт бар препараттарды қабылдаудан бас тарту керек.

Айрықша сақтықты талап ететін біріктірілімдер: басқа гипогликемизирлейтін дәрілерді (инсулин, акарбоза, метформин, тиазолидиндиондар, дипептидилпептидаза 4 тежегіштері, GLP-1 рецепторлары агонисі), β-адреноблокаторларды, флуконазолды, ангиотензин өзгертетін фермент (АӨФ) тежегіштерін (каптоприл, эналаприл және басқалары), Н2-рецепторлар блокаторларын, моноаминооксидаза (МАО) тежегіштерін, сульфаниламидтерді, кларитромицинді, стероидты емес қабынуға қарсы дәрілерді қабылдау.

Келесі біріктірілімдер қандағы глюкоза концентрациясының жоғарылауын туындатуы және гликемияның бақылануын нашарлатуы мүмкін.

Гликлазидтің Даназолмен біріктірілімі ұсынылмайды. Егер Даназолды қабылдаудан бас тарту мүмкін болмаса, емделушіге Даназолды қабылдау кезінде және қабылдауды тоқтатқаннан кейін қандағы және несептегі глюкозаның деңгейін бақылаудың маңыздылығын ескерту, Гликлазидтің дозасын түзету керек.

Дәрілік заттардың келесі біріктірілімдері айрықша сақтықты талап етеді.

Хлорпромазин жоғары дозаларда (тәулігіне 100 мг аса) инсулиннің сөлінісін төмендетіп, глюкозаның қандағы құрамын жоғарылатады. Хлорпромазинді қабылдау кезінде, сондай-ақ оны тоқтатқаннан кейін, қандағы глюкозаны бақылау және гликлазидтің дозасын түзету керек.

Глюкокортикостероидтар (жүйелі, буынішілік, сыртқа, ректальді қолдану) және тетракозактид – кетоацидоздың даму қаупімен (көмірсуларға төзімділіктің төмендеуі есебінен) глюкозаның деңгейін жоғарылатады. Емделушілерге осы дәрілерді қабылдау кезінде және қабылдауды тоқтатқаннан кейін қандағы және несептегі глюкоза деңгейін бақылаудың маңыздылығын түсіндіру, босап шығуы ұзартылған Гликлазид таблеткасының дозасын түзету керек.

Ритодрин, сальбутамол, тербуталин (көктамырішілік енгізу) – β2-адренорецепторларға әсер ету есебінен глюкозаның қандағы деңгейін жоғарылатады. Қандағы глюкозаны бақылау ұсынылады және қажет болғанда – емделушіні инсулинмен емдеуге ауыстыру керек.

Ескеру керек біріктірілімдер. Тікелей емес әсер ететін антикоагулянттар (варфарин, фенилин) – Гликлазид, босап шығуы ұзартылған таблеткаларын қабылдау олардың әсерінің күшеюіне әкелуі мүмкін. Осы дәрілік заттардың дозасын түзету қажет етілуі мүмкін.

Айрықша нұсқаулар

Гипогликемия. Ем тек кепілді тұрақты тамақтанатын (ертеңгі асты қоса) емделушілерге ғана тағайындалуы мүмкін. Көмірсуларды ұдайы қабылдаудың маңыздылығы ас қабылдау кешіккен жағдайда, тағам рационында көмірсулары мөлшері жеткіліксіз болғанда немесе құрамы аз болғанда гипогликемия болу қаупінің жоғарылауымен байланысты.

Гипогликемияның болу мүмкіндігі төмен калориялы емдәмде, ұзақ уақыт немесе шамадан тыс дене жүктемесінде, алкогольді қабылдауда немесе бірнеше гипогликемиялық препараттарды біріктіріп қабылдаған жағдайда жоғарылайды.

Гипогликемия сульфонилмочевина препараттарын қабылдаудан кейін байқалуы мүмкін. Кейде ол ауыр және созылмалы сипат иеленген. Осындай жағдайда науқасты ауруханаға жатқызу және бірнеше күн бойы оған глюкоза енгізу керек.

Гипогликемиялық ұстамалар қаупін төмендету үшін, емделушілерді мұқият анықтау, препарат дозасын дұрыс таңдау және оны қабылдауға қатысты емделушілерге нақты ұсынымдар керек.

Гипогликемия болу қаупін жоғарылататын факторлар:

  • дәрігердің нұсқауларын орындаудан бас тарту немесе (егде жастағы емделушілерде) орындай алмау;

  • жеткіліксіз тамақтану немесе дұрыс тамақтанбау, мезгілінде тамақтанбау немесе тамақ қабылдау уақытын өткізіп алу, ашығу немесе емдәмдегі өзгерістер кезеңі;

  • дене жүктемелері және көмірсуын қабылдау теңгерімсіздігі;

  • бүйрек жеткіліксіздігі;

  • ауыр бауыр жеткіліксіздігі;

  • босап шығуы ұзартылған Гликлазид таблеткаларының артық дозалануы;

  • эндокриндік бұзылулар: қалқанша без функциясының бұзылуы, гипопитуитаризм және бүйрекүсті безі функциясының жеткіліксіздігі;

  • бір мезгілде кейбір басқа дәрілік препараттарды қабылдау («Дәрілермен өзара әрекеттесу» бөлімін қара).

Бүйрек және бауыр жеткіліксіздігі. Бауыр жеткіліксіздігімен немесе ауыр бүйрек жеткіліксіздігімен емделушілерде Гликлазидтің фармакокинетикалық және/немесе фармакодинамикалық параметрлері айтарлықтай өзгеруі мүмкін. Осындай емделушілерде оны емдеуге қатысты баламалы емшара қолдануды талап ететін гипогликемия эпизодтары ұзағырақ болуы мүмкін.

Емделушілерді ескерту. Емделушілерге және оның отбасы мүшелеріне гипогликемия қаупін түсіндіру, оның симптомдары, емдеу тәсілі және осы асқынудың дамуына бейімдейтін факторлары туралы ескерту керек.

Емделушілер емдәм сақтау, ұдайы дене жаттығуларын жасау және қандағы глюкоза деңгейін мониторингілеуді ұдайы жүргізудің маңызы туралы ескертілуі керек.

Қандағы глюкоза деңгейін бақылаудың жеткіліксіз тиімділігі келесі факторларға байланысты болуы мүмкін: дене температурасының жоғарылауы, жарақат, жұқпа немесе хирургиялық араласым. Осы жағдайларда инсулинді қосымша енгізу қажет болуы мүмкін.

Көптеген емделушілерде кез келген пероральді диабетке қарсы дәрілердің оның ішінде босап шығуы ұзартылған Гликлазид таблеткасының гипогликемиялық тиімділігі ұзақ уақыттан кейін төмендейді. Бұл аурудың өршуімен немесе препаратқа жауаптың әлсіреуімен өзара байланысты болуы мүмкін. Бұл құбылыс препаратты алғашқы тағайындауда күткен нәтижені бермейтін біріншіліктен ерекше екіншілік дәрілік төзімділік ретінде белгілі. Емделушіде дәрілік емнің екіншілік жеткіліксіздігін диагностикалау үшін алдымен, дозаны таңдаудың және науқастармен тағайындалған емдәмнің сақталуының талапқа сай екендігін бағалау керек.

Зертханалық талдаулар. Қанда глюкоза деңгейінің бақылану сапасын бағалау үшін гликозилирленген гемоглобин деңгейін анықтау ұсынылады. Қанда глюкоза деңгейін жеке бақылау да нәтижелі болуы мүмкін.

Сульфонилмочевина препараттарын глюкоза-6-фосфатадегидрогеназа (G6PD) тапшылығымен емделушілерге тағайындау гемолитикалық анемияға әкелуі мүмкін. Босап шығуы ұзартылған Гликлазид, таблеткалары сульфонилмочевина препараттары класына жататын болғандықтан, оны G6PD тапшылығымен емделушілерге тағайындағанда сақтық шараларын сақтау және басқа кластағы препараттармен емдеудің баламалы мүмкіндіктерін қарастыру керек.

Жүктілік. 1 типтегі немесе 2 типтегі қант диабеті екендігіне байланыссыз (жүктілікпен байланысты немесе байланыссыз),тек инсулинмен емдеу ғана жүргізілуі керек. Барлық жағдайларда, жоспарланған жүктілік жағдайында сондай-ақ, жүктілік препаратты қабылдау кезінде анықталған жағдайда да пероральді гипогликемиялық препараттарды қабылдауды инсулинді енгізумен алмастыру ұсынылады. Соңғы жағдайда жүктілікті үзуге белгілі негіз болмағандықтан, емді сақтықпен жүргізу және әсіресе ерекше сақтықпен перинатальді бақылау қажет болады. Сондай-ақ қандағы глюкоза құрамына неонатальді мониторинг жүргізу ұсынылады.

Лактация. Гликлазидтің емшек сүтіне өтуі туралы деректер жоқ, бірақ, неонатальді гипогликемияның пайда болу мүмкіндігін ескеріп, гликлазидті қолдану кезінде емшекпен қоректендіру ұсынылмайды.

Көлік құралдарын жүргізу және механизмдерді басқару қабілетіне әсері

Босап шығуы ұзартылған Гликлазид таблеткалары көлік құралдарын жүргізу қабілетіне әсер етпейді. Әйтсе де, емделуші әсіресе, босап шығуы ұзартылған Гликлазид таблеткаларымен емнің басында гипогликемия эпизодтары салдарынан, болуы мүмкін естен танулар туралы ескертілуі және көлік құралдарын басқарғанда сақтық шараларын сақтау керек.

Артық дозалануы

Гипогликемиямен байқалады. Естен тану немесе басқа да неврологиялық симптомдарсыз орташа гипогликемияда, көміртегін қабылдау, дозаны түзету және/немесе емдәмді өзгерту жеткілікті. Бұл жағдайда емделушінің жағдайының тұрақтылығына дәрігердің көзі жеткенше емделушінің жағдайына мұқият мониторинг жүргізу керек.

Комамен және құрысулармен, басқа да неврологиялық біліністермен ауыр гипогликемиялық реакцияларда жедел медициналық көмек көрсету және дереу ауруханаға жатқызу керек.

Комаға күдік туындағанда немесе комада 50 мл 20-30 % декстрозаның ерітіндісін енгізу керек, содан кейін көктамыр ішіне тамшылатып 10 % декстроза ерітіндісін қандағы глюкозы концентрациясы 5,55 ммоль/л жеткенше енгізеді. Ары қарай емделушінің жағдайына байланысты мониторингтің ұзақтығына қатысты мәселені шешіп алу керек. Диализ гликлазидтің қан ақуыздарымен қарқынды байланысуына байланысты тиімсіз.

Шығарылу түрі және қаптамасы

10 таблеткадан поливинилхлоридті үлбір мен алюминий фольгадан жасалған пішінді ұяшықты қаптамаға салынған.

6 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықтармен бірге картон қорапшада.

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы. Минск обл., Борисов қ, Чапаев көшесі, 64/27, тел/факс 8(10375177) 744280.

Тіркеу куәлігінің иесі

«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасының аумағында тұтынушылардан өнімнің (тауар) сапасы жөнінде шағымдарды қабылдайтын ұйымның мекенжайы

“Борисов медициналық препараттар зауыты” ашық акционерлік қоғамы

Беларусь Республикасы, Минск обл., Борисов қ., Чапаев к-сі, 64/27,

тел/факс 8-(10375177) 744280, электрондық пошта market@borimed.com

 

 

Прикрепленные файлы

965199591477976495_ru.doc 93.5 кб
869039721477977663_kz.doc 122 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники