Глемпид® (4 мг)

• русский
• қазақша

• Скачать инструкцию медикамента

Саудалық атауы

Глемпид

Халықаралық патенттелмеген атауы

Глимепирид

Дәрілік түрі

2 мг, 3 мг, 4 мг, 6мг таблеткалар

Құрамы

Бір таблетканың құрамында

белсенді зат: 2мг, 3мг, 4мг немесе 6мг глимепирид,

қосымша заттар: лактоза моногидраты, натрий крахмал гликоляты (А типі), микрокристалды целлюлоза, повидон К-30, магний стеараты,

2мг таблеткалар: темірдің (ІІІ) сары тотығы (Е172), индигокармин (Е132),

3мг таблеткалар: темірдің (ІІІ) сары тотығы (Е172)

4мг таблеткалар: индигокармин (Е132)

6мг таблеткалар: «Күн батар түстес» сары (Е110)

Сипаттамасы

Екі жақ бетінде бөлетін сызығы бар, жасыл түсті, сопақша пішінді таблеткалар (2мг доза үшін).

Екі жақ бетінде бөлетін сызығы бар, бозғылт-сары түсті, сопақша пішінді таблеткалар (3мг доза үшін).

Екі жақ бетінде бөлетін сызығы бар, көгілдір түсті, сопақша пішінді таблеткалар (4мг доза үшін).

Екі жақ бетінде бөлетін сызығы бар, ақшыл-қызыл сары түсті, сопақша пішінді таблеткалар (6мг доза үшін).

Фармакотерапиялық тобы

Ішке қабылдауға арналған қант төмендететін препараттар. Сульфонилмочевина туындылары. Глимепирид.

АТХ коды A10BB12

Фармакологиялық қасиеттері

Фармакокинетикасы

Препаратты бірнеше рет ішке 4мг тәуліктік дозада қабылдаған кезде қан сарысуындағы ең жоғары концентрациясына (Сmax) шамамен 2,5 сағаттан соң (орташа 0,3 мкг/мл) жетеді. Доза мен Cmax арасында, сондай-ақ доза мен AUC («концентрация-уақыт» қисығы астындағы аудан) арасында желілі тәуелділік бар. Глимепирид ішке қабылдаған соң абсолютті биожетімділікке ие болады. Ас қабылдау оның сіңуіне айтарлықтай ықпалын тигізбейді, бірақ оның жылдамдығы біраз төмендейді. Глимепирид шамамен альбуминнің таралу көлеміне тең, өте төмен таралу көлемімен сипатталады (8,8 л шамасы), плазма ақуыздарымен байланысу дәрежесі жоғары (99% аса) және клиренсі төмен ( 48мл/мин шамасы). Глимепирид плацентарлық бөгет арқылы өтеді және гематоэнцефалдық бөгеттен нашар өтеді. Глимепирид тотығу биотрансформациялану жолымен CYP2С9 цитохрома жүйесі ферментінің қатысуымен толық метаболизденеді. Несепте, сондай-ақ нәжісте анықталатын глимепиридтің бауырдағы метаболизмі нәтижесінде түзіледі деп болжамданатын екі метаболит глимепиридтің метилденген туындысы және карбоксилденген туындысының циклогексил гидроксилі болып табылады.

Ішке бірнеше рет қабылдағаннан кейін жартылай шығарылуының орташа кезеңі 5-8 сағатты құрайды. Препаратты жоғары дозада қабылдағаннан кейін биологиялық жартылай ыдырауының жоғары көрсеткіштері байқалған. Радионуклидпен таңбалаған глимепирид дозасын бір рет ішке қабылдағаннан кейін радиоактивтік таңбасының 58% несепте және 35% нәжісте анықталған. Өзгерсіз белсенді зат несепте анықталмады. Глимепиридтің гидроксилденген және карбоксилденген метаболиттерінің жартылай шығарылу кезеңі сәйкесінше 3-6 және 5-6 сағат құрайды. Жинақталу белгілері байқалмаған. Әртүрлі жыныстағы және әртүрлі жас тобына жататын емделушілердегі фармакокинетикалық параметрлері ұқсас. Бүйрек функциясының бұзылуымен емделушілерде (креатинин клиренсі төмен) глимепирид клиренсінің жоғарылауына және қан сарысуында орташа концентрациясының төмендеуіне бейімділік байқалған, ол мүмкін ақуыздармен байланысуының төмендеуіне байланысты жеделдетіліп шығарылуына байланысты болуы мүмкін. Екі метаболитінің де несеппен шығарылуы бұзылады. Осындай емделушілерде препараттың жиналып қалуының қосымша қаупі болмайды.

Фармакодинамикасы

Глемпид қанда глюкоза деңгейін азайтатын, ішке қабылдауға арналған сульфонилмочевина туындысы болып табылады.

Секрецияны және ұйқы безінің В-жасушаларынан инсулиннің босауын стимуляциялайды. Сульфанилмочевинаның басқа да туындыларындай, бұл әсер ұйқы безінің В-жасушаларының глюкозамен физиологиялық стимуляциялануына сезімталдығының жоғарылауына негізденген.

Сульфонилмочевина туындылары ұйқы безінің β-жасушаларының цитоплазмалық жарғақшаларына орналасқан АТФ-ға тәуелді калий өзекшелерін жабу жолымен инсулиннің секрециясын реттейді. Калий өзекшелерінің жабылуы В-жасушалардың деполяризациясын туындатады, ол кальций өзекшелерінің ашылуына және кальцийдің жасуша ішіне түсуінің жоғарылауына түрті болады. Бұл инсулиннің экзоцитоз жолымен босап шығуына әкеледі.

Глимепирид АТФ-тәуелді калий өзекшелерімен астасқан β-жасушалардың жарғақшалық ақуызымен байланысады; байланыс алмасудың жоғары жылдамдығымен сипатталады, бірақ дәстүрлі сульфонилмочевина туындыларының әдеттегі байланысатын орнынан айырмашылығы бар.

Одан басқа, препарат ол шеткергі тіндердің инсулинге сезімталдығын жоғарылатумен және инсулиннің бауырмен сіңірілуін төмендетумен сипатталатын экстрапанкреатикалық әсер көрсетеді. Глимепирид тасымалдаушы ақуыздардың мөлшері мен белсенділігін өте жылдам жоғарылатады, ол глюкозаның шеткергі тіндермен игерілуінің жоғарылауына әкеледі.

Глимепирид жеке май және бұлшықет жасушаларында препаратпен туындаған липогенез бен гликогенезді корреляциялауы мүмкін С гликозил-фосфатидилинозитол-спецификалық фосфолипазаның белсенділігін жоғарылатады. Глимепирид фруктозо-2,6-бисфосфаттың жасушаішілік концентрациясын жоғарылату жолымен бауырда глюкозаның өндірілуін тежейді, ол өз кезегінде глюконеогенезді басады.

Глемпидті қабылдағаннан кейін дене жүктемесін дереу жоғарылатқанда инсулин секрециясының төмендеуінің физиологиялық реакциясы сақталады. Препараттың әсері тамақтану алдында 30 минут бұрын немесе тура тамақтанар алдында қабылдағанда шамамен бірдей. Диабетпен науқастарда тәулігіне бір дозаны қабылдаумен 24 сағат ішінде метаболикалық үдерістерді жақсы басқаруға қол жеткізуге болады.

Қолданылуы

- 2 типтегі қант диабетінде, емдәм терапиясы және дене жүктемесінің тиімсіздігі жағдайында

Қолдану тәсілдері және дозалары

Препарат қатаң дәрігердің тағайындауымен қолданылады!

Дозаны глюкозаны қан мен несепте жүйелі бақылаудың нәтижелері негізінде жекелей белгілейді.

Таблеткаларды бүтіндей, сұйықтықтың жеткілікті мөлшерімен ішіп, тұтастай қабылдау керек. Тәуліктік дозаны әдетте 1 қабылдаумен таңертеңгілік мол тамақтану алдында немесе тамақтану кезінде немесе осындай ертеңгі ас болмағанда күндізгі негізгі алғашқы тамақтану алдында немесе тамақтану кезінде тағайындайды. Препаратты қабылдауды өткізіп алғанда ешқашан келесі жоғары дозаны қабылдаумен оны түзетуге болмайды.

Бастапқы тәуліктік дозасы - 1 мг. Егер осы дозада глюкоза деңгейінің қажетті төмендеуіне қол жетсе оны, демеуші ем үшін қолдану керек.

Қажет болғанда тәуліктік доза 1-2 апта аралықпен біртіндеп, қандағы глюкоза деңгейін бақылай отырып, Глемпидтің тәулігіне 2мг, 3мг немесе 4мг дейін жоғарылатуға болады. Глемпидтің 4 мг-нан асатын тәуліктік дозасын қабылдау кейбір жағдайларда ғана емдеу нәтижесін жақсартады.

Ең жоғары тәуліктік доза – тәулігіне 6 мг.

Глемпидті метформинмен біріктіріп қолдану

Метформин қабылдап жүрген емделушілердің қанында глюкозаның концентрациясын тұрақтандыру жеткіліксіз болған жағдайда, Глемпидпен қосымша емді бастауға болады. Метформин дозасын бұрынғы деңгейде сақтаған жағдайда Глемпидпен емді ең төмен дозадан бастайды, ал содан кейін оның дозасын, гликемиялық бақылаудың қажетті деңгейіне байланысты, ең жоғары тәуліктік дозаға дейін жоғарылатады. Біріктірілген емді дәрігердің мұқият бақылауымен бастау керек.

Глемпидті инсулинмен біріктіріп қолдану

Глемпидтің ең жоғары дозасын қабылдаумен қандағы глюкозаның концентрациясын қалыпқа келтіруге қол жетпеген жағдайда, глемпидті инсулинмен біріктіруге болады. Глемпид дозасын өзгермеген күйінде қалдырғанда, инсулинмен емдеу ең төмен дозадан басталады, кейін қандағы глюкоза концентрациясын бақылаумен, инсулин дозасы біртіндеп арттырылуы мүмкін. Біріктіріп емдеу міндетті түрде дәрігерлік бақылауды қажет етеді.

Емдеу курсы барысында инсулинге сезімталдықтың жоғарылауына байланысты глюкоза деңгейін бақылаудың жақсаруына қарай Глемпидке қажеттілік төмендеуі мүмкін.

Гипогликемия дамуының алдын алу үшін препарат дозасын уақытылы азайту немесе оны қабылдауды тоқтату керек. Дозаны түзетуді емделушінің дене салмағы өзгергенде немесе өмір сүру дағдысын өзгерткенде, сондай-ақ гипо- немесе гипергликемияның дамуына ықпал ететін басқа факторлар пайда болғанда жүргізеді.

Ішке қабылданатын басқа гипогликемиялық дәріден Глемпидке ауысу

Глемпидке ауысқан кезде алдыңғы гипогликемиялық дәрінің қолданылатын дозасын және әсерінің ұзақтығын ескеру керек. Кейбір жағдайларда, әсіресе жартылай шығарылу кезеңі ұзақ гипогликемиялық препараттарды (мысалы, хлорпропамидті) қабылдаған кезде, әсерінің жинақталуы нәтижесінде гипогликемиялық реакция даму қаупінен аулақ болу үшін, емдеуді уақытша (бірнеше күн) тоқтата тұру қажеттілігі пайда болуы мүмкін. Глемпидтің ұсынылған бастапқы дозасы- 1 мг-ден тәулігіне 1 рет.

Глемпидке реакцияны ескеріп, дозаны жоғарыда көрсетілгендей біртіндеп жоғарылатуға болады.

Инсулиннен Глемпидке ауысу

Айрықша жағдайларда, инсулин қабылдайтын қант диабетінің 2-типімен емделушілерді дәрігердің мұқият бақылауы жағдайында Глемпидке ауыстыру көрсетілімде болуы мүмкін.

Жағымсыз әсерлері

Сирек( >1/10 000, <1/1000):

• гипогликемиялық реакциялар: бас ауыруы, қарын ашу сезімі, жүректің айнуы, құсу, қажу, ұйқышылдық, ұйқының бұзылуы, мазасыздық, озбырлық, зейінді жұмылдырудың бұзылуы, сергектік деңгейінің немесе реакция мерзімінің өзгеруі, депрессия, сананың шатасуы, сөйлеудің және көрудің бұзылуы, афазия, тремор, парез, сенсорлық бұзылу, бас айналуы, дәрменсіздік, өзін-өзі бақылай алмау, сандырақтау, церебральдік құрысулар, ұйқышылдық және кома жағдайына дейін естен тану, үстіртін тыныс алу, брадикардия.

• адренергиялық компенсаторлық реттелу белгілері: тершеңдік, жабысқақ тер, мазасыздану, тахикардия, гипертензия, жүрек соғуы, стенокардия және жүрек ырғағының бұзылуы

• қанның жасушалық құрамының өзгеруі (тромбоцитопения, лейкопения, эритроцитопения, гранулоцитопения, агранулоцитоз, гемолитикалық анемия, панцитопения) әдетте препаратты қабылдауды тоқтатқаннан кейін қайтымды болады.

Өте сирек(<1/10 000, оның ішінде жеке хабарландыру):

• жүрек айнуы, құсу, диарея, эпигастриядағы жайсыздық сезімі, іштің ауыруы, метеоризм

• бауыр функциясының бұзылуы (холестаз және сарғаю), гепатит (бауыр жеткіліксіздігінің дамуына дейін)

• қан сарысудағы натрий концетрациясының төмендеуі

• жоғары сезімталдықтың жеңіл реакциялары, ол күрделі (тыныс алудың бұзылуы, артериялық қысымның төмендеуі, шок), лейкоцитокластикалық васкулитке ауысуы мүмкін

• сульфонилмочевина, сульфаниламид препараттарына немесе оларға ұқсайтын заттарға айқаспалы аллергиялық реакциялар

• фотосенсибилизация

Мүмкін

• көрудің өтпелі түрде бұзылуы, әсіресе емдеуді бастаған кезде, қанда глюкоза деңгейінің өзгеруіне байланысты

• бауыр ферменттері деңгейінің жоғарылауы

• жоғары сезімталдықтың тері реакциялары, мысалы, қышыну, тері бөртпесі және есекжем,

Қолдануға болмайтын жағдайлар

• глимепиридке немесе препараттың басқа компоненттеріне, сондай-ақ сульфонилмочевинаның басқа туындыларына немесе сульфаниламидтерге жоғары сезімталдық

• I типтегі қант диабеті

• диабеттік кетоацидоз, диабеттік кома

• бауыр немесе бүйрек функциясының ауыр бұзылулары (емделушіні инсулинге ауыстыру ұсынылады)

• жүктілік және лактация кезеңі

- 18 жасқа дейінгі балалар мен жасөспірімдер

Дәрілермен өзара әрекеттесуі

Глемпид препаратын басқа дәрілік заттармен бір мезгілде қабылдағанда Глемпидтің гипогликемиялық әсерінің жағымсыз күшеюі немесе әлсіреуі мүмкін. Сондықтан басқа препараттарды тек дәрігердің тағайындауы бойынша қабылдау керек.

Гипогликемиялық әсердің күшеюі, кейде гипогликемияның дамуымен, Глемпидті келесі препараттармен бір мезгілде қабылдағанда болуы мүмкін:

- фенилбутазон, азапропазон және оксифенбутазон; сульфинпиразон; инсулин және метформин секілді пероральді диабетке қарсы дәрілер; кейбір әсер етуі ұзартылған сульфаниламидтер; тетрациклиндер; салицилаттар мен парааминосалицил қышқылы; МАО тежегіштері; анаболикалық стероидтар және ерлердің жыныс гормондары; хинолондар; кларитромицин; хлорамфеникол; пробенецид; антикоагулянттар - кумарин туындылары; миконазол; флуконазол; фенфлурамин; дизопирамид; пентоксифиллин (жоғары дозаларда парентеральді енгізгенде); фибраттар; тритоквалин; АПФ тежегіштері; флуоксетин; аллопуринол; симпатолитиктер; цикло-, тро-, және изофосфамид.

Гипогликемиялық әсердің әлсіреуі, осыған байланысты глюкозаның қандағы деңгейінің артуы, Глемпидті келесі препараттармен бір мезгілде қабылдағанда болуы мүмкін:

- эстрогендер және прогестагендер; салуретиктер, тиазидті диуретиктер; қалқанша без функциясын стимуляциялайтын препараттар; глюкокортикоидтар; фенотиазин туындылары, хлорпромазин; адреналин және симпатомиметиктер; никотин қышқылы (жоғары дозалар) және оның туындылары; іш жүргізетіндер (ұзақ уақыт қабылдағанда); фенитоин, диазоксид; глюкагон, барбитураттар және рифампицин; ацетазоламид.

Бір мезгілде қабылдағанда H2-антагонистер, бета-адреноблокаторлар, клонидин және резерпин Глемпидтің гипогликемиялық әсерін күшейтуі немесе әлсіретуі мүмкін.

Глемпидпен бір мезгілде қабылдағанда антиадренергиялық препараттар, мысалы, бета-адреноблокаторлар, клонидин, гуанетидин және резерпин, гипогликемияға адренергиялық компенсаторлық реакция белгілерін әлсіретуі немесе тоқтатуы мүмкін.

Этанол Глемпидтің гипогликемиялық әсерін күшейтуі немесе әлсіретуі мүмкін.

Глемпидті қабылдау аясында кумарин туындыларының әсерінің күшеюі немесе әлсіреуі байқалуы мүмкін.

Глемпид P4502C9 (CYP2C9) цитохром жүйесі ферментімен метаболизденеді. Глемпидпен осы ферменттің индукторын (рифампицин) немесе ингибиторын (флуконазол) бір мезгілде қабылдағанда глимепиридтің метаболизмін өзгертуі мүмкін.

in vivo нәтижелері көрсеткендей, глимепиридтің AUC-ы CYP2C9 тежегіштерінің біреуі-флуконазол болғанда шамамен екі еселенеді.

Айрықша нұсқаулар

Асты жүйесіз қабылдаған жағдайда немесе ас қабылдауды өткізіп алған кезде Глемпид препаратын қабылдау гипогликемияны туындатуы мүмкін.

Гипогликемияның ауыр ұстамасының клиникалық көрінісі инсультті еске түсіреді.

Симптомдарды әрқашан дерлік көмірсуларды (қант) дереу қабылдау арқылы тоқтатуға болады. Жасанды тәттілегіштер әсер етпейді.

Басқа сульфонилмочевина туындыларын қолдану тәжірибесі көрсеткендей, бірінші рет қабылданған шаралардың нәтижелілігіне қарамастан, гипогликемия қайталап дамуы мүмкін.

Қанттың әдеттегі мөлшерін қабылдаумен уақытша бақыланатын ауыр немесе ұзақ гипогликемияда, жедел медициналық көмек, және кейбір жағдайларда – ауруханаға жатқызу қажет болады.

Гипогликемияның дамуына ықпал ететін факторлар:

- дәрігердің тағайындауын іс жүзіне асыруға ниеттенбеу немесе шаманың келмеуі (жиі егде емделушілерде); уақытылы емес, толыққанды емес тамақтану; әдеттегі емдәмнің өзгеруі; физикалық жүктеме деңгейінің қабылданатын көмірсулары мөлшеріне сәйкес келмеуі; әдеттегі физикалық жүктеме режимінің өзгеруі; алкогольді қабылдау, әсіресе ас қабылдауды өткізіп алумен бірге; бүйрек, бауыр функциясының айқын бұзылуы; Глемпид препаратын артық дозалау; көмірсу алмасуы немесе гипогликемияны компенсациялау механизміне (оның ішінде қалқанша без функциясының бұзылуы, гипофиздің алдыңғы бөлігінің немесе бүйрек үсті безі қыртысының жеткіліксіздігі) әсер ететін эндокринді жүйенің қалпына келмейтін қатар жүретін аурулары; басқа дәрілік заттарды бір мезгілде қабылдау.

Метформиннің ең жоғары дозасын монотерапияда қабылдағанда емге глимепиридті қосқанда метаболикалық бақылаудың айтарлықтай жақсаруы байқалады.

Егер емделуші Глемпидті тәулігіне 1мг қабылдағанда гипогликемиялық реакция байқалса, осы емделушіде қандағы глюкоза деңгейін тек емдәммен реттеуге болатынын көрсетеді.

Баламалы емдәм, тұрақты физикалық жаттығулар және, қажет болғанда, дене салмағын азайтудың, глимепиридті үнемі қабылдау секілді, қандағы глюкоза деңгейін оңтайлы бақылауға қол жеткізуде маңызы зор.

Глемпид препаратмен емделу кезінде төмендегілерді үнемі бақылау керек:

- қандағы және несептегі глюкоза деңгейін, одан басқа қандағы гликозилирленген гемоглобин деңгейін анықтау.

- бауыр функциясының және шеткергі қан көрінісін (лейкоциттер мен тромбоциттер мөлшері).

Стресс жағдайларында (жарақат, хирургиялық араласым, қызбамен жүретін жұқпалы аурулар және т.б.) емделушіні инсулинге уақытша ауыстыру қажеттігі туындауы мүмкін.

Глемпидті бауыр функциясының ауыр бұзылуымен және гемодиализдегі емделушілерде қабылдау тәжірибесі жоқ. Бауыр және бүйрек функциясының ауыр бұзылуымен емделушілерді инсулинмен емдеуге ауыстыру көрсетілімде.

Глемпидтің әрбір таблеткасының құрамында лактоза бар. Галактозаға төзімділіктің туа біткен бұзылуымен, саамда лактазаның туа біткен тапшылығымен, глюкоза-галактозаның мальабсорбциясы синдромымен емделушілерге препаратты тағайындауға болмайды.

Г6ФДГ (глюкозо-6-фосфат дегидрогеназа) тапшылығымен емделушілерде сульфонилмочевина туындыларымен емдеу гемолитикалық анемияның дамуына әкелуі мүмкін. Глимепирид сульфонилмочевина туындыларына жататын болғандықтан, оны Г6ФДГ тапшылығымен емделушілерде сақтықпен қабылдау керек және сульфонилмочевина туындыларына жатпайтын баламалы дәріні қолдану мүмкіндігін қарастыру керек.

6 мг-дан таблеткалардағы Глемпид құрамында «Күн батар түстес» сары бояғышы (E110) бар, ол аллергиялық реакциялар туындатуы мүмкін.

Жүктілік және лактация кезеңі

Глимпидті жүктілік кезінде қабылдауға болмайды. Әйелдерді, егер ол жүкті болса, немесе жүкті болуды жоспарлап жүрсе, инсулинмен емдеуге көшірген жөн. Глемпид емшек сүтімен бөлінеді, сондықтан оны лактация кезеңінде қолдануға болмайды.

Дәрілік заттың көлік құралдарын немесе әлеуетті қауіпті механизмдерді басқару қабілетіне әсер ету ерекшеліктері

Емделу кезінде зейінді жоғары жұмылдыруды және психомоторлы реакция жылдамдығын талап ететін, көлік құралдарын басқару және әлеуетті қауіпті қызмет түрлерімен айналысудан бас тартқан жөн.

Емделушінің зейінді жұмылдыруға қабілеті және реакциясы гипогликемия немесе гипергликемия нәтижесінде, мысалы, көрудің бұзылуына байланысты нашарлауы мүмкін. Бұл әсіресе гипогликемияның алғашқы симптомдары туралы білмейтін немесе аз ғана білетін немесе жиі гипогликемияны сезінетін емделушілер үшін ерекше маңызды.

Артық дозалануы

Гипогликемияның болуы мүмкін симптомдары: бас ауыруы, ашығу сезімі, жүректің айнуы, құсу, эпигастриядағы ауыру, шаршау сезімі, ұйқышылдық, ұйқының бұзылуы, мазасыздық, озбырлық, зейінді жұмылдыру қабілетінің бұзылуы, сергектік деңгейінің немесе реакция мерзімінің өзгеруі, депрессия, сананың шатасуы, сөйлеудің және көрудің бұзылуы, афазия, тремор, парез, сенсорлық бұзылу, бас айналуы, әлсіздік, өзін-өзі бақылай алмау, сандырақтау, церебральдік құрысулар, ұйқышылдық және кома жағдайына дейін естен тану, үстіртін тыныс алу, брадикардия.

Кейде гипогликемияның клиникалық көрінісі инсультті еске түсіруі мүмкін. Гипогликемия 12-ден 72 сағатқа дейін созылуы және аурудың жағдайының бастапқы жақсаруынан кейін қайталануы мүмкін. Симптомдары препаратты ішке қабылдағаннан кейін 24 сағаттан соң да байқалуы мүмкін. Жағдайына қарай аурухана жағдайында бақылау ұсынылады.

Емі: Гипогликемия көміртегін (қантты) ішке дереу қабылдаумен тез басылуы мүмкін. Қанталмастырғыштар гипогликемияны емдеуде тиімсіз. Қанттың әдеттегі мөлшерімен уақытша тоқтатылған ауыр немесе ұзақ гипогликемия, жедел емдеуді, мүмкін госпитализацияны қажет етеді. Асқазанды шаю, белсенділендірілген көмірді және натрий сульфатын тағайындау. Ауыр жағдайларда емделушіні ауруханаға жатқызу керек. Мүмкіндігінше ертерек глюкозаны енгізуді бастау керек, қажет болғанда көктамыр ішіне сорғалатып 50 мл 50% - ерітінді түрінде, содан кейін қандағы глюкоза деңгейін мұқият бақылап, баяу 10%-дық ерітіндіні енгізеді. Ары қарай белгісіне қарай ем тағайындалады. Глемпидті кездейсоқ қабылдап қоюдан туындаған жаңа туылғандар мен ерте жастағы балаларда гипогликемияны емдеуде гипергликемияның пайда болуын болдырмау үшін, глюкозаның дозасын бақылау және қандағы глюкоза деңгейін үздіксіз мониторингтау керек.

Шығарылу түрі және қаптамасы

10 таблеткадан ПВХ үлбірден (поливинилхлорид) / алюминий фольгадан жасалған пішінді ұяшықты қаптамада. 3 пішінді ұяшықты қаптамадан медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапшада.

Сақтау шарттары

25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Специфар СА, Афины, Греция

Телефон: +302105401565; +302105401580, Факс: +302105401600

Тіркеу куәлігінің иесі

«ЭГИС Фармацевтикалық зауыты» ЖАҚ, Венгрия

Казақстан Республикасы аумағында өнім (тауар) сапасына қатысты шағымдарды қабылдайтын ұйымның мекенжайы

«ЭГИС Фармацевтикалық зауыты» ЖАҚ ҚР өкілдігі

050060, Алматы қ-сы, Жароков к-сі 286 Г

тел: + 7 (727) 247 63 34, + 7 (727) 247 63 33, факс: + 7 (727) 247 61 41

e-mail: egis@egis.kz