Гетрил (3 мг)

МНН: Глимепирид
Производитель: Гетц Фарма (Пвт) Лимитед
Анатомо-терапевтическо-химическая классификация: Glimepiride
Номер регистрации в РК: № РК-ЛС-5№013936
Период регистрации: 14.08.2014 - 14.08.2019
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 37.98 KZT

Инструкция

Саудалық атауы

Гетрил

Халықаралық патенттелмеген атауы

Глимепирид

Дәрілік түрі

1мг, 2 мг, 3 мг, 4 мг таблеткалар

Құрамы

Гетрил, 1 мг таблеткалар

Бір таблетканың құрамында

белсенді зат - 1 мг глимепирид

қосымша заттар: лактоза, натрий лаурилсульфаты, микрокристалды целлюлоза, натрий крахмалы гликоляты, магний стеараты, бояғыш Instacoat жасыл: темірдің сары тотығы (Е 172), индигокармин (Е132)

Гетрил, 2 мг таблеткалар

Бір таблетканың құрамында

белсенді зат - 2 мг глимепирид

қосымша заттар: лактоза, натрий лаурилсульфаты, микрокристалды целлюлоза, натрий крахмалы гликоляты, магний стеараты, бояғыш Instacoat күлгін: темірдің қара тотығы (Е 172), темірдің сары тотығы (Е 172), индигокармин (Е132)

Гетрил, 3 мг таблеткалар

Бір таблетканың құрамында

белсенді зат - 3 мг глимепирид

қосымша заттар: лактоза, натрий лаурилсульфаты, микрокристалды целлюлоза, натрий крахмалы гликоляты, магний стеараты, бояғыш Instacoat көгілдір: индигокармин (Е132)

Гетрил, 4 мг таблеткалар

Бір таблетканың құрамында

белсенді зат - 4 мг глимепирид

қосымша заттар: лактоза, натрий лаурилсульфаты, микрокристалды целлюлоза, натрий крахмалы гликоляты, магний стеараты, бояғыш Instacoat қызғылт: темірдің қызыл тотығы (Е 172), индигокармин (Е132)

Сипаттамасы

Сопақша пішінді бір жағында «GETZ» деген бедері және басқа жағында сызығы бар, қалыңдығы 1.5-тен 2.5 мм-ге дейін, ашық-жасыл түсті таблеткалар (1 мг таблеткалар).

Сопақша пішінді бір жағында «GETZ» деген бедері және басқа жағында сызығы бар, қалыңдығы 2.3 -тен 3.3 мм-ге дейін, сұр түсті таблеткалар (2 мг таблеткалар).

Сопақша пішінді бір жағында «GETZ» деген бедері және басқа жағында сызығы бар, қалыңдығы 2.3-тен 3.3 мм-ге дейін, ашық-көк түсті таблеткалар (3 мг таблеткалар).

Сопақша пішінді бір жағында «GETZ» деген бедері және басқа жағында сызығы бар, қалыңдығы 2.3-тен 3.3 мм-ге дейін, ашық-қызғылт түсті таблеткалар (4 мг таблеткалар).

Фармакотерапиялық тобы

Қант диабетін емдеуге арналған дәрілер. Ішу арқылы қабылдауға арналған қантты төмендететін препараттар. Сульфонилмочевина туындылары. Глимепирид.

АТХ коды A10BB12

Фармакологиялық қасиеттері

Фармакокинетикасы

Глимепиридтің сіңуі жоғары және абсолютті биожетімділігі (100%) бар препарат. Тамақ қабылдау оның сіңірілуіне елеулі әсер етпейді. Глимепирид қан сарысуындағы ең жоғарғы (Сmах) концентрациясына шамамен 2,5 сағат ішінде жетеді. Шамамен альбуминнің таралу көлеміне тең боп келетін төмен таралу көлемі (8,8 л жуық) бар және клиренсі төмен (48 мл/мин жуық) боп келеді. Ақуыздармен байланысуы – 99%. Бауырда гидроксилденген және карбоксилденген туындыларына дейін метаболизденеді. Жартылай шығарылу кезеңі 5-8 сағатты құрайды. Жоғары дозаларын қабылдағаннан кейін глимепиридтің жартылай шығарылу кезеңі артады. Негізінен метаболиттер түрінде шығарылады: 58% - несепте және 35% - нәжісте болатыны анықталды. Глимепиридтің өзгермеген түрі несепте анықталған жоқ. Глимепиридті бір рет қабылдау және тәулігіне бір рет бірнеше күнде көп рет қабылдау барысында алынған мәліметтерді салыстырғанда, фармакокинетикасында маңызды айырмашылықтар табылған жоқ. Глимепиридтің маңызды жинақталуы байқалмайды. Глимепиридтің фармакокинетикалық параметрлері әр түрлі жыныстағы емделушілерде және әртүрлі жасқа байланысты топтарда ұқсас боп келеді. Бүйрек функциясы бұзылған емделушілерде (креатинин клиренсі төмен боп келетін) глимепирид клиренсінің ұлғаюы және қан сарысуында оның орташа концентрациясының азаю тенденциясы байқалды. Мұндай топқа жататын емделушілерде глимепиридтің жинақталуының қосымша қаупі болмайды.

Фармакодинамикасы

Гетрил - III қатардағы сульфонилмочевина туындысы, әсер етуі ұзартылған ішу арқылы қабылданатын гипогликемиялық дәрі. Гетрил ұйқы безінің бета-жасушаларымен инсулин сөлінің бөлінуін көтермелейді, инсулиннің босап шығуын арттырады. Нысана- жасушаларда инсулинге сезімтал рецепторлардың санын көбейтеді, шеткергі тіндердің инсулинге деген сезімталдығын жоғарылатады, глюконеогенезды бәсеңдетеді. Постпрандиалдық инсулинді/С-пептидтік жауапты жақсартады, аш қарынға инсулин/С-пептидтің деңгейін арттырмай -ақ, гипергликемияны төмендетеді. Гетрил ретино-, нейро-, және нефропатияның даму қаупін азайтады. Үйлестіре тағайындағанда глимепирид семіз емделушілерде инсулин дозасын 38% төмендетуіге мүмкіндік береді.

Гетрилді қабылдаған кезде ең жоғарғы әсеріне 2-3 сағаттан кейін жетеді, гипогликемиялық әсері 24 сағаттан көпке созылады.

Қолданылуы

  • тек емдәм, дене жаттығулары және дене салмағын төмендету аурудың

жеткілікті бақылануын қамтамасыз ете алмағанда, 2 типті қант диабетін емдеу үшін

Қолдану тәсілі және дозалары

Инсулинге тәуелді емес 2 типті қант диабетінің алғашқы және міндетті емі ретінде емдәм және дене жаттығулары тағайындалады. Гипогликемиялық препараттарды, оның ішінде Гетрилді дозалау тәртібінде қатаң шектеулер жоқ. Ең төменгі тиімді дозасын анықтау үшін гликемияны бақылау міндетті түрде жүргізілуі керек.

Гетрилді қысқа мерзімді қабылдау, қандағы қант деңгейін емдәммен және жаттығулармен түзетіп отыратын емделушілерде глюкоза деңгейін уақытша бақылау үшін жеткілікті болуы мүмкін.

Глимепиридтің бастапқы және демеуші дозалары гликемия деңгейін жүйелі түрде бақылаудың нәтижелері негізінде анықталады. Гликемия деңгейін мониторингтік бақылау сондай-ақ, глимепиридке деген біріншілік немесе екіншілік төзімділікті анықтауға көмектеседі.

Гетрил таблеткаларын тұтастай, шайнамай, жеткілікті мөлшердегі сұйықтықпен (0,5 стақанға жуық) ішке қабылдайды.

Әдетте емнің басында глимепиридті күніне бір рет 1мг -ден тағайындайды. Қажет болған жағдайда тәуліктік дозасы арттырылуы мүмкін. Глимепиридтің тәуліктік дозасын кез келген жоғарылату, гликемия деңгейін жүйелі түрде бақылай отырып, біртіндеп (мысалы, 1-2 апталық аралықпен) және келесі сызба бойынша: 1 мг - 2 мг - 3 мг - 4 мг - 6 мг және (ерекше жағдайларда) - 8 мг жүзеге асырылуы керек. Әдетте глимепиридтің тәуліктік дозасының ауқымы, жақсы бақыланатын қант диабетімен науқастар үшін, 1 мг-ден 4 мг-ге дейінді құрайды. Тек жекелеген емделушілерде ғана жеткілікті әсерге 6 мг-ден асатын тәуліктік дозаның көмегімен жетеді.

Глимепиридтің тәуліктік дозасын бөлу және қабылдау уақыты дәрігермен аурудың өмір салтына байланысты анықталынады. Әдетте, тәуліктік дозасын күніне бір рет қабылдау жеткілікті болады. Мұны тікелей мол таңғы ас қабылдаудың алдында немесе, егер де тәуліктік доза қабылданбаған болса бірінші мол тамақ қабылдаудың алдында жасау керек. Глимепиридті қабылдағаннан соң ас қабылдауды өткізіп алмау өте маңызды.

Қант диабетінің қалпына келуі жақсарған жағдайда инсулинге сезімталдық жоғарылайды, осыған байланысты емдеу барысында глимепиридке деген қажеттілік төмендеуі мүмкін. Гипогликемия дамуының алдын алу үшін, глимепиридтің дозасын уақытша төмендету немесе тоқтату туралы мәселе қарастырылуы тиіс.

Дозасын түзету аурудың дене салмағы өзгергенде немесе оның өмір сүру салты өзгергенде, немесе гипо- немесе гипергликемияның дамуына бейімділікті арттыруға ықпал ететін басқа да факторлар пайда болған жағдайда жүргізілуі тиіс.

Әдетте глимепиридпен емдеу, қандағы глюкоза мөлшерін бақылай отырып, ұзақ уақытқа созылады.

Глимепирид және басқа да қантты төмендететін пероральді препараттардың дозалары арасында дәл арақатынас болмайды. Осындай басқа препараттарды глимепиридпен алмастырғанда соңғысының бастапқы тәуліктік дозасы 1мг құрауы тиіс (тіпті науқасты глимепиридке басқа қантты төмендететін пероральді препараттың ең жоғарғы дозасынан ауыстырған жағдайда да). Глимепиридтің дозасын кез келген жоғарылату жоғарыда келтірілген ұсыныстарға сәйкес жүргізілуі керек.

Алдында қабылданған қантты төмендететін дәрінің әсер ету дәрежесін және ұзақтығын назарға алу керек. Гипогликемияның даму қаупін жоғарылататын аддитивті әсерді болдырмау үшін, емді уақытша тоқтату қажеттілігі пайда болуы мүмкін.

Егде жастағы, әлсіз, немесе ашығып жүрген емделушілерде немесе бауыр жеткіліксіздігі бар емдеушілерде гипогликемиялық реакцияның алдын алу үшін бастапқы дозасы, дозасын өзгерту және дозаларын ұстап тұру мәселесі консервативті болуы керек.

Бүйрек функциясының төмендеуі орташа емделушілерде старттық доза тәулігіне бір рет 1 мг-ден аспауы тиіс. Дозасы қандағы аш қарынға алынған глюкозаның деңгейі негізінде мұқият таңдалуы қажет (яғни 1-2 апта аралықпен, 1 мг).

Жағымсыз әсерлері

Глимепиридті және басқа да сульфонилмочевина туындыларын қабылдау тәжірибесіне қарап, келесі жағымсыз әсерлердің болу мүмкіндігін ескеру қажет:

Жиі

- емнің басында қандағы қант деңгейінің өзгеруімен байланысты болатын көрудің өткінші бұзылуы байқалуы мүмкін;

Сирек

- гипогликемия (бас ауруы, ашығу сезімі, жүрек айну, құсу, апатия, ұйқышылдық, ұйқының бұзылуы, мазасыздық, озбырлық, зейін шоғырландырудың бұзылуы, қырағылықтың және реакциялық қабілеттің төмендеуі, депрессия, сананың шатасуы, сөйлеу қабілетінің бұзылуы, афазия, көрудің бұзылуы, тремор, парез, сезімталдықтың бұзылуы, бас айналу, өзін-өзі бақылай алмау, делирий, шығу тегі орталықтық құрысулар, ұйқышылдық және комаға дейін апаратын естен тану, үстіртін тыныс алу және барикардия, адренергиялық контррегуляция белгілері: қатты терлеу, үрейлену сезімі, тахикардия, артериялық гипертензия, жүрек қағуын сезіну, стенокардия және жүрек аритмиясы ұстамасы)

- қандағы натрий деңгейінің төмендеуі (гипонатриемия)

- жүрек айнуы, құсу, эпигастрий аймағында жайсыздықты сезіну, іштің ауыруы, диарея, бауыр трансаминазалары белсенділігінің көтерілуі. Ерекше жағдайларда бауыр жеткіліксіздігіне әкеп соғуы мүмкін: холестаз, сары ауру, гепатит;

- қан көрінісінің ауыр бұзылулары байқалуы мүмкін; тромбоцитопения, лейкоцитопения, гемолитикалық анемия немесе эритроцитопения, гранулоцитопения, агранулоцитоз және панцитопения (миелосупрессия нәтижесінде) болуы мүмкін

- аллергиялық немесе жалған аллергиялық реакциялар орын алуы мүмкін – қышыну, есекжем, бөртпе, диспноэ, артериялық қысымның тіпті анафилактикалық шокқа дейін түсіп кетуі. Жекелеген жағдайларда аллергиялық васкулит немесе фотосенсибилизация орын алуы мүмкін.

- сульфонилмочевина туындыларымен, сульфаниламидтермен және тектес заттармен айқаспалы аллергия дамуы мүмкін.

Қолдануға болмайтын жағдайлар

- 1 типті қант диабеті

- диабеттік кетоацидоз (соның ішінде сыртартқысында), диабеттік прекома және кома, гиперосмолярлық кома

- глимепиридке немесе препараттың құрамына кіретін қандай да бір белсенді емес ингредиентке, сульфонимочевинаның басқа туындыларына немесе басқа да сульфаниламидтік препараттарға аса жоғары сезімталдық (аса жоғары сезімталдық реакциясының даму қаупі

- бауыр функциясының ауыр бұзылуы; бауыр жеткіліксіздігі (инсулинге ауыстыру көрсетілген)

- бүйрек жеткіліксіздігі; гемодиализ (инсулинге ауыстыру көрсетілген)

- тамақтың сіңірілуінің бұзылуымен, гипогликемияның дамуымен қатар жүретін және науқасты инсулинмен емдеуге ауыстыруды қажет ететін жағдайлар (жұқпалы аурулар, кең ауқымды күйіктер, ауыр жарақаттар, үлкен хирургиялық араласулар, ішектің бітелуі, асқазан парезі)

- лейкопения

- жүктілік және лактация кезеңі

- 18 жасқа дейінгі балаларға

Дәрілермен өзара әрекеттесуі

Глимепиридпен емдеуді бастардың алдында кейбір басқа дәрілік заттарды қабылдап жүрген немесе оларды қабылдауды тоқтатқан емделушілерде гликемия деңгейін қадағалау бұзылуы мүмкін.

Глимепиридті және мына дәрілік заттардың біреуін: инсулин немесе диабетке қарсы басқа да пероральды препараттар, ангиотензин өзгертуші ферменттің тежегіштері (каптоприл, эналаприл, моноприл), аллопуринол, анаболикалық стероидтар және еркек жыныс гормондары (тестостерон), хлорамфеникол, кумариндік қатардағы антикоагулянттар, циклофосфамид, дизопирамид, фенфлурамин, акарбоза, фенирамидол, фибраттар (клофибрат, безафибрат), флуоксетин, гуанетидин, изофосфамидтер, моноаминооксидаза тежегіштері, зеңдерге қарсы препараттар (миконазол, флуконазол), пара-аминосалицил қышқылы, этионамид, пентоксифиллин (жоғары дозаларда парентеральді енгізгенде), фенилбутазон, азапропазон, оксифенбутазон, пробенецид, хинолондар, салицилаттар (аспирин), сульфинпиразон, сульфаниламидтер, тетрациклиндер (доксициклин), тритоквалин, трофосфамидтер, теофиллин, бромокриптин, пиридоксин – бір мезгілде бірге қабылдағанда қантты төмендету әсерінің күшеюі және осымен байланысты гипогликемияның дамуы мүмкін.

Глимепиридті және мына дәрілік заттардың біреуін: ацетазоламид, барбитураттар, кортикостероидтар (гидрокортизон, преднизолон, дексаметазон және т.б.), диазоксид, диуретиктер (гидрохлоротиазид, хлорталидон, фуросемид), эпинефрин (адреналин) және басқа симпатомиметикалық дәрілер, глюкагон, іш жүргізетін дәрілер (ұзақ уақыт қабылдаудан кейін), никотин қышқылы (жоғары дозаларда), пероральді контрацептивтер (эстрогендер (эстриол, эстрадиол, этинилэстрадиол) және прогестогендер (прогестерон)), фенотиазиндер, хлорпромазин, фенитоин, рифампицин, изониазид, қалқанша без гормондары (тироксин), триамтерен, аспарагиназа, баклофен, даназол, ритодрин, сальбутамол, тербуталин, литий тұздары (литий карбонаты) - бір мезгілде қабылдағанда қантты төмендететін әсерінің әлсіреуі және оған байланысты қандағы гликемия деңгейінің көтерілуі байқалуы мүмкін.

Н2-рецепторларының блокаторлары (циметидин, ранитидин), клонидин және резерпин глимепиридтің қантты төмендететін әсерін күшейтумен қатар төмендетуге де қабілетті. Адренорецепторлардың блокаторлары, клонидин, гуанетидин және резерпин сияқты симпатолитикалық дәрілердің әсер етуімен гипогликемияның адренергиялық контррегуляция белгілерінің әлсіреуі немесе жоқ болуы мүмкін.

Бета-адренорецепторлар блокаторлары (оның ішінде атенолол, метопролол) глюкозаға деген төзімділікті төмендетеді. Қант диабетімен ауыратын науқастарда бұл жағдай зат алмасуының қалпына келуін нашарлатуға алып келуі мүмкін. Бұдан басқа, бета-адренорецепторлардың блокаторлары гипогликемияның дамуына бейімділікті күшейтуі мүмкін. (контррегуляцияның бұзылуы салдарынан).

Алкоголь глимепиридтің гипогликемияландыратын әсерін күшейтуі немесе әлсіретуі мүмкін.

Глимепиридті қабылдау аясында кумарин туындылары әсерінің күшеюі немесе әлсіреуі байқалуы мүмкін.

Глимепирид варфариннен туындайтын гипокоагуляцияны (елеусіз түрде) төмендетеді. Сүйек кеміктік қан түзілуін бәсеңдететін препараттар миелосупрессия қаупін күшейтеді.

Айрықша нұсқаулар

Гетрилді дозалау қандағы глюкоза деңгейімен анықталады. Гетрилді тағайындалған дозаларда және тағайындалған уақытта, мол тамақ ішердің алдында (әдетте таңғы ас алдында) қабылдау керек. Гетрилді қабылдағаннан кейін тамақ ішуді жіберіп алмау өте маңызды. Препарат қабылдауды жіберіп алуды ешқашан келесі жолы одан да жоғары дозаны қабылдау арқылы түзетуге болмайды.

Науқас Гетрилдің өте жоғары дозасын қабылдаған жағдайда жедел түрде дәрігерге хабарлауы керек. Гетрилмен емдеуді құрамында көмірсулар аз болатын, калориясы төмен емдәммен үйлестіре отырып жүргізеді. Гетрилді жүйелі түрде қабылдау сияқты, дұрыс емдәмнің, тұрақты және жеткілікті дене жаттығуларының және қажет болса дене салмағын төмендетудің де гликемия деңгейін ұтымды бақылауға қол жеткізуде маңызы өте жоғары.

Гетрилмен ем жүргізу уақытында қандағы гликемия деңгейін, сондай-ақ гемоглобиннің гликозилденген концентрациясын жүйелі түрде бақылау қажет. Қандағы глюкоза көрсеткіштерін мониторингті түрде бақылау препаратқа деген біріншілік немесе екіншілік төзімділікті анықтауға көмектеседі.

Қант диабетінің қалпына келуіне қол жеткенде инсулинге деген сезімталдық жоғарылайды, осыған байланысты емделу барысында Гетрилге деген қажеттілік төмендеуі мүмкін. Гипогликемияның дамуын болдырмау үшін Гетрилдің дозасын уақытында азайту немесе қабылдауды тоқтату қажет. Физикалық және эмоционалдық жүктемеде, тамақтану тәртібі өзгергенде немесе гипо- немесе гипергликемияның дамуына ықпал ететін басқа да факторлар пайда болғанда глимепиридтің дозасы түзетілуі қажет.

Гипергликемияның клиникалық симптомдары: несеп шығару жиілігінің артуы, қатты шөлдеу, ауыз құрғақтығы және терінің құрғауы болып табылады.

Гетрилмен емделудің бірінші аптасында гипогликемияның даму қаупі артуы мүмкін, бұл мұндай науқастарды ерекше қатаң бақылауды талап етеді. Гипогликемияның дамуына ықпал ететін факторларға: жүйесіз, толыққанды емес тамақтану, үйреншікті емдәмнің өзгеруі, алкоголь тұтыну, әсіресе тамақ қабылдауды өткізіп алумен байланысты болуы, дене жүктемесінің үйреншікті тәртібінің өзгеруі, бір мезгілде басқа дәрі-дәрмектер қабылдау жатады. Гипогликемияны әрқашан дерлік көмірсуларды жедел қабылдаумен тез қайтаруға болады (глюкоза немесе қант, мысалы, шақпақ қант түрінде, қантпен тәттілендірілген жеміс шырыны немесе шайды). Осыған байланысты ауру адам әрдайым кем дегенде 20г глюкозаны өзімен бірге алып жүруі тиіс. Бұл басқа ауру адамдарға көмек көрсету үшін де қажет боп қалуы мүмкін. Гипогликемияны емдеуде жасанды тәтті заттар тиімді емес. Ауыр гипогликемия дәрігердің бақылауымен болатын жедел емдеуді, ал белгілі бір жағдайларда ауруханаға жатқызуды талап етеді.

Көмірсулар алмасуына әсер ететін (оның ішінде, қалқанша без функциясының бұзылуы, аденогипофизарлық немесе адренокортикалдық жеткіліксіздік) эндокринді жүйенің қатар жүретін аурулары бар емделушілерге Гетрилді абайлап тағайындау керек.

Басқа препараттан Гетрилге ауысар кезде алдыңғы гипогликемиялайтын препараттың берген әсерінің дәрежесіне және ұзақтығына көңіл бөлу қажет. Аддитивті әсерден сақтану үшін емделуді уақытша тоқтату қажеттілігі туындауы мүмкін. Ерекше стресстік жағдайларда (мысалы, жарақаттанғанда, хирургиялық араласуда, жоғары температурамен болатын жұқпалы ауруларда) гликемия деңгейінің бақылануы бұзылуы мүмкін, және науқасты уақытша инсулинге ауыстыру қажеттілігі туындауы мүмкін.

Гетрилдің әсері жеткіліксіз болғанда немесе ұзақ уақытқа созылған монотерапия барысында оның әсері төмендегенде (екіншілік төзімділік), инсулинмен біріктіру ұсынылады.

Қабынуға қарсы стероидты емес препараттарды (индометацин, диклофенак, ибупрофен және т.б.) қабылдаған жағдайда, ашығу кезінде емделушілерге гипогликемияның пайда болу қаупінің жоғары екенін ескерту қажет.

Алкоголь глимепиридтің гипогликемиялық әсерін күшейте немесе әлсірете алады; дисульфирамға ұқсас синдромның дамуы мүмкін: абдоминальді ауырсынулар, жүрек айнуы, құсу, бас ауыруы.

Гипогликемияның клиникалық білінулері бета-блокаторларды (пропранолол және т.б.), клонидинді, резерпинді, гуанетидинді немесе басқа да симпатолитиктерді қабылдағанда бүркемеленуі мүмкін.

Егде жастағы емделушілерде гипогликемия симптомдары анық жүруі немесе мүлдем болмауы мүмкін екенін ескеру керек.

Глюкоза-6-фосфат-дегидрогеназа (Г6ФД) тапшылығы бар емделушілерде сульфонилмочевина туындыларымен емдеу гемолитикалық анемияның дамуына алып келуі мүмкін. Глимепирид сульфонилмочевина туындыларының класына жататындықтан, оны Г6ФД тапшылығы бар емделушілерге сақтықпен тағайындау және сульфонилмочевина туындыларына жатпайтын баламалы дәріні қолдану мүмкіндігін қарастыру керек.

Гетрил препаратының құрамында лактоза болғандықтан, галактозаны көтере алмаушылығы, Лапп лактаза тапшылығы немесе глюкоза-галактоза сіңуінің бұзылуы сияқты сирек туа біткен бұзылулары бар емделушілер бұл дәрілік затты қабылдамағаны жөн.

Жүктілік

Қазіргі кезде глимепиридтің жүкті әйелдерде қолданылуы жөнінде тиісінше мәліметтер жоқ. Клиникаға дейінгі зерттеулер глимепиридтің гипогликемиялық әсерімен байланысты болуы мүмкін репродуктивтік уыттылығының бар екенін көрсеткен.

Соған орай, глимепиридті бүкіл жүктілік кезеңі бойына қабылдамаған жөн.

Егер глимепиридпен емдеу кезінде емделуші әйел жүкті болуды жоспарласа немесе жүктілік фактісі анықталса, оны мүмкіндігінше жылдамырақ инсулинмен емге ауыстыру қажет.

Лактация кезеңі

Сульфонилмочевинаның басқа туындылары адамда емшек сүтіне бөлініп шығуға қабілетті болғандықтан, сондай-ақ бала емізетін әйелдерде гипогликемияның даму қаупіне байланысты, глимепиридпен емдеу кезінде бала емізуді тоқтата тұру ұсынылады.

Дәрілік заттың көлік құралын және қауіптілігі зор механизмдерді басқару қабілетіне ықпал ету ерекшеліктері

Глимепиридті қабылдап жүрген емделушілер жоғары назар аударуды және психомоторлық реакциялардың жылдамдығын қажет ететін, қауіптілігі зор жұмыстармен айналасуды тоқтата тұруы керек. Емделудің бастапқы уақытында, бір дәрілік заттан екіншісіне ауысқан кезде немесе глимепиридті жүйесіз қабылдағанда, гипо- немесе гипергликемиямен байланысты қырағылықтың және науқастың реакциялық қабілетінің төмендеуі орын алуы мүмкін. Бұл автокөлікті басқару қабілетіне немесе әртүрлі машина және механизмдермен жұмыс істеуге кері әсерін тигізуі мүмкін.

Артық дозалануы

Симптомдары: гипогликемия (ашығу сезімі, жүрек айну, құсу, қатты терлеу, үрейлену сезімі, тахикардия, артериялық қысымның жоғарылауы, жүрек қағуы, жүрек тұсының ауыруы, аритмия, бас ауруы, бас айналу, апатия, ұйқышылдық, мазасыздық, озбырлық, зейін шоғырландырудың бұзылуы, депрессия, сананың шатасуы, тремор, парез, сезімталдықтың бұзылуы, шығу тегі орталықтық құрысулар). Клиникалық көрінісі инсультті еске түсіруі мүмкін, команың дамуы мүмкін.

Емі: егер емделушінің ес-түсі бар болса – глюкозаны ішке немесе көктамыр ішіне тағайындайды. Ауыр жағдайларда емделушіні ауруханаға жатқызу керек. Гипогликемиялық кома болған жағдайда 40% глюкоза ерітіндісімен инфузиялық терапия жүргізіледі, кейіннен глюкозаның көбірек араластырған (10%) ерітіндісін қандағы глюкозаны 100 мг % (5.5 ммоль/л) деңгейінде ұстап тұру мақсатында енгізеді; 1-2 мг глюкогонды немесе эпинефринді енгізуге болады. Ең аз дегенде 24-48 сағат аралығында қандағы глюкоза концентрациясын, өмірлік маңызды қызметтерді ұстап тұру және үнемі мониторинг жүргізу қажет (гипогликемияның қайталану эпизодтары болуы мүмкін). Есі кіргеннен кейін ауру адамға жеңіл қорытылатын көмірсуларға бай тамақ беру қажет (гипогликемияның қайта дамуын болдырмау үшін). Мидың ісінуі кезінде маннитті және дексаметазонды тағайындайды.

Шығарылу түрі және қаптамасы

10 таблеткадан алюминий фольгадан жасалған пішінді ұяшықты қаптамаға салынған.

2 пішінді ұяшықты қаптамадан қолданылуы жөніндегі мемлекеттік және орыс тіліндегі нұсқаулықпен бірге картон пәшкеге салынады.

Сақтау шарттары

Құрғақ және жарықтан қорғалған жерде 15°C –ден 30°C -ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Гетц Фарма (Пвт.) Лимитед, Пәкістан,

29-30/27, К.И.А. , Карачи – 74900.

Тел: +(92-21) 111 111 511

Факс: +(92-21) 350 5792

www.getzpharma.com

Тіркеу куәлігінің иесі

Гетц Фарма (Пвт.) Лимитед, Пәкістан.

Қазақстан Республикасы аумағында тұтынушылардан өнімнің сапасы жөніндегі шағымдарды қабылдайтын ұйымның мекенжайы:

Гетц Фарма (Пвт.) Лимитед Компаниясының ҚР өкілдігі,

Алматы қ, Шевченко к-сі, 148 үй

тел: +7(727)378-51-89, 378-54-78

www.getzpharma.com

Прикрепленные файлы

927749431477976710_ru.doc 102.5 кб
672948441477977855_kz.doc 128.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники