Герпевир (таблетки, 200 мг)
Инструкция
-
русский
-
қазақша
Саудалық атауы
Герпевир
Халықаралық патенттелмеген атауы
Ацикловир
Дәрілік түрі
200 мг таблеткалар
Құрамы
Бір таблетканың құрамында
белсенді заттар: ацикловир (100% затқа шаққанда) - 200 мг,
қосымша заттар: картоп крахмалы, повидон, кальций стеараты.
Сипаттамасы
Дөңгелек пішінді, тегіс беткейлі, ойығы бар, түсі ақ немесе ақ дерлік таблеткалар.
Фармакотерапиялық тобы
Вирусқа қарсы тікелей әсер ететін препараттар. Нуклеозидтер және нуклеотидтер. Ацикловир.
АТХ коды J05А В01
Фармакологиялық қасиеттері
Фармакокинетикасы.
Ішке қабылдағаннан кейін ішінара (20-ға жуығы) сіңеді. Тамақпен бірге қабылдау сіңуіне аз ықпал етеді. Плазма ақуыздарымен біршама әлсіз байланысады (9-33). Препарат организм тіндеріне және сұйықтығына жақсы енеді, ГЭБ және плаценталық бөгет арқылы өтеді, емшек сүтіне енеді. Қанда ең жоғары концентрациясына дозаға байланысты 1,5 - 2 сағаттан соң жетеді. Ішке қабылдаған кезде жартылай шығарылу кезеңі 3 сағатқа жуық; бүйрек қызметінің жеткіліксіздігінде - 19,5 сағатқа дейін артады. Жас үлкейген сайын шығарылу жылдамдығы баяулайды, бірақ елеусіз шамада жартылай шығарылу кезеңі ұзарады.
Негізінен, бүйрек арқылы өзгермеген күйінде, ішінара метаболит – 9-карбоксиметоксиметилгуанин түрінде сыртқа шығарылады.
Фармакодинамикасы
Герпевир – ДНҚ-ның (дезоксирибонуклеин қышқылы) компоненті – дезоксигуанидин пуринді нуклеозидінің аналогы. Әсіресе, қарапайым ұшық пен белдемелі герпеске (теміреткіге) қатысты әсері тиімді. Ацикловир мен дезоксигуанидин құрылымдарының ұқсастығы ацикловирдің вирус ферменттерімен өзара әрекеттесуіне мүмкіндік береді, ол вирустың көбеюін тоқтатады. Вирус бөліп шығаратын тимидинкиназаның әсерінен ұшықпен зақымданған жасушаға ацикловирді енгізгеннен кейін ацикловир ацикловир-монофосфатқа айналады, онда ацикловир-монофосфат қожайынның жасуша ферменттері арқылы ацикловир-дифосфатқа айналады, ал содан кейін белсенді түрі ацикловир-трифосфатқа айналады, ол вирусты ДНҚ синтезін таңдап бөгейді. Қожайын (адам) жасушасының ДНҚ репликациясына ацикловир-трифосфаты іс жүзінде ықпал етпейді.
Герпевир ұшықта бөртпенің жаңа элементтері пайда болуына жол бермейді, тері диссеминациясының және висцеральді асқынулардың ықтималдығын төмендетеді, қабықтың пайда болуын жылдамдатады, белдемелі ұшықтың жедел сатысында болатын ауыруды бәсеңдетеді. Препарат иммунитет көтермелеуші әсер береді.
Сондай-ақ, Эпштейн-Барр вирусына, цитомегаловирусқа қатысты әсері белсенді.
Қолданылуы
-
алғаш пайда болған және қайталанған генитальді ұшықтарды қосқанда, қарапайым ұшық вирусынан туындаған тері мен шырышты қабықтың вирусты жұқпаларын емдеуге
-
иммунитет тапшылығы бар науқастарда қарапайым ұшық вирусынан туындаған жұқпалардың алдын алуға
-
Varicella zocter вирусынан туындаған жұқпаларды емдеуде (желшешек және белдемелі ұшық)
Қолдану тәсілі мен дозалары
Ересектерге
Қарапайым ұшық вирусынан туындаған жұқпаларды емдеу
Қарапайым ұшық вирусынан туындаған жұқпаларды емдеуде Герпевирді түнгі уақытты қоспағанда, 4 сағаттық аралықпен тәулігіне 5 рет 200 мг дозада тағайындайды. Емдеу 5 күнге жалғасуы тиіс, бірақ ауыр бастапқы жұқпада 10 күнге дейін ұзартылуы мүмкін.
Иммунитет тапшылығы (мысалы, сүйек кемігі трансплантациясынан кейін) бар кейбір науқастарға немесе ішектегі сіңімділігі төмендеген науқастар үшін дозаны екі еселеп 400 мг дейін жеткізуге немесе тиісті дозаны көктамыр ішіне енгізуге қолдануға болады.
Емдеуді жұқпа дамуы басталғаннан-ақ мүмкіндігінше ерте бастау қажет. Қайталанатын ұшық жағдайында емдеуді продромальді кезеңде немесе тері зақымдануының алғашқы белгілері пайда болғаннан кейін бастаған дұрыс.
Қарапайым ұшық вирусынан туындаған жұқпалар рецидивтерінің алдын алу
Қарапайым ұшық вирусы туындатқан жұқпалар рецидивтерінің алдын алу үшін иммунитеті қалыпты науқастарда Герпевир таблеткаларын 6 сағаттық аралықпен тәулігіне 4 рет 200 мг дозада немесе 12 сағаттық аралықпен тәулігіне 2 рет 400 мг дозада қабылдайды.
Дозаны 8 сағаттық аралықпен тәулігіне 3 рет 200 мг дейін немесе 12 сағаттық аралықпен тәулігіне 2 ретке дейін азайтқан күнде де емдеу тиімді болады.
Кейбір науқастарда түбегейлі жақсару 800 мг тәуліктік дозаны қабылдағаннан кейін байқалады.
Профилактикалық емдеу курсының ұзақтығы жекелей белгіленеді.
Қарапайым ұшық вирусынан туындаған жұқпалар пайда болуының алдын алу
Иммунитет тапшылығы бар науқастарда қарапайым ұшық вирусы туындатқан жұқпалардың алдын алу үшін Герпевир таблеткаларын 6 сағаттық аралықпен тәулігіне 4 рет 200 мг дозада тағайындайды. Елеулі иммунитет тапшылығы (мысалы, сүйек кемігі трансплантациясынан кейін) бар кейбір науқастарға немесе ішектегі сіңімділігі төмендеген науқастар үшін дозаны екі еселеп 400 мг дейін жеткізуге немесе тиісті дозаны көктамыр ішіне енгізуге қолдануға болады.
Профилактикалық қолдану ұзақтығы қатер кезеңінің ұзақтығымен анықталады.
Желшешек пен белдемелі герпесті емдеу
Желшешек пен белдемелі герпес вирустары туындатқан жұқпаларды емдеу үшін Герпевир таблеткаларын түнгі уақытты қоспағанда, 4 сағаттық аралықпен күніне 5 рет 800 мг дозада қабылдау керек. Ем 7 тәулікке созылуы тиіс.
Ауыр иммунитет тапшылығы (мысалы, сүйек кемігі трансплантациясынан кейін) бар немесе ішектегі сіңімділігі төмендеген науқастарға көктамыр ішіне енгізуді қолданған дұрыс.
Елеулі иммунитет тапшылығы бар науқастарда герпес вирусынан туындаған жұқпалардың алдын алу және емдеу
Елеулі иммунитет тапшылығымен науқастарда 800 мг Герпевирді 6 сағаттық аралықпен тәулігіне 4 рет қабылдаған жөн. Сүйек кемігі трансплантациясынан кейін науқастарды емдер алдында 1 ай бойы Гепавирді көктамыр ішіне енгізу емі жүргізілуі тиіс.
Сүйек кемігі трансплантациясынан кейінгі науқастарды емдеудің ұзақтығы 6 айды (трансплантациядан кейін 1 айдан 7 айға дейін) құрайды. АИВ жұқпасының даму сатысындағы науқастарды емдеу курсы 12 айды құрайды, жағымды әсерін сақтау үшін емдеу курсын жалғастырған дұрыс.
Балалар
Желшешекті емдеу үшін жасы 6-дан асқан балаларға 800 мг Герпевирді тәулігіне 4 рет тағайындайды. Барынша дәлме-дәл бір реттік дозаны дене салмағының 20 мг/кг есебінен анықтауға болады (бірақ тәулігіне 3,2 г артық емес). Емдеу ұзақтығы 5 күнді құрайды.
Егде жастағы емделушілер
Егде жастағы емделушілердің бүйрек қызметі бұзылуы мүмкіндігін ескерген жөн, сондықтан оларға препараттың дозасын тиісінше өзгерткен жөн. Организм гидратациясының талапқа сай деңгейін ұстап тұру қажет.
Бүйрек жеткіліксіздігі
Герпевирді бүйрек жеткіліксіздігі бар науқастарға сақтықпен тағайындаған жөн. Организм гидратациясының талапқа сай деңгейін ұстап тұру қажет.
Қарапайым ұшық вирусы туындатқан жұқпаларды емдеу кезінде бүйрек жеткіліксіздігі бар науқастарда ұсынылатын ішу арқылы қабылданатын дозалар деңгейі көктамырішілік енгізуге белгіленген қауіпсіз деңгейден асып кететіндей ацикловирдің жиналуына әкелмейді. Алайда бауырдың ауыр жеткіліксіздігімен науқастарға (креатинин клиренсі 10 мл/мин аздау) шамамен 12 сағат аралықпен тәулігіне 2 рет 200 мг доза белгілеу ұсынылады.
Varicella zoster вирусы туындатқан жұқпаны емдеу кезінде (желшешек және белдемелі герпес), ауыр бүйрек жеткіліксіздігінде иммунитеті елеулі төмендеген науқастар үшін (креатинин клиренсі – 10мл/мин аздау) шамамен 12 сағаттық аралықпен тәулігіне 2 рет 800 мг дозасын, ал орташа бүйрек жеткіліксізідігімен науқастарға (креатинин клиренсі – 10-25 мл/мин шегіндегі) 8 сағатқа жуық аралықпен тәулігініе 3 рет 800 мг белгілеу керек.
Ацикловирдің көп мөлшерлі пероральді дозаларын қолданған кезде осы емделушілердің талапқа сай гидратациясын ұстанған жөн.
Жағымсыз әсерлері
Жиі
- бас ауыруы, бас айналуы
- жүрек айнуы, құсу, диарея, іштің ауыруы
- қышу, бөртпе, оның ішінде фотосенсибилизация
- тез шаршағыштық, температура жоғарылауы
Жиі емес
- есекжем, шаштың жылдам диффузды түсуі (Ацикловир препаратын қабылдаумен байланысы нақтыланбаған, көбіне ауру барысындағы көптеген вариациялармен және қолданатын препараттардың санының көптігімен астасып кетеді)
Сирек
- ентігу
- ангионевротикалық ісіну
- билирубин деңгейінің және бауыр ферменттері белсенділігінің қайтымды жоғарылауы
- мочевина және қандағы креатинин концентрациясының жоғарылауы
- анафилаксия
Өте сирек
- анемия, лейкопения және тромбоцитопения
- гепатит, сарғаю
- жедел бүйрек жеткіліксіздігі, бүйрек ауыруы
- үрей, абыржу, тремор, атаксия, дизартрия, елестеулер, психоздық симптомдар, конвульсиялар, ұйқышылдық, энцефалопатия, кома
(бұл симптомдар қайтымды және әдетте бүйрек жеткіліксіздігі бар немесе басқа да осыған бейімдейтін факторлары бар емделушілерде бақыланады)
Қолдануға болмайтын жағдайлар
- ацикловирге немесе валацикловирге жоғары сезімталдық
- организмнің сусыздануы
- бүйрек қызметінің ауыр бұзылуы
- 65-тен асқан егде жас
- 6 жасқа дейінгі балалар
Герпевирді дегидратацияда және бүйрек жеткіліксіздігінде сақтықпен қолдану керек.
Дәрілермен өзара әрекеттесуі
Ацикловир негізінен өзекшелік сөлініс жолымен бүйрекпен өзгермеген түрде шығарылады, сондықтан шығарылу механизмі ұқсас қандай да болсын дәрілік заттар қан плазмасындағы ацикловир концентрациясын ұлғайтуы мүмкін.
Пробенецидпен немесе циметидинмен бір мезгілде қолданған кезде препараттың шығарылуы баяулайды. Нефроуытты препараттармен бірге қолданғанда, әсіресе бүйрек қызметі бұзылған кезде нефроуытты әсері
күшеюі мүмкін.
Ағзалар трансплантациясынан кейінгі науқастарды емдеу кезінде иммуносупрессанттармен бір мезгілде қолданғанда да қан плазмасында ацикловир мен иммуносупрессивті препараттың белсенді емес метаболиті деңгейі жоғарылайды, бірақ ацикловир емдік индексінің кеңдігіне байланысты дозаны түзету қажет етілмейді.
Айрықша нұсқаулар
Иммунитеті төмендеген науқастарды ацикловирмен ұзақ немесе қайталап емдеу оның әсеріне сезімталдығы жоқ вирус штаммдарының пайда болуына әкелуі мүмкін. Жоғары пероральді дозамен емдеу барысында организмге сұйықтықтың жеткілікті түсуін қамтамасыз еткен жөн.
Герпевирді қолданған кезде бүйрек қызметін бақылап отыру қажет (қанда мочевина азотының және қан плазмасында креатинин деңгейін анықтау).
Егер жыныс мүшесінің герпесі бар әйелдерде 1 апта бойы жағдайы жақсармаса, дәрігермен кеңескен дұрыс (жыныс мүшесінің герпесі бар науқастарда жатыр мойны обырының даму қаупі жоғары болады, сондықтан жатыр мойнындағы алғашқы өзгерулерді анықтау үшін жылына 1 рет Папаниколау тестін жүргізу керек).
Генитальді герпесті емдеген кезде жыныстық қатынастан тартына тұрған жөн.
Желшешек кезінде емдеуді оған тән бөртпелер пайда болғаннан кейін 24 сағат ішінде бастаса, анағұрлым тиімді болмақ.
Герпевирді тамақпен бірге қабылдауға болады.
Жүктілік немесе лактация кезеңі
Жүктілік кезеңінде препаратты тек өмірлік көрсетілімдер бойынша ғана тағайындайды; емдеу кезінде емшек емізу тоқтатылады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Дәрілік заттың жағымсыз әсерлерін ескере отырып, автокөлікті немесе қауіпті механизмдерді басқарған кезде сақтық танытқан жөн.
Артық дозалануы
Симптомдары: бас ауыру, жүрек айнуы, құсу, диарея, ентігу, бүйрек жеткіліксіздігі, летаргия, құрысулар, кома.
Емі: өмірлік маңызды ағзалар қызметін демеу, гемодиализ.
Шығарылу түрі және қаптамасы
Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға 10 таблеткадан салынған.
2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Түпнұсқалық қаптамасында, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Қаптамасында көрсетілген жарамдылық мерзімі өткеннен кейін қолдануға болмайды!
Дәріханалардан босатылу шарттары
Рецепт арқылы
Өндіруші
“Киевмедпрепарат” ААҚ, Украина
01032, Киев қ., Саксаганский к-сі, 139
Тіркеу куәлігінің иесі
«Киевмедпрепарат» ААҚ, Украина
ҚР аумағында тұтынушылардан өнім сапасына қатысты шағымдарды қабылдайтын ұйымның мекенжайы:
Қазақстан Республикасындағы «Артериум» корпорациясының өкілдігі
050060, Алматы қ., Әл-Фараби даңғылы, 97 үй, 3 подъезд, кеңсе «54»
Тел/факс: 8(727)315-82-09; 8(727)315-82-10;
Е-mail: office@arterium.kz