Герветин (3 мг)

МНН: Бензидамин
Производитель: REPLEK FARM Ltd. Skopje
Анатомо-терапевтическо-химическая классификация: Benzydamine
Номер регистрации в РК: № РК-ЛС-5№021480
Период регистрации: 01.07.2015 - 01.07.2020

Инструкция

Саудалық атауы

Герветин

Халықаралық патенттелмеген атауы

Бензидамин

Дәрілік түрі

Жалбыз дәмі бар 3 мг пастилкалар

Құрамы

Бір пастилканың құрамында

белсенді зат – 3 мг бензидамин гидрохлориді,

қосымша заттар: ментол, бұрышты жалбыз майының хош иістендіргіші 27198/14, повидон, натрий цикламаты, маннитол, сорбитол, желатинденген жүгері крахмалы, коллоидты сусыз кремний, магний стеараты,

үлбірлі қабықтың құрамы: Опадрай® жасыл 03F31219, натрий цикламаты, ментол, бұрышты жалбыз майының хош иістендіргіші 27198/14.

Сипаттамасы

Біртекті, дөңгелек, екі беті дөңес, беткейінде мәрмәрлі суреті мен ақшыл және күңгірт дақтары болуы мүмкін, бұрышты жалбыздың жағымды хош иісі бар ашық-жасыл түсті пастилкалар.

Сындырғанда ақтан ақ дерлік түске дейінгі өзегі және жіңішке ақшыл-жасыл үлбірлі қабығы байқалады.

Фармакотерапиялық тобы

Стоматологиялық препараттар. Ауыз қуысы ауруларын емдеуге арналған басқа да препараттар. Бензидамин

АТХ коды А01AD02

Фармакологиялық қасиеттері

Фармакокинетикасы

Препаратты жергілікті қолданған кезде шырышты қабық арқылы жақсы сіңіріледі және қабынған тіндерге енеді. Құрамында 3 мг бензидамин бар пастилканы сорғаннан кейін 2 сағаттан соң плазмада шыңдық концентрациясы байқалған – сағатына 37,8 нг/мл және AUC - 367 нг/мл. Алайда, бұл деңгейлер жүйелік фармакологиялық әсерлерінің пайда болуы үшін жеткіліксіз болып табылады.

Препараттың экскрециясы негізінен метаболиттер немесе конъюгация өнімдері түрінде бүйрекпен және ішек арқылы жүреді. Бензидаминді жергілікті қолданғанда оның қабыну тіндерінде жинақталуы байқалған, оның эпителий жасушаларына ену қабілетіне байланысты ол тиімді концентрацияларға жетеді.

Фармакодинамикасы

Бензидамин қабынуға қарсы препарат болып табылады, индазолдар тобына жатады. Қабынуға қарсы және жергілікті ауыруды басатын әсер береді, микроорганизмдердің кең спектріне қарсы антисептикалық әсері бар.

Препарат әсерінің механизмі жасушалық жарғақшалардың тұрақтануы мен простагландиндер синтезінің тежелуімен байланысты.

Бензидамин микроорганизмдер жарғақшалары арқылы жасушалық құрылымдарды зақымдап, одан соң метаболизмдік үдерістер мен жасуша лизисін бұзып жылдам ену есебінен бактерияға қарсы және спецификалық микробқа қарсы әсер етеді.

Қолданылуы

- ауыз қуысы және тамақтың ауыруы мен тітіркенуін жеңілдету және симптоматикалық емдеу үшін.

Қолдану тәсілі және дозалары

Толық сорылып болғанға дейін ауызда ұстау керек, 1 пастилкадан күніне 3 рет ұсынылады. Емдеу ұзақтығы 7 күннен аспауы тиіс.

6 жасқа дейінгі балалар

Осы дәрілік түрін (пастилкалар) 6 жасқа дейінгі балаларға қолдануға болмайды.

6-12 жастағы балалар

Препаратты 1 пастилкадан күніне 3 рет ересектердің қадағалауымен қолданған жөн.

Жағымсыз әсерлері

Жергілікті:

- ауыздың құрғауы, жансыздану сезімі, ауыз қуысын ашыту, дәмнің өзгеруі Сирек:

- аллергиялық реакциялар (тері бөртпесі), фотосезімталдық

- ұйқышылдық, анафилактикалық реакциялар

Өте сирек:

- ларингоспазм, бронхоспазм

- ангионевротикалық ісіну

Қолдануға болмайтын жағдайлар

- препарат компоненттеріне жоғары сезімталдық

- 6 жасқа дейінгі балаларға

- тұқым қуалайтын фруктозаны көтере алмаушылық

Дәрілермен өзара әрекеттесуі

Герветин препаратының басқа дәрілік заттармен клиникалық мәнді өзара әрекеттесулері анықталмаған.

Айрықша нұсқаулар

Препарат бронх демікпесі және сыртартқысында бронх демікпесі бар емделушілерде бронх түйілуін туындатуы мүмкін. Мұндай емделушілерге осы жайында міндетті түрде ескертілуі тиіс. Препарат салицил қышқылына немесе басқа да қабынуға қарсы стероидты емес қабынуға қарсы препараттарға аса жоғары сезімталдығы бар емделушілерге ұсынылмайды.

Аздаған емделушілердегі ауыз қуысы шырышты қабығы мен жұтқыншақтың қабынуы және ойық жарасы күрделі аурулардың белгісі болуы мүмкін. Қабыну симптомдары өрбіп келе жатқан немесе емделген 3 күннің ішінде жақсаруы байқалмаған емделушілер өз емдеуші дәрігеріне немесе стоматолог дәрігерге көрінулері керек. Пастилка құрамында сорбит болады.

Сирек тұқым қуалайтын фруктозаны көтере алмаушылығы бар емделушілер бұл препаратты қабылдамағандары жөн. Сорбит орташа босаңсу әсерін беруі мүмкін. Бір пастилканың құрамында 0,415 мг сорбит (1,08 ккал) бар.

Жүктілік және лактация кезеңі

Бензидаминді жүкті және бала емізетін әйелдерге пайдалану жөнінде деректер жоқ. Препараттың емшек сүтімен бөлінуіне зерттеулер жүргізілмеген. Адамға төнетін ықтимал қаупі белгісіз. Ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат ұсынылатын дозада автокөлік басқаруға және жоғары зейін қоюды талап ететін өзге қызметке әсер етпейді.

Артық дозалануы

Симптомдары: бензидаминді ішу арқылы қабылдаудан кейін (оның құрамы пастилкаларда шамамен 100 есе асып түсетін дозада) балаларда өте сирек қозу, құрысулар, тершеңдік, атаксия, тремор және құсу сияқты симптомдар байқалған.

Емі: асқазанды шаю, мұқият бақылау, демеуші ем, талапқа сай гидратация деңгейі.

Шығарылу түрі және қаптамасы

10 пастилкадан поливинилхлорид/термопластикалық эластомер/ поливинилиденхлорид үлбірден және алюминий фольгадан жасалған пішінді ұяшықты қаптамада. 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Сақтау шарттары

Құрғақ, жарықтан қорғалған жерде, 250С-ден аспайтын температурада, түпнұсқалық қаптамада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші

REPLEK FARM Ltd. Skopje, Скопье, Македония Республикасы

Тіркеу куәлігінің иесі

Spey Medical Ltd., Лондон, Ұлыбритания

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Cepheus Medical» (Цефей Медикал) ЖШС, 050000, ҚР, Алматы қ., Панфилов к-сі 98, «OLD SQUARE» БО, 807 кеңсе.

тел: +7 (727) 300 69 71, e-mail: cepheusmedical@gmail.com

Прикрепленные файлы

149285791477976392_ru.doc 59.5 кб
081451971477977645_kz.doc 64 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники