Гемтаз (200 мг)

МНН: Гемцитабин
Производитель: Sun Pharmaceutical Industries Ltd
Анатомо-терапевтическо-химическая классификация: Gemcitabine
Номер регистрации в РК: № РК-ЛС-5№016616
Период регистрации: 19.10.2015 - 19.10.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 1 209.44 KZT

Инструкция

Саудалық атауы

Гемтаз

Халықаралық патенттелмеген атауы

Гемцитабин

Дәрілік түрі

Көктамыр ішіне енгізу үшін ерітінді дайындауға арналған лиофилизацияланған ұнтақ, 200 мг және 1000 мг

Құрамы

Бір құтының ішінде

белсенді зат – 227.75 мг (200 мг гемцитабинге баламалы) немесе 1138.75 мг (1000 мг гемцитабинге баламалы) гемцитабин гидрохлориді

қосымша заттар: маннитол, натрий ацетаты, натрий гидроксиді, хлорсутек қышқылы

Сипаттамасы

Ақ немесе ақ дерлік түсті нығыздалған масса түріндегі лиофилизат.

Фармакотерапиялық тобы

Ісікке қарсы препараттар. Антиметаболиттер. Пиримидиндік аналогтар. Гемцитабин.

АТХ коды L01BC05

Фармакологиялық қасиеттері

Фармакокинетикасы

Гемцитабиннің фармакокинетикасы дозаға тәуелді. Көктамыр ішіне енгізгеннен кейін гемцитабин барлық организмге тез таралады, қан плазмасы ақуыздарымен байланысуы елеусіз (10%-дан аз). Таралу көлемі жынысы мен инфузия ұзақтығына тәуелді: қысқа мерзімде енгізгенде – 50 л/м2, ұзақ уақыт енгізуде –370 л/м2 дейін. Ерлерде таралу көлемі 15.6 л/м2, әйелдерде – 11.3 л/м2 құрайды.

Жартылай шығарылу кезеңі (Т1/2) жасына және жынысына байланысты қысқа мерзімді инфузия кезінде 32-ден 94 минутқа дейін, ұзақ уақыт инфузиялауда – 245-тен 638 минутқа дейін құрайды. Белсенді метаболитінің терминальді фазасы Т1/2 (шеткергі қанның мононуклеарлық жасушаларынан ) - 1,7–19,4 сағат.

Бауыр, бүйрек, қан жасушаларында цитидиндеаминаза ферментімен сатылап, белсенді емес метаболиті урацил (2’-дезокси-2’,2’-дифторуридин) түзілгенше метаболизденеді. Бұл метаболиттің қандағы ең жоғарғы концентрациясына (Сmax) инфузиядан кейін 30 минуттан соң жетеді. Урацилдік метаболит түрінде бүйрекпен (92 – 98%), 1%-дан азы - нәжістермен шығарылады; өзгеріссіз күйде бүйрекпен дозасының 1%-ы шығарылады.

Алайда, препараттың шығарылуы бүйрек функциясының дәрежесіне байланысты болғандықтан, бүйрек функциясының бұзылуларында препараттың жинақталуы жүруі мүмкін.

Дәрілік затты қолданғанда бауыр мен бүйрек функциясының қандай да бір елеулі бұзылулары байқалған жоқ.

Фармакодинамикасы

Гемтаз – ісікке қарсы препарат. Фазалы спецификалылық әсерге иеленеді: S-фазадағы жасушалардың тіршілігін тоқтатады және G1/S-фазадағы жасушалардың ісік үдерісін бөгейді.

Гемцитабиннің цитоуытты әсері оның белсенді метаболиттерінің, нуклеозидкиназалардың қатысуымен жасушаішілік биоөзгеріс нәтижесінде түзілетін ди- және трифосфатты нуклеозидтердің біріккен әсеріне негізделген.

Гемцитабин дифосфаты, дезоксинуклеозидтрифосфаттардың түзілу реакциясын катализдейтін, ДНҚ синтезі үшін қажетті рибонуклеотидредуктазаны тежейді. Гемцитабин трифосфаты ДНҚ-ға кірістіріледі және оның ары қарайғы синтезі тоқтайды, ол кезде ДНҚның репарациялануы мүмкін емес. Т-лимфобластты жасушаларда гемцитабин жасушалардың қырылуына бағдарлайтын факторлардың бірі болып табылатын интернуклеосомальді ДНҚ-фрагментациясын индукциялайды.

Қолданылуы

- өкпенің ұсақжасушалы емес обырында

- ұйқы безінің обырында

- қуық обырында

Қолдану тәсілі мен дозалары

Ересектерге. Қуық обырында монотерапия кезінде Гемтазды көктамыр ішіне 1250 мг/м2 дозада 30 минут бойы әр 28 күндік курстың 1, 8 және 15 күндері тамшылатып енгізеді. Цисплатинмен біріктіріп Гемтазды әр 28 күндік циклдың 1, 8 және 15 күндері 1000 мг/м2 дозада енгізеді. Цисплатинді әр 28 күндік курстың 1-күні (Гемтаздан кейін бірден) немесе 2-ші күні 70 мг/м2 дозада енгізеді.

Өкпенің ұсақжасушалы емес обырында монотерапияда Гемтазды көктамыр ішіне, әр 28 күндік курстың 1, 8 және 15 күндері 1000 мг/м2 дозада 30 минут бойы тамшылатып енгізеді.

Цисплатинмен біріктергенде Гемтазды көктамыр ішіне әр 21 күндік циклдың 1, 8 күндері 1250 мг/м2 дозада 30 минут бойы немесе әр 28 күндік циклдың 1, 8 және 15 күндері 1000 мг/м2 дозада тамшылатып енгізеді. Цисплатин көктамыр ішіне 75-100 мг/м2 дозада циклдың 1 күні гипергидратация аясында Гемтаз инфузиясынан кейін енгізіледі.

Ұйқы безінің обырында Гемтазды көктамыр ішіне 7 апта бойы аптасына 1 рет, ары қарай апталық үзіліспен 1000 мг/м2 дозада 30 минут бойы тамшылатып енгізеді. Келесі циклдарда инъекцияны 28 күндік курстың 1, 8 және 15 күндері жүргізеді.

Ерітіндіні дайындау ережесі

Ерітіндіні дайындау үшін тек 0.9% натрий хлоридінің ерітіндісін қолдану керек.

200 мг немесе 1000 мг препаратты еріту үшін, құтыға сәйкесінше инъекцияға арналған 0.9% натрий хлориді ерітіндісінің кемінде 5 мл немесе 25 мл қосады. Құтыны лиофилизацияланған ұнтақ толық ерігенше сілкиді. Гемтаздың ең жоғарғы концентрациясы 40 мг/мл аспауы тиіс. Гемтаздың 40 мг/мл астам концентрациясы бар ерітінділерде препарат толық ерімеуі мүмкін.

Құрамында препараттың тиісті дозасы бар Гемтаздың дайындалған ерітіндісін 30 минут бойы көктамыр ішіне құю үшін, енгізер алдында инъекцияға арналған 0.9% натрий хлориді ерітіндісінің жеткілікті мөлшерімен сұйылтады.

Парентеральді енгізер алдында дайындалған ерітіндіде механикалық қоспалардың бар-жоқтығын немесе түсінің өзгеруін көзбен көріп бақылау қажет.

Жағымсыз әсерлер

Бірен-саран жағдайларға қарағанда жиірек кездесетін жағымсыз реакциялар, мына градацияға сәйкес атап көрсетілген: өте жиі (>10%); жиі (>1%,<10%); кейде (>0,1%, <1%); сирек (>0,01%, <0,1%); өте сирек (>0,01%).

Өте жиі

- жүрек айнуы, құсу, бауыр трансаминазалары, сілтілік фосфатаза деңгейлерінің жоғарылауы, билирубин деңгейінің жоғарылауы, гаммаглютамилтрансфераза деңгейінің жоғарылауы

- ентігу

- аллергиялық тері бөртпелері, терінің қышынуы, алопеция

- тұмау тәрізді синдром, шеткергі ісінулер, беттің ісінуін қоса

- орташа протеинурия және гематурия

- лейкопения, тромбоцитопения, анемия

Жиі

- бас ауыруы, ұйқышылдық, ұйқысыздық

- анорексия, стоматит, ауыз қуысының ойық жаралары, диарея, іштің қатуы

- дене температурасының жоғарылауы, қалтырау, астения, арқаның ауыруы, миалгия

- жөтел, ринит

- фебрильді нейтропения

- қышыну, тершеңдік

Жиі емес

- цереброваскулярлық бұзылулар

- артериялық қысымның төмендеуі немесе жоғарылауы, миокард инфарктісі, жүрек жеткіліксіздігі, аритмиялар, көбінесе суправентрикулярлық

- бронх түйілуі, интерстициальді пневмонит

- шеткергі васкулит пен гангренаның клиникалық белгілері

- жедел респираторлық дистресс-синдром, өкпенің ісінуі

- анафилактоидтық реакциялар

- радиациялық сәулелендіру кезінде препараттың уыттылығының артуы

- гепатоуыттылық, бауыр жеткіліксіздігі мен өлімді қоса

- бүйрек жеткіліксіздігі

- гемолиздік-уремиялық синдроммен ұқсас клиникалық белгілер мен симптомдар (гемоглобин деңгейінің төмендеуі, тромбоцитопения, қан сарысуындағы билирубин, креатинин, мочевина және/немесе лактатдегидрогеназа деңгейлерінің жоғарылауы)

- тері жабындарының ойық жаралары мен түлеуі

- везикулалар мен жаралардың түзілуі

Сирек

  • миокард инфаркті

  • шеткергі васкулит, гангрена

  • артериялық қысымның төмендеуі

  • өкпенің ісінуі

  • ересектердегі респираторлық дистресс-синдром (ЕРДС)

  • гаммаглутамилтрансфераза (ГГТ) концентрациясының жоғарылауы

  • терінің десквамациялық және буллездік зақымдануларын қоса, айқын тері реакциялары

  • ойық жаралар, везикула және жарақаттар түзелуі, терінің түлеуі

  • инъекция жасалған жерде айқындығы орташа реакциялар

  • радиациялық уыттылық, радиацияға кейіннен болатын реакция

  • Гассер ауруы (қарамай тәрізді нәжіс, несеп немесе нәжістің қан аралас болуы, дене температурасының жоғарылауы, несеп бөлудің жоғарылауы немесе төмендеуі, терідегі нүктелік қызыл дақтар, беттің, қол саусақтарының, аяқтардың немесе тобықтың ісінуі, әдеттен тыс қан кетулер немесе қан құйылулар, әдеттен тыс шаршау немесе әлсіздік, аққабықтардың немесе терінің сарғаюы)

- петехиялар, инсульт

- инъекция жасалған жерде экстравазат түзілуі (тітіркену, ауыру немесе қызару)

Өте сирек

- тромбоцитоз

- ишемиялық колит

- уытты эпидермальді некролиз, Стивенс-Джонсон синдромы

- анафилактоидтық реакциялар

-қылтамырлардың жоғары өткізгіштік синдромы (ҚЖӨС) –қайтымды артқы энцефалопатия синдромы

- бронхоспазмдық реакциялар (тыныстың тарылуы, кеуде қуысының қысылуы) - салдарлы бактериялық инфекциялар

- жайылған ісінулер

Қолдануға болмайтын жағдайлар

- гемцитабинге және препараттың басқа компоненттеріне жоғары сезімталдық

- жүктілік және лактациия кезеңі

- 18 жасқа дейінгі балалар мен жасөспірімдер

Дәрілермен өзара әрекеттесуі

Сүйек кемігі функциясының бәсеңдеуін туындататын басқа препараттар және сәулемен емдеу әсерін әлеуеттендіреді және сүйек кемігі функциясын аддитивті бәсеңдетеді. Азатиоприн, хлорамбуцил, глюкокортикоидтар, циклофосфамид, циклоспорин, меркаптурин және басқа иммунодепрессивтік дәрілер инфекция қаупін арттырады. Тірі вирустық вакциналарды енгізгенде вакциналық вирус репликациясының интенсификациясы болуы және жағымсыз әсерлерінің күшеюі, белсенділігі жойылған вакциналарды енгізгенде - вирусқа қарсы антиденелердің өндірілуі бәсеңдеуі мүмкін.

Айрықша нұсқаулар

Гемтазды қолдануды қан көрсеткіштерін қатаң бақылай отырып жүргізу керек (2 аптада 1 рет). Емдеуді бастар алдында гранулоциттердің абсолютті саны кемінде 1500/мкл, тромбоциттер – кемінде 100000/мкл болуы тиіс.

Гематологиялық емес уыттылығын анықтау үшін, науқасқа ұдайы тексеру жүргізу және бауыр мен бүйрек функциясына баға беру қажет. Уыттылық дәрежесіне байланысты, препараттың дозасын әр цикл барысында немесе жаңа цикл басталғанда сатылап төмендетуге болады. Препаратты кезекті енгізуді кейінге қалдыру туралы шешімді дәрігер қабылдауы және уытты көріністер динамикасын клиникалық бағалауға сүйенуі тиіс.

Инфузия ұзақтығы мен енгізулер жиілігін арттыру уыттылығының артуына алып келеді.

Бауыр метастазында, сыртартқыдағы гепатит және алкоголизмде, сондай-ақ бауыр циррозы кезінде Гемтазды енгізу бауыр жеткіліксіздігінің даму қаупін арттырады.

Гемолиздік - уремиялық синдромның алғашқы белгілері пайда болғанда, Гемтазбен емдеуді тоқтату керек.

Өкпе обырымен және өкпе метастаздары бар науқастарда тыныс алу жүйесі тарапынан жағымсыз әсерлердің даму қаупі артады. Пневмониттің алғашқы белгілері немесе өкпеде инфильтраттар пайда болғанда, Гемтазбен емдеуді тоқтату керек.

Гематологиялық уыттылық дамыған жағдайда, препараттың дозасы азайтылуы немесе енгізу төмендегі сызбаға сәйкес кейінге қалдырылуы мүмкін:

Гранулоциттердің абсолютті саны (х 106/л)

Тромбоциттер саны

(х 106/л)

толық дозасы %

> 1,000

және

> 100,000

100

500 – 1,000

немесе

50,000 – 100,000

75

< 500

немесе

< 50,000

Енгізуді кейінге қалдыру

Егде науқастар

Препарат 65 жастан асқан науқастарда жақсы көтерімді. Гемтаздың клиренсі мен жартылай шығарылу кезеңі жас шамасына қарай өзгерсе де, егде жастағы науқастарда дозасын түзету қажеттігі туралы мәлімет жоқ.

Бауыр және бүйрек функциясының бұзылулары бар науқастар

Гемтазды бауыр жеткіліксіздігі бар немесе бүйрек функциясы бұзылған емделушілерде сақтықпен қолдану керек. Гемтаздың бауыр мен бүйрек функциясының елеулі бұзылулары бар науқастарда қолданылуы туралы мәлімет жоқ.

Бала көтеретін жастағы әйелдер тиімді контрацепция әдістерін (тератогендік әсері болуы мүмкін) пайдалануы тиіс.

Бұрын цитоуытты препараттармен немесе сәулемен ем алған науқастарда сақтықпен қолданады.

Өкпенің спецификалық ұсақжасушалы емес обыры бар науқастарда Гемтаздың 1000 мг/м2 дозасын 6 апта қатарынан кеуде қуысын сәулелендірумен бір мезгілде қабылдауды зерттегенде, әсіресе сәулелендірудің жоғары дозаларын қабылдаған емделушілерде, ауыр және өмірге қауіптілігі зор эзофагит және пневмония байқалды. Қазіргі кезде Гемтаздың қауіпсіз дозасымен сәулелендірудің емдік дозаларының оңтайлы арақатынасы анықталмаған.

Емдеу кезеңінде вирустық вакциналармен вакцинация жүргізу ұсынылмайды. Вирустық вакциналарды препаратты қолдануды тоқтатқаннан кейін кемінде 3 ай - 1 жылдан кейін тағайындауға болады. Науқаспен тікелей қарым-қатынаста болатын адамдарды полиомиелитке қарсы ішу арқылы қабылданатын вакцинамен, әсіресе отбасы мүшелерін, иммунизациялауды кейінге қалдыру керек.

Сүйек кемігінің бәсеңдеу белгілерінің, әдеттен тыс қан кетулер немесе қан құйылулардың, қарамай тәрізді нәжістің, қан аралас несеп немесе нәжістің немесе теріде нүктелі қызыл дақтардың пайда болуы дереу дәрігермен кеңесуді қажет етеді.

Стоматологиялық араласуларды емдеуді бастағанға дейін аяқтау немесе қан көрінісі қалпына түскенше кейінге қалдыра тұру керек.

Гемтазды аптасына 1 реттен жиі қолданғанда немесе 60 минуттан астам инфузия жүргізгенде Гемтазбен емдеумен байланысты жағымсыз әсерлер жиірек білінуі және айқынырақ болуы мүмкін.

Алдында цитостатиктермен емдеу лейкопения мен тромбоцитопенияның жиілігі мен ауырлығын арттырады (лейкоциттер мен тромбоциттер санының үдемелі төмендеуі емдеу аяқталғаннан кейін жүруі мүмкін).

Гемтазды инъекциялық ерітінділерді дайындауда, сұйылтуда (стерильді бокста бір реттік хирургиялық қолғаптар мен бетперделерді пайдаланып) және инелерді, еккіштерді, құтыларды, ампулалар мен пайдаланылмаған препарат қалдығын жоюдың белгіленген сақтық шараларын сақтай отырып, арнайы үйретілген медицина қызметкері қолдануы тиіс.

Гемтаз тері мен шырышты қабықтарға кездейсоқ түсіп кетсе, зақымдалған жерді дереу сумен сабындап немесе сәйкесінше қатты су ағынымен мұқият жуу қажет.

Дәрілік заттың көлік құралдарын немесе қауіпті механизмдерді басқару қабілетіне ықпал ету ерекшеліктері

Препараттың жағымсыз әсерін ескере отырып, көлік немесе қауіптілігі зор механизмдерді басқаруда сақ болу керек.

Артық дозалануы

Симптомдары: сүйек кемігі функциясының бәсеңдеуі (анемия, лейкопения немесе инфекциямен болуы мүмкін нейтропения, тромбоцитопения), парестезия (саусақтарда немесе табандарда ұю немесе шаншу сезімі), айқын тері бөртпесі, жүрек айнуы, құсу. Сондай-ақ, қызбамен қатар жүретін (немесе онсыз) қатарлас инфекциялар болуы мүмкін .

Емі: симптоматикалық емдеу. Арнайы у қайтарғысы жоқ.

Шығарылу түрі мен қаптамасы

200 немесе 1000 мг препараттан (белсенді затқа шаққанда) сұр түсті резеңке тығынмен тығындалған, жасыл түсті «flip-off» типті алюминий қақпақшамен қаусырылған, 10 мл (200 мг доза үшін) немесе 50 мл түссіз шыныдан жасалған 1 типті (ФСША*) құтыларға салынған.

Құтыға заттаңбалық қағаз жапсырады.

1 құтыдан мемлекеттік және орыс тілдеріндегі медициналық қолдану жөніндегі нұсқаулықпен бірге картоннан жасалған қорапшаға салады.

Сақтау шарттары

Құрғақ, жарықтан қорғалған жерде, 25 С-ден аспайтын температурада сақтау керек.

Дайындалған ерітіндіні 25С-ден аспайтын температурада 24 сағаттан асырмай сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Препараттың жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Sun Pharmaceutical Industries Ltd.

Өндірістің орналасқан мекенжайы:

Halol-Baroda, Highway, Halol – 389 350, Gujarat, Үндістан

Тіркеу куәлігі иесінің атауы және елі

Sun Pharmaceutical Industries Ltd, Үндістан

Қаптаушы ұйымның атауы және елі

Sun Pharmaceutical Industries Ltd, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

050004, Алматы қ-сы, Төлебаев к-сі, 38, 5 қабат

Тел. (727) 250-92-35, факс (727) 250-33-64

regulatory.kz@sunpharma.com

 

 

 

Прикрепленные файлы

933022611477976384_ru.doc 81.5 кб
590067411477977583_kz.doc 103 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники