Гексорал® Табс Экстра

Гексорал® Табс Экстра

Жоқ

Дәрілік түрі, дозасы

Соруға арналған лимонды таблеткалар

Респираторлық жүйе. Тамақ ауруын емдеуге арналған препараттар. Антисептиктер. Басқа да препараттар.

АТХ коды R02AA20

Ауыз қуысы мен жұтқыншақтың инфекциялық-қабыну ауруларын симптоматикалық емдеу.

Қолдануды бастағанға дейін қажетті мәліметтер тізбесі

- препарат компоненттеріне, басқа амидтік жергілікті анестезиялық дәрілерге жоғары сезімталдық, анамнезде лидокаинге эпилепсия формасындағы құрысулардың болуы;

- глюкоза-галактоза мальабсорбциясы;

- 12 жасқа дейінгі балалар.

Қолдану кезіндегі қажетті сақтық шаралары

Сақтықпен: эпилепсия, жүрек өткізгіштігінің бұзылуы, шок, бауыр функциясының бұзылуы кезінде препаратты қабылдау.

Препаратты препарат құрамына кіретін кез келген компонентке жоғары жекелей сезімталдық болғанда пайдалануға болмайды.

Егер ауру симптомдары нашарласа, сақталса немесе жаңалары пайда болса дәрігермен кеңесу керек.

Лидокаин шырышты қабықтың сезімталдығын төмендетеді, бұл аспирация қаупін арттыруы мүмкін.

Тамақ ауруы 2 күннен артық созылса немесе қатарлас жүретін бас ауыруы, жүрек айнуы, құсу болса дәрігерден кеңес алу қажет.

Препараттың құрамында сахароза бар, мұны қант диабетінен зардап шегетін пациенттерге, сондай-ақ гипокалориялы диетадағы тұлғаларға ескеру қажет. Соруға арналған 1 таблеткада 1618,0 мг сахароза бар, бұл 0,20 НБ сай келеді.

Ұзақ уақыт қолданғанда (екі және одан көп апта бойы) тіске зақымдайтын әсер көрсетеді.

Балалардың қолы жетпейтін жерде сақтау керек. Бала препаратты жұтып қойған жағдайда дереу медициналық көмекке жүгіну керек.

Басқа дәрілік препараттармен өзара әрекеттесуі

Басқа топтардағы дәрілік препараттарымен клиникалық маңызды өзара әрекеттесуі анықталған жоқ.

Арнайы ескертулер

Таблетканы кеміруге және тұтастай жұтуға болмайды.

Егер дәрілік зат жарамсыз болып қалса немесе жарамдылық мерзімі өтіп кетсе – оны ағын суға немесе көшеге тастамаңыз! Дәрілік затты пакетке салып, қоқыс контейнеріне тастаңыз. Бұл шаралар қоршаған ортаны қорғауға көмектеседі!

Педиатрияда қолдану

Препарат 12 жасқа дейінгі балаларға қолданылмайды.

Жүктілік кезінде және лактация кезінде қолдану

Препаратты жүктілік және бала емізу кезеңінде дәрігердің қадағалауымен және анаға төнетін болжамды пайда шарана мен балаға төнетін қауіптен басым жағдайда ғана қолдануға болады.

Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препараттың автомобильді басқару және қозғалмалы механикалық жабдықты жұмыс істеу қабілетіне ықпалы анықталмады.

Қолдану бойынша ұсынымдар

Дозалау режимі

Ересектер мен 12 жастан асқан балаларға 2-3 сағат сайын 1 таблеткадан баяу сору ұсынылады. Ең жоғары тәуліктік доза - 8 таблетка.

Енгізу әдісі мен жолы

Жергілікті, ауыз қуысында соруға арналған.

Емдеу ұзақтығы

Емдеу курсы – 5-7 күн.

Артық дозаланғанда қабылдануы қажет шаралар

Ұсынылған дозаларда қолданғанда препараттың артық дозалану жағдайлары байқалған жоқ.

Препараттың белсенді заттарының жүйелі абсорбциясының төмендігін ескере отырып, артық дозалану ықтималдығы аз.

Ықтимал артық дозалану асқазан-ішек жолының жоғарғы бөлімдерінің анестезиясына әкелуі мүмкін.

Емі: симптоматикалық.

Дәрілік препараттың бір немесе бірнеше дозасын өткізіп алу кезіндегі қажетті шаралар

Қатысты емес

Тоқтату симптомдарының болу қаупіне нұсқау

Қатысты емес

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Дәрілік затты қолдану бойынша қосымша сұрақтар туындаған жағдайда кеңес алу үшін медицина қызметкеріне жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Дәрілік препаратты тіркеуден кейінгі қолдану кезінде анықталған жағымсыз реакциялар мынадай түрде жіктелген:

Өте жиі ≥1/10

Жиі ≥1/100 және <1/10

Жиі емес ≥1/1000 және <1/100

Сирек ≥1/10000 және <1/1000

Өте сирек <1/10000

Жиілігі анықталмаған жекелеген хабарламалар (пайда болу жиілігін қолда бар деректер негізінде бағалау мүмкін емес).

Сирек ≥1/10000 және <1/1000:

аллергиялық реакциялар.

Жиілігі белгісіз:

жұтыну қызметінің бұзылуы, тіл сезімталдығының жоғалуы (ыстық тамақ пен суды қабылдағанда сақ болу керек);

Жағымсыз реакциялар пайда болған кезде дәрілік препаратты қолдануды тоқтатып, дәрігерге жүгіну қажет.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

қосымша заттар:

сахароза, сұйық глюкоза, лимон қышқылы моногидраты, жалбыз майы, лимон майының концентраты, анис майы, натрий рибофлавин-5 фосфаты бояғышы (Е101)

Сыртқы түрінің сипаттамасы

Сары түсті екі беті дөңес дөңгелек пішінді таблеткалар.

Таблеткаларда ауа көпіршіктерінің және шеттерінің тегіс емес болуы мүмкін.

Шығарылу түрі және қаптамасы

4 таблеткадан алюминий фольгадан жасалған пішінді ұяшықсыз қаптамаға салынады. 4 пішінді ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

4 жыл

Жарамдылық мерзімі өткеннен кейін қолдануға болмайды.

Құрғақ жерде, 30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Юник Фармасьютикал Лабораториз» «Дж.Б. Кемикалс энд Фармасьютикалс Лтд.» фирмасының бөлімшесі), Үндістан

Нилам Сентер, «Б» қанаты, 4 қабат, Хинд Сайкл Роуд, Ворли, Мумбай – 400 030, Үндістан

Тел.: +91 22 2439 5200/2439 5500/ Факс: + 91 22 2431 5331/2431 5334

электронды пошта: info@jbcpl.com

Тіркеу куәлігінің ұстаушысы

«Джонсон & Джонсон» ЖШҚ, Ресей

121614, Ресей, Мәскеу қ., Крылатская к-сі, 17, 2 корпус

Тел.: +7 495 726 55 55/Факс: +7 495 580 90 29

электронды пошта: conreception@its.jnj.com

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

«Джонсон  Джонсон» ЖШҚ Қазақстан Республикасындағы филиалы

050040, Қазақстан Республикасы, Алматы қ., Тимирязев к-сі, 42, 23-А

павильоны

тел. / факс: +7 (727) 356-88 -11; +7 (727) 356-88-19

электронды пошта: safetyru@its.jnj.com