Гексикон®

МНН: Хлоргексидин
Производитель: Нижфарм ОАО
Анатомо-терапевтическо-химическая классификация: Прочие антисептики и противомикробные препараты для лечения гинекологических заболеваний
Номер регистрации в РК: № РК-ЛС-5№016118
Период регистрации: 22.04.2015 - 22.04.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)

Инструкция

Саудалық атауы

Гексикон®

Халықаралық патенттелмеген атауы

Хлоргексидин

Дәрілік түрі

Қынаптық суппозиторийлер, 16 мг

Құрамы

Бір суппозиторийдің құрамында

белсенді зат - хлоргексидин биглюконаты - 16 мг,

қосымша заттар: суппозиторийдің негізі: 92 % - 98 % макрогол 1500 (полиэтиленоксид 1500), 8 % - 2 % макрогол 400 (полиэтиленоксид 400) – 3,10 г суппозиторий массасын алуға жеткілікті мөлшер.

Сипаттамасы

Торпеда тәрізді, ақ немесе сарғыш реңді ақ түсті суппозиторийлер. Бетінің мәрмәрленуіне жол беріледі

Фармакотерапиялық тобы

Гинекологиялық ауруларды емдеуге арналған антисептиктер және микробтарға қарсы препараттар. Басқа да антисептиктер және микробтарға қарсы препараттар.

АТХ коды G01AX

Фармакологиялық қасиеттері

Фармакокинетикасы

Қынап ішіне қолданған кезде іс жүзінде сіңбейді, жүйелі әсер етпейді.

Фармакодинамикасы

Гексикон® - жергілікті қолдануға арналған антисептикалық препарат, қарапайымдыларға, грамоң және грамтеріс бактерияларға, вирустарға, оның ішінде: Treponema pallidum, Chlamidia spp., Ureaplasma spp., Neisseria gonorrhoeae, Trichomonas vaginalis, Gardnerella vaginalis, Bacteriodes fragilis, Herpes virus қатысты белсенді. Препаратқа кейбір Pseudomonas spp., Proteus spp. штаммдары, сондай-ақ бактериялардың қышқылға төзімді түрлерінің, бактериялар спораларының, зеңдердің сезімталдығы аз. Гексикон® лактобациллалардың функционалдық белсенділігін бұзбайды. Қан, ірің болғанда да өз (төмен болса да) белсенділігін сақтайды.

Қолданылуы

  • жыныстық қатынас арқылы берілетін (хламидиоз, уреаплазмоз, трихомониаз, соз, мерез, генитальді герпес және т.б.) жұқпалардың алдын алу үшін – жыныстық қатынастан кейін екі сағаттан кешіктірмей қолдану керек

  • акушерлік-гинекологиялық жұқпалы-қабынбалы асқынулардың алдын алу үшін (гинекологиялық ауруларды операциялық жолмен емдеудің алдында, босанудың және жасанды түсіктің алдында, жатырішілік спиральді (ЖІС) қойғанға дейін және кейін, жатыр мойынын диатермокоагуляциялағанға дейін және кейін, жатыр ішін тексеру алдында)

  • бактериялық вагинозды, кольпиттерді (оның ішінде спецификалық емес, аралас, трихомонадты), жатыр мойынының эрозиясын, вульва қышынуын емдеу үшін, оның ішінде жүктілік және лактация кезеңінде

Қолдану тәсілі және дозалары

Қынап ішіне. Суппозиторийді қолданардың алдында пішінді қаптамасынан алу керек.

Емдеу үшін: тәулігіне 1 суппозиторийден 2 рет, 7-10 күн бойы. Қажет болғанда емдеу курсы 20 күнге дейін ұзартылуы мүмкін.

Жыныс жолдары арқылы берілетін жұқпаның алдын алу үшін: қорғанбаған жыныс қатынасынан кейін 2 сағаттан кешіктірмей 1 суппозиторийден қолдану керек.

Жағымсыз әсерлері

  • препаратты қолдануды тоқтатқаннан кейін қайтатын аллергиялық реакциялар, қышыну

Қолдануға болмайтын жағдайлар

  • препарат компоненттеріне жоғары сезімталдық

  • менархе басталмаған қыздар

Дәрілермен өзара әрекеттесуі

Йодпен бір мезгілде қолдануға болмайды.

Гексикон® препараты сабынмен, сондай-ақ құрамында анион тобы (сапониндер, натрий лаурилсульфаты, натрий карбоксиметилцеллюлоза) бар детергенттермен, егер оларды қынап ішіне енгізетін болса үйлесімсіз.

Айрықша нұсқаулар

Сыртқы жыныс мүшелерін тазалау қынаптық Гексикон® суппозиторийлерінің тиімділігі мен жағымдылығына әсер етпейді.

Балалар

Гексикон®, 16 мг қынаптық суппозиторийлерін қыздарға етеккірлері басталғаннан кейін тағайындайды.

Жүктілік және лактация

Жүктілік және лактация кезеңі препарат үшін қарсы көрсетілім емес.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Препаратты қолдану көлік құралдарын немесе қауіптілігі зор механизмдерді басқару қабілетіне әсер етпейді.

Артық дозалануы

Осы уақытқа дейін Гексикон® препаратының артық дозалану жағдайлары туралы хабарлар жоқ.

Шығарылу түрі және қаптамасы

Полиэтиленмен ламинацияланған поливинилхлоридті үлбірден жасалған пішінді ұяшықты қаптамада 1 немесе 5 суппозиторийден салынған.

1 суппозиторийі бар 1 пішінді қаптамадан және екі саусақ қаптағышымен немесе 5 суппозиторийі бар 2 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Нижфарм» ААҚ, Ресей Федерациясы

603950, Нижний Новгород қ.,

ҚҚП-459, Салганская к-сі, 7

тел.: (831) 278-80-88

факс: (831) 430-72-28

веб сайт: http://www.nizhpharm.ru

Тіркеу куәлігі иесінің атауы мен елі

«Нижфарм» ААҚ, Ресей Федерациясы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

ҚР-дағы «Нижфарм» АҚ Өкілдігі

050043, Қазақстан Республикасы,

Алматы қ., Хан-Тәңірі ы/а, 55б

тел.: (727) 2222-100

факс: (727) 398-64-95

e–mail: almaty@stada.kz

 

Прикрепленные файлы

910140471477976522_ru.doc 47 кб
535977861477977686_kz.doc 50.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники