Гастал (5 мл)

МНН: Алюминия гидроксид, Магния гидроксид
Производитель: Teva Czech Industries s.r.o.
Анатомо-терапевтическо-химическая классификация: Стандартные комбинации соединений
Номер регистрации в РК: № РК-ЛС-5№121652
Период регистрации: 08.10.2015 - 08.10.2020

Инструкция

Саудалық атауы

Гастал

Халықаралық патенттелмеген атауы

Жоқ

Дәрілік түрі

Ішуге арналған суспензия 5 мл

Құрамы

5 мл препараттың құрамында

белсенді заттар: алюминий гидроксиді гелі – 2.528 г

магний гидроксиді пастасы - 0.833 г

қосымша заттар: глицерин 85%, кристалданбайтын 70% сорбитол ерітіндісі, натрий бензоаты, бензой қышқылы, цейлон даршыны майы, этанол 96 %, тазартылған су.

Сипаттамасы

Даршын иісі бар ақ түсті суспензия. Сақтағанда біртіндеп шөгінді түзіледі.

Фармакотерапиялық тобы

Қышқылдықтың бұзылуына байланысты ауруларды емдеуге арналған препараттар. Алюминий, кальций және магний препараттарының біріктірілімдері

АТХ коды A02AD01

Фармакологиялық қасиеттері

Фармакокинетикасы

Көптеген басқа антацидтерді қабылдау жағдайларындағы сияқты, Гастал қабылдағаннан кейін 1 сағат ішінде асқазаннан шығарылады. Препарат баяу әсер етеді. Әсері 20-60 минутқа созылады, бірақ бұл кезең әркімде жекелей ерекшеленеді. Егер антацидтік препараттар тамақтанудан кейін 1 сағаттан соң енгізілсе, бейтараптандырушы әсері көп дегенде 3 сағат бойы сақталады. Антацидтер несеп шығару жолдары арқылы және нәжіспен шығарылады.

Фармакодинамикасы

Препарат өзінде асқазанда тұз қышқылымен байланысатын бірнеше негізгі заттарды үйлестіреді және асқазан шырышты қабығын механикалық қорғайтын қорғаныш қабатын жасайды. 

Олар асқазан сөлінің қышқылдығы мен ойық жаралар белсенділігін төмендетеді, өйткені асқазанда пепсин белсенділігін жоятын және пепсин белсенділігін төмендететін рН деңгейін ұлғайтады. Бұл заттар, сонымен қатар простагландиндер секрециясын стимуляциялайды және сонысымен шырышты қабықты коррозиялық заттар, мысалы, этанол немесе салицил қышқылы туындатқан қан құйылудан және некроздан қорғайды.

 

Қолданылуы

- жоғары қышқылдылықта

- ойық жара ауруында (өңеш, асқазан, он екі елі ішек буынтығы, 12 елі ішектің постбульбарлық бөлігінің ойық жарасы, асқазандағы операциядан кейінгі анастомоздың пептикалық ойық жарасы)

- 12 елі ішек шырышты қабығының эрозиялық өзгерістері, функционалдық гастропатия (асқазанның тітіркенуі) және кортикоидтармен, салицилаттармен, қабынуға қарсы стероидты емес препараттармен (ҚҚСП), цитостатиктермен (препараттар сіңірілуінің төмендеуі мүмкін) емдеу үдерісінде туындайтын асқазанның проблемаларында (және олардың профилактикасында)

- қыжылмен болатын кардиоэзофагеальді тітіркену синдромында

- рефлюкс-эзофагитте.

Қолдану тәсілі және дозалары

Ересектер мен 14 жастан асқан балаларға:

Препаратты 14 күн қолдану керек (ойық жара ауруы, асқазан тітіркенуі және басқа да аурулар), 1 пакетті тәулігіне 4-6 рет әрбір 1-3 сағат сайын, әрдайым тамақтан кейін пайдаланған жөн.

Аурулардың барынша жеңіл түрлері жағдайларында, өршу жағдайында бір реттік доза - 1 пакетті қолдануға болады.

Препаратты қолданар алдында пакеттің ішіндегісін саусақпен үгіту керек.

6-дан 14 жасқа дейінгі балалар:

Әдеттегі доза 1 пакетті құрайды, тәулігіне 2 - 4 рет әрбір 1-3 сағат сайын, тамақтан кейін немесе ұйықтар алдында.

Егер ауру симптомдары жоғалмаса, одан кейінгі емдеуді дәрігер тағайындайды.

Жағымсыз әсерлері

Препаратты жоғары дозада (тәулігіне 200 мл астам) ұзақ қолдану ішек сіңірілуінің төмендеуіне және соның салдарынан гипофосфатемияға (қанда фосфор құрамының төмендеуіне), гиперкальциурияға (несепте кальций құрамының жоғарылауына) әкелуі мүмкін. Бұл егде емделушілерде остеомаляцияға, сүйектің ауыруына, жас адамдарда – нефрокальцинозға, бүйрек функциясының бұзылуына әкелуі ықтимал.

Препаратты жоғары дозада қолданған бүйрек жеткіліксіздігі жағдайында шөлдеу, артериялық гипотония, гипорефлексия түрінде байқалатын гипермагниемияның дамуы мүмкін.

Қолдануға болмайтын жағдайлар

- препарат құрамында сорбит бар, сондықтан сирек тұқым қуалайтын фруктоза жақпаушылығы проблемаларымен емделушілер осы препаратты қабылдамаулары тиіс

- жүктілік, лактация кезеңі

- 6 жасқа дейінгі балалар

Дәрілермен өзара әрекеттесуі

Гастал әртүрлі дәрілік заттардың, мысалы антибиотиктер, сульфаниламидтер, салицилаттардың және т.б. сіңуін баяулатады. Антихолинергиялық дәрілер асқазанның босауын баяулата отырып, Гасталдың әсерін күшейтеді және ұзартады. Сондықтан Гасталды басқа дәрілік заттарды қабылдаудан кем дегенде 2 сағат бұрын немесе кейін қабылдаған жөн.

Айрықша нұсқаулар

Бүйрек жеткіліксіздігі немесе сусыздану жағдайында Гасталды ұзақ уақыт қабылдау гипермагниемияға (шөлдеу, артериялық гипотензия, гипорефлексия) әкелуі мүмкін.

Препарат құрамында 0,8% этанол бар.

Препарат құрамында сорбит бар, сондықтан сирек тұқым қуалайтын , фруктоза жақпаушылығы проблемалары бар емделушілер бұл препаратты қабылдамауы тиіс. Гастал құрамында шырышты қабықты аздап тітіркендіруі мүмкін натрий бензоаты, бензой қышқылы бар.

Бір пакет (= 5 мл) құрамында 4,5 мг натрий бар. Бұл деректерді натрий бақыланатын емдәмде жүрген емделушілер ескерулері тиіс.

6-дан 14 жасқа дейінгі балаларға дәрігердің тағайындауы бойынша.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автомобиль басқару немесе машиналармен жұмыс істеу қабілетіне әсер етпейді немесе елеусіз ғана әсер етеді.

Артық дозалануы

Артық дозалану симптомдары белгісіз.

Артық дозалану мүмкіндігі жағдайында симптоматикалық ем, арнайы у қайтарғысы жоқ.

Шығарылу түрі және қаптамасы

5 мл-ден біріктірілген үлбірден (алюминий, полиэтиленді үлбір және қағаз) жасалған пакетте.

12 немесе 30 пакеттен медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

25 0С-ден аспайтын температурада.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Тeva Czech Industries s.r.o.», Чех Республикасы

Тіркеу куәлігінің иесі

«Тeva Pharmaceutical Industries Ltd», Израиль

Қаптаушы ұйым

«Тeva Czech Industries s.r.o.», Чех Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«ратиофарм Қазақстан» ЖШС

050000, Қазақстан Республикасы, Алматы қ., Әл-Фараби даңғылы 19,

Нұрлы Тау бизнес орталығы 1 В, 603, 604 кеңсе

Телефон, факс (727) 311-09-15; 311-07-34

E-mail: Safety.Kazakhstan@tevapharm.com

 

 

 

Прикрепленные файлы

858807591477976391_ru.doc 66.5 кб
271189661477977593_kz.doc 56.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники