Гардасил® вакцина против вируса папилломы человека квадривалентная рекомбинантная (типов 6, 11, 16, 18) (0,5 мл (1 доза))
Инструкция
-
русский
-
қазақша
Саудалық атауы
Гардасил® адамның папиллома вирусына қарсы квадривалентті (6, 11, 16, 18 типтердегі) рекомбинантты вакцина
Халықаралық патенттелмеген атауы
Жоқ
Дәрілік түрі
Бұлшықет ішіне енгізуге арналған суспензия
Құрамы
Бір дозаның (0.5 мл) құрамында
белсенді заттар: рекомбинантты антигендер:
20 мкг 6 типті адам папиллома вирусының L1 ақуызы
40 мкг 11 типті адам папиллома вирусының L1 ақуызы
40 мкг 16 типті адам папиллома вирусының L1 ақуызы
20 мкг 18 типті адам папиллома вирусының L1 ақуызы
қосымша заттар: алюминий (аморфты алюминий гидроксифосфат сульфаты адъюванты түріндегі), натрий хлориді, L-гистидин, полисорбат 80, натрий бораты, инъекцияға арналған су.
Сипаттамасы
Ақ түсті мөлдір емес суспензия
Фармакотерапиялық тобы
Вирусқа қарсы вакциналар. Папилломавирустық вакциналар. Папилломавирус (адамдағы 6, 11, 16, 18 типтері).
АТХ коды J07BМ01
Фармакологиялық қасиеттері
Фармакокинетикасы
Гардасил® вакцина болып табылатындықтан фармакокинетикалық зерттеулер жүргізілмеген.
Фармакодинамикасы
Адам папиллома вирусына қарсы (АПВ) квадривалентті вакцина бұлшықет ішіне енгізуге арналған стерильді суспензия болып табылады. Вакцина 6, 11, 16 және 18 типті АПВ вирусының негізгі рекомбинантты капсидтік (L1) ақуызының жоғары түрде тазартылған вирусқа ұқсас бөліктерінен (VLPs) дайындалған. VLPs әрбір тип үшін құрамында алюминий бар адъювантта (алюминий сульфатының аморфты гидроксифосфаты) тазартылады және адсорбцияланады. L1 ақуыздары рекомбинантты Saccharomyces cerevisiae CANADA 3C-5 (Штамм 1895) бөлек ферментация жолымен өндіріледі және өзі жинақтау жолымен VLPs түзеді. L1 ақуыздары VLPs вириондардың жабайы штамдарына ұқсас, бірақ құрамында вирустық дезоксирибонуклеинді қышқыл (ДНҚ) болмайды, сондықтан адам жасушаларын жұқпаландыруға және қайта жаңғырып өнуге қабілетсіз. Гардасил® вакцинасы Адам папиллома вирусының (АПВ) 6, 11, 16 және 18 типтерімен индукцияланған аурулардың алдын алуға қатысты тиімділікке ие. АПВ16 және АПВ 18 жатыр мойны обыры, аденокарцинома in situ (AIS), 3 дәрежелі интраэпителиалдық цервикальді неоплазия (CIN 3) дамуының шамамен 70% жағдайында, 2 дәрежелі интраэпителиалдық цервикальді неоплазия дамуының 50% жағдайында, АПВ туындаған вульва және қынаптың ауыр интраэпителиалдық неоплазиясы, 2 және 3 дәрежелі вульва интраэпителиалдық неоплазиясы (VIN 2/3), 2 және 3 дәрежелі қынаптың интраэпителиалдық неоплазиясы (VaIN 2/3) дамуының 70% жағдайында, АПВ туындаған анус обырының 90% жағдайында, АПВ 2 және 3 дәрежелі (AIN 2/3) туындаған анустық интраэпителиалдық неоплазиясының 70% жағдайында, және АПВ туындаған 60% жыныс мүшесі обырында жауап береді. АПВ 6 және 11 өткір ұшты кондиломаның 90% жуық даму жағдайын және 1 дәрежелі интраэпителиалдық цервикальді неоплазия (CIN 1) дамуының 9-12% жағдайын туындатады.
Тиімділігі
Вакцинаның 16 жастан 26 жасқа дейінгі жастағы әйелдерде тиімділігі
АПВ жұқпаланбаған емделушілердегі клиникалық зерттеулер емделушілердегі вакцинацияның толық курсы аяқталғаннан кейін CIN қатысты тиімділігі 96%, VIN 2/3 қатысты және VaIN 2/3 қатысты тиімділігі 100%, гениталдық кондиломға қатысты 99% құрағанын анықтады.
АПВ жұқпаланудың 6, 11, 16 және 18 типтеріндегі деңгейі жалпы популяцияның ең жоғарысына жақындатылған емделушілерді зерттеудің анықтауы бойынша VIN 2/3 қатысты тиімділігі 73.3%, VaIN 2/3 қатысты тиімділігі 85.7%, гениталды кондиломаға қатысты тиімділігі 80.3% құрады.
АПВ жұқпаланбаған, емделушілердегі клиникалық зерттеулер 2, 3 дәрежелі интраэпителиалдық цервикальді неоплазия (CIN 2/3) дамуының қаупі төмендегенін және аденокарцинома in situ (AIS) 42.7%-ға, гениталды кондиломаның 82.8%-ға төмендегенін анықтады.
Вакцинацияның 24 жастан 45 жасқа дейінгі әйелдердегі тиімділігі
Бұрын АПВ жұқпаланбаған және персистирлеуші жұқпадан, гениталдық кондиломадан, вульваның және қынаптың патологиялық жай-күйінен, цервикальді интраэпителиалдық неоплазиядан, аденокарцинома in situ және жатыр мойны обырынан қорғануға қатысты вакцинацияның толық курсын аяқтаған емделушілерде вакцинация тиімділігі 88.7% құраған. 6, 11, 16 және 18 типтердегі АПВ жұқпалануының жалпы популяциядағы деңгейіне ең жоғары түрде жақын емделушілерде персистирлеуші жұқпаға, гениталдық кондиломаға, вульвалық және қынаптық патологиялық өзгерістерге, аденокарцинома in situ және жатыр мойны обырына қатысты вакцинация тиімділігі 47.2% құраған.
Айқаспалы тиімділігі
Зерттеулер барысында бұл вакцина құрамына кірмейтін, АПВ айқаспалы тиімділіктің он түрі анықталған, ал атап айтқанда төмендегілер: АПВ 31, 33, 35, 39, 45, 51, 52, 56, 58 және 59 типтері, бұлар құрылысы бойынша 16 және 18 типті АВП еске салады.
Вакцинацияның 16 жастан 26 жасқа дейінгі еркектердегі тиімділігі
АПВ жұқпаланбаған және вакцинацияның толық курсын қабылдаған емделушілерде сыртқы гениталдық түзілулерден қорғауға қатысты вакцинация тиімділігі 90.6%, гениталдық кондиломаға қатысты – 89.3%, жыныс мүшесі аумағында интраэпителиалдық неоплазияда, шап немесе анус маңайы аумағында - 100% құрады. Еркекпен ғана сексуалдық қатынасқа түсетін еркектерде (ЕЕС) екінші және үшінші дәрежелі (AIN 2/3) анустық интраэпителиалдық неоплазиядан қорғауға арналған вакцинация тиімділігі 86.5% құрағаны белгіленген.
Гениталдық кондиломаға қатысты 6, 11, 16 және 18 типтердегі АПВ жұқпалануының деңгейі жалпы популяцияға ең жоғары шамаластырылған топтағы емделушілерде вакцинация тиімділігі 68.1% құрады. ЕЕС топтарында анустық өзектің (AIN) интраэпителиалдық неоплазиясына қатысты тиімділігі 54.2% құрады.
Вакцинаның иммуногенділігі
Вакцинаның иммуногенділігі 9 жастан 26 жасқа дейінгі 20 132 қыздарда және бойжеткендерде, 24 жастан 45 жасқа дейінгі қыздар мен әйелдерде және 9 жастан 26 жасқа дейінгі ер балалар мен еркектердегі клиникалық зерттеулерде анықталған.
Әйелдердегі иммуногенділігі
Зерттеулерде 16 жастан 26 жасқа дейінгі қыздар мен әйелдерде вакцинацияның толық курсы аяқталғаннан кейін серопозитивтілік емделушілердің 99.8%-да (анти-АПВ 6), 99.8%-да (анти-АПВ 11), 99.8%-да (анти-АПВ 16), және 99.5%-да (анти-АПВ 18) анықталғандығын растады. 24 жастан 45 жасқа дейінгі әйелдерде антидененің спецификалық деңгейі 98.4%-да (анти-АПВ 6), 98.1%-да (анти-АПВ 11), 98.8%-да (анти-АПВ 16), 97.4%-да (анти-АПВ 18) анықталды.
Төмендегі жастағы емделушілерді салыстырғанда: 9 жастан 15 жасқа дейінгі және 16 жастан 26 жасқа дейінгілерде имундық жауап екі жастағы топтарда салыстырарлық болды. 9 жастан 15 жасқа дейінгі қыздардағы антидененің спецификалық деңгейі 929 ХБ/мл (АПВ 6), 1 303 ХБ/мл (АПВ 11), 4 909 ХБ/мл (АПВ 16), 1 040 ХБ/мл (АПВ 18) құрады. 16 жастан 26 жасқа дейінгі қыздар мен әйелдерде антидененің спецификалық деңгейі 543 ХБ/мл (АПВ 6), 762 ХБ/мл (АПВ 11), 2 294 ХБ/мл (АПВ 16), 462 ХБ/мл (АПВ 18) құрады.
Еркектердегі иммуногенділігі
Иммундық жауап 16 жастан 26 жасқа дейінгі жас жігіттер мен еркектерде вакцинацияның толық курсы аяқталғаннан кейін 98.9%-да (анти-АПВ 6), 99.2% -да (анти-АПВ 11), 98.8% (анти-АПВ 16) және 97.4%-да (анти-АПВ 18) өндіріледі.
Екі түрлі жас мөлшеріндегі топтарды салыстырғанда: 9 жастан 15 жасқа дейінгі және 16 жастан 26 жасқа дейінгі, бірінші топта екінші топқа қарағанда айқындығы елеулі жауап болғаны анықталды. 9 жастан 15 жасқа дейінгі ер балаларда антидененің спецификалық деңгейі 1 038 ХБ/мл (АПВ 6), 1 387 ХБ/мл (АПВ 11), 6 057 ХБ/мл (АПВ 16), 1 357 ХБ/мл (АПВ 18) құрады. 16 жастан 26 жасқа дейінгі жас жігіттер мен еркектерде антидененің спецификалық деңгейі 448 ХБ/мл (АПВ 6), 624 ХБ/мл (АПВ 11), 2 403 ХБ/мл (АПВ 16), 403 ХБ/мл (АПВ 18) құрады.
Иммундық жауаптың ұзақтығы
Иммундық жауап өзінің шыңына вакцинациядан кейін 7 айда жетеді, ол 24 айға қарай біртіндеп төмендейді және 60 айда тұрақтанады. Қазіргі кезде вакцинацияның толық курсын аяқтағаннан кейін иммунитет ұзақтығы анықталмаған.
Иммундық жадыны индукциялау қабілеттілігін бағалауға бағытталған зерттеу барысында 3 дозамен вакцинациядан өткен адамдарға вакцинация бастаудан 5 жыл өткен соң Гардасил® вакцинасының арнайы провокациялық дозасы енгізілген. Бұл адамдарда жылдам және күшті екінші иммундық жауап байқалып, ол АПВ-ға антиденелердің орташа геометриялық титрларынан асып түскен, бұл 3-інші дозаны (7-нші ай) енгізгеннен кейінгі 1-інші айында байқалған.
2-дозалы сызбаны пайдаланған кездегі иммундық жауабы
Клиникалық зерттеулерде 2-дозалы сызба бойынша (0,6 ай) Гардасилді® қабылдаған 9 жастан 13 жасқа дейінгі қыздарда 7-ші айда иммундық жауап
3-дозалы сызба бойынша (0,2,6 ай) Гардасилді® қабылдаған 16 жастан 26 жасқа дейінгі әйелдердегі иммундық жауапқа қарағанда төмен болғаны байқалған.
Вакцинаның қауіпсіздігі
Вакцинаның қауіпсіздігі Гардасил® вакцинасын 3 дозалы сызба бойынша қабылдаған 10 088 емделуші (оның ішінде 9 жастан 45 жасқа дейінгі 6 995 әйел, және 9 жастан 26 жасқа дейінгі 3 093 еркек) қатыстырылған клиникалық зерттеулерде анықталған. Вакцинаны қолдану плацебомен салыстырылғанда қауіпсіздіктің жақсы бейінін көрсетті. Емдеуді тоқтатуға алып келген жағымсыз реакциялар емделушілердің 0.2% анықталды.
Қолданылуы
- 9 жастан 45 жасқа дейінгі аралықтағы қыз балалар мен әйелдерде адам папиллома вирусынан (АПВ) туындайтын (АПВ 16, АПВ 18 туындайтын цервикальді, вульварлық, қынаптық және анус обырының; АПВ 6, АПВ 11 туындайтын генитальдық кондиломалар condyloma acuminata; АПВ 6, АПВ 11, АПВ 16, АПВ 18 туындайтын обыр алдылық немесе диспластикалық жай-күй: цервикальді аденокарцинома AIS, цервикальді интраэпителиалдық неоплазия 1, 2 және 3 дәрежелі CIN 1/2/3, вульварлық интраэпителиалдық неоплазия 1, 2 және 3 дәрежелі VIN 1/2/3, қынаптық интраэпителиалдық неоплазия 1, 2 және 3 дәрежелі VаIN 1/2/3, анустық интраэпителиалдық неоплазия 1, 2 және 3 дәрежелі AIN 1/2/3); 9 жастан 26 жасқа дейінгі қыз балалар мен әйелдерде (цервикальді интраэпителиалдық неоплазия СIN 1/2/3 және АПВ 31, АПВ 33, АПВ 52, АПВ 58 туындайтын цервикальді аденокарцинома) аурулардың алдын алу үшін
- 9 жастан 26 жасқа дейінгі ер балалар мен еркектерде адам папиллома вирусынан (АПВ) туындайтын (АПВ 16, АПВ 18 туындаған анус обырын қоса, сыртқы жыныс органдарының зақымдануы мен жұқпалары; АПВ 6, АПВ 11 туындаған гениталдық кондиломалар condyloma acuminata; АПВ 6, АПВ 11, АПВ 16, АПВ 18 туындаған обыр алдындағы немесе диспластикалық жағдай, 1, 2 және 3 дәрежелі анустық өзек интраэпителиалдық неоплазиясында (АIN 1/2/3) аурулардың алдын алу үшін
Қолдану тәсілі және дозалары
Вакцинациялау мен ревакцинациялау сызбасын таңдау Қазақстан Республикасындағы Ұлттық екпе күнтізбесіне сай жүргізіледі.
Дозалануы. Вакцинаны төмендегідей кестеге сәйкес 3 жекелеген дозамен 0.5 мл-ден бұлшықет ішіне енгізеді:
бірінші доза – кез келген таңдаған күні;
екінші доза – бірінші дозадан кейін 2 айдан соң;
үшінші доза – бірінші дозадан кейін 6 айдан соң.
Вакцинация кестесін сақтау керек: 0, 2 және 6 ай. Клиникалық зерттеулер барысында 1 жылдың ішінде барлық 3 доза енгізілген адамдарда вакцинацияның тиімді болатыны расталған. Дозаларды енгізуді басқа кестеге сәйкес енгізу талап етілгенде екінші доза алғашқы егуден кейін 1 айдан ерте, ал үшіншісі екінші дозадан кейін 3 айдан ерте енгізілмейді.
9 жастан 13 жасқа дейінгі емделушілер үшін альтернативті, Гардасил® 2 дозалы сызба бойынша (0,6 айға немесе 0,12 айға) тағайындалуы мүмкін.
Гардасил® вакцинасын тағайындаған кезде арнайы ұсынымдарды қадағалау керек. Гардасил® вакцинасының алғашқы дозасын қабылдаған жағдайда вакцинациялау курсын толық аяқтау ұсынылады. Бустерлік дозаны тағайындау қажеттілігі анықталмаған.
Қолдану тәсілі. Гардасил® вакцинасы дельта тәрізді иық бұлшықетіне немесе санның алдыңғы латеральді аймағына бұлшықет ішіне енгізіледі.
Вакцинаны емделушіге жатқан күйде немесе отырған қалпында енгізу ұсынылады.
Көктамыр ішіне енгізуге болмайды! Тері астына және тері ішіне енгізілуі зерттелмеген, сондықтан мұндай енгізу әдістері ұсынылмаған.
Алдын ала вакцинамен толтырылған шприц тек бір рет қолдануға және тек бір адамға ғана пайдалануға арналған.
Вакцина ұсынылған түрінде пайдаланылады, қосымша сұйылту немесе қайта қалпына келтіру талап етілмейді. Ұсынылатын бүкіл дозаны енгізген жөн.
Пайдаланар алдында жақсылап сілку керек. Тікелей қолданар алдында мұқият сілку вакцинаның суспензия түрінде болуы үшін қажет.
Сілкігеннен соң Гардасил® ақ бұлыңғыр суспензияға айналады. Препаратты парентеральді енгізбес бұрын механикалық бөлшектердің бар-жоғы мен түсінің өзгеруін көзбен шолып тексеру қажет. Бөлшектері болған немесе түсі өзгерген жағдайда препарат қолдануға жарамайды.
Құтылардың ашылуы мен вакцинация емшарасы асептика мен антисептика ережелерінің қатаң қадағалануымен жүргізіледі. Инъекцияға дейін және кейін енгізу орны 70% спиртпен өңделеді.
Вакцинаның бір реттік дозасы бар құтылардың пайдаланылуы
Вакцинаның бір реттік дозасы бар құтыдан 0.5 мл суспензияны стерильді инемен құрамында консерванттар, антисептиктер және детергенттер жоқ шприцке толтырып алыңыз. Толтырып алынған вакцинаны дереу енгізіп, құтысын лақтырып тастаңыз.
Вакцинаның бір реттік дозасы бар шприцтердің пайдаланылуы
Шприцтің ішіндегісін түгел енгізіңіз.
Жиынтықта қорғаныш құрылғысы бар бір реттік стерильді, алдын ала толтырылған бір дозалы шприцтерді пайдалану
Вакцинаны енгізу үшін қоса берілген инені пайдаланыңыз. Егер сіз басқа инені пайдаланғыңыз келсе, иненің шприцке берік бекітілетініне және ұзындығының 2.5 см-ден аспайтынына көз жеткізіңіз, өйткені бұл қорғаныш құрылғысының дұрыс жұмыс істеуі үшін қажетті шарт саналады.
Екі алмалы-салмалы заттаңбаны ине толығымен жабылғаннан кейін бөліп тастауға болады. Келесі қадамдардың кез келгенін орындау кезінде қорғаныш құрылғысының мезгілден ерте қосылуын болдырмас үшін іске қосатын механизмге жанасудан аулақ болыңыз.
Шприцтің ұшынан қалпақшасын алып қойыңыз. Бұралуын кедергілейтін екі шығыңқы жерін басып тұрып, шприцті бекітіңіз және Люэр инесін сағат тілі бойынша айналдыра отырып жалғаңыз.
Вакцина енгізу бойынша нұсқаулық (1 суретті қараңыз)
Инеден қорғаныш қалпақшасын алып тастаңыз. Жоғарыда көрсетілгендей, инъекция жүргізген кезде шприцті саусақтар арасында мығым ұстап тұрып, поршеньді қысыңыз да, бүкіл дозаны енгізіңіз. Иненің қорғаныш құрылғысы, егер доза түгел енгізілмесе, істемей қалады. Поршеньді қысып тұрып, инені суырып алыңыз. Поршеньді қоя беріңіз және ине толық жабылғанша шприцті жоғары қарай ығыстырыңыз. Вакцинацияны құжаттау үшін алмалы-салмалы заттаңбаларды ақырын тарта отырып, ажыратып алыңыз. Шприцті өткір заттарға арналған контейнерге тастаңыз.
1 сурет. Қорғаныш қондырғысымен жиынтықтағы шприц