ГАБАЛИР® (75 мг)

• русский
• қазақша

• Скачать инструкцию медикамента

Саудалық атауы

Габалир®

Халықаралық патенттелмеген атауы

Прегабалин

Дәрілік түрі

75 мг және 150 мг капсулалар

Құрамы

Бір капсуланың құрамында

белсенді зат – прегабалин құрғақ затқа шаққанда 75 мг немесе 150 мг;

қосымша заттар: лактоза моногидраты, желатинделген крахмал, тальк;

капсула қабығының құрамы: желатин, титанның қостотығы (Е 171) (75 мг доза үшін) немесе желатин, титанның қостотығы (Е 171), эритрозин (Е 127), патенттелген көк V (Е 131), қара гауһар PN (Е 151) (150 мг доза үшін).

Сипаттамасы

Мөлдір емес ақ корпусы және ақ қақпағы (75 мг доза үшін) немесе көк қақпағы (150 мг доза үшін) бар қатты желатинді капсулалар

Капсуланың ішіндегісі – ақ немесе ақ дерлік түсті ұнтақ.

Фармакотерапиялық тобы

Эпилепсияға қарсы препараттар. Эпилепсияға қарсы басқа да препараттар. Прегабалин.

АТХ коды N03AX16.

Фармакологиялық қасиеттері

Фармакокинетикасы

Прегабалин ашқарында тез сіңеді. Бір реттік, сонымен қатар қайталап қолданғанда 1 сағаттан соң препарат қан плазмасында ең жоғары шектегі концентрациясына жетеді. Ішке қабылдағанда прегабалиннің биожетімділігі ≥ 90% құрайды және дозаға байланысты емес. Қайталап қолданғанда тепе-тең жағдайға 24-48 сағаттан соң жетеді. Тамақ ішу прегабалиннің сіңуін нашарлатады. Мұндайда Сmax шамамен 25-30%-ға төмендейді, ал ең жоғары концентрацияға жету уақыты (tmax) шамамен 2,5 сағатқа дейін артады. Алайда прегабалинді тамақпен бірге қолданудың сіңудің жалғасуына клиникалық тұрғыдан маңызды әсері жоқ.

Ішке қабылдағаннан кейін прегабалиннің таралу көлемі шамамен 0,56 л/кг құрайды. Препарат қан плазмасы ақуыздармен байланыспайды.

Прегабалин метаболизмге іс жүзінде түспейді. Препараттың шамамен 98%-ы несепте өзгермеген күйінде табылады.

Прегабалин, негізінен, бүйрек арқылы шығарылады.

Орташа жартылай шығарылу кезеңі 6,3 сағатты құрайды. Прегабалиннің плазмадағы клиренсі және бүйректік клиренсі креатинин клиренсіне тура пропорционал. Бүйрек функциясы бұзылған науқастарда дозаны түзету қажет.

Фармакодинамикасы

Габалир® препаратының әсер етуші заты прегабалин – гамма-аминобутир қышқылының аналогы ((S)-3-(аминометил)-5-метилгексан қышқылы).

Прегабалин орталық жүйке жүйесінде шеткері сенсорлы нейрондардың потенциал-тәуелді кальций өзектерінің қосымша суббірлігімен (α2-дельта-протеин) байланысады, мұндай байланысу оның ауыруды басатын және құрысуға қарсы әсерінің көрініс беруіне жағдай жасауы мүмкін деп жорамалданады.

Қолданылуы

• ересектерде нейропатиялық ауыруда

• парциальді құрысулары бар ересектердегі эпилепсияда (қосымша зат ретінде)

• ересектердегі жайылған үрей тудыратын бұзылыстарда

• фибромиалгияда

Қолдану тәсілі және дозалары

Дозалары

Дозалар ауқымы тәулігіне 150-600 мг шегінде өзгеруі мүмкін. Дозаны 2 немесе 3 қабылдауға бөледі.

Нейропатиялық ауыру.

Прегабалинмен емдеуді тәулігіне 2 немесе 3 қабылдауға бөлінген 150 мг дозадан бастауға болады. Препараттың тиімділігіне және жағымдылығына байланысты пациенттерде дозаны 3-тен 7 күнге дейінгі аралықтан кейін тәулігіне 300 мг-ге дейін, ал қажет болған жағдайда қосымша 7 күндік аралықтан кейін тәулігіне ең жоғары 600 мг дозаға дейін арттыруға болады.

Эпилепсия.

Прегабалинмен емдеуді тәулігіне 2 немесе 3 қабылдауға бөлінген 150 мг дозадан бастауға болады. Препараттың тиімділігіне және жағымдылығына байланысты пациенттерге дозаны алғашқы аптада қабылдағаннан кейін тәулігіне 300 мг дейін арттыруға болады. Тағы бір апта өткеннен кейін оны тәулігіне ең жоғары 600 мг дейін арттыруға болады.

Жайылған үрейлі бұзылыс.

2 немесе 3 қабылдауға бөлінетін доза тәулігіне 150-600 мг шегінде өзгеруі мүмкін. Емдеуді жалғастыру қажеттілігіне мезгіл-мезгіл баға беріп отырған жөн.

Прегабалинмен емдеуді тәулігіне 150 мг дозадан бастауға болады. Препараттың тиімділігіне және жағымдылығына байланысты пациенттерге дозаны алғашқы аптада қабылдағаннан кейін тәулігіне 300 мг дейін арттыруға болады. Тағы бір апта өткеннен кейін оны тәулігіне ең жоғары 450 мг дейін арттыруға болады. Тағы бір апта өткеннен кейін оны тәулігіне ең жоғары 600 мг дейін арттыруға болады.

Прегабалинмен емдеуді тоқтату.

Жағымсыз әсерлері

Бүйрек функциясының жеткіліксіздігі бар пациенттер.

Прегабалин жүйелік қан айналымынан өзгермеген күйінде, көбіне бүйрек арқылы экскреция есебінен шығарылады. Прегабалин клиренсі креатинин клиренсіне тура пропорционал болғандықтан («Фармакокинетикасы» бөлімін қараңыз), бүйрек функциясы бұзылған пациенттерде дозаны азайтуды 1 кестеде көрсетілгендей және мына формула бойынша анықталған креатинин клиренсіне (CLcr) сәйкес жекелей жүргізген жөн:

 

жасы (жыл)

Салмағы (кг)

әйелдер үшін)

Қан плазмасындағы креатинин деңгейі (ммоль/л)

 

Прегабалин плазмадан гемодиализ жәрдемімен тиімді түрде жойылады (4 сағат ішінде препараттың 50%-ы). Гемодиализде жүрген пациенттер үшін прегабалиннің тәуліктік дозасын бүйрек функциясына сәйкес таңдаған жөн. Тәуліктік дозадан басқа, гемодиализдің әрбір 4 сағаттық процедурасынан кейін препараттың қосымша дозасын бірден қолдану қажет (1 кестені қараңыз).

1 кесте.

Прегабалиннің дозасын бүйрек функциясына сәйкес түзету

* Жалпы тәуліктік дозаны (мг/тәулік), мг/доза алу үшін дозалау режиміне сәйкес, қабылдау санына бөлген жөн.

+ Қосымша доза – препараттың бір реттік қосымша дозасы.

Фибромиалгия.

Көптеген пациенттер үшін әдеттегі доза тәулігіне 2 қабылдауға бөлінген 300-450 мг құрайды. Кейбір науқастар үшін тәулігіне 600 мг доза қажет болуы мүмкін. Препарат қабылдауды тәулігіне 2 рет 75 мг дозадан (тәулігіне 150 мг) бастаған жөн және тиімділігі мен жағымдылығына байланысты бір апта ішінде тәулігіне 2 рет 150 мг дейін (тәулігіне 300 мг) арттыруға болады. Тәулігіне 300 мг дозалау жеткілікті болатын пациенттерде дозаны тәулігіне 2 рет 225 мг дейін (тәулігіне 450 мг) арттыруға болады. Егер қажет болса, дозаны бір аптадан соң ең жоғары тәулігіне 600 мг дейін арттыруға болады.

Бауыр функциясының жеткіліксіздігі бар пациенттер.

Бауыр функциясының жеткіліксіздігі бар пациенттер үшін дозаны түзету қажеттілігі жоқ.

Егде жастағы (65 жастан асқан) пациенттерге қолданылуы.

Айрықша нұсқаулар

Қолдану тәсілі

Габалир® препаратын тамақ ішуге қарамай қабылдай береді.

Габалир® препараты тек қана ішке қабылдауға арналған.

Аз дозаларда (25 мг немесе 50 мг) қолдану қажет болған жағдайда прегабалинді басқа дәрілік түрде қолданған жөн.

Жағымсыз әсерлері

2 кестеде ағзалар жүйесінің класы және жиілігі бойынша жіктелген жағымсыз реакциялар берілген (өте жиі(≥ 1/10); жиі (≥ 1/100- <1/10); жиі емес (≥ 1/1000-нан <1/100 дейін); бірлі-жарым (≥ 1/10 000-нан <1/1000 дейін); сирек (<1/10 000), жиілігі белгісіз (қолда бар деректер бойынша баға беру мүмкін емес). Әрбір топта туындау жиілігі бойынша жағымсыз реакциялар ауырлығының азаю ретімен көрсетілген.

Берілген жағымсыз реакциялар сондай-ақ негізгі аурудың барысымен және/немесе басқа дәрілік заттарды қатар қолданумен байланысты.

Жұлынның зақымдануы салдарынан шығу тегі орталықтан болатын нейропатиялық ауыруды емдеу кезінде жағымсыз реакциялардың, жалпы алғанда, ОЖЖ тарапынан жағымсыз реакциялардың туындау жиілігі және әсіресе ұйқышылдық жоғары болды («Айрықша нұсқаулар» бөлімін қараңыз).

Даму жиілігі анықталмаған қосымша жағымсыз реакциялар төмендегі тізімде қамтылған және «Жиілігі белгісіз» бағанында берілген.

2 кесте

Кейбір пациенттерде прегабалинмен қысқа- немесе ұзақ мерзімдік емдеуді тоқтатқаннан кейін тоқтату симптомдары байқалды. Мынадай құбылыстар: ұйқысыздық, бас ауыру, жүректің айнуы, үрейлену, диарея, тұмау тәріздес синдром, құрысулар, күйгелектік, депрессия, ауыру, гипергидроз және бас айналу жөнінде мәлімделді. Емдеуді бастар алдында пациентке бұл ақпаратты айтқан жөн.

Прегабалинмен ұзақ емделуді тоқтатуға қатысты, преглабинді қолдану ұзақтығымен және оның дозасымен байланысты, тоқтату симптомдарының жиілігі және ауырлығы туралы ешқандай да деректер жоқ.

Қолдануға болмайтын жағдайлар

• препараттың белсенді затына немесе кез келген басқа компонентіне аса жоғары сезімталдық

• 18 жасқа дейінгі балалар мен жасөспірімдерге

• жүктілік және лактация кезеңі

Дәрілермен өзара әрекеттесуі

Прегабалин көбінесе өзгермеген күйінде несеппен бірге шығарылатын болғандықтан, адам организмінде аздаған метаболизмге ұшырайды (дозаның 2%-дан азы несеппен бірге метаболиттер түрінде бөлініп шығады), басқа препараттардың in vitro метаболизмін тежемейді және қан плазмасы ақуыздарымен байланыспайды, онда бұл прегабалиннің фармакокинетикалық өзара әрекеттесуді туындатуы мүмкін екендігі немесе осындай өзара әрекеттесудің объектісі болуы екіталай.

Іn vivo зерттеу және популяциялық фармакокинетикалық талдау.

Іn vivo зерттеулерде прегабалин және фенитоин, карбамазепин, вальпрой қышқылы, ламотриджин, габапентин, лоразепам, оксикодон немесе этанол арасында клиникалық тұрғыдан маңызды фармакокинетикалық өзара әрекеттесулер байқалған жоқ. Популяциялық фармакокинетикалық талдау прегабалиннің клиренсіне диабетке қарсы ішке қабылданатын дәрілердің, диуретиктердің, инсулиннің, фенобарбиталдың, тиагабиннің және топираматтың клиникалық тұрғыдан маңызды ықпалы жоқ екендігін көрсетті.

Ішке қабылданатын контрацептивтер, норэтистерон және/немесе этинилэстрадиол.

Прегабалинді ішке қабылданатын контрацептивтермен, норэтистеронмен және/немесе этинилэстрадиолмен бір мезгілде қолдану тепе-тең жағдайда препараттардың бірде-біреуінің де фармакокинетикасына ықпалын тигізбейді.

ОЖЖ-ге ықпалын тигізетін дәрілік заттар.

Прегабалин этанолдың және лоразепамның әсерін күшейтуі мүмкін. Зерттеулерде прегабалиннің көп реттік ішке қабылданатын дозаларын оксикодонмен, лоразепаммен немесе этанолмен бір мезгілде енгізу тыныс алу функциясына клиникалық тұрғыдан маңызды ықпалын тигізген жоқ. Прегабалинді орталық жүйке жүйесінің функциясын бәсеңдететін басқа дәрілік заттармен бірге қабылдаған пациенттерде тыныс алу функциясы жеткіліксіздігінің және команың туындағаны жөнінде мәлімделді. Прегабалин, сірә, оксикодонды қолданудан туындаған когнитивтік және негізгі қимыл-қозғалыс функцияларының бұзылуын күшейтеді.

Егде жастағы пациенттердегі өзара әрекеттесу.

Егде жастағы пациенттердің қатысуымен фармакодинамикалық өзара әрекеттесулерге арнайы зерттеулер жүргізілген жоқ. Өзара әрекеттесуіне зерттеу тек ересектерге қатысты жүргізілді.

Айрықша нұсқаулар

Қант диабеті бар пациенттер.

Қазіргі клиникалық іс-тәжірибеге сәйкес, қант диабеті бар, дене салмағы преглабинді қолданған кезде артқан кейбір пациенттерге гипогликемизденетін дәрілік заттардың дозасын түзету қажет болуы мүмкін.

Аса жоғары сезімталдық реакциялары.

Аса жоғары сезімталдық реакцияларының, атап айтқанда ангионевроздық ісінудің дамығаны жөнінде мәлімделді. Ангионевроздық ісінудің беттің ісінуі, периоральді ісіну немесе жоғары тыныс алу жолдарының ісінуі сияқты симптомдары бар болған жағдайда прегабалин қолдануды дереу тоқтатқан жөн.

Бас айналу, ұйқышылдық, есінен айырылу, сананың шатасуы және психиканың бұзылулары.

Прегабалинді қолдану бас айналудың және ұйқышылдықтың пайда болуымен қатар жүрді, бұл егде жастағы пациенттерде жарақаттану жағдайларының (құлап қалудың) туындау қаупін ұлғайтуы мүмкін. Есінен айырылу, сананың шатасуы, сондай-ақ психиканың бұзылулары жөнінде мәлімделді. Сондықтан пациенттер дәрілік заттардың ықтимал ықпалы белгілі болғанша сақтық танытқандары жөн.

Көрудің бұзылулары.

Зерттеулерде прегабалинді қолданған пациенттер, плацебо қабылдаған пациенттермен салыстырғанда, көзінің дұрыс анық көрмейтіндігін мәлімдеді. Көптеген жағдайларда бұл құбылыс препаратты тұрақты қолданған кезде жоғалды. Көру өткірлігінің нашарлау және көру аумағының өзгеру жиілігі прегабалин қабылдаған пациенттерде, плацебо тобындағы пациенттермен салыстырғанда, жоғары болды; көз түбіндегі өзгерулердің туындау жиілігі плацебо тобындағы пациенттерде жоғары болды.

Сондай-ақ көру мүшелері тарапынан жағымсыз реакциялар жөнінде, атап айтқанда көздің көрмей қалуы, көздің дұрыс анық көрмеуі немесе көру жітілігінің басқа да өзгерулері жөнінде мәлімделді, олардың көбісі уақытша болды. Прегабалин қабылдауды тоқтату көру тарапынан осы симптомдардың жоғалуына немесе азаюына әкелуі мүмкін.

Бүйрек функциясының жеткіліксіздігі.

Бүйрек функциясының жеткіліксіздігі жағдайлары жөнінде мәлімделді. Кейде бұл әсер прегабалин қабылдауды тоқтатқаннан кейін қайтымды болды.

Эпилепсияға қарсы қатар қолданылатын дәрілік заттарды тоқтату.

Прегабалинмен монотерапияға ауысу үшін, прегабалинмен емдеуге қосу нәтижесінде құрысуларды бақылауға қол жеткізгеннен кейін, эпилепсияға қарсы препараттарды қатар қолдануды тоқтату жөніндегі деректер жеткіліксіз.

Тоқтату симптомдары.

Кейбір пациенттерде прегабалинмен қысқа- немесе ұзақ мерзімдік емдеуді тоқтатқаннан кейін тоқтату симптомдары байқалды. Мынандай құбылыстар: ұйқысыздық, бас ауыру, жүректің айнуы, үрейленушілік, диарея, тұмау тәрізді синдром, күйгелектік, депрессия, ауыру, құрысулар, гипергидроз және бас айналу жөнінде мәлімделді. Емдеуді бастар алдында пациентке бұл ақпаратты айтқан жөн.

Құрысулар, атап айтқанда, эпилепсиялық статус және үлкен құрысу ұстамалары прегабалинмен емдеу кезінде немесе оны қолдануды тоқтатқаннан кейін көп ұзамай туындауы мүмкін.

Прегабалинмен ұзақ емделуді тоқтатуға қатысты, прегабалинді қолдану ұзақтығымен және оның дозасымен байланысты, тоқтату симптомдарының жиілігі және ауырлығы туралы ешқандай да деректер жоқ.

Жүрек функциясының іркілген жеткіліксіздігі.

Прегабалин қабылдаған кейбір пациенттерде жүрек функциясының іркілген жеткіліксіздігі жөнінде мәлімделді. Мұндай реакция жүрек-қантамырлық бұзылулары бар егде жастағы пациенттерде нейропатиялық ауыруды прегабалинмен емдеген кезде жиі байқалды. Прегабалинді мұндай пациенттерге абайлап қолданған жөн. Прегабалинді қолдануды тоқтатқан кезде бұл құбылыс жоғалуы мүмкін.

Жұлынның зақымдануы салдарынан шығу тегі орталықтан болған нейропатиялық ауыруды емдеу.

Жұлынның зақымдануы салдарынан шығу тегі орталықтан болатын нейропатиялық ауыруды емдеу кезінде жағымсыз реакциялардың, жалпы алғанда, орталық жүйке жүйесі тарапынан жағымсыз реакциялардың туындау жиілігі және әсіресе ұйқышылдық жоғары болды. Бұл осы жай-күйді емдеу үшін қажетті қатар қолданылатын дәрілік заттардың (мысалы, спазмға қарсы препараттардың) аддитивті әсерімен байланысты болуы мүмкін. Бұл жайтты прегабалинді мұндай пациенттерге тағайындаған кезде ескерген жөн.

Суицидтік ойлар және мінез-құлық.

Белгілі бір көрсетілімдер себебінен эпилепсияға қарсы препараттармен ем қабылдаған пациенттерде суицидтік ойлау және мінез-құлық жөнінде мәлімделді. Эпилепсияға қарсы препараттарды рандомизацияланған плацебо-бақыланатын зерттеулерді метаталдау да суицидтік ойлар мен мінез-құлықтың пайда болу қаупінің аздап жоғарылағанын көрсетті. Осы қауіптің туындау қаупі белгісіз, ал қолжетімді деректер прегабалин үшін оның бар болу мүмкіндігін жоққа шығармайды.

Сондықтан суицидтік ойлар мен мінез-құлық белгілерінің пайда болуы тұрғысында пациенттерді мұқият қадағалау және олар туындаған жағдайда тиісті ем тағайындау қажет. Пациенттер (және оларға күтім жасайтын адам) суицидтік ойлар мен мінез-құлық белгілері пайда болған жағдайда медициналық жәрдем алуға жүгінуі тиіс.

Асқазан-ішек жолының төменгі бөлімдері функциясының нашарлауы.

Прегабалинді іш қатуды туындатуы мүмкін дәрілік заттармен, мысалы, апиындық анальгетиктермен бірге қабылдау салдарынан асқазан-ішек жолының төменгі бөлімдері функциясының нашарлауымен байланысты құбылыстар (ішек бітелісі, ішектің салданып бітелісі, іш қату сияқты) жөнінде мәлімделді. Прегабалинді және апиындарды біріктіріп қолданғанда іш қатудың профилактикасына арналған шараларды қолданған жөн (әсіресе әйелдерде және егде жастағы пациенттерде).

Аддиктивті потенциал.

Шамадан тыс қолдану жағдайлары белгісіз. Препаратты анамнезінде есірткіге тәуелділігі бар пациенттерге абайлап тағайындаған жөн. Пациенттерді прегабалинге тәуелділік симптомдарының туындауы тұрғысынан қадағалау керек.

Энцефалопатия.

Энцефалопатия көбіне энцефалопатияны туындатуы мүмкін аурулар қатар жүретін пациенттерде пайда болды.

Лактозаның жақпаушылығы.

Габалир® препаратының құрамында лактоза моногидраты бар. Сирек тұқым қуалайтын галактоза жақпаушылығы, Лапп лактаза жеткіліксіздігі немесе глюкоза және галактоза мальабсорбция синдромы сияқты бұзылулары бар пациенттерде осы ақпаратты ескерген жөн.

Аллергиялық реакциялар.

Габалир® препаратының 150 мг дозасында аллергиялық реакцияларды туындатуы мүмкін қара бриллиант бояғыш заты бар.

Жүктілік немесе емшек емізу кезеңінде қолданылуы.

Ұрпақ өрбіту жасындағы әйелдер/контрацепция құралдары.

Адам үшін потенциалды қаупі белгісіз болғандықтан, ұрпақ өрбіту жасындағы әйелдер контрацепцияның тиімді заттарын пайдаланғандары жөн.

Жүктілік.

Жүкті әйелдерге прегабалинді қолдану жөнінде сенімді деректер жоқ.

Жануарларға жүргізілген зерттеулер репродукциялық уыттылықты айғақтады. Адам үшін потенциалды қаупі белгісіз.

Жүктілік кезінде, әйел үшін пайдасы шарана үшін ықтимал қаупінен айқын басым болатын жекелеген жағдайлардан басқасында, Габалир® препаратын қолданбаған жөн.

Емшек емізу.

Адамның емшек сүтіне прегабалиннің экскрецияланатыны-экскрецияланбайтыны белгісіз. Алайда прегабалин егеуқұйрықтың сүтінен табылған. Сондықтан прегабалинмен емдеу кезеңінде нәрестеге емшек емізу ұсынылмайды.

Ұрпақ өрбіту функциясы.

Әйелдердің ұрпақ өрбіту функциясына прегабалиннің ықпалына қатысты клиникалық деректер жоқ.

Сперматозоидтардың қозғалғыштығына прегабалиннің ықпалын жүргізілген зерттеулер барысында еркек жынысты дені сау еріктілер прегабалиннің тәулігіне 600 мг дозасын қабылдады. 3 айлық емдеуден кейін сперматозоидтардың қозғалғыштығына ешқандай да ықпалы байқалған жоқ.

Фертильділігін зерттеу ұрғашы егеуқұйрықтардың репродукциялық функциясына жағымсыз ықпалының бар екендігін және еркек егеуқұйрықтардың репродукциялық функциясына және дамуына жағымсыз ықпалының бар екендігін көрсетті. Осы нәтижелердің клиникалық маңыздылығы белгісіз.

Егде жастағы (65 жастан асқан) пациенттер.

Прегабалин клиренсінің жастың ұлғаюымен төмендеуіне беталыс бар. Ішке қабылданатын түрде қолданудан кейін прегабалин клиренсінің бұл төмендеуі жаспен байланысты креатинин клиренсінің төмендеуімен сәйкес келеді. Жаспен байланысты бүйрек функциясы бұзылған пациенттерге прегабалин дозасын төмендету қажет болуы мүмкін («Қолдану тәсілдері және дозалары» бөлімін қараңыз, 1 кесте). Егде жастағы пациенттерде бас айналу, сананың шатасуы, тремор, үйлесімнің бұзылуы, летаргия сияқты жағымсыз реакциялар өте жиі туындауы мүмкін.

Қосымша заттар жөнінде ақпарат

Капсула қабығының құрамында балаларға қолдануға тыйым салынған бояғыш заттардың (эритрозин (Е 127), патенттелген көк V (Е 131), қара гауһар PN (Е 151) болуына байланысты, сондай-ақ прегабалин препаратын педиатрияда қолдану тәжірибесінің жоқ болуы себебінен, препаратты 18 жасқа дейінгі балаларға қолдануға болмайды.

Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Көлік құралдарын басқару және басқа механизмдермен жұмыс жасау қабілетіне прегабалиннің аздаған немесе орташа ықпалы болуы мүмкін. Препарат бас айналуды және ұйқышылдықты туындатуы мүмкін, бұл көлік құралдарын басқаруға және басқа механизмдермен жұмыс жасау қабілетіне ықпал етуі мүмкін. Сондықтан пациенттерге көлік құралдарын басқаруды немесе күрделі техникамен жұмыс жасауды немесе басқа да потенциалды қауіпті қызметтер атқаруды, осы дәрілік заттың мұндай қызметтерді атқару қабілетіне ықпалы белгілі болғанша, тоқтата тұруға кеңес берген жөн.

Артық дозалануы

Прегабалин артық дозаланған жағдайда өте жиі жағымсыз ракциялар ұйқышылдық, сананың шатасуы, қозу және мазасыздық болғаны мәлімделген.

Кома жағдайлары жөнінде сирек мәлімделді.

Прегабалиннің артық дозалануын емдеу жалпы демеуші шаралар болып табылады және қажет болған жағдайда гемодиализ қамтылуы мүмкін.

Шығарылу түрі және қаптамасы

Поливинилхлоридті үлбірден және мөрі бар алюминий фольгадан жасалған пішінді ұяшықты қаптамада 10 капсуладан.

Пішінді ұяшықты 2 қаптама медициналық қолдану жөніндегі нұсқаулықпен бірге қорапшада.

Сақтау шарттары

Түпнұсқалық қаптамасында, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецепт арқылы

Өндіруші

«Киевмедпрепарат» ЖАҚ

Украина, 01032, Киев қ., Саксаганский к-сі, 139

Тіркеу куәлігі иесінің атауы және елі

«Киевмедпрепарат» ЖАҚ, Украина.

Тұтынушылардан дәрілік заттың сапасы жөніндегі шағымдарды (ұсыныстарды) Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері:

«ТД Фармамед» ЖШС, 

Алматы қ., Ходжанов көшесі, 67 үй, т.б. 4а

Тел.: +7 (727) 344-99-05/06

E-mail: Almaty@pharmamed-arterium.kz