В-ГАММА НЕЙРО

В-ГАММА НЕЙРО

Жоқ

Дәрілік түрі, дозасы

Бұлшықет ішіне және вена ішіне енгізуге арналған ерітінді, 2 мл

Ас қорыту жүйесі және зат алмасу. Дәрумендер. Басқа препараттармен біріктірілімін қоса, В тобының дәрумендер кешені. В тобы дәрумендері.

АТХ коды A11EA

- парентеральді қоректенудегі пациенттерде В тобы дәрумендері жеткіліксіздігімен байланысты жағдайлардың профилактикасы және емдеу

Қолдану басталғанға дейін қажетті мәліметтер тізбесі

- препараттың жекелеген компоненттеріне аса жоғары сезімталдық

- гемофилия, ішектің механикалық бітелуі (декспантенол үшін)

- бауыр жеткіліксіздігінің ауыр жағдайлары

- қатерлі анемия және анемияның басқа түрлері

- 18 жасқа дейінгі балалар мен жасөспірімдер

Қолдану кезінде қажетті сақтық шаралары

В1 дәруменін парантеральді енгізу кезінде анафилактоидты реакция дамуы мүмкін. Сақтықпен қолдану керек. Препарат компоненттеріне жоғары сезімталдыққа күдікті пациенттерде препаратты енгізер алдында тері ішіне сынама жүргізу ұсынылады. Жағымсыз реакциялар белгілері пайда болған кезде препаратты қолдануды дереу тоқтату керек. Препаратты бұлшықет ішіне енгізу ауырсынуды тудыруы мүмкін.

Препаратты парентеральді енгізу үшін әдеттегі сақтық шараларын сақтау керек. Егер ерітіндіде шөгінді байқалса, препаратты қолданбаңыз. Ерітіндіні вена ішіне баяу енгізу керек. Вена ішіне енгізгенде препараттың жоғары концентрациясын физиологиялық ерітіндінің көмегімен сұйылту керек.

Қосымша заттар

Препараттың бірлік дозасы (2 мл) құрамында 0.018 мл бензил спирті бар.

Болуы мүмкін жағымсыз әсері - анафилактоидты реакциялар.

Басқа дәрілік препараттармен өзара әрекеттесуі

В6 дәрумені леводопаның шеткері метаболизмін жоғарылатуы мүмкін, осылайша соңғысының емдік тиімділігін төмендетеді. Сондықтан леводопаны қабылдайтын Паркинсон ауруы бар пациенттерге тәуліктік қажеттіліктен асатын дозаларда В6 дәруменін тағайындауға болмайды. Леводопаны шеткері декарбоксилаза тежегіштерімен біріктіріп тағайындаған жағдайлар ғана қосылмайды.

Арнайы ескертулер

Жүктілік немесе лактация кезінде

Препаратты жүктілік кезінде, әсіресе бірінші триместрде тағайындаған кезде әдеттегі сақтық шаралары ұсынылады.

Жоғары дозаларда В6 дәрумені пролактиннің шығарылуына әсер етуі мүмкін, сондықтан емізетін аналарға тағайындаған кезде абай болу керек. Зерттеулердің аз санына сәйкес, дәрумендер өте аз концентрацияда емшек сүтіне шығарылуы мүмкін, сондықтан мүмкіндігінше лактация кезінде әйелдерге препаратты тағайындаудан аулақ болу керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті және қауіптілігі зор механизмдерді басқару қабілетіне әсер ету туралы деректер жоқ.

Қолдану бойынша ұсынымдар

Дозалау режимі

Ересектер

Дозасы дене салмағы мен организмнің жалпы жай-күйін қоса, көптеген факторлармен анықталады. Ұсынылатын доза күніне бір рет 1 ампуладан, вена ішіне немесе бұлшықет ішіне баяу инъекция түрінде болады.

Пациенттердің ерекше топтары

Балалар

Препаратты қолдану туралы деректер жоқ.

Егде жастағы пациенттер

Қолда бар деректер негізінде егде жастағы пациенттерде препаратты ұсынылған дозада қолдану бойынша қандай да бір шектеулер жоқ.

Бауыр жеткіліксіздігі бар пациенттер

Бауыр функциясы бұзылған пациенттерде препарат әдеттегі дозада қолданылуы мүмкін.

Бүйрек жеткіліксіздігі бар пациенттер

Бүйрек функциясы бұзылған пациенттерде препарат әдеттегі дозада қолданылуы мүмкін.

Енгізу әдісі мен жолы

Бұлшықет ішіне.

Вена ішіне.

Артық дозалану жағдайында қабылдануы қажет шаралар

В дәруменінің артық мөлшері ағзадан тез шығарылады, сондықтан осы дәрілік түрінде В дәруменін тағайындау кезінде күрделі проблемалар күтілмейді.

Дәрілік препаратты қолдану тәсілін түсіндіру үшін медицина қызметкерінен кеңес алу бойынша ұсынымдар

Дәрілік препаратты қабылдамас бұрын дәрігермен немесе фармацевтпен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Сирек

- аллергиялық реакциялар

- анафилаксиялық шок (тиамин)

- артериялық қысымның төмендеуі (никотинамид)

- ауыр шеткері нейропатия (пиридоксин)

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

2 мл препараттың құрамында

белсенді заттар:Тиамин гидрохлориді (В1 дәрумені) 10 мг

Рибофлавин натрий фосфаты (В2 дәрумені) 4 мг

Никотинамид (В3 дәрумені) 40 мг

Цианокобаламин (В12 дәрумені) 0.008 мг

Пиридоксин гидрохлориді (В6 дәрумені) 4 мг

Декспантенол (В5 дәрумені) 6 мг

қосымша заттар: монотиоглицерол, динатрий эдетаты, бензил спирті, полисорбат 80 (Твин-80), инъекцияға арналған су.

Сыртқы түрінің, иісінің, дәмінің сипаттамасы

Бозғылт сарыдан қызғылт сары түске дейінгі ерітінді.

Шығарылу түрі және қаптамасы

2 мл препараттан янтарь түсті дәнекерленген шыны ампулаларға салынған.

5 немесе 10 ампула пластик контейнерге салынған. 1 пластик контейнерден медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл.

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Brawn Laboratories Limited

13, N.I.T., Industrial Area, Haryana, Фаридабад-121001, Үндістан

тел. / факс: + 91-129-4360113, + 91-11-23275208

электронды пошта: regulatory2@brawnlabs.com

Тіркеу куәлігінің ұстаушысы

VISTA LABS DMCC

Unit No. 3O-01-3048, Plot No. DMCC-PH2-J & G Plexs, Дубай, Біріккен Араб Әмірліктері

тел. + 971 56657797

электронды пошта: vistalabs@hotmail.com

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Метабол Қазақстан» ЖШС, Қарағанды қ., Ермеков к-сі, 110/2

тел. + 7 (212) 43-38-11, факс + 7 (212) 43-38-15

электронды пошта: metabolcompany@mail.ru