Винпоцетин (5 мг)

МНН: Винпоцетин
Производитель: Керн Фарма С.Л.
Анатомо-терапевтическо-химическая классификация: Vinpocetine
Номер регистрации в РК: № РК-ЛС-5№016496

Инструкция

Саудалық атауы

Винпоцетин

Халықаралық патенттелмеген атауы

Винпоцетин

Дәрілік түрі

5 мг таблеткалар

Құрамы

Бір таблетканың құрамында

белсенді зат - 5 мг винпоцетин,

қосымша заттар: лактоза моногидраты, орын алмасу дәрежесі төмен гидроксипропилцеллюлоза, магний стеараты.

Сипаттамасы

Бір жақ бетінде - бөлу сызығы және екінші жақ бетінде “Ковекс С.А.” логотипі ойылып жазылған, диаметрі 0,6 см болатын беті тегіс, дөңгелек пішінді ақ таблеткалар.

Фармакотерапиялық тобы

Психоаналептиктер. Психостимуляторлар және ноотроптар. Басқа да психостимуляторлар және ноотроптар. Винпоцетин.

АТХ коды N06BX18

Фармакологиялық қасиеттері

Фармакокинетикасы

Ішке қабылдағаннан кейін винпоцетин асқазан-ішек жолынан жылдам сіңеді, биожетімділігі шамамен 60%. Қан плазмасындағы ең жоғары концентрациясына 1 сағаттан соң жетеді, қан плазмасы ақуыздарымен 66% байланысады. Винпоцетиннің таралу көлемі дене салмағына 3-8 л/кг құрайды.

Винпоцетин бауырда биоөзгеріске ұшырайды. Оның негізгі метаболиті аповинкамин қышқылы болып табылады. Басқа да белсенді емес метаболиттер – гидроксивинпоцетин, гидроксиаповинкамин қышқылы, дигидроксивинпоцетин глицинаты. Жартылай шығарылу кезеңі шамамен 5 сағат. Препарат және оның метаболиттерінің негізгі шығарылу жолы бүйрек болып табыладыі.

Гистогематикалық кедергі (оның ішінде гематоэнцефалиялық кедергі) арқылы және тіндерге жеңіл түрде өтеді.

Фармакодинамикасы

Препараттың әсер етуші заты – винпоцетин, тамыр кеңейткіш, гипоксияға қарсы және агрегацияға қарсы әсері бар. Фосфодиэстеразаны тежейді және жасушалардағы айналымдық аденозинмонофосфаттың құрамын жоғарылатады, ол ең алдымен тегіс бұлшықет жасушаларының цитоплазмасындағы кальций құрамын төмендетуге және миофибриллдің босаңсуына әкеледі. Қантамырлар мен метаболизмдік әсерлер бірігеді.

Ми қан тамырларын кеңейтеді, негізінен ишемиялық аймақтарда қан ағысын күшейтеді, мидың оттегіге деген қажеттілігін жақсартады. Глюкозаның утилизациясын жақсартады және орталық жүйке жүйесінде катехоламиндер деңгейін жоғарылатады, ми тіндеріндегі серотонин және адреналин метаболизмін ынталандырады. Тромбоциттер агрегациясын, қан тұтқырлығын азайтады, эритроциттер созылғыштығының жоғарылауына және ми қантамырларының қарсыластығын төмендету аясында көктамыр ағысының қалпына келуіне ықпал етеді.

Қолданылуы

- цереброваскулярлық аурулармен байланысты когнитивті бұзылуларды симптоматикалық емдеуде. Емдеуді бастар алдында тамырлық емес сипаттағы дегенерациялық ауруды (мысалы, Альцгеймер ауруы) жоққа шығару керек.

Қолдану тәсілі және дозалары

Қатаң түрде дәрігердің тағайындауы бойынша қолдану керек. Ересектерге: ішке қабылдауға арналған, 30 күн бойы күніне 3 рет 1-2 таблеткадан, одан әрі 2 ай бойы күніне 3 рет 1 таблеткадан. Дәрілік затты барынша ұзақ қабылдаудың ықтимал артықшылықтары белгісіз.

Таблеткаларды тамақтану кезінде шайнамай қабылдау керек.

Жағымсыз әсерлері

Жағымсыз реакциялар жиілігі бойынша жіктелген: жиі емес (≥1/1000 <1/100 дейін), сирек (≥1/10000 <1/1000 дейін), өте сирек (<1/10000).

Қан тарапынан

Сирек

- лейкопения, тромбоцитопения

Өте сирек

- анемия, эритроциттер агглютинациясы

Иммун жүйесі тарапынан

Сирек

- аса жоғары сезімталдық реакциялары

Метаболизмнің бұзылуы және тамақтану бұзылыстары

Жиі емес

- гиперхолестеринемия

Сирек

- тәбеттің төмендеуі, анорексия, қант диабеті

Психикалық бұзылыстар

Сирек

- ұйқының бұзылуы, ұйқысыздық, ашушаңдық, мазасыздық

Өте сирек

- эйфориялық жай-күй, депрессия

Жүйке жүйесі тарапынан бұзылыстар

Жиі емес

- бас ауыруы

Сирек

- бас айналуы, дисгевзия, мелшию, гемипарез, ұйқышылдық, амнезия

Өте сирек

- тремор, құрысулар

Көру мүшесі тарапынан

Сирек

- папиллоэдема

Өте сирек

- конъюнктива гиперемиясы

Есту және лабиринт бұзылыстары

Жиі емес

- вертиго

Сирек

- гиперакузия, нашар есту, құлақтың шуылдауы

Кардиологиялық бұзылыстар

Сирек

- ишемия/миокард инфарктісі, стенокардия, брадикардия, тахикардия, экстрасистолия, жүректің қағуы

Өте сирек

- аритмия, жыпылықтайтын аритмия

және қарыншалық қозу уақытының (QT аралығы) ұзаруы.

Қантамырлық бұзылу

Жиі емес

- гипотензия

Сирек

- гипертензия, қан кернеулері, тромбофлебит

Өте сирек

- АҚ ауытқуы

Асқазан-ішек бұзылыстары

Жиі емес

- іштегі жайсыздық, ауыздың құрғауы

Сирек

- эпигастрийдің ауыруы, жүрек айнуы, іш қатуы, диспепсия, құсу

Өте сирек

- дисфагия, стоматит

Тері және тері асты тіндері тарапынан

Сирек

- эритема, гипергидроз, қышыну, есекжем, бөртпе

Өте сирек

- дерматит

Жалпы бұзылулар

Сирек

- астения (әлсіздік), дімкәстік, ыстықты сезіну

Өте сирек

- кеуде қуысындағы жайсыздық, гипотермия

Зертханалық зерттеулер

Жиі емес

- АҚ төмендеуі

Сирек

- АҚ төмендеуі, триглицеридтер деңгейінің төмендеуі, ЭКГ қатысты ST сегменті депрессиясы, эозинофилдер мөлшерінің азаюы/артуы, бауыр функциясының бұзылуы

Өте сирек

- эритроциттердің артуы/азаюы, протромбин уақытының қысқаруы, дене салмағының ұлғаюы

Қолдануға болмайтын жағдайлар

- препараттың компоненттерінің кез келгеніне аса жоғары сезімталдық

- жүрек ырғағының айқын бұзылуы, жүректің ишемиялық ауруы

- геморрагиялық инсульттің жедел сатысы

- таяуда болған ми инсульті

- бассүйекішілік қысымның жоғарылауы

- глюкозаны, галактозаны, лактозаны туа біткен көтере алмаушылық, лактоза жеткіліксіздігі

- жүктілік, лактация кезеңі

- 18 жасқа дейінгі балалар мен жасөспірімдерге

Дәрілермен өзара әрекеттесуі

Гепариндік ем немесе басқа да антикоагулянттар аясында винпоцетин геморрагиялық асқынулардың даму қаупін жоғарылатады. Винпоцетинді гипертензияға қарсы дәрілермен бірге тағайындағанда соңғысының гипотензиялық әсері күшеюі мүмкін. Аритмияға қарсы препараттармен өзара әрекеттесуін жоққа шығаруға болмайды. Винпоцетинді және жоғарыда аталған препараттардың бірін қабылдайтын пациенттерді қатаң бақылау қажет.

Айрықша нұсқаулар

Жүрек аритмиясымен пациенттерге сақтықпен тағайындау қажет; QT аралығы ұзарған пациенттерге Винпоцетин, 5 мг таблеткаларын қолданудан мүмкіндігінше аулақ болу керек, өйткені осы пациенттерде қарыншалық аритмия қаупі жоғары болады; гипотензиялық препараттар, немесе QT аралығын ұзартатын препараттар; сыртартқысында басқа винкаалкалоидтар жақпаушылығы, сондай-ақ бауыр жеткіліксіздігі бар пациенттерге сақтықпен қолдану керек.

Q-Т аралығының ұзару белгілері бар болған кезде немесе Q-Т аралығының ұзаруына түрткі болатын дәрілік препараттармен бір мезгілде қолданған кезде ЭКГ-ні бақылау ұсынылады.

18 жасқа дейінгі балаларға винпоцетинді қолдану жөнінде клиникалық зерттеулер саны жеткілікті емес.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Винпоцетин 5 мг таблеткалары реакция жылдамдығына әсер етуі мүмкін, бұл көлікті және машиналық жабдықтарды басқаруға жағымсыз әсер етеді. Әсіресе алкогольмен бірге дәрі-дәрмекті қолданған кезде.

Артық дозалануы

Симптомдары: жағымсыз әсерлерінің күшеюі.

Емі: асқазанды шаю, белсендірілген көмірді қабылдау және негізінен кардио-распираторлық функциясын демеуге бағытталған симптоматикалық ем.

Шығарылу түрі және қаптамасы

25 таблеткадан пішінді ұяшықты қаптамада. 1 немесе 2 пішінді ұяшықты қаптамадан мемлекеттік және орыс тіліндегі нұсқаулықпен бірге картон қорапта.

Сақтау шарттары

Жарықтан қорғалған жерде, 15-тен 30°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Керн Фарма С.Л. Ковекс, С.А. үшін, «Колон II» индустриялық аймағы,

Венус 72, 08228 Террасса (Барселона), Испания

телефон: (+34) 937 002 525; факс (+34) 937 002 500

Тіркеу куәлігінің иесі

Ковекс, С.А., Асеро көшесі, 25, «Сур» индустриялық аймағы,

28770, Кольменар Вьехо (Мадрид), Испания

телефон: (+34) 918 450 200; факс: (+34) 918 450 208

e-mail: info@covex.com

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Биола» медициналық фармацевтикалық компаниясы

Қазақстан, Алматы қ., 050002, Бұзырбаев к-сі, 13

Тел: +7 (727) 382 30 71, факс:+7 (727) 382 3075

post@biola.kz; www.biola.kz

 

Прикрепленные файлы

808101911477976210_ru.doc 63.5 кб
048873831477977454_kz.doc 68.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники