Винорелбин Синдан (50мг/5мл)

МНН: Винорелбин
Производитель: Актавис Италия С.п.А.
Анатомо-терапевтическо-химическая классификация: Vinorelbine
Номер регистрации в РК: № РК-ЛС-5№013260
Период регистрации: 14.08.2014 - 14.08.2019

Инструкция

Саудалық атауы

Винорелбин Синдан

Халықаралық патенттелмеген атауы

Винорелбин

Дәрілік түрі

Инфузия үшін ерітінді дайындауға арналған 10мг/1мл және 50мг/5мл концентрат

Құрамы

1 мл концентраттың құрамында

белсенді зат – 10 мг/1 мл 50 мг/5 мл

винорелбин тартраты 13.8569.25

(винорелбинге баламалы) (10.00) (50.00)

қосымша зат – инъекцияға арналған су.

Сипттамасы

Түссізден сәл сарғыш түске дейінгі мөлдір ерітінді.

Фармакотерапиялық тобы

Ісікке қарсы препараттар және иммуномодуляторлар. Қабыршөп алкалоидтары және оның аналогтары. Винорелбин

АТХ коды L01СА04

Фармакологиялық қасиеттері

Фармакокинетикасы

Көктамыр ішіне (к/і) енгізгеннен кейін винорелбин тіндерге кеңінен таралады, таралу көлемі (Vd) 40л/кг астам. Плазмадағы винорелбиннің кинетикасы үш фазалы. Белсенді заттың соңғы фазадағы орташа жартылай шығарылу кезеңі (Т½) 40 сағатты құрайды. Винорелбиннің клиренсі жоғары, бауырдағы қан ағымының жылдамдығына жақындап, орташа 0,72 л/с/кг құрайды.

Плазма ақуыздарымен байланысуы орташа – 13,5%, көп мөлшерде қан жасушаларымен, әсіресе тромбоциттермен (78%) байланысады. Тіндерге жақсы өтеді және оларда ұзақ уақыт болады. Көп мөлшері көкбауырда, бауырда, бүйректе, өкпеде және айыршық безде, орташа – жүректе және бұлшықетте, ең азы – майлы тіндерде және сүйек кемігінде анықталады. Гематоэнцефалдық кедергі арқылы өтпейді. Өкпедегі концентрациясы плазмадағы концентрациясынан 300 есеге артық. Негізінен Р450 цитохромдар жүйесіне жататын CYP 3А4 ферменті изоформасының әсерімен бауырда метаболизденеді. Бірнеше метаболиттер түзеді: ол метаболиттердің бірі – диацетилвинорелбин – ол ісікке қарсы белсенділікті сақтайды. Негізінен өтпен шығарылады.

Винорелбиннің фармакокинетикасы емделушінің жасына байланысты емес.

Фармакодинамикасы

Винорелбин Синдан (жартылай синтетикалық жолмен алынатын қызғылт қабыршөп алкалоиды) – винкаалкалоидтар тобындағы ісікке қарсы дәрі. Жасушалық митоз тубулинінің полимеризациясын тежейді. G2-M фазадағы митозды бөгейді және интерфазадағы немесе келесі митоз кезінде жасушаның бұзылуын туғызады. Негізінен митоздық микротүтікшелерге әсер етеді. Жоғары дозада қолданған кезде аксональді микротүтікшелерге де әсер етеді. Винорелбиннен туындаған тубулин спирилизациясының индукциясы винкристиндікіне қарағанда әлсіз болады.

Қолданылуы

- 3 немесе 4 дәржедегі өкпенің ұсақ жасушалы емес обырында

- метастаздалған сүт безі обырында

Қолдану тәсілі және дозалары

Винорелбин Синдан монотерапия түрінде де, басқа да ісікке қарсы препараттармен біріктірілген түрде де қолданылады. Әрбір жекелеген жағдайда дозаны және енгізу режимін таңдаған кезде арнайы әдебиетке жүгіну керек.

Винорелбин Синдан қатаң түрде тәжірибелі химиотерапевтің бақылауымен ғана енгізілуі тиіс.

Винорелбин Синдан тек көктамыр ішіне ғана енгізіледі.

Винорелбин Синданді интратектальді түрде енгізуге болмайды.

Препарат натрий хлоридінің 0,9% ерітіндісінің немесе глюкозаның 5% ерітіндісінің 20-50 мл-де сұйылтқаннан кейін көктамыр ішіне болюсты түрде 6-10 минут ішінде немесе натрий хлоридінің 0,9% ерітіндісінің немесе глюкозаның 5% ерітіндісінің 125 мл-де сұйылтқаннан кейін қысқа инфузия түрінде 20-30 минут ішінде енгізілуі мүмкін. Винорелбин Синданды енгізгеннен кейін натрий хлоридінің 0,9% ерітіндісін кем дегенде 250 мл-ін көктамыр ішіне қосымша енгізу керек.

К/і енгізудің алдында ине көктамырдың ішінде екеніне көз жеткізіп алу керек. Винорелбин көктамыр айналасындағы тіндерге түскен кезде құюды тоқтатып, қалған дозаны басқа көктамырға енгізу қажет.

Монотерапия режимінде препараттың әдеттегі дозасы аптасына бір рет дене беткейіне шаққанда 25-30 мг/м2 құрайды.

Дене беткейінің ауданы >2м2 емделушілер үшін көктамыр ішіне енгізілетін Винорелбин Синданның бір реттік дозасы 60мг-дан аспауға тиіс.

Полихимиялық ем кезінде Винорелбин Синданның дозасы мен енгізу жиілігі ісікке қарсы емнің нақты бағдарламасына байланысты.

Дозаны түзету:

Нейтропения, ол кумулятивті болып табылмайды, Винорелбин Синданды енгізгеннен кейін 7-14 күннен соң ең аз деңгейде болады және 5-7 күннен кейін жылдам қайтады, ол негізгі доза шектеуші жағымсыз реакцияға ие. Қанда нейтрофилдер құрамы 1500/мм3 төмен және/немесе қанда тромбоцитопения 100 000/мм3 төмен болғанда Винорелбин Синданның келесі енгізілуін шеткергі қан көрсеткіштері қалпына келгенге дейін кейінге қалдыру керек.

Егер гематологиялық уыттылықтың салдарынан препаратты апта сайынғы 3 енгізуден тартына тұру керек болса, Винорелбин Синданды қолдануды тоқтату керек.

Бауыр жеткіліксіздігі бар емделушілер

Винорелбин Синданның фармакокинетикалық қасиеті бауыр дисфункциясы орташа немесе ауыр емделушілерде өзгермейді. Сонда да бауыр жеткіліксіздігі ауыр емделушілер үшін сақтық шаралары ретінде дозаны 20 мг/м2 азайту және гематологиялық параметрге барабар мониторинг жүргізу керек.

Бүйрек жеткіліксіздігі бар емделушілер: дозаны түзетудің қажеті жоқ.

Балалар: балалар мен 18 жасқа дейінгі жасөспірімдерге препараттың қауіпсіздігі мен тиімділігі анықталмаған.

Жағымсыз әсерлері

Өте жиі

- негізінен нейтропениямен байқалатын сүйек кемігі қызметінің бәсеңдеуі, ол 5-7 күн ішінде қайтады және кумулятивті емес, және анемия болып табылмайды

- терең сіңірлер рефлексінің жойылуын қоса неврологиялық бұзылулар; химиотерапияны ұзақ қабылдағаннан кейін аяқтардың әлсіздігі

- стоматит, жүрек айнуы және құсу, іш қатуы, ол сирек жағдайларда салданған ішек бітелісіне ауысады, басқа да химиотерапиялық препараттармен винорелбинді біріктірген жағдайда, эзофагит

- клиникалық симптомдарсыз бауыр функциясының биохимиялық көрсеткіштерінің қайтымды жоғарылауы

- жеңіл түрдегі алопеция

- эритема, инъекция енгізген жерде шымылдатып ашытып ауыру, көктамырлар түсінің өзгеруі және жергілікті флебит

Жиі

- жеңіл-орташа бактериялық, вирустық немесе зеңдік әртүрлі орналасудағы жұқпалар (респираторлық, несеп шығару жолдарының, АІЖ), әдетте тиісінше емдегенде қайтымды

- тромбоцитопения, кейде ауыр

- жеңіл-орташа диарея

- миалгия, артралгия, жақ ауыруын қоса

- креатинин деңгейінің артуы

- астения, шаршағыштық, қызба; әртүрлі орналасудағы ауырулар, кеуде қуысын және ісіктің түзілген маңайын қоса

Жиі емес

- гранулоцитопения, анемия

- ауыр сепсис, септицемия

- сезімталдықтың бұзылу симптомдарымен және моторлы бұзылулармен ауыр парестезия, әдетте бұл құбылыстар қайтымды

- гипотензия, гипертензия, қан құйылу және шеткергі қан айналымының бұзылуы

- диспноэ, бронх түйілуі

Сирек

- ауыр гипонатриемия

- жүректің ишемиялық ауруы (стенокардия және/немесе ЭКГ транзиторлы өзгеруі, миокард инфаркті)

- ауыр гипотензия, коллапс

- интерстициальді пневмопатия, атап айтсақ винорелбинді митомицинмен біріктіріп алған емделушілерде

- салданған ішек бітелісі (емдеуді ішек моторикасын қалпына келтіргеннен кейін жалғастыруға болады), панкреатит

- жайылған тері реакциялары (бөртпелер, қышыну, уртикарлы бөртпе)

- жергілікті некроз

Өте сирек

- асқынған септицемия

- Гийен-Барр синдромы

- тахикардия, жүрек қағысы, жүрек ырғағының бұзылуы

Жиілігі белгісіз

- нейтропениялық сепсис

- фебрильді нейтропения

- жүйелі аллергиялық реакциялар

- антидиуретикалық гормонның талапқа сай емес секрециясы синдромы

- анорексия

- қолдағы және аяқтағы эритема

Қолдануға болмайтын жағдайлар

- винкаалкалоидтарға және препараттың басқа да құрамдас бөліктеріне жоғары сезімталдық

- айқын нейтропения (қанда <1500/мм3), тромбоцитопения (қанда <100000 жасуша/мкл)

- емнің басында немесе соңғы 2 апта ішінде өткерген ауыр жұқпалы аурулар

- ісік үдерістерімен байланысты емес бауыр функциясының айқын жеткіліксіздігі

- сары қызбаға қарсы вакцинамен бірге

- тиімді контрацепцияны пайдаланбайтын бала туатын жастағы әйелдер

- жүктілік және лактация кезеңі

- 18 жасқа дейінгі балалар мен жасөспірімдер

Дәрілермен өзара әрекеттесуі

Барлық цитоуытты препараттар үшiн жалпы өзара әрекеттесулер

Ісік аурулары жағдайында тромбоздың даму қаупі жоғарылайтындықтан, көбінесе антикоагулянтты ем талап етіледі. Ауру барысында коагуляциялайтын қабілеттің жоғары ішкі жеке түрленгіштігі және ішке қабылданатын антикоагулянттар мен ісікке қарсы химиятерапияның арасындағы өзара әрекеттердің ықтималдығы, егер емделушіге ішке қабылданатын антикоагулянттарды тағайындау туралы шешім қабылданса, онда қан ұйығыштығының көрсеткіштері мониторингісінің жиілігін арттыру талап етіледі.

Тірі аттенуирленген вакциналармен бірге қолдануға болмайды: жайылған вакциналық ауру қаупі, тіпті фатальді болуы мүмкін. Бар болса инактивацияланған вакцинаны қолдану ұсынылады (полиомиелит).

Фенитоин: фенитоинді цитоуытты препаратпен ішектік адсорбциялаудың төмендеуі салдарынан конвульсиялардың өршу қаупі немесе уыттылықтың арту қаупі немесе фенитоинмен бауыр метаболизмінің жоғарылау салдарынан цитоуытты препараттың тиімділігін жоғалту.

Циклоспорин, такролимус: лимфопролиферация қаупімен шамадан тыс иммуносупрессия.

Барвинка алкалоидтары үшін спецификалық өзара әрекеттесулер

Олардың бауыр метаболизмін төмендету, қабіршөп алкалоидтарының нейроуыттылын арттыру салдарынан итраконазолмен бірге қолдану ұсынылмайды.

Митомицин C бронхтүйілуі және диспноэ қаупін жоғарылатады, сирек жағдайларда интерстициялық пневмонит байқалған.

Себебі барвинка алкалоидтары Р-гликопротеин үшін субстраттар болып табылатындығы белгілі және спецификалық зерттеу болмағандықтан, винорелбиннің осы жарғақшалық транспортердің күшті модуляторларымен біріктірімі кезінде сақ болған жөн.

Винорелбин үшін спецификалық өзара әрекеттесулер

Винорелбиннің және белгілі миелоуыттылығымен басқа препараттардың біріктірімі миелосупрессиялық жағымсыз реакцияларды арттырады.

CYP3A4 винорелбиннің метаболизміне қатысатын негізгі фермент болып табылады, ал индукциялайтын (фенитоин, фенобарбитал, рифампицин, карбамазепин, Hypericum perforatum) немесе тежейтін препаратпен (итраконазол, кетоконазол, протеазаның АИВ тежегіштері, эритромицин, кларитромицин, телитромицин, нефазодон) біріктірімі, бұл изофермент винорелбиннің концентрациясына әсер етуі мүмкін.

Винорелбиннің цисплатинмен біріктірімі (өте жиі біріктірім) винорелбиннің фармакологиялық параметрлеріне қатысты өзара әрекеттесуді көрсетпейді. Дегенмен гранулоцитопенияның неғұрлым жоғары жиілігі винорелбинмен монотерапиядағы емделушілермен салыстырғанда, винорелбинмен біріктірілген терапия қабылдайтын емделушілерде байқалады.

Винорелбин Синдан концентратын шөгінді түзілмеу үшін сілтілі ерітінділерде сұйылтуға болмайды.

Винорелбин Синданды натрий хлориді және глюкоза ерітінділерін қоспағанда, басқа дәрілік заттармен араластыруға болмайды.

Айрықша нұсқаулар

Винорелбин Синдан препаратымен емдеуді ісікке қарсы препараттармен жұмыс тәжірибесі бар дәрігердің бақылауында жүргізу керек. Емді әрбір кезекті инъекция алдында лейкоциттердің, нейтрофилдердің, тромбоциттердің мөлшерін және гемоглобиннің деңгейін анықтап, қатаң гематологиялық бақылауда жүргізеді. Кумулятивтік болып табылмайтын нейтропения Винорелбин Синданды енгізгеннен кейін 7-14 күннен соң ең төмен деңгейде болады және 5-7 күн ішінде тез өтеді, өзі негізгі дозаны шектеуші жағымсыз реакцияны білдіреді. 1500/мм³-қа дейін қандағы нейтрофилдер және/немесе 100 000/мм³-қа дейін қандағы тромбоцитопения мөлшерінің төмендеуі кезінде Винорелбин Синданды кезекті енгізу шеткергі қанның көрсеткіштері қалпына келгенге дейін кейінге қалдырады.

Егер гематологиялық уыттылық болғандықтан, препаратты 3 апта сайын енгізуден тартынуға тура келсе, Винорелбин Синданды қолдануды тоқтату ұсынылады.

Егер емделушіде жұқпаның белгілері немесе симптомдары байқалса, жылдам тексеру жүргізу қажет.

Сыртартқысында жүректің ишемиялық ауруымен емделушілер ерекше назар аударуды талап етеді.

Егер сәулелену аумағы бауырды қамтыса, Винорелбин Синданды сәулемен емдеумен бір мезгілде енгізуге болмайды. Бауыр функциясы айқын бұзылған кезде Винорелбин Синдан дозасын 33%-ға төмендету керек.

Бүйрек экскрециясының деңгейі төмен болғандықтан, бүйрек жеткіліксіздігімен емделушілерге препараттың дозасын төмендету үшін фармакокинетикалық негіздемелер болмай тұр. 2-нші және одан жоғары дәрежедегі нейроуыттылығының белгілері байқалған кезде Винорелбин Синданды қолдануды тоқтату керек.

Ентікпе, жөтел немесе анықталмаған этиологиядағы гипоксиялар пайда болған кезде өкпе уыттылығын анықтау үшін науқасты тексеру керек.

Экстравазация кезінде препараттың инфузиясын дереу тоқтатып, көктамырды шайып, 0,9% натрий хлориді ерітіндісінің кемінде 250 мл-н қосымша енгізу керек. Қалған дозасын басқа көктамырға енгізеді.

Винорелбин Синданның көзге тамып кетуіне жол бермеу керек. Егер осындай жағдай болып қалса көзді дереу физиологиялық ерітіндімен шайып, офтальмологқа көріну керек.

Ер адамдарға винорелбинмен терапия барысында және оны тоқтатқаннан кейін 6 айға дейін (кемінде 3 ай) ұрықтандыруға болмайды. Емдеу алдында қайтымсыз бедеулік ықтималдығы болғандықтан, шәуһетті консервациялау мүмкіндігін қарастыру керек.

Жүктілік және лактация кезеңі

Емдеу кезінде және емдеу аяқталғаннан кейін кемінде үш ай бойы контрацепцияның сенімді әдістерін пайдалану қажет.

Дәрілік затттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Емдеу кезінде автокөлік жүргізгенде және жоғары зейін шоғырландыру мен психомоторлық реакциялардың жылдамдығын қажет ететін қауіптілігі зор қызмет түрлерімен шұғылданғанда сақ болу қажет.

Артық дозалануы

Симптомдары: сүйек кемігі қызметінің бәсеңдеуі және нейроуыттылықтың пайда болуы, қызба, ішек парезі.

Емі: Белгілеріне қарай. Арнайы у қайтарғысы жоқ. Науқасты ауруханаға жатқызу және өмірлік маңызы бар ағзалар функциясын мұқият бақылау қажет.

Шығарылу түрі және қаптамасы

1 мл және 5 мл препараттан сыйымдылығы сәйкесінше 5 мл, 8 немесе 10 мл, сұр бромбутил тығындармен тығындалған және полипропилен қалпақшалары бар алюминий қақпақтармен қаусырылған I типті түссіз шыныдан жасалған құтыларға құяды.

Құтыны медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салады.

Сақтау шарттары

Жарықтан қорғалған жерде, 2°С-ден 8°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы

Өндіруші

Актавис - Италия С.п.А.

Нервиано Плант, Италия, Пастера 10, 20014 (Милан)

Тіркеу куәлігінің иесі

Актавис Групп, Исландия

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

Алматы қаласындағы Актавис Интернешнл Лтд өкілдігі

Қазақстан Республикасы, 050009, Алматы қ., Мұқанов к-сі, 241 – 1 А.

Тел./факс: 8 (727) 313 74 30, 313 74 31;

Электронды поштасы: actavis@actavis.kz; сайт: www.actavis.com

 

Прикрепленные файлы

216486981477976700_ru.doc 74 кб
684811841477977839_kz.doc 92.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники