Вимпат® (100 мг)

• русский
• қазақша

• Скачать инструкцию медикамента

Саудалық атауы

Вимпат®

Халықаралық патенттелмеген атауы

Лакосамид

Дәрілік түрі

Үлбірлі қабықпен қапталған 50 мг, 100 мг, 150 мг, 200 мг таблеткалар

Құрамы

Бір таблетканың құрамында

белсенді зат - 50 мг, 100 мг, 150 мг немесе 200 мг лакосамид бар,

қосымша заттар: микрокристалды целлюлоза, гипролоза (орын басуы төмен), просолв HD 90**, кросповидон, магний стеараты, гипролоза,

⃰ ⃰ Просолв НD 90 98% микрокристалды целлюлозадан (ЕФ) және 2% сусыз коллоидты кремнийдің қостотығынан (ЕФ) тұрады.

1 Опадрай II құрамы, түрлі түсті 85F20249 қанқызыл: поливинилді спирт, тальк, макрогол 3350, титанның қостотығы Е171, темірдің (III) қызыл тотығы Е172, темірдің (III) қара тотығы E172, индигокармин алюминий лагы E132.

2 Опадрай II құрамы, түрлі түсті 85F38040 сары: поливинилді спирт, тальк, макрогол 3350, титанның қостотығы Е171, темірдің (III) сары тотығы Е172.

3 Опадрай II құрамы, түрлі түсті 85F27043 алтын түстес: поливинилді спирт, тальк, макрогол 3350, титанның қостотығы Е171, темірдің (III) сары тотығы Е172, темірдің (III) қызыл тотығы Е172, темірдің (III) қара тотығы E172.

4 Опадрай II құрамы, түрлі түсті 85F30675 көк: поливинилді спирт, тальк, макрогол 3350, титанның қостотығы Е171, индигокармин алюминий лагы E132.

Сипаттамасы

Екі беті дөңес сопақша пішінді, бір жағында «50» және екінші жағында «SP» таңбасы ойып түсірілген қызғылт түсті үлбірлі қабықпен қапталған таблеткалар (50 мг доза үшін).

Екі беті дөңес сопақша пішінді, бір жағында «100» және екінші жағында «SP» деген таңбасы ойып түсірілген күңгірт-сары түсті үлбірлі қабықпен қапталған таблеткалар (100 мг доза үшін).

Екі беті дөңес сопақша пішінді, бір жағында «150» және екінші жағында «SP» деген таңбасы ойып түсірілген бозғылт-қызыл сары түсті үлбірлі қабықпен қапталған таблеткалар (150 мг доза үшін).

Екі беті дөңес сопақша пішінді, бір жағында «200» және екінші жағында «SP» деген таңбасы ойып түсірілген көк түсті үлбірлі қабықпен қапталған таблеткалар (200 мг доза үшін).

Фармакотерапиялық тобы

Жүйке жүйесінің ауруларын емдеуге арналған препараттар.

Эпилепсияға қарсы препараттар. Эпилепсияға қарсы басқа да препараттар. Лакосамид

АТХ коды N03AX18

Фармакологиялық қасиеттері

Фармакокинетикасы

Сіңуі.

Лакосамид ішке қабылдағаннан кейін жылдам және толық сіңеді. Таблеткалар түріндегі лакосамид биожетімділігі шамамен 100% құрайды. Ішке қабылдағаннан кейін плазмадағы лакосамид концентрациясы жылдам ұлғаяды, Cmax мәніне 0,5-4 сағаттан соң жетеді. Таблеткалар мен шәрбат биобаламалы. Ас ішу сіңу жылдамдығы мен дәрежесіне әсер етпейді.

Таралуы. Таралу көлемі шамамен 0,6 л/кг құрайды, қан плазмасы ақуыздарымен байланысу дәрежесі 15%-дан аз.

Метаболизмі.

Дозаның 95%-ы өзгермеген түрінде және метаболиттер түрінде несеппен шығарылады. Лакосамид метаболизмі толық зерттелмеген. Несеппен шығарылатын негізгі қосылымдары - өзгермеген лакосамид (40% дозаға жуық) және оның О-десметил метаболиті (30%-дан аз). Полярлық фракциялары несепте шамамен 20% құрайды, бірақ олар кейбір субъектілердің ғана қан плазмасынан аздаған мөлшерлерде (0-2%) табылған. Қосымша метаболиттерінің аздаған мөлшерлері де (0,5-2%) несептен табылды.

CYP2C19, 2С9 және 3А4 негізінен О-десметил метаболитінің түзілуіне жауапты болып табылады. Лакосамидтің күшті метаболизаторлар (ЕМs, функционалдық күшті CYP2C19) және әлсіз метаболизаторлар (РМs, функционалдық әлсіз CYP2C19) қатысатын фармакокинетикасымен салыстырғанда клиникалық мәнді әсер ету айырмашылықтары жоқ. Лакосамид метаболизміне қатысатын өзге ешбір фермент анықталмаған.

Плазмадағы О-десметил-лакосамид концентрациясы лакосамид концентрациясының шамамен 15%-ын құрайды. Бұл метаболиттің фармакологиялық белсенділігі жоқ.

Шығарылуы. Лакосамид негізінен бүйректік бөлініс және биоөзгеріс жолымен жүйелі қан ағымынан шығарылады. Радиобелсенді таңбаланған лакосамид ішу арқылы және көктамыр ішіне енгізілгеннен кейін радиобелсенділігінің шамамен 95%-ы несептен және 0,5%-дан азы нәжістен табылды. Өзгермеген препараттың жартылай шығарылу кезеңі шамамен 13 сағатқа жуық құрайды.

Лакосамид фармакокинетикасы дозаға пропорционал, уақыт өте келе өзгермейді және төмен аралық әрі жеке аралық ауытқымалығымен сипатталады. Күніне екі мәрте қолданғанда плазмадағы тепе-тең концентрацияларына 3 күн ішінде жетеді. Қан плазмасындағы концентрациясы препарат жинақталған кезде шамамен 2 есе ұлғаяды.

Бір екпінді доза 200 мг ішке күніне екі рет 100 мг –ден қабылдағандағы стационарлық концентрациясына теңестірілген.

Ерекше топтардағы фармакокинетикасы

Жынысы. Клиникалық зерттеулер жыныс ерекшелігінің қан плазмасындағы лакосамид концентрациясына клиникалық елеулі әсері жоқ екенін көрсетті.

Нәсілі. Лакосамид фармакокинетикасында азиялық, қара нәсілдерде және еуропалық нәсілдерде клиникалық елеулі айырмашылықтар жоқ.

Бүйрек функциясы бұзылған пациенттерде. Cmax өзгеріссіз қалғанда бүйрек функциясы бұзылмаған пациенттермен салыстырғанда, лакосамид қолданған кезде бүйрек функциясының жеңіл және орташа бұзылуларында AUC шамамен 30%, ал бүйрек функциясының ауыр бұзылуларында және гемодиализ алатын бүйрек жеткіліксіздігінің терминалдық сатысындағы пациенттерде 60% ұлғайған.

Лакосамид гемодиализ жасаған кезде қан плазмасынан тиімді шығарылады. Гемодиализдің 4 сағатынан соң лакосамид AUC шамамен 50% төмендейді. Сондықтан гемодиализ жүргізгеннен кейін препарат дозасын қосымша арттыру ұсынылған. Орташа және ауыр бүйрек жеткіліксіздігі бар пациенттерде О-десметил метаболитінің деңгейі бірнеше есе артумен болған. Бүйрек ауруларының терминалдық сатысындағы пациенттерде гемодиализ жасалмаған кезде оның деңгейі ұлғайған және сынамалардың 24 сағаттық талдауы тұсында үнемі артып отырған. Бүйрек жеткіліксіздігінің терминалдық сатысында метаболит мөлшері артуының қолайсыз құбылыстар жиілігінің жоғарылауына алып келуі белгісіз, бірақ метаболиттің фармакологиялық белсенділігі анықталған жоқ.

Бауыр функциясы бұзылған пациенттерде. Орташа бауыр жеткіліксіздігі (Child-Pugh B) бар пациенттерде плазмадағы лакосамид концентрациясының жоғарылауы болған (қалыпты AUC-пен салыстырғанда шамамен 50% жоғары). Зерттелген субъектілерде концентрациясының жоғарылауы ішінара бүйрек функциясының төмендеуімен байланысты болды. Зерттеу кезінде пациенттердегі бүйректен тыс клиренстің төмендеуі лакосамид AUC-ның 20% ұлғаюынан болады деп есептеледі. Бауырдың ауыр жеткіліксіздігінде лакосамид фармакокинетикасы зерттелмеген.

Егде жастағы пациенттер (65 жастан асқан).

Егде ерлер мен әйелдерде, соның ішінде 75 жастан асқан 4 пациентте AUC деңгейі, жас адамдармен салыстырғанда, шамамен 30% ерлерде және 50% әйелдерде ұлғайған. Бір жағынан бұл егде жастағы пациенттердің дене салмағының азаюымен байланысты болды. Бұл айырмашылық қалыпты салмақпен салыстырғанда, 26% ерлерде және 23% әйелдерді құрайды. Сонымен қатар, препараттың әсер ету ауытқымалығының артуы білінді. Осы зерттеуде егде жастағы пациенттердегі лакосамидтің бүйректік клиренсі болымсыз ғана төмендеген. Егер ол бүйрек функциясының төмендеуіне орай көрсетілмесе, дозаны жалпы азайту қажет болып саналмайды.

Фармакодинамикасы

Препараттың белсенді заты, лакосамид (R-2-ацетамидо-N-бензил-3-метоксипропионамид) – функциясы жолға қойылған амин қышқылы.

Лакосамидтің адамға эпилепсияға қарсы өзіндік әсерін көрсететін нақты механизмі толық түсіндірілмеген күйі қалады.

Электрофизиологиялық in vitro зерттеулер лакосамидтің вольтаж-тәуелді натрий өзектерінің баяу белсенділігі жойылуын таңдамалы күшейтетінін, нәтижесінде аса қозған нейрон жарғақшаларының тұрақтандырылуы орын алды. Лакосамид жануарлардағы модельдің көптеген санында парциальді және бастапқы жайылған эпилепсия ұстамасының дамуының алдын алды, сондай-ақ құрысуға дайын шегінің дамуын кідіртті.

Лакосамид леветирацетаммен, карбамазепинмен, фенитоинмен, вальпроатпен, ламотриджинмен, топираматпен немесе габапентинмен біріктірілгенде құрысуға қарсы синергиялық немесе аддитивті әсер көрсеткен.

Препарат ересектердегі парциальді эпилепсия кезінде қосымша дәрі ретінде тиімді. Ұсынылған дозаларда (200 мг/тәулік және 400 мг/тәулік) 12 апта ішінде қолданған кезде Вимпат® препаратының қосымша ем ретіндегі тиімділігі анықталды. Препарат тиімділігі 600 мг дозада дәл тәулігіне 400 мг дозадағы сияқты болды. Осы орайда пациенттер аз дозаны жақсы көтерген, өйткені тәулігіне 600 мг қолданғанда орталық жүйке жүйесі мен асқазан-ішек жолы тарапынан жағымсыз реакциялар туындаған.

Осылайша, тәулігіне 600 мг доза ұсынылмайды. Ең жоғары ұсынылатын доза тәулігіне 400 мг құрайды.

Лакосамидті монотерапияда қолдану туралы деректер жеткіліксіз.

Қолданылуы

- 16 жастан бастап және одан асқан эпилепсиясы бар пациенттердегі салдарлы жайылған немесе онсыз парциальді ұстамаларды емдеуде қосымша ем ретінде

Қолдану тәсілі және дозалары

Вимпат® күніне екі рет таңертең және кешке қабылдануы тиіс. Ұсынылатын алғашқы доза күніне екі рет 50 мг құрайды, 1 аптадан соң дозаны күніне екі рет 100 мг-ге дейін арттырады.

Лакосамидпен емдеу 200 мг бір реттік екпінді дозамен басталуы, содан кейін шамамен 12 сағаттан кейін, доза күніне екі рет 100 мг (күніне 200 мг) тең тағайындалуы мүмкін. Екпінді доза пациенттерге лакосамидтің плазмада төзімді концентрациясына жылдам жетуін және емдік әсеріне сенімді екенін дәрігер анықтаған жағдайда қолданылуы мүмкін. Препарат дәрігердің бақылауымен орталықтық жүйке жүйесі тарапынан жағымсыз реакциялар санының артуы мүмкін екендігін ескере отырып қолданылуы тиіс (“Жағымсыз әсерлер” бөлімін қара). Екпінді дозаны қабылдау эпилепсиялық статус сияқты жедел жағдай кезінде ескерілмеген. Реакцияға және толеранттылыққа байланысты демеуші доза әрі қарай күніне екі рет 50 мг-ге дейін әр аптада ең жоғарғы ұсынылатын тәуліктік доза 400 мг (күніне екі рет 200 мг) дейін арттырылуы мүмкін. Вимпатты тағам қабылдауға байланыстырмай қолдануға болады.

Ағымдағы клиникалық тәжірибеге сай Вимпатты қабылдауды тоқтату қажет кезінде бұл препаратты қабылдауды біртіндеп тоқтату ұсынылады (мысалы, тәуліктік дозаны аптасына 200 мг-ге қысқарту).

Бүйрек жеткіліксіздігі бар пациенттерде қолдану. Бүйрек функциясының жеңіл және орташа бұзылуы бар пациенттерге (CLCR >30 мл/мин) дозаны реттеу қажет емес. Бүйрек функциясының жеңіл және орташа бұзылуы бар пациенттерге 200 мг екпінді доза қарастырылуы мүмкін, бірақ одан кейінгі дозаның титрленуі (күнделікті >200 мг) сақтықпен жүргізілуі тиіс. Бүйрек жеткіліксіздігі ауыр (CLCR ≤ 30 мл/мин) және бүйрек жеткіліксіздігінің соңғы сатысындағы пациенттерге ұсынылатын ең жоғарғы демеуші доза күніне 250 мг. Бұл пациенттерге дозаның титрленуі сақтықпен жүргізілуі тиіс. Екпінді дозаны қабылдау қажет болған кезде бастапқы доза 100 мг, алғашқы аптада күніне 50 мг екі рет қабылдануы қатар жүргізілуі тиіс. Гемодиализде жүрген пациенттерге тікелей гемодиализді аяқтағаннан кейін бөлінген тәуліктік дозаның 50%-ына дейін қосу ұсынылады. Бүйрек жеткіліксіздігінің терминалдық сатысындағы пациенттерді клиникалық тәжірибенің аз болуына және метаболиттің жиналуына байланысты (белгілі фармакологиялық белсенділікке ие емес) емдеу сақтықпен жүргізілгені жөн.

Бауыр функциясы бұзылған пациенттерде қолдану.

Жеңіл және орташа дәрежедегі бауыр жеткіліксіздігі бар пациенттерге дозаны реттеу қажет емес.

Мұндай пациенттерде, бүйрек функциясының бұзылуын ескеріп, дозаны сақтықпен титрлеу керек. 200 мг екпінді доза тағайындалуы мүмкін, бірақ дозаны (күнделікті > 200 мг) әрі қарай титрлеуді сақтықпен жүргізу ұсынылады. Ауыр бауыр жеткіліксіздігі бар пациенттердегі лакосамид фармакокинетикасы бағаланбаған (“Фармакокинетика” бөлімін қара).

Егде пациенттерде (65 жастан асқан) қолдану.

Егде жастағы пациенттерге дозаны азайту қажет емес. Эпилепсиясы бар егде пациенттерде лакосамид қолдану тәжірибесі шектеулі. Егде жастағы пациенттерде бүйрек клиренсінің жас ерекшелігіне қарай төмендеуі және қан плазмасында лакосамидтің концентрациясы ұлғаюы мүмкін екенін ескеру қажет.

Балаларда қолдану. Вимпат® препаратын балалар мен 16 жасқа дейінгі жасөспірімдерге тағайындау ұсынылмайды, өйткені осы жас топтарындағы препараттың қауіпсіздігі мен тиімділігі зерттелмеген.

Жағымсыз әсерлері

Жағымсыз әсерлер жиілігі былайша бағаланған: өте жиі (≥ 1/10), жиі (≥1/100 - < 1/10), жиі емес (≥ 1/1000 - < 1/100), белгісіз. Әр топта қолайсыз әсерлер күрделі сипатының азаю ретімен тізбеленген.

Өте жиі (≥ 1/10)

- бас айналуы

Бұл жағымсыз әсерден құлап, жарақаттар алу қаупі бар. Осыған орай, пациенттер бұл препаратқа өздерінің реакциясын бағалағанша, сақтық шарасын қадағалау керек.

- бас ауыруы

- диплопия

- жүрек айнуы

Жиі (≥1/100 - < 1/10)

- депрессия, тепе-теңдіктің бұзылуы, қозғалыс үйлесімінің бұзылуы, сананың шатасуы, ашушаңдық, ұйқысыздық

- жадының бұзылуы, когнитивті бұзылыс, зейіннің нашарлауы

- ұйқышылдық, тремор, дизартрия, сезімталдықтың азаюы, парастезия

- құлақтың шуылдауы, вертиго

- нистагм, анық көрмеу

- диспепсия, ауыздың құрғауы, құсу, іштің қатуы, метеоризм, диарея

- қышыну, бөртпе

- жүрістің бұзылуы, масаю сезімі

- астения, қажу

- құлап қалу, терінің зақымдалуы/ жарақаттану қаупінің жоғарылауы (қимыл үйлесімділігінің бұзылуы және бас айналу салдарынан), соғылулар

- бұлшықеттер түйілуі

Жиі емес (≥ 1/1,000 - < 1/100)

- аса жоғары сезімталдық реакциялары

- бауыр сынамаларының өзгеруі

- озбырлық, қозу, эйфория, психикалық бұзылыстар, суицид әрекеттері, суицид ойлары, елестеулер

- брадикардия, атриовентрикулярлық бөгеліс, жүрекше фибрилляциясы және жүрекшенің дірілдеуі

- ангионевроздық ісіну, есекжем

- PR аралығының дозаға тәуелді ұзаруы

Лакосамидтің қысқа мерзімдік проспективтік зерттеулерде эпилепсиясы бар пациенттерде жүрекшелер фибрилляциясы және дірілдеуі жағдайлары білінбеген, дегенмен бұл туралы эпилепсия кезінде ашық жүргізілген зерттеулерде хабарланды.

- естен тану

Естен тану лакосамид (0,1%) және плацебо (0,3%) алған пациенттерде жиі кездескен жоқ және жиілігі бойынша ерекшеленбеген.

• көктамыр ішіне енгізу

Көктамыр ішіне енгізген кездегі жағымсыз әсерлері жалпы пероральді түрін қолданған кезде байқалғандарға ұқсас болды, бірақ көктамыр ішіне енгізу препаратты инъекциялаған жердің ауыруы немесе жайсыздық (25%), тітіркену (1%) және эритема (0,5%) сияқты жергілікті жағымсыз әсерлермен байланысты болды.

Бас айналуы сияқты ОЖЖ тарапынан болатын жағымсыз әсерлер екпінді дозаны қабылдағаннан кейін көбеюі мүмкін.

Белгісіз

• агранулоцитоз

• уытты эпидермальді некролиз, Стивенс-Джонсон синдромы

• эозинофилиясы және жүйелі симптомдары (DRESS) бар дәрілік реакция

Жекелеген таңдаулы жағымсыз реакциялар сипаттамасы

Лакосамидті пайдалану PR аралығының дозаға тәуелді ұзаруымен байланысты. PR аралығының ұзаруымен байланысты жағымсыз реакциялар байқалуы мүмкін (мысалы, атриовентрикулярлық бөгеліс, естен тану, брадикардия).

Клиникалық зерттеулерде эпилепсиясы бар пациенттерде І дәрежелі атриовентрикулярлық бөгеліс көріністерінің пайызы жоғары болмады -0,7%, 0%, 0,5% және 200 мг, 400 мг, 600 мг лакосамид және плацебо үшін, тиісінше, 0,7%, 0%, 0,5% және 0% болды. ІІ дәрежелі және одан жоғары атриовентрикулярлық бөгеліс осы зерттеулерде болмады. Дегенмен, постмаркетингтік тәжірибеде лакосамидпен емдеген кезде ІІ және ІІІ дәрежелі атриовентрикулярлық бөгелістің пайда болу жағдайлары туралы хабарланған. Клиникалық зерттеулерде естен тану жиі кездескен жоқ және орын алған көрініс пайыздары лакосамид (0,1%) және плацебо (0,3%) қабылдаған эпилепсиямен ауыратын топтардағыдан ерекшеленбеді.

Жүрекше фибрилляциясы мен дірілдеуі қысқа мерзімдік клиникалық зерттеулерде белгіленбеді; алайда екі құбылыс та эпилепсия бойынша ашық зерттеулерде, сондай-ақ постмаркетингтік тәжірибеде анықталды.

Зертханалық көрсеткіштердің ауытқуы

Бақыланатын зерттеулерде 1-ден 3-ке дейін эпилепсияға қарсы препараттарды бір уақытта қолданған кезде парциальді құрысу ұстамалары бар ересек пациенттерде бауыр сынамаларының өзгеруі байқалды. Вимпат® қабылдаған 0,7% (7/935) және плацебо қабылдаған 0 % (0/356) пациентте 3 есе және одан жоғары АЛТ жоғарылауы байқалды.

Көп ағзаларды қамтитын аса жоғары сезімталдық реакциялары

Кейбір эпилепсияға қарсы препараттарды қабылдаған пациенттерде (сондай-ақ белгілі эозинофилиясы және жүйелі симптомдары (DRESS) бар реакциялар сияқты) көп ағзаларды қамтитын аса жоғары сезімталдық реакциялары байқалды. Осы реакциялар, экспрессияда ауыспалы болып табылады, бірақ, әдетте қызбамен және бөртпемен бірге болады және әртүрлі ағзалар жүйесі қатысуымен байланысты болуы мүмкін. Егер көп ағзаларды қамтитын аллергиялық реакциялар ықтималды болса, онда лакосамидті қабылдауды тоқтату керек.

Педиатриялық популяция

16-18 жастағы жасөспірімдерде жағымсыз әсерлердің жиілігі, типі және күрделілігі, күткендегідей, ересектерде байқалатындай параметрлермен сәйкес келеді. Лакосамидтің қауіпсіздігі 16 жастан кіші балаларда анықталмаған.

Қолдануға болмайтын жағдайлар

- препараттың белсенді және қосымша компоненттеріне жоғары сезімталдық

- ІІ және ІІІ дәрежелі атриовентрикулярлық бөгеліс

- 16 жасқа дейінгі балалар мен жасөспірімдер

- 18 жасқа дейінгі балалар мен жасөспірімдер (50 мг және 200 мг дозадағы таблеткалар үшін)

Дәрілермен өзара әрекеттесуі

Вимпат PR аралығының ұзаруын туғызатын дәрілік препараттар (мысалы, карбамазепин, ламотриджин, прегабалин) және I класты аритмияға қарсы препараттар алатын пациенттерде сақтықпен қолданылу керек. Дегенмен клиникалық зерттеулерде карбамазепинмен немесе ламотриджинмен біріктірілген лакосамидті бір мезгілде қабылдаған пациенттерде PR аралығының ұзаруы білінбеген.

Іn vitro зерттеулері

Зерттеулер нәтижелері лакосамидтің басқа препараттармен өзара әрекеттесуінің төмен ықтималдығын айғақтайды.

Іn vitro метаболизм зерттеулері лакосамидтің CYP1A2, 2B6 және 2C9 изоферменттерін индукцияламағанын көрсетеді. Клиникалық зерттеулер барысында қанда байқалған концентрацияларда лакосамид CYP1A1, 1A2, 2A6, 2B6, 2C8, 2C9, 2D6 және 2E1 изоферменттерін тежемегені байқалған.

Іn vitro зерттеуінде лакосамидтің ішекте Р-гликопротеинмен тасымалданбайтыны айғақталады. Іn vitro деректері CYP2С9, CYP2С19 және CYP3А4 изоферменттерінің О- дезметилметаболиттің түзілуін катализдеуге қабілетті екенін көрсетті.

Іn vivo зерттеулері

Клиникалық деректер лакосамидтің CYP2C19 және 3A4-ті изоферменттерін клиникалық маңызды деңгейге дейін индукцияламайтынын көрсетті.

Лакосамид мидазоламның (лакосамидтің күніне екі рет 200 мг дозасында CYP3A4 изоферменті арқылы метаболизденетін) қисық астындағы ауданға (AUС) әсерін тигізбейді, бірақ бұл ретте мидазоламның Сmax сәл артқан (30%). Лакосамид омепразолдың (лакосамидтің күніне екі рет 300 мг дозасында CYP2C19 және 3A4 изоферменті арқылы метаболизденетін) фармакокинетикасына әсерін тигізбейді.

CYP2C19 изоферментінің тежегіші - омепразол (күніне 4 рет 40 мг) лакосамидтің клиникалық мәнді экспозициясын арттырған жоқ. Осылайша, CYP2C19 изоферментінің орташа тежегіштерінің клиникалық маңызды мәнге дейін лакосамидтің жүйелі экспозициясына әсер ететіні екіталай.

Лакосамидтің жүйелі экспозициясының артуына әкелетін CYP2C19 изоферментінің (мысалы, флуконазол) және CYP3A4 изоферментінің (мысалы, итраконазол, кетоконозол, ритонавир, кларитромицин) күшті тежегіштерімен бір мезгілде қолданғанда сақ болу керек. Бұл өзара әрекеттесулер in vivo дәлелденбеген, бірақ in vitro деректері негізінде болуы мүмкін.

Рифампицин немесе шілтерленген шайқурай (Hypericum perforatum) сияқты бауырдың микросомальді ферменттерінің күшті индукторлары лакосамидтің жүйелі концентрациясының орташа төмендеуін туғызуы мүмкін. Осыған байланысты осы тектес препараттарды тағайындағанда немесе қабылдауды тоқтатқанда сақ болу керек.

Эпилепсияға қарсы препараттар. Өзара әрекеттесулері бойынша зерттеулерде лакосамид плазмадағы карбамазепин және вальпрой қышқылы концентрацияларының елеулі өзгерістерін туғызбаған. Өз кезегінде, карбамазепин мен вальпрой қышқылы плазмадағы лакосамид деңгейлеріне әсер етпеген.

Плацебо-бақыланатын клиникалық зерттеулер парциальді ұстамалары бар пациенттерде плазмадағы леветирацетам, карбамазепин, карбамазепин эпоксидінің, ламотриджин, топирамат, окскарбазепин моногидроксидериватының, фенитоин, вальпрой қышқылының, фенобарбитал, габапентин, клоназепам, зонисамидтің тұрақты концентрациясының кез келген дозадағы лакосамид қатарлас қолданылған кезде өзгермегенін көрсетті.

Қауымдық фармакокинетикалық талдау деректері бойынша, ферменттерді индукциялайтын эпилепсияға қарсы басқа да дәрілермен (әртүрлі дозалардағы карбамазепин, фенитоин, фенобарбитал) қатарлас емдеу лакосамидтің жалпы жүйелік мөлшерін 25% төмендетті.

Ішуге арналған контрацептивтер. Өзара әрекеттесулер жөніндегі зерттеулерде лакосамид пен ішуге арналған контрацептивтер – этинилэстрадиол мен левоноргестрелдің арасындағы клиникалық мәнді өзара әрекеттесуі анықталмаған. Лакосамид прогестерон концентрациясына әсер етпеген.

Басқалар. Лакосамид дигоксин фармакокинетикасына әсер еткен жоқ. Лакосамид пен метформиннің клиникалық елеулі әрекеттесуі анықталмаған.

Варфарин мен лакосамидті бірге енгізу варфариннің фармакокинетикалық және фармакодинамикалық әсерінің клиникалық елеулі өзгерістеріне алып келмейді.

Лакосамидтің алкогольмен өзара әрекеттесуі жөнінде деректер жоқ.

Лакосамидтің қан плазмасы ақуыздарымен байланысу дәрежесі 15%-дан аз құрайды. Осыған орай, ақуыздармен байланысатын басқа препараттармен клиникалық елеулі өзара әрекеттесу ықтималдығы аз.

Айрықша нұсқаулар

Вимпатты біртіндеп тоқтату (аптасына 200 мг-ден) ұсынылады.

Бас айналуы

Вимпатпен емдеу кездейсоқ зақымдану немесе құлап қалу жиілігін арттыруы мүмкін бас айналудың дамуымен қатар жүрген. Сондықтан, пациенттер дәрінің әлеуетті әсер етуі жөнінде хабарланған болуы тиіс, әрі сақтық танытуы қажет.

Жүрек ырғағы және өткізгіштігі

Клиникалық зерттеулерде лакосамидпен емдеу кезінде PR аралығының ұзаруы байқалды. Препаратты сыртартқысында миокард инфарктісі немесе жүрек жеткіліксіздігі сияқты жүрегінің ауыр сипатты аурулары мен өткізгіштігінің бұзылулары бар пациенттерде абайлап қолданған дұрыс. Жүрек ауруларының жоғары қауіп тобында болатын егде пациенттерде немесе лакосамид PR аралығын ұзартатын препараттармен біріктіріліп қолданылғанда ерекше сақтық шарасын қадағалау керек.

Постмаркетингтік зерттеулерде екінші немесе жоғары дәрежедегі атрио-вентрикулярлық бөгеліс жөнінде хабарланды. Лакосамидтің плацебо-бақыланатын зерттеулерінде эпилепсиясы бар пациенттерде жүрекшелер жыпылықтауы немесе дірілдеуі жағдайлары жөнінде хабарланбаған, алайда эпилепсияға ашық жүргізілген зерттеуде және препарат қолданудың постмаркетингтік тәжірибесінде атап өтілген. Пациенттер екінші немесе жоғары дәрежелі атриовентрикулярлық бөгеліс симптомдарын (мысалы, тамырдың баяу немесе жүйесіз соғуы, бас айналуын сезіну және естен танулар) және жүрекшелер фибрилляциясы мен дірілдеуінің симптомдарын (мысалы, жүректің жиі соғуы, жылдам немесе жүйесіз тамыр соғысы, ентігу) хабардар болуы тиіс. Олар пайда болған жағдайда, дәрігерге көрінуі қажет.

Суицидтік ойлар мен мінез-құлық

Суицидтік ойлар мен мінез-құлық әртүрлі көрсетілімдер бойынша АЭП алған пациенттерде тіркелген. Плацебо-бақыланған рандомизацияланған ЭҚП зерттеулерінің мета-талдауы да суицидтік ойлар мен мінез-құлық қатерінің біршама жоғарылағанын көрсетті. Бұл қауіп механизмі белгісіз, ал қолда бар деректер лакосамидке тән қауіптің артуы мүмкін екенін жоққа шығармайды.

Пациенттерде суицидтік ойлар мен мінез-құлықтың белгілеріне мониторинг жүргізу керек, сондай-ақ тиісті емдеу қарастырылуы тиіс. Пациенттер және науқастарды күтіп-бағатын тұлғалар қауіптің болатындығы және суицидтік ойлар мен мінез-құлықтың белгілері пайда болған жағдайда мамандардан кеңес алу керектігі жөнінде ескерту керек.

Жүктілік және лактация кезеңі

Эпилепсиямен және жалпы эпилепсияға қарсы дәрілер қолданумен байланысты қауіп. Эпилепсиясы бар әйелдерден туған жас нәрестелерде туа біткен ақаулар жиілігі жалпы қауымдағыдан 2-3 есе жоғары (бұл көрсеткіш соңғы жағдайда шамамен 3% құрайды). Жүкті әйелдердегі эпилепсияға қарсы біріктірілген ем балалардағы туа біткен ақаулар жиілігінің артуымен қатар жүрді, дегенмен оның емделумен және/немесе аурудың өзімен қандай дәрежеде байланысты екені түсініксіз күйінде қалды. Ол өз алдына, жүктілік кезінде эпилепсияға қарсы тиімді емді үзуге болмайды, өйткені сырқаттың нашарлап кетуі салдарынан ана да, ұрық та күрделі зардап шегуі мүмкін.

Лакосамидпен байланысты қауіп. Жүкті әйелдерде лакосамид қолдану жөнінде сенімді деректер жоқ. Егеуқұйрықтар мен үй қояндарына жасалған тәжірибелерде тератогенділік белгілері болған жоқ, алайда препарат ұрғашылар үшін уытты дозаларда енгізілгенде эмбриоуыттылық белгілері анықталған. Жүкті әйелдер үшін болжамды қаупі белгісіз. Вимпатты емдеу қажеттілігі айқын жағдайларды қоспағанда (егер анасы үшін пайдасы ұрық үшін ықтималды қауіптен артық болса), жүкті әйелдерде қолдануға болмайды. Егер әйел жүктілікті жоспарласа, осы препаратты қолданудың мақсатқа сай келуін тиянақты таразылап алу қажет.

Лактация. Лакосамидтің адамда емшек сүтімен бөлініп шығуы жөнінде мәліметтер жоқ. Жануарларға жасалған тәжірибелерде лакосамидтің желін сүтімен шығарылатыны анықталды. Осыған орай, Вимпат® препаратымен емделу кезінде емшекпен қоректендіруді тоқтату керек.

Фертильділігі

Адамдарға арналған ең жоғарғы ұсынылған дозаны қолданған кезде плазмада (AUС) адам плазмасындағы AUС–ден шамамен 2 есе жоғары концентрация қалыптастыратын дозада егеуқұйрықтардың екі жынысында да фертильділігі немесе ұрпақ өрбіту тарапынан жағымсыз реакциялар байқалған жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Вимпат автокөлікті басқару немесе күрделі техниканы пайдалану қабілетіне аздап немесе орташа әсерін тигізуі мүмкін. Бұл препаратпен емдеу бас айналуының немесе көз алды тұмандануының дамуымен қатар жүрді. Тиісінше, пациенттер автокөлік жүргізуге немесе күрделі техниканы басқаруға болмайды.

Артық дозалануы

Симтомдары

Клиникалық зерттеу деректері

Емдік дозадан тыс дозаны қабылдаған пациенттерде жағымсыз реакциялар типтері лакосамидтің ұсынылған дозасын қабылдаған пациенттердегі жағымсыз реакциялар типінен ерекшеленген жоқ. Препаратты тәулігіне 1,200 мг дозада қабылдағаннан кейін орталық жүйке жүйесі (мысалы, бас айналуы) және асқазан-ішек жолдары (мысалы, жүрек айнуы, құсу) тарапынан клиникалық симптоматика байқалды, бұл дозаны төмендеткеннен кейін дозаны азайтудан соң басылды. Препаратты басқа эпилепсияға қарсы препараттардың уытты дозасымен бірге қолданған кезде лакосамидтің аса жоғары мәлімделген артық дозалануы 12 000 мг препаратты құрады. Сипатталған жағдайда науқаста алдымен АV-бөгеліс туындады, пациент кома жағдайына түсті, содан соң қайтымсыз салдарсыз толық қалпына келді.

Постмаркетингтік қолдану тәжірибесі

1000 мг-ден және 12000 мг бір реттік дозадан кейін жайылған тонико-клоникалық ұстамалар, эпилепсиялық статус және жүрек өткізгіштігінің бұзылуы байқалды. Кардиоваскулярлық қауіп факторы бар пациентте 7000 мг лакосамидті қабылдағаннан кейін жүректің фатальді бөгелісі байқалды.

Емі: жалпы демеу шаралары және қажет болғанда гемодиализ. Лакосамидтің у қайтарғысы белгісіз.

Шығарылу түрі және қаптамасы

14 таблеткадан поливинилхлоридті және поливинилдихлоридті (ПВХ/ПВДХ) үлбірден және алюминий фольгадан жасалған пішінді ұяшықты қаптамада.

1, 4 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Сақтау шарттары

25 ºС -ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

Эйсика Фармасьютикалз ГмбХ

Галилейштрассе 6,

08056 Цвиккау, Германия

Тіркеу куәлігінің иесі

ЮСБ Фарма С.А., Бельгия

Қаптаушы

Эйсика Фармасьютикалз ГмбХ

40879, Монхайм, Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«ЮСБ Фарма ГмбХ» компаниясының ҚР өкілдігі, 050000, Алматы қ., Төле би к-сі 69, 21 кеңсе, тел.: + 7 (727) 222- 13- 76; +7 (727) 222- 14-66

ainsh.shalmanova@ucb.com +7 701 720 38 16