Вальдоксан® (25 мг)

Вальдоксан®

Агомелатин

Үлбірлі қабықпен қапталған таблеткалар, 25 мг

Бір таблетканың құрамында

белсенді зат: 25 мг агомелатин,

қосымша заттар: лактоза моногидраты, магний стеараты, жүгері крахмалы, повидон, сусыз коллоидты кремнийдің қостотығы, натрий крахмалы гликолаты (А типі), стеарин қышқылы, глицерол, гипромеллоза, темірдің (III) сары тотығы Е172, макрогол 6000, титанның қостотығы Е171.

Ұзынша пішінді, қызылсары-сары түсті үлбірлі қабықпен қапталған, ұзындығы 9.5 мм және ені 5.1 мм, бір жағында көгілдір түсті бедері бар таблеткалар.

Жүйке жүйесінің ауруларын емдеуге арналған препараттар. Басқа да антидепрессанттар. Агомелатин

АТХ коды N06AX22

Фармакокинетикасы

Ішке қабылдағаннан кейін агомелатин жылдам және жақсы (≥80%) сіңіріледі. Абсолюттік биожетімділігі төмен (орташа емдік дозасының <5%-ы) және әр түрлі тұлғада айтарлықтай ауытқып тұрады. Әйелдерде агомелатиннің биожетімділігі ерлерге қарағанда жоғары, пероральді контрацептивтерді бір мезгілде қабылдағанда жоғарылайды және шылым шеккен кезде төмендейді. Қан плазмасындағы ең жоғарғы концентрациясына 1-2 сағат ішінде жетеді.

Емдік дозалары ауқымында агомелатиннің экспозициясы дозасына пропорциональді жоғарылайды. Аса жоғары дозаларында «бірінші өту» әсерінен туындаған қанығуына жетеді. Ас ішу препараттың биожетімділігі мен сіңірілу жылдамдығына әсер етпейді. Вариабельділігі майлылығы жоғары ас ішкен кезде арта түседі.

Стационарлық жағдайдағы таралу көлемі 35 л жуықты құрайды. Қан плазмасы ақуыздарымен байланысуы концентрациясына байланыссыз, 95%-ды құрайды. Бұл көрсеткіш егде жастағы пациенттерде, бүйрек функциясының бұзылулары бар пациенттерде өзгермеген, бірақ бос (байланыспаған) фракциясының көлемі бауыр функциясының бұзылуы кезінде екі есе артады.

Пероральді енгізгенде агомелатин бауырда жылдам, негізінен CYP1A2 изоферментінің қатысуымен, азғантай дәрежеде - CYP2С9 және CYP2С12 изоферменттерінің көмегімен метаболизденеді. Негізгі метаболиттері – гидроксилденген және деметилденген агомелатин – белсенді емес және жылдам байланысады және несеппен шығарылады.

Агомелатиннің жартылай шығарылу кезеңі (T1/2) орташа алғанда 1-ден 2 сағатқа дейінді, клиренсі - 1100 мл/минутқа жуықты құрайды. Негізінен бүйрекпен (80%) метаболиттер түрінде шығарылады. Өзгермеген заттың несеппен экскрециясы өте төмен.

Қайта қабылдағанда агомелатиннің кинетикасы өзгермейді.

Ерекше клиникалық жағдайларда фармакокинетикасы

Бауыр функциясының ауыр бұзылулары бар пациенттерде фармакокинетикалық параметрлерінің релеванттық өзгерістері білінбеген (n=8, 25 мг бір реттік дозасы).

Бауыр функциясының жеңіл (Чайлд-Пью жіктеуі бойынша А типі) немесе орташа (Чайлд-Пью жіктеуі бойынша В типі) бұзылуларымен бауыр циррозы бар пациенттерде агомелатиннің экспозициясы едәуір артады.

Фармакодинамикасы

Вальдоксан® - мелатониндік рецепторлардың (МТ1 және МТ2) агонисі және 5-НТ2С серотониндік рецепторларының антагонисі. Препарат моноаминдердің қармалуына әсер етпейді және ά- және β-адренергиялық, гистаминдік, холинергиялық, допаминдік және бензодиазепиндік рецепторларға туыстас емес, бұл Вальдоксанда® басқа антидепрессанттарға тән асқазан-ішек жолына, сексуалдық функцияға және жүрек-қантамыр жүйесіне жағымсыз әсерлердің жоқтығымен түсіндіріледі.

Вальдоксан® циркадтық ырғақтарды бұзылуы кезінде қайта синхрондайды, фазаларды оң жылжыту қасиеттеріне ие, ұйқы фазасын жақындатады, дене температурасының төмендеуіне және мелатонин секрециясының басталуына алып келеді. Әсіресе ми қабығының маңдай тұсындағы норадреналин және допамина секрециясын жоғарылатады және серотониннің жасушадан тыс деңгейлеріне әсер етпейді.

Вальдоксан® депрессия модельдеріне (жүре пайда болған дәрменсіздікке жүргізілген тест, мінез-құлық қажуына жүргізілген тест, айқындығы орташа созылмалы стресс), циркадтық ырғақ десинхронизациясы бар үлгілерде, сондай-ақ үрей мен стрестің тәжірибелік жағдайларында антидепрессант тәрізді әсер береді.

Препарат ұйқының қалыпты құрылымын бұзбайды және депрессиямен науқастарда ұйқыға жағымды әсер береді.

Вальдоксан® дене салмағына әсер етпейді.

6 ай бойы қабылдағанда препарат антидепрессанттық тиімділігін сақтайды және қайталану жиілігін азайтады.

Вальдоксан® күндізгі уақыттағы есте сақтау мен қырағылыққа әсер етпейді.

Тоқтату синдромы тіпті емдеуді күрт тоқтатқанда да дамымайды. Вальдоксан® дағдылану туғызбайды.

• үлкен депрессиялық бұзылыста

Ұсынылатын дозасы: ішке 25 мг (1 таблетка) ұйықтар алдында тәулігіне 1 рет.

Қажет болса, екі апталық емдеуден кейін дозасын тәулігіне 1 рет 50 мг (2 таблетка) дейін арттыруға болады.

Препараттың ең жоғарғы тәуліктік дозасы 50 мг құрайды.

Дозасын арттыру туралы шешім қабылдағанда, трансаминазалар мөлшерінің арту қаупінің жоғарылығын ескеру керек. Дозасын 50 мг-ге кез-келген арттыру, әр пациент үшін жекелей пайда/қауіп арақатынасын ескере отырып, және бауыр функциясын тұрақты бақылаумен жүргізілуі тиіс.

Емдеуді бастар алдында бауыр функциясын тексеру үшін тест жүргізу керек. Трансаминазалар жоғарғы қалып шегінен 3 есеге асып кеткен жағдайда емді бастауға болмайды. Емдеу барысында трансаминазалар деңгейін мына жүйелілікпен: 3 аптадан кейін, 6 аптадан (жедел фазасының аяқталуы), 12 аптадан, 24 аптадан соң, содан кейін клиникалық көрсетілімдері бойынша бақылап отыру керек. Трансаминазалар жоғарғы қалып шегінен 3 есеге асып кеткен жағдайда емді тоқтату керек.

Дозаны арттырғанда да бауыр функциясын емдеудің басындағыдай ретпен тексеру керек.

Емдеудің ұзақтығы депрессия көрінісі тоқтағаннан кейін кемінде 6 айды құрайды.

Антидепрессанттық препараттармен СИОЗС/СИОЗСН емдеуден агомелатинмен емдеуге көшу

Антидепрессанттық препаратты СИОЗС/СИОЗСН қабылдауды тоқтатқаннан кейін пациенттерде емді тоқтату симптомдары пайда болуы мүмкін.

Агомелатинді қабылдауды СИОЗС/СИОЗСН препараты дозасын біртіндеп төмендете отырып, бірден бастауға болады.

Емдеуді тоқтату дозасын біртіндеп төмендетуді қажет етпейді.

Егде жастағы пациенттер:

Агомелатиннің тиімділігі мен қауіпсіздігі (күніне 25-тен 50 мг дейін) егде жастағы пациенттерде (< 75 жас) анықталған. ≥ 75 жас шамасындағы пациенттерде әсері байқалмаған, сондықтан агомелатинді бұл жас тобындағы пациенттерге тағайындамау керек. Жас шамасына байланысты дозасын түзету қажет емес.

Бүйрек функциясының бұзылулары бар пациенттер:

Вальдоксанды® бүйрек функциясының орташа немесе ауыр бұзылулары бар пациенттерге тағайындағанда клиникалық мәліметтердің шектеулілігіне байланысты, сақтық таныту керек.

Өте жиі (≥1/10), жиі (≥1/100, <1/10), жиі емес (≥1/1000, <1/100), сирек (≥1/10000, <1/1000), өте сирек (<1/10000), жиілігі анықталмаған (қолда бар мәліметтердің негізінде даму жиілігіне баға беру мүмкін емес).

Жиі

• бас ауыруы, бас айналуы, ұйқышылдық, ұйқысыздық, бас сақинасы, үрейлену

• жүрек айнуы, құсу, іштің қатуы, іштің ауыруы, АСТ және/немесе АЛТ трансаминазалары деңгейінің жоғарылауы (клиникалық зерттеулердің деректерінде, плацебо қабылдаған 0,6% пациенттермен салыстырғанда, тәулігіне 25 мг агомелатин қабылдаған 1,4% пациенттерде және тәулігіне 50 мг агомелатин қабылдаған 2,5 % пациенттерде ALAT және/немесе ASAT үшін қалыптың жоғары шегінің 3 есе жоғарылауы көрсетілді), диарея

• гипергидроз

• арқаның ауыруы

• шаршау сезімі

Жиі емес

• мазасыздық (ашушаңдық және шаршау симптомымен байланысты), озбырлық, түнгі қорқыныштар және түс көрулер, парестезиялар

• тынымсыз аяқ синдромы

• тиннитус

• көру жітілігінің бұзылуы

• экзема, қышыну, есекжем

Сирек

• елестеулер, мания/гипомания (бұл симптомдар негізгі ауруға байланысты болуы мүмкін)

• гепатит, бауыр жеткіліксіздігі, сарғаю, сілтілік фосфатазаның (қалыптың жоғарғы шегінен 3 есеге асады) және гамма-глютамилтрансферазаның* (GGT) жоғарылауы (қалыптың жоғарғы шегінен 3 есеге асады)

• эритематоздық бөртпе, беттің ісінуі және ангионевроздық ісіну

• дене салмағының жоғарылауы, дене салмағының төмендеуі (клиникалық зерттеулердің негізінде)

Жиілігі белгісіз

• суицидтік ойлардың немесе суицидтік мінез-құлықтың туындауы.

• препараттың белсенді затына немесе қосымша заттарының біріне жоғары сезімталдық

• бауыр функциясының бұзылулары (яғни, бауыр циррозы немесе белсенді ауруы) немесе трансаминазалар деңгейінің қалыптың жоғарғы шегінен 3 есе артық жоғарылауы

• CYP1A2 изоферментінің күшті тежегіштерін (флувоксамин, ципрофлоксацин) қатарлас қабылдау

• 18 жасқа дейінгі балалар мен жасөспірімдерге

• 75 жастан асқан егде жастағы пациенттер

Агомелатиннің метаболизмі негізінен P450 1A2 (CYP1A2) (90%) және CYP2C9/19 (10 %) цитохромының қатысуымен жүреді. Бұл изоферменттермен өзара әрекеттесетін препараттар агомелатин биожетімділігінің азаюына немесе артуына алып келуі мүмкін.

CYP1A2 күшті және CYP2C9 орташа тежегіші, флувоксаминнің агомелатин метаболизміне айқын тежегіштік әсер беретіні көрсетілген, бұл агомелатин экспозициясының 60 есе (12-ден 412 есеге дейінгі ауқымда) артуына алып келеді.

Сондықтан Вальдоксанды® CYP1A2 күшті тежегіштерімен (мысалы, флувоксаминмен, ципрофлоксацинмен) қатарлас қабылдау қарсы көрсетілімді.

Агомелатинді эстрогендермен (CYP1A2 орташа тежегіштерімен) біріктіру агомелатин экспозициясының бірнеше есе артуына алып келеді. Агомелатинді CYP1A2 басқа орташа тежегіштерімен (мысалы, пропранололмен, грепафлоксацинмен, эноксацинмен) тағайындағанда сақ болу керек.

Рифампицин, агомелатиннің метаболизміне қамтылған барлық үш цитохромның индукторы, агомелатиннің биожетімділігін төмендетуі мүмкін.

Шылым шегу CYP1A2 цитохромын индукциялайды және әсіресе кәнігі шылымқорларда (күніне ≥15 темекі) агомелатиннің биожетімділігін төмендетеді.

Вальдоксан® метаболизмі Р450 (CYP450) цитохромының қатысуымен жүретін басқа препараттардың экспозициясы өзгерістерін туғызбайды.

Вальдоксан® плазма ақуыздарымен жақсы байланысатын препараттардың бос концентрацияларының өзгеруіне әсер етпейді.

Вальдоксанның® бензодиазепиндермен, литий препараттарымен, пароксетинмен, флуконазолмен немесе теофиллинмен фармакодинамикалық немесе фармакокинетикалық өзара әрекеттесулері анықталмаған.

Вальдоксанмен® емдеу кезінде алкогольді қабылдау ұсынылмайды.

ЭКЕ (электроконвульсивтік ем) және Вальдоксанның® бір мезгілде қолданылуының клиникалық жағымсыз салдарларының дамуы ықтималдығы аз.

Бауырдың зақымдану жағдайлары, соның ішінде бауыр жеткіліксіздігі (өліммен аяқталған шектеулі жағдайлар немесе бауыр үшін қауіп факторлары бар пациенттерде бауырды ауыстырып қондыру жағдайлары туралы бірнеше хабарламалар бар), бауыр ферменттері деңгейінің нормадан 10 есе асатын жоғарылауы, гепатит және сарғаю пациенттерде тіркелген. Олардың көпшілігі емдеудің алғашқы айларында басталған. Бауырдың зақымдану сипаты көбінесе гепатоцеллюлярлық болған. Вальдоксанды® қабылдауды тоқтатқаннан кейін қан сарысуындағы трансаминазалар мөлшері әдетте нормаға қайта келген.

Барлық пациенттерді, әсіресе, бауыр зақымдануының қауіп факторлары бар пациенттерді емдеуді бастар алдында және бауыр зақымдануының туындау қаупі болжанатын дәрілік препараттарды біріктіріп қабылдағанда сақ болу, сондай-ақ емдеу кезеңі бойы мұқият бақылау жүргізу қажет.

Емдеуді бастар алдында

Бауыр зақымдануының, мысалы, семіздік/артық салмақ/алкогольдік емес бауыр стеатозы, диабет, алкогольді көп қолдану қауіп факторлары бар пациенттерде, сондай-ақ бауыр зақымдануының туындау қаупі болжанатын дәрілік препараттарды біріктіріп қабылдайтын пациенттерде пайда/қауіп арақатынасын мұқият бағалағаннан кейін ғана Вальдоксанмен® емдеуді тағайындау керек.

Бауыр функциясын бақылауды жүзеге асыру барлық пациенттерде емдеуді бастар алдында міндетті болып табылады; емдеуді ALT және/немесе AST бастапқы мәндері қалыптың жоғарғы шегінен 3 есеге асатын пациенттерге тағайындауға болмайды. Емді бастар алдында трансаминазалар деңгейі жоғары пациенттерге Вальдоксанды® тағайындағанда сақ болу қажет (қалыптың жоғарғы шегінен асуы, бірақ 3 еседен көп емес).

Емдеу кезеңі бойы

Вальдоксанмен® емдеуді дереу тоқтату керек, егер:

• пациентте бауырдың әлеуетті зақымдану симптомдары немесе белгілері дамыса (несептің күңгірттенуі, нәжістің ашық түске боялуы, терінің/көздің ағының сарғаюы, іштің жоғарғы оң жақ бөлігінің ауыруы, тұрақты алғаш анықталған және әдеттен тыс шаршау).

• сарысуда трансаминазалар деңгейі қалыптың жоғарғы шектік мәнінен 3 есеге асады.

Вальдоксанмен® емдеуді тоқтатқаннан кейін сарысуда трансаминазалар деңгейі қалыпқа келгенге дейін бауыр функциясына екінші қайтара бақылау жүргізу керек.

Балалар мен жасөспірімдерде қолданылуы

Вальдоксан® 18 жасқа толмаған пациенттердегі депрессияны емдеу үшін ұсынылмайды, өйткені Валдоксанның бұл жас тобындағылар үшін қауіпсіздігі мен тиімділігі анықталмаған. Басқа антидепрессанттарды қабылдаған балалар мен жасөспірімдердегі клиникалық зерттеулерде суицидтік мінез-құлық (суицид әрекеттері және суицидтік ойлар) мен өшігу (негізінен, озбырлық, оппозициялық мінез-құлық және ашулану) плацебо қабылдағандарға қарағанда жиірек байқалған.

Деменциясы бар егде жастағы пациенттерде қолданылуы

Вальдоксанды® деменциясы бар егде жастағы пациенттерде үлкен депрессия көріністерін емдеу үшін тағайындамаған жөн, өйткені Вальдоксанның® бұл пациенттердегі қауіпсіздігі мен тиімділігі анықталмаған.

Биполярлық бұзылыс / мания/ гипомания

Анамнезінде биполярлық бұзылыстар, мания немесе гипомания бар пациенттерге тағайындағанда сақтық таныту және егер, пациентте маниакальді жағдайлар дамыса, емдеуді тоқтату керек.

Суицид / суицидтік ойлар:

Депрессия суицидтік ойлар, өзіне дене жарақатын салу және суицид қаупінің жоғарылауымен (суицидтік ойлар және құбылыстар) қатар жүреді. Бұл қауіп елеулі ремиссия басталғанға дейін сақталады. Емдеудің алғашқы бірнеше және одан көп апталарында жақсару басталмауы мүмкін болғандықтан, жағдай жақсарғанға дейін пациентке мұқият қадағалау жүргізу керек. Жалпы клиникалық тәжірибе, сауығудың бастапқы сатыларында суицид қаупі артуы мүмкін екендігін көрсетеді.

Анамнезінде суицидтік ойлар мен құбылыстар болған пациенттер немесе суицидтік ойлар деңгейі елеулі пациенттер емдеу кезінде суицидтік ойлар немесе әрекеттер қаупіне көп дәрежеде ұшырайтыны белгілі және оларға емдеу кезінде мұқият қадағалау жүргізілуі тиіс. Антидепрессанттарды қабылдағанда 25 жастан кіші пациенттерде плацебо қабылдаумен салыстырғанда суицидтік мінез-құлық қаупі жоғары.

Бұл пациенттерді, атап айтқанда, қауіп дәрежесі жоғары пациенттерді емдеу әсіресе, емдеудің ерте сатысында және дозасын өзгерткенде мұқият қадағалаумен қатар жүруі тиіс. Пациенттерге (және пациенттерге күтім жасайтын адамдарға) кез-келген клиникалық нашарлауларды қадағалау, суицидтік мінез-құлық немесе ойлар, сондай-ақ мінез-құлықтағы әдеттен тыс өзгерістер туралы, және бұл симптомдар пайда болған жағдайда дереу медициналық жәрдемге хабарласу қажеттілігі туралы ескертілуі тиіс.

Вальдоксанды® агомелатин экспозициясының артуына алып келуі мүмкін CYP1A2 орташа тежегіштерімен (мысалы, пропранололмен, грепафлоксацинмен, эноксацинмен) бірге тағайындағанда сақ болу керек.

Препараттың құрамында лактоза бар, сондықтан оны туа біткен галактоземия, глюкоза-галактоза мальабсорбциясы синдромы, сондай-ақ Лапп лактазасы тапшылығы кезінде қолдану керек.

Жүктілік және лактация кезеңі

Агомелатинді жүкті әйелдердің қолдануы жөніндегі мәліметтер (300-дан аз жүктілікте) жоқ немесе шектеулі. Сақтық таныту мақсатында Вальдоксанның жүктілік кезінде қабылдануын болдырмаған дұрыс.

Агомелатин және/немесе оның метаболиттері адамда емшек сүтіне бөлінетін-бөлінбейтіндігі белгісіз. Қолда бар фармакодинамикалық және токсикологиялық мәліметтер, агомелатин және/немесе оның метаболиттерінің емшек сүтіне бөлінетіндігін көрсетеді. Жаңа туған нәрестелер мен сәбилер үшін қаупін жоққа шығаруға болмайды. Бала емізуді тоқтату немесе Вальдоксанмен емдеуді тоқтату/бас тарту туралы шешім қабылдағанда, бала емізудің сәби үшін пайдасы мен емдеудің әйел үшін пайдасын ескеру керек.

ностфер Егеуқұйрықтардың және үй қояндарындарының тұқым өрбіту функциясына жүргізілген зерттеулерінде агомелатиннің фертильділікке әсері анықталмады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлік жүргізу және механизмдерді басқару қабілетіне препараттың әсер етуіне зерттеулер жүргізілген жоқ.

Пациенттерге жоғары зейін қоюды және психомоторлық реакциялардың жоғары жылдамдығын қажет ететін қауіптілігі зор қызмет түрлерін орындауда сақтық таныту керек.

Симптомдары: агомелатиннің артық дозалану тәжірибесі шектеулі, эпигастрий тұсының ауыруы, ұйқышылдық, қажығыштық, үрейлі қозу, мазасыздық, ширығу, бас айналуы, цианоз немесе дімкәстану байқалуы мүмкін.

2450 мг агомелатинді қабылдаған пациентте, қалпына келу жүрек-қантамырлық және өмірлік маңызы бар жүйелер мен ағзалар тарапынан басқа да бұзылуларсыз өздігінен болды.

Емі: агомелатин үшін арнайы антидоты белгісіз. Артық дозалануы кезіндегі әрекеттер клиникалық симптомдарын емдеуден және әдеттегі мониторинг жүргізуден тұруы тиіс. Стационарда медициналық қадағалау ұсынылады.

Шығарылу түрі және қаптамасы

10 немесе 14 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

2 немесе 10 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапқа салынған.

30С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Рецепт арқылы

Өндіруші

Les Laboratoires Servier Industrie (Ле Лаборатуар Сервье Индастри), Франция

немесе

Servier (Ireland) Industries Ltd (Сервье (Ирландия) Индастриз Лтд), Ирландия

Les Laboratoires Servier (Ле Лаборатуар Сервье), Франция

Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Сервье Казахстан» ЖШС

050020, Алматы қ., Достық д-лы 310г, Бизнес орталығы, 3 қабат

Тел.: (727) 386 76 62/ 63/64/70/71

Факс: (727) 386 76 67

Электронды поштасы: kazadinfo@kz.netgrs.com