ВАЛМАК-Н (320 мг/ 25 мг)

• русский
• қазақша

• Скачать инструкцию медикамента

Саудалық атауы

ВАЛМАК - Н

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған 80мг/12,5мг, 160мг/12,5мг,

320 мг/12,5мг, 160мг/25мг, 320мг/25мг таблеткалар

Құрамы

Бір таблетканың құрамында

белсенді заттар: 80 мг валсартан /12,5 мг гидрохлортиазид

160 мг валсартан /12,5 мг гидрохлортиазид

320 мг валсартан /12,5 мг гидрохлортиазид

160 мг валсартан /25 мг гидрохлортиазид

320 мг валсартан /25 мг гидрохлортиазид,

қосымша заттар: микрокристалды целлюлоза (Avicel PH101), кросповидон (Полипласдон XL), коллоидты сусыз кремнийдің қостотығы (аэросил 200), магний стеараты,

қабықтың құрамы:

80/12,5

Opadry қызғылт 03F84641 (гипромеллоза – 62.50 %, титанның қостотығы (Е 171) – 24.23 %, полиэтиленгликоль 8000 (макрогол) – 6.25 %, тальк – 5.00 %, темірдің (III) қызыл тотығы (Е 172) – 1.10 %, темірдің (III) сары тотығы (Е 172) – 1.10 %),

160/12,5

Opadry қоңыр 03F565001 (гипромеллоза – 60.00 %, титанның қостотығы (Е 171) – 12.00 %, полиэтиленгликоль 8000 (макрогол) – 10.00 %, тальк – 5.00 %, темірдің (III) қызыл тотығы (Е 172) – 13.00 %),

160/25мг

Opadry қоңыр 03F57311 (гипромеллоза – 62.50 %, титанның қостотығы (Е 171) – 12.00 %, полиэтиленгликоль 8000 (макрогол) – 6.25 %, тальк – 5.00 %, темірдің (III) қызыл тотығы (Е 172) – 2.05 %, темірдің (III) сары тотығы (Е 172) – 12.00 %, темірдің (III) қара тотығы (Е 172) – 0.2 %.),

320/12,5

Opadry қызғылт 03F540000 (гипромеллоза – 62.50 %, титанның қостотығы (Е 171) – 25.81 %, полиэтиленгликоль 8000 (макрогол) – 6.25 %, тальк – 5.00 %, темірдің (III) қызыл тотығы (Е 172) – 0.35 %, темірдің (III) қара тотығы (Е 172) – 0.09 %),

320/25

Opadry сары 03F82329 (гипромеллоза – 62.50 %, титанның қостотығы (Е 171) – 19.53 %, полиэтиленгликоль 8000 (макрогол) – 6.25 %, тальк – 5.00 %, темірдің (III) сары тотығы (Е 172) – 6.72 %).

Сипаттамасы

Сопақша, екі беті дөңес, ақшыл қызғылт-сары түсті үлбірлі қабықпен қапталған, бір жағында «L16» өрнегі бар және екінші жағы тегіс таблеткалар (80 мг/12.5 мг дозасы үшін).

Сопақша, екі беті дөңес, күңгірт қызыл түсті үлбірлі қабықпен қапталған, бір жағында «L17» өрнегі бар және екінші жағы тегіс таблеткалар (160 мг/12.5 мг дозасы үшін).

Сопақша, екі беті дөңес, қызғылт-сары қоңыр түсті үлбірлі қабықпен қапталған, бір жағында «L18» өрнегі бар және екінші жағы тегіс таблеткалар (160 мг/25 мг дозасы үшін).

Сопақша, екі беті дөңес, қызғылт түсті үлбірлі қабықпен қапталған, бір жағында «L19» өрнегі бар және екінші жағы тегіс таблеткалар (320 мг/12.5 мг дозасы үшін).

Сопақша, екі беті дөңес, сары түсті үлбірлі қабықпен қапталған, бір жағында «L20» өрнегі бар және екінші жағы тегіс таблеткалар (320 мг/25 мг дозасы үшін).

Фармакотерапиялық тобы

Ренин-ангиотензин жүйесіне әсер ететін препараттар. Басқа препараттармен біріктірілген ангиотензин II антагонистері. Диуретиктермен біріктірілген ангиотензин II антагонистері. Диуретиктермен біріктірілген валсартан.

ATХ коды C09 DA03

Фармакологиялық қасиеттері

Фармакокинетикасы

Валсартан/гидрохлортиазид

Валсартанмен бірге қолданғанда гидрохлортиазидтің жүйелі биожетімділігі шамамен 30% азаяды. Гидрохлортиазидті бір мезгілде тағайындау, өз тарапынан, валсартан кинетикасына елеулі әсерін тигізбейді. Аталған өзара әрекеттесу валсартан мен гидрохлортиазидті біріктіріп қолдану тиімділігіне ықпал етпейді. Осы біріктірілімнің гипертензияға қарсы айрықша әсері анықталды, бұл компоненттердің әрқайсысының жеке тиімділігін арттырады.

Валсартан

Сіңірілуі

Препаратты ішке жеке қабылдағаннан кейін валсартан плазмадағы шыңдық концентрациясына 2-4 сағат ішінде жетеді. Биожетімділігінің орташа шамасы – 23. Валсартанды тамақпен бірге тағайындаған кезде “концентрация-уақыт” қисығы астындағы аудан (АUС) 48-ға азаяды, дегенмен препаратты қабылдағаннан кейін шамамен 8-ші сағаттан бастап, валсартанның плазмадағы концентрациясы, оны ашқарынға қабылдаған жағдайда да, сондай-ақ тамақпен бірге қабылдаған жағдайда да, бірдей болады. «Концентрация-уақыт» қисығы астындағы ауданның азаюы емдік әсердің клиникалық тұрғыдан маңызды төмендеуімен қатар жүрмейді, сондықтан валсартанды тамақ ішуге тәуелсіз қабылдай беруге болады.

Таралуы

Валсартан қан сарысуының ақуыздарымен, көбінесе альбуминдермен, 94-97-ға байланысады. Таралуының тепе-тең көлемі төмен (17 литрге жуық).

Биотрансформация/метаболизм

Валсартан биотрансформациясы елеулі емес, өйткені дозасының тек 20%-ға жуығы ғана метаболиттер түрінде шығарылады. Гидроксиметаболит қан плазмасында төмен концентрацияларда анықталды (валсартанның AUC 10%-нан аз). Бұл метаболит фармакологиялық түрде белсенді емес.

Шығарылуы

Валсартанның фармакокинетикалық қисығы төменге бағытталған мультиэкспоненциальді сипатта болады (t1/2  1 сағат және t1/2 9 сағатқа жуық). Валсартанның нәжіспен бірге шығарылуы 83% (ішке қабылданған дозаның шамасынан) құрайды. Несеппен бірге 13-ға жуығы, көбінесе өзгермеген күйінде шығарылады. Вена ішіне енгізуден кейін валсартанның плазмалық клиренсі 2 л/сағ жуықты құрайды, бүйрек клиренсі 0,62 л/сағ (жалпы клиренстің 30% шамасы) құрайды. Валсартанның жартылай шығарылу кезеңі 6 сағатты құрайды.

Валсартанның кинетикасы дозаға тәуелді. Препаратты қайталап қолданған кезде кинетикалық көрсеткіштерінде өзгерістер білінбейді. Препаратты күніне бір рет қабылдаған кезде жинақталуы елеусіз. Қан плазмасындағы концентрациясы әйелдер мен ерлерде бірдей.

Гидрохлортиазид

Сіңірілуі

Гидрохлортиазид тез сіңеді (tmах – 2 сағатқа жуық). Дозалардың емдік диапазонында орташа АUС шамасы дозаның артуына тікелей пропорционал түрде өседі. Ашқарынға қабылдаумен салыстырғанда тамақпен бірге үйлестіре қабылдағанда гидрохлортиазидтің жүйелік қол жетімділігінің артуы да, сондай-ақ төмендеуі де анықталды. Бұл әсердің шамасы елеусіз және клиникалық маңызы аз. Препаратты ішу арқылы қабылдаудан соң гидрохлортиазидтің биожетімділігі – 70 құрайды.

Таралуы

Таралуы мен шығарылуының динамикасы негізінен екі фазалы ыдырау функциясы ретінде сипатталады. Болжамды таралу көлемі 4-8 л/кг құрайды. Айналымдағы гидрохлортиазид сарысу ақуыздарымен (40-70%), көбіне сарысу альбуминімен байланысады. Гидрохлортиазид сондай-ақ плазмадағы деңгейінен шамамен 3 есе аса отырып, эритроциттерде жинақталады.

Биотрансформациясы

Гидрохлортиазид көбіне өзгермеген зат түрінде шығарылады.

Шығарылуы

Соңғы фазаның жартылай шығарылу кезеңі 6-15 сағатты құрайды.

Қайта тағайындауларда гидрохлортиазид фармакокинетикасы өзгермейді; тәулігіне бір рет тағайындағанда жинақталуы елеусіз. Несеппен бірге шығарылады: дозаның 95-дан астамы өзгермеген күйінде және 4-ға жуығы гидролизат-2-амин-4-хлор-m-бензенедисульфонамид түрінде.

Пациенттердің жеке топтарындағы фармакокинетикасы

Жас пациенттермен салыстырғанда егде жастағы кейбір пациенттерде валсартанның жүйелік әсері жоғарырақ болды; алайда бұл нәтиженің қандай да бір клиникалық маңызы жоқ.

Шектеулі деректер дені сау жас еріктілермен салыстырғанда дені сау егде субъектілерде және артериялық гипертензиясы бар егде пациенттерде гидрохлортиазидтің жалпы клиренсі төмендегенін көрсетеді.

Бүйрек функциясы бұзылған науқастар

Егде жастағы пациенттер

Креатинин клиренсі минутына 30-70 мл болатын науқастарда дозаны түзету талап етілмейді. Қазіргі уақытта Валмак-Н препаратын бүйректің ауыр жеткіліксіздігі бар науқастарға (креатинин клиренсі минутына 30 мл-ден аз) және гемодиализ жасатып жүрген науқастарға қолдану жөнінде деректер жоқ. Валсартанның плазма ақуыздарымен байланысу дәрежесі жоғары және гемодиализ кезінде шығарылмайды. Гидрохлортиазид, керісінше, организмнен гемодиализ кезінде шығарылады.

Бүйрек жеткіліксіздігі болғанда гидрохлортиазид үшін орташа ең жоғары плазмалық деңгей және AUC мәні жоғарылайды, ал несеппен шығарылу жылдамдығы төмендейді. Жеңіл және орташа бүйрек жеткіліксіздігі бар пациенттерде орташа жартылай шығарылу кезеңі екі есе дерлік артады. Сондай-ақ гидрохлортиазидтің бүйректік клиренсі бүйрек функциясы қалыпты пациенттермен салыстырғанда бүйрек клиренсі минутына 300 мл жуық болатын пациенттерде елеулі дәрежеде төмендейді. Сондықтан, Валмак-Н препаратын ауыр бүйрек жеткіліксіздігі (шумақтық сүзіліс жылдамдығы <30 мл/мин) бар пациенттерде сақтықпен қолдану керек.

Бауыр функциясы бұзылған науқастар

Валсартанның бауыр функциясының бұзылуы әлсіз және орташа болатын науқастарда жүйелі әсер етуі дені сау адамдардікімен салыстырғанда 2 есе жоғары. Қазіргі таңда валсартанды бауыр функциясының ауыр бұзылуы бар науқастарға қолдану жөнінде деректер жоқ.

Бауыр аурулары гидрохлортиазидтің фармакокинетикасына елеулі ықпалын тигізбейді, сондықтан оның дозасын төмендету қажет емес.

Алайда, Валмак-Н препараты билиарлық обструкциялық бұзылулары және ауыр бауыр жеткіліксіздігі бар пациенттерде ерекше сақтықпен пайдаланылуы керек.

Фармакодинамикасы

Валсартан/гидрохлортиазид

Валмак-Н – құрамына ангиотензин II рецепторларының антагонисі мен тиазидті диуретик кіретін гипертензияға қарсы препарат.

Ренин-ангиотензин-альдостерон жүйесінің (РААЖ) белсенді гормоны ангиотензин өзгертуші ферменттің (АӨФ) қатысуымен I ангиотензиннен түзілетін ангиотензин II болып табылады. Ангиотензин II түрлі тіндердегі жасушалық жарғақшаларда орналасқан спецификалы рецепторлармен байланысады. Ол, бірінші кезекте, артериялық қысымды реттеуге әрі тікелей, әрі жанама түрде қатысуынан болатын физиологиялық әсерлердің кең ауқымын иеленеді. Тамыр тарылтатын қуатты зат бола отырып, ангиотензин II тікелей прессорлық жауап туындатады. Сонымен қатар, ол альдостерон сөлінісін көтермелеп, натрий іркілісіне ықпал етеді.

Валсартан

Валсартан – ангиотензин II рецепторларының ішке қабылдауға арналған белсенді әрі спецификалы антагонисті. Ол ангиотензин II белгілі әсерлеріне жауап беретін AT1 қосалқы түріндегі рецепторларға таңдамалы әсер етеді. АТ1 рецепторларын валсартанның бөгеуі салдарынан ангиотензин II ұлғайған сарысулық деңгейлері бос АТ2 рецепторларын көтермелей алады, бұл АТ1 рецепторларының тиімділігін теңестіреді. Алайда Валсартан AT1 қосалқы түрінің рецепторларына қатысты айқын агонистік белсенділік танытпайды. Валсартанның AT1-рецепторларға тектестігі AT2-рецепторларға қарағанда шамамен 20 000 есеге жоғары. Валсартан өзара әрекеттесуге түспейді және басқа гормонның рецепторларын немесе жүрек-қантамыр жүйесі функциясын реттеу үшін мәні зор иондық өзектерді бөгемейді.

Валсартан ангиотензин I-ді ангиотензин II-ге айналдыратын және брадикининді бұзатын кининаза II атауымен белгілі АӨФ тежемейді. АӨФ тежегіштерін қабылдайтын науқастарға қарағанда валсартан қабылдайтын науқастарда құрғақ жөтелдің даму жиілігі төмен.

Артериялық гипертензиясы бар науқастарды валсартанмен емдегенде жүректің жиырылу жиілігінің өзгеруімен қатар жүрмейтін артериялық қысымның (АҚ) төмендегені байқалды. Бір реттік дозада препаратты ішке қабылдағаннан кейін көптеген науқастарда гипотензиялық әсердің басталуы 2 сағат шегінде байқалады, ал АҚ ең көп төмендеуіне 4-6 сағат шегінде жетеді. Препаратты қабылдағаннан кейін гипотензиялық әсері 24 сағаттан астам уақыт сақталады. Препаратты қайта тағайындау кезінде АҚ-ның барынша төмендеуіне, қабылданған дозаға байланыссыз, әдетте, 2-4 апта шегінде жетуге болады, ұзақ емделу барысында жеткізілген деңгейде сақталады. Гидрохлортиазидпен біріктіргенде АҚ-ның қосымша төмендеуіне сенімді түрде жетуге болады.

Валсартан плазма ақуыздарымен жоғары дәрежеде байланысып, гемодиализ кезінде шығарылмайды. Гидрохлортиазид, керісінше, гемодиализде организмнен шығарылады.

Валсартанды қабылдауды күрт тоқтатқанда «рикошеттік» гипертензия немесе қандай да бір басқа да жағымсыз реакциялар туындамайды.

Гидрохлортиазид

Тиазидтік диуретиктердің әсер ету нүктесі дистальді бүгілген бүйрек өзекшелерінің қыртысты бөлігі болып табылады, онда диуретиктер әсеріне сезімталдығы жоғары рецепторлар орналасқан және онда натрий мен хлор иондарының тасымалдануы бәсеңдейді. Тиазидтердің әсер ету механизмі Na+Cl- сорғысының басылуымен байланысты, бұл Cl- тасымалдану орны үшін бәсекелестік есебінен болуы мүмкін. Осының нәтижесінде натрий мен хлор иондарының шығарылуы шамамен бірдей дәрежеде артады. Диуретиктік әсер ету нәтижесінде айналымдағы плазма көлемінің азаюы байқалды, соның салдарынан ренин белсенділігі, альдостерон сөлінісі, калийдің несеппен шығарылуы және сарысуда калий концентрациясының төмендеуі артады. Ренин мен альдостерон арасындағы өзара байланыс ангиотензин II арқылы, сондықтан ангиотензин II рецепторлары антагонистерін тағайындау гидрохлортиазидпен монотерапия жүргізумен салыстырғанда калий жоғалтуды азайтады.

Бүйрекпен гидрохлортиазидтің шығарылуы бүйрек өзекшелерінің саңылауындағы баяу сүзіліс және белсенді сөлініс жолымен жүреді. Бүйрек функциясының жай-күйі гидрохлортиазид фармакокинетикасында үлкен рөл атқарады, препараттың бүйрекпен ғана шығарылатынын ескерсек, бұл толық түсінікті.

Қолданылуы

• ересектердегі эссенциальді артериялық гипертензияны емдеу

• валсартанмен немесе гидрохлортиазидпен монотерапия кезінде артериялық қысымды талапқа сай бақылауға қол жеткізілмеген артериялық гипертензиямен науқастарды емдеу

Қолдану тәсілі және дозалары

Дозалануы

Валмак - Н ұсынылатын бастапқы емдік дозасы – күн сайын тәулігіне бір рет 80/12,5 мг. Қажет болған кезде доза 160 мг валсартанға дейін және 12,5 мг гидрохлортиазидке немесе 160 мг валсартан және 25 мг гидрохлортиазидке дейін арттырылуы мүмкін. Препарат дозасы 1-2 апта емнен кейін ең жоғары дозаға дейін ұлғайтылуы мүмкін, бұл артериялық қысымды бақылау қажеттігіне қарай тәулігіне бір рет 320/25мг дозаны қабылдаудан тұрады.

Валмак - Н препараты айналымдағы қан көлемі тапшылығы бар пациенттерде бастапқы ем ретінде ұсынылмайды.

Ең жоғары тәуліктік дозасы 320 мг/25 мг құрайды.

Тұрақты гипотензиялық әсері 2 аптаның ішінде басталады.

Көптеген пациенттерде ең жоғары әсері 4 апта емдеу барысында байқалады. Алайда кейбір пациенттер үшін препаратты 4-8 апта қабылдау қажет болуы мүмкін. Дозаны титрлеу кезінде осыны ескерген жөн.

Бүйрек функциясының бұзылуы

Бүйрек функциясының бұзылу айқындығы әлсіз немесе орташа болатын науқастарда (ШСЖ  30 мл/мин) препарат дозасын өзгерту талап етілмейді. Құрамында гидрохлротиазид болуына байланысты, Валмак-Н препаратын ануриясы бар пациенттерге қолдануға болмайды және ауыр бүйрек жеткіліксіздігі бар пациенттерде (ШСЖ < 30 мл/мин ) сақтықпен қолданылуы тиіс. Тиазидті диуретиктер ауыр бүйрек жеткіліксіздігінде (ШСЖ < 30 мл/мин) монотерапия ретінде тиімсіз, бірақ ілмектік диуретиктермен біріктірілімде абайлап қолданғанда тіпті ШСЖ < 30 мл/мин пациенттерде де пайдалы әсер етуі мүмкін.

Бауыр жеткіліксіздігі

Сондай-ақ препарат дозасын айқындығы әлсіз немесе орташа бауыр жеткіліксіздігі бар науқастарда өзгерту талап етілмейді. Құрамында гидрохлортиазид болуына байланысты, Валмак-Н препараты ауыр бауыр жеткіліксіздігі бар пациенттерде ерекше сақтықпен қолданылуы тиіс. Құрамында валсартан болуына байланысты, Валмак-Н препараты билиарлық обструкциялық бұзылулары бар пациенттерде ерекше сақтықпен қолданылуы тиіс.

Егде жастағы пациенттер

Егде жастағы пациенттерді емдеген кезде дозаны түзету қажет емес.

Балаларда қолданылуы

Валмак-Н препаратын 18 жасқа толмаған балаларға қолданудың қауіпсіздігі мен тиімділігі анықталған жоқ.

Жағымсыз әсерлері

Жағымсыз реакциялардың туындау жиілігін бағалағанда мынадай градациялар пайдаланылды: «өте жиі» -  1/10, «жиі» -  1/100 - < 1/10 дейін, «кейде» -  1/1000 - < 1/100 дейін, «сирек» -  1/10000 - < 1/1000 дейін, «өте сирек» - < 1/10000.

Валмак-Н қабылдаған кездегі жағымсыз әсерлер жиілігі

Кейде

• дегидратация

• парестезия

• көрудің бұзылуы

• құлақтағы шуыл

• гипотензия

• жөтел

• миалгия

• шаршау

Өте сирек

• диарея

• артралгия

Жиілігі анықталмаған

• естен тану

• өкпенің кардиогенді емес ісінуі, синусит, бронхит

• бүйрек функциясының бұзылуы

• қан сарысуындағы несеп қышқылы, билирубин және креатинин деңгейінің жоғарылуы, гипокалиемия, гипонатриемия, қандағы мочевина азоты деңгейінің жоғарылуы, нейтропения

Препараттың жеке компоненттері туралы қосымша ақпарат.

Препараттың жеке компоненттерін қолданумен байланысты бұрын хабарланған жағымсыз реакциялар клиникалық зерттеулер кезінде немесе тіркеуден кейінгі кезеңде байқалмаса да, потенциалды түрде Валмак-Н препаратымен емдеудің жағымсыз әсерлері болып табылуы мүмкін.

Валсартанды қабылдаған кездегі жағымсыз әсерлер жиілігі

Кейде

• бас айналу

• іштің ауыруы

Жиілігі анықталмаған

• гемоглобин, гематокрит деңгейінің төмендеуі, тромбоцитопения

• басқа да аса жоғары сезімталдық реакциялары/ сарысулық реакцияны қоса, аллергиялық реакциялар

• қан плазмасында калий деңгейінің жоғарылауы, гипонатриемия

• васкулит

• бауыр сынамалары деңгейінің жоғарылауы

• ангионевроздық ісіну, қышыну, бөртпе

• бауыр жеткіліксіздігі

Гидрохлортиазидті қабылдаған кездегі жағымсыз әсерлер жиілігі

Өте жиі

• гипокалиемия, қандағы липидтер жеңгейінің жоғарылауы (негізінен жоғары дозаларды қабылдағанда)

Жиі

• гипонатриемия, гипомагниемия, гиперурикемия

• постуральді гипотензия

• тәбеттің жоғалуы, жеңіл жүрек айну сезімі, құсу

• есекжем және әртүрлі көрініс беруі

• импотенция

Сирек

• кейде пурпурамен тромбоцитопения

• гиперкальциемия, гипергликемия, глюкозурия және диабеттік метаболизмдік статустың нашарлауы

• депрессия, ұйқының бұзылуы

• бас ауыруы, бас айналу, парестезия

• көрудің бұзылуы

• іштің ауыруы

• аритмия

• асқазан-ішек жолының жайсыздығы, іш қату, диарея

• бауырішілік холестаз немесе сарғаю

• фотосезімталдық реакциялары

Өте сирек

• гипохлоремиялық алкалоз

• агранулоцитоз, лейкопения, гемолиздік анемия, сүйек кемігі қызметінің бәсеңдеуі

• аса жоғары сезімталдық реакциялары – пневмония мен өкпенің ісінуін қоса, респираторлық дистресс синдромы,

• некроздаушы васкулит және уытты эпидермалық некролиз, жүйелі қызыл жегіні еске түсіретін тері реакциялары, жүйелі қызыл жегінің тері көріністерінің өршуі

• панкреатит

Жиілігі анықталмаған

• гемоглобиннің төмендеуі, гематокриттің төмендеуі, тромбоцитопения

• апластикалық анемия

• жабық бұрышты глаукома

• мультиформалы эритема

• бұлшықет түйілуі

• бүйрек функциясының бұзылуы, жедел бүйрек жеткіліксіздігі

• пирексия, астения

• сарысу ауруын қоса жоғары сезімталдық, аллергиялық реакциялар

• қан сарысуында калийдің артуы, гипонатриемия

• васкулит

• бауыр функциясы мәнінің жоғарылауы

• Квинке ісінуі, буллезді дерматит, қышыну, бөртпе

Қолдануға болмайтын жағдайлар

• Валмак-Н компоненттерінің біріне, басқа да сульфаниламидтік препараттарға, соя майына, жержаңғақ майына немесе препараттың қосымша заттарының кез келгеніне жоғары сезімталдық

• бауыр функциясының ауыр бұзылуы, билиарлық цирроз және холестаз

• анурия, бүйрек функциясының ауыр бұзылуы (креатинин клиренсі < 30 мл/мин)

• тұрақты гипокалиемия, гипонатриемия, гиперкальциемия және симптоматикалық гиперурикемия

• бастапқы гиперальдостеронизм

• подагра

• галактоземия, Лапп лактаза тапшылығы немесе глюкоза-галактоза мальабсорбциясы синдром

• қант диабеті немесе бүйрек жеткіліксіздігі бар (ШСЖ < 60 мл/мин/1.73 м2) пациенттер Валмак-Н препаратын валсартанды қоса, құрамында алискирен бар препараттармен немесе АӨФ тежегіштерін алискиренмен бірге қолдану

• жүктілік және лактация кезеңі

• 18 жасқа дейінгі балалар мен жасөспірімдер

Дәрілермен өзара әрекеттесуі

Валсартанмен/гидрохлортиазидпен байланысты өзара әрекеттесулер

Бір мезгілде қолдану ұсынылмайды:

Литий

Гидрохлортиазидті қоса, АӨФ тежегіштері мен тиазидтерді бірге пайдаланғанда литийдің сарысулық концентрациялары мен уыттылығының қайтымды жоғарылауы туралы хабарланған. Валсартан мен литийді біріктіріп қолдану саласында тәжірибенің жоқтығын ескере отырып, препараттарды біріктіру ұсынылмайды. Осы біріктірілімді қолдану қажет болған жағдайда қан сарысуында литий деңгейіне мұқият мониторинг жүргізу керек.

Сақтықты талап ететін бір мезгілде қолдану:

Басқа да гипотензиялық дәрілер

Валмак-Н гипотензиялық қасиеттері бар басқа да препараттардың (мысалы, гуанетидин, метилдопа, тамыр кеңейтетін дәрілер, бета-блокаторлар, кальций өзекшелерінің блокаторлары және допаминді кері қармау тежегіштері) әсерін күшейтуі мүмкін.

Прессорлық аминдер (мысалы, норадреналин, адреналин)

Прессорлық аминдерге жауап төмендеуі мүмкін. Бұл әсердің клиникалық маңыздылығы түсініксіз және прессорлық аминдерді қолдануға тыйым салу үшін жеткіліксіз.

ЦОГ-2 іріктелген тежегіштерін, ацетилсалицил қышқылын >3 г/тәу) және іріктелмеген ҚҚСД қоса, қабынуға қарсы стероидты емес дәрілер (ҚҚСД)

ҚҚСД бірге қолданғанда ангиотензин II рецепторлары антагонистерінің де, гидрохлортиазидтің де гипотензиялық әсерін төмендетуі мүмкін. Бұдан бөлек, валсартанды/гидрохлортиазидті және ҚҚСД бірге қолдану бүйрек функциясының төмендеуіне және сарысудағы калий деңгейінің жоғарылауына әкелуі мүмкін. Осы себеппен емнің басында бүйрек функциясына бақылау жүргізу, сондай-ақ пациенттің талапқа сай гидратациясын жүргізу ұсынылады.

Валсартанмен байланысты өзара байланысуы

АРА ІІ, АӨФ тежегіштері немесе алискиреннің көмегімен ренин-ангиотензин-альдостерон жүйесінің (РААЖ) қосарлы блокадасы

Ангиотензин II рецепторлары блокаторларын, АӨФ тежегіштерін, блокаторларын немесе алискиренді біріктіріп қолдану арқылы ренин-ангиотензин-альдостерон жүйесінің (РААЖ) қосарлы блокадасы РААЖ әсер ететін бір препаратты қолданумен салыстырғанда гипотензияны, гиперкалиемияны және бүйрек функциясының төмендеуін (жедел бүйрек жеткіліксіздігін қоса) қоса, жағымсыз құбылыстар жиілігінің жоғарылауымен байланысты.

Біріктіріп қолдану ұсынылмайды

Калий жинақтаушы диуретиктер, калий қоспалары, тұз алмастырғыштар, құрамында калий бар, калий деңгейін арттыруға қабілетті басқа да дәрілер

Егер калий деңгейіне әсер ететін дәрілік препаратты валсартанмен бірге қолдану қажет болса, плазмадағы калий деңгейін бақылау ұсынылады.

Тасымалдаушылар

Осы in vitro зерттеулері валсартанның OATP1B1/OATP1B3 бауырлық қармау тасымалдағышының субстраты және MRP2 бауыр ағысының тасымалдағышы екенін көрсетеді. Қармау тасымалдағышы (рифампицин, циклоспорин және т.б.) немесе ағын тасымалдағышы (ритонавир және т.б.) тежегіштерін валсартанмен бірге қабылдау соңғысының жүйелі әсерін арттыруы мүмкін. Мұндай препараттармен емдеуді бастағанда және аяқтағанда қажетті сақтық шараларын ұстану керек.

Өзара әрекеттесуі жоқ

Валсартанның мына субстанциялармен клиникалық маңызды өзара әрекеттесуі анықталмаған: циметидинмен, варфаринмен, фуросемидомпен, дигоксинмен, атенололмен, индометацинмен, гидрохлортиазидпен, амлодипинмен, глибенкламидпен. Дигоксин мен индометацин Валмак-Н препаратының құрамына кіретін гидрохлортиазидпен өзара әрекеттесуі мүмкін.

Гидрохлортиазидпен байланысты өзара әрекеттесулер

Төмендегі біріктірілімдерді сақтықпен қолдану керек

Қан сарысуындағы калийдің деңгейіне әсер ететін дәрілік препараттар

Гидрохлортиазидтің гипокалиемиялық әсері оны калийуретикалық диуретиктермен, кортикостероидтармен, іш жүргізетін дәрілермен, адренокортикотроптық гормонмен АКТГ, амфотерицинмен, карбеноксолонмен, пенициллинмен G, салицил қышқылымен және оның туындыларымен бірге қолданғанда артуы мүмкін.

Егер көрсетілген препараттарды дәрігер Валмак-Н препаратымен біріктіріп қолдануға тағайындаса, қан сарысуындағы калий деңгейін бақылап отыру ұсынылады.

Екі бағыттағы қарыншалық тахикардияны туғызуға қабілетті дәрілік препараттар

Гипокалиемияның даму қаупін ескере отырып, гидрохлортиазидті екі бағыттағы қарыншалық тахикардияны туғызуға қабілетті препараттармен бірге сақтықпен қолдану керек.

Қан сарысуындағы натрий деңгейіне әсер ететін дәрілік препараттар

Диуретиктердің гипонатриемиялық әсері антидепрессанттарды, психозға қарсы дәрілерді, эпилепсияға қарсы дәрілерді, соның ішінде карбомазепинді бір мезгілде қолданғанда күшеюі мүмкін. Осы препараттарды ұзақ қолданғанда сақ болу қажет.

Оймақгүл гликозидтері

Оймақгүл препараттарын қабылдау аясында жүрек аритмиясына әкелуі мүмкін тиазид-индукцияланған гипокалиемия дамуы мүмкін.

Кальций тұздары мен D дәрумені

Гидрохлортиазидті қоса, тиазидті диуретиктерді D дәруменімен немесе кальций тұздарымен бірге қабылдау сарысудағы кальций деңгейінің жоғарылауын күшейтуі мүмкін. Тиазидті диуретиктерді кальций тұздарымен бірге қабылдау оған бейім пациенттерде (мысалы, гиперпаратиреоз, қатерлі ісіктер немесе D витаминінің талапқа сай емес деңгейлерімен байланысты аурулар бар пациенттерде) кальцийдің өзекшелік қайта сіңірілуінің жоғарылауы есебінен гиперкальциемия туғызуы мүмкін.

Диабетке қарсы дәрілер (ішуге арналған препараттар мен инсулин)

Тиазидтерді қабылдау глюкозаға төзімділікке әсер етуі мүмкін. Диабетке қарсы препараттардың дозасын түзету қажет болуы мүмкін.

Гидрохлортиазидті қабылдаумен байланысты ықтимал бүйрек жеткіліксіздігі туғызатын лактацидоз қаупін ескере отырып, метформинді сақтықпен қолдану керек.

Бета-блокаторлар және диазоксид

Гидрохлортиазидті қоса, тиазидті диуретиктер мен бета-блокаторларды біріктіріп қолдану гипергликемияның даму қаупін арттыруы мүмкін. Гидрохлортиазидті қоса, тиазидті диуретиктер диазоксидтің гипергликемиялық әсерін күшейтуі мүмкін.

Подаграны емдеу үшін қолданылатын дәрілік препараттар (пробенецид, сульфинпиразон және аллопуринол)

Несеп қышқылының шығарылуына ықпал ететін препараттардың дозасын түзету қажет болуы мүмкін, себебі гидрохлортиазид несеп қышқылының сарысулық деңгейлерін арттыруға қабілетті. Пробенецидтің немесе сульфинпиразонның дозаларын арттыру қажет болуы мүмкін. Гидрохлортиазидті қоса, тиазидті диуретиктермен бірге қолдану аллопуринолға аса жоғары сезімталдық реакцияларының даму жиілігін арттыруы мүмкін.

Антихолинергиялық дәрілер және асқазан перистальтикасына әсер ететін басқа да препараттар

Антихолинергиялық препараттар (мысалы, атропин, бипериден) тиазидтік диуретиктердің биожетімділігін арттыруы мүмкін, бұл асқазан-ішек жолы перистальтикасының төмендеуімен және асқазан ішіндегісінің шығарылу жылдамдығымен байланысты. Прокинетиктер, мысалы, цизаприд, керісінше тиазидтік диуретиктердің биожетімділігін төмендететіні болжанып отыр.

Амантадин

Гидрохлортиазидті қоса, тиазидтер амантадин туғызған жағымсыз әсерлер қаупін арттыруы мүмкін.

Цитоуытты препараттар

Гидрохлортиазидті қоса, тиазидтер цитоуытты препараттардың (мысалы, циклофосфамид пен метотрексаттың) бүйрекпен шығарылуын төмендетуі және олардың миелосупрессиялық әсерін күшейтуі мүмкін.

Қаңқа бұлшықетінің деполяризацияламайтын релаксанттары (мысалы, тубокурарин)

Гидрохлортиазидті қоса, тиазидтер кураре туындысы сияқты қаңқа бұлшықеті релаксанттарының әсерін күшейтеді.

Циклоспорин

Циклоспоринмен бірге қолдану гиперурикемия мен подагра тәрізді асқынулар қаупін арттыруы мүмкін.

Алкоголь, барбитураттар және есірткілік заттар

Тиазидті диуретиктерді және гипотензиялық әсер көрсететін (мысалы, орталық жүйке жүйесінің симпатикалық бөлігі белсенділігін төмендететін немесе тікелей тамыр кеңейтетін әсер көрсететін) дәрілерді бір мезгілде қабылдау ортостатикалық гипотензияны күшейтуі мүмкін.

Метилдопа

Метилдопа мен гидрохлортиазидті бірге қабылдайтын пациенттерде гемолиздік анемияның жекелеген жағдайлары туралы мәлімделген.

Құрамында йод бар контрастылы орта

Диуретиктерді қабылдаумен туындаған дегидратация болғанда, әсіресе, құрамында йод бар препараттардың жоғары дозаларын пайдаланғанда жедел бүйрек жеткіліксіздігі қаупі артады. Емдеуді бастар алдында пациенттерге регидратация жүргізу керек.

Айрықша нұсқаулар

Сарысу электролиттері теңгерімінің өзгеруі

Валсартан

Валмак-Н препаратын калий тұздарымен, калий жинақтаушы диуретиктермен, құрамында калий бар ас тұзын алмастырғыштармен, сондай-ақ қандағы калий концентрациясының жоғарылауын туғызатын дәрілік препараттармен (мысалы, гепаринмен) бірге қолдану ұсынылмайды. Қажетіне қарай, қандағы калий деңгейін бақылап отыру керек.

Гидрохлортиазид

Гидрохлортиазидті қоса, тиазидті диуретиктермен емдеген кезде гипокалиемияның дамуы туралы хабарламалар бар. Қан сарысуында калий концентрациясына ұдайы бақылау жүргізіп отыру керек.

Гидрохлортиазидті қоса, тиазидті диуретиктерді гипонатриемиямен және гипохлоремиялық алкалозбен қолдану байланысы анықталған. Тиазидтер магнийдің несеппен шығарылуын жоғарылатады, бұл гипомагниемияға әкелуі мүмкін.

Диуретиктермен ем қабылдайтын барлық пациенттер сияқты сарысулық электролиттер деңгейіне талдау жүргізу қажет.

Организмде натрийдің және/немесе сұйықтық көлемінің тапшылығы

Гидрохлортиазидті қоса, тиазидті диуретиктерді қабылдайтын пациенттер сулы-тұзды теңгерім бұзылуының клиникалық симптомдарының пайда болуына бақылаудан өтуі тиіс.

Организмде натрийдің және/немесе организмде сұйықтықтың айқын тапшылығы бар, мысалы, жоғары дозада диуретиктер қабылдайтын науқастарда сирек жағдайда Валмак-Н препаратымен емдеуді бастағанда артериялық гипотензия туындауы мүмкін. Валмак-Н препаратымен емдеуді бастамас бұрын организмдегі натрий мен электролиттер мөлшеріне түзету жүргізіп алу керек.

Созылмалы жүрек жеткіліксіздігі немесе ренин-ангиотензин-альдостерон жүйесін көтермелеу аясында басқа аурулары бар пациенттер

Бүйрек функциясы ренин-ангиотензин-альдостерон жүйесінің белсенділігіне байланысты болатын пациенттерде (мысалы, ауыр іркілісті жүрек жеткіліксіздігі бар пациенттерде) ангиотензин-өзгертуші фермент (АӨФ) тежегіштерімен емдеудің олигуриямен және/немесе үдемелі азотемиямен, ал сирек жағдайларда жедел бүйрек жеткіліксіздігімен және/немесе өліммен аяқталумен байланысы анықталды. Жүрек жеткіліксіздігі немесе инфарктен кейінгі синдромы бар пациенттерді қарап тексеру үнемі бүйрек функциясын бағалауды қамтуы тиіс. Созылмалы ауыр жүрек жеткіліксіздігі бар пациенттердің Валмак-Н препаратын қолдануы зерттелмеген, сондықтан осы топтағы пациенттерде белсенді заттардың осы біріктірілімімен препараттарды қолдану ұсынылмайды.

Бүйрек артериясының стенозы

Валмак-Н препаратын бүйрек артериясының біржақты/екіжақты стенозы немесе жалғыз бүйрек артериясының стенозы бар пациенттерге тағайындау ұсынылмайды, себебі бұл қандағы мочевина мен сарысудағы креатинин деңгейінің жоғарылауына әкелуі мүмкін.

Бастапқы гиперальдостеронизм

Бастапқы гиперальдостеронизмі бар пациенттерді Валмак-Н препаратымен емдеуге болмайды.

Аортальді және митральді клапан стенозы, гипертрофиялық обструкциялық кардиомиопатия

Кез келген тамыр кеңітетін дәрілердегідей, аортальді және митральді клапан стенозы, сондай-ақ гипертрофиялық обструкциялық кардиомиопатиядан (ГОКМ) зардап шегетін пациенттерді ерекше сақтықпен емдеу керек.

Бүйрек жеткіліксіздігі

Креатинин клиренсі ≥ 30 мл/мин пациенттерге дозаны түзету қажет емес. Бүйрек жеткіліксіздігі бар пациенттер Валмак-Н пайдаланғанда қан сарысуындағы калий, креатинин және несеп қышқылы деңгейлерін ұдайы бақылап отыру қажет.

Бүйрек трансплантациясы

Қазіргі уақытта жуырда бүйрегі ауыстырып салынған пациенттерге Валмак-Н препаратын қолдану қауіпсіздігі бойынша деректер жоқ.

Бауыр жеткіліксіздігі

Холестазсыз бауыр функциясының бұзылуы бар пациенттерге Валмак-Н препаратын сақтықпен қолдану қажет.

Тиазидтерді бауыр жеткіліксіздігімен немесе бауырдың өршімелі аурулары бар пациенттерге абайлап қолдану керек, өйткені су-тұз теңгерімінің елеусіз өзгерістері бауыр комасына әкелуі мүмкін.

Анамнезіндегі ангионевроздық ісіну

Валсартан қабылдаған пациенттерде тыныс алу жолдарының бітелуін және/немесе беттің, еріннің, жұтқыншақтың және/немесе тілдің ісінуін туғызатын көмей мен дыбыс саңылауының ісінуін қоса ангионевроздық ісіну дамығаны туралы хабарламалар бар; бұл пациенттердің кейбірінде ангионевроздық ісіну АӨФ тежегіштерін қоса, бұрын басқа препараттарды қабылдағанда байқалған. Ангионевроздық ісіну дамыған кезде Валмак-Н препаратын қабылдауды дереу тоқтату керек және препаратты қайта тағайындауға болмайды.

Жүйелі қызыл жегі

Гидрохлортиазидті қоса, тиазидті диуретиктердің жүйелі қызыл жегіні ушықтыратыны немесе белсендіретіні мәлімделген.

Басқа да метаболизмнің бұзылулары

Гидрохлортиазидті қоса, тиазидті диуретиктер глюкозаға төзімділікті өзгертуі және холестериннің, триглицеридтердің және несеп қышқылының сарысулық деңгейлерін арттыруы мүмкін. Диабеті бар пациенттер үшін инсулиннің немесе пероральді гипогликемиялық препараттардың дозасын түзету қажет болуы мүмкін. Тиазидтер несеппен кальцийдің шығарылуын төмендетуі және кальций метаболизмінің басқа да белгілі бұзылулары болмағанда кальций деңгейінің елеусіз жоғарылауын туғызуы мүмкін. Айқын гиперкальциемия бастапқы гиперпаратиреоз белгісі болып табылуы мүмкін. Қалқанша маңайы безінің функциясына тексеру жүргізер алдында тиазидтерді қабылдауды тоқтату керек.

Фотосенсибилизация

Тиазидті диуретиктерді қабылдаумен байланысты фотосенсибилизация реакциясының дамуы туралы хабарланған. Егер емдеу барысында фотосенсибилизация реакциясы дамыса, емді тоқтату ұсынылады. Егер клиникалық жағдай диуретикті қайта енгізуді қажет етсе, терінің қорғалмаған бөліктерін күн сәулесінің әсерінен немесе А спектрінің жасанды ультракүлгін сәуле көздерінен қорғау керек.

Жалпы

Аллергиясы немесе демікпесі бар пациенттерде гидрохлортиазидке аса жоғары сезімталдық реакциясы болуы мүмкін.

Жедел жабық бұрышты глаукома

Гидрохлортиазид, сульфонамид бола отырып, жедел өтпелі миопияға және жедел жабық бұрышты глаукомаға әкелетін идиосинкратиялық реакциямен байланысты. Симптомдар көру өткірлігінің төмендеуін немесе емді бастағаннан кейін бірнеше сағаттан аптаға дейінгі аралықта туындайтын көздің ауыруын қамтиды. Жедел жабық бұрышты глаукоманы емдемеу көруді перманентті жоғалтуға әкеп соқтыруы мүмкін.

Емнің басы гидрохлортиазидті қабылдауды барынша тез тоқтату болып табылады. Егер көзішілік қысым сақталса, медициналық немесе хирургиялық араласу қажет болуы мүмкін. Жедел жабық бұрышты глаукома дамуының қауіп факторына анамнезінде сульфонамидтерге немесе пенициллинге аллергия жатады.

Ренин-ангиотензин-альдостерон жүйесінің (РААЖ) қосарлы блокадасы

АӨФ тежегіштерін, ангиотензин ІІ рецепторлары блокаторларын немесе алискиренді бір мезгілде қабылдау гипотензия, гиперкалиемия қаупін арттыратыны және бүйрек функциясын төмендететіні (жедел бүйрек жеткіліксіздігін қоса) туралы деректер бар. Сондықтан мұндай біріктірілім ұсынылмайды.

Егер қосарлы блокада өте қажет болса, оны тек маманның бақылауымен және бүйрек функциясын, электролиттер деңгейін және артериялық қысымды ұдайы мұқият бақылаумен жүргізу керек.

Педиатрияда қолдану

Валмак-Н препаратын 18 жастан кіші балаларда қолдану қауіпсіздігі мен тиімділігі анықталған жоқ.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Валмак-Н, сондай-ақ басқа да гипертензияға қарсы дәрілер тағайындалғанда автокөлік жүргізу және қауіптілігі зор механизмдерді басқару кезінде сақтық шараларын қадағалау ұсынылады.

Артық дозалануы

Симптомдары – валсартанның артық дозалануының негізгі көрінісі айқын артериялық гипотензия болып табылады, бұл өз кезегінде сана деңгейінің төмендеуін, айналымдағы коллапсты және/немесе шок туғызуы мүмкін. Гидрохлортиазидпен артық дозалану жүрек айнуын, ұйқышылдықты, гиповолемияны әрі жүрек аритмияларымен және бұлшықет түйілулерімен байланысты электролиттік теңгерімнің бұзылуын туындатады.

Емі – препаратты қабылдау уақытына, симптомдардың типі мен ауырлығына байланысты, қан айналымының тұрақты болуының маңызы зор.

Гипотензия дамыған жағдайда пациентті көлденеңінен жатқызып, изотониялық тұзды ерітіндіні енгізу арқылы сулы-тұзды теңгерімді дереу қалпына келтіру керек.

Плазма ақуыздарымен белсенді түрде байланысатындықтан, Валсартан гемодиализ арқылы шығарылмайды. Гидрохлортиазидке қатысты гемодиализ тиімді.

Шығарылу түрі және қаптамасы

90 таблеткадан HDPE пластик контейнерде.

1 пластик контейнерден медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Сақтау шарттары

Құрғақ, жарықтан қорғалған жерде 25 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Маcleods Pharmaceuticals Limited, Үндістан

304, Atlanta Arcade, Marol Church Road, Andheri (East), Mumbai – 400 059, India.

Тіркеу куәлігінің ұстаушысы

Маcleods Pharmaceuticals Limited, Үндістан

Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Macleods Pharmaceuticals Limited» ЖШК өкілдігі, Қазақстан Республикасы

Алматы қ.,. Төлебаев к-сі, 38/61, 5-қабат

Тел./факс. +7 727 2734593

E-mail: danielt@macleodspharma.com.