Вазатор (20 мг)

• русский
• қазақша

• Скачать инструкцию медикамента

Саудалық атауы

Вазатор

Халықаралық патенттелмеген атауы

Аторвастатин

Дәрілік түрі

Үлбірлі қабықпен қапталған таблеткалар, 10 мг, 20 мг

Құрамы

Бір таблетканың құрамында:

белсенді зат: 10.34 мг және 20,68 мг кальций аторвастатині (10 мг және 20 мг аторвастатинге шаққанда)

қосымша заттар: микрокристалды целлюлоза, лактоза моногидраты, кальций карбонаты, повидон, коллоидты кремнийдің қостотығы, натрий кроскармеллозасы, магний стеараты

қабық: гидроксипропилметилцеллюлоза (5 cps), полиэтиленгликоль 6000, титанның қостотығы Е171, тальк, темірдің қызыл тотығы Е172 (10 мг доза үшін), темірдің сары тотығы Е172 (20 мг доза үшін)

Сипаттамасы

Дөңгелек пішінді, екі беті дөңес, күңгірт-қызғылт түсті үлбірлі қабықпен қапталған таблеткалар. Сындыратын жерінде екі қабат көрінеді; ядросы – ақтан ақ дерлік түске дейін (10 мг доза үшін).

Дөңгелек пішінді, екі беті дөңес, сары түсті үлбірлі қабықпен қапталған таблеткалар. Сындыратын жерінде екі қабат көрінеді; ядросы – ақтан ақ дерлік түске дейін (20 мг доза үшін).

Фармакотерапиялық тобы

Гиполипидемиялық препараттар. Гипохолестеринемиялық және гипотриглицеридемиялық препараттар. ГМГ КоА-редуктаза тежегіштері. Аторвастатин.

АТХ коды С10АА 05

Фармакологиялық қасиеттері

Фармакокинетикасы

Сіңуі

Аторвастатин ішке қабылдағаннан кейін жылдам сіңеді: оның қан плазмасындағы ең жоғары концентрациясына (Cmax) жету уақыты 1-2 сағатты құрайды. Қан плазмасындағы сіңу дәрежесі мен концентрациясы дозаға пропорционалды артады. Аторвастатиннің таблетка түріндегі биожетімділігі ерітінді түріндегі аторвастатинмен салысатырғанда 95 – 99 % құрайды.

Абсолютті биожетімділігі - 12 % жуық, ал ГМГ-КоА-редуктазаға қатысты тежейтін белсенділігінің жүйелі биожетімділігі - 30 % жуық. Төмен жүйелі биожетімділігі асқазан-ішек жолының шырышты қабатындағы және/немесе бауыр арқылы «алғаш өтуіндегі » жүйе алдылық метаболизммен өзара байланысты. Ас қабылдау препараттың сіңуінің дәрежесі мен жылдамдығын аздап төмендетеді (Сmax және AUC анықтау нәтижелері көрсеткендей тиісінше 25 % және 9 %-ға), әйтсе де ТТЛП-ХС төмендеуі аторвастатинді аш қарынға қабылдаудағыға ұқсас.

Аторвастатинді кешкі уақытта қабылдағаннан кейін оның қан плазмасындағы концентрациясы ертеңгі уақытта қабылдағаннан кейінмен салыстырғанда шамамен 30 %-ға төмен (Cmax және AUC) болуына қарамастан, ТТЛП-ХС концентрациясының төмендеуі препарат қабылданатын тәулік уақытына тәуелді емес.

Таралуы

Аторвастатиннің таралуының орташа көлемі 381 л жуықты құрайды. Қан плазмасы ақуыздарымен байланысуы 98 %-дан кем. Эритроциттер/қан плазмасы құрамының арақатынасы 0,25, жуықты құрайды, яғни аторвастатин эритроциттерге нашар өтеді.

Метаболизмі

Аторвастатин орто- және пара-гидроксилденген туындыларды және әртүрлі β-тотығу өнімдерін түзе отырып айтарлықтай дәрежеде метаболизденеді. In vitro орто- және парагидроксилденген метаболиттер аторвастатинмен салыстырмалы ГМГ-КоА-редуктазаны тежейтін әсер етеді. ГМГ-КоА-редуктаза белсенділігінің шамамен 70 % төмендеуі айналымдағы белсенді метаболиттердің әсері есебінен жүреді. in vitro зерттеулердің нәтижелері бауырдың CYP3А4 изоферменті аторвастатиннің метаболизмінде маңызды роль атқарады деп болжамдауға негіз болады.

Осы изоферменттің тежегіші болып табылатын эритромицинді бір мезгілде қолдануда аторвастатиннің қан плазмасындағы концентрациясының жоғарылауы осы фактіні білдіреді. Сондай-ақ in vitro зерттеулер көрсеткендей, аторвастатин CYP3А4 изоферментінің әлсіз тежегіші болып табылады.

Аторвастатин негізінен CYP3А4 изоферментімен метаболизденетін терфенадиннің қан плазмасындағы концентрациясына айтарлықтай мәні бар клиникалық әсер білдірмейді, сондықтан оның CYP3А4 изоферментінің басқа субстраттарының фармакокинетикасына айтарлықтай әсер етуі болжамды («Басқа дәрілік препараттармен өзара әрекеттесуі» бөлімін қара).

Шығарылуы

Аторвастатин мен оның метаболиттері негізінен бауырлық және/немесе бауырдан тыс метаболизмінен кейін (аторвастатин айтарлықтай ішек-бауырлық рециркуляцияға ұшырамайды) өтпен шығарылады. Жартылай шығарылу кезеңі (Т1/2) 14 сағатқа жуықты құрайды, бұл жағдайда ГМГ-КоА-редуктазаға қатысты тежейтін әсерінің жартылай шығарылу кезеңі 20−30 сағатқа жуықты құрайды, бұл белсенді метаболиттерінің әсерімен түсіндіріледі. Ішке қабылдағаннан кейін несепте препараттың қабылданған дозасынан 2 %-дан кемі анықталады.

Пациенттердің айрықша топтары

Егде пациенттер

Аторвастатиннің және оның белсенді метаболиттерінің қан плазмасындағы концентрациясы дені сау егде жастағы адамдарда жас ересектермен салыстырғанда жоғары. Жалпы популяциямен салыстырғанда егде жастағы пациенттерде препараттың тиімділігі мен қауіпсіздігіндегі айырмашылығы немесе гиполипидемиялық терапия мақсатына жету анықталған жоқ.

Балаларда қолдану

Ашық 8-апталық зерттеулерде гетерозиготалы отбасылық гиперхолестеринемиямен және ТТЛП-ХС бастапқы концентрациясы ≥ 4 ммоль/л Таннер бойынша жыныстық дамуының 1-ші сатысындағы (N=15) және Таннер бойынша ≥ 2 сатыдағы (N=24) (6-17 жастағы) балалар аторвастатиннің 5 мг немесе 10 мг шайнайтын таблеткаларын немесе сәйкесінше аторвастатиннің 10 мг немесе 20 мг үлбірлі қабықпен қапталған таблеткаларын тәулігіне бір рет қабылдады.

Дене салмағы аторвастатиннің популяциялық фармакокинетикасы моделіндегі жалғыз мәні бар параметр болды. Ішке қабылданған кезде балалардағы аторвастатиннің клиренсі дене салмағының аллометриялық масштабында ересектердегіге ұқсас болды. ТТЛП-ХС және жалпы ХС концентрациясының біртіндеп төмендеуі аторвастатин мен о-гидроксиаторвастатиннің экспозициясы диапазонында байқалды.

Жынысы

Әйелдер мен ерлердің қан плазмасындағы аторвастатиннің және оның белсенді метаболиттерінің концентрациясы әртүрлі (ерлермен салыстырғанда әйелдерде Cmax шамамен 20%-ға жоғары, ал AUC шамамен 10%-ға төмен).

Бұл айырмашылықтың клиникалық мәні болған жоқ және ерлер мен әйелдердегі липидтер концентрациясына әсер етуінде клиникалық мәні бар айырмашылықтарға әкелген жоқ.

Бүйрек функциясының бұзылуы

Бүйрек аурулары аторвастатин мен оның белсенді метаболиттерінің қан плазмасындағы концентрациясына немесе олардың липидтер концентрациясына әсеріне ықпал етпейді.

Бауыр функциясының бұзылуы

Бауырдың созылмалы алкогольдік зақымдануымен (Чайлд-Пью бойынша B класс) пациенттерде аторвастатин мен оның белсенді метаболиттерінің қан плазмасындағы концентрациясы айтарлықтай жоғарылады (шамамен Cmax 16-еселік жоғарылауы және AUC 11-еселік жоғарылауы).

Генетикалық полиморфизмі

Гепатоциттермен ГМГ – КоА – редуктазаның барлық тежегіштерін, оның ішінде аторвастатинді қармау, OATP1B1 тасымалдаушы-ақуыздың қатысуымен жүреді. SLCO1B1 полиморфизмімен пациенттерде аторвастатин экспозициясының жоғарылау қаупі бар, ол рабдомиолиздің жоғары қаупіне әкелуі мүмкін. OATP1B1 (SLCO1B1 c.521CC) кодтайтын гендердің полиморфизмімен адамдарда генотиптің осы нұсқасынсыз (c.521TT) адамдармен салыстырғанда аторвастатин экспозициясының в 2,4 есе жоғарылауы (AUC) байқалады.

Осындай пациенттерде сондай-ақ аторвастатиннің гепатоциттермен қармалуының генетикалық өзара байланысты бұзылуы байқалуы мүмкін, сондықтан SLCO1B1 полиморфизмімен пациенттерде аторвастатиннің тиімділігі белгісіз.

Фармакодинамикасы

Аторвастатин – 3-гидрокси-3-метилглютарил-КоА-ны мевалонатқа өзгертетін негізгі фермент – холестеринді қоса, стероидтар ізашары ГМГ-КоА-редуктазаның іріктелген бәсекелес тежегіші. Синтетикалық гиполипидемиялық дәрі.

Гомозиготалы және гетерозиготалы отбасылық гиперхолестеринемиямен, гиперхолестеринемияның отбасылық емес түрлерімен және аралас дислипидемиямен пациенттерде аторвастатин қан плазмасындағы жалпы холестериннің (ХС), төмен тығыздықтағы липопротеиндер холестеринінің (ТТЛП-ХС) және аполипопротеин В (апо-В), сондай-ақ өте төмен тығыздықтағы липопротеиндер холестеринінің (ӨТТЛП-ХС) және триглицеридтердің (ТГ) концентрациясын төмендетеді, жоғары тығыздықтағы липопротеиндер холестеринінің (ЖТЛП) концентрациясының жоғарылауын туындатады.

Аторвастатин, ГМГ-КоА-редуктаза мен бауырдағы ХС синтезін тежеп және ТТЛП-ХС қармалуы мен катаболизмінің күшеюіне әкелетін жасушалар беткейіндегі ТТЛП «бауыр» рецепторларының санын арттырады, ХС мен ТТЛП- ХС қан плазмасындағы концентрациясын төмендетеді.

Аторвастатин ТТЛП- ХС түзілуін және ТТЛП бөлшектерінің санын азайтады, ТТЛП бөлшектерінің жағымды сапалы өзгерістерімен бірге ТТЛП-рецепторларының белсенділігінің айқын және тұрақты жоғарылауын туындатады, сондай-ақ әдетте гиполипидемиялық дәрілермен емге жауап бермейтін гомозиготалы отбасылық гиперхолестеринемиямен пациенттерде ТТЛП- ХС концентрациясын төмендетеді.

Аторвастатин 10 мг-ден 80 мг дейінгі дозаларда ХС концентрациясын 30-46 %-ға, ТТЛП- ХС - 41-61 %-ға, апо-В - 34-50 % -ға және ТГ - 14-33 %-ға төмендетеді.

Ем нәтижелері гетерозиготалы отбасылық гиперхолестеринемиямен, гиперхолестеринемияның отбасылық емес түрлерімен және аралас гиперлипидемиямен пациенттерде, оның ішінде 2 типті қант диабетімен пациенттерде ұқсас.

Оқшауланған гипертриглицеридемиямен пациенттерде аторвастатин жалпы ХС, ТТЛП-ХС, ӨТТЛП-ХС, апо-В және ТГ концентрациясын төмендетеді және ЖТЛП-ХС концентрациясын жоғарылатады. Дисбеталипопротеинемиямен пациенттерде аторвастатин аралық тығыздықтағы липопротеиндер холестеринінің (АТЛП-ХС) концентрациясын төмендетеді.

Фредриксон жіктеуі бойынша IIa және IIb типті гиперлипопротеинемиямен пациенттерді аторвастатинмен емдеуде (10-80 мг) ЖТЛП-ХС концентрациясының жоғарылауының орташа мәні бастапқы көрсеткішімен салыстырғанда 5,1-8,7 % құрайды және дозаға тәуелді емес.

Келесі арақатынастар мәнінің айтарлықтай дозаға тәуелді төмендеуі байқалады: жалпы ХС/ЖТЛП-ХС және ТТЛП- ХС/ ЖТЛП-ХС сәйкесінше 29-44 %-ға және 37-55 %-ға.

Аторвастатин 80 мг дозада 16-апталық курстан кейін, ишемиялық асқынулардың даму қаупі мен өлімді 16 %-ға, ал миокард ишемиясы белгілерімен қатар жүретін стенокардияға қатысты қайтадан ауруханаға жату қаупін 26 %-ға (қарқынды гиполипидемиялық терапия аясында (MIRACL) миокард ишемиясының айқындығының төмендеуін зерттеу) статистикалық мәнді төмендетеді.

ТТЛП-ХС әртүрлі бастапқы концентрацияларымен пациенттерде аторвастатин ишемиялық асқынулар қаупі мен өлімді төмендетеді (Q тісшесінсіз миокард инфарктісімен және тұрақсыз стенокардиямен пациенттерде, 65 жасқа толмаған және одан асқан пациенттерде және ерлер, әйелдерде).

Қан плазмасында ТТЛП-ХС концентрациясының төмендеуі оның қан плазмасындағы концентрациясына қарағанда аторвастатин дозасымен жақсы реттеледі. Дозаны терапиялық әсеріне қарай таңдайды («Қолдану тәсілі және дозалары» бөлімін қара).

Терапиялық әсерге емді бастағаннан кейін 2 аптадан соң жетеді, 4 аптадан кейін ең жоғары шегіне жетеді және емнің бар кезеңі бойы сақталады.

Жүрек-қантамырлық асқынулардың профилактикасы

Аторвастатин тәулігіне 10 мг дозада плацебомен салыстырғанда артериялық гипертензия және үш және одан көп қауіп факторларымен пациенттерде фатальді және фатальді емес миокард инфарктісі қаупін төмендетеді.

Аторвастатин 10 мг дозада келесі асқынулардың даму қаупін төмендетеді: өліммен аяқталатын коронарлық асқынулар (жүректің ишемиялық ауруы (ЖИА) және фатальді емес миокард инфарктісі (МИ)), жалпы жүрек-қантамырлық асқынулар және реваскуляризация процедуралары, жалпы жүрек-қантамырлық асқынулар, инсульт (фатальді және фатальді емес).

Қант диабеті

Қант диабетімен пациенттерде аторвастатинмен емдеу пациенттің жынысына, жасына немесе ТТЛП-ХС бастапқы концентрациясына тәуелсіз келесі жүрек-қантамырлық асқынулардың даму қаупін төмендетеді: негізгі жүрек-қантамырлық асқынулар (фатальді және фатальді емес МИ, ауырмайтын миокард ишемиясы, ЖИА өршуінің нәтижесінде өліммен аяқталу, тұрақсыз стенокардия, коронарлық артерияларды шунттау, теріарқылы транслюминальді коронарлық ангиопластика, реваскуляризация емшарасы, инсульт), МИ (фатальді және фатальді емес, ауырусыз миокард ишемиясы), инсульт (фатальді және фатальді емес).

Атеросклероз

ЖИА пациенттерде аторвастатин тәулігіне 80 мг дозада атероманың жалпы көлемінің 18 ай емдеу барысында 0,4 %-ға азаюына әкеледі.

Қайталанған инсульт

Аторвастатин тәулігіне 80 мг дозада анамнезінде ЖИА жоқ инсульт немесе транзиторлы ишемиялық шабуыл (ТИШ) өткерген пациенттерде қайталанған фатальді немесе фатальді емес инсульттің қаупін плацебомен салыстырғанда 16 %-ға азайтады.

Бұл жағдайда негізгі жүрек-қантамырлық асқынулар және реваскуляризация емшаралар қаупі айтарлықтай төмендейді. Аторвастатинмен емдеуде жүрек-қантамырлық бұзылыстар қаупінің азаюы алғашқы және қайталанған геморрагиялық инсультпен пациенттер қамтылатын топтан басқа, пациенттердің барлық тобында байқалады.

Жүрек-қантамырлық асқынулардың екіншілік профилактикасы

ЖИА пациенттерде аторвастатин 80 мг дозада, 10 мг салыстырғанда келесі асқынулардың дамуын нақты төмендетеді (TNT зерттеулерінің деректері бойынша липидтердің жаңа мақсатқа сай концентрациясына жеткенге дейін емдеу): жүрек-қантамырлық асқынулар (өліммен аяқталатын ЖИА және фатальді емес МИ), емшарамен байланысты емес фатальді емес МИ, инсульт (фатальді және фатальді емес), іркілген жүрек жеткіліксіздігіне қатысты ауруханаға жатқызу, коронарлық артерияларды шунттау немесе реваскуляризацияның басқа емшаралар, құжатталған стенокардия.

Қолданылуы

1. Гиперхолестеринемия:

*- ересектерде, жасөспірімдер мен 10 жастағы және одан үлкен балаларда диетаға жауап және басқа да дәрі-дәрмектік емдеу тәсілдері жеткіліксіз болғанда ХС, ТТЛП-ХС, аполипопротеин В және триглицеридтердің жоғары концентрациясын төмендету үшін диетаға қосымша ем ретінде, отбасылық гиперхолестеринемияны (гетерозиготалы нұсқа) немесе біріктірілген (аралас) гиперлипидемияны (Фредриксон жіктеуі бойынша IIа тип және IIb тип) қоса, алғашқы гиперхолестеринемияда;

*- жоғары жалпы ХС және ТТЛП-ХС төмендету үшін гомозиготалы отбасылық гиперхолестеринемиямен ересектерде емнің басқа да гиполипидемиялық тәсілдеріне (мысалы, ТТЛА - аферез) қосымша ретінде немесе осындай емдеу тәсілдері қол жетімсіз болғанда.

2. Жүрек-қантамырлық аурулардың профилактикасында:

*- алғашқы жүрек-қантамырлық жағдайлардың дамуының жоғары қаупімен ересек пациенттерде басқа қауіп факторларын түзетуге қосымша ретінде жүрек-қантамырлық жағдайлардың профилактикасында

*- өлім, миокард инфарктісін, инсульт, стенокардияға қатысты қайтадан ауруханаға жатқызу және реваскуляризация емшарасының қажеттігін төмендету мақсатында ЖИА пациенттерде жүрек-қантамырлық асқынулардың екіншілік профилактикасында

Қолдану тәсілі және дозалары

Вазатор препаратын тағайындар алдында науқасқа стандартты гиполипидемиялық емдәм ұсыну қажет, ол оны емнің барлық кезеңі бойына ұстануы тиіс.

Дозаны ТТЛП – холестеринінің бастапқы деңгейін, ем мақсатын және жеке әсерін ескеріп таңдайды.

Бастапқы доза тәулігіне бір рет 10 мг құрайды. Емнің басынды және/немесе аторвастатин дозасын жоғарылату кезінде әрбір 2-4 апта сайын қан плазмасында липидтер концентрациясын бақылау және дозаны сәйкесінше түзету керек.

Дозаны 4 аптадан кем емес аралықпен өзгерту керек. Ең жоғары доза тәулігіне 1 рет 80 мг құрайды.

Біріншілік гиперхолестеринемия және аралас гиперлипидемия

Көптеген жағдайларда препараттың 10 мг дозасын тәулігіне 1 рет тағайындау жеткілікті болады. Елеулі емдік әсері 2 аптадан кейін бақыланады және әдетте ең жоғары емдік әсері 4 аптадан кейін байқалады.

Ұзақ уақыт емдегенде бұл әсер сақталады.

Гетерозиготалы отбасылық гиперхолестеринемия

Пациенттерге дозаны күнделікті 10 мг бастау керек. Дозаны жекелей таңдау керек және оны әрбір 4 апта сайын тәулігіне 40 мг дейін жоғарылату керек. Содан кейін бұл доза ең жоғары тәулігіне 80 мг дейін жоғарылатуы мүмкін немесе 40 мг препарат өттің экскрециясын күшейтетін препараттармен біріктірілімде тәулігіне бір рет тағайындалады.

Гомозиготалы отбасылық гиперхолестеринемия

Гомозиготалы отбасылық гиперхолестеринемиямен пациенттерде аторвастатиннің дозасы тәулігіне 10-нан 80 мг дейінді құрайды.

Аторвастатинді осы пациенттерде гиполипидемиялық емнің басқа түрлеріне (мысалы, ТТЛА аферезі) қосымша ретінде немесе емнің аталған түрлері қол жетімсіз болса қолдану керек.

Жүрек-қантамырлық аурулар профилактикасы

Біріншілік профилактикалауға қатысты зерттеулерде доза тәулігіне 10 мг құрайды. Қолданыстағы қалып шегіне сәйкес холестерин (ТТЛП) деңгейіне жету үшін, қажет болғанда дозаны жоғарылатуға болады.

Бүйрек жеткіліксіздігі

Препаратты бүйрек жеткіліксіздігі және бүйрек аурулары бар науқастарда қолдану немесе оны қолданғандағы ТТЛП холестерині құрамы төмендеуінің дәрежесі қан плазмасындағы аторвастатин деңгейіне әсер етпейді, сондықтан препарат дозасын өзгерту талап етілмейді.

Бауыр жеткіліксіздігі

Бауыр функциясының бұзылуымен науқастарда сақтықпен қолдану керек. Бауырдың белсенді ауруларымен науқастарға қарсы көрсетілімде.

Егде жастағы пациенттерде қолданылуы

Препаратты егде жастағы пациенттерде қолданғанда қауіпсіздігінде, тиімділігінде немесе гиполипидемиялық емнің мақсатына жетуінде жалпы популяциямен салыстырғанда айырмашылықтар байқалған жоқ

Педиатрияда қолданылуы

Тұрғындардың осы тобында ұсынылған бастапқы дозасы дәрігердің бақылауымен тәулігіне 10 мг аторвастатинді құрайды. Организмнің реакциясы мен көтерімділігіне қарай дозаны күніне 80 мг дейін жоғарылатуға болады. Балаларда аторвастатинді тәулігіне 80 мг дозада қолдану тәжірибесі шектеулі. Балаларда бақыланатын зерттеулер жүргізілген жоқ.

Қолдану тәсілі

Ас қабылдауға байланыссыз, күндіз кез келген уақытында ішке қабылдау керек.

Жағымсыз әсерлері

Төменде берілген жағымсыз реакциялар жиілігі келесідегідей анықталды: жиі (≥1/100, < 1/10); жиі емес (≥1/1,000, < 1/100); сирек (≥1/10,000, < 1/1,000); өте сирек (≤1/10,000).

Инфекциялар мен инвазиялар:

Жиі: назофарингит.

Қан және лимфа жүйесі

Сирек: тромбоцитопения.

Иммунды жүйе тарапынан

Жиі: аллергиялық реакциялар.

Өте сирек: анафилаксия.

Метаболизмі және тамақтанудың бұзылуы

Жиі: гипергликемия.

Жиі емес: гипогликемия, дене салмағының артуы, анорексия.

Психикалық бұзылыстар

Жиі емес: қорқыныштар, ұйқысыздық.

Жүйке жүйесі тарапынан

Жиі: бас ауыруы.

Жиі емес: бас айналуы, парестезиялар, гипестезия, дисгевзия, амнезия.

Сирек: шеткері невропатия.

Көз аурулары

Жиі емес: амблиопия.

Сирек: көрудің бұзылуы.

Құлақ және лабиринттік бұзылыстар

Жиі емес: құлақтағы шуыл.

Өте сирек: естімей қалу.

Тыныс алу жүйесінің бұзылуы:

Жиі: фаринголариенгиальді ауыру, эпитаксис.

Асқазан-ішектік бұзылыстар

Жиі: іш қату, метеоризм, диспепсия, жүрек айнуы, диарея.

Жиі емес: құсу, іштің ауыруы, кекіру, панкреатит.

Гепатобилиарлы бұзылыстар

Жиі емес: гепатит.

Сирек: холестаз.

Өте сирек: бауыр жеткіліксіздігі.

Тері және тері асты шелмайы аурулары

Жиі емес: есекжем, тері бөртпесі, қышыну, алопеция.

Сирек: ангионевроздық ісіну, буллезді бөртпе, мультиформалы экссудативті эритема (оның ішінде Стивенс-Джонсон синдромы), уытты эпидермальді некролиз (Лайелл синдромы).

Қимыл-тірек жүйесінің және дәнекер тіндердің бұзылыстары

Жиі: миалгия, артралгия, аяқтардың ауыруы, бұлшықет түйілуі, артрит, арқаның ауыруы.

Жиі емес: мойынның ауыруы, бұлшықеттердің шаршауы.

Сирек: миопатия, миозит, рабдомиолиз, тендинопатия, кейде үзілумен асқынатын.

Репродуктивті жүйенің бұзылуы және сүт бездерінің аурулары

Өте сирек: гинекомастия.

Жалпы бұзылыстар

Жиі емес: дімкәстік, астения, кеуденің ауыруы, шеткері ісінулер, шаршау, гипертермия.

Зертханалық көрсеткіштер

Жалпы: функциональдік бауыр сынамаларының бұзылуы, сарысулық креатинфосфокиназаның (КФК) жоғарылауы.

Жиі емес: лейкоцитурия.

ГМГ-КоА-редуктазаның басқа тежегіштері секілді аторвастатин қабылдаған пациенттерде трансаминазалар деңгейінің жоғарылауы тіркелген.

Бұл өзгерістер, әдетте мардымсыз, қайтымды, және емді тоқтату талап етілмейді. Сарысуда аторвастатин деңгейінің клиникалық мәнді жоғарылауы (қалыптың жоғары шегінен 3 есе жоғары) аторвастатин қабылдаған 0,8% пациенттерде байқалды. Қан сарысуында трансаминазалар деңгейінің жоғарылауы дозаға тәуелді және барлық пациенттер үшін қайтымды болды.

Сарысудағы креатинкиназа деңгейінің қалыптың жоғары шегінен 3 еседен артық жоғарылауы аторвастатин қабылдаған 2,5% пациентте, сондай-ақ ГМГ-КоА-редуктазаның басқа тежегіштерімен клиникалық зерттеулерде байқалды; креатинкиназа деңгейінің рұқсат етілген шектен 10 еседен артық жоғарылауы, 0,4% пациентте байқалды. Кейбір статиндердің келесі жағымсыз әсерлері туралы бірлі-жарым хабарламалар бар:

- сексуальді бұзылыстар,

- қант диабеті: жиілігі қауіп факторының болуына немесе болмауына байланысты (аш қарынға қандағы глюкоза ≥5.6 ммоль/л, ИМТ >30 кг/м2, триглицеридтер деңгейінің жоғарылауы, анамнезінде артериялық гипертензия),

- депрессия,

- өкпенің интерстициальді ауруының сирек жағдайлары, әсіресе ұзақ уақыт емдегенде.

Болжамды жағымсыз әсерлері туралы хабарлар

Препараттың болжамды жағымсыз реакциялары туралы берілген деректер дәрілік заттың пайда/қауіп арақатынасына ұдайы мониторинг жүргізуге мүмкіндік беретін маңызды кезең болып табылады.

Медицина қызметкерлері кез келген болжамды жағымсыз реакциялар туралы ақпаратты нұсқаулықтың соңында берілген байланысу деректері, сондай-ақ ақпаратты жинаудың ұлттық жүйесі арқылы хабарлау керек.

Қолдануға болмайтын жағдайлар

- препарат компоненттеріне жоғары сезімталдық

- бауырдың белсенді аурулары немесе сарысу трансаминазалары белсенділігі жоғарылауы (норманың жоғарғы шегімен салыстырғанда 3 еседен артық)

- туа біткен лактоза көтере алмаушылығы, лактаза тапшылығы, глюкоза-галактоза мальабсорбциясымен пациенттер

- жүктілік және лактация кезеңі

- контрацепцияның сенімді әдісін қолданбайтын бала туатын жастағы әйелдер

- 18 жасқа дейінгі балалар және жасөспірімдер

Дәрілермен өзара әрекеттесуі

Дәрілік препараттарды бір мезгілде қолданудың аторвастатинге әсері

Вазатор P450 3A4 (CYP3A4) цитохромымен метаболизденеді және бауырда қорытылатын ақуызды тасымалдау үшін субстрат болып табылады, мысалы OATP1B1. CYP3A4 тежегіштері немесе ақуыздар тасымалдаушылары дәрілік заттарын бір мезгілде қолдану аторвастатиннің плазмалық концентрациясының артуына және миопатия дамуының жоғары қаупіне әкелуі мүмкін. Қаупі сондай-ақ Вазаторды фибраттар мен эзетимиб секілді миопатияның дамуына әсер етуі мүмкін басқа дәрілік заттармен бір мезгілде қолданғанда артады.

CYP3A4 тежегіштері: CYP3A4 изоферментінің күшті тежегіштері аторвастатиннің қан плазмасындағы концентрациясының айтарлықтай жоғарылауына әкелетіні көрсетілген. Мүмкіндігінше CYP3A4 изоферментінің күшті тежегіштерін бір мезгілде қолданудан аулақ болу керек (мысалы, циклоспориннің, телитромициннің, кларитромициннің, делавирдиннің, стирипентолдың, кетоконазолдың, вориконазолдың, итраконазолдың, позаконазол және ритонавир, лопинавир, атазанавир, индинавир, дарунавир және т. б. қоса, АИВ протеазасы тежегіштерінің).

Осы дәрілік препараттар мен аторвастатинді бір мезгілде қолдану өте қажет болған жағдайларда, аторвастатиннің төмен бастапқы және ең жоғары дозасы қолдану ұсынылады. Вазатор препаратының 40 мг және одан жоғары тәуліктік дозасын қолданғанда пациенттің жағдайына клиникалық мұқият бақылау жүргізу ұсынылады.

CYP3A4 орташа тежегіштері (мысалы, эритромицин, дилтиазем, верапамил және флуконазол) аторвастатиннің плазмалық концентрациясын жоғарылатуы мүмкін. Миопатия даму қаупінің жоғарылауы эритромицинді статиндермен біріктірілімде қолданғанда байқалады. Амиодарон немесе верапамилдің аторвастатинге әсеріне зерттеу жүргізілген жоқ. Амиодарон мен верапамил CYP3A4 белсенділігін тежейді және Вазатор препаратымен бір мезгілде қолдану аторвастатиннің әсерінің күшеюіне әкелуі мүмкін.

Осылайша Вазаторды CYP3A4 орташа тежегіштерімен бір мезгілде қолданғанда аторвастатиннің төменірек ең жоғары дозасын тағайындау, әсіресе емнің басында және дозаны келесі түзетуде пациентті сәйкес клиникалық бақылауға алу ұсынылады,

CYP3A4 индукторлары: Вазаторды Р450 3А цитохромы индукторларымен бір мезгілде қолдану (мысалы, эфавиренз, рифампицин, шайқурай) аторвастатиннің қан плазмасындағы ауыспалы концентрациясының төмендеуіне әкелуі мүмкін.

Рифампициннің әсер етуінің қосарлы механизміне байланысты (Р450 3А цитохромының индукциясы және OATP1B1т тасымалдайтын гепатоциттерінің тежелуін), рифампицинді Вазатор препаратымен бір мезгілде қатар қолдану ұсынылмайды, өйткені аторвастатиннің плазмадағы концентрациясының айтарлықтай төмендеуімен байланысты рифампицинді қабылдағаннан кейін аторвастатиннің сіңірілуі іркіледі.

Рифампициннің аторвастатиннің гепатоциттердегі концентрациясына әсері белгісіз, және егер оларды бір мезгілде қолдану қажет болса, тиімділігін мұқият мониторингілеу керек.

Ақуыздарды тасымалдаушы тежегіштер: ақуыздарды тасымалдаушы тежегіштер (мысалы, циклоспорин) аторвастатиннің жүйелі әсерін жоғарылатуы мүмкін. Тасымалдағыштардың бауырлық сіңірілуінің гепатоциттердегі аторвастатиннің концентрациясына тежегіштік әсері белгісіз. Бір мезгілде қолданғанда дозаны төмендету керек және тиімділігін клиникалық мониторингілеу ұсынылады.

Гемфиброзол туындылары мен фибраттар, эзетимиб: фибраттар мен эзетимиб бөлек қолданған жағдайда могут оказывать воздействие на мышцы, которое может привести к рабдомиолизге әкелуі мүмкін бұлшықеттерге әсер етуі мүмкін. Осындай әсерлерінің даму қаупі фиброй қышқылын Вазатор препаратымен бір мезгілде қолданғанда артуы мүмкін. Егер бір мезгілде қолданбаса болмайтын жағдай болса, онда емдік мақсатқа жету үшін Вазатордың ең төмен дозасы қолданылуы керек және осындай пациенттер мұқият бақылауда болуы керек.

Колестипол: колестиполмен бір мезгілде қолданғанда аторвастатин мен оның белсенді метаболиттерінің плазмалық концентрациялары төмендейді (шамамен 25 %-ға). Әйтсе де, липидті әсер олардың біреуін қолданғанмен салыстырғанда оларды бір мезгілде қолданғанда жоғары болды.

Фузид қышқылы: аторвастатин мен фузид қышқылының өзара әрекеттесуіне зерттеу жүргізілген жоқ. Басқа статиндермен секілді, оларды бір мезгілде қолданғанда маркетингтен кейінгі кезеңде оның ішінде рабдомиолизбен де байланысты, бұлшықетке әсері туралы хабарланды.

Осы өзара әрекеттесудің механизмі белгісіз. Пациенттер мұқият бақылауда болуы және қажет болғанда Вазатор препаратымен ем уақытша тоқтатылуы керек.

Колхицин: Аторвастатин мен колхицинді бір мезгілде қолданғанда миопатияның даму жағдайлары тіркелген. Аторвастатинді колхицинмен бір мезгілде тағайындағанда сақтық шараларын сақтау керек.

Аторвастатиннің бір мезгілде қабылданатын дәрілік заттарға әсері

Дигоксин: дигоксин мен 10 мг дозадағы Вазатор препаратының бірнеше реттік дозасын бір мезгілде қабылдағанда дигоксиннің концентрациясы мардымсыз артады. Дигоксин қабылдайтын пациенттер сәйкес бақылауда болуы керек.

Оральді контрацептивтер: аторвастатинді оральді контрацептивтермен бір мезгілде тағайындау норэтиндрон, этинилэстрадиол және эстрадиолдың плазмадағы концентрациясының жоғарылауына әкеледі.

Варфарин: 80 мг дозадағы Вазатор препаратын бір мезгілде қабылдау Вазатормен емдеудің 15 күні ішінде қалыптағыға жететін қолданудың алғашқы 4 күні ішінде протромбиндік уақыттың аздап төмендеуін туындатуы мүмкін (1,7 секундқа жуық). Антикоагулянттармен клиникалық мәні бар өзара әрекеттесуі байқалмаса да, айтарлықтай өзгерістерді өткізіп алмау үшін, кумарин, басқа да антикоагулянттар қабылдайтын пациенттерде протромбиндік уақыт Вазатор препаратымен емді бастағанға дейін, емнің басында, тұрақтанғаннан кейін және кейіннен мезгіл-мезгіл анықталуы керек. Егер Вазатордың дозасы өзгерсе немесе ем тоқтатылса, сол процедураны қайталау керек. Вазатормен ем антикоагулянттар қабылдамаған пациенттерде қан кету уақыты мен протромбиндік уақытқа әсер етпейді.

Айрықша нұсқаулар

Бауырға әсері

Бауыр зақымдануының қандай-да болмасын симтомдары бар пациенттерге, бауырдың функционалдық сынамасын жасау керек. Трансаминазалар деңгейі жоғарылайтын пациенттерді бұзылыстар қалпына келгенге дейін бақылау керек. Егер трансаминазалар деңгейінің қалыптың жоғары деңгейінен 3- еседен артық жоғарылауы байқалса,  дозаны төмендету немесе Вазаторды қабылдауды тоқтату ұсынылады.

Вазаторды алкогольдік сусындарды шамадан тыс мөлшерде қабылдайтын және/немесе анамнезінде бауыр аурулары бар пациенттерде сақтықпен қолдану керек.

Холестерин деңгейінің күрт төмендеуінде инсульттің профилактикасы

Аторвастатинді 80 мг дозада қабылдаған пациенттерде плацебомен салыстырғанда жуық арада инсульт немесе ТИШ өткерген ЖИА жоқ пациенттерде инсульттің қосалқы типтерінің ретроспективті талдауында геморрагиялық инсульттің пайда болуының жоғары жиілігі анықталды. Зерттеудің басында бұрын геморрагиялық инсульт немесе мидың лакунарлы инфарктісін өткерген пациенттерде жоғары қаупі байқалды.

Аторвастатинді 80 мг дозада қабылдағанда пайда және қауіп арақатынасы геморрагиялық инсульт немесе мидың лакунарлы инфарктісін өткерген пациенттерде анықталған жоқ және Вазатор препаратымен емді бастар алдында геморрагиялық инсульттің зор қаупін мұқият бағалау керек.

Қаңқа бұлшықеттеріне әсері

Вазатор, КоА-редуктазаның (ГМГ-КоА), басқа 3-гидрокси-3-метил-глутарил тежегіштері секілді сирек жағдайларда қаңқа бұлшықеттеріне әсер етуі мүмкін және миалгия, миозит және миопатия туындатуы креатининфосфокиназаның нақты жоғары деңгейімен (қалыптың жоғары шегінен 10 есе жоғары), миоглобинемия және миоглобинуриямен сипатталатын бүйрек жеткіліксіздігі дамуына әкелуі мүмкін өмірге қаупі зор ауру рабдомиолизға дейін өршуі мүмкін.

Емді бастар алдында

Вазаторды рабдомиолиз дамуына себеп болатын факторлармен пациенттерге сақтықпен тағайындау керек. Креатининфосфокиназа (КФК) деңгейін статинмен емге дейін келесі жағдайларда өлшеу керек:

- бүйрек жеткіліксіздігі,

- гипотиреоз;

- жеке бастың және отбасылық анамнезінде тұқым қуалаған бұлшықеттік бұзылыстар;

- анамнезінде статинмен немесе фибраттармен туындаған бұлшықеттік уыттылық жағдайлары;

- анамнезінде бауыр аурулары және/немесе айтарлықтай мөлшерде алкогольдік сусындар қабылдау;

- егде жастағы пациенттерде (жасы > 70 жас);

- осы зерттеудің қажеттігін препараттың қан плазмасындағы концентрациясының жоғарылауы мүмкін жағдайлар, мысалы, дәрілік өзара әрекеттесуінде басқа да рабдомиолиз дамуына бейімдейтін факторлардың барын ескеріп қарастыру керек. Осындай жағдайларда емдеу қаупін болжамды пайдасына қатысты қарастыру керек және клиникалық мониторинг жүргізу ұсынылады. Емді егер КФК деңгейі қалыптан айтарлықтай жоғары болса (жоғары шегінен 5 есе жоғары) бастауға болмайды.

Креатининкиназаны зерттеу

КФК деңгейін қарқынды дене жүктемесінен кейін немесе КФК жоғарылауының болжамды баламалы себебі болғанда анықтауға болмайды, өйткені бұл мәндерін интерпретациялауды қиындатады.

Егер КФК деңгейі бастапқы деңгейін айтарлықтай жоғарылытса (қалыптың жоғары шегінен 5 есе жоғары), нәтижелерін расстау үшін зерттеуді 5 - 7 күннен кейін қайталау керек.

Емдеу кезеңі

Пациенттерді әсіресе, егер ол дімкәстік немесе қызбамен қатар жүрсе бұлшықет ауыруы, құрысулар немесе әлсіздік пайда болғаны жөнінде дереу хабарлау керектігін ескерту керек.

Егер осы симптомдар Вазатор препаратымен емдеу кезінде пайда болса, онда КФК деңгейін өлшеу керек. Егер анықталған деңгейі айтарлықтай жоғары болса (қалыптың жоғары шегінен 5 есе жоғары), препаратпен емдеуді тоқтату керек.

Егер симптомдары қайтымды болса және КФК деңгейі қалыпқа қайтып келсе, Вазаторды қайта қолдану немесе мұқият мониторингілеуде төмен дозаларда баламалы статинді қолдану туралы шешімді қарастыру керек. Егер КФК деңгейінің клиникалық мәнді жоғарылауы (қалыптың жоғары шегінен > 10 есе жоғары) немесе рабдомиолиз диагнозы анықталса, немесе оның барына күдік туындаса Вазаторды қабылдауды тоқтату керек.

Басқа дәрілік заттармен қатар жүретін ем

Вазаторды циклоспорин, телитромицин, кларитромицин, делавирдин, стирипентол, кетоконазол, вориконазол, итраконазол, позаконазол секілді CYP3A4 күшті тежегіштері немесе ақуыздар тасымалдаушысы және ритонавир, лопинавир, анатазнавир, дарунавир және басқаларды қоса АИВ-протеаза тежегіштері секілді аторвастатиннің қан плазмасындағы концентрациясын жоғарылататын препараттармен бір мезгілде қолданғанда рабдомиолиздың даму қаупі артады.

Гемфиброзилмен және басқа да фибраттармен, эритромицинмен, ниацинмен және эзетимибпен бір мезгілде қолданғанда миопатия даму қаупі артады.

Қажет болғанда, баламалы (өзара әрекеттеспейтін) дәрілік заттарды қолдану мүмкіндігін қарастыру керек. Осы дәрілік заттарды Вазатор препаратымен қатар қолданған жағдайларда бір мезгілде емдеудің пайда/қауіп арақатынасы мұқият саралануы керек.

Аторвастатиннің плазмадағы концентрациясын жоғарылататын дәрілік заттарды бір мезгілде қолдану қажет болған жағдайда Вазатордың дозасын ең жоғары ұсынылған дозадан төмендету ұсынылады.

Одан басқа, CYP3A4 изоферментінің күшті тежегішін қолданған жағдайда Вазатор препаратының ең төмен бастапқы дозасын қолдану ұсынылады және осы этих пациенттердің жағдайына клиникалық бақылау жасау керек.

Вазатор және фузид қышқылын бір мезгілде қолдануға болмайды, сондықтан фузид қышқылымен емдеу аясында препарат қабылдауды уақытша тоқтату керек.

Өкпенің интерстициальді зақымдануы

Өкпенің интерстициальді ауруларының сирек жағдайлары кейбір статиндерді қолданғанда, әсіресе ұзақ уақыт емдегенде тіркелді. Ентігу, өнімсіз жөтел және жалпы денсаулықтың нашарлауы (шаршау, салмақты жоғалту және қызба) сипатты белгілері болып табылады. Өкпенің интерстициальді ауруларының дамуына күдік туындағанда, статиндермен ем тоқтатылуы керек.

Қант диабеті

Кейбір деректер көрсеткендей статиндер қандағы глюкоза деңгейін жоғарылатуға қабілетті және қант диабеті даму қаупінің жоғары деңгейімен кейбір пациенттерде болашақта қант диабетін емдеуді бастау мақсатқа сай болып табылатын гипергликемия деңгейіне әкелуі мүмкін.

Әйтсе де, бұл қауіп статиндерді қолданғандағы қантамырлар үшін қауіптің төмендеуінен болатын пайдадан жоғары және сондықтан статиндермен емді тоқтату үшін себеп болып табылмайды.

Қауіп тобының пациенттері (аш қарынға глюкоза деңгейі 5,6–6,9 ммоль/л, ИМТ> 30 кг/м2, триглицеридтердің жоғары деңгейі, артериялық гипертензия) ұлттық ұсынымдарға сәйкес клиникалық, сондай-ақ биохимиялық бақылауда болуы керек.

Толтырғыштар туралы арнайы ескертулер

Вазатордың құрамында лактоза бар. Галактозаны көтере алмаушылық, Lapp лактаза жеткіліксіздігі немесе глюкоза-галактоза мальабсорбциясы секілді тұқым қуалаған сирек кездесетін аурулармен пациенттерге Вазатор препаратын қабылдауға болмайды.

Жүктілік және емшекпен қоректендіруде қолданылуы

Вазатор препаратын жүктілік кезінде қолдануға болмайды.

Репродуктивті жастағы әйелдер емделу кезінде контрацепцияның адекватты әдісін қолдануы керек. Вазатор препаратын қолдану контрацепцияның адекватты әдісін қолданбайтын бала туатын жастағы әйелдерде қарсы көрсетілімде.

Аторвастатинді жүкті әйелдерде қолданудың қауіпсіздігі анықталмаған. Жүкті әйелдердің қатысуымен бақыланатын клиникалық зерттеулер жүргізілген жоқ. ГМГ-КоА-редуктаза тежегіштері әсерінен кейін ұрық дамуының туа біткен ақаулары туралы сирек хабарлар алынды. Жануарларға жүргізілген зерттеулер аторвастатиннің репродуктивті функцияға уытты әсері барын көрсетеді.

Аналарын Вазатор препаратымен емдеу ұрық бауырының жасушаларында холестериннің ізашары болып табылатын мевалонаттың түзілуін азайтуы мүмкін. Атеросклероз созылмалы үдеріс болып табылады және әдетте жүктілік кезінде гиполипидемиялық дәрілік заттарды қолдануды тоқтату біріншілік гиперхолестеринемиямен байланысты кейіннен болатын қаупіне аздап әсер етуі керек.

Осы себепке байланысты, Вазатор препаратын жүктілікті жоспарлаған және жүктілік болуы жоққа шығарылмайтын әйелдерге қолдануға болмайды. Вазатор препаратымен емдеуді жүктілік кезінде немесе әйелдің жүкті екені анықталғанша тоқтату керек.

Вазатор препаратын емшекпен қоректендіру кезінде қолдануға болмайды. Аторвастатин немесе оның метаболитінің емшек сүтіне секрециялануы белгісіз. Атжалмандардың қан плазмасындағы аторвастатин концентрациясы және оның белсенді метаболиттері сүттегіге ұқсайды. Балада елеулі жағымсыз әсерлердің даму мүмкіндігіне байланысты, Вазатор препаратын қабылдайтын әйелдер емшекпен қоректендіруді тоқтатуы керек.

Фертильділігі

Жануарларға жүргізілген зерттеулерде, аторвастатин ер және әйел жынысты дарақтардың фертильділігіне әсер еткен жоқ.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Емделу кезінде зейінді жоғары жұмылдыру мен психомоторлық реакциялар жылдамдығын талап ететін көлік басқарғанда және басқа да қауіптілігі зор қызмет түрлерімен айналысқанда сақтық шараларын сақтау керек.

Артық дозалануы

Симптомдары: жағымсыз әсерлердің күшеюі.

Емі: арнайы антидоты жоқ, симптоматикалық ем жүргізіледі.

Гемодиализ тиімсіз.

Шығарылу түрі және қаптамасы

Алюминий фольгадан немесе алюминий фольгадан және поливинилхлоридті үлбірден жасалған пішінді ұяшықты қаптамаға 10 таблеткадан салынған.

1 немесе 3 пішінді қаптамадан медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Алюминий фольгадан немесе алюминий фольгадан және поливинилхлоридті үлбірден жасалған пішінді ұяшықты қаптамаға 14 таблеткадан салынған.

1 немесе 2 пішінді қаптамадан медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 30°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Эдж Фарма Прайвет Лимитед»

166 Атланта Билдинг,

209 Нариман Пойнт,

Мумбай – 400021, Үндістан

Тіркеу куәлігінің иесі

«Эдж Фарма Прайвет Лимитед»Үндістан

Қаптаушы ұйымның атауы мен елі

«Эдж Фарма Прайвет Лимитед»

166 Атланта Билдинг,

209 Нариман Пойнт,

Мумбай – 400021, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«СonsultAsia» ЖШС

E-mail: registration@consultingasia.kz

Тел/факс: +77051708876; +77051708825

Дәрілік заттың қауіпсіздігін тіркеуден кейін қадағалауға жауапты ұйымның мекенжайы

ConsultAsia ЖШС

Шевченко к-сі, 165 Б

тел./факс: +77051708876/+77051708825

e-mail: pv@consultingasia.kz