Бускопан® (Суппозитории ректальные)

• русский
• қазақша

• Скачать инструкцию медикамента

Саудалық атауы

БУСКОПАН

Халықаралық патенттелмеген атауы

Жоқ

Дәрілік түрі

Ректальді суппозиторийлер 10 мг

Құрамы

1 суппозиторийдің құрамында

белсенді зат – 10 мг гиосцин бутилбромиді,

қосымша заттар: тазартылған су, қатты май (Witepsol W45).

Сипаттамасы

Балауыздың иісі бар, торпеда тәрізді пішінді, тегіс, ақ түсті немесе пілдің сүйегі түсті суппозиторийлер.

Фармакотерапиялық тобы

Асқазан-ішек жолының функционалдық бұзылыстарын емдеуге арналған препараттар. Итжидектің жартылай синтетикалық алкалоидтары, төртіншілік аммоний қосылыстары.

АТХ коды А03ВВ01

Фармакологиялық қасиеттері

Фармакокинетикасы

Сіңуі мен таралуы. Төртіншілік аммоний туындылары сияқты гиосцин бутилбромидің полярлығы жоғары, соның салдарынан ректальді қолданған кезде тек ішінара сіңіріледі (3%). Жүйелі биожетімділігі 1%-дан төменді құрайды. Мускаринді және никотинді рецепторлармен ұқсастығы жоғары болуы салдарынан, гиосцин бутилбромиді, негізінен, құрсақ және жамбас аумағындағы бұлшықет жасушаларында және іш қуысының интрамуральді ганглияларында таралады. Плазма ақуыздарымен байланысуы 4,4%-ға жуықты құрайды.

Метаболизмі және шығарылуы. Ректальді қолданғаннан кейін гиосцин бутилбромидінің таңбаланған радиоактивті изотопымен анықталған қалдық дозаның 0,7-ден 1,6% дейінгісі бүйрек арқылы шығарылады.

Бүйрек арқылы шығарылған метаболиттер мускаринді рецепторлармен нашар байланысады, соның салдарынан гиосцин бутилбромидінің әсеріне ықпал етпейді.

Фармакодинамикасы

БУСКОПАН – асқазан-ішек, өт және несепжыныс жолдарының тегіс бұлшықеттеріне спазмолитикалық әсер көрсетеді. Төртіншілік аммоний туындысы ретінде гиосцин бутилбромиді орталық жүйке жүйесіне өтпейді. Сондықтан, ОЖЖ-ге антихолинергиялық жағымсыз әсерлер туындамайды. Шеткері антихолинергиялық әсері висцеральді жақтау ішінде ганглиобөгегіш әсері және антимускаринді белсенділік салдарынан туындайды.

Қолданылуы

Кешенді емдеу құрамында

-бүйректің шаншуы, несепағардың түйілуі, өттің шаншуы, өт шығару жолдарының және өт қабының гипермоторлық дискинезиясы, холецистит, ішектің шаншуы, пилороспазм, асқыну сатысындағы асқазан мен он екі елі ішектің ойық жара ауруы, дисменорея

Қолдану тәсілі және дозалары

Егер дәрігер басқаша тағайындамаса, келесі дозаларда қолдану ұсынылады:

Ересектер мен 6 жастан асқан балаларға: 1-2 суппозиторийден тәулігіне 3-5 рет, ректальді.

Суппозиторийлерді қабығынан шығарып, үшкір ұшын алдыға қаратып тік ішекке енгізу керек.

БУСКОПАН препаратын ұзақ уақыт күнделікті негізде немесе іштің ауыруы себептерін анықтап алмайынша ұзақ уақыт қабылдауға болмайды.

Жағымсыз әсерлері

жағымсыз әсерлері

Жиі емес

• тахикардия

• ауыздың құрғауы

• дисгидроз

• анафилактикалық шок, өліммен аяқталуын қосқанда, анафилактоидты реакциялар, диспноэ, тері реакциялары (мысалы, есекжем, бөртпе, эритема және қышыну) және аса жоғары сезімталдықтың басқа да көріністері

Сирек

• несептің іркілуі

Қолдануға болмайтын жағдайлар

• гиосцин бутилбромидіне немесе препараттың кез келген компонентіне жоғары сезімталдық

• миастения гравис

• мегаколон

• 6 жасқа дейінгі балаларға

Дәрілермен өзара әрекеттесуі

БУСКОПАН үш- және төрт циклдік антидепрессанттардың, антигистаминдік және антипсихотикалық препараттардың, хинидиннің, амантадиннің, дизопирамидтің және басқадай холинолитиктердің антихолинергиялық әсерін күшейтуі мүмкін (мысалы, тиотропия, ипратропия және атропин тәрізді компоненттер).

БУСКОПАН препаратын және допамин антагонистерін, мысалы, метоклопрамидті, бір мезгілде тағайындау екі препараттың да асқазан-ішек жолына әсерінің әлсіреуіне әкелуі мүмкін.

БУСКОПАН бета-адренергиялық дәрілер туғызған тахикардияны күшейтуі мүмкін.

Айрықша нұсқаулар

Іштің қатты ауыруы сақталған немесе нашарлаған жағдайда немесе қызба, жүрек айнуы, құсу, перистальтиканың өзгеруі, іштің ауыруы, артериялық қысымның төмендеуі, естен тану немесе нәжісте қаннның болуы сияқты симтомдармен өтсе, симптомдардың этиологиясын зерттеу үшін тиісті диагностикалық шараларды қолдану қажет.

Антихолинергиялық асқынулардың әлеуетті қаупі салдарынан төмендегі: жабық бұрышты глаукомаға бейім, ішектің бітелуіне күдік туындаған немесе несеп шығару жолдарының обструкциясы бар, тахиаритмияға бейім емделушілерде сақ болу керек.

Жүктілік және лактация кезеңі

Жүктілік кезінде гиосцин бутилбромидін қолдану туралы тек шектеулі ақпарат бар. БУСКОПАН мен оның метаболиттерінің емшек сүтіне шығарылуы жөнінде жеткілікті деректер жоқ.

Сақтандыру шаралары ретінде БУСКОПАНды жүктілік және бала емізу кезінде қолдануды болдырмаған абзал.

Препараттың адамның фертильділік қабілетіне әсеріне зерттеу жүргізілген жоқ.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Дәрілік заттың автокөлікті немесе қауіптілігі зор механизмдерді басқару қабілетіне ықпал етуі туралы зерттеулер жүргізілген жоқ.

Артық дозалануы

Симптомдары: артық дозаланған жағдайда антихолинергиялық әсерлер байқалуы мүмкін.

Емі: қажет болғанда парасимпатомиметикалық дәрілерді қолдану керек. Глаукома жағдайында офтальмологтың шұғыл кеңесі қажет. Жүрек-қантамыр асқынуларын әдеттегі емдеу принциптеріне сәйкес емдеу қажет. Тыныс алу бұлшықеттерінің салдануында интубацияны, өкпені жасанды желдетуді қолдануды қарастыру керек. Несептің іркілісі жағдайында қуықты катетерлеу қажет болуы мүмкін. Қосымша ретінде қажетіне қарай тиісті демеуші шараларды пайдалану қажет.

Шығарылу түрі және қаптамасы

Полиэтилен үлбірден және алюминий фольгадан жасалған пішінді ұяшықты қаптамада 5 суппозиторийден. 2 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

Институт де Ангели С.Р.Л., Италия

Тіркеу куәлігінің иесі

Берингер Ингельхайм Интернешнл ГмбХ, Германия

Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Берингер Ингельхайм Фарма Геселлшафт м.б.Х» Қазақстан Республикасындағы филиалы

Заңды және пошталық мекенжайы: 050008, Алматы қ-сы, Абай д-лы 52, «Innova Tower» БО, 7 этаж

Тел: +7-727-250-00-77, факс:+7-727-244-51-77

e-mail: PV_local_Kazakhstan@boehringer-ingelheim.com