Бронхостоп® Сироп

МНН: Алтея лекарственного корни, Тимьяна обыкновенного травы экстракт
Производитель: Квизда Фарма ГмбХ
Анатомо-терапевтическо-химическая классификация: Комбинированные препараты
Номер регистрации в РК: № РК-ЛС-5№020652
Информация о регистрации в РК: 18.06.2014 - 18.06.2019

Инструкция

Саудалық атауы

Бронхостоп® Шәрбат

Халықаралық патенттелмеген атауы

Жоқ

Дәрілік түрі

Шәрбат 120 мл

Құрамы

1 мл шәрбаттың құрамында

белсенді заттар:

жебіршөп шөптерінің құрғақ сығындысы 8.0 мг,

жалбызтікен тамырының сұйық сығындысы 55.3 мг,

қосымша заттар: мальтодекстрин, акация, таңқурай шырыны, ксилит, ксантан шайыры, лимон қышқылының моногидраты, метилпарагидроксибензоат (Е 218), пропилпарагидроксибензоат (Е 216), таңқурай хош иістендіргіші, тазартылған су.

Жебіршөп шөптерінің құрғақ сығындысын (шикізаттың экстрагентке арақатынасы 7 – 13 : 1), жалбызтікен тамырының сұйық сығындысын (шикізаттың экстрагентке арақатынасы 1 : 12 – 14) өндіру үдерісінде экстрагент ретінде су пайдаланылады.

Сипаттамасы

Өзіне тән (жебіршөп) иісі бар, тұтқыр, қоңыр сұйықтық.

Фармакотерапиялық тобы

Суық тию және жөтел симптомдарын жоюға арналған препараттар. Қақырық түсіретін препараттар.

Қақырық түсіретін препараттар біріктірілімі.

АТХ коды R05CА10

Фармакологиялық қасиеттері

Фармакокинетикасы

Қажет етілмейді.

Фармакодинамикасы

Жебіршөптің секретоликалық, қақырық түсіретін және бронхолитикалық әсері бар, тұтқыр қақырықтың түсуін жеңілдетеді. Жебіршөп шөбінің сығындысы құрамындағы эфир майы антисептикалық қасиеттерге ие.

Жалбызтікен тамырының құрамына кіретін полисахаридтер шырышты қабықтың тітіркенуін қорғаныш қабатын қалыптастыру арқылы азайтады. Бұл тітіркендіргіштерге қарсы бөгетті күшейтеді және жөтелуге бейімдікті төмендете отырып, жөтел рецепторларының сезімталдығын азайтады.

Қолданылуы

  • жоғарғы тыныс жолдарының суық тию ауруларынан болған жөтел кезінде жұтқыншақтың тітіркенуін азайту үшін және қақырық түсіретін дәрі ретінде.

Қолдану тәсілі және дозалары

Ішке қабылдау үшін, сұйылтылмаған түрде.

Егер қажет болса, Бронхостоп® Шәрбат препаратын сумен немесе жылы шаймен сұйылтуға болады.

Ересектер мен 12 жастан асқан балаларға: 15 мл-ден әрбір 3-4 сағат сайын (тәулігіне 4 – 6 рет; ең жоғары тәуліктік доза 90 мл дейін).

4-тен 12 жасқа дейінгі балаларға: 7,5 мл-ден әрбір 3-4 сағат сайын (тәулігіне 4 – 6 рет; ең жоғары тәуліктік доза 45 мл дейін).

2-ден 4 жасқа дейінгі балалар: дәрігермен кеңесуден кейін 7,5 мл-ден әрбір 3-4 сағат сайын (тәулігіне 4 – 6 рет; ең жоғары тәуліктік доза 45 мл дейін) қолдануға болады.

2 жасқа дейінгі балалар: 2 жасқа дейінгі балаларға қолдану ұсынылмайды.

Бронхостоп® Шәрбат препаратымен емдеудің ұзақтығы 5 күннен аспауы тиіс. Егер 5 күн бойы жағдайы жақсармаса, дәрігерге қаралу қажет.

Жағымсыз әсерлері

- аса жоғары сезімталдық реакциялары (бір анафилактикалық шок жағдайын және бір Квинке ісінуі жағдайын қоса)

- асқазан-ішек жолы тарапынан болатын бұзылыстар.

Қолдануға болмайтын жағдайлар

- белсенді заттарға, Қалақайлар (Lamiaceae) тұқымдасы өсімдіктеріне немесе қосымша заттардың кез келгеніне жоғары сезімталдық

- 2 жасқа дейінгі балалар

- тұқым қуалайтын фруктозаны көтере алмаушылық.

Дәрілермен өзара әрекеттесуі

Дәрілермен өзара әрекеттесуіне зерттеу жүргізілмеген.

Айрықша нұсқаулар

Ентігу, қызба немесе іріңді бөліністер және/немесе жағымсыз әсерлер пайда болса, дәрігерге көріну керек.

Бронхостоп® шәрбаттың құрамында метилпарагидроксибензоат және пропилпарагидроксибензоат консерванттары бар. Олар баяу типті реакцияларды қоса, аса жоғары сезімталдық реакциялары дамуын туындатуы мүмкін.

Жеткілікті деректер болмауына байланысты, 2 жасқа дейінгі балаларға қолдану ұсынылмайды.

Жүктілік және бала емізу кезеңі.

Жеткілікті деректер болмауына байланысты, жүктілік және бала емізу кезеңінде қолдану ұсынылмайды.

Автокөлікті басқару немесе механизмдермен жұмыс істеу қабілетіне әсер етуі.

Автокөлікті басқару немесе механизмдермен жұмыс істеу қабілетіне әсер етуіне қатысты зерттеулер жүргізілмеген.

Артық дозалануы

Симптомдары: жағымсыз әсерлерінің күшеюі.

Емі: препаратты тоқтату, қажет болғанда – симптоматикалық ем.

Шығарылу түрі және қаптамасы

120 мл препараттан ашылудан қорғаныш сақинасымен, қондырмасы және полиэтиленнен жасалған бұрандалы қақпақшасы бар қоңыр шыны құтыда.

1 құтыдан 2,5-тен 20 мл дейін шкаласы бар полипропиленді өлшеуіш стақанымен және дәрілік заттың медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Құтыны ашқаннан кейін қолдану кезеңі 4 апта.

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

Квизда Фарма ГмбХ,

Эффингергассе 21, 1160, Вена, Австрия

Тіркеу куәлігінің иесі

Квизда Фарма ГмбХ,

Эффингергассе 21, 1160, Вена, Австрия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Дельта Медикел Промоушнз АГ (Швейцария) өкілдігі

050040, Алматы қ., Бостандық ауданы, Байзақов к-сі, 280 үй

Tел./факс +7 (727) 332 20 79 Электронды пошта: PVG@deltamedical.com.ua

 

 

 

Прикрепленные файлы

678205351477976683_ru.doc 76 кб
622595141477977814_kz.doc 56.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники