Бронхолитин®

• русский
• қазақша

• Скачать инструкцию медикамента

Саудалық атауы

Бронхолитин ®

Халықаралық патенттелмеген атауы

Жоқ

Дәрілік түрі

Шәрбат

Құрамы

5 мл шәрбаттың құрамында:

белсенді заттар - 5,75 мг глауцин гидробромиді (glaucine hydrobromide) және 4,6 мг эфедрин гидрохлориді (ephedrine hydrochloride) бар.

Қосымша заттар: райхангүл майы, лимон қышқылы моногидраты, метилпарагидроксибензоат, пропилпарагидроксибензоат, полисорбат 80, сахароза, 96% этил спирті, тазартылған су

Сипаттамасы

Өзіне тән райхангүл майының иісі бар cары-қоңыр шәрбат тәрізді сұйықтық.

Фармакотерапиялық тобы

Суық тию белгілерін және жөтелді жоюға арналған препараттар. Жөтелге қарсы басқа да препараттар. Біріктірілген препараттар.

АТХ коды: RO5DВ20

Фармакологиялық қасиеттері

Фармакокинетикасы

Сіңуі: ішу арқылы қабылдағаннан кейін глауцин гидробромиді мен эфедрин гидрохлориді асқазан-ішек жолынан жылдам және толық сіңіріледі.

Таралуы: глауцин гидробромиді ең жоғары плазмалық концентрациясына оны қабылдағаннан кейін 1,5 сағаттан соң жетеді.

Эфедрин гидрохлориді организмде көбінесе бауырда, өкпеде, бүйректе, көкбауырда және мида жиналумен таралады.

Метаболизмі: глауцин гидробромиді мен эфедрин гидрохлориді (аздаған бөлігі) бауырда метаболизденеді.

Шығарылуы: глауцин гидробромиді метаболиттер түрінде өзгермеген күйде несеппен шығарылады.

Эфедрин гидрохлоридінің жартылай шығарылу кезеңі 3-6 сағатқа жуық құрайды. Негізінен өзгермеген күйде несеппен бөлініп шығады.

Фармакодинамикасы

Бронхолитин® – жөтелге қарсы, бронх кеңейтуші және бронхоантисептикалық әсер ететін біріктірілген дәрілік препарат.

Алкалоид глауцин тыныс алуға әсерін тигізбестен жөтел орталығын басады. Әлсіз білінетін бронхоспазмолитикалық және адренолитикалық әсері бар, әрі дағдылануды және тәуелденуді туғызбайды.

Эфедрин гидрохлориді - тікелей (альфа- және бета- рецепторларды көтермелейді) және тікелей емес (аминооксидаза белсенділігін бәсеңдетеді) әсер ететін адреномиметик. Норадреналин мен адреналинді олардың депосынан босатып шығарады. Эфедрин бронхтардың тегіс бұлшықеттерінің түйілуін басатын әсер көрсетеді. Ол бронх бұлшықеттерін ұзақ босаңсытады, бұл бета2-адренорецепторларды айқын қоздыру әсерінің салдарынан болады. Эфедриннің әсер етуімен бронх шырышының ісінуі азаяды және олардың саңылауы кеңейеді.

Бронхолитин® шәрбатының фармакологиялық зерттеулері оның бронхтарға гистаминнің спастикалық әсер етуін азайтатынын көрсетеді.

Қолданылуы

Тыныс алу жолдарының қабыну ауруларын кешенді емдеуде қолданылады.

Қолдану тәсілі және дозалары

Шәрбат тамақтанудан кейін ішке қабылданады.

Ересектер және 10 жастан асқан балалар: күніне 3-4 рет 10 мл.

3-тен 10 жасқа дейінгі балалар: 5 мл күніне 3 рет.

Емдеу ұзақтығы: 5-7 күн.

Жағымсыз әсерлері

Бронхолитинмен ® емдегенде мынадай жағымсыз әсерлері болуы мүмкін:

- Жүрек-қантамыр жүйесі тарапынан: – жүрек ырғағының және өткізгіштігінің бұзылуы, артериялық қысымның көтерілуі, миокард ишемиясы (жиілігі белгісіз)

- Жүйке жүйесі тарапынан: – тремор, бас айналу, қозу, ұйқысыздық

- Асқазан-ішек жолы тарапынан: – тәбет жоғалту, жүрек айну, құсу, констипация

- Бүйрек және несеп шығару жолдары тарапынан: – несеп шығарудың қиындауы, қуық асты безінің гипертрофиясы бар емделушілердегі несеп іркілісі

- Тері және теріастылық тіндер тарапынан: – бөртпелер, тершеңдіктің күшеюі, аллергиялық реакциялар

- Көру мүшесі тарапынан: – көрудің нашарлауы (мидриаз)

Басқалары – тахифилаксия

Қолдануға болмайтын жағдайлар

- Препараттың белсенді немесе қосымша заттарына аса жоғары сезімталдық

- Ишемиялық жүрек ауруы

- Артериялық гипертензия

- Жүректің қалпына келмеу көріністері бар ауыр сипатты органикалық аурулары

- Тиреотоксикоз

- Феохромоцитома

- Глаукома

- Несептің іркілуімен қуық асты безінің гипертрофиясы

- Ұйқысыздық

- 3 жасқа толмаған балалар

- Жүктіліктің бірінші триместрі

- Лактация кезеңі

- Туа біткен фруктоза көтере алмаушылық, глюкоза-галактоза мальабсорбциясы синдромы немесе сахараза-изомальтаза тапшылығы

Дәрілермен өзара әрекеттесуі

Жүрек гликозидтерімен, кейбір симпатикомиметиктермен, галогенделген анестетиктермен (галотан), хинидинмен, үш циклды антидепрессанттармен бір мезгілде қолданғанда жүрек аритмиясының пайда болу қаупі бар. Эргоалкалоидтармен немесе окситоцинмен бір мезгілде қолданғанда да осындай әсерлерін байқауға болады.

МАО тежегіштері эфедриннің прессорлық әсерін әлеуеттендіреді (бір мезгілде қолдану кезіндегі гипертензиялық криздер қатері). Егер Бронхолитинмен емдеу қажет болса, моноаминоксидаза тежегіштерін қолдануды тоқтатқаннан кейін екі апталық аралықты сақтаған дұрыс.

Іріктелмеген β-блокаторлармен бір мезгілде қолданғанда препараттың бронхолитикалық әсері төмендеп кетеді.

Симпатикомиметиктер бета-блокаторлардың гипертензияға қарсы әсер ету антагонизмін туындатады.

Бронхолитинмен және ішу арқылы қабылданатын диабетке қарсы дәрілік препараттармен бір мезгілде емдегенде олардың гипогликемиялық әсері азаюы мүмкін.

ОЖЖ-ін көтермелейтін өзге дәрілік препараттар немесе өсімдік тектес сергіткіш сусындар (кофе, шай, кока-кола) бір мезгілде қолданған кезде Бронхолитиннің ОЖЖ-ін көтермелегіш әсерлерін күшейтуі мүмкін.

Айрықша нұсқаулар

ОЖЖ-не көтермелеуші әсер етуі және ұйқының бұзылуы мүмкін екендіктен Бронхолитинді® күндізгі сағат 16-дан кейін қабылдауға болмайды.

Дәрілік тәуелділіктің дамуына бейім емделушілер препаратты абайлап қолдануы тиіс.

Егер емдеудің басталуынан 5-7 күн өткенде белгілер жалғаса берсе немесе жай-күй нашарлай түссе, емдеуді қайта қарау керек.

Препарат құрамындағы эфедрин мөлшеріне орай, спортшыларда допинг сынамасы оң болып шығуы мүмкін.

Бронхолитин қамтылатын симпатикомиметиктермен емдегенде жүрек-қантамырлық әсерлерін байқауға болады. Постмаркетингтік зерттеулердегі және әдебиетте жарияланған деректер бета-агонистер (эфедрин гидрохлориді) қолданумен байланысты миокард ишемиясының сирек жағдайлары жөнінде белгілі дәлелдер ұсынады. Осы препаратты қолданатын жүрек аурулары бар емделушілер (ишемиялық жүрек ауруы, аритмия немесе жүрек жеткіліксіздігі) кеудесі ауырса немесе жүрек ауруы нашарлауының басқа да белгілері пайда болса, дәрігер жәрдеміне жүгінгендері жөн. Диспноэ және кеуденің ауыруы сияқты белгілердің бағалануына ерекше көңіл бөлу керек, өйткені олар респираторлық сипатта да, жүрек жағынан да болуы мүмкін.

Бронхолитин® құрамында 1,7 к.%-ға дейін этанол бар. 5 мл шәрбатта болатын дозасының құрамында 69 мг дейін алкоголь бар. Алкоголизмнен зардап шегетіндер үшін залалды. Алкоголь мөлшерін жүкті және емшекпен қоректендіруші әйелдерге, балаларға және бауыр аурулары немесе эпилепсиясы бар емделушілер сияқты жоғары қауіп топтарына қолданған кезде ескеру керек.

Дәрілік препарат құрамында 43,75 г сахароза бар. Ұсынылған дозалануына сай қолданылса, организмге әр 5 мл дозамен 2 г сахарозаға дейін түседі. Қант қорытуы шамалы тұлғаларға (туа біткен фруктоза көтере алмаушылық, глюкоза-галактоза мальабсорбциясы синдромы немесе сахароза-изомальтаза тапшылығы) сай келмейді.

Шәрбат құрамында қосымша заттар ретіндегі метил және пропил парагидроксибензоат бар, олар аллергиялық реакциялар (баяулаған сипатта болуы мүмкін) туғызады.

Жүктілік және лактация

Жүктіліктің алғашқы үш айында және бала емізу кезеңінде қолданылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бронхолитин® шәрбаты көлік құралдарын басқару және мәшинелермен жұмыс істеу қабілетіне аздан орташаға дейінгі дәрежеде әсер етеді. Бас айналуы және көрудің нашарлауы (мидриаз) пайда болуы мүмкін екендіктен автокөлік жүргізгенде және мәшинелермен жұмыс істегенде сақтық шарасын қадағалау керек.

Артық дозалануы

Симптомдары: жүрек айну, құсу, тәбет жоғалту, жүйкенің қозуы, аяқ-қолдардың дірілдеуі, бас айналу, несеп шығарудың қиындауы, артериялық қысымның көтерілуі.

Емі: асқазанды шаю, белсенділендірілген көмір қолдану және белгілеріне қарай емдеу.

Шығарылу түрі және қаптамасы

125 г шәрбаттан ALKOzell типті «Пильферпруф» тығыздағышымен полиэтилен бұрандалы қалпақшалары бар сыйымдылығы 125 мл «Пильферпруф» типті күңгірт шыны құтыларда немесе сыйымдылығы 125 мл «Пильферпруф» типті күңгірт шыны ПЭТ құтыларда.

1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен және өлшеуіш стақанмен бірге бір жағынан пигментпен қапталған картон пәшкеге салады.

Сақтау шарттары

Түпнұсқалық қаптамада, 25С-ден аспайтын температурада.

Балалардың қолы жетпейтін жерде сақтау керек.

Сақтау мерзімі

4 жыл

Құтыны ашқаннан кейінгі қолдану кезеңі – 1 ай.

Дәріханалардан босатылу шарттары

Рецептісіз

Өндіруші

«СОФАРМА» АҚ

Илиенское тас жолы к-сі 16

1220 София, Болгария

Тіркеу куәлігі иесінің атауы және елі

«СОФАРМА» АҚ

Илиенское тас жолы к-сі 16

1220 София, Болгария

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

«Софарма» АҚ сауда өкілдігі, Алматы қ., Қазақстан, 050036,

«Мамыр 4» ықш., № 190 үй

Телефон нөмірі: 7 (727) 380 01 03, 380 01 37, 380 01 42 (ішкі108)

Факс нөмірі: 7 (727) 381 63 86 

Электронды пошта: info@sopharma.kz

 

 

6