Бронолак

• русский
• қазақша

• Скачать инструкцию медикамента

Саудалық атауы

Бронолак

Халықаралық патенттелмеген атауы

Амброксол

Дәрілік түрі

30 мг таблеткалар

Құрамы

Бір таблетканың құрамында

белсенді зат - 30мг амброксол (гидрохлорид түрінде),

қосымша заттар: жүгері крахмалы, микрокристаллды целлюлоза, повидон К25, коллоидты кремнийдің қостотығы, тальк, магний стеараты

Сипаттамасы

Ақшыл немесе ақшыл дерлік түсті, дөңгелек, екі беті дөңес таблеткалар.

Фармакотерапиялық тобы

Қақырық түсіретін препараттар. Муколитиктер.

АТЖ коды R05CB06

Фармакологиялық қасиеттері

Фармакокинетикасы

Ішке қабылдаған кезде амброксол асқазан-ішек жолынан толығымен сіңеді, қан плазмасындағы ең жоғарғы концентрациясына 1 сағаттан соң 70 нг/мл жетеді, қан плазмасы ақуыздарымен байланысуы 90% құрайды.

“Алғашқы” өту кезінде шамамен 30%-ы бауырда метаболизденеді. Тіндерден препараттың жартылай шығарылу кезеңі шамамен 7-15 сағат, қаннан – 1 сағат. Амброксол белсенді емес метаболиттерге дейін бауырда метаболизденеді.

Негізінен несеппен 90 % жуық метаболиттер түрінде шығарылады.

Амброксол гематоэнцефалдық кедергі арқылы, плацентарлық кедергі арқылы өтеді, емшек сүтімен бөлінеді.

Амброксолдың әсері препаратты қабылдағаннан кейін 2 сағаттан соң басаталып, 9 – 10 сағат бойы сақталады.

Фармакодинамикасы

Бронолак – муколитикалық дәрі. Пепараттың белсенді заты - амброксол, бромгексиннің белсенді метаболиті болып табылады. Айқын қақырық түсіргіш әсерге ие. Гидролиздейтін ферменттер мен лизосомды белсендіру бронхтық сөліністің серозды компонентінің артуына байланысты қақырықтың тұтқырлығын азайтады.

Амброксол бокал тәрізді жасушаларда сульфомуциннің синтезін көтермелеуге қатыса отырып, жасуша деңгейінде бронхтық сөліністің құрамына әсер етеді,

Бронолак сурфактанттың секрециясын және синтезін ынталандырады. Мукоцилиарлық тасымалдануды арттырады, бронхтан қақырықтың шығуын жеңілдетеді.

Қолданылуы

- жедел және созылмалы бронхитте

- пневмонияда

- өкпенің созылмалы тарылу ауруларында

- қақырық түсуінің қиындауымен бронхтық демікпеде

- бронхоэктатикалық ауруда

Қолдану тәсілі және дозалары

Бронолакты тамақтанғаннан кейін сұйықтықтың жеткілікті мөлшерімен бірге ішу керек.

Ересектер мен 12 жастан үлкен балаларға препаратты тәулігіне 2-3 рет 30 мг-ден тағайындайды.

Емдеу ұзақтығын дәрігер жекелей және аурудың сипатына байланысты анықтайды.

Дәрігердің тағайындауынсыз препаратты 4-5 күннен артық қабылдауға болмайды.

Жағымсыз әсерлері

Сирек

- диарея, ауыздың құрғауы, іш қату

- жоғары дозада ұзақ уақыт бойы қолданған кезде - гастралгия, жүрек айнуы, құсу

- тыныс алу жолдары шырышты қабығының құрғауы, ринорея

- тері бөртпесі, есекжем, ангионевротикалық ісіну

жекелеген жағдайларда

- аллергиялық жанаспалы дерматит, анафилактикалық шок

- әлсіздік, бас ауыруы, дизурия, экзантема.

Қолдануға болмайтын жағдайлар

- препараттың құрамдастарына жоғары сезімталдықта

- жүктіліктің алғашқы триместрінде

- 12 жасқа дейінгі балаларға

- асқазанның және он екі елі ішектің ойық жара ауруында

Дәрілермен өзара әрекеттесуі

Жөтелге қарсы препараттармен біріктіріп қолдану жөтелді азайту аясында қақырықтың түсуінің қиындауына әкеледі.

Амоксициллиннің, цефуроксимнің, эритромициннің және доксициклиннің бронхтық сөлініске өтуін арттырады.

Амброксол босану қызметін кідіртетін препараттармен үйлесімді.

Айрықша нұсқаулар

Препарат асқазанның және он екі елі ішектің ойық жара ауруы кезінде клиникалық көрініске әсер етуі мүмкін.

Жүктілік және лактация кезеңі

Препаратты жүктіліктің II және III триместрінде сақтықпен тағайындайды.

Амброксол емшек сүтіне өтетіндіктен, препаратты лактация кезеңінде қолдану ұсынылмайды, бірақ емдік дозада қолданған кезде жаңа туылғандарға теріс әсер байқалмаған.

Дәрілік заттың көлік құралдарын немесе қауіпті деп саналатын механизмдерді басқару қабілетіне әсер ету ерекшеліктері

Көлік құралдарын немесе қауіпті механизмдерді басқару қабілетіне әсер етпейді.

Артық дозаланғанда

Белгілері: жүрек айнуы, құсу, диарея, диспепсия.

Емдеу: белгісіне қарай емдеу

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.

2 қаптамадан мемлекеттік және орыс тілдерінде жазылған медицинада қолданылуы жөніндегі нұсқаулықпен бірге картоннан жасалған пәшкеге салынған.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Тіркеу сертификатының және сауда маркасының иесі «РОТАФАРМ» компаниясы болып табылады, Ұлыбритания.

«СЕДИКО Фармасьютикал Ко.» дайындалған, бірінші өнеркәсіптік аймақ, Сикс ов ОктоберСити, Мысыр

“SEDIKO Pharmaceutical Co.”First Industrial Zone,6th October City,Egypt).

Тұтынушылардан өнім сапасы туралы түскен шағымдарды Қазақстан Республикасы аумағында қабылдайтын ұйымның мекенжайы:

ҚР, Алматы қ-сы, Сүйінбай к-сі 222 Б

Тел/факс: 8(7272)529090

www.worldmedicine.kz