Бромгексин (таблетки 0.008 г, Биосинтез ОАО)

МНН: Бромгексин
Производитель: Биосинтез ОАО
Анатомо-терапевтическо-химическая классификация: Bromhexine
Номер регистрации в РК: № РК-ЛС-5№013285
Информация о регистрации в РК: 18.06.2014 - 18.06.2019
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)

Инструкция

Саудалық атауы

Бромгексин

Халықаралық патенттелмеген атауы

Бромгексин

Дәрілік түрі

Таблеткалар 0,008 г

Құрамы

Бір таблетканың құрамында

белсенді зат: бромгексин гидрохлориді - 0,008 г

қосымша заттар: сахароза (ақ қант), лактоза моногидраты (сүтті қант), кальций стеараты моногидраты, картоп крахмалы

Сипаттамасы

Жалпақ цилиндр пішінді, ойығы бар ақ түсті таблеткалар

Фармакотерапиялық тобы

Қақырық түсіретін препараттар. Муколитиктер. Бромгексин.

АТХ коды R05CB02

Фармакологиялық қасиеттері

Фармакокинетикасы

Ішке қабылдағанда асқазан-ішек жолында 30 минут ішінде толық дерлік (99 %) сіңеді. Биожетімділігі – төмен (бауыр арқылы “бірінші өту” әсері).

Плацентарлық және гематоэнцефалдық бөгет арқылы өтеді. Бауырда деметилдену мен тотығуға ұшырайды, фармакологиялық белсенді амброксолға дейін метаболизденеді. Жартылай шығарылу кезеңі - 15 сағат (тіннен баяу кері диффузия салдарынан). Бүйрекпен шығарылады. Созылмалы бүйрек жеткіліксіздігі кезінде метаболиттердің шығарылуы бұзылады. Көп мәрте қолданғанда жинақталуы мүмкін.

Фармакодинамикасы

Муколитикалық (секретоликалық) дәрі, қақырық түсіретін және жөтелге қарсы әлсіз әсері бар. Қақырық тұтқырлығын төмендетеді (мукопротеин және мукополисахарид талшықтарын деполимеризациялайды, бронх секретінің серозды компонентін арттырады); жыпылықтағыш эпителийді белсенді етеді, қақырықтың көлемін ұлғайтады және шығуын жақсартады. Тыныс алу үдерісінде альвеолярлық жасушалар тұрақтылығын қамтамасыз ететін эндогендік сурфактант өндірілуін көтермелейді. Әсері емдеу басталғаннан 2-5 күннен кейін байқалады.

Қолданылуы

- шығарылуы қиын қақырықпен қатар жүретін бронх пен өкпенің жедел және созылмалы ауруларында секретолитикалық терапияда

- операция алдындағы және кейінгі кезеңде (операция алды кезеңіндегі бронх тармақтары санациясы және бронхішілік емдік және диагностикалық манипуляция жүргізу кезінде, операциядан кейін бронхта қою тұтқыр қақырық жиналуының алдын алуда)

Қолдану тәсілі және дозалары

Ересектерге және 14 жастан асқан балаларға – 8-16 мг тәулігіне 3-4 рет.

6-14 жастағы балаларға – 8 мг тәулігіне 3 рет.

Қажет болғанда дозаны ересектерге тәулігіне 4 рет 16 мг дейін арттыруға болады.

Бүйрек жеткіліксіздігі бар науқастарға аз дозаларды тағайындайды немесе препаратты қабылдау аралығын ұзартады.

Жағымсыз әсерлері

Кейде

- дене температурасының көтерілуі

- жоғары сезімталдық реакциялары (тері бөртпесі, ангионевротикалық ісіну, тыныс алу бұзылыстары, қышыну, есекжем)

- жүрек айну,іштің ауыруы, құсу, диарея

Өте сирек

- асқазан мен 12 елі ішек ойық жара ауруының өршуі

- "бауыр" трансаминазалары белсенділігінің артуы

- анафилактикалық реакциялар, анафилактикалық шокты қоса

- Стивенс-Джонсон синдромы және Лайел синдромы сияқты терінің ауыр реакциялары дамуы

Аса жоғары сезімталдық реакциялары, анафилактикалық реакциялар немесе тері мен шырышты қабықта қандай да бір ерекше өзгерістер пайда болғанда Бромгексин қабылдауды дереу тоқтатып, дәрігерге қаралу керек.

Қолдануға болмайтын жағдайлар

- бромгексинге немесе препараттың басқа компоненттерінің біріне жоғары сезімталдық

- галактоза немесе фруктозаны көтере алмаушылық, глюкоза-галактоза мальабсорбциясы синдромы, сахараза-изомальтаза жеткіліксіздігі

- асқазанның пептикалық ойық жарасы

- жүктілік (I триместр) және лактация кезеңі

- 6 жасқа дейінгі балалар

Сақтықпен

- бүйрек және/немесе бауыр жеткіліксіздігі

- шамадан тыс секрет жиналуымен қатар жүретін бронх аурулары

- сыртартқыда – асқазаннан қан кету

- жүктілік кезеңі (II және III триместр)

Дәрілермен өзара әрекеттесуі

Сұйылған қақырықтың шығуын қиындататын болғандықтан (бронх секретінің тыныс алу жолдарына жинақталуы), жөтел орталығын басатын дәрілік заттармен (оның ішінде кодеин) бір мезгілде тағайындамайды.

Сілтілік ерітінділермен үйлеспейді.

Бромгексин микробқа қарсы емдеудің алғашқы 4-5 күндері антибиотиктердің (амоксициллин, эритромицин, цефалексин, окситетрациклин), сульфаниламидтік дәрілік заттардың бронх секретіне енуіне ықпал етеді.

Айрықша нұсқаулар

Емделу кезінде сұйықтықты жеткілікті мөлшерде қабылдаған жөн, ол бромгексиннің қақырық түсіретін әсерін жоғарылатады.

Балалардағы емдеуді брохтан секреттің бөлініп шығуын жеңілдететін кеуде қуысын постуральді дренаждау немесе вибрациялық массаж жасау арқылы қатар жүргізген жөн.

Жүктілік және лактация кезеңі

Жүктіліктің І триместрінде препаратты қолдануға болмайды. Бромгексинді жүктілік кезеңінде (І және ІІІ триместр) анасы үшін болжамды пайдасы ұрыққа төнетін қауіптен асып түсетін жағдайда ғана тағайындай ды.

Бромгексин плацентарлық бөгет арқылы өтеді, сондықтан лактация кезеңінде препаратты қолдану қажет болса, бала емізуді тоқтату қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдау кезеңінде зейіннің аздап бәсеңдеуі мүмкін, сондықтан көлік құралдарын басқарудан және жоғары зейін қою мен психомоторлық реакция жылдамдығын қажет ететін қауіптілігі зор қызмет түрлерімен айналысудан бас тарта тұрған жөн.

Артық дозалануы

Симптомдары: диспепсиялық бұзылулар, оның ішінде жүрек айнуы, құсу, диарея.

Емі: құстырту, асқазанды шаю (қабылдағаннан кейін алғашқы 1-2 сағатта)

Шығарылу түрі мен қаптамасы

10 таблеткадан поливинилхлоридті үлбірден және баспалы лакталған алюминий фольгадан немесе полиэтиленмен жабыны бар қағаздан жасалған пішінді ұяшықты қаптамада.

5 пішінді ұяшықты қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецептісіз

Өндіруші

«Биосинтез» ААҚ, Ресей Федерациясы

440033, Пенза қ., Дружба к-сі, 4, тел/факс (8412) 57-72-49,

e-mail: certificate@biosintez.com

Тіркеу куәлігі иесінің атауы және елі

«Биосинтез» ААҚ, Ресей Федерациясы

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

«Биосинтез» ААҚ, Ресей Федерациясы

440033, Пенза қ., Дружба к-сі, 4, тел/факс (8412) 57-72-49,

e-mail: certificate@biosintez.com

 

 

 

 

 

 

Прикрепленные файлы

435934771477976719_ru.doc 75 кб
531066181477977869_kz.doc 59.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники