Бортезомиб Штада (2.5 мг/мл) (Бортезомиб)

Бортезомиб Штада

Бортезомиб

Дәрілік түрі, дозасы

2,5 мг/мл инъекцияға арналған ерітінді

Ісікке қарсы иммуномодуляциялайтын дәрілер. Ісікке қарсы басқа дәрілер. Протеасома тежегіштері. Бортезомиб.

ATX коды L01XG01

• үдемелі көптеген миеломасы және қатерлі плазма жасушалы жаңа түзілімі бар ересек пациенттерді, 1-желідегі емнен кейінгі немесе гемопоэздік дің жасушаларын трансплантациялау жүргізілген пациенттер үшін немесе гемопоэздік дің жасушаларының трансплантациясына үміткер болып табылмайтын пациенттерді емдеу үшін монотерапия түрінде немесе пегилирленген липосомалық доксорубицинмен немесе дексаметазонмен біріктірілімде көрсетілген;

• көптеген миеломасы және қатерлі плазма жасушалы жаңа түзілімі бар, бұрын ем қабылдамаған және гемопоэздік дің жасушаларының трансплантациясымен бірге жоғары дозалы химиотерапияны қабылдай алмайтын ересек пациенттерді емдеу үшін мелфаланмен және преднизолонмен біріктірілімде көрсетілген;

• гемопоэздік дің жасушаларының трансплантациясымен бірге жоғары дозалы химиотерапияны қабылдай алатын, бұрын емделмеген көптеген миеломасы және қатерлі плазма жасушалы жаңа түзілімі бар ересек пациенттерді индукциялық емдеу үшін дексаметазонмен немесе дексаметазонмен және талидомидпен біріктірілімде;  

• гемопоэздік дің жасушаларының трансплантациясын жасау көрсетілмеген, мантий жасушалы лимфомасы бар ересек пациенттерді емдеу үшін ритуксимабпен, циклофосфамидпен, доксорубицинмен және преднизолонмен біріктірілімде.

Қолданудың басталуына дейінгі қажетті мәліметтер тізбесі

• белсенді компонентке немесе қосымша заттардың кез келгеніне аса жоғары сезімталдық;

• өкпенің жедел диффузиялы инфильтрациялық аурулары

• перикард зақымдануы

• жүктілік және бала емізу кезеңі;

• балалар мен 18 жасқа дейінгі жасөспірімдер (қолдану тәжірибесі жоқ).

Қолдану кезінде қажетті сақтандыру шаралары

Бортезомиб Штада препаратын басқа дәрілік препараттармен біріктіріп қолданған кезде, Бортезомиб Штада препаратымен емдеу басталғанға дейін қолдануға болмайтын жағдайлар туралы қосымша ақпаратты алу үшін осы препараттардың жалпы сипаттамаларын зерделеу керек. Талидомидпен бірге қолданған кезде жүктілікті анықтау және алдын алу талаптарына ерекше назар аудару керек.

Интратекальді енгізу

БОРТЕЗОМИБ БАЙҚАУСЫЗДА ИНТРАТЕКАЛЬДІ ЕНГІЗІЛГЕН ЖАҒДАЙДА ӨЛІМ ЖАҒДАЙЛАРЫ ТІРКЕЛГЕН.

Бортезомиб Штада препаратының инъекцияға арналған 2,5 мг/мл ерітіндісі тері астына, ал сұйылтылғаннан кейін ұсынылатын дозада вена ішіне енгізуге арналған. Интратекальді енгізуге болмайды.

Асқазан-ішек жолы тарапынан уыттылық

Асқазан-ішек жолы тарапынан болатын жүрек айнуды, диареяны, құсуды және іш қатуды қоса, уытты реакциялар бортезомибпен емдеу аясында өте жиі байқалады. Сирек жағдайларда ішек бітелісі дамығаны туралы хабарланды. Ішек бітелісінің ықтимал дамуына байланысты, іш қату жағдайы бар пациенттерге динамикалық қадағалау жүргізу қажет.

Гематологиялық уыттылық

Бортезомибпен емдеу өте жиі жағдайда гематологиялық уыттылық құбылыстарымен (тромбоцитопения, нейтропения және анемия) қатар жүреді.

Зерттеулерде көптеген миеломаның және қатерлі плазма жасушалы жаңа түзілімінің қайталанулары бар, бортезомибпен ем қабылдаған пациенттердегі және мантий жасушалы лимфомасы бар, бұрын ем қабылдамаған, бортезомибті ритуксимабпен, циклофосфамидпен, доксорубицинмен және преднизолонмен (BoR-CAP) біріктіріп қабылдаған пациенттердегі гематологиялық уыттылықтың анағұрлым жиі құбылыстарының бірі өткінші тромбоцитопения болды. Тромбоциттер деңгейі бортезомибпен емдеудің әр циклінің 11-күнінде ең төмен болды және әдетте келесі циклдің басында бастапқы қалпына келді. Жинақталған тромбоцитопения белгілері болған жоқ. Тромбоциттер деңгейінің орташа өлшенген барынша төмендеуі көптеген миелома және қатерлі плазма жасушалы жаңа түзілімі монотерапиясының зерттеулерінде бастапқы деңгейдің шамамен 40% - ын және МЖЛ зерттеулерінде 50% - ды құрады. Үдемелі миеломасы бар пациенттерде тромбоцитопенияның ауырлығы емдеу басталғанға дейін тромбоциттер санына байланысты болды: тромбоциттердің бастапқы саны <75 000/мкл болғанда, 21 пациенттің 90% - ында зерттеу кезінде тромбоциттер саны ≤25 000/мкл құрады, оның ішінде 14% - да зерттеу кезінде тромбоциттер саны <10 000/мкл құрады; керісінше, тромбоциттердің бастапқы саны >75 000/мкл кезінде 309 пациенттің тек 14% - ында зерттеу кезінде тромбоциттер саны ≤25 000/мкл құрады.

МЖЛ бар пациенттерде (LYM-3002 зерттеуі) бортезомибсіз емдеу тобымен (ритуксимаб, циклофосфамид, доксорубицин, винкристин және преднизон [R-CHOP]) салыстырғанда ≥ 3-дәрежелі тромбоцитопенияның жоғары жиілігі (56.7% қарсы 5.8%) бортезомибпен емдеу тобында (BoR-CAP) байқалды. Емдеудің екі тобы да барлық ауырлық дәрежесіндегі қан кету жағдайларының жалпы жиілігіне қатысты (BoR-CAP тобында 6.3% және R-CHOP тобында 5.0%), сондай-ақ 3 және одан жоғары дәрежелі қан кетулер кезінде ұқсас болды (BoR-CAP: 4 пациент [1.7%]; R-CHOP: 3 пациент [1.2%]). BoR-CAP тобында тромбоциттерді құюды R-CHOP тобындағы пациенттердің 2.9% - бен салыстырғанда пациенттердің 22.5% - ы алды.

Бортезомибпен емдеуге байланысты асқазан-ішектік және миішілік қан құйылулар туралы хабарланды. Осыған байланысты бортезомибтің әрбір дозасын енгізер алдында тромбоциттер санын бақылау керек. Егер тромбоциттер саны <25 000/мкл құраса немесе мелфаланмен және преднизолонмен біріктірілген ем жағдайында – егер тромбоциттер саны ≤30 000/мкл құраса, Бортезомиб Штада препаратымен емдеуді тоқтата тұру қажет. Пайда/қауіп арақатынасына, әсіресе орташа және ауыр тромбоцитопения және қан кетудің даму қаупі факторлары болған жағдайда мұқият бағалау жүргізу қажет.

Бортезомиб Штада препаратымен емдегенде нақтылаумен қатар қанның толық талдауын жүргізу және тромбоциттер деңгейін бақылау қажет. Тромбоциттерді клиникалық көрсетілімдер бойынша құю қажеттілігін қарау керек.

МЖЛ бар пациенттерде циклдер арасында өткінші нейтропения байқалды, ол кумуляциялық нейтропения белгілерінсіз қайтымды болды. Нейтрофилдердің ең төменгі деңгейі бортезомибпен емдеудің әрбір циклінің 11-күнінде байқалды және әдетте келесі циклдің басында бастапқы деңгейге дейін қалпына келді. LYM-3002 зерттеуінде колониястимуляциялайтын факторды енгізу BoR-CAP тобындағы пациенттердің 78%-ына және R-CHOP тобындағы пациенттердің 61% - ына қажет болды. Нейтропениясы бар пациенттерде инфекция қаупі жоғары болғандықтан, ондай пациенттерде инфекцияның белгілері мен симптомдарының пайда болуын бақылап, уақтылы емдеу керек. Гематологиялық уыттылықты қолданылатын стандартты практикаға сәйкес емдеу үшін гранулоциттік колониястимуляциялайтын факторларды енгізуге жол беріледі. Циклді жүргізуде бірнеше рет кідірістер болған жағдайда гранулоциттік колониястимуляциялайтын факторларды профилактикалық қолдану қажеттілігін қарастыру керек.

Herpes zoster вирусының реактивациясы

Емдеуші дәрігер Бортезомиб Штада препаратымен ем қабылдап жүрген пациенттерде вирусқа қарсы профилактика жүргізу мүмкіндігін қарастыруы керек. Бортезомибпен, мелфаланмен және преднизолонмен ем қабылдап жүрген пациенттерде Herpes zoster вирусы реактивациясының жиілігі мелфаланмен және преднизолонмен ем қабылдап жүрген пациенттермен салыстырғанда көбірек болды (сәйкесінше 14 % және 4 %). Вирусқа қарсы профилактика жүргізу Herpes zoster вирусының реактивациясы жиілігін айқын төмендетеді. МЖЛ (LYM-3002 зерттеуі) бар пациенттерде Herpes Zoster вирусының реактивация жиілігі BoR-CAP тобында 6,7% және R-CHOP тобында 1,2% болды.

B гепатиті вирусының (ВГВ) реактивациясы және ВГВ туындатқан инфекция

Ритуксимаб бортезомибпен біріктіріп қолданылған кезде, ВГВ инфекциялану қаупі бар пациенттерде емдеуді бастар алдында ВГВ-ға үнемі скрининг жүргізу қажет. В гепатиті вирусын тасымалдаушыларды және анамнезінде В гепатиті бар пациенттерді ритуксимабпен, бортезомибпен біріктіріп емдегенде және емдегеннен кейін ВГВ туындатқан инфекция белсенділенуінің клиникалық және зертханалық белгілеріне қатысты мұқият қадағалау керек. Вирусқа қарсы профилактика мүмкіндігін қарастыру керек. Қосымша ақпарат алу үшін ритуксимабты медициналық қолдану жөніндегі нұсқаулықты қараңыз.

Үдемелі мультифокальді лейкоэнцефалопатия (ҮМЛ)

Бортезомибті қабылдаған пациенттерде Джон Каннингем (JC) вирусынан туындаған, ҮМЛ-ге және өлімге алып келетін, себеп-салдарлық байланыстылығы анықталмаған вирустық инфекцияның өте сирек жағдайлары тіркелді. ҮМЛ диагнозы қойылған пациенттер бұрын немесе бір мезгілде иммуносупрессиялық ем қабылдаған. Көп жағдайларда ҮМЛ бортезомибтің алғашқы дозасы енгізілген сәттен бастап 12 ай ішінде диагностикаланды. Пациенттерді дифференциалдық диагностика аясында ОЖЖ тарапынан ҮМЛ дамығанын білдіруі мүмкін жаңа неврологиялық симптомдардың немесе белгілердің пайда болуына немесе бұрыннан барларының нашарлауына қатысты жүйелі түрде тексеріп отыру керек. ҮМЛ-ге күдіктенген жағдайда пациенттер ҮМЛ емдейтін маманға жолдануы тиіс, олар ҮМЛ анықтау үшін тиісінше диагностикалық іс-шараларды жүргізуді бастауы керек. ҮМЛ диагнозы расталған жағдайда, бортезомибті тоқтату қажет.

Шеткері нейропатия

Бортезомибпен емдеу өте жиі жағдайда шеткері нейропатияның дамуымен байланыстырылады, ол көбінесе сенсорлық болып табылады. Алайда, сенсорлық шеткері нейропатиямен немесе онсыз ауыр моторлық нейропатия жағдайлары туралы хабарланған. Шеткері нейропатияның даму жиілігі емдеудің басында жоғарылайды және 5 цикл кезінде ең жоғарғысына жетеді.

Пациенттерде ашыту, гиперестезия, парестезия, гипестезия, жайсыздық, нейропатиялық ауырулар немесе бұлшықеттердің әлсіздігі сияқты нейропатия симптомдарының бар-жоғын мұқият тексеру ұсынылады.

Вена ішіне және тері астына енгізілетін бортезомибті салыстырған III сатыдағы зерттеуде ≥ 2-дәрежелі шеткері нейропатияның жиілігі тері астына инъекциялар тобында 24%-ды және венаішілік инъекциялар тобында 41%-ды құрады (p=0,0124). ≥ 3-дәрежелі шеткері нейропатия венаішілік емдеу тобындағы 16%-бен салыстырғанда тері астына емдеу тобындағы пациенттердің 6% - ында дамыды (p=0,0264). Бортезомибті вена ішіне енгізген кезде барлық дәрежелі шеткері нейропатияның жиілігі MMY-3021 зерттеуіне қарағанда вена ішіне бортезомибті енгізген кезде анамнезінде төменірек болды.

Шеткері нейропатия құбылыстары жаңадан пайда болған немесе бұрыннан бар симптомдары нашарлаған жағдайда неврологиялық тексеруден өту қажет, бортезомибтің дозасын немесе енгізу кестесін өзгерту, енгізу жолын теріастылық инъекцияға өзгерту немесе емдеуді тоқтату қажет болуы мүмкін. Нейропатия демеуші еммен немесе басқа әдістермен емделеді. Нейропатия туындауына ықпал ететін басқа препараттармен бірге бортезомибпен ем қабылдап (соның ішінде, талидомидті бір мезгілде қабылдау) жүрген пациенттердің жай-күйін тұрақты түрде бақылап отыру қажет. Неврологиялық бағалаумен қатар нейропатия симптомдарын ерте және тұрақты бақылау мүмкіндігін қарастырған жөн, сондай-ақ дозаны тиісті төмендету немесе емдеуді тоқтату мүмкіндігін қарастырған жөн.

Жағымсыз реакциялардың (постуральді гипотензия және ішек бітелісімен байқалатын ауыр іш қату) дамуында шеткері нейропатияға қосымша, вегетативтік нейропатия рөл атқаруы мүмкін. Вегетативтік нейропатия және оның осы жағымсыз әсерлердің дамуындағы үлесі туралы ақпарат шектеулі.  

Құрысулар

Анамнезінде құрысулар немесе эпилепсия болмаған пациенттерде құрысулар дамыған сирек жағдайлар сипатталған. Құрысулар дамуының қандай да бір қауіп факторлары бар пациенттерді емдегенде ерекше сақтық қажет.

Гипотензия

Бортезомибпен емдеу көбіне ортостаздық/постуральді гипотензиямен байланысты. Жағымсыз реакциялардың көп бөлігі ауырлығы жеңілден орташа дәрежеге дейін болған және барлық емдеу кезеңі бойы байқалған. Бортезомибпен (вена ішіне енгізілетін) емдеу аясында ортостаздық гипотензия дамыған пациенттерде бортезомибпен емдеу басталғанға дейін ортостаздық гипотензия белгілері болмаған. Ортостаздық гипотензиясы бар пациенттердің көпшілігіне ем қажет болған. Ортостаздық гипотензиясы бар пациенттердің аздаған бөлігінде естен тану құбылыстары білінген. Ортостаздық/постуральді гипотензия бортезомибті сорғалатып енгізумен тікелей байланысты болмаған. Бұл құбылыстың механизмі белгісіз, әйтсе де оның даму компоненттері вегетативтік нейропатиямен байланысты болуы мүмкін. Вегетативтік нейропатия бортезомибпен байланысты болуы мүмкін, немесе бортезомиб диабеттік немесе амилоидоздық нейропатия сияқты жағдайды ушықтыруы мүмкін. Анамнезінде естен танулар болған, гипотензия тудыратын дәрілік заттарды қабылдап жүрген пациенттерді; сондай-ақ, қайталанған диареяның немесе құсудың себебінен сусыздануы бар пациенттерді емдегенде сақтық таныту керек. Ортостаздық/постуральді гипотензияны емдеу гипотензиялық препараттардың дозасын түзетуді, регидратацияны немесе минералокортикоидтарды және/немесе симпатомиметиктерді енгізуді қамтуы мүмкін. Пациенттер бас айналу, естен тану алдындағы жағдай симптомдары немесе естен тану дамыған жағдайда дәрігерге жүгіну қажеттілігінен хабардар болуы тиіс.

Қайтымды артқы энцефалопатия синдромы (PRES)

Бортезомибті қабылдап жүрген пациенттерде қайтымды артқы энцефалопатия синдромы дамығаны туралы хабарланды. Қайтымды артқы энцефалопатия синдромы сирек, көбіне қайтымды, жылдам өрбитін неврологиялық жағдай болып табылады, ол құрысулармен, гипертензиямен, бас ауыруымен, сылбырлықпен, сананың шатасуымен, соқырлықпен және көрудің басқа бұзылыстарымен және неврологиялық бұзылулармен көрініс беруі мүмкін. Диагнозды растау үшін миды көріністеу әдістері, дұрысы магнитті-резонанстық томография (МРТ) пайдаланылады. Қайтымды артқы энцефалопатия синдромы дамыған пациенттерде бортезомибті тоқтату керек.

Жүрек қызметінің бұзылуы

Бортезомибпен емдегенде жүректің іркілісті жеткіліксіздігінің  жедел дамығаны немесе өршігені және/немесе сол жақ қарыншаның лықсыту фракциясы төмендеуінің алғаш дамығаны байқалған. Сұйықтық іркілуі жүрек жеткіліксіздігінің белгілері мен симптомдары дамуының болжамды факторы болуы мүмкін. Қауіп факторлары немесе анамнезінде жүрек аурулары бар пациенттерді мұқият бақылау қажет.

Электрокардиограмма зерттеулері

Клиникалық зерттеулерде QT аралығы ұзаруының жекелеген жағдайлары байқалды; себептік байланысы анықталмады.

Өкпе функциясының бұзылулары

Сирек жағдайларда бортезомибті қолданғанда пневмонит, интерстициялық пневмония, өкпе инфильтрациясы және тыныс алудың жедел жеткіліксіздігі синдромы сияқты өкпенің этиологиясы белгісіз жедел диффузиялы инфильтрациялық аурулары байқалған. Бұл жағдайлардың кейбіреулері өлімге соқтырған. Емдеуді бастағанға дейін емдеуден кейін туындаған, өкпенің ықтимал өзгерістерін емдегенде негіз ретінде пайдалану үшін кеуденің рентгенографиясын жасау ұсынылады.

Өкпе тарапынан жаңа симптомдар дамыған немесе бұрыннан бар симптомдар (мысалы, жөтел, ентігу) нашарлаған жағдайда пациенттерге дереу диагностикалық тексеру жүргізу және тиісінше ем тағайындау керек. Бортезомибпен емдеуді жалғастыру үшін пайдасы/қаупінің арақатынасын бағалау керек.

Цитарабиннің жоғары (күніне 2 г/м2) дозалары 24 сағат бойғы үздіксіз инфузия жолымен бір мезгілде қолданылатын бортезомибпен емдеу сызбасы ұсынылмайды (өлімге соқтыруы мүмкін).

Бүйрек жеткіліксіздігі

Көптеген миеломасы және қатерлі плазма жасушалы жаңа түзілімі бар пациенттерде бүйрек тарапынан асқынулар жиі байқалады. Бүйрек жеткіліксіздігі бар пациенттерді мұқият бақылау керек.

Бауыр жеткіліксіздігі

Бортезомиб «бауыр» ферменттері арқылы метаболизденетіндіктен және бауыр функциясының орташа және ауыр дәрежелі бұзылуы кезінде оның концентрациясы артуы мүмкін болғандықтан, бауыр функциясы бұзылуының симптомдары бар пациенттерге препаратты төменірек бастапқы дозаларда тағайындау және уыттылығының туындауына қатысты мониторинг жүргізу керек.

Бауыр тарапынан реакциялар

Бортезомибпен емделу аясында қатарлас ем ретінде басқа препараттарды бір мезгілде қабылдаған пациенттерде бауырдың жедел жеткіліксіздігі туындаған жағдайлар сипатталды. «Бауыр» ферменттері белсенділігінің жоғарылауы, гипербилирубинемия немесе гепатит сияқты бауыр функциясы бұзылуының белгілері әдетте, бортезомибті тоқтатқан кезде басылған.

Ісік лизисінің синдромы

Бортезомиб цитоуытты препарат болып табылатындықтан және қатерлі плазмалық жасушалар мен мантий жасушалы лимфоманың жасушаларын жылдам өлтіре алатындықтан, пациентте ісік лизисінің синдромы сияқты асқыну туындауы мүмкін. Ісік лизисі синдромының жоғары даму қаупі емдеуге дейін ісік жүктемесі жоғары болған пациенттерде байқалады. Мұндай пациенттер тиісінше сақтандыру шараларын сақтай отырып, мұқият қадағалануы тиіс.

Қатарлас дәрі-дәрмектік ем

Бортезомибті CYP3A4 күшті тежегіштерімен біріктіріп қабылдайтын пациенттер мұқият бақылауда болуы керек. Бортезомиб CYP3A4 немесе CYP2C19 субстраттарымен біріктіріп қолданылған кезде сақтық таныту керек.

Қандағы глюкоза деңгейін төмендететін пероральді препараттарды қабылдап жүрген пациенттерде бауыр тарапынан ауытқулардың жоқтығына көз жеткізу керек, емдеу сақтықпен жүргізілуі тиіс.

Иммундық кешенге байланысты потенциалды реакциялар

Сирек жағдайларда иммундық кешенге байланысты потенциалды, сарысу құю ауруы типтес реакция, бөртпемен жүретін полиартрит және пролиферациялық гломерулонефрит сияқты реакциялардың дамығаны туралы хабарланды. Ауыр реакциялар дамыған жағдайда бортезомиб тоқтатылуы тиіс.  

Бортезомиб Штада препаратының құрамында бір құтыға 1 ммольден аз (23 мг) натрий бар, яғни «құрамында іс жүзінде натрий жоқ».

Басқа дәрілік препараттармен өзара әрекеттесуі

Іn vitro зерттеулер бортезомиб Р450 цитохромының 1А2, 2C9, 2C19, 2D6 және 3А4 изоферменттерінің әлсіз тежегіші қасиеттерін танытатынын көрсетеді.   CYP2D6 изоферментінің бортезомиб метаболизміне аз қатысатынына байланысты (7 %), осы изоферменттің белсенділігі төмен адамдарда препараттың жалпы таралуында өзгерістер болмауы керек.

CYP3A4 изоферментінің күшті тежегіші кетоконазолмен өзара дәрілік әрекеттесуінің бортезомиб фармакокинетикасына ықпалын зерттеу бортезомибтің AUC («концентрация-уақыт» қисығы астындағы ауданы) орташа мәндерінің орташа алғанда 35 %-ға артқанын көрсетті. Сондықтан бортезомибті және CYP3A4 изоферментінің күшті тежегішін (кетоконазол, ритонавир) бір мезгілде қолданып жүрген пациенттерді мұқият қадағалау керек.

CYP2C19 изоферментінің күшті тежегіші омепразолмен өзара дәрілік әрекеттесуінің бортезомиб фармакокинетикасына ықпалын зерттеуден бортезомиб фармакокинетикасының айтарлықтай өзгергені анықталған жоқ.

CYP3A4 изоферментінің күшті индукторы – рифампицинмен өзара дәрілік әрекеттесуінің – бортезомиб фармакокинетикасына ықпалын зерттеу бортезомиб үшін AUC орташа мәндерінің орташа алғанда 45 %-ға төмендегенін көрсетті. Сондықтан, Бортезомиб Штада препаратын CYP3A4 күшті индукторларымен бірге қолдану ұсынылмайды, өйткені емнің тиімділігі төмендеуі мүмкін. CYP3A4 индукторларына рифампицин, карбамазепин, фенитоин, фенобарбитал және шілтерлі шайқурай жатады.

Сол зерттеуде CYP3A4 неғұрлым әлсіз индукторы - дексаметазонның әсері бағаланды. Зерттеу нәтижелерін ескере отырып, 7 пациенттің фармокинетика деректері негізінде бортезомиб фармакокинетикасының (вена ішіне енгізілгенде) елеулі өзгергені анықталмады.

Мелфалан-преднизолон біріктірілімімен өзара дәрілік әрекеттесуін зерттеу бортезомиб AUC орташа мәндерінің 17 %-ға артқанын көрсетті. Бұл өзгеріс клиникалық тұрғыдан елеусіз болып есептеледі.

Қант диабеті бар, пероральді гипогликемиялық препараттарды қабылдаған пациенттерде гипогликемия және гипергликемия жағдайлары тіркелген. Пероральді гипогликемиялық препараттарды бір мезгілде қабылдап жүрген пациенттерде Бортезомиб Штада препаратын қолданғанда қандағы глюкоза деңгейін мұқият бақылау және қажет болған жағдайда, гипогликемиялық препараттардың дозасын түзету керек.

Балалар.

Өзара әрекеттесу зерттеулері тек ересектерге жүргізілді.

Арнайы сақтандырулар

Ерлер мен әйелдердегі контрацепция

Ерлер және бала туатын жастағы пациент әйелдер емделу кезінде және емдеу аяқталғаннан кейін 3 ай бойы контрацепцияның тиімді тәсілдерін пайдалануы тиіс.

Жүктілік

Бортезомибтің жүктілік кезінде қолданылғаны туралы клиникалық деректер жоқ. Бортезомибтің тератогендік әсерлері түбегейлі зерттелмеген.

Егеуқұйрықтар мен үй қояндарындағы клиникаға дейінгі зерттеулерде аналық организмнің ең жоғарғы жағымды дозаларын қолданған кезде Бортезомиб эмбрионның/ұрықтың дамуына әсер етпеді. Бортезомибтің босануға және босанғаннан кейінгі дамуға әсерін анықтау мақсатында жануарларға зерттеулер жүргізілген жоқ.

Бортезомибті жүктілік кезінде, әйелдің клиникалық жай-күйі бортезомибпен емдеуді қажет ететін жағдайлардан басқасында қолданбаған дұрыс. Егер бортезомиб жүктілік кезінде қолданылса немесе егер осы дәрілік препаратпен емдегенде жүктілік басталса, әйел пациентті шарана үшін қауіпті болуы мүмкіндігінен хабардар ету керек.

Талидомид ауыр, өмірге қауіп төндіретін туа біткен даму ақауларын туындататын белгілі тератогендік белсенді зат болып табылады. Талидомид жүктілік кезінде және бала туатын жастағы әйелдерге, егер талидомидпен жүктіліктің профилактикасы бағдарламасының барлық шарттары сақталмаса қарсы көрсетілімді. Бортезомибті талидомидпен біріктіріп қабылдайтын әйел пациенттер талидомидпен жүктіліктің профилактикасы бағдарламасын ұстануы керек. Қосымша ақпарат алу үшін Талидомидтің жалпы сипаттамасын қараңыз.

Бала емізу

Бортезомибтің ана сүті арқылы бөлініп шығатыны туралы деректер жоқ. Бортезомибпен емдегенде емшектегі балаларда ауыр жағымсыз реакциялардың даму мүмкіндігіне байланысты, бала емізуді тоқтату керек.

Фертильділік

Бортезомибтің фертильділікке ықпалы жөнінде клиникалық деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бортезомиб көлік жүргізу қабілетіне және механизмдерді пайдалануға орташа әсер етуі мүмкін. Бортезомибпен емдегенде ортостаздық гипотензия, шаршау, бас айналу, естен тану, көру бұзылыстары және басқа жағымсыз құбылыстар байқалуы мүмкін, олар көлік құралдарын басқару және механизмдермен жұмыс істеу қабілетіне теріс ықпалын тигізуі мүмкін. Сипатталған жағымсыз құбылыстар пайда болған жағдайда аталған қызмет түрлерін атқарудан бас тарту керек.

Қолдану жөніндегі нұсқаулар

Бортезомиб Штада препаратымен емдеуді ісікке қарсы химиотерапияны қолдану тәжірибесі бар дәрігердің бақылауымен ғана жүргізу керек. Препаратты енгізуді химиотерапиялық препараттарды қолдану тәжірибесі бар медицина қызметкері жүзеге асыруы тиіс. Бортезомиб Штада препаратын медицина қызметкері дайындауы керек.

Дозалау режимі

Ересектер

Үдемелі көптеген миелома және қатерлі плазма жасушалы жаңа түзілімі кезіндегі дозалау режимі (алдындағы емнің ең кемінде 1 курсын қабылдаған пациенттер) 

Монотерапия

Бортезомиб Штада препаратының инъекцияға арналған 2,5 мг/мл ерітіндісі тері астына, ал сұйылтылғаннан кейін емдеудің 21 күндік циклінде 1, 4, 8 және 11 күндері екі апта бойы аптасына екі рет дене беткейінің әр м² ауданына шаққанда 1,3 мг ұсынылатын дозада вена ішіне енгізу үшін енгізіледі. Осы 3 апталық кезең емдеу циклі болып есептеледі. Толық клиникалық жауапқа қол жеткізілгеннен кейін Бортезомиб Штада препаратымен емдеудің 2 циклін жүргізу ұсынылады. Клиникалық жауапқа қол жеткізген, бірақ толық ремиссияға қол жеткізбеген пациенттерге жалпы алғанда, Бортезомиб Штада препаратымен емдеуді 8 циклге дейін жүргізу ұсынылады. Бортезомиб Штада препаратының дозаларын бірінен соң бірін енгізудің арасында кемінде 72 сағат өтуі тиіс.

Бортезомиб Штада препаратымен монотерапияда емдеу кезіндегі және емдеуді қайта бастағандағы дозасын түзету жөніндегі нұсқаулар

3-дәрежелі кез келген гематологиялық емес уытты әсер немесе нейропатияны қоспағанда, 4-дәрежелі гематологиялық уыттылық дамыған жағдайда Бортезомиб Штада препаратымен емдеуді тоқтата тұру керек. Уыттылық симптомдары жойылғаннан кейін препаратпен емдеуді 25 %-ға төмендетілен дозада қайта бастауға болады (1.3 мг/м2 дозасын 1.0 мг/м2 дейін төмендетеді; 1.0 мг/м2 дозасын 0.7 мг/м2 дейін төмендетеді). Егер уыттылық симптомдары жойылмаса немесе ең төмен дозасында қайтадан пайда болса, онда егер Бортезомиб Штада препаратын қолданудың пайдасы ықтимал қаупінен едәуір асып түспесе, оны тоқтату мүмкіндігін қарастыру керек.

Нейропатиялық ауыру және/немесе шеткері нейропатия

Бортезомиб Штада препаратын пайдаланумен байланысты нейропатиялық ауырулар және/немесе шеткері сенсорлық нейропатия пайда болғанда препарат дозасын 1-кестедегіге сәйкес өзгертілуі тиіс. Анамнезінде ауыр нейропатия бар пациенттерде Бортезомиб Штада препаратын тек қауіп/пайда арақатынасын мұқият бағалағаннан кейін ғана қолдануға болады.

1-кесте. Бортезомиб Штада препараты туындатқан нейропатиялық ауырулар және/немесе шеткері сенсорлық немесе қозғалыстық нейропатия дамығандағы дозаны түзету жөніндегі нұсқаулар

* - Жіктеме NCI (Обыр Ұлттық институтының) уыттылығының жалпы критерийлеріне СТСАЕ v.4 (Жағымсыз құбылыстарды белгілеу терминологиясының жалпы критерийлеріне) негізделген.

** Күнделікті өмірдегі аспаптық белсенділік: тамақ әзірлеуге, азық-түлік пен киім сатып алуға, телефонды пайдалануға, ақша жұмсауға және т.б. қабілеттілік;

*** Күнделікті өз-өзіне қызмет көрсету белсенділігі: өздігінен шомылуға, киім киюге және шешуге, ас ішуге, дәретханаға баруға, дәрілік  препараттарды қабылдауға және төсек тартып жатпауға қабілеттілік.

Пегилденген липосомалық доксорубицинмен біріктірілген ем

Бортезомиб Штада препаратының инъекцияға арналған 2,5 мг/мл ерітіндісі тері астына, ал сұйылтылғаннан кейін емдеудің 21 күндік циклінде 1, 4, 8 және 11 күндері екі апта бойы аптасына екі рет дене беткейінің әр м² ауданына шаққанда 1,3 мг ұсынылатын дозада вена ішіне енгізу үшін енгізіледі. Осы 3 апталық кезең емдеу циклі болып есептеледі. Бортезомиб Штада препаратының дозаларын бірінен соң бірін енгізудің арасындағы аралық кемінде 72 сағатты құрауы тиіс.

Пегилденген липосомалық доксорубициннің дозасы 30 мг/м2 құрайды, ол Бортезомиб Штада препаратымен емдеудің 21 күндік циклінің 4 күні Бортезомиб Штада препаратының инъекциясынан кейін енгізілген 1 сағаттық в/і инфузия түрінде енгізіледі.

Егер пациентте аурудың үдегені байқалмаса, және ол емді жақсы көтерсе, біріктірілген емнің 8 цикліне дейін жүргізуге болады. Толық емдік жауапқа қол жеткізген пациенттер емделуді жалғастыруына және толық жауап алғаш расталғаннан кейін, тіпті егер бұл емдеудің 8 циклінен көбіректі қажет етсе де, емдеудің кемінде тағы 2 циклін қабылдауына болады. 8 циклден кейін парапротеин деңгейлерінің төмендеуі жалғаса берген пациенттер де, ем әзірге пациентке жаққанша және клиникалық жауап байқалғанша емделуді жалғастыра беруіне болады.

Пегилденген липосомалық доксорубицинге қатысты қосымша ақпарат алу үшін осы препаратты медициналық қолдану жөніндегі тиісті нұсқаулықты қарау керек.

Дексаметазонмен біріктірілген ем

Бортезомиб Штада препаратының инъекцияға арналған 2,5 мг/мл ерітіндісі тері астына, ал сұйылтылғаннан кейін емдеудің 21 күндік циклінде 1, 4, 8 және 11 күндері екі апта бойы аптасына екі рет дене беткейінің әр м² ауданына шаққанда 1,3 мг ұсынылатын дозада вена ішіне енгізу үшін енгізіледі. Осы 3 апталық кезең емдеу циклі болып есептеледі. Бортезомиб Штада препаратының дозаларын бірінен соң бірін енгізудің арасындағы аралық кемінде 72 сағатты құрауы тиіс.

Дексаметазонның дозасы 20 мг құрайды, ол Бортезомиб Штада препаратымен емдеудің 21 күндік циклінде 1, 2, 4, 5, 8, 9, 11 және 12 күндері пероральді қабылданады.

Осы біріктірілген емнің 4 циклінен кейін жауапқа немесе аурудың тұрақтануына қол жеткізген пациенттер дәл осындай біріктірілімді ең көбі 4 қосымша цикл бойы жалғастыруына болады.

Дексаметазонды қолдануға қатысты қосымша ақпарат алу үшін осы препаратты медициналық қолдану жөніндегі тиісті нұсқаулықты қарау керек.

Үдемелі көптеген миелома және қатерлі плазма жасушалы жаңа түзілімі бар пациенттерде біріктірілген ем кезіндегі дозаны түзету жөніндегі нұсқаулар

Біріктірілген ем кезінде дозаны түзету үшін монотерапия кезінде дозаны түзету жөніндегі жоғарыда сипатталған нұсқауларды орындау қажет.

Көптеген миеломасы және қатерлі плазма жасушалы жаңа түзілімі бар, бұрын ем қабылдамаған және дің жасушаларының трансплантациясын жүргізуге үміткер болып табылмайтын пациенттерге арналған дозалау режимі.

Мелфаланмен және преднизонмен біріктірілімде ұсынылатын дозалар

Бортезомиб Штада препаратының инъекцияға арналған 2,5 мг/мл ерітіндісін тері астына, сонымен қатар сұйылтылғаннан кейін 2-кестеде көрсетілгендей, вена ішіне инъекцилар түрінде, ішке қабылданатын мелфаланмен және преднизонмен біріктіріп енгізеді.

6 апталық кезең емдеу циклі болып саналады.

1-4 циклдерде Бортезомиб Штада препараты аптасына 2 рет қолданылады (1, 4, 8, 11, 22, 25, 29 және 32 күндері), ал 5-9 циклдерде – аптасына 1 рет (1, 8, 22 және 29 күндері), 2-кесте.

Бортезомиб Штада препаратының дозаларын бірінен соң бірін енгізудің арасындағы аралық кемінде 72 сағатты құрауы тиіс.

Мелфалан мен преднизолон Бортезомиб Штада препаратымен емдеудің әрбір циклінің бірінші аптасының 1, 2, 3 және 4 күндері пероральді қабылдануы тиіс.

Осы біріктірілген емнің тоғыз циклі қолданылады.  

2-кесте. Бұрын емделмеген көптеген миеломасы бар, дің жасушаларының трансплантациясын жүргізу көрсетілмеген пациенттерде мелфаланмен және преднизолонмен біріктіріп қолданылатын Бортезомиб Штада препаратын дозалаудың ұсынылатын сызбасы

Мелфаланмен және преднизолонмен біріктіріп емдеуді қайта бастаған кезде және бастар алдында дозасын түзету жөніндегі нұсқаулар

Емдеудің жаңа циклін бастар алдында:

• тромбоциттер мөлшері ≥ 70 х 109/л болуы тиіс,

• нейтрофилдердің абсолюттік мөлшері (НАМ) ≥ 1,0 х 109/л,

• гематологиялық емес уыттылық 1-дәрежеге дейін немесе бастапқы деңгейіне дейін төмендеуі тиіс.

3-кесте. Мелфаланмен және преднизолонмен біріктірілген Бортезомиб Штада препаратымен емдеудің келесі циклдерінде дозасын түзету жөніндегі нұсқаулар

Мелфалан мен преднизолон жөніндегі қосымша ақпарат осы препараттарды медициналық қолдану жөніндегі тиісті нұсқаулықтарда келтірілген.

Дің жасушаларының трансплантациясына жарайтын, бұрын емделмеген көптеген миеломасы және қатерлі плазма жасушалы жаңа түзілімі бар пациенттер үшін Бортезомиб Штада препаратын дозалаудың ұсынылатын сызбасы (индукциялық ем)

Дексаметазонмен біріктірілген ем

Бортезомиб Штада препаратының инъекцияға арналған 2,5 мг/мл ерітіндісі тері астына, ал сұйылтылғаннан кейін емдеудің 21 күндік циклінде 1, 4, 8 және 11 күндері екі апта бойы аптасына екі рет дене беткейінің әр м² ауданына шаққанда 1,3 мг ұсынылатын дозада вена ішіне енгізу үшін енгізіледі. Осы 3 апталық кезең емдеу циклі болып есептеледі. Бортезомиб Штада препаратының дозаларын бірінен соң бірін енгізудің арасындағы аралық кемінде 72 сағатты құрауы тиіс.

Дексаметазонның дозасы 40 мг құрайды, ол Бортезомиб Штада препаратымен емдеу циклінің 1, 2, 3, 4, 8, 9, 10 және 11 күндері пероральді қабылданады.

Осы біріктірілген емнің 4 циклі жүргізіледі.   ,

Дексаметазонмен және талидомидпен біріктірілген ем

Бортезомиб Штада препаратының инъекцияға арналған 2,5 мг/мл ерітіндісі тері астына, ал сұйылтылғаннан кейін емдеудің 28 күндік циклінде 1, 4, 8 және 11 күндері екі апта бойы аптасына екі рет дене беткейінің әр м² ауданына шаққанда 1,3 мг ұсынылатын дозада вена ішіне енгізу үшін енгізіледі. Осы 4 апталық кезең емдеу циклі болып есептеледі. Бортезомиб Штада препаратының дозаларын бірінен соң бірін енгізудің арасындағы аралық кемінде 72 сағатты құрауы тиіс.

Дексаметазонның дозасы 40 мг құрайды, ол Бортезомиб Штада препаратымен емдеу циклінің 1, 2, 3, 4, 8, 9, 10 және 11 күндері пероральді қабылданады.

Талидомид 1-14-күні тәулігіне 50 мг-ден пероральді тағайындалады, ал доза жаққан жағдайда 15-28-күні 100 мг-ге дейін арттырады, содан кейін 2-циклден бастап тәулігіне 200 мг дейін арттырылуы мүмкін (4-кестені қараңыз).

Осы біріктірілген емнің 4 циклі жүргізіледі.   Ең болмаса ішінара жауабы бар пациенттерге қосымша 2 цикл алу ұсынылады.

4-кесте. Бұрын емделмеген көптеген миеломасы және қатерлі плазма жасушалы жаңа түзілімі бар, және гемопоэздік дің жасушаларының трансплантациясына жарайтын пациенттерде Бортезомиб Штада препаратымен біріктірілген ем кезіндегі дозалану режимі

1 Талидомидтің дозасын 50 мг жақса, 1-циклдің 3 аптасынан 100 мг-ге дейін арттырады, егер 100 мг жақса 2-циклден және одан әрі 200 мг-ге дейін арттырады.

2 4 циклден кейін кем дегенде ішінара жауапқа қол жеткізген пациенттерге 6 циклге дейін тағайындауға болады

Трансплантацияға үміткер пациенттер үшін дозаны түзету

Бортезомиб Штада дозасын түзету үшін монотерапияға арналған нұсқауларға сәйкес дозаны модификациялау қажет. Бұдан басқа, бортезомиб басқа химиотерапиялық дәрілік заттармен біріктіріліп тағайындалған кезде, уыттылық дамыған жағдайда, осы препараттардың дозасын медициналық қолдану жөніндегі нұсқаулықта келтірілген нұсқауларға сәйкес тиісті түрде төмендету мүмкіндігін қарастыру керек.

Бұрын емделмеген мантий жасушалы лимфомасы (МЖЛ) бар пациенттер үшін Бортезомиб Штада препаратын дозалаудың ұсынылатын сызбасы

Ритуксимабпен, циклофосфамидпен, доксорубицинмен және преднизолонмен біріктіріп қолданғандағы ұсынылатын дозасы

Бортезомиб Штада препаратының инъекцияға арналған 2,5 мг/мл ерітіндісі тері астына, ал сұйылтылғаннан кейін 1, 4, 8 және 11 күндері, содан кейін 12-21-күні 10 күндік демалу кезеңімен екі апта бойы аптасына екі рет дене беткейінің әр м² ауданына шаққанда 1,3 мг ұсынылатын дозада вена ішіне енгізу үшін енгізіледі. Осы 3 апталық кезең емдеу циклі болып есептеледі.

Бортезомиб Штада препаратымен емдеудің алты циклін жүргізу ұсынылады, ал 6-циклде клиникалық жауап алғаш алынған пациенттерге Бортезомиб Штада препаратымен емдеудің екі қосымша циклін тағайындауға болады. Бортезомиб Штада препаратының дозаларын бірінен соң бірін енгізудің арасындағы аралық кемінде 72 сағатты құрауы тиіс.

Келесі дәрілік заттарды Бортезомиб Штада препаратымен емдеудің әрбір 3 апталық циклінің 1-күні в/і инфузиялар жолымен: ритуксимабты 375 мг/м2, циклофосфамидті 750 мг/м2 және доксорубицинді 50 мг/м2 дозада енгізеді.

Преднизолонды Бортезомиб Штада препаратымен емдеудің әрбір циклінің 1, 2, 3, 4 және 5 күні 100 мг/м2 дозада пероральді тағайындайды.

Бұрын емделмеген мантий жасушалы лимфоманы емдеген кездегі дозасын түзету

Емдеудің жаңа циклін бастар алдында:

• тромбоциттер мөлшері ≥ 100000/мкл и нейтрофилдердің абсолюттік мөлшері (НАС) ≥ 1500/мкл болуы тиіс,

• сүйек кемігінің инфильтрациясы немесе көкбауыр секвестрацисы бар пациенттерде тромбоциттер мөлшері ≥ 75000 жасуша/мкл құрауы тиіс,

• гемоглобиннің концентрациясы ≥ 8 г/дл (≥ 4.96 ммоль/л) болуы тиіс,

• гематологиялық емес уыттылық 1-дәрежеге дейін немесе бастапқы деңгейіне дейін төмендеуі тиіс.

Бортезомибпен емдеуді бортезомибпен байланысты ≥ 3- дәрежелі гематологиялық емес уыттылықтың (нейропатияны қоспағанда) немесе ≥ 3-дәрежелі гематологиялық уыттылықтың кез келген көрінісі пайда болған кезде тоқтату керек. Дозасын түзету жөніндегі нұсқаулар 5-кестеде келтірілген.

Гематологиялық уыттылықты емдеу үшін гранулоциттік колония стимуляциялайтын факторды қолданылатын стандартты практикаға сәйкес енгізуге болады.

Емдеу циклдерінің жүргізілуі бірнеше рет кідіртілген жағдайда гранулоциттік колониястимуляциялайтын факторды профилактикалық қолдануды қарастыру керек. Тромбоцитопенияны емдеу үшін тромбоциттерді клиникалық көрсетілімдерге сәйкес құю қажеттілігін қарастыру керек.

5-кесте. Бұрын емделмеген мантий жасушалы лимфомасы бар пациенттерде ем кезіндегі дозасын түзету

Бұдан өзге, егер Бортезомиб Штада препараты басқа химиотерапиялық дәрілік заттармен біріктіріліп қолданылса, уыттылық пайда болған жағдайда, осы дәрілік заттардың дозасын дәрілік затты медициналық қолдану жөніндегі тиісті нұсқаулықтағы нұсқауларға сәйкес тиісінше төмендетуді қарастыру қажет.

Пациенттердің ерекше топтары

Педиатрияда қолданылуы

18 жасқа толмаған пациенттерде Бортезомиб Штада препаратын қолданудың тиімділігі мен қауіпсіздігі анықталмаған.

Егде жастағы пациенттерде қолдану

Көптеген миеломасы және қатерлі плазма жасушалы жаңа түзілімі немесе мантий жасушалы лимфомасы бар, 65 жастан асқан пациенттер үшін дозаны түзету қажеттілігі туралы ешқандай дәлел жоқ.

Бортезомиб Штада препаратының егде жастағы, көптеген миеломаның және қатерлі плазма жасушалы жаңа түзілімнің емін бұрын қабылдамаған және қан түзетін дің жасушаларының трансплантациясымен бірге жоғары дозалы химиотерапия жасауға жарайтын пациенттерде пайдаланылуы бойынша зерттеулер жүргізілмеді. Соған байланысты, пациенттердің осы тобы үшін дозалану жөніндегі нұсқаулар жоқ.

Мантия аймағының жасушаларынан дамитын лимфомасы бар бұрын емделмеген пациенттерге жүргізілген зерттеуде бортезомибпен емделген пациенттердің тиісінше 42.9% және 10.4%-ы 65-74 және ≥75 жаста болған. ≥ 75 жастағы пациенттер BoR-CAP және R-CHOP екі емдеу сызбасын да нашар көтерді.

Бауыр жеткіліксіздігі бар пациенттер

Бауыр функциясының жеңіл дәрежелі бұзылулары бар пациенттерде бастапқы дозасын өзгерту қажет емес. Ұсынылатын дозасын тағайындау керек. Бауыр функциясының орташа және ауыр дәрежедегі бұзылуы бар пациенттерге емдеудің бірінші циклі ішінде бір инъекцияға шаққанда 0,7 мг/м2 төмендетілген дозада Бортезомиб Штада препаратын тағайындау керек, ал содан кейін дозаны 1,0 мг/м2 дейін арттыру немесе дозаны 0,5 мг/м2 дейін одан әрі төмендету пациентке жағымдылығына байланысты қарастырылуы мүмкін (6-кесте).

6-кесте. Бауыр функциясының бұзылулары бар пациенттерде Бортезомиб Штада препаратының бастапқы дозасының ұсынылатын өзгерістері

** SGOT= сарысулық глутамат-оксалоацетат-трансаминаза;

**ACT = аспартатаминотрансфераза

***ҚЖШ = қалыптың жоғарғы шегі

Бүйрек жеткіліксіздігі бар пациенттер

Бүйрек функциясының бұзылу дәрежесі Бортезомиб Штада препаратының фармакокинетикасына әсер етпейді. Бүйрек жеткіліксіздігі бар пациенттер үшін дозаны түзету қажет емес. Бортезомибтің фармакокинетикасы диализде жүрмеген (Crcl < 20 мл/мин/ 1,73 м2), бүйректің ауыр жеткіліксіздігі бар пациенттерде өзгеретін-өзгермейтіні белгісіз. Диализ қандағы бортезомиб концентрациясын төмендетуі мүмкін болғандықтан, Бортезомиб Штада препаратын диализ ем шарасынан кейін енгізу керек.

Қолдану тәсілі

Бортезомиб Штада препаратының инъекцияға арналған 2,5 мг/мл ерітіндісі тері астына, ал сұйылтылғаннан кейін ұсынылатын дозада вена ішіне енгізуге арналған. Бортезомиб Штада препаратын басқа тәсілдермен қолдануға болмайды.

Дайындау және қолдану жөніндегі нұсқаулық

Вена ішіне енгізу үшін

Бортезомиб Штада құтысының ішіндегісі (құтыдағы 3.5 мг бортезомиб) 2,1 мл натрий хлоридінің 0.9% ерітіндісінде тиісті өлшемдегі шприцтің көмегімен құтының тығынын алмай, мұқият сұйылтылады. Препаратты натрий хлоридінің 0.9 % ерітіндісінен басқа, дәрілік заттармен араластыруға болмайды. В/і енгізуге арналған дайындалған ерітіндінің концентрациясы – 1.0 мг/мл. Бортезомиб Штада препаратының ерітіндісі мөлдір және түссіз ақшыл сары түске дейін, соңғы рН 4.0-ден 7.0-ге дейін болуы керек. Енгізер алдында сұйылтылған ерітіндіні бөлшектердің бар-жоғына және түстілігін көзбен тексеру қажет. Механикалық қосылыстар немесе түсінің өзгергені анықталса, дайындалған ерітіндіні пайдалануға болмайды.

Алынған ерітінді шеткері немесе орталық веналық катетер арқылы 3-5 секунд ішінде вена ішіне болюсті инъекция (сорғалатып) арқылы енгізіледі, содан кейін инъекцияға арналған натрий хлоридінің 0.9% ерітіндісімен жуып шайылады. Бортезомиб Штада препаратының дозаларын бірінен соң бірін енгізудің арасындағы аралық кемінде 72 сағатты құрауы тиіс.

Тері астына енгізу үшін

Бортезомиб Штаданың әрбір құтысы (құтыдағы 3.5 мг бортезомиб) тері астына инъекция үшін пайдалануға дайын. Ерітіндінің әрбір мл құрамында 2,5 мг бортезомиб бар. Мөлдір және түссіз, ақшыл сары түске дейінгі, рН 4.0-ден 6.0-ге дейінгі ерітінді. Енгізер алдында ерітіндіні бөлшектердің бар-жоғына және түстілігін көзбен тексеру қажет. Механикалық қосылыстар немесе түсінің өзгергені анықталса, препаратты пайдалануға болмайды.

Бортезомиб Штада құтысының ішіндегісі тері астына сан аймағына (оң жаққа немесе сол жаққа) немесе іш аймағына (оң жаққа немесе сол жаққа) енгізіледі. Ерітіндіні тері астына 45-90° бұрыш жасап енгізу керек. Препаратты енгізу орнын үнемі алмастырып тұру қажет. Әрбір келесі инъекция алдындағы инъекция орнынан кемінде 2.5 см қашықтықта енгізілуі тиіс. Препаратты сезімтал жерлерге, зақымдалған жерлерге (қызарған, көгерген жерлер), сондай-ақ инені шаншу қиын жерлерге енгізуге болмайды.

Бортезомиб Штада препаратын тері астына енгізу аумағында жергілікті реакциялар туындаған жағдайда, тері астына енгізуге арналған аз концентрацияланған ерітіндіні (2.5 мг/мл орнына 1.0 мг/мл) пайдалануға немесе препаратты вена ішіне енгізуге көшуге болады.

Егер Бортезомиб Штада препараты басқа дәрілік заттармен біріктіріліп тағайындалса, қолдану әдісі жөніндегі нұсқаулықты дәрілік затты медициналық қолдану жөніндегі тиісті нұсқаулықтан қараңыз.

Енгізу әдісі мен жолы

Бортезомиб Штада препаратының инъекцияға арналған 2,5 мг/мл ерітіндісі тері астына, ал сұйылтылғаннан кейін ұсынылатын дозада вена ішіне енгізуге арналған. Бортезомиб Штада препаратын басқа тәсілдермен қолдануға болмайды. Интратекальді енгізгенде өлім жағдайлары тіркелген.

Емшараға дейін/кезіндегі немесе препаратты енгізгенге дейін/кездегі сақтық шаралары

Жүкті болған жұмыскерлер бұл дәрімен жұмыс істемеуі керек.

Бортезомиб цитоуытты дәрі болып табылады. Сондықтан Бортезомиб Штада препаратын өңдегенде және дайындағанда сақ болу керек. Теріге тиіп кетпес үшін қолғап пен басқа қорғаныс киімдерін пайдалану ұсынылады. Бортезомиб Штада препаратын дайындау мен енгізуді цитоуытты препараттармен қауіпсіз жұмыс істеу ережелерін үйренген медицина қызметкері жүзеге асыруы тиіс. Препаратпен тікелей жанасуға жол бермеу үшін дербес қорғаныс құралдарын (халат, қолғап, бетперде және т.б.) пайдалану қажет.

Бортезомиб Штада препаратымен жұмыс істегенде асептикалық техниканы қатаң сақтау керек, өйткені оның құрамында консерванттар жоқ.

Артық дозалану жағдайында қабылдау қажет болатын шаралар

Симптомдары

Пациенттерде ұсынылған дозадан екі есе асатын артық дозалану симптоматикалық гипотензияның жедел дамуына және өліммен аяқталатын тромбоцитопенияға әкелді.

Емі

Бортезомибпен артық дозаланғандағы спецификалық антидоты белгісіз. Артық дозаланған жағдайда пациенттің өмірлік көрсеткіштерін бақылап, артериялық қысымды (мысалы, сұйықтықтарды, вазопрессорларды және/немесе инотропты дәрілерді енгізу) және дене температурасын демеу үшін тиісті ем жүргізу керек.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну жөніндегі нұсқаулар.

Бұл препаратты әрдайым емдеуші дәрігердің нұсқауларына сәйкес қолданыңыз. Күмән туындаған жағдайда емдеуші дәрігерге хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Қауіпсіздік бейіні туралы қысқаша ақпарат

Бортезомибпен емдегенде «жиі емес» санатындағы: жүрек жеткіліксіздігін, ісік лизисі синдромын, өкпе гипертензиясын, қайтымды артқы энцефалопатия синдромын, өкпенің жедел диффузиялы инфильтрациялық ауруларын қамтыған; және «сирек» санатындағы – вегетативтік нейропатияны қамтыған ауыр жағымсыз реакциялар байқалды. Бортезомибпен емдегенде анағұрлым жиі білінген жағымсыз реакциялар: жүрек айну, диарея, іш қату, құсу, шаршау, қызба, тромбоцитопения, анемия, нейтропения, шеткері нейропатия (соның ішінде сенсорлық), бас ауыру, парестезиялар, тәбеттің төмендеуі, ентігу, бөртпе, белдемелі теміреткі және миалгия болды.

Жағымсыз реакциялардың жиынтық кестесі

Көптеген миелома

7-кестеде кешенді деректерге негізделген және ең болмағанда бортезомибті қолданумен ықтимал немесе мүмкін болатын себеп-салдарлық байланысы бар жағымсыз реакциялар келтірілген. Бұл жағымсыз реакциялар 5 476 пациенттің жалпыланған деректер жинағына негізделген, оның 3 996-сы 1,3 мг/м² дозада бортезомиб қабылдаған және 7-кестеге енгізілген. Жалпы, бортезомиб көптеген миеломасы бар 3974 пациентке тағайындалды.

Жағымсыз реакциялар пайда болу жиілігі бойынша топтастырылған: өте жиі (>1/10), жиі (≥1/100 < 1/10 дейін), жиі емес (≥1/1000 < 1/100 дейін), сирек (≥1/10000 < 1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес).

7-кесте. Монотерапияда немесе басқа дәрілік препараттармен біріктіріп бортезомибпен ем қабылдаған көптеген миеломасы бар пациенттердегі жағымсыз әсерлер

ҚНЗ = қосымша нақтылауларсыз

* MedDRA қолайлы терминінің біреуден артық топтастырылуы

# маркетингтен кейінгі деректерден алынған жағымсыз реакция  

Мантий жасушалы лимфомасы бар пациенттер

Ритуксимаб, циклофосфамид, доксорубицин, винкристин және преднизолон [R-CHOP] қабылдаған 242 пациентпен салыстырғанда ритуксимабпен, циклофосфамидпен, доксорубицинмен және преднизонмен (BoR-CAP) біріктірілген бортезомибті 1,3 мг/м² дозада қабылдаған МЖЛ бар 240 пациенттегі бортезомиб препаратының қауіпсіздік бейіні көптеген миеломасы бар пациенттердегі тиісті көрсеткіштермен салыстырмалы түрде ұқсас болды. Біріктірілген емді (BoR-CAP) қолданумен байланысты қосымша жағымсыз реакциялар В гепатитінің инфекциясы (< 1 %) және миокард ишемиясы (1,3%) болды. Емдеудің екі тобында да осы құбылыстардың ұқсас жиілігі дәрілік препараттарға бұл жағымсыз реакциялар тек бортезомибпен байланысты емес екенін көрсетеді.

Зерттеулерде көптеген миеломасы бар пациенттермен салыстырғанда МЖЛ бар пациенттердің популяциясындағы елеулі айырмашылықтар гематологиялық жағымсыз реакциялар (нейтропения, тромбоцитопения, лейкопения, анемия, лимфопения), шеткері сенсорлық нейропатия, гипертония, пирексия, пневмония, стоматит және шаш проблемалары жиілігінің ≥ 5%-ға жоғарылауынан тұрды.

BoR-CAP тобында ≥ 1% жиілікпен немесе одан жоғары жиілікпен идентификацияланған және кем дегенде BoR-CAP тобының құрамдас бөліктерімен ықтимал немесе мүмкін болатын себеп-салдарлық байланысы бар дәрілік препараттарға жағымсыз реакциялар төмендегі 8-кестеде келтірілген. Сондай-ақ, BoR-CAP тобында анықталған дәрілік заттарға жағымсыз реакциялар қамтылды, зерттеушілердің пікірінше, көптеген миеломаны зерттеудің тарихи деректеріне сүйене отырып, олардың бортезомибпен кем дегенде ықтимал немесе ықтимал себеп-салдарлық байланысы бар.

8-кесте. Мантий-жасушалы лимфомасы бар, ритуксимабпен, циклофосфамидпен, доксорубицинмен және преднизонмен біріктірілген емді қабылдаған пациенттердегі жағымсыз реакциялар

* MedDRA қолайлы терминінің біреуден артық топтастырылуы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде:

белсенді зат– 3.5 мг бортезомиб (сусыз негізге шаққанда),

қосымша зат– маннитол, натрий хлориді, инъекцияға арналған су.

Сыртқы түрінің, иісінің, дәмінің сипаттамасы

Мөлдір, түссізден ақшыл сары түске дейінгі ерітінді.

Шығарылу түрі және қаптамасы

Препараттың 1 дозасы (3.5 мг) сыйымдылығы 10 мл шыныдан жасалған (ЕФ*, 3.2.1), бромбутил резеңке тығынмен (ЕФ*, 3.2.9) тығындалған және сары түсті полипропиленнен жасалған flip off типті қақпағы бар алюминий қаусырмамен қаусырылған құтыда.

1 құты медициналық қолдану жөніндегі қазақ және орыс тілдеріндегі нұсқаулықпен бірге картон қорапшада.

Ашылмаған құты

3 жыл.

Жарамдылық мерзімі өткеннен кейін қолдануға болмайды.

Алғаш ашқаннан және/немесе сұйылтқаннан кейін құтыда сақтауға жол беріледі:

• 2–8 °C температурада жарықтан қорғалған жерде 28 күн сақтауға,

• 25 °C температурада жарықтан қорғалған жерде сақтағанда 7 күн бойы

• қалыпты жарықта орынжайда түпнұсқалық құтыда және/немесе полипропилен шприцте 25 °C температурада сақтағанда 24 сағат.

Микробиологиялық тұрғыдан алғанда, егер ашу және/немесе сұйылту әдісі микробтық ластану қаупін жоққа шығармаса, өнімді дереу қолдану керек. Егер сіз оны дереу пайдаланбасаңыз, пайдалану процесінде сақтау мерзімі мен шарттары үшін пайдаланушы жауап береді.

Енгізуге дайындаған кезде және қабылдаған кезде дәрілік затты жарықтан қорғаудың қажеті жоқ.

Жарықтан қорғау үшін түпнұсқалық қаптамасында, 2 о С-ден 8  С-ге дейінгі температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші/қаптаушы туралы мәліметтер

Thymoorgan Pharmazie GmbH, Гослар қ., Германия

Телефон: +49 5324 77010

www.hikma.com

Тіркеу куәлігі ұстаушысы/ Серияларды шығаруға жауапты өндіруші/Қаптаушы

ШТАДА Арцнаймиттель АГ,

Бад Вилбель қ., Германия

Телефон: +49 6101 603-0

e-mail: info@stada.de

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта)

"STADA Kazakhstan" ЖШС

Қазақстан Республикасы, 050044

Алматы қ., Нұрлан Қаппаров көш., 408 үй

тел.: (727) 2222-100

e-mail: almaty@stada.kz