БортезоВиста (Бортезомиб)

БортезоВиста

Бортезомиб

Дәрілік түрі, дозасы

Вена ішіне және тері астына енгізу үшін ерітінді дайындауға арналған лиофилизат, 2.5 мг және 3.5 мг

Антинеопластикалық және иммуномодуляциялайтын препараттар. Антинеопластикалық препараттар. Басқа антинеопластикалық. Бортезомиб.

АТХ коды L01XX32

- монотерапия ретінде немесе пегилирленген липосомальді доксорубицинмен немесе дексаметазонмен біріктірілімі, ең кемінде, емнің 1 курсын қабылдаған немесе қан түзетін дің жасушаларының трансплантациясы жүргізілген немесе оған жарамайтын, үдемелі көптеген миеломасы бар ересек пациенттерді емдеу үшін

- мелфаланмен және преднизонмен біріктіріп бұрын ем қабылдамаған, қан түзетін дің жасушаларының трансплантациясымен  жоғары дозада химиотерапия жасауға келмейтін, көптеген миеломасы бар ересек пациенттерді емдеу үшін

- дексаметазонмен немесе дексаметазонмен және талидомидпен біріктірілімі бұрын ем қабылдамаған, қан түзетін дің жасушаларының трансплантациясымен жоғары дозада химиотерапия жасауға болатын, көптеген миеломасы бар ересек пациенттерді индукциялық емдеу үшін

- ритуксимабпен, циклофосфамидпен, доксорубицинмен және преднизонмен біріктірілімі бұрын ем қабылдамаған және қан түзетін дің жасушаларының трансплантациясын жасауға жарамайтын, мантиялы-жасушалық лимфомасы бар ересек пациенттерді емдеу үшін

Қолдануды бастағанға дейін қажетті мәліметтер тізбесі

- әсер етуші затқа, борға немесе қосымша заттардың кез келгеніне аса жоғары сезімталдық

- өкпенің немесе перикардтың жедел диффузиялық инфильтративті ауруы

- жүктілік және емшек емізу кезеңі

- балалар мен 18 жасқа дейінгі жасөспірімдер

БортезоВиста препаратын басқа дәрілік заттармен біріктіріп қолданғанда, емді бастағанға дейін қарсы көрсетілімдер туралы қосымша ақпарат алу үшін осы дәрілік заттарды медициналық қолдану жөніндегі нұсқаулықты оқып шығу қажет.

Қолдану кезінде қажетті сақтық шаралары

БортезоВиста препаратын басқа дәрілік заттармен біріктіріп қолданғанда, ем басталғанға дейін қарсы көрсетілімдер туралы қосымша ақпарат алу үшін осы дәрілік заттарды медициналық қолдану жөніндегі нұсқаулықты қарап шығу қажет.

Интратекальді енгізу

Бортезовиста препаратын абайсызда интратекальді енгізу кезінде өлім жағдайлары тіркелді. Бортезовиста препаратын интратекальді түрде енгізуге болмайды.

БортезоВиста препараты, инъекция үшін ерітінді дайындауға арналған 1 мг лиофилизат тек вена ішіне енгізуге арналған, ал БортезоВиста препараты, инъекция үшін ерітінді дайындауға арналған 2.5 мг және 3.5 мг лиофилизат вена ішіне және тері астына енгізіледі.

Асқазан-ішек жолы тарапынан уытты реакциялар

БортезоВиста препаратымен емдеу аясында жүрек айнуы, диарея, құсу және іш қату жиі байқалады. Сирек жағдайларда ішек бітелуінің дамуы туралы хабарланды. Осыған байланысты іш қатуы болған пациенттерге мұқият бақылау орнату керек.

Гематологиялық уыттылық

БортезоВиста препаратымен емдеу гематологиялық уыттылық құбылыстарымен (тромбоцитопения, нейтропения және анемия) жиі қатар жүреді.

БортезоВиста препаратымен емдеуге байланысты асқазан-ішек және бассүйекішілік қан құйылу жағдайлары туралы хабарланды. Осыған байланысты тромбоциттер санын БортезоВиста препаратының әрбір дозасын енгізер алдында бақылау керек. БортезоВиста препаратымен емдеуді, егер тромбоциттер саны <25000/мкл құраса немесе тромбоциттер саны мелфаланмен және преднизонмен біріктірілген ем жағдайында ≤30000/мкл құраса, тоқтата тұру қажет. Потенциалды қауіптерге қарсы, әсіресе орташа және ауыр тромбоцитопения және қан кетудің даму қаупі факторлары болған жағдайда емдеудің потенциалды пайдасына мұқият бағалау жүргізу қажет.

БортезоВиста препаратымен емдеу кезінде дифференциалмен қанның толық талдауын жүргізу және тромбоциттер деңгейін бақылау қажет. Клиникалық көрсетілімдер бойынша тромбоциттерді ауыстырып құю қажеттілігін қарау керек.

Нейтропениясы бар пациенттер инфекциялардың даму қаупі жоғары топта болады, олар инфекцияның белгілері мен симптомдарының болуына қатысты үнемі қадағалануы және дереу тиісті ем алуы тиіс. Қолданылатын стандартты практикаға сәйкес гематологиялық уыттылықты емдеу үшін гранулоцитарлық колония-стимуляциялаушы факторларды енгізуге жол беріледі. Циклді жүргізуде бірнеше рет кідірістер болған жағдайда гранулоцитарлық колония-стимуляциялаушы факторларды профилактикалық қолдану қажеттілігін қарастыру керек.

Herpes zoster вирусының реактивациясы

БортезоВиста препаратымен ем қабылдайтын пациенттерде вирусқа қарсы профилактика жүргізу ұсынылады.

В гепатиті вирусының (HBV) реактивациясы және инфекциялану

БортезоВиста препаратын ритуксимабпен біріктіріп қолданғанда, HBV жұқтыру қаупі бар пациенттерде емдеу басталғанға дейін HBV болуына қатысты скрининг жүргізу қажет. В гепатитін тасымалдаушылар және анамнезінде В гепатиті бар пациенттер БортезоВиста препаратымен ритуксимабпен біріктірілген емдеу кезінде және одан кейін HBV белсенді инфекциясының клиникалық және зертханалық белгілерін анықтау тұрғысынан мұқият бақылануы тиіс. Вирусқа қарсы профилактика жүргізу қажеттілігін қарастырған жөн. Қосымша ақпарат алу үшін ритуксимаб препаратын медициналық қолдану жөніндегі нұсқаулықты қараңыз.

Үдемелі мультифокальді лейкоэнцефалопатия (ҮМЛ)

БортезоВиста препаратын қабылдаған пациенттерде ҮМЛ-ге және өлімге әкелетін Джон Каннингем вирусынан (JC) туындаған, себеп-салдарлық байланысы анықталмаған вирустық инфекцияның өте сирек жағдайлары тіркелген. ҮМЛ диагнозы қойылған пациенттер бұрын немесе бір мезгілде иммуносупрессиялық ем қабылдаған. Көптеген жағдайларда ҮМЛ БортезоВиста препаратының бірінші дозасын енгізген сәттен бастап 12 ай ішінде диагноз қойылған. Орталық жүйке жүйесінің проблемаларын дифференциалды диагностикалау шеңберінде пациенттерді ҮМЛ көрсетуі мүмкін жаңа немесе нашарлайтын неврологиялық симптомдардың немесе шағымдардың бар-жоғын үнемі тексеріп отыру керек. Егер ҮМЛ диагнозына күдік болса, пациенттерді ҮМЛ саласындағы маманға жіберіп, ҮМЛ бойынша тиісті диагностикалық іс-шараларды бастау керек. БортезоВиста препаратын ҮМЛ диагнозы расталған жағдайда қолдануды тоқтату керек.

Шеткері нейропатия

БортезоВиста препаратымен емдеу көбінесе сенсорлық болып табылатын шеткері нейропатияның дамуымен байланысты. Алайда, сенсорлық шеткері нейропатиясы бар немесе онсыз ауыр моторлы нейропатия жағдайлары болды. Шеткері нейропатияның даму жиілігі 5-циклде байқалатын шыңмен емдеудің басында ұлғаяды.

Пациенттерді шымылдату, гиперестезия, гипестезия, парестезия, жайсыздық, нейропатиялық ауырсыну немесе әлсіздік сияқты нейропатия симптомдарының болуына мұқият бақылау ұсынылады.

Шеткері нейропатияның жаңа құбылыстары дамыған немесе бұрыннан бар құбылыстар нашарлаған кезде неврологиялық тексеруден өту қажет, препараттың дозасын немесе енгізу режимін түзету, тері астына инъекцияға енгізу жолын өзгерту немесе емдеуді тоқтату қажет болуы мүмкін. Нейропатия демеу терапиясымен және басқа әдістермен емделеді.

Постуральді гипотензия және іш қатуы бар ауыр дәрежедегі іш қатуы сияқты кейбір жағымсыз реакциялар дамыған кезде қосымша шеткері нейропатиямен вегетативті нейропатияның қатысуы мүмкін. Вегетативті нейропатияға қатысты деректер және оның осы жағымсыз әсерлердің дамуындағы маңызы шектеулі.

Құрысулар

Сирек жағдайларда құрысулар мен эпилепсияның алдыңғы тарихы жоқ пациенттерде құрысулардың дамуы туралы хабарланды. Құрысулар дамуының кез келген қауіп факторлары бар пациенттерді емдеу кезінде ерекше сақ болу қажет.

Гипотензия

БортезоВиста препаратымен емдеу ортостаздық/постуральді гипотензияның дамуымен жиі байланысты. Жағымсыз реакциялардың көпшілігі жеңілден орташа ауырлыққа дейін болды және емдеу курсы барысында байқалды. БортезоВиста препаратымен емдеу аясында (вена ішіне енгізу кезінде) дамыған ортостаздық гипотензиясы бар пациенттерде БортезоВиста препаратымен емдеуге дейін ортостаздық гипотензия симптомдары байқалған жоқ. Ортостаздық гипотензиясы бар пациенттердің көпшілігіне емдеу қажет болды. Ортостаздық гипотензиясы бар пациенттердің аз бөлігі естен тану жағдайын бастан өткерді. Ортостаздық/постуральді гипотензия БортезоВиста препаратын болюсті енгізумен тікелей байланысты болған жоқ.

Бұл симптомның механизмі белгісіз, дегенмен вегетативті нейропатиямен байланыс жоққа шығарылмайды. Вегетативті нейропатия БортезоВиста препаратын қолданумен байланысты болуы мүмкін немесе БортезоВиста препараты диабеттік немесе амилоидотикалық нейропатия сияқты бастапқы жағдайларды нашарлатуы мүмкін. Анамнезінде естен тануы бар және гипотониямен астасқан дәрілік заттарды қабылдайтын пациенттерді емдеу кезінде; немесе қайталанатын диареямен немесе құсумен байланысты сусыздануы бар пациенттерді емдеу кезінде сақ болу керек. Ортостаздық/постуральді гипотензияны емдеу гипертензияға қарсы дәрілік заттарды түзетуді, регидратацияны немесе минералокортикостероидтарды және/немесе симпатомиметиктерді енгізуді қамтуы мүмкін. Пациенттер бас айналуы, сандырақ немесе естен тану сияқты симптомдар пайда болған кезде дәрігермен кеңесу керек.

Қайтымды артқы энцефалопатия синдромы (PRES)

БортезоВиста препаратын қабылдайтын пациенттерде PRES дамуы туралы хабарланды. Қайтымды артқы энцефалопатия синдромы (PRES) сирек, көбінесе қайтымды, неврологиялық бұзылыс болып табылады, ол конвульсия, гипертензия, бас ауруы, летаргия, сананың шатасуы, соқырлық және басқа да көруге қатысты және және неврологиялық бұзылулармен көрініс табады. Диагнозды растау үшін миды визуализациялау әдістері, дұрысы магниттік-резонанстық томография (МРТ) қолданылады. PRES дамып жатқан пациенттерге БортезоВиста препаратымен емдеуді тоқтату керек.

Жүрек қызметінің бұзылуы

Жүрек жеткіліксіздігінің жедел дамуы немесе өршуі және/немесе БортезоВиста препаратымен емдеу кезінде сол жақ қарыншаның лықсу фракциясының төмендеуінің басталуы байқалды. Сұйықтықтың кідіруі жүрек жеткіліксіздігінің белгілері мен симптомдарының дамуына ықпал ететін фактор болуы мүмкін. Қауіп факторлары немесе жүрек аурулары бар пациенттерді мұқият бақылау керек.

Электрокардиограмманы зерттеу

Клиникалық зерттеулерде QT аралығының ұзаруының бірлі-жарым жағдайлары байқалды, себеп-салдар байланысы анықталған жоқ.

Өкпе тарапынан бұзылулар

БортезоВиста препаратын қабылдайтын пациенттерде пневмонит, интерстициальді пневмония, өкпе инфильтрациясы және жедел респираторлық дистресс-синдром (ЖРВИ) сияқты этиологиясы белгісіз өкпенің жедел диффузиялық инфильтративті ауруларының сирек даму жағдайлары туралы хабарланды. Бұл құбылыстардың кейбіреулері өлімге әкелді.

Емдеуден кейін өкпенің ықтимал өзгерістерін бағалау үшін негіз ретінде пайдалану үшін кеуде қуысының рентгенографиясын жүргізу ұсынылады.

Жаңа немесе бұрыннан бар өкпе симптомдары нашарлаған жағдайда (мысалы, жөтел, ентігу) дереу диагностикалық тексеру жүргізу және тиісті ем тағайындау қажет. БортезоВиста препаратымен емдеуді жалғастырудан бұрын пайда/қауіп арақатынасын мұқият бағалау қажет.

Клиникалық зерттеулер деректерінің негізінде 24 сағат бойы үздіксіз инфузия түрінде цитарабиннің жоғары дозаларын (тәулігіне 2 г/м2) қабылдаумен емдеу режимі ұсынылмайды.

Бүйрек жеткіліксіздігі

Көптеген миеломасы бар пациенттерде бүйрек тарапынан асқынулар жиі байқалады. Бүйрек жеткіліксіздігі бар пациенттер мұқият бақылауда болуы тиіс.

Бауыр жеткіліксіздігі

Бортезомиб бауыр ферменттерімен метаболизденеді. Бортезомиб әсері бауырдың орташа немесе ауыр жеткіліксіздігі бар пациенттерде ұлғаяды; осы пациенттерге БортезоВиста препаратының төмендетілген дозасымен ем жүргізу және уыттылығына мұқият бақылау жүргізу қажет.

Бауыр тарапынан реакциялар

БортезоВиста препаратын басқа дәрілік препараттармен бірге қабылдаған және бастапқы ауыр клиникалық жағдайлары бар пациенттерде бауыр жеткіліксіздігінің сирек жағдайлары байқалды. Бауыр тарапынан байқалған басқа құбылыстарға бауыр ферменттері белсенділігінің ұлғаюы, гипербилирубинемия және гепатит кірді. Мұндай өзгерістер БортезоВиста препаратын тоқтатқанда қайтымды болуы мүмкін.

Ісік лизисінің синдромы

БортезоВиста препараты қатерлі жасушалар мен мантия жасушалы лимфома (МКЛ) жасушаларының жылдам қырылуына әкелетін цитоуытты препарат болып табылатындықтан, ісік лизисі синдромының асқынулары дамуы мүмкін. Бастапқы жоғары ісік массасы бар пациенттерде ісік лизисі синдромының даму қаупі жоғары. Бұл пациенттер мұқият бақылауда болуы және тиісті сақтық шараларын сақтауы тиіс.

Қатарлас дәрілік заттар

Бортезомибті CYP3A4 күшті тежегіштерімен біріктіріп қабылдайтын пациенттер мұқият бақылауда болуы тиіс. Бортезомибті CYP3A4 немесе CYP2C19 субстраттарымен біріктірген кезде сақ болу керек. Бауыр функциясының қалыпқа келуіне көз жеткізу және пероральді гипогликемиялық дәрілерді қабылдайтын пациенттерді емдеу кезінде сақ болу қажет.

Потенциалды иммунокешен-астасқан реакциялар

Сирек жағдайларда сарысу құю ауруы типі бойынша реакция, бөртпелі полиартрит және пролиферативті гломерулонефрит сияқты потенциалды иммунокешен-астасқан реакциялардың дамуы байқалды. Бортезомибпен емдеуді күрделі реакциялар туындаған жағдайда тоқтату керек.

Басқа дәрілік препараттармен өзара әрекеттесуі

Бортезомиб Р450 (CYP) цитохромы 1А2, 2С9, 2С19, 2D6 және 3А4 изоферменттерінің әлсіз тежегіші болып табылады. CYP2D6 изоферменттің бортезомиб метаболизміне аздап (7%) қатысуы нәтижесінде, осы изоферменттің белсенділігі төмен болатын адамдарда препараттың жалпы таралуына өзгерулері күтілмейді.

CYP3A4 изоферментінің күшті тежегіші кетоконазолдың бортезомиб фармакокинетикасына (вена ішіне енгізу кезінде) әсерін бағаланған дәрілік өзара әрекеттесулерді зерттеу бортезомиб AUC 35%-ға орташа жоғарылауын көрсетті. Демек, бортезомиб пен CYP3A4 изоферментінің белсенді тежегішін (кетоконазол, ритонавир) бір мезгілде алатын пациенттерді мұқият бақылау керек.

Омепразолдың CYP2C19 изоферментінің белсенді тежегішінің бортезомиб фармакокинетикасына (вена ішіне енгізілетін) дәрілік өзара әрекеттесуі бойынша зерттеулерде бортезомиб фармакокинетикасына елеулі өзгерістер анықталған жоқ.

Бортезомибті CYP3A4 күшті индукторларымен (мысалы, рифампицин, карбамазепин, фенитоин, фенобарбитал және шайқурай препараттарымен) бір мезгілде қолдану ұсынылмайды, өйткені оның тиімділігі төмендеуі мүмкін.

CYP3A4 анағұрлым баяу индукторы - дексаметазонның бортезомиб фармакокинетикасына (вена ішіне енгізілетін) әсері анықталған жоқ.

Бортезомиб фармакокинетикасына (вена ішіне енгізу кезінде) мелфалан-преднизонның әсері бағаланған дәрілік өзара әрекеттесу бойынша зерттеу бортезомиб АUC орташа мәнінің 17%-ға артқанын көрсетті, бұл клиникалық маңызды болып саналмайды.

Қандағы глюкоза деңгейін төмендететін пероральді препараттарды қабылдайтын қант диабеті бар пациенттерде сирек жағдайларда гипогликемия және жиі – гипергликемия туралы хабарланды. БортезоВиста препаратымен ем алып жатқан, пероральді диабетке қарсы препараттарды қабылдайтын пациенттерде қандағы глюкоза деңгейін мұқият бақылау және диабетке қарсы препараттардың дозасын түзету қажет.

Арнайы ескертулер

Педиатрияда қолдану

БортезоВиста препаратын балалар мен жасөспірімдерде қолдануға болмайды, өйткені пациенттердің осы тобында дәрілік препараттың әсері туралы ақпарат жоқ.

Еркектер мен әйелдердегі контрацепция

Еркек және бала туу потенциалы бар әйел жынысты пациенттер емдеу уақытында және одан кейін контрацепцияның тиімді тәсілдерін пайдалануы тиіс.

Жүктілік немесе лактация кезінде

Жүктілік кезінде бортезомиб қолдану туралы клиникалық деректер жоқ. Бортезомибтің тератогендік потенциалы толық зерттелмеген.

БортезоВиста препаратын, әйелдің клиникалық жай-күйі БортезоВиста препаратымен емдеуді талап ететін жағдайларды қоспағанда, жүктілік кезінде қолдануға болмайды. Егер БортезоВиста препараты жүктілік кезінде қолданылса немесе жүктілік осы дәрілік препаратпен емдеу кезінде басталса, пациентке шарана үшін ықтимал қауіп туралы хабарлау керек.

Бортезомиб адам сүтімен бөлінетіні белгісіз. Емшектегі балаларда ауыр жағымсыз реакциялардың даму мүмкіндігіне байланысты БортезоВиста препаратымен емдеу кезінде емшек емізу тоқтатылуы тиіс.

Талидомид туа біткен ақаулар мен шарана өлімін тудырады. Егер БортезоВиста препараты талидомидпен бірге пайдаланылса, талидомидті қолдану кезінде жүктіліктің алдын алу бағдарламасын ұстану қажет (талидомидті медициналық қолдану жөніндегі нұсқаулықты қараңыз).

Фертильділік

Бортезомибтің фертильділікке әсерін зерттеу жүргізілген жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

БортезоВиста препаратымен емдеу кезінде қажу, бас айналуы, естен тану, ортостаздық/постуральді гипотензия, көру бұзылыстары пайда болуы мүмкін, бұл көлік құралдарын басқару қабілетіне және механизмдермен жұмыс істеуге теріс әсер етуі мүмкін. Сипатталған жағымсыз құбылыстар пайда болған кезде көрсетілген қызмет түрлерін орындаудан бас тарту керек.

Қолдану жөніндегі нұсқаулар

Дозалау режимі

Емдеу химиотерапиялық препараттарды қолдану тәжірибесі бар білікті дәрігердің бақылауымен басталуы тиіс. БортезоВиста препаратын сұйылтуды және енгізуді медицина қызметкері жүзеге асыруы тиіс. БортезоВиста препаратының әдеттегі бастапқы дозасы аптасына екі рет дене беткейінің ауданы 1.3 мг/м2 құрайды.

Үдемелі көптеген миелома кезіндегі дозалау режимі (кем дегенде 1 алдыңғы ем алған пациенттер)

Монотерапия

БортезоВиста препараты, 2.5 мг және 3.5 мг инъекцияға арналған ерітінді дайындауға арналған лиофилизатты 21 күндік емдеу циклінде 1, 4, 8 және 11 күнге аптасына екі рет дене бетінің ауданы 1.3 мг/м2 ұсынылатын дозада вена ішіне немесе тері астына инъекция арқылы енгізеді. Бұл 3 апталық кезең емдеу циклі болып саналады. Толық ремиссия анықталғаннан кейін БортезоВиста препаратымен емдеудің 2 циклын жүргізу ұсынылады. Клиникалық жауапқа қол жеткізілген, бірақ толық ремиссияға жетпеген пациенттерге БортезоВиста препаратымен емдеудің жалпы 8 циклына дейін жүргізу ұсынылады. БортезоВиста препаратының жүйелі дозаларын енгізу арасында кемінде 72 сағат болуы тиіс.

Емдеу кезінде дозаны түзету және монотерапиямен емдеуді қайта бастау

Нейропатияны қоспағанда, 3-ші дәрежедегі кез келген гематологиялық емес уытты әсері немесе 4-ші дәрежедегі гематологиялық уыттылығы дамыған кезде БортезоВиста препаратымен емдеуді тоқтата тұру керек.

Уыттылық симптомдары жойылғаннан кейін БортезоВиста препаратымен емдеуді 25%-ға төмендеген дозамен қайта бастауға болады (1.3 мг/м2 дозасын 1.0 мг/м2 дейін төмендетеді; 1.0 мг/м2 дозасын 0.7 мг/м2 дейін төмендетеді). Егер уыттылық симптомдары жойылмаса немесе олар төмендетілген дозамен қайта пайда болса, БортезоВиста препаратын қабылдауды тоқтату қажеттілігін қарастыру керек, емнің артықшылықтары потенциалды қауіптен едәуір асып кеткен жағдайда ғана емді жалғастыруға болады.

Нейропатиялық ауырсыну және/немесе шеткері нейропатия

Пациенттерде БортезоВиста препаратын қолданумен байланысты нейропатиялық ауырсыну және/немесе шеткері нейропатия пайда болған кезде препарат дозасын 1-кестеге сәйкес өзгертеді. Анамнезінде ауыр нейропатиясы бар науқастарда БортезоВиста препаратын қауіп/пайда арақатынасын мұқият бағалағаннан кейін ғана қолдануға болады.

1-кесте. Бортезомиб тудырған нейропатиялық ауырсыну және/немесе шеткері нейропатияның дамуы кезінде ұсынылған* дозаны түзету

* - Жіктеу NCI (Ұлттық обыр институты) СТСАЕ v.4 (Жағымсыз құбылыстарды белгілеу терминологиясының жалпы критерийлері) уыттылығының жалпы критерийлеріне негізделген.

** Күнделікті өмірдегі инструменттік белсенділік: тамақ дайындау, азық-түлік және киім сатып алу, телефонды пайдалану, ақшаны пайдалану және т. б. қабілеттер;

*** Өзіне-өзі күту бойынша күнделікті белсенділік: өз бетінше шомылу, киім кию және шешу, тамақ ішу, дәретханаға бару, дәрі-дәрмектерді қабылдау және төсекке жатып алмау қабілеті.

Пегилденген липосомальді доксорубицинмен біріктірілген ем

БортезоВиста препараты, 2.5 мг және 3.5 мг инъекцияға арналған ерітінді дайындауға арналған лиофилизатты 21 күндік емдеу циклінде 1, 4, 8 және 11 күнге аптасына екі рет дене бетінің ауданы 1.3 мг/м2 ұсынылатын дозада вена ішіне немесе тері астына инъекция арқылы енгізеді. Бұл 3 апталық кезең емдеу циклі болып саналады. БортезоВиста препаратын жүйелі енгізу арасындағы аралық 72 сағаттан кем болмауы тиіс.

Пегилденген липосомальді доксорубицин БортезоВиста препаратын инъекциялағаннан кейін енгізілген 1 сағаттық вена ішіне инфузия түрінде БортезоВиста препаратымен емдеудің 21 күндік циклінің 4-ші күніне 30 мг/м2 дозада енгізіледі.

Ауруы үдемейтін және емдеуді жақсы көтеретін пациенттерге осы біріктірілген терапияның 8-циклына дейін енгізуге болады. Толық емдік жауапқа қол жеткізген пациенттер емдеуді жалғастыра алады және толық жауапты алғашқы растағаннан кейін кемінде тағы 2 емдеу циклын қабылдай алады, тіпті егер бұл 8 емдеу циклын қажет етсе де. 8 циклден кейін парапротеин деңгейі төмендей беретін пациенттер, сондай-ақ пациенттер оны қабылдағанға дейін емдеуді жалғастыра алады және оларда клиникалық жауап белгіленеді.

Пегилденген липосомальді доксорубицинге қатысты қосымша ақпарат алу үшін осы препаратты медициналық қолдану жөніндегі нұсқаулыққа жүгіну керек.

Дексаметазонмен біріктірілген терапия

БортезоВиста препараты, 2.5 мг және 3.5 мг инъекцияға арналған ерітінді дайындауға арналған лиофилизатты 21 күндік емдеу циклінде 1, 4, 8 және 11 күнге аптасына екі рет дене бетінің ауданы 1.3 мг/м2 ұсынылатын дозада вена ішіне немесе тері астына инъекция арқылы енгізеді. Бұл 3 апталық кезең емдеу циклі болып саналады. БортезоВиста препаратын жүйелі енгізу арасындағы аралық 72 сағаттан кем болмауы тиіс.

Дексаметазон БортезоВиста препаратымен емдеудің 21 күндік циклінде 1, 2, 4, 5, 8, 9, 11 және 12 күндері 20 мг дозада пероральді түрде қабылданады.

Осы біріктірілген емнің 4 циклынан кейін жауап беруге немесе ауруды тұрақтандыруға қол жеткізген пациенттер ең көбі 4 қосымша цикл бойына осындай біріктірілімді алуды жалғастыра алады.

Дексаметазонды қолдануға қатысты қосымша ақпарат алу үшін осы препаратты медициналық қолдану жөніндегі нұсқаулыққа жүгіну керек.

Үдемелі көптеген миеломасы бар пациенттерде біріктірілген ем кезінде дозаны түзету

Біріктірілген ем кезінде БортезоВиста препаратының дозасын түзету үшін монотерапия үшін жоғарыда сипатталғанға сәйкес дозаларды түзету жөніндегі ұсыныстарды ұстану қажет.

Бұрын емделмеген және гемопоэздік дің жасушаларының трансплантациясы үшін жарамсыз көптеген миеломасы бар пациенттер үшін дозалау режимі

Мелфалан және преднизонмен біріктірілген терапия

БортезоВиста препараты, 2.5 мг және 3.5 мг инъекцияға арналған ерітінді дайындауға арналған лиофилизатты 2-кестеде сипатталған нұсқауларға сәйкес пероральді мелфаланмен және пероральді преднизонмен біріктіріп вена ішіне немесе тері астына инъекция арқылы енгізеді. Бұл 6 апталық кезең емдеу циклі болып саналады. 1-4 циклде БортезоВиста препараты 1, 4, 8, 11, 22, 25, 29 және 32 күндері аптасына екі рет қолданылады. 5-9 циклде БортезоВиста препараты аптасына бір рет 1, 8, 22 және 29 күндері қолданылады. БортезоВиста препаратын жүйелі енгізу арасындағы аралық 72 сағаттан кем болмауы тиіс.

Мелфалан мен преднизонды БортезоВиста препаратымен емдеудің әрбір циклінің бірінші аптасының 1, 2, 3 және 4 күндерінде пероральді қабылдау керек. Осы біріктірілген терапияны емдеудің тоғыз циклі қолданылады.

2-кесте. БортезоВиста препаратын мелфалан және преднизонмен біріктіріп қолданылатын дозалаудың ұсынылатын схемасы

В = БортезоВиста; М = мелфалан; Р = преднизон

Мелфалан және преднизонмен қайта біріктірілген ем кезінде және оның басталуында дозаны түзету

Жаңа емдеу циклын бастағанға дейін:

• Тромбоциттер саны >70х109 / мкл және нейтрофилдердің абсолютті саны >1.0х109/мкл құрауы тиіс

• Гематологиялық емес уытты реакциялар 1 дәрежеге дейін немесе бастапқы деңгейге дейін төмендеуі тиіс

3-кесте. БортезоВиста препаратымен мелфаланмен және преднизонмен біріктіріп емдеудің кейінгі циклдары кезінде дозаны түзету

Мелфалан мен преднизонды қолдануға қатысты қосымша ақпарат алу үшін осы препараттарды медициналық қолдану жөніндегі нұсқаулыққа жүгіну керек.

Дің жасушаларын трансплантациялау мүмкіндігі (индукциялық терапия) бар бұрын емделмеген көптеген миеломасы бар пациенттерге арналған дозалау режимі

Дексаметазонмен біріктірілген терапия

БортезоВиста препараты, 2.5 мг және 3.5 мг инъекцияға арналған ерітінді дайындауға арналған лиофилизатты 21 күндік емдеу циклінде 1, 4, 8 және 11 күнге аптасына екі рет дене бетінің ауданы 1.3 мг/м2 ұсынылатын дозада вена ішіне немесе тері астына инъекция арқылы енгізеді. Бұл 3 апталық кезең емдеу циклі болып саналады. БортезоВиста препаратын жүйелі енгізу арасындағы аралық 72 сағаттан кем болмауы тиіс.

Дексаметазон БортезоВиста препаратымен емдеу циклінің 1, 2, 3, 4, 8, 9, 10 және 11 күндері пероральді түрде 40 мг дозада қабылданады.

Осы біріктірілген терапияның 4 циклы жүзеге асырылады.

Дексаметазонмен және талидомидпен біріктірілген терапия

БортезоВиста препараты, 2.5 мг және 3.5 мг инъекцияға арналған ерітінді дайындауға арналған лиофилизатты 21 күндік емдеу циклінде 1, 4, 8 және 11 күнге аптасына екі рет дене бетінің ауданы 1.3 мг/м2 ұсынылатын дозада вена ішіне немесе тері астына инъекция арқылы енгізеді. Бұл 4 апталық кезең емдеу циклі болып саналады. БортезоВиста препаратын жүйелі енгізу арасындағы аралық 72 сағаттан кем болмауы тиіс.

Дексаметазон БортезоВиста препаратымен емдеу циклінің 1, 2, 3, 4, 8, 9, 10 және 11 күндері пероральді түрде 40 мг дозада қабылданады.

Талидомид пероральді түрде 1-14 күнге 50 мг дозада қабылданады және көтере алатын жағдайда доза 15-28 күнге күніне 100 мг дейін ұлғаяды және одан әрі 2-ші циклдан бастап күніне 200 мг дейін ұлғайтылуы мүмкін (4-кестені қара).

Осы біріктірілген терапияның 4 циклы жүзеге асырылады.

4-кесте. Көптеген миеломаны бұрын емдемеген және қан түзетін дің жасушаларының трансплантациясы үшін жарамды пациенттерде БортезоВиста препаратымен біріктірілген емді дозалау режимі

В=БортезоВиста; Dx=дексаметазон; Т=талидомид

а = Талидомидтің дозасы 50 мг дозаны көтере алатын жағдайда ғана 1 циклдің 3-аптасынан 100 мг-ға дейін, және одан әрі 100 мг дозаға көтере алатын жағдайда 2 циклден 200 мг-ға дейін артады

в = Пациентке, егер пациент кем дегенде 4 циклден кейін ішінара жауап берсе, 6 циклге дейін тағайындалуы мүмкін

Трансплантация тағайындалған пациенттерде дозаны түзету

БортезоВиста препаратының дозасын түзетуді монотерапия үшін сипатталған дозаны модификациялау жөніндегі қағидаларға сәйкес жүргізу қажет.

БортезоВиста препаратымен басқа химиотерапиялық дәрілік препараттармен біріктіріп емдеу кезінде уытты реакциялар дамыған жағдайда, медициналық қолдану жөніндегі нұсқаулықтағы ұсынымдарға сәйкес осы препараттар үшін дозаны тиісінше төмендетуді қарау керек.

Бұрын емделмеген мантия жасушалы лимфомасы (МКЛ) бар пациенттерге арналған дозалау режимі

Ритуксимабпен, циклофосфамидпен, доксорубицинмен және преднизонмен біріктірілген ем (BR-CAP)

БортезоВиста препаратының 2.5 мг және 3.5 мг инъекцияға арналған ерітінді дайындауға арналған лиофилизат препаратының ұсынылатын дозасы дене бетінің ауданы 1.3 мг/м2 құрайды, ол 1, 4, 8 және 11 күнге екі апта бойы кена шіне немесе тері астына инъекция арқылы, кейіннен 12-ден 21 күнге дейін 10 күндік демалу кезеңімен аптасына екі рет енгізіледі. Бұл 3 апталық кезең емдеу циклі болып саналады. БортезоВиста препаратымен емдеудің алты циклын жүргізу ұсынылады, сонымен қатар 6 циклде алғаш рет алынған клиникалық жауабы бар пациенттер үшін БортезоВиста препаратымен емдеудің екі қосымша циклі тағайындалуы мүмкін. БортезоВиста препаратын жүйелі енгізу арасындағы аралық 72 сағаттан кем болмауы тиіс.

Мынадай дәрілік препараттар БортезоВиста препаратымен емдеудің әрбір 3 апталық циклінің 1-ші күнінде вена ішіне инфузия жолымен енгізіледі: 375 мг/м2 дозадағы ритуксимаб, 750 мг/м2 дозадағы циклофосфамид және 50 мг/м2 дозадағы доксорубицин.

Преднизонды БортезоВиста препаратымен емдеудің әрбір циклінің 1, 2, 3, 4 және 5-күніне 100 мг/м2 дозада пероральді түрде тағайындайды.

Бұрын емделмеген мантия жасушалы лимфомасы бар пациенттерді емдеу кезінде дозаны түзету

Жаңа емдеу циклы басталғанға дейін:

• Тромбоциттер саны ≥100 000 жасуша / мкл, ал нейтрофилдердің абсолютті саны (АСН) ≥1500 жасуша/мкл болуы тиіс.

• Сүйек кемігінің инфильтрациясы немесе көкбауырдың секвестрациясы бар пациенттерде тромбоциттер саны ≥75 000 жасуша/мкл құрауы тиіс

• Гемоглобин ≥8 г/дл

• Гематологиялық емес уыттылық 1-ші дәрежеге немесе бастапқы деңгейге дейін қалыпқа келтірілуі тиіс

БортезоВиста препаратымен емдеуді БортезоВиста препаратын қолданумен байланысты (нейропатияны қоспағанда) ≥3-дәрежедегі гематологиялық емес уыттылық немесе ≥3-дәрежедегі гематологиялық уыттылық туындаған кезде тоқтата тұру керек. Дозаны түзету жөніндегі деректерді төмендегі 5-кестеден қараңыз.

Гематологиялық уыттылықты емдеу үшін қолданылатын стандартты практикаға сәйкес гранулоцитарлық колониестимуляторлық фактор енгізілуі мүмкін. Гранулоциттік колония-стимуляциялаушы факторларды профилактикалық қолдануды емдеу циклдарын жүргізуде бірнеше рет кідірістер болған жағдайда қарау керек. Тромбоцитопенияны емдеу үшін клиникалық көрсетілімдерге сәйкес тромбоциттерді ауыстырып құю қажеттілігін қарау керек.

5-кесте. Бұрын емделмеген мантия жасушалы лимфомасы бар пациенттерді емдеу кезінде дозаны түзету

Бұдан басқа, егер БортезоВиста препараты басқа химиотерапиялық дәрілік заттармен біріктірілімде қолданылса, уыттылық пайда болған жағдайда дәрілік затты медициналық қолдану жөніндегі нұсқаулықтағы ұсынымдарға сәйкес осы дәрілік заттардың дозасын тиісінше төмендетуді қарау қажет.

Пациенттердің ерекше топтары

Егде жастағы пациенттер

65 жастан асқан пациенттер үшін дозаны түзету қажеттілігі туралы пайымдауға негіз жоқ.

Бортезовиста препаратын бұрын ем алмаған, көптеген миеломасы бар егде жастағы, гемопоэздік дің жасушаларының трансплантациясымен препараттардың жоғары дозаларымен химиотерапия көрсетілген пациенттерде қолдануға зерттеулер жүргізілген жоқ. Осыған байланысты пациенттердің осы тобы үшін дозалау режимі бойынша нұсқаулар жоқ.

Мантия жасушалы лимфомасы бар ≥75 жастағы бұрын емделмеген пациенттерде жүргізілген зерттеуде BR-CAP және R-CHOP емдеу схемалары да нашар көтерілді.

Бауыр жеткіліксіздігі бар пациенттер

Жеңіл дәрежеде бауыр жеткіліксіздігі бар пациенттер дозаны түзетуді талап етпейді және ұсынылған дозада ем қабылдауы тиіс. Орташа немесе ауыр дәрежедегі бауыр жеткіліксіздігі бар пациенттерде БортезоВиста препаратымен емдеуді емнің бірінші циклі ішінде инъекцияға 0.7 мг/м2 төмен дозадан бастаған, ал одан әрі дозаны 1.0 мг/м2 дейін арттырған немесе пациенттің емді көтере алуына байланысты дозаны 0.5 мг/м2 дейін қосымша төмендеткен жөн (6-кестені қараңыз).

6-кесте. Бауыр функциясы бұзылған пациенттерде БортезоВиста препаратының бастапқы дозасын ұсынылатын түзету

Қысқартулар: ГОТС = глутамат-оксалоацетат-трансаминазаның сарысулық деңгейі;

АСТ = аспартатаминотрансфераза; ҚЖШ = қалыпты мәндердің жоғарғы шегі

* Бауыр бұзылыстарын (жеңіл, орташа, ауыр) категоризациялау бойынша NCI ағзаларының дисфункциясы бойынша жұмыс тобының жіктелуіне сәйкес

Бүйрек жеткіліксіздігі бар пациенттер

Бортезомиб фармакокинетикасы ауырлығы жеңіл және орташа дәрежедегі бүйрек жеткіліксіздігі бар пациенттерде өзгерген жоқ (креатинин клиренсі >20 мл/мин/1.73 м2), сондықтан осы пациенттер үшін дозаны түзету талап етілмейді. Диализ жүргізілмейтін ауыр бүйрек жеткіліксіздігі бар пациенттерде бортезомиб фармакокинетикасының өзгеруіне қатысты сенімді деректер жоқ

<20 мл/мин/1.73 м2). Диализ бортезомиб концентрациясын төмендетуі мүмкін болғандықтан, БортезоВиста препаратын диализ процедурасынан кейін енгізу керек.

Балалар

БортезоВиста препаратын 18 жасқа дейінгі балаларда қолданудың тиімділігі мен қауіпсіздігі анықталған жоқ. Тиісті деректер жоқ.

Енгізу жолы және тәсілі

БортезоВиста препараты, 2.5 мг және 3.5 мг инъекцияға арналған ерітінді дайындауға арналған лиофилизат вена ішіне және тері астына енгізуге арналған және басқа тәсілмен қолданылмауы тиіс. Интратекальді енгізу өлімге әкелді.

БортезоВиста препаратын қолдану және дайындау кезінде сақ болу керек. Теріге тиіп кетпес үшін қолғап, көзілдірік және басқа қорғаныс киімдерін пайдалану ұсынылады.

БортезоВиста препаратымен жұмыс істеген кезде асептика ережелерін қатаң сақтау қажет, өйткені препаратта консервант жоқ.

Ерітінді дайындау және препаратты енгізу

Вена ішіне енгізу

БортезоВиста препаратының әрбір құтысы, көлемі 10 мл, инъекция үшін ерітінді дайындауға арналған 2.5 мг лиофилизат ерітілуі тиіс

Инъекцияға арналған 2.5 мл натрий хлориді ерітіндісі 9 мг/мл (0.9%). Лиофилизацияланған ұнтақты еріту 2 минуттан аз уақыт ішінде жүреді. Ерігеннен кейін 1 мл ерітіндінің құрамында 1 мг бортезомиб бар.

БортезоВиста препаратының әрбір құтысы, көлемі 10 мл, инъекция үшін ерітінді дайындауға арналған 3.5 мг лиофилизат ерітілуі тиіс

Инъекцияға арналған 3.5 мл натрий хлориді ерітіндісі 9 мг/мл (0.9%). Лиофилизацияланған ұнтақты еріту 2 минуттан аз уақыт ішінде жүреді. Ерігеннен кейін 1 мл ерітіндінің құрамында 1 мг бортезомиб бар.

Дайындалған ерітінді мөлдір және түссіз болуы тиіс,

соңғы рН 4-тен 7-ге дейін. Дайындалған ерітінді енгізілгенге дейін қатты бөлшектердің болуына және түссізденуіне көзбен шолып тексерілуі тиіс. Кез-келген түс өзгеруінде немесе қатты бөлшектер болған кезде дайындалған ерітінді пайдаланылмауы тиіс және ол утилизациялануы тиіс.

БортезоВистаның дайындалған ерітіндісі кейіннен инъекцияға арналған 9 мг/мл (0.9%) натрий хлоридінің ерітіндісімен жуу арқылы шеткері немесе орталық веналық катетер арқылы 3-5 секунд ішінде венаішілік болюстік инъекция түрінде енгізіледі. БортезоВиста препаратын жүйелі енгізу арасындағы аралық 72 сағаттан кем болмауы тиіс.

Тері астына енгізу

БортезоВиста препаратының әрбір құтысы, көлемі 10 мл, инъекция үшін ерітінді дайындауға арналған 2.5 мг лиофилизат ерітілуі тиіс

Инъекцияға арналған 1.0 мл натрий хлориді ерітіндісі 9 мг/мл (0.9%). Лиофилизацияланған ұнтақты еріту 2 минуттан аз уақыт ішінде жүреді. Ерігеннен кейін 1 мл ерітіндінің құрамында 2.5 мг бортезомиб болады.

БортезоВиста препаратының әрбір құтысы, көлемі 10 мл, инъекция үшін ерітінді дайындауға арналған 3.5 мг лиофилизат ерітілуі тиіс

Инъекцияға арналған 1.4 мл натрий хлориді ерітіндісі 9 мг/мл (0.9%). Лиофилизацияланған ұнтақты еріту 2 минуттан аз уақыт ішінде жүреді. Ерігеннен кейін 1 мл ерітіндінің құрамында 2.5 мг бортезомиб болады.

Дайындалған ерітінді мөлдір және түссіз болуы тиіс, соңғы рН 4-тен 7-ге дейін. Дайындалған ерітінді енгізілгенге дейін қатты бөлшектердің болуына және түссізденуіне көзбен шолып тексерілуі тиіс. Кез-келген түс өзгеруінде немесе қатты бөлшектер болған кезде дайындалған ерітінді пайдаланылмауы тиіс және ол утилизациялануы тиіс.

Дайындалған ерітінді тері астына жамбасқа (оң немесе сол) немесе құрсақтың алдыңғы қабырғасына (оң немесе сол жақта), 45-90° бұрышпен енгізіледі. Келесі инъекциялар кезінде инъекция орнын өзгерту керек.

БортезоВиста препаратын тері астына енгізгеннен кейін жергілікті реакция дамыған кезде не БортезоВиста аз концентрацияланған ерітіндісін тері астына енгізу (2.5 мг/мл орнына 1 мг/мл дейін сұйылтылады), не вена ішіне инъекцияға ауысу ұсынылады. БортезоВиста препаратын жүйелі енгізу арасындағы аралық 72 сағаттан кем болмауы тиіс.

БортезоВиста препаратын басқа дәрілік препараттармен біріктіріп енгізген кезде дәрілік препараттарды медициналық қолдану жөніндегі нұсқаулыққа жүгініңіз.

Артық дозалану жағдайында қабылдануы қажет шаралар

Симптомдары: ұсынылған дозадан 2 еседен артық дозалану артериялық қысымның жедел төмендеуімен және өліммен аяқталған тромбоцитопениясы бар науқастарда қатар жүрді.

Емі: БортезоВиста препаратына спецификалық антидот белгісіз. Артық дозаланғанда пациенттің өмірлік маңызды функцияларының көрсеткіштерін бақылап, артериялық қысымды (инфузиялық терапия, тамыр тарылтатын және/немесе инотропты препараттар) және дене температурасын ұстап тұру үшін тиісті ем жүргізген жөн.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

БортезоВиста препаратымен емдеу кезінде «жиі емес» санатында жағымсыз реакциялар байқалды, олар: жүрек жеткіліксіздігі, ісік лизисі синдромы, өкпе гипертензиясы, қайтымды артқы энцефалопатия синдромы, өкпенің жедел диффузиялық инфильтративті аурулары; және «сирек» санатында – вегетативті нейропатия.

Бортезовиста препаратымен емдеу кезінде дамуы туралы жиі хабарланған жағымсыз реакциялар: жүрек айнуы, диарея, іш қату, құсу, шаршағыштық, қызба, тромбоцитопения, анемия, нейтропения, шеткері нейропатия (сенсорлық нейропатияны қоса), бас ауруы, парестезия, тәбеттің төмендеуі, ентігу, бөртпе, белдемелі теміреткі және миалгия болды.

Жағымсыз реакциялар ағзалар жүйесінің класына және олардың көріну жиілігіне сәйкес тізбектеледі. Жиілік санаттары келесідей анықталған: өте жиі (≥1/10), жиі (≥1/100-ден <1/10-ға дейін), сирек (≥1/1000-нан <1/100-ге дейін), сирек (≥1/10000-нан <1/1000-ға дейін), өте сирек (<1/10000) және белгісіз (жиілікті анықтау мүмкін емес).

Көптеген миелома

Төменде монотерапияда немесе басқа дәрілік препараттармен біріктіріп БортезоВиста препаратымен ем қабылдаған көптеген миеломасы бар пациенттерде байқалған жағымсыз реакциялар келтірілген

Инфекциялық және паразиттік аурулар

Жиі

- герпес zoster (диссеминацияланған және офтальмологиялық қоса), пневмония*, қарапайым герпес*, зеңдік инфекция*

Жиі емес

- инфекциялар*, бактериялық инфекциялар*, вирустық инфекциялар*, сепсис (сепсистік шокты қоса)*, бронхопневмония, герпес вирусының инфекциясы*, герпестік менингоэнцефалит#, бактериемия (стафилококкты қоса), теріскен, тұмау, целлюлит, катетерлік инфекциялар, тері инфекциясы*, құлақ инфекциясы*, стафилококк инфекциясы, тіс инфекциясы*

Сирек

- менингит (бактериялықты қоса), Эпштейн-Барр вирустық инфекциясы, генитальді герпес, тонзиллит, мастоидит, вирустық аурудан кейінгі жоғары шаршау синдромы

Қатерсіз, қатерлі және анықталмаған жаңа түзілімдер (кисталар мен полиптерді қоса)

Сирек

-қатерлі жаңа түзілімдер, плазма-жасушалы лейкемия, бүйрек жасушалы карцинома, жаңа түзілім, микоз, қатерсіз жаңа түзілім*

Қан және лимфа жүйесі тарапынан бұзылулар

Өте жиі

- тромбоцитопения*, нейтропения*, анемия*

Жиі

- лейкопения*, лимфопения*

Жиі емес

- панцитопения*, фебрильді нейтропения, коагулопатия*, лейкоцитоз*, лимфаденопатия, гемолитикалық анемия #

Сирек

- диссеминацияланған тамырішілік ұю, тромбоцитоз*, жоғары тұтқырлық синдромы, тромбоциттер тарапынан бұзылыс (БДУ), тромбоздық микроангиопатия (тромбоцитопениялық пурпураны қоса алғанда)#, қан ауруы (БДУ), геморрагиялық диатез, лимфоцитарлық инфильтрация

Иммундық жүйе тарапынан бұзылулар

Жиі емес

- ангионевроздық ісіну# (Квинке ісінуі), аса жоғары сезімталдық*

Сирек

- анафилаксиялық шок, амилоидоз, III типті иммундық кешенмен астасқан реакция

Эндокриндік жүйе тарапынан бұзылулар

Жиі емес

- Кушинг синдромы*, гипертиреоидизм*, антидиуретикалық гормонның адекватты емес секрециясы

Сирек

- гипотиреоидизм

Зат алмасу және тамақтану тарапынан бұзылулар

Өте жиі

- тәбеттің төмендеуі

Жиі

- сусыздану, гипокалиемия*, гипонатриемия*, қандағы глюкоза концентрациясының бұзылуы*, гипокальциемия*, ферменттік аномалиялар*

Жиі емес

- ісік лизисінің синдромы, физикалық дамудың кідірісі*, гипомагнемия*, гипофосфатемия*, гиперкалиемия*, гиперкальциемия*, гипернатриемия*, несеп қышқылы концентрациясының бұзылуы*, қант диабеті*, сұйықтықтың кідіруі

Сирек

- гипермагниемия*, ацидоз, электролиттік теңгерімсіздік*, гиперволемия, гипохлоремия*, гиповолемия, гиперхлоремия*, гиперфосфатемия*, зат алмасудың бұзылуы, В тобы дәрумендерінің тапшылығы, B12 дәрумендерінің тапшылығы, подагра, тәбеттің жоғарылауы, алкоголь жақпауы

Психиатриялық бұзылыстар

Жиі

- көңіл-күйдің бұзылуы және бұзылыстары*, үрейлі бұзылыстар*, ұйқының бұзылуы және бұзылыстары*

Жиі емес

- ментальді бұзылыстар*, елестеулер*, психикалық бұзылыс*, сананың шатасуы*, мазасыздық

Сирек

- суицидтік ойлар*, бейімделудің бұзылуы, сандырақ, либидоның төмендеуі

Жүйке жүйесі тарапынан бұзылулар

Өте жиі

- нейропатия*, шеткері сенсорлық нейропатия, дизестезия*, невралгия*

Жиі

- қозғалмалы нейропатия*, есінің жоғалуы (естен тануды қоса), бас айналуы*, дәмінің бұзылуы*, летаргия, бас ауыруы*

Жиі емес

- тремор, перифериялық сенсомоторлы нейропатия, дискинезия*, церебеллярлық үйлестіру мен тепе-теңдіктің бұзылуы*, есте сақтау қабілетінің жоғалуы (деменцияны қоспағанда)*, энцефалопатия*, қайтымды артқы энцефалопатия синдромы#, нейроуыттылық, эпилепсия*, постерпетикалық невралгия, сөйлеу бұзылыстары*, шаршаған аяқ синдромы*, бас сақинасы, ишиас, зейіннің бұзылуы, аномальді рефлекстер*, паросмия

Сирек

- миға қан құйылу*, бассүйекішілік қан кету (субарахноидалды қоса)*, мидың ісінуі, транзиторлы ишемиялық шабуыл, кома, вегетативтік жүйке жүйесінің теңгерімсіздігі, вегетативтік нейропатия, Гийен-Барре синдромы, демиелиндеуші полинейропатия, бассүйек-ми жүйкесінің салдануы*, паралич*, парез*, есеңгіреу алдындағы жағдай, ми діңінің зақымдану синдромы, ми қан айналымының бұзылуы, жүйке тамырларының зақымдануы, психомоторлы аса жоғары белсенділік, жұлын компрессиясы, когнитивті бұзылыс (БДУ), қозғалыс дисфункциясы, жүйке жүйесінің бұзылуы (БДУ), радикулит, сілекей ағу, гипотония

Көру мүшесі тарапынан бұзылулар

Жиі

- көздің ісінуі*, көрудің бұзылуы*, конъюнктивит*

Жиі емес

-көзге қан құйылу*, қабақ инфекциясы*, халазион#, блефарит#, көздің қабынуы*, диплопия, көздің құрғауы*, көздің тітіркенуі*, көздің ауыруы, көзден жас ағудың ұлғаюы, көзден бөлінді ағу

Сирек

- мөлдір қабықтың зақымдануы*, экзофтальм, ретинит, скотома, көз функцияларының бұзылуы (қабақтың бұзылуын қоса) (БДУ), жүре пайда болған көз жасы безінің қабынуы, фотофобия, фотопсия, оптикалық нейропатия#, әр түрлі дәрежедегі көрудің бұзылуы (соқырлыққа дейін)*

Есту мүшесі тарапынан бұзылулар және лабиринтті бұзылулар

Жиі

- вертиго*

Жиі емес

- дизакузия (құлақтағы шуды қоса )*, есту қабілетінің бұзылуы (кереңдікті қоса), құлақтағы жайсыздық*

Сирек

- құлақтан қан кету, вестибулярлық нейронит, есту мүшесі тарапынан бұзылулар (БДУ)

Жүрек тарапынан бұзылулар

Жиі емес

- жүрек тампонадасы#, тыныс алу және жүрек қызметінің тоқтауы*, жыпылықты аритмия (жүрекшелер аритмиясын қоса), жүрек жеткіліксіздігі (сол және оң жақ қарыншаларды қоса)*, аритмия*, тахикардия*, жиі жүрек қағуы, стенокардия, перикардит (перикардиальді экссудатты қоса)*, кардиомиопатия*, қарыншаның дисфункциясы*, брадикардия

Сирек

- жүрекшелердің дірілдеуі, миокард инфаркті*, атриовентрикулярлық блокада*, жүрек-қантамыр бұзылыстары (кардиогенді шокты қоса), екі бағытты ұршық тәрізді қарыншалық тахикардия, тұрақсыз стенокардия, жүрек қақпақшасының бұзылуы*, коронарлық жеткіліксіздік, синус түйіні белсенділігінің тоқтауы

Қантамыр жүйесі тарапынан бұзылулар

Жиі

- гипотензия*, ортостаздық гипотензия, гипертензия*

Жиі емес

- ми қан айналымының жедел бұзылуы#, терең веналар тромбозы*, қан құйылу*, тромбофлебит (үстіңгі қабатын қоса), тамырлық коллапс (гиповолемиялық шокты қоса), флебит, терінің қызаруы*, гематома (периренальді қоса), шеткері қан айналымының жеткіліксіздігі*, васкулит, гиперемия (көзді қоса)*

Сирек

- шеткері эмболия, лимфа ісінуі, бозару, эритромелалагия, тамырлардың кеңеюі, вена түсінің өзгеруі, веноздық жеткіліксіздік

Тыныс алу жүйесі, кеуде ағзалары және көкірек ортасы тарапынан бұзылулар

Жиі

- ентігу*, мұрыннан қан кету, жоғарғы/төменгі тыныс алу жолдарының инфекциясы*, жөтел*

Жиі емес

- өкпе эмболиясы, плевралық жалқық, өкпе ісінуі (жедел түрін қоса), өкпе альвеолярлы қан құйылуы#, бронх түйілуі, өкпенің созылмалы обструктивті ауруы*, гипоксемия*, тыныс алу жолдарының ісінуі*, гипоксия, плеврит*, ықылық, ринорея, дисфония, бронх-өкпе обструкциясы

Сирек

- тыныс алу жеткіліксіздігі, жедел респираторлық дистресс-синдром, апноэ, пневмоторакс, өкпе ателектазы, өкпе гипертензиясы, қан түкіру, гипервентиляция, ортопноэ, пневмонит, респираторлық алкалоз, тахипноэ, өкпе фиброзы, бронх бұзылулары*, гипокапния*, өкпенің интерстициальді ауруы, өкпенің инфильтрациясы, тамақтың тарылу сезімі, тамақтың құрғауы, жоғарғы тыныс жолдарындағы секрецияның жоғарылауы, тамақтың тітіркенуі, жоғарғы тыныс жолдарының жөтел синдромы

Асқазан-ішек жолы тарапынан бұзылулар

Өте жиі

- жүрек айну және құсу симптомдары*, диарея*, іш қату

Жиі

- асқазан-ішектен қан кетулер (шырышты қабықтан қан кетуді қоса)*, диспепсия, стоматит*, іштің кебуі, орофарингеальді ауыру*, іштің ауыруы (асқазан-ішек және көкбауырдың ауыруын қоса)*, ауыз қуысындағы бұзылулар*, метеоризм

Жиі емес

- панкреатит (созылмалы қоса)*, қан құсу, еріннің ісінуі*, асқазан-ішек обструкциясы (ішек өтімсіздігін қоса)*, іштің жайсыздығы, ауыз қуысының ойық жаралары*, энтерит*, гастрит*, қызыл иектің қан кетуі, гастроэзофагеальді рефлюкс ауруы*, колит ( Сlostridium difficile туындағанын қоса)*, ишемиялық колит#, асқазан-ішек жолының қабынуы*, дисфагия, тітіркенген тоқ ішек синдромы, асқазан-ішек бұзылыстары (БДУ), үлпек басқан синдромы, асқазан-ішек асқазан-ішек жолдары моторикасының бұзылуы*, сілекей бездері функциясының бұзылуы*

Сирек

- жедел панкреатит, перитонит*, тілдің ісінуі*, асцит, эзофагит, хейлит, нәжісті ұстай алмау, анальді сфинктердің атониясы, нәжіс конкременті*, асқазан-ішек жолдарының жаралары мен перфорациясы*, қызыл иек гипертрофиясы, мегаколон, тік ішектен бөлінді шығуы, ауыз-жұтқыншақ аймағында күлдіреуіктің пайда болуы*, еріннің ауыруы, периодонтит, аналь өтісінің сызаттануы, дефекация ырғағының өзгеруі, прокталгия, аномалиялық нәжіс

Бауыр мен өт шығару жолдары тарапынан бұзылулар

Жиі

- бауыр ферменттері тарапынан бұзылулар*

Жиі емес

- гепатоуыттылық (бауыр функциясының бұзылуын қоса), гепатит*, холестаз

Сирек

- бауыр жеткіліксіздігі, гепатомегалия, Бадда-Киари синдромы, цитомегаловирусты гепатит, бауырдан қан кету, өт тас ауруы

Тері және тері асты тіндері тарапынан бұзылулар

Жиі емес

-көп формалы эритема, есекжем, жедел фебрильді нейтрофильді дерматоз, уытты тері бөртпесі, уытты эпидермальді некролиз#, Стивенс-Джонсон синдромы#, дерматит*, шаш тарапынан бұзылулар*, петехиялар, экхимоз, терінің зақымдануы, геморрагиялық бөртпе, терідегі жаңа түзілімдер*, псориаз, гипергидроз, түнгі тершеңдік, ойылу#, акне*, күлдіреуіктің пайда болуы*, пигментацияның бұзылуы*

Сирек

- тері реакциясы, Джесснердің лимфоцитарлық инфильтрациясы, алақан-табан эритродизестезия синдромы, тері асты қан кетулері, торлы мәрмәрлі тері, терінің тығыздалуы, папула, жарыққа сезімталдық реакциялары, себорея, суық тер, тері бұзылысы (БДУ) эритродермия, терінің жаралануы, тырнақ ауруы

Қаңқа-бұлшықет және дәнекер тін тарапынан бұзылулар

Өте жиі

- қаңқа-бұлшықет ауыруы*

Жиі

- бұлшықет түйілуі*, аяқ-қолдың ауыруы, бұлшықет әлсіздігі

Жиі емес

- бұлшықет құрысуы, буындардың ісінуі, артрит*, буындардың сіресуі, миопатиялар*, ауырлық сезімі

Сирек

- рабдомиолиз, самай-төменгі жақ буыны синдромы, жыланкөз, буын жалқығы, жақтың ауыруы, сүйек бұзылыстары, қаңқа-бұлшықет жүйесі мен дәнекер тінінің инфекциясы мен қабынуы*, синовиальді киста

Бүйрек және несеп шығару жолының тарапынан бұзылулар

Жиі

- бүйрек тарапынан бұзылулар*

Жиі емес

- жедел бүйрек жеткіліксіздігі, созылмалы бүйрек жеткіліксіздігі*, несеп шығару жолдарының инфекциясы*, несеп шығару жолдары тарапынан белгілер мен симптомдар*, гематурия*, несептің іркілуі, несеп шығарудың бұзылуы*, протеинурия, азотемия, олигурия*, поллакиурия

Сирек

- қуықтың тітіркенуі

Жыныс мүшелері мен сүт безі тарапынан бұзылулар

Жиі емес

- қынаптық қан кетулер, жыныс мүшелеріндегі ауырсыну*, эректильді дисфункция

Сирек

- аталық без ауруы*, простатит, әйелдердегі сүт бездерінің бұзылуы, аталық без қосалқысының ауруы, аталық без қосалқысының қабынуы, жамбас ауруы, вульваның ойық жарасы

Туа біткен, тұқым қуалайтын және генетикалық бұзылулар

Сирек

- аплазия, асқазан-ішек жолының даму кемістігі, ихтиоз

Жалпы сипаттағы асқынулар және енгізу орнындағы реакциялар

Өте жиі

- гипертермия*, шаршау, астения

Жиі

- ісіну (шеткері ісінуді қоса), қалтырау, ауыру*, дімкәстік*

Жиі емес

- денсаулықтың жалпы физикалық нашарлауы*, беттің ісінуі*, инъекция орнындағы реакция*, шырышты қабық тарапынан бұзылулар*, кеудедегі ауырсыну, жүрістің бұзылуы, суық сезіну, экстравазация*, катетермен байланысты асқыну*, шөлдеу сезіміндегі өзгерістер*, кеудедегі жайсыздық, дене температурасының өзгеру сезімі*, инъекция орнындағы ауырсыну*

Сирек

- өлім (кенеттен болғанын қоса), полиоргандық жеткіліксіздік, инъекция орнында қан кету*, жарық (өңеш саңылауының жарығын қоса)*, жазылудың бұзылуы*, инъекция орнындағы қабыну, флебит*, ауырсыну, ойық жара, тітіркену, кеудедегі кардиологиялық емес ауырсыну, катетерді енгізу орнындағы ауырсыну, бөгде денені сезіну

Зертханалық және құрал-аспаптық деректер

Жиі

- салмақ жоғалту

Жиі емес

- гипербилирубинемия*, нормаға сәйкес келмейтін ақуыз талдауы*, нормаға сәйкес келмейтін салмақтың артуы қан талдауы*, С-реактивті ақуыздың артуы

Сирек

- нормаға сәйкес келмейтін қан газдары*, электрокардиограммадағы ауытқулар (QT аралығын ұзартуды қоса)*, халықаралық қалыптасқан қатынастағы ауытқулар*, асқазанның рН төмендеуі, тромбоциттер агрегациясының жоғарылауы, тропонин I жоғарылауы, вирусты сәйкестендіру және серология*, несеп талдауындағы ауытқулар

Жарақаттар, улану және емшаралық асқынулар

Жиі емес

- құлау, контузия

Сирек

- ауыстырып құю реакциялары, сынықтар*, ригидтілік*, бет жарақаттары, буын жарақаттары*, күйіктер, жарықшақтар, енгізу процедурасына байланысты ауырсыну, радиациялық зақымдану*

Хирургиялық және медициналық процедуралар

Сирек

- макрофагтар активациясы

ҚН = қосымша нақтылаусыз

* MedDRA бірден артық дұрысырақ терминін топтастыру

# постмаркетингтік мәліметтерден алынған жағымсыз реакция

Мантия жасушалы лимфома (МКЛ)

Төменде BR-CAP схемасы бойынша ем қабылдаған мантия жасушалы лимфомасы бар пациенттерде байқалған жағымсыз реакциялар келтірілген

Инфекциялық және паразиттік аурулар

Өте жиі

- пневмония*

Жиі

- сепсис (сепсистік шокты қоса)*, Herpes zoster (диссеминациялаушы және офтальмологиялықты қоса), герпевирустық инфекция*, бактериялық инфекциялар*, жоғарғы/төменгі тыныс алу жолдарының инфекциялары*, зеңдік инфекция*, Herpes simplex*

Жиі емес

- В* гепатитінің инфекциясы, бронхопневмония

Қан және лимфа жүйесі тарапынан бұзылулар

Өте жиі

- тромбоцитопения*, фебрильді нейтропения, нейтропения*, лейкопения*, анемия*, лимфопения*

Жиі емес

- панцитопения*

Иммундық жүйенің тарапынан бұзылулар

Жиі

- жоғары сезімталдық*

Жиі емес

- анафилаксиялық реакциялар

Зат алмасу және тамақтану тарапынан бұзылулар

Өте жиі

- тәбеттің төмендеуі

Жиі

- гипокалиемия*, глюкоза деңгейінің бұзылуы*, гипонатриемия*, қант диабеті*, сұйықтықтың іркілуі

Жиі емес

- ісік лизисінің синдромы

Психиатриялық бұзылыстар

Жиі

- ұйқының бұзылуы және бұзылысы*

Жүйке жүйесі тарапынан бұзылулар

Өте жиі

- шеткері сенсорлық нейропатия, дизестезия*, невралгия*

Жиі

- нейропатия*, қозғалмалы нейропатия*, естен тану (естен тануды қоса), энцефалопатия*, шеткері сенсорлық қозғалмалы нейропатия, бас айналуы*, дәмнің бұрмалануы*, вегетативтік нейропатия

Жиі емес

- вегетативті жүйке жүйесінің теңгерімсіздігі

Көру мүшесі тарапынан бұзылулар

Жиі

- көрудің бұзылуы*

Есту ағзасы тарапынан бұзылулар және лабиринтті бұзылулар

Жиі

- дизакузия (құлақ шуылын қоса)*

Жиі емес

- вертиго*, естудің бұзылуы (кереңдікті қоса)

Жүрек тарапынан бұзылулар

Жиі

- жүрек фибрилляциясы (жүрекше фибрилляциясын қоса), аритмия*, жүрек жеткіліксіздігі (сол және оң қарыншаның жеткіліксіздігін қоса)*, миокардтық ишемия, қарыншалық дисфункция*

Жиі емес

- жүрек-қантамыр бұзылыстары (кардиогенді шокты қоса)

Қантамыр тарапынан бұзылулар

Жиі

- гипертензия*, гипотензия*, ортостаздық гипотензия

Тыныс алу жүйесі, кеуде ағзалары және көкірек ортасы тарапынан бұзылулар

Жиі

- ентігу*, жөтел*, ықылық

Жиі емес

- жедел респираторлық дистресс-синдром, өкпе аретериясының эмболиясы, пневмония, өкпе артериясының гипертензиясы, өкпе ісінуі (жедел ісінуді қоса)

Асқазан-ішек жолы тарапынан бұзылулар

Өте жиі

- жүрек айну және құсу симптомдары*, диарея*, стоматит*, іш қату

Жиі

- асқазан-ішектен қан кетулер (шырышты қабықтан қан кетуді қоса)*, іштің кебуі, диспепсия, ларингофарингеальді ауыру*, гастрит*, ауыз қуысының ойық жаралары*, іштегі жайсыздық, дисфагия, асқазан-ішек жолының қабынуы*, іштің ауыруы (асқазан-ішек аурулары мен көкбауырдың ауыруын қоса)*, ауыз қуысының аурулары*

Жиі емес

- колит (clostridium difficile қоса)*

Бауыр мен өт шығару жолдары тарапынан бұзылулар

Жиі

- гепатоуыттылық (бауыр тарапынан бұзылуларды қоса)

Жиі емес

- бауыр жеткіліксіздігі

Тері және тері асты тіндері тарапынан бұзылулар

Өте жиі

- шаш аурулары*

Жиі

- қышыну*, дерматит*, бөртпе*

Қаңқа-бұлшықет және дәнекер тін тарапынан бұзылулар

Жиі

- бұлшықет түйілулері*, тірек-қимыл аурулары*, аяқ-қолдың ауыруы

Бүйрек және несеп шығару жолының тарапынан бұзылулар

Жиі

- несеп шығару жолдарының инфекциясы*

Жалпы сипаттағы асқынулар және енгізу орнындағы реакциялар

Өте жиі

- гипертермия*, шаршау, астения

Жиі

- ісіну (шеткері ісінуді қоса), қалтырау, инъекция орнындағы реакция*, дімкәстік*

Зертханалық және құрал-аспаптық деректер

Жиі

- гипербилирубинемия*, ақуыздарды атипті талдау*, салмақ жоғалту,

салмақтың ұлғаюы

* MedDRA бірден артық дұрысырақ терминін топтастыру

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат – сусыз бортезомиб 2.38 мг, 3.34 мг (маннитол - бор эфирі түріндегі бортезомибке баламалы 2.5 мг және 3.5 мг),

қосымша заттар: маннитол (E 421), трет-бутанол**, инъекцияға арналған су**, азот***.

** Еріткіштер лиофилизация процесінде жойылады

*** Азот өндіріс процесінде инертті газ ретінде қолданылады және дайын препаратта болмайды

Сыртқы түрінің, иісінің, дәмінің сипаттамасы

Ақ немесе ақ дерлік түсті таблетка түріндегі ұнтақ немесе масса.

Шығарылу түрі және қаптамасы

Препарат бромбутил резеңке тығынмен саңылаусыз тығындалған, сары түсті «flip-off» типті пластмасса қақпағы бар алюминий қалпақшамен қапсырылған, сыйымдылығы 10 мл І типті түссіз шыныдан жасалған құтыға салынған (2.5 мг/мл доза үшін).

Препарат бромбутил резеңке тығынмен саңылаусыз тығындалған, көк түсті «flip-off» типті пластмасса қақпағы бар алюминий қалпақшамен қапсырылған, сыйымдылығы 10 мл І типті түссіз шыныдан жасалған құтыға салынған (3.5 мг/мл доза үшін).

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

Жарықтан қорғау үшін түпнұсқалық қаптамасында 25 °С-ден аспайтын температурада сақтау керек.

Дайындалған ерітіндіні асептикалық жағдайда түпнұсқалық құтыда 8 сағаттан асырмай 25 °С-ден аспайтын температурада сақтау немесе дереу пайдалану қажет.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

онкомед мануфектуринг а.с.

Карачек 2229 / 1Б, будова 02 (өндірістік желі 1) 62100

Брно-Речковице, Чех Республикасы

Телефон нөмірі: +420 515 919 900, +420 724 432 503

Электронды пошта: info@oncomed.cz

Тіркеу куәлігінің ұстаушысы

Мистрал Кэпитал Менэджмэнт Лимитед

9 Вайтмор Мэнор Клоуз, Ковентри, Ұлыбритания, CV6 2PH

Телефон нөмірі: +44 787 232 62 93, +44 192 693 53 85

Электронды пошта: info@mistral.capital

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

«Nur Business Consulting» ЖШС

Қазақстан Республикасы, 050010, Алматы қ., Қазыбек би көшесі 22, 304 кеңсе

Телефон нөмірі: +7 708 930 1280

Электрондық пошта: pharmacovigilancenbc@gmail.com; nurbusinessconsulting@gmail.com