Блоксазок (25 мг)

Блоксазок

Халықаралық патенттелмегегн атауы

Метопролол

Босап шығуы ұзаққа созылатын, үлбірлі қабықпен қапталған таблеткалар, 25 мг, 50 мг, 100 мг және 200 мг

Бір таблетканың құрамында

белсенді зат –

метопролол сукцинаты 23,75* мг, 47,50* мг, 95,00* мг, 190,00* мг (сәйкесінше 25* мг, 50* мг, 100* мг, 200* мг метопролол тартратына баламалы),

қосымша заттар: кремний қостотығы сферасы, гидрокси-пропилцеллюлоза, этилцеллюлоза, микрокристалды целлюлоза, натрий стеарил фумараты,

үлбірлі қабығы: қаптамасына арналған қоспа (құрамы: гипромеллоза, титанның қостотығы (E 171), тальк, пропиленгликоль)

* 19,5 мг метопрололға (25 мг дозасы үшін), 39 мг метопрололға (50 мг дозасы үшін), 78 мг метопрололға (100 мг дозасы үшін), 156 мг метопрололға (200 мг дозасы үшін) сәйкес келеді

Сопақша пішінді, екі беті дөңес, ақ немесе ақ дерлік түсті үлбірлі қабықпен қапталған, бір жағында сызығы бар таблеткалар. Cызығының бір жақ бөлігінде «C» өрнегі, сызығының келесі бөлігінде «1» өрнегі бар (25 мг дозасы үшін).

Сопақша пішінді, екі беті сәл дөңес, ақ немесе ақ дерлік түсті үлбірлі қабықпен қапталған, бір жағында сызығы бар таблеткалар. Cызығының бір жақ бөлігінде «C» өрнегі, сызығының келесі бөлігінде «2» өрнегі бар (50 мг дозасы үшін).

Сопақша пішінді, екі беті дөңес, ақ немесе ақ дерлік түсті үлбірлі қабықпен қапталған, бір жағында сызығы бар таблеткалар. Cызығының бір жақ бөлігінде «C» өрнегі, сызығының келесі бөлігінде «3» өрнегі бар (100 мг дозасы үшін).

Капсула пішінді, екі беті дөңес, ақ немесе ақ дерлік түсті үлбірлі қабықпен қапталған, бір жағында сызығы бар таблеткалар. Cызығының бір жақ бөлігінде «C» өрнегі, сызығының келесі бөлігінде «4» өрнегі бар (200 мг дозасы үшін).

Жүрек-қантамыр жүйесі ауруларын емдеуге арналған препараттар. Селективті бета-адреноблокаторлар. Метопролол.

АТХ коды C07A B02

Фармакокинетикасы

Блоксазок препаратының босап шығуы ұзаққа созылатын таблеткасы метопролол сукцинатының микроинкапсулаланған түйіршіктерінен тұрады және әр түйіршігі депосының жеке бірлігі болып табылады. Әрбір түйіршік дәрілік заттың босап шығу жылдамдығын бақылауда ұстайтын полимер жарғақшадан жасалған қабықпен қапталған. Таблетка сұйықтықпен жанасқан кезде жылдам ыдырайды, соның нәтижесінде түйіршіктер асқазан-ішек жолында көп көлемде таралады. Босап шығуы айналасындағы сұйықтықтың рН тәуелді емес және шамамен 20 сағат бойы тұрақты дерлік жылдамдықпен жалғаса береді. Дәрілік түрі қан плазмасындағы концентрациясының тұрақтылығын және әсерінің 24 сағат бойы созылуы мүмкіндігін береді.

Сіңірілуі ішке қабылдағаннан кейін толығымен орын алады, және белсенді заты асқазан-ішек жолының бойына, сондай-ақ, жуан ішекте толығымен сіңіріледі. Блоксазок препаратының биожетімділігі 30-40% құрайды. Метопролол бауырда, негізінен CYP2D6 изоферменті арқылы метаболизденеді. Негізгі үш метаболиті анықталған, бірақ олардың ешқайсысы клиникалық маңызы бар бета-адреноблокаторлық әсер бермеген. Метопрололдың дозасының 5%-ға жуығы несеппен өзгеріссіз күйінде шығарылады, қалған бөлігі метаболиттері түрінде шығарылады.

Балалар

Метопрололдың 6-17 жас шамасындағы, артериялық гипертензиясы бар балалардағы фармакокинетикалық бейіні бұрын еересектерде сипатталған фармакокинетикасына ұқсас. Метопрололдың болжамды жалпы клиренсі (CL/F) дене салмағына қарай арта түседі.

Фармакодинамикасы

Метопролол бета1-адренорецепторлардың селективті блокаторы болып табылады, яғни, метопролол, шеткері қантамырлар мен бронхтардағы бета-адренорецепторларға әсер етуі үшін қажетті дозаларына қарағанда төменірек дозаларында, жүректің бета-адренорецепторларына әсер етеді. Метопрололдың селективтілігі дозасына тәуелді, бірақ, бұл дәрілік түрінің плазмадағы ең жоғарғы концентрациясы әдеттегі таблеткалары жағдайындағыдай, айтарлықтай төмен болғандықтан, бета1-селективтілігінің жоғарырақ деңгейі ұзақ әсер ететін дәрілік түрінің көмегімен қамтамасыз етіледі.

Метопрололдың бета-стимуляциялайтын әсері жоқ және тек, жарғақшаны тұрақтандыратын төменірек әсерге ғана ие. Бета-адренорецепторлардың блокаторлары теріс инотроптық және хронотроптық әсердерді береді.

Метопрололмен емдеу физикалық және психикалық жүктемелердің нәтижесінде катехоламиндердің әсерін бәсеңдетеді және жүректің жиырылу жиілігін, жүрек лықсытуын және артериялық қысымды төмендетеді. Бүйрекүсті бездерінен адреналиннің босап шығуы артатын стресс жағдайларында метопролол қантамырлардың қалыпты физиологиялық дилатациясына кедергі келтірмейді. Емдік дозаларында метопрололдың селективті емес бета-адреноблокаторларға қарағанда, бронхтар бұлшықеттерінің жиырылығыштығына әсері аз. Бұл қасиеті бронх демікпесі немесе өкпенің басқа айқын обструкциялық аурулары бар пациенттерді метопрололмен бета2-адренорецепторлар стимуляторларымен біріктіріп емдеуге мүмкіндік береді. Селективті емес бета-адреноблокаторларға қарағанда, метопролол инсулиннің бөлініп шығуы мен көмірсу алмасуына, азғантай дәрежеде әсер етеді сондықтан, оны қант диабеті бар пациенттерге де тағайындауға болады. Гипогликемия кезіндегі жүрек-қантамыр реакциясы, мысалы, тахикардия, метопрололдың әсеріне аз ұшырайды, және қандағы қант деңгейінің нормаға қайтып келуі, селективті емес бета-рецепторлық блокаторларды пайдаланғандағыға қарағанда жылдамырақ орын алады.

Артериялық гипертензия кезінде метопролол жатқан қалыпта да, тік тұрған қалыпта да, сондай-ақ, дене жүктемелері кезінде де артериялық қысымды 24 сағаттан астам уақыт бойы едәуір төмендетеді. Метопрололмен емдеу кезінде алдымен қантамыр кедергісі байқалады. Алайда, ұзақ уақыт емдегенде артериялық қысымның алынған төмендеуіне шеткері қантамыр кедергісінің төмендеуі мен жүрек лықсытуының өзгермеуі түрткі болуы мүмкін.

Балалар

Көбінесе эссенциальді гипертензиясы бар, 6-16 жас шамасындағы балаларда метопрололды қолдану, систолалық артериялық қысымның плацебомен салыстырғанда дозаға тәуелді төмендегенін көрсетті (күніне 0,2 мг/кг-ден 2,0 мг/кг дейін, (күніне ең көбі 200 мг)). Артериялық қысымның жас шамасына, Таннер сатысына немесе жыныстық ерекшелікке байланысты төмендеуінде ешқандай айқын өзгешеліктер байқалған жоқ.

Метопролол орташа/ауыр артериялық гипотензиясы бар ерлерде жүрек-қантамыр ауруларынан өлу қаупін төмендетеді. Метопрололмен емдеу кезінде электролиттер теңгерімі бұзылмайды.

Жүректің созылмалы жеткіліксіздігі кезіндегі әсері

Жүрек жеткіліксіздігі бар (NYHA жіктемесі бойынша II-IV функционалдық класы) және лықсыту фракциясы төмендеген (≤ 0,40) пациенттерде, метопролол тірі қалуды арттыратыны және ауруханаға жату санын азайтатыны анықталды. Ұзақ уақыт емдегенде пациенттерде жай-күйдің жалпы жақсаруы, симптомдары айқындығының әлсіреуі байқалады (Нью-Йорк кардиология қауымдастығының (NYHA) функционалдық кластары және Емдеуді бағалауды жалпы шкаласы бойынша).

Сонымен қатар, метопрололды қолданып емдеу сол жақ қарыншаның лықсыту фракциясының жоғарылағанын, сол жақ қарыншаның ақырғы систолалық және ақырғы диастолалық көлемдерінің төмендегенін көрсетті.

Тахиаритмиялар кезінде жоғары симпатолитикалық белсенділік әсері бөгеледі, бұл ең алдымен, кардиостимуляторлық жасушалардағы автоматтандырылудың төмендеуі есебінен, сондай-ақ, суправентрикулярлық өткізгіштік уақытының ұзаруы есебінен, жүрек ырғағының төмендеуіне алып келеді. Метопролол инфарктінің қайталануы мен жүрек ауруынан өлудің, әсіресе, миокард инфарктісінен кейін кенеттен болатын өлімнің даму қаупін төмендетеді.

Ересектерде

• артериялық гипертензияда

• стенокардияда

• тахикардияны қоса, суправентрикулярлық аритмияларда, жүрекшелердің фибрилляциясы кезінде қарынша ырғағының төмендеуінде және қарыншалық экстрасистолаларда

• жүрек соғуының жиілеуімен жүретін жүректің функционалдық бұзылыстарында

• жүректің тоқтап қалуының және миокард инфарктісінің жедел фазасынан кейін инфаркт қайталануының профилактикасы үшін

• бас сақинасының профилактикасы үшін

• сол жақ қарыншаның систолалық функциясының әлсіреуімен жүретін тұрақты созылмалы симптоматикалық жүрек жеткіліксіздігінде

• 6-18 жас шамасындағы балалар мен жасөспірімдерде

• артериялық гипертензияны емдеуде.

Дозасы

Әсері ұзаққа созылатын Блоксазок таблеткаларын күніне бір рет, дұрысы, күннің бірінші жартысында қабылдайды.

25 мг дозадағы Блоксазок таблеткаларын тең екі дозаға бөлуге болады. 50 мг, 100 мг, 200 мг дозалардағы Блоксазок таблеткаларын жұтуды жеңілдету үшін екі бөлікке бөлуге және екі тең бөлікке бөлмеуге болады.

Блоксазок таблеткаларын (немесе бөлінген жартысын) шайнауға немесе үгітуге болмайды. Оларды жарты стақан сұйықтықпен ішіп жұтып жіберу керек. Қатарлас ас ішу биожетімділігіне әсер етпейді.

Брадикардияны болдырмау үшін, дозасын жекелей түзейді. Нұсқаулық ретінде төмендегі нұсқаулар пайдаланылады:

Артериялық гипертензияда: күніне бір рет 47,5 - 95 мг метопролол сукцинаты (50-100 мг метопролол тартраты). 95 мг метопролол сукцинатымен (100 мг метопролол тартратымен) емдеуде әсеріне қол жетпеген пациенттерде препаратты гипертензияға қарсы басқа дәрілермен, дұрысы, диуретиктермен және дигидропиридин типті кальций антагонистерімен біріктіруге болады, немесе дозасын күніне бір рет 190 мг метопролол сукцинатына (200 мг метопролол тартратына) дейін арттыруға болады.

Стенокардияда: күніне бір рет 95-190 мг метопролол сукцинаты (100-200 г метопролол тартраты). Қажет болса, препаратты нитраттармен біріктіруге болады.

Жүрек аритмияларында: күніне бір рет 95-190 мг метопролол сукцинаты (100-200 мг метопролол тартраты).

Жүрек соғуының жиілеуімен жүретін жүректің функционалдық бұзылыстарында: күніне бір рет 95 мг метопролол сукцинаты (100 мг метопролол тартраты). Қажет болса, дозасын күніне бір рет 190 мг метопролол сукцинатына (200 мг метопролол тартратына) дейін арттыруға болады.

Миокард инфарктісінен кейінгі профилактикалық ем: демеуші дозасы ретінде күніне бір рет 190 мг метопролол сукцинатын (200 мг метопролол тартратын) қабылдауға болады.

Бас сақинасының профилактикасы үшін: күніне бір рет 95-190 мг метопролол сукцинаты (100-200 мг метопролол тартраты).

Ангиотензин-конвертациялайтын фермент (АКФ) тежегіштерін диуретиктер және мүмкін болса, тұрақты симптоматикалық жүрек жеткіліксіздігі кезінде оймақгүлді толықтыратын ем: пациенттерде соңғы апта ішінде жедел жүрек жеткіліксіздігінсіз тұрақты созылмалы жүрек жеткіліксіздігі болуы және соңғы 2 апта ішінде негізгі ем айтарлықтай өзгертілмеуі тиіс.

Жүрек жеткіліксіздігін бета-адреноблокаторлармен емдеу кейде симптоматикалық көріністің уақытша өршуін туғызуы мүмкін. Кей жағдайларда емдеуді жалғастыруға немесе дозасын азайтуға болады, ал кейбір жағдайларда емдеуді тоқтату қажет болуы мүмкін. Жүректің ауыр жеткіліксіздігі бар (Нью-Йорк кардиология қауымдастығы IV класс) пациенттерде Блоксазок препаратымен емдеуді тек, әсіресе, жүрек жеткіліксіздігін емдеудегі дәрігерлер бастауы тиіс («Айрықша нұсқаулар» бөлімін қараңыз).

II функционалдық класты тұрақты жүрек жеткіліксіздігі бар пациенттердегі дозасы: алғашқы екі апта ішінде ұсынылатын бастапқы дозасы күніне бір рет 23,75 мг метопролол сукцинатын (25 мг метопролол тартратын) құрайды. Екі аптадан соң дозасын күніне бір рет 47,5 мг метопролол сукцинатын (50 мг метопролол тартратына) дейін арттыруға және бұдан соң оны әр екі апта сайын еселеп отыруға болады, ал ұзақ уақыт емдеуге арналған мақсатты дозасы күніне 190 мг метопролол сукцинаты (200 мг метопролол тартраты) болып табылады.

III-II функционалдық класты тұрақты жүрек жеткіліксіздігі бар пациенттердегі дозасы: ұсынылатын бастапқы дозасы күніне бір рет 11,88 мг метопролол сукцинатын (12,5 мг метопролол тартратын) құрайды 25 мг дозалы таблеткасының жартысын (23,75 мг метопролол сукцинаты 25 мг метопролол тартратына сәйкес келеді). Дозасын жекелей түзету қажет, дозасын арттырған кезде пациентті мұқият бақылау керек, өйткені кейбір пациенттерде жүрек жеткіліксіздігінің симптомдары нашарлап кетуі мүмкін. 1-2 аптадан соң дозасын 23,75 мг метопролол сукцинатына (25 мг метопролол тартратына) дейін арттыруға болады. Содан соң, тағы екі аптадан кейін, дозасын күніне бір рет 47,5 мг метопролол сукцинатына (50 мг метопролол тартратына), дейін арттыруға болады. Жоғарырақ дозаларын жақсы көтере алатын пациенттерде, дозасын әр екінші аптада күн сайын ең жоғарғы дозасы 190 мг метопролол сукцинатына (200 мг метопролол тартратына) дейін еселеуге болады.

Артериялық гипотензия және/немесе брадикардия жағдайында қатарлас дәрілік препараттың дозасын төмендету немесе Блоксазок препаратының дозасын төмендету қажет болуы мүмкін. Бастапқы гипотензия, тұрақты емдеген кезде Блоксазок препаратының дозасы міндетті түрде көтерімсіз екендігін білдірмейді, бірақ дозасын, жағдай тұрақтанғанға дейін арттыруға болмайды, және бәрінен бұрын бүйрек функциясын бақылауды арттыру қажет болуы мүмкін.

Бүйрек функциясының бұзылуы

Препараттың бүйрек арқылы шығарылу жылдамдығы бүйрек функциясына аздап тәуелді; сәйкесінше, бүйрек функциясының бұзылуы кезінде дозасын түзету қажет емес.

Бауыр функциясының бұзылуы

Блоксазок препаратын әдетте, бауыр циррозынан зардап шегіп жүрген пациенттерге де, бауыр функциясы қалыпты пациенттерге де бірдей дозасында тағайындайды. Бауыр функциясының өте күрделі бұзылуының белгілері болған жағдайда ғана (мысалы, шунттау жүргізілген пациенттерде), дозасын төмендету мәселесін қарастыру керек.

Егде жастағы пациенттер

Дозасын түзету қажет емес.

Балалар

Блоксазок препаратының балалар мен жасөспірімдерді артериялық гипертензиядан басқа көрсетілімдер бойынша емдеудегі қауіпсіздігі мен тиімділігі қазіргі кезде анықталмаған. Мәліметтер жоқ.

≥ 6 жас шамасындағы, артериялық гипертензиясы бар пациенттердегі ұсынылатын бастапқы дозасы күніне бір рет 0,48 мг/кг метопролол сукцинатын (0,5 мг/кг метопролол тартратын) құрайды. Миллиграмм мөлшерінде қолданылатын ақырғы дозасы мг/кг есептелген дозасына барынша жуықтауы тиіс. 0,48 мг/кг метопролол сукцинатымен емдеуге жауап болмаған пациенттерде, дозасын 0,95 мг/кг метопролол сукцинатына (1,0 мг/кг метопролол тартратына) дейін, 47,5 мг метопролол сукцинатынан (50 мг метопролол тартратынан) асырмай арттыруға болады. 0,95 мг/кг метопролол сукцинатымен емдеуге жауап болмаған пациенттерде, дозасын ең жоғарғы тәуліктік дозасы 1,9 мг/кг метопролол сукцинатына (2,0 мг/ г метопролол тартратына) дейін арттыруға болады. Балалар мен жасөспірімдерде күніне бір рет 190 мг метопролол сукцинатынан (200 г метопролол тартратынан) асатын дозалары зерттелмеген.

6 жасқа толмаған балалардағы тиімділігі мен қауіпсіздігі зерттелмеген. Сондықтан, метопролол сукцинаты аталған жас тобындағыларда қолдану үшін ұсынылмайды.

Жағымсыз реакциялары шамамен 10% пациентте туындайды және әдетте, метопрололдың дозасына тәуелді болады және төменде келтіріліп отыр.

Өте жиі (≥ 1/10)

• қатты қажу

Жи (≥ 1/100 - < 1/10 дейін)

• бас айналуы және бас ауыруы

• ортостаздық гипотензия (аса сирек жағдайда естен танумен)

• жүрек соғуының күшеюі, брадикардия, аяқ-қолдардың мұздауы

• дене жүктемесі кезінде ентігу

• асқазан және ішек функцияларының бұзылулары (жүрек айнуы, іш тұсының ауыруы, құсу, диарея, іш қатуы)

Жиі емес (≥ 1/1000 - < 1/100 дейін)

• депрессия, шым-шытырықтар, ұйқы бұзылулары

• парестезия

• жүрек жеткіліксіздігінің уақытша өршуі, жедел миокард инфарктісі бар пациенттердегі кардиогендік шок

• бронх демікпесі немесе демікпе компоненті бар пациенттердегі бронх түйілуі

• терінің жоғары сезімталдық реакциялары

• кеуденің ауыруы, ісіну, дене салмағының жоғарылауы

Сирек (≥ 1/10 000 < 1/1000 дейін)

• тромбоцитопения

• жады бұзылуы, сананың шатасуы, елестеулер, күйгелектік, мазасыздық

• дәм сезудің бұзылулары

• көрудің бұзылуы, көздің құрғауы және/немесе тітіркенуі

• құлақтағы шуыл

• AV- өткізгіштік уақытының ұзаруы, жүрек аритмиялары

• трансаминазалар деңгейлерінің жоғарылауы

• псориаздың өршуі, фотосезімталдық реакциялары, гипергидроз, шаштың түсуі

• қайтымды либидо дисфункциясы

Белгісіз (қолда бар мәліметтер бойынша бағалау мүмкін емес):

• зейін қою қабілетінің бұзылуы

• құрысулар

• коньюнктивит симптомдары

• ауыр шеткері қантамырлық бұзылулары бар пациенттердегі гангрена

• ринит

• ауыздың құрғауы

• гепатит

• артралгия

• белсенді затына, басқа бета-адреноблокаторларға немесе қосымша заттарының кез келгеніне жоғары сезімталдық

• тұрақсыз, компенсацияланбайтын жүрек жеткіліксіздігі бар (өкпенің ісінуі, перфузия жеткіліксіздігі немесе артериялық гипотензия) пациенттерде және бета-адренорецепторлардың агонизмі арқылы әсер ететін оң инотропты емді үздіксіз немесе аралық мерзімде қабылдаған пациенттер

• симптоматикалық брадикардия немесе артериялық гипотензия. Метопролол жедел миокард инфарктісіне күдік бар және жүректің жиырылу жиілігі (ЖЖЖ) минутына <45 соғатын, PQ аралығы > 0,24 секунд немесе систолалық артериялық қысымы < 100 мм сн.бағ. пациенттерге тағайындамау керек

• жүрек жеткіліксізігінде, шалқадан жатқандағы артериялық қысымы 100 мм сн. бағ. төмен пациенттерде емдеу басталғанға дейін қайта тексеру керек

• кардиогендік шок

• екінші немсесе үшінші дәрежелі AV-блокада

• синустық түйін әлсіздігі синдромы (тұрақты электрокардиостимулятор болмаған жағдайда)

• шеткері артериялардың гангрена қаупі бар күрделі ауруы

• 18 жасқа дейінгі балалар мен жасөспірімдерге (артериялық гипертензиядан басқасында)

Метопролол CYP2D6 изоферментінің субстраты болып табылады. CYP2D6 изоферментін тежейтін препараттар, метопрололдың плазмадағы концентрациясына әсер етуі мүмкін. CYP2D6 тежейтін кейбір препараттар хинидин, тербинафин, пароксетин, флуоксетин, сертралин, целекоксиб, пропафенон және дифенгидрамин болып табылады. Аталған препараттармен емдеудің басында Блоксазок препаратының дозасын азайту қажет болуы мүмкін.

Блоксазок препаратымен келесі біріктірілімдерді болдырмау керек

Барбитур қышқылының туындылары: барбитураттар (зерттеу пентобарбиталмен жүргізілген) ферменттер индукциясы салдарынан, метопролол метаболизмін индукциялайды.

Пропафенон: пропафенонды метопрололмен ем қабылдаған төрт пациентке тағайындағанда метопрололдың плазмалық концентрациясының 2-5 есе артқаны байқалды, сонымен қатар 2 пациентте метопрололға тән жағымсыз әсерлер білінген. Өзара әрекеттесуіне, хинидин сияқты, пропафенонның CYP2D6 изоферменті арқылы метопролол метаболизмін тежеуі түрткі болуы ықтимал. Біріктірілімін қолдану қиынға соғуы ықтимал, өйткені пропафенонның да бета-рецепторларды бөгейтін қасиеттері бар.

Верапамил: верапамилдің бета-адренорецепторларды бөгейтін препараттармен біріктірілімінде (атенолол, пропранолол мен пиндолол үшін сипатталған) верапамил брадикардияны және артериялық қысымның төмендеуін туғызуы мүмкін. Верапамил мен бета-адреноблокаторлар AV-өткізгіштік пен синустық түйін функциясына аддитивтік тежегіштік әсер береді.

Блоксазок препаратымен келесі біріктірілімдер дозасын түзетуді қажет етуі мүмкін

Амиодарон: амиодаронды қабылдаған пациенттерде, метопрололмен бір мезгілде емдеген кезде, айқын синустық брадикардия білінуі мүмкін екендігі хабарланды. Амиодаронның жартылай шығарылу кезеңі өте ұзақ (50 күнге жуық), бұл өзара әрекеттесулерінің препаратты тоқтатқаннан кейін ұзақ уақыт бойы жүріп жататындығын білдіреді.

Аритмияға қарсы I класты препараттар: аритмияға қарсы I класты препараттар мен бөгегіш бета-адренорецепторлар аддитивтік теріс инотроптық әсер береді, бұл сол жақ қарынша функциясы бұзылған пациенттерде елеулі гемодинамикалық жағымсыз әсерлерге алып келуі мүмкін. Біріктірілуін «синустық түйін әлсіздігі синдромы» мен патологиялық AV-өткізгіштік кезінде де болдырмау керек. Өзара әрекеттесуі дизопирамидпен мысалда сипатталған.

Қабынуға қарсы стероидты емес /ревматизмге қарсы препараттар (ҚҚСП): ҚҚСП бета-адренорецепторларды бөгейтін препараттардың гипертензияға қарсы әсеріне кері әсер беретіні дәлелденген. Бірінші кезекте индометацин зерттелді. Мұндай өзара әрекеттесуі, сулиндакпен біріктірілген кезде байқалмауы ықтимал. Диклофенакпен өзара әрекеттесуінің жоқтығы анықталды.

Оймақгүл ликозидтері: оймақгүл гликозидтері β-адреноблокаторлармен біріккенде атриовентрикулярлық өткізгіштік уақытын ұзартуы және брадикардияны туғызуы мүмкін.

Дифенгидрамин: дифенгидрамин гидроксилдену жылдам жүретін пациенттерде метопрололдың CYP2D6 изоферментінің қатысуымен жүретін альфа-гидроксиметопрололға дейінгі клиренсін азайтады (2,5 есе). Сонымен бір мезгілде метопролол әсерінің күшейгені байқалады.

Дилтиазем: дилтиазем мен бета-адреноблокаторлар AV-өткізгіштік пен синустық түйін функиясын тежегіштік әсерлерін өзара күшейтеді. Метопрололды дилтиаземмен біріктіргенде айқын брадикардия жағдайлары білінген.

Эпинефрин: эпинефринді (адреналинді) қолданғаннан кейін айқын артериялық гипертензия мен брадикардия дамыған пациенттерді бета-адренорецепторлардың селективті емес блокаторларымен (пиндолол мен пропранололды қоса) емдеу туралы хабарламалар болған. Сонымен қатар, жергілікті анестетиктердің құрамындағы эпинефрин (адреналин) тамырдан тыс қолданған кезде аталған реакцияларға түрткі болуы мүмкіндігі туралы болжам айтылды. Қауіп бета-адренорецепторлардың кардиоселективті блокаторларын пайдаланған кезде төмен болуы ықтимал.

Фенилиропаноламин: фенилпропаноламин (норэфедрин) тәулігіне бір рет 50 мг дозасында диастолалық артериялық қысымды патологиялық мәндерге дейін жоғарылауы мүмкін. Пропранолол әдетте, фенилпропанолининнен туындаған артериялық қысымның жоғарылауына қарсы әсер етеді. Алайда, бета-адренорецепторлардың блокаторлары фенилпропаноламиннің жоғары дозаларын қабылдап жүрген пациенттерде парадокстық артериялық гипертензия реакциясына түрткі болуы мүмкін. Фенилпропаноламинді қабылдау аясында гипертониялық криз дамыған бірнеше жағдай туралы хабарланды.

Хинидин: хинидин жылдам гидроксилаторлар деп аталатындарда метопролол метаболизмін тежейді (Швецияда 90%-дан астам), соның нәтижесінде плазмадағы деңгейлері жоғарылайды және бета-блокада жақсарады. Мұндай өзара әрекеттесуі бір фермент арқылы (P450 цитохромы 2D6) метаболизденетін басқа бета-адреноблокаторлармен де орын алуы мүмкін.

Клонидин: бета-адреноблокаторларды бір мезгілде қабылдағанда клонидинді күрт тоқтатқан кезде гипертензиялық реакциялар күшеюі мүмкін. Бірге қолданған жағдайда, клонидинді тоқтату қажет болса, бета-адреноблокаторларды қабылдауды тоқтатуды, клонидинді тоқтатқанға дейін бірнеше күн бұрын бастау керек.

Рифампицин: рифампицин метопрололдың метаболизмін күшейтуі мүмкін, бұл оның қан плазмасындағы концентрациясының төмендеуіне алып келеді.

Басқа бета-адреноблокаторларды (мысалы, көзге тамызатын дәрілерді) немесе МАО тежегіштерін бір мезгілде қабылдап жүрген пациенттер мұқият қадағалауда болуы тиіс. Бета-адренорецепторлардың блокаторларымен ем қабылдап жүрген пациенттерде ингаляциялық анестетиктер жүрек-депрессиялық әсерін күшейтеді. Бета-адреноблокаторларды қабылдап жүрген пациенттерде, диабетке қарсы пероральді препараттардың дозасын түзету қажет болуы мүмкін. Метопрололдың қан плазмасындағы концентрациясы циметидинді немесе гидралазинді бір мезгілде тағайындаған кезде жоғарылауы мүмкін.

Бета-адреноблокаторларды қабылдап жүрген пациенттерге вена ішіне верапамилді енгізбеу керек.

Метопролол шеткері артериялық қанайналым бұзылуының симптомдарын, мысалы, арагідік ақсаңдауды, бүйректің ауыр жеткіліксіздігінің симптомдарын, метаболизмдік ацидозбен жүретін күрделі жедел жағдайларды және оймақгүл препараттарымен қатарлас емдеуді нашарлатуы мүмкін.

Принцметал стенокардиясы бар пациенттерде ұстамалардың жиілігі мен ауқымы альфа-адренорецептор негіз болған коронарлық қантамырлардың жиырылуының есебінен артуы мүмкін. Осы себепті, селективті емес бета-адреноблокаторларды аталған пациенттерде пайдаланбаған дұрыс. Бета1-адренорецепторлардың селективті блокаторларын абайлап пайдалану керек.

Бронх демікпесі немесе өкпенің басқа созылмалы обструкциялық аурулары кезінде бронходилатациямен сәйкесінше ем тағайындау керек. Бета2-адреностимуляторлардың дозасын арттыру қажет болуы мүмкін.

Блоксазок препаратымен емдеу кезінде көмірсу алмасуына әсер ету қаупі немесе гипогликемия симптомдарын бүркемелеу мүмкіндігі, селективті емес бета-адреноблокаторларды қолданғандағыға қарағанда. едәуір төмен

Аса сирек жағдайларда, анамнездегі орташа дәрежедегі AV өткізгіштік нашарлауы мүмкін (AV-блокаданың аяқталу мүмкіндігі).

Бета-адреноблокаторлармен емдеу анафилаксиялық реакцияны емдеуді нашарлатуы мүмкін. Қалыпты дозадағы адреналинмен емдеу әрдайым айқын емдік әсер бере бермейді. Егер Блоксазок препараты феохромоцитомадан зардап шегіп жүрген пациенттерде тағайындалса, альфа-адреноблокатормен емдеуді қарастыру керек.

Тұрақты симптоматикалық созылмалы ауыр жүрек жеткіліксіздігі (NYHA жіктемесі бойынша IV класы) бар пациенттердегі тиімділігімен қауіпсіздігі бақыланатын клиникалық зерттеулердің мәліметтері шектеулі. Сондықтан, мұндай пациенттерде жүрек жеткіліксіздігін емдеуді тек, арнайы біліктілікке ие және осы салада емдеу тәжірибесі бар дәрігерлер ғана жүргізуі тиіс («Қолдану тәсілі және дозалары» бөлімін қараңыз).

Жедел миокард инфарктісімен және тұрақсыз стенокардиямен бірге жүретін симптоматикалық жүрек жеткіліксіздігін емдеудің тиімділігі/қауіпсіздігі зерттелмеген. Препаратты тұрақсыз, компенсацияланбайтын жүрек жеткіліксіздігі кезінде пайдалануға болмайды («Қолдануға болмайтын жағдайлар» бөлімін қараңыз).

Бета-адреноблокаторларды қабылдауды, әсіресе, жоғарғы қауіп тобындағы пациенттерде күрт тоқтату қауіпті болуы мүмкін және жүректің созылмалы жеткіліксіздігін нашарлатуы, сондай-ақ, миокард инфарктісі мен кенеттен болатын өлімнің даму қаупін арттыруы мүмкін. Сондықтан, Блоксазок препаратын қабылдауды кез келген тоқтатуды мүмкіндігінше, кем дегенде, дозасы әр сатыда жартысына азаятын алғашқы екі аптасы бойына біртіндеп, ақырғы дозасына дейін метопролол сукцинатының 23,75 мг таблеткасы (25 мг метопролол тартраты) жарты таблеткаға дейін азайғанша жүргізу керек. Соңғы дозасын қабылдау тоқтатылғанға дейін кемінде төрт күн бұрын тағайындау керек. Қандай-да бір симптомдар туындаған жағдайда, препаратты баяу тоқтату ұсынылады.

Хирургиялық араласым жағдайында анестезиолог дәрігерге, пациенттің Блоксазок препаратын қабылдап жүргендігін айту керек. Хирургиялық араласым жоспарланған пациенттерге бета-адреноблокаторлармен емделуді тоқтату ұсынылмайды. Жүрек-қантамырлық қауіп факторлары бар, кардиологиялық емес операциялар жүргізілетін пациенттерге брадикардия, артериялық гипотензия және инсульт, соның ішінде өлімге соқтыруы қаупінің жоғарылығына байланысты, метопрололдың жоғары дозаларында тағайындалуын болдырмау керек.

Жүктілік

Блоксазок препаратын жүктілік және лактация кезінде тек, оны пайдалану қажет деп есептелсе ғана тағайындау керек. Тұтас алғанда, бета-адреноблокаторлар өсудің баяулауына, құрсақішілік өлімге, түсік тастауға және ерте босануларға алып келетін плацентарлық перфузияны төмендетеді. Сондықтан, жүкті әйелдерде метопрололмен емдеу кезінде анасы мен шаранаға сәйкесінше мониторинг жүргізу ұсынылады. Бета-адренорецепторлардың блокаторлары шарана мен жаңа туған нәрестеде брадикардияны туғызуы мүмкін. Егер аталған препараттар жүктіліктің үшінші триместрінде және босанулар кезінде тағайындалса, осыны ескеру керек.

Блоксазок препаратын қабылдауды жоспарлы босануларға дейін 72-48 сағат бұрын біртіндеп тоқтату керек. Егер бұл мүмкін болмаса, жаңа туған нәрестені бета-блокада белгілері мен симптомдарын (мысалы, жүрек және өкпе асқынуларын) анықтау үшін, 48-72 сағат бойы бақылау қажет.

Бала емізу

Метопролол адамда емшек сүтінде шарананың плазмасында анықталғанынан шамамен үш есе артық мөлшерде концентрацияланады. Препараттың емдік дозаларында, емшектегі балада жағымсыз реакцияларының даму қаупі төмен. Дегенмен, емшектегі балада бета-блокада белгілерінің бар-жоқтығын қадағалау қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Блоксазок препаратымен емдеу кезінде механизмдерді жүргізгенде немесе басқарғанда бас айналуы мен шаршау туындауы мүмкін, егер аса сақтық қажет болса, осыны ескеру керек.

Ересек адамдағы 7,5 г дозасы өлімге соқтыратын уыттануды туғызған. 100 мг дозасын қабылдаған 5 жасар балада, асқазанды шайғаннан кейін уыттану белгілері білінбеген. 12 жасар жасөспірімнің 450 мг дозасын және ересектердің 1,4 г дозасын қабылдауы орташа уыттануға әкеп соқтырған, ересектердің 2,5 г дозасын қабыладауы елеулі уыттануды туғызды, және ересектердегі 7,5 г дозасы аса ауыр уыттануды туғызған.

Симптомдары. Метопрололмен артық дозалану кезінде анағұрлым күрделілері жүрек-қантамыр жүйесі тарапынан симптомдар болып табылады, бірақ, кей жағдайларда, әсіресе, балалар мен жасөспірімдерде, ОЖЖ тарапынан симптомдар мен өкпе функциясының бәсеңдеуі басым болуы мүмкін: брадикардия, I-III дәрежелі AV-блокада, QT ұзаруы (жекелеген жағдайларда), асистолия, артериялық гипотензия, әлсіз шеткері перфузия, жүрек жеткіліксіздігі, кардиогендік шок, өкпе функциясының бәсеңдеуі, апноэ. Басқа симптомдарына мыналар кіреді: қатты шаршау, сананың шатасуы, естен тану, аздаған тремор, құрысулар, қатты терлеу, парестезиялар, бронх түйілуі, жүрек айнуы, құсу, эзофагиальді түйілу болуы мүмкін, гипогликемия (әсіресе балаларда) немесе гипергликемия, гиперкалиемия; бүйрекке әсері; транзиторлық миастениялық синдром. Алкогольмен, гипертензияға қарсы дәрілермен, хинидинмен немесе барбитураттармен бір мезгілде қолдану, пациенттің жағдайын нашарлатуы мүмкін. Артық дозалануының алғашқы белгілері препаратты қабылдағаннан кейін 20 минут - 2 сағаттан соң байқалуы мүмкін.

Емі. Жәрдемді, тиісінше демеу, мониторингілеу және қадағалау шараларын қамтамасыз ете алатын мекемеде көрсету қажет.

Қажет болған жағдайда, асқазанды шаюды жүргізуге және/немесе белсендірілген көмірді қабылдауға болады.

Атропин, адреностимуляциялайтын препараттар немесе кардиостимулятор брадикардия мен өткізгіштік бұзылуларын емдеу үшін пайдаланылады.

Артериялық гипотензияны, жүректің жедел жеткіліксіздігі мен шокты қан көлемін арттырудың көмегімен, глюкагонды енгізу (қажет болған жағдайда, артынан глюкагонның венаішілік инфузиясымен), адренорецепторларды стимуляциялайтын, добутамин сияқты дәрілік заттарды вена ішіне енгізу арқылы, вазодилатация кезінде а1-адренорецепторлардың агонистерін қоса отырып емдеу керек. Сонымен қатар, Са2+ пайдалануға болады. Интубация және өкпені жасанды желдету көптеген көрсетілімдер бойынша жүргізілуі тиіс. Бір нұсқасы кардиостимуляторды пайдалану болып табылады. Артық дозалануына байланысты қанайналым тоқтап қалған жағдайда, бірнеше сағат бойы реанимация шаралары қажет болуы мүмкін.

Бронх түйілуін әдетте, бронходилататормен басуға болады.

Шығарылу түрі және қаптамасы

10 таблеткадан PVC/PE/PVDC үлбір мен алюминий фольгадан жасалған пішінді ұяшықты қаптамаға салынған.

3 немесе 5 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

25°С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

КРКА, д.д. Ново место, Словения

Шмарьешка цеста 6, 8501 Ново место, Словения

Тіркеу куәлігінің ұстаушысы

КРКА, д.д. Ново место, Словения

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«КРКА Қазақстан» ЖШС, ҚР, 050059, Алматы қ., Әл-Фараби д-лы 19,

1б корпусы, 207 кеңсе

тел.: +7 (727) 311 08 09

факс: +7 (727) 311 08 12

info.kz@krka.biz