Бифидумбактерин сухой

МНН: Бифидобактерии бифидум
Производитель: ФГУП "НПО "Микроген" Минздрава России
Номер регистрации в РК: № РК-ЛС-5№016098
Период регистрации: 28.05.2015 - 28.05.2020

Инструкция

Саудалық атауы

Құрғақ бифидумбактерин

Халықаралық патенттелмеген атауы

Жоқ

Дәрілік түрі

Ішілетін және жергілікті қолдану үшін суспензия дайындауға арналған лиофилизат

Құрамы

Препараттың бір дозасының құрамында

белсенді зат - тірі бифидобактериялар - кем дегенде 107 КТБ.

құрғату ортасы: желатин, қант немесе сахароза, сүт

Сипаттамасы

Ақшыл, ақшыл-қоңыр немесе ақшыл-сұр түстердің әртүрлі реңдерімен өзіне тән иісімен кристалды немесе кеуекті масса.

Фармакотерапиялық тобы

Диареяға қарсы препараттар. Диареяға қарсы микроорганизмдер

АТХ коды А07FA

Фармакологиялық қасиеттері

Препарат сахароза - желатин-сүтті құрғатудың қорғаныш ортасын қосумен өсірінді ортада лиофилизацияланған бифидобактериялардың Bifidodacterium bifidum № 1 түрінің тірі антогонистік белсенді микробтық массасы болып табылады.

Бифидумбактериннің емдік әсері оның құрамында бар патогенді немесе шартты-патогенді микроорганизмдердің кең спектріне қарсы антогонистік белсенділікке ие тірі бифидобактериялармен анықталады және сол арқылы ішектің микрофлорасы қалпына келеді. Препарат зат алмасу үдерісін жақсартады, ішек ауруларының созылмалы түрлерінің түзілуіне кедергі етеді, организмнің спецификалық емес резистенттілігін жоғарылатады.

Қолданылуы

Моноем ретінде және кешенді емнің құрамында

- кез келген этиологиядағы ішек дисфункциясында

- бастан өткерген ішек жұқпасынан кейін ұзақ антибактериальді, гормональді, сәулемен және басқа емнің салдарынан ішек дисбактериозында

- жаңа туған сәбилердегі, оның ішінде ауырлаған преморбидті фонымен күні жетпей туғандардағы (рахит, анемия, жасанды жолмен қоректендіру) ішек дисфункциясы немесе дисбактериозында

- «қауіп» тобындағы жүкті әйелдерде қынап дисбиозында (қынаптық сөлініс тазалығының ІІІ-IVдәрежеде бұзылуында)

- бактериялық немесе гормональді этиологиядағы кольпитте

- «қауіп» тобындағы емшек емізетін әйелдердегі маститтің алдын алу үшін (ішке тартылған, жайпақ емшек ұшы, оның эрекциясының төмендеуі, сызаттардың болуы)

Қолдану тәсілі және дозалары

Ішек ауруларында бифидумбактеринді ішке қабылдайды, ал акушерлік-гинекологиялық тәжірибеде сыртқа және қынап ішіне қолданады.

Құтының ішіндегіні препараттың бір дозасына 5мл (шай қасық) су деген есеппен бөлме температурасындағы қайнатылған сумен ерітеді.

Еріту тәсілі: стақанға судың керекті (құтыдағы доза мөлшеріне сай) мөлшерін құйып алып; қақпағы мен тығынын алып құтыны ашу керек; стақаннан судың аздаған мөлшерін құтығы құю керек; құтының ішіндегісі толық ерігеннен кейін (препарат 5 мин көп емес уақыттың ішінде ақшыл-сұр түсті немесе ақшыл-сарғыш түсті біртекті жүзінді түзіп ериді), құтының ішіндегісін сол стақанға қайтадан құйып араластыру керек. Осылайша ерітілген препараттың бір шай қасығы 1 дозаны құрайды. Ерітілген препаратты сақтауға болмайды.

Дозаның керекті мөлшерін (тиісті шай қасық мөлшерін) тамақ қабылдаудан 20-30 минут бұрын қабылдау керек. Емшек еметін балаларға препаратты емізердің алдында береді.

Ересектерге және жасы 12-ден асқан балаларға препаратты күніне 2-3 рет 5 дозадан қабылдау керек. Емдеу курсының ұзақтығын клиникалық көрінісінің ауырлығына, бактериологиялық және басқадай тексерулердің қорытындысына, науқастың жасына қарай анықтайды және 2-4 апта, кейбір жағдайларда 3 айға дейінді құрайды.

Ең жоғарғы бір реттік доза -10-20 доза. Ең жоғарғы тәуліктік доза - 50 доза.

Туған күннен бастап ішек дисбактериозымен балаларға препарат келесі сызба бойынша қолданылады:

- алғашқы жарты жылда - қабылдауға 5 дозадан күніне 2 рет;

- екінші жарты жылда - қабылдауға 5 дозадан күніне 3 рет;

- 1 жастан 3 жасқа дейінгілерге - қабылдауға 5 дозадан күніне 3 рет

- 3 жастан 6 жасқа дейінгілерге - қабылдауға 5 дозадан күніне 3 рет

- 6 жастан 12 жасқа дейінгілерге - қабылдауға 5 дозадан күніне 3 рет

Ең жоғарғы бір реттік доза – 6 доза. Ең жоғарғы тәуліктік доза- 20 доза.

Ішек ауруларында емдеу курсын аурудың клиникалық көрінісінің ауырлығына, бактериологиялық және басқадай тексерістің қорытындысына, науқастың жасына қарай анықтайды және 2-4 апта, кейбір жағдайларда 3 айға дейінді құрайды.

Керек болған жағдайда емдеу курсын қайталауға болады.

Аурудың алдын алу үшін 1-2 апта бойы күніне 1-2 рет 5 дозадан тағайындайды.

«Қауіп» тобындағы жаңа туғандарға босандыру бөлімінде препаратты аурудың алдын алу мақсатында өмірінің алғашқы тәулігінен бастап ауруханадан шыққанға дейін қабылдауды күніне 2 рет 2,5 дозадан бастау мақсатқа сай.

Маститтің алдын алу үшін. Емшектің ұшын және оның маңайын былайша өңдеу керек: ерітілген препарат сіңірілген (5 дозасымен) 2 стерильді тампонды емізерден 20-30 минут бойы сүт безіне қою керек. Емдеу курсы – 5 күн.

Әйелдердің жыныс мүшелерінің қабыну ауруында және «қауіп» тобындағы жүкті әйелдерді босанар алдындағы дайындықта бифидумбактеринді қынаптық сөлініс І-ІІ дәрежедегі тазалыққа жеткенше қабынудың клиникалық белгілері қайтып және зертханалық жолмен расталғанша күніне 1 рет 5-10 дозадан 5-8 күн бойы тағайындайды. Ерітілген препарат (100 мл суда 5 доза) сіңірілген стерильді тампонды 2-3 сағатқа қынап ішіне енгізу жолымен интравагинальді қолданылады.

Жағымсыз әсерлері

- аллергиялық реакциялар болуы мүмкін

Қолдануға болмайтын жағдайлар

-препарат компоненттеріне жоғары сезімталдық

Дәрілермен өзара әректтесуі

Антибиотиктермен және химиотерапиялық препараттармен бірге қолданғанда препараттың терапиялық тиімділігі төмендеуі мүмкін.

Айрықша нұсқаулар

Қаптамасының бүтіндігі (құты шытынағанда) бұзылған, заттаңбасы жоқ, физикалық қасиеттері (түсі өзгергенде, биомассаның көлемі кішірейгенде) өзгерген, бөгде қосылыстар бар препаратты қолдануға болмайды.

Препаратты сұйылту үшін температурасы 40 °С-ден жоғары суды қолдануға және оны сұйылтылған күйде 12 сағаттан артық сақтауға болмайды. Бифидумбактеринді лактоза жетіспеушілігімен тұлғаларға сақтықпен тағайындау керек.

Педиатрияда қолданылуы

Балаларға (оның ішінде шала туғандарға да) препаратты өмірінің алғашқы күнінен бастап қолдануға болады.

Жүктілік және лактация кезеңі

Жүктілікте және емшекпен қоректендіру кезеңінде препаратты қолданудың қауіпсіздігі бақыланатын клиникалық сынақтар үдерісінде зерттелген жоқ.

Дәрілік заттың автокөлікті немесе зейінді жоғары жұмылдыруды талап ететін басқа да механизмдерді басқаруға әсер ету ерекшеліктері

Әсер етпейді.

Артық дозалануы

Артық дозалану жағдайлары тіркелмеген.

Шығарылу түрі және қаптамасы

Құтыда 5 дозадан, 10 құтыдан медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапшаға (қорапқа) салынған.

Сақтау шарттары

2 °С-ден 8 °С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

1 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«Микроген ҒӨБ» ФМУК Ресей ДС Министрлігі, Ресей Федерациясы, 115088, Мәскеу қаласы, 1-ші Дубровская көшесі, 15 үй, тел. (495) 710-37-87, факс (495) 783-88-04, e-mail: secretariat@microgen.ru.

Өндірістің мекенжайы: Ресей Федерациясы, 634040, Томск облысы, Томск қаласы, Ивановский көшесі, 8 үй, тел. (3822) 63-37-34

Тіркеу куәлігінің иесі

«Микроген ҒӨБ» ФМУК Ресей ДС Министрлігі, Ресей Федерациясы

Қазақстан Республикасы аумағында тұтынушылардан препараттың сапасы туралы түскен шағымдарды қабылдайтын ұйымның мекенжайы: «Нестеренко Н.А.» ЖК, Қазақстан Республикасы, 050000, Алматы қаласы,

Фурманов көшесі, 128 үй, 16 кеңсе, тел./факс (727) 279-66-59, e-mail: ip_n_nesterenko@list.ru.

 

 

Прикрепленные файлы

094532701477976508_ru.doc 61.5 кб
830989391477977682_kz.doc 72 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники