Бисоштад® Плюс (5 мг/12,5 мг)

• русский
• қазақша

• Скачать инструкцию медикамента

Саудалық атауы

Бисоштад Плюс

Халықаралық патенттелмеген атауы

Жоқ

Дәрілік түрі

Қабықпен қапталған 5 мг/12,5 мг және 10 мг/25 мг таблеткалар

Құрамы

Қабықпен қапталған бір таблетканың құрамында

белсенді заттар: 4,24 мг және 8,49 мг бисопрололға баламалы

5 мг немесе 10 мг бисопролол гемифумараты,

12,5 мг немесе 25 мг гидрохлоротиазид,

қосымша заттар: кальций гидрофосфаты, микрокристалды целлюлоза, желатинделген крахмал, сусыз коллоидты кремнийдің қостотығы, магний стеараты,

қабығы: гидроксипропилметилцеллюлоза, диметикон 350, полиэтиленгликоль 400, титанның қостотығы (Е 171), темірдің қызыл тотығы (Е 172).

Сипаттамасы

Бисоштад® Плюс, 5 мг/12,5 мг қабықпен қапталған таблеткалар: дөңгелек пішінді, екі беті дөңес, бір жағында «В-Н» және «5-12» өрнегі және екі жағында да сызығы бар қызғылт түсті үлбірлі қабықпен қапталған таблеткалар

Бисоштад® Плюс, 10 мг/25 мг қабықпен қапталған таблеткалар:

дөңгелек пішінді, екі беті дөңес, бір жағында «В-Н» және «10-25» өрнегі және екі жағында да сызығы бар күңгірт-қызғылт түсті үлбірлі қабықпен қапталған таблеткалар

Фармакотерапиялық тобы

Тиазидтермен біріктірілген бета-адреноблокаторлар. Тиазидтермен біріктірілген селективті бета-адреноблокаторлар. Тиазидтермен біріктірілген бисопролол.

АТХ коды С07ВВ07

Фармакологиялық қасиеттері

Фармакокинетикасы

Қабықпен қапталған таблеткалар түрінде қабылданған бисопролол биожетімділігі 90  жуық. Бисопролол асқазан-ішек жолынан толық дерлік ( 90 ) сіңіріледі. Жоғары дәрежеде сіңірілуі мен бауырдан өтуінің ( 10 ) тым төмен әсерінің нәтижесі 88  құрайтын абсолютті биожетімділік мәні болып табылады. Бисопрололды аш қарынға немесе таңғы ас кезінде қабылдауға болады, бұл сіңірілуіне немесе биожетімділігіне еш әсерін тигізбейді. Бисопрололдың плазма ақуыздарымен байланысуы 30  жуық құрайды. Плазманың 1-гликопротеиндер сияқты ақуыздарындағы патофизиологиялық өзгерістер бисопролол фармакокинетикасына ықпал етпейді. Плазмадағы концентрациясының жоғары шегі препарат қабылдағаннан кейін 1-3 сағаттан соң білінеді. Бисопролол орташа липофильді, сондықтан да плазма ақуыздарымен әлсіз байланысады, таралу көлемі 226  11 л құрайды.

Бисопролол организмнен екі бірдей тиімді жолмен шығарылады: қабылданған дозаның жартысы бауырда бүйрек арқылы шығарылатын белсенді емес метаболиттерге өзгереді. Қабылданған дозаның екінші жартысы өзгермеген күйде бүйрекпен шығарылады. Жартылай шығарылу кезеңі 10-12 сағат құрайды. Бисопрололдың Сmax және қисық астындағы ауданы тұрақты күйінде гидрохлоротиазидпен біріктірілгенде және монопрепаратта биобаламалы.

Гидрохлоротиазид

Ішке қабылдағаннан кейін 80  жуық гидрохлоротиазид асқазан-ішек жолынан сіңіріледі. Жүйелі жетімділігі 71  15  құрайды.

Гидрохлоротиазидтің плазма ақуыздарымен байланысуы 64  құрайды; салыстырмалы таралу көлемі 0,5-1,1 л/кг.

95 -дан астам гидрохлоротиазид өзгермеген күйде бүйрек арқылы шығарылады.

Қалыпты бүйрек функциясында жартылай шығарылу кезеңі 9-13 сағат құрайды. Плазмалық концентрациясының жоғары шегі қабылдағаннан кейін 2-5 сағаттан соң білінеді. Бұл кезең бүйрек функциясының бұзылуында ұзарып, бүйрек жеткіліксіздігі бар емделушілерде 20 сағатқа жуық құрайды.

Диуретиктік әсері 1-2 сағат ішінде басталып, дозасына қарай 10-12 сағат созылады; гипертензияға қарсы әсері 24 сағатқа дейін ұзарады.

Фармакодинамикасы

Бисопролол

Бисопролол липофильділігі/гидрофильділігіне қатысты аралық орын алатын бета-блокатор болып табылады. Бисопролол – ішкі симпатомиметикалық белсенділігі (ІСБ) және клиникалық мәнді жарғақша тұрақтандырғыш әсері жоқ селективті (кардиоселективті) 1-блокатор. Кардиальді -рецепторларды бөгеумен бисопролол симпатоадренергиялық белсенділікті бәсеңдетеді. Бұл жүрек ырғағының және жиырылуының төмендеуіне әкеліп, ол миокардтың оттегі тұтынуының азаюына апарады.

Гидрохлоротиазид

Гидрохлоротиазид бензотиадиазин туындысы болып саналады, бірінші кезекте, ол электролиттер экскрециясын арттырады және екіншіден - судың осмостық байланысуын арттырумен шығарылатын несеп мөлшерін көбейтеді.

Натрийдің бүйрек өзекшелерінен қанға тасымалдануын тежейді. Бұл натрийдің кері сіңуін қиындатады. Натрийуретикалық әсері калий мен магнийдің көп шығарылуымен қатар жүреді.

Гидрохлоротиазид көбінесе дистальді өзекшелерде натрий сіңірілуін бәсеңдетеді, осылайша, ең көп дегенде гломерулярлық сүзілістен өткен 15  жуық натрий шығарылуы мүмкін. Хлоридтердің шығарылу дәрежесі натрийдің экскреция дәрежесіне сәйкес келеді.

Гидрохлоротиазид калий экскрециясының артуын туындатады, бұл дистальді өзекшелердегі және жинақтаушы өзекшелердегі калий секрециясымен айқындалады (натрий мен калий иондары арасындағы алмасу артады). Диуретиктік әсері және гидрохлоротиазид тұздарын шығару қабілеті ацидозға немесе алкалозға байланысты емес.

Әуелі гломерулярлық сүзіліс деңгейінің сәл азаюы байқалады. Гидрохлоротиазид ұзақ уақыт қолданылғанда кальцийдің бүйрек арқылы экскрециялануы гиперкальциемияның дамуына дейін жете азаюы мүмкін.

Гидрохлоротиазид қан тамырларының тегіс бұлшықеттерін босаңсытады, бұл тамырлардың шеткергі қарсыласуының азаюына әкеледі.

Бүйрек функциясының созылмалы бұзылулары бар емделушілерде (креатинин клиренсі 30 мл/мин аз және/немесе сарысудағы креатинин деңгейі 1,8 мг/100 мл жоғары) гидрохлоротиазид іс жүзінде тиімсіз. Бүйректік немесе вазопрессин-сезімтал қантсыз диабеті бар емделушілерде гидрохлоротиазид диурезге қарсы әсер көрсете алады.

Қолданылуы

• эссенциальді гипертензияны емдеуде.

Қолдану тәсілі және дозалары

Осы бекітіліп-дозаланған біріктірілімдер (Бисоштад Плюс, 5 мг/12,5 мг және 10 мг/25 мг) 5 мг немесе 10 мг дозадағы бисопролол ғана немесе 12,5 мг немесе 25 мг дозадағы гидрохлоротиазид қана қабылдаумен артериялық қысымның талапқа сай бақылануына жете алмайтын емделушілерге көрсетілген.

Компоненттерін есептеумен дозаны әркімге жеке таңдау ұсынылады.

Монотерапиядан бекітілген біріктірілім қолдануға көшу клиникалық көрсетілімдер бойынша жүзеге асырылуы мүмкін.

Әдеттегі старттық дозасы тәулігіне 5 мг бисопролол / 12,5 мг гидрохлоротиазид құрайды, бұл 5 мг/12,5 мг Бисоштад® Плюстің 1 таблеткасына немесе 10 мг/25 мг Бисоштад® Плюстің ½ таблеткасына сәйкес келеді.

Дозаны әркімге жеке таңдау ұсынылады.

Қажет болса, дозаны тәулігіне 10 мг бисопролол / 25 мг гидрохлоротиазидке дейін арттыруға болады, бұл 5 мг/12,5 мг Бисоштад® Плюстің 2 таблеткасына немесе 10 мг/25 мг Бисоштад® Плюстің 1 таблеткасына сәйкес келеді.

Егде жастағы емделушілер

Қалыпты күйде дозаны таңдау қажет емес. Емдеуді ең аз дозадан бастау ұсынылады.

Бауыр және бүйрек функциясы бұзылған емделушілер

Ауырлығы жеңіл немесе орташа дәрежедегі бүйрек жеткіліксіздігі (креатинин клиренсі  30 мл/мин) және ауырлығы жеңіл немесе орташа бауыр жеткіліксіздігі бар емделушілерде дозаны арнайы таңдау қажет емес. Алайда бауыр функциясы жеңіл және орташа ауырлықта бұзылған емделушілерде бауыр функциясына мониторинг жасау ұсынылады («Айрықша нұсқаулар» бөлімін қараңыз).

Бүйрек немесе бауыр функциясының қатарлас бұзылуында гидрохлоротиазидтің шығарылуы төмендейді, сондықтан дозаны азайту мақсатқа сай келеді («Айрықша нұсқаулар» бөлімін қараңыз).

Қолдану тәсілі және ұзақтығы

Таблеткаларды таңғы ас кезінде сұйықтықпен ішіп, бүтіндей жұтқан жөн.

Ұзақ уақыт емделуден кейін - әсіресе, жүректің ишемиялық ауруы кезінде - препаратты біртіндеп тоқтату керек (7-10 күн бойы жарты дозадан қабылдап), өйткені күрт тоқтатудан емделушінің ахуалы жедел нашарлап кетуі мүмкін.

Жағымсыз әсерлері

Бисоштад® Плюс препаратының сипатталған жағымсыз әсерлері оның фармакологиялық қасиеттерімен байланысты.

 

*- Осындай симптомдар, әсіресе, емдеудің бас кезіне тән. Олар үнемі жеңіл түрде өтеді және 1-2 апта ішінде басылады.

Ескертпе

Гипокалиемияның клиникалық симптомдары: шаршау, қатты қажу, бұлшықет әлсіздігі, парестезиялар, парездер, апатия, іш қатуларға әкелетін тегіс бұлшықеттер адинамиясы, метеоризм немесе кардиальді аритмия, мықын ішегінің салдануы, сананың бұзылуы, кома және ЭКГ өзгерістері.

Емдеу мына жағдайларда тоқтатылуы тиіс:

• электролит теңгеріміннің рефракторлы бұзылулары

• ортостатикалық реттеу бұзылулары

• аса жоғары сезімталдық реакциялары

• асқазан-ішек жолы тарапынан байқалатын бұзылулар

• орталық жүйке жүйесі тарапынан бұзылулар

• панкреатит

• қанның жасушалық құрамындағы өзгерістер (анемия, лейкопения, тромбоцитопения)

• жедел холецистит

• васкулит

• бұрын диагностикаланған миопияның нашарлауы

• сарысудағы 1,8 мг/100 мл көп креатинин концентрациясы немесе  30 креатинин клиренсі.

Қолдануға болмайтын жағдайлар

• гидрохлоротиазидке және басқа тиазидтерге, сульфониламидтерге, бисопрололға немесе препараттың басқа компоненттеріне аса жоғары сезімталдық

• жедел жүрек жеткіліксіздігі, декомпенсация сатысындағы созылмалы жүрек жеткіліксіздігі

• кардиогенді шок

• 2-ші және 3-ші дәрежелі (ырғақ жетекшісінсіз) атриовентрикулярлық блокада

• синустық түйіннің әлсіздік синдромы

• синоатриальді блокада

• емдеу басталғанша минутына 60 реттен аз соғатын брадикардия

• шеткергі артериялық окклюзиялық аурудың кешеуілді сатылары және Рейнауд синдромы

• бронх демікпесінің ауыр түрі немесе өкпенің созылмалы обструкциялық ауруының ауыр түрлері

• метаболикалық ацидоз

• рефрактерлі гипокалиемия

• гипонатриемияның ауыр түрі

• гиперкальциемия

• бүйрек функциясының олиго- немесе ануриямен ауыр бұзылулары ( 30 мл/мин креатинин клиренсі және/немесе сарысудағы  1,8 мг/100 мл креатинин деңгейі)

• жедел гломерулонефрит

• бауыр функциясының ауыр бұзылулары, прекома мен команы қоса

• емделмеген феохромоцитома («Айрықша нұсқаулар» бөлімін қараңыз)

• жүктілік және лактация кезеңі

• флоктафенин мен сультопридті бір мезгілде қолдану («Дәрілермен өзара әрекеттесуі» бөлімін қараңыз)

• 18 жасқа дейінгі балалар мен жасөспірімдерге

Дәрілермен өзара әрекеттесуі

Жалпы ақпарат

Калий деңгейінің сарысуда өзгеруі басқа да дәрілік заттар әсерінен көрініc беруі мүмкін.

Қарсы көрсетілімді біріктірілімдер

Флоктафенин: Бисоштад Плюс флоктафенин-индукцияланған гипотонияға немесе шокқа дейін компенсаторлық кардиоваскулярлы реакцияларды бәсеңдетуі мүмкін.

Сультоприд: бисопрололмен бірге қолдану вентрикулярлы аритмияның даму қаупіне артуына әкелуі мүмкін.

Ұсынылмайтын біріктірілімдер

Верапамил және аз шамадағы дилтиазем сияқты кальций антагонистері: миокард жиырылуына және атриовентрикулярлық өткізгіштікке теріс әсер көрсетеді. Бета-блокаторлармен ем алатын емделушілерде көктамыр ішіне верапамил қолдану айқын гипотонияға және атриовентрикулярлық блокадаға әкелуі мүмкін.

Клонидин: «тоқтату гипертониясы» қаупін арттырады, сондай-ақ жүректің жиырылу жиілігін едәуір азайтады және жүрек бұлшықетінің өткізгіштігіне теріс әсерін тигізеді. Бисопролол фумараты / гидрохлоротиазид біріктірілімі бұған дейін бірнеше күн бұрын тоқтатылмайынша, клонидин күрт тоқтатылмауы тиіс. Бұл клонидинді сатылап тоқтатумен қатар жүргізілуі мүмкін.

Моноаминооксидаза тежегіштері (МАО-В тежегіштерін қоспағанда): бета-блокаторлардың гипотензиялық әсерін күшейтеді, бірақ гипертониялық криздің даму қаупі де жоғарылайды.

Литий: Бисоштад Плюс оның экскрециясын азайту арқылы литийдің кардиоуыттылық және нейроуыттылық әсерін күшейтуі мүмкін.

Гипертензияға қарсы әсері жоқ мынадай дәрілік заттар жыпылықтағыш аритмия тудыруы мүмкін: астемизол, эритромицин көктамыр ішіне енгізгенде, галофантрин, пентамидин, спарфлоксацин, терфенадин, винкамин.

Гипокалиемия жағдайында жыпылықтағыш аритмия тудырмайтын дәрілік заттар пайдаланылады.

Сақтықпен қолданылуы тиіс біріктірілімдер

Дигидропиридин туындылары сияқты кальций антагонистері (мысалы, нифедипин): әсіресе, емдеудің басында гипотонияның даму қаупі артады. Жасырын жүрек жеткіліксіздігі бар емделушілерде бета-блокаторлармен бірге қолдану жай-күйдің нашарлауына әкелуі мүмкін.

АӨФ тежегіштері (мысалы, каптоприл, эналаприл): артериялық қысымның күрт төмендеу қаупі артады.

Аритмияға қарсы І класты дәрілік заттар (мысалы, дизопирамид, хинидин): атриовентрикулярлық түйін өткізгіштігіне ықпал етуі және теріс инотропты әсерді арттыруы мүмкін.

Аритмияға қарсы ІІІ класты дәрілік заттар (мысалы, амиодарон): атриовентрикулярлық түйіннің өткізгіш уақытына әсерін көрсетуі мүмкін.

Аритмияға қарсы орталық әсер ететін дәрілік заттар жыпылықтағыш аритмия тудыруы мүмкін: ІА класты дәрілік заттар (хинидин, дизопирамид), амиодарон, солатол. Гипокалиемияның алдын алу шарасын, ал қажет болғанда түзету жүргізу қажет. QТ аралығына мониторинг жасалады. Жыпылықтағыш аритмия дамыған жағдайда аритмияға қарсы препараттар тағайындалмайды (бұл жағдайда электрлі ырғақ жетекшісін қолдану туралы шешім қабылдану керек).

Парасимпатомиметиктер (такринді қоса): атриовентрикулярлық түйіннің өткізгіштік уақытын ұзарта алады.

Резерпин, альфа-метилдопа, гуанфацин немесе клонидин қан қысымын, жүрек ырғағын едәуір төмендетуі немесе жүрек өткізгіштігін баяулатуы мүмкін.

Басқа бета-блокаторлар, көз тамшы дәрілерін қоса, әсерлердің қосылып кетуіне әкелуі мүмкін.

Инсулин және диабетке қарсы ішуге арналған препараттар: қант төмендететін әсер қарқынының төмендеуі. -адренорецепторлар блокадасы гипокалиемия симптомдарының жасырын өтуіне әкелуі мүмкін.

Анестетиктер: рефлекторлы тахикардияның басылуы және гипотонияның даму қаупінің артуы. Ұзаққа созылатын - блокада интубация жүргізілгенде аритмияның даму қаупін азайтады. Анестезиологтар емделушінің бета-блокаторлар (мысалы, бисопролол) алатынынан хабардар болуы тиіс.

Жүрек гликозидтері: атриовентрикулярлық өткізгіштік уақытының ұзаруы. Бисоштад Плюспен емделу салдарынан дамитын гипокалиемия және/немесе гипомагниемия кезінде миокардтың жүрек гликозидтеріне сезімталдығы жоғарылауы мүмкін, бұл олардың әсерлерінің әлеуеттенуіне және жағымсыз әсерлердің дамуына апарады.

Простагландиндер синтезін тежейтін препараттар: гипотензиялық әсердің төмендеуі. Салицилаттардың үлкен дозаларын тағайындау салицилаттардың орталық жүйке жүйесіне уытты әсерін дамытуы мүмкін.

Гиповолемия дамыған емделушілерде қабынуға қарсы стероидты емес дәрілерді (ҚҚСД) бірге тағайындау жедел бүйрек жеткіліксіздігін дамытуы ықтимал.

Эрготамин туындылары: шеткергі айналымдық бұзылулардың өршуі.

Симпатомиметиктер: бисопрололмен біріктіру екі препараттың да әсерін азайта алады. Аллергиялық реакцияларды емдеу үшін эпинефриннің көп жоғары дозалары қажет болуы мүмкін.

Үш циклды антидепрессанттар, барбитураттар, фенотиазиндер гипертензияға қарсы басқа да препараттар сияқты: гипертензияға қарсы әсердің артуы.

Рифампицин: бауыр ферменттерінің метаболизміне ықпал ететін препараттар бисопрололдың жартылай шығарылу кезеңін біршама азайта алады. Қалыпты күйде дозаны таңдау қажет емес.

Бисопролол фумаратымен / гидрохлоротиазидпен бірге қолдану несеп қышқылының деңгейін төмендететін препараттардың әсерін азайтуы мүмкін.

Бисоштад Плюс пен глюкокортикоидтар, АКТГ, карбеноксолон, амфотерицин В, фуросемид немесе лаксативтерді бір мезгілде қолдану калийдің жоғалуын арттыра алады.

Кураре тәрізді бұлшықет релаксанттарының әсері бисопролол фумаратымен / гидрохлоротиазидпен әлеуеттенуі немесе ұзаққа созылуы мүмкін.

Цитостатиктер (мысалы, циклофосфамид, флуороурацил, метотрексат): сүйек кемігіне уытты әсерінің артуын күтуге болады.

Холестирамин, холестипол: бисопролол фумараты / гидрохлоротиазид біріктірілімінің компоненті - гидрохлоротиазидтің сіңірілуін төмендетеді.

Метилдопа: сирек жағдайларда гидрохлоротиазидке антиденелер түзілуімен байланысты болатын гемолиз байқалды.

Сондай-ақ ішуге арналған антикоагулянттармен (тиазидтер тромбозға қарсы әсерді азайтуы мүмкін) және пробенецидпен (диуретиктік әсердің төмендеуі) бір мезгілде қабылдағанда сақ болу керек.

Негізделген біріктірілімдер

Мефлокин: брадикардия қаупі артады.

Айрықша нұсқаулар

Төменде аталған жай-күйлердің кез келгені бар емделушілер дәрігердің мұқият бақылауымен емдеуден өтуі тиіс:

• жүрек жеткіліксіздігі (тұрақты созылмалы жүрек жеткіліксіздігі бар емделушілерде емдеу дозаны таңдаудың арнайы фазасын пайдаланумен бисопролол фумаратының монотерапиясынан басталуы тиіс)

• бронх түйілуі (бронх демікпесі, тыныс жолдарының обструкциялық аурулары)

• ингаляторлық анестетиктермен бір мезгілде емдеу

• қандағы глюкоза деңгейінің үлкен ауытқулары бар қант диабеті (гликемия симптомдары жасырын болуы мүмкін)

• қатаң емдәм

• ағымдағы десенсибилизациялау емі

• 1-ші дәрежелі АV блокадасы

• Принцметалл стенокардиясы

• шеткергі артериялық окклюзиялық ауру (емделуші ахуалы, әсіресе, емдеудің бас кезінде нашарлауы мүмкін)

• гиповолемия

• бауыр функциясының төмендеуі

• подагра.

Бронх демікпесінде немесе өкпенің басқа созылмалы ауруларында бір мезгілдік бронх дилатациялау емін жүргізу қажет. Демікпесі бар емделушілерде аракідік тыныс жолдары төзімділігінің жоғарылауы байқалуы мүмкін, сондықтан 2-стимуляторлар дозасын арттыру қажет болуы ықтимал.

Гидрохлоротиазид әсері ұзаққа созылатын компонент болғандықтан, ұзақ уақыт Бисоштад Плюс қолдану электролит және су теңгерімінің бұзылуына, әсіресе, гипомагниемия мен гипохлоремияға апаратын гипокалиемия мен гипонатриемияға, сондай-ақ гиперкальциемияға әкелуі мүмкін.

Гипокалиемия өлімге ұшыратуы мүмкін ауыр аритмиялардың, жыпылықтағыш аритмияның дамуына әкеледі.

Электролит және су теңгерімінің бұзылуы салдарынан метаболикалық алкалоз дамуы мүмкін.

Басқа да бета-блокаторлар сияқты, бисопролол аллергендерге сезімталдықты арттыруы, сол арқылы анафилактикалық реакциялар ағымын өте ауырлатуы ықтимал. Адреналинмен емдеу күтілетін емдік әсерді бермеуі мүмкін.

Псориазға шалдыққан немесе сыртартқысында псориаз болған емделушілерді бета-блокаторлармен (яғни бисопрололмен) емдеу оның пайдасы мен қаупін мұқият бағалаудан кейін ғана тағайындалуы тиіс.

Феохромоцитомасы бар емделушілерге бета-блокаторлар (яғни бисопролол) альфа-рецепторлар блокадасын жүргізуден соң тағайындалуы тиіс.

Бета-блокаторлармен (яғни бисопрололмен) емдеу тиреотоксикоздың жасырын өтуіне әкелуі мүмкін.

Бета-блокаторлармен (мысалы, бисопрололмен) емдеуді күрт үзуге болмайды. Толығырақ ақпарат алу үшін 4.2 бөлімін қараңыз.

Өт-тас ауруы бар емделушілерде жедел холецистит байқалуы мүмкін.

Подаградан зардап шегетін емделушілерде ураттардың плазмалық деңгейіне жүйелі мониторинг жасаған жөн, өйткені гидрохлоротиазид несеп қышқылының деңгейін арттыруы мүмкін.

Ескертпе

Бисоштад Плюспен ұзақ уақыт емдеу кезінде сарысудағы электролиттер (әсіресе калий, натрий, кальций), креатинин мен мочевина, сарысудағы липидтер (холестерол және триглицеридтер) деңгейіне, несеп қышқылына, сондай-ақ глюкоза деңгейіне жүйелі мониторинг жасау қажет.

Бисоштад Плюспен емдеу кезінде емделушілер көп жоғалған калий орнын толтыру үшін сұйықтық пен калийі мол тағамдарды (мысалы, банандар, көкөністер, жаңғақтар) жеткілікті мөлшерде алуы тиіс. Калий жоғалуын калий жинақтаушы диуретиктерді бір мезгілде қабылдаумен азайтуға немесе тойтаруға болады.

Педиатрияда қолдану

Педиатриялық тәжірибеде бисопролол фумараты / гидрохлоротиазид біріктірілімін қолдану тәжірибесінің болмауына орай, Бисоштад Плюс препаратын балаларда пайдалану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бисоштад Плюс көлік құралдарын немесе аса қауіпті механизмдерді басқару қабілетіне мардымсыз ықпалын тигізеді немесе тигізбейді.

Жүректің коронарлық ауруы бар емделушілерге жүргізілген зерттеулерде бисопрололдың автокөлік басқару қабілетін бұзбайтыны анықталған. Алайда дәрілік препараттарға жекеше реакциялар болатындықтан көлік құралдарын немесе аса қауіпті механизмдерді басқару қабілеті бұзылуы мүмкін. Мұны, әсіресе, ем басталғанда, препаратты ауыстырғанда, сондай-ақ алкогольмен қосқанда ескеру керек.

Артық дозалануы

Симптомдары: брадикардия, гипотония, бронх түйілуі, жедел жүрек жеткіліксіздігі және ЭКГ-да өткізгіштік бұзылулары.

Емі: симптоматикалық. Артық дозалану кезінде пайда болатын брадикардияны атропинмен (көктамыр ішіне 1-2 мг), изопреналинмен немесе уақытша кардиостимулятор қолданумен басуға болады. Артериялық қысым төмендеп кеткенде көктамыр ішіне сұйықтықтар енгізіп, қажет болса, катехоламиндер сияқты тамыр тарылтатын препараттар тағайындайды. Бронх түйілуінде теофиллин, теофиллин туындылары немесе -миметиктер тағайындалады.

Егер артық дозаланудан кейін 2 сағаттан аз уақыт өтсе, емделушіге белсендірілген көмір беріп, асқазанын шаю қажет. Жүрек ырғағына, қан қысымына, электролит теңгеріміне және глюкоза теңгеріміне бақылау жасау керек. Гемодиализ бисопролол шығарылуын болымсыз арттырады.

 

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салады.

3 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

ШТАДА Вьетнам Джойнт Ко. Лтд, Туан, Вьетнам

Тіркеу куәлігі иесі

ШТАДА Арцнаймиттель АГ

Штадаштрассе 2 - 18

D-61118 Бад Вилбель, Германия

телефон: + 49 6101 603-0

телефакс: + 49 6101 603-259

веб сайт: http://www.stada.de

ҚР аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

«Нижфарм» ААҚ Өкілдігі

050043, Қазақстан Республикасы,

Алматы қ., Хан-Тәңірі ықш., 55б

тел.: (727) 2222-100

факс: (727) 398-64-95

e-mail: almaty@stada.kz