Бисотекса® (2,5 мг)

МНН: Бисопролол
Производитель: ПРО.МЕД.ЦС Прага а.о.
Анатомо-терапевтическо-химическая классификация: Bisoprolol
Номер регистрации в РК: № РК-ЛС-5№121713
Период регистрации: 08.10.2015 - 08.10.2020

Инструкция

Саудалық атауы

Бисотекса®

Халықаралық патенттелмеген атауы

Бисопролол

Дәрілік түрі

Таблеткалар 2,5 мг, 5 мг, 10 мг

Құрамы

Бір таблетканың құрамында 2,5 мг

белсенді зат – бисопролол фумараты – 2,5 мг

қосымша заттар: түйіршіктелген микрокристалды целлюлоза, микрокристалды целлюлоза, кросповидон, магний стеараты, темірдің сары тотығы.

Бір таблетканың құрамында 5 мг

белсенді зат – бисопролол фумараты – 5 мг

қосымша заттар: түйіршіктелген микрокристалды целлюлоза, микрокристалды целлюлоза, кросповидон, магний стеараты.

Бір таблетканың құрамында 10 мг бар

белсенді зат – бисопролол фумараты – 5 мг

қосымша заттар: түйіршіктелген микрокристалды целлюлоза, микрокристалды целлюлоза, кросповидон, магний стеараты, темірдің сары тотығы, темірдің қызыл тотығы.

Сипаттамасы

Дөңгелек пішінді, екі беті дөңес, сары түсті, сындыру үшін сызығы бар, диаметрі 7 мм таблеткалар (2,5 мг доза үшін).

Дөңгелек пішінді, екі беті дөңес, ақ түсті, сындыру үшін сызығы бар, диаметрі 7 мм таблеткалар (5 мг доза үшін).

Дөңгелек пішінді, екі беті дөңес, күңгірт-қызғылт түсті, сындыру үшін сызығы бар, диаметрі 7 мм таблеткалар ( 10 мг доза үшін).

Фармакотерапиялық тобы

Бета-адреноблокаторлар. Селективті бета-адреноблокаторлар. Бисопролол.

АТХ коды C 07AB07

Фармакологиялық қасиеттері

Фармакокинетикасы

Абсорбциясы. Бисопролол асқазан-ішек жолдарынан іс жүзінде толық сіңіріледі, және өзінің бауырдан бірінші өтудегі жоғары емес жүйе алды метаболизмі себепті (10% жуық) оның биожетімділігі шамамен пероральді қабылдағаннан кейін 90% болады.

Таралуы. Бисопрололдың 30% жуығы плазма ақуыздарымен байланысады. Таралу көлемі 3.5 л/кг құрайды. Бисопрололдың жалпы клиренсі 15 л/сағат болады. Бисопрололдың жартылай шығарылу кезеңі 10-12 сағатқа тең, бұл препаратты бір рет қабылдағандағы 24 сағаттық әсерін қамтамасыз етеді.

Метаболизмі және шығарылуы. Бисопролол организмнен екі тәсілмен шығарылады. 50% белсенді емес метаболиттерге дейін бауырда метаболизденеді, олар кейін бүйрекпен шығарылады. Өзгермеген түрде 50% бүйрек арқылы шығарылады. Осы себепті бүйрек немесе бауыр жеткіліксіздігі бар емделушілерде доза түзету қажеттігі жоқ.

Созылмалы жүрек жеткіліксіздігі бар емделушілерде (NYHA бойынша III класс) бисопрололдың плазмалық концентрациясы жоғары, ал жартылай шығарылу кезеңі дені сау еріктілермен салыстырғанда ұзағырақ. Тепе-теңдік күйінде 10 мг тәуліктік дозада қан плазмасында ең жоғары концентрациясы 64 ± 21 нг/мл құрайды, жартылай ыдырау кезеңі 17 ± 5 сағат болады.

Фармакодинамика

Бисопролол –өзіндік симпатомиметикалық белсенділігі және жарғақша тұрақтандыратын әсері жоқ адренергиялық рецепторлардың жоғары селективті β1 - адреноблокаторы. Бронхтың тегіс бұлшықеттерінің, тамырлардың β2 – адренорецепторларына және ферменттер белсенділігінің жасушаішілік реттелуіне жауапты β2 – адренорецепторларға өте аз тектестігі бар, демек тыныс алу жолдарының тонусына және метаболизм үдерістеріне әсер етпейді.

Препаратты қолданудың басында, алғашқы 24 сағатта, жалпы шеткергі қантамырлар қарсыласуы біршама ұлғаяды (альфа-адренорецепторлар белсенділігінің реципрокты артуы нәтижесінде), ол 1-3 тәуліктен соң бастапқы деңгейіне оралады, ал ұзақ уақыт тағайындалғанда төмендейді.

Гипотензиялық, аритмияға қарсы және антиангиналық әсер көрсетеді.

Гипотензиялық тиімділігі қанның минуттық көлемі азаюымен, шеткергі тамырлардың симпатикалық стимуляциясымен, ренин-ангиотензинді жүйенің белсенділігінің төмендеуімен (рениннің бастапқы асқын сөлінісі бар науқастар үшін үлкен мәні бар), артериялық қысым (АҚ) төмендеуіне жауап ретіндегі сезімталдығы қалпына келуімен және орталық жүйке жүйесіне (ОЖЖ) әсер етуіне байланысты. Артериялық гипертензия кезінде әсері 2-5 күннен соң, әсерінің тұрақтануы 1-2 айдан соң басталады.

Антиангиналық әсері ЖЖЖ сиреуі және жиырылуының елеусіз азаюы, диастоланың ұзаруы, миокар­д перфузиясының жақсаруы нәтижесінде миокардтың оттегіні қажетсінуінің азаюынан болады.

Аритмияға қарсы әсері аритмогенді факторларды (тахикардия, симпатикалық жүйке жүйесі белсенділігінің жоғарылауы, цАМФ мөлшерінің көбеюі, артериялық гипертензия) жоюмен, синустық және эктопиялық ырғақ жетектегіштерінің күрт қозу жылдамдығын азайтумен және атриовентрикулярлық (AV) өткізгіштігін (көбінесе, атриовентрикулярлық түйін арқылы антеградты және аз дәрежеде ретроградты бағыттарда) қосымша жолдар бойында да баяулатумен жүзеге асады.

Селективті емес бета-адреноблокаторлардан айырмашылығы, орташа емдік дозаларда тағайындалғанда бета2-адренорецепторлары бар ағзаларға (ұйқы безі, қаңқа бұлшықеттері, шеткергі артериялардың, бронхтар мен жатырдың тегіс бұлшықеттері) және көмірсу алмасуына айқын ықпал етпейді, организмде натрий иондарының (Na+ ) іркілісін туғызбайды;

Қолданылуы

  • артериялық гипертензияда

  • жүректің ишемиялық ауруында: стенокардия ұстамаларының

профилактикасында

  • созылмалы жүрек жеткіліксіздігінде

Қолдану тәсілі және дозалары

Таблеткаларды ертеңгісін таңғы асқа дейін, аспен бірге немесе одан кейін қабылдау керек. Таблеткаларды шайнауға немесе ұнтақтауға болмайды. Қабылдау режимі және дозалауды дәрігер әр емделушіге жеке, атап айтқанда ЖЖЖ ескерумен таңдайды.

Артериялық гипертензияны және стенокардияны емдеу

Бастапқы доза күніне бір рет 5 мг құрайды. Қажет болғанда дозаны күніне бір рет 10 мг дейін арттыруға болады. Ұсынылатын ең жоғары доза күніне бір рет 20 мг Бисотекса® құрайды.

Созылмалы жүрек жеткіліксіздігін емдеу

СЖЖ стандартты емдеу АӨФ тежегіштерінен (немесе АӨФ тежегіштері жақпаған жағдайда ангиотензин рецепторлары блокаторлары, бета-блокатор, диуретиктер), қажет болған жағдайда жүрек гликозидтерінен тұрады. Емделушілер Бисотекса® емінің басында тұрақтандырылуы тиіс (жүрек жеткіліксіздігі өршуі белгілері болмауы керек).

Емдеуші дәрігердің созылмалы жүрек жеткіліксіздігі бар емделушілерді емдеуде тәжірибесі болғаны дұрыс.

Созылмалы жүрек жеткіліксіздігін Бисотекса® препаратымен емдеу келесі титрлеу сызбасымен сәйкес басталады. Осы орайда емделушінің тағайындалған дозаны қаншалықты жақсы көтере алатынына қарай әркімнің жекеше бейімделуі қажет болады, яғни дозаны егер алдыңғы доза көтерімділігі жақсы болған жағдайда ғана арттыруға болады.

1-ші апта:

1,25 мг күніне бір рет

2 ші апта:

2,5 мг күніне бір рет

3 ші апта:

3,75 мг күніне бір рет

4 - 7 ші апта:

5 мг күніне бір рет

8 -11 ші апта:

7,5 мг күніне бір рет

12 ші апта және одан әрі:

10 мг күніне бір рет демеуші ем ретінде

Созылмалы жүрек жеткіліксіздігін емдеуде ең жоғары ұсынылатын доза күніне 1 рет 10 мг Бисотекса® құрайды.

Препаратпен 1,25 дозада ем бастағаннан кейін емделушіні 4 сағат бойы бақылау керек (ЖЖЖ, АҚ бақылау, өткізгіштік бұзылуы, жүрек жеткіліксіздігі нашарлауы белгілері)

Титрлеу фазасы кезінде және одан кейін жүрек жеткіліксіздігі ағымының уақытша нашарлауы, организмдегі сұйықтықтың іркілуі, артериялық гипотензия және брадикардия болуы мүмкін. Бұл жағдайда бәрінен бұрын қатарлас базалық ем (диуретик және/немесе АӨФ тежегіші) дозаларын таңдауға зейін қою ұсынылады, Бисотекса® дозасын содан соң азайту керек.

Емделушінің жай-күйі тұрақтанғаннан кейін қайта титрлеу, немесе емді жалғастыру керек.

Бисотекса® препаратымен емделу ұзаққа созылады, препаратты тоқтату немесе дозасын өзгерту туралы шешімді тек дәрігер қабылдайды! Әсіресе, ишемиялық жүрек ауруы бар емделушілерде емді күрт үзуге болмайды. Егер емді тоқтата тұру қажет болса, күнделікті доза біртіндеп азайтылуы тиіс.

Жағымсыз әсерлері

Препараттың жағымсыз әсерінің жиілігі төмендегі түрде бағаланады:

Өте жиі:  1/10

Жиі:  1/100,  1/10

Жиі емес:  1/1000,  1/100

Сирек:  1/10 000,  1/1000

Өте сирек:  1/10 000

Өте жиі

  • брадикардия

Жиі

  • осыған дейін болған жүрек жеткіліксіздігінің нашарлауы

  • өтпелі бас айналуы, бас ауыруы

  • жүрек айнуы, құсу, диарея, іш қату

  • аяқ-қолдағы суықты немесе жансыздануды сезіну, гипотония

  • астения, шаршағыштық

Жиі емес

  • атриовентрикулярлық өткізгіштің бұзылуы

  • сыртартқысында бронх демікпесімен немесе тыныс ағзаларының обструктивті ауруымен емделушілердегі бронхтүйілуі

  • бұлшықет әлсіздігі, бұлшықет түйілуі

  • депрессия, ұйқының бұзылуы

  • ортостатикалық гипотензия

Сирек

  • триглицеридтер деңгейінің жоғарылауы, бауыр ферменттері деңгейінің жоғарылауы (АЛТ, АСТ)

  • жас ағуының азаюы (емделуші жанаспалы линза қолданғанда ескеру керек)

  • естудің бұзылуы

  • аллергиялық ринит

  • қышыну, қызару, бөртпе секілді аса жоғары сезімталдық реакциялары

  • гепатит

  • потенцияның бұзылуы

  • түнгі қорқыныштар, елестеулер, естен тану

Өте сирек

  • конъюнктивит

  • псориаз дамуы немесе бұрыннан бар ауруды немесе псориаз сияқты бөртулердің өршуі

  • алопеция

Қолдануға болмайтын жағдайлар

  • бисопрололға немесе препараттың кез келген компоненттерінің біреуіне және басқа да бета-адреноблокаторларға жоғары сезімталдық

  • жүректің жедел жеткіліксіздігі, декомпенсацияланған сатыдағы созылмалы жүрек жеткіліксіздігі

жүрек функциясының бұзылуынан болатын шок (кардиогенді шок), коллапс

- ІІ немесе ІІІ дәрежелі атриоветрикулярлы блокада, электрокардиостимуляторсыз

- синустық түйіннің әлсіздік синдромы

- синоатриальді блокада

- симптоматикалық брадикардия

- симптоматикалық гипотензия

- сыртартқыдағы бронх демікпесінің және өкпенің созылмалы обструкциялық ауруының ауыр түрлері

- шеткергі қан айналу бұзылуларының кешеуілді сатылары, Рейно ауруы

- бүйрек үсті бездерінің емделмеген ісіктері (феохромоцитома)

- метаболизмдік ацидоз

- 18 жасқа дейінгі балаларға (тиімділігі мен қауіпсіздігі анықталмаған).

Дәрілермен өзара әрекеттесуі

Ұсынылмайтын біріктірілімдер:

- Аритмияға қарсы 1 класс дәрілері (мысалы, хинидин, дизопирамид, лидокаин, фенитоин; флекаинид, пропафенон) атриовентрикулярлық өткізгіштік және жүрек бұлшықеттерінің жиырылғыштық қабілетіне қатысты Бисотекса® препаратының бәсеңдететін әсерін күшейтуі мүмкін, теріс ионотропты әсері күшеюі мүмкін.

- Верапамил типті кальций антагонистері, аз дәрежеде, дилтиаземды, Бисотекса® препаратымен бір мезгілде қолданғанда жүрек бұлшықеттерінің жиырылғыштық қабілетінің төмендеуіне алып келуі мүмкін, және атриовентрикулярлық импульстардың жүргізілуін іркуі мүмкін. Бета-блокаторлармен ем қабылдайтын емделушілерге верапамилді көктамыр ішіне енгізу терең гипотензияға және атриовентрикулярлық блокадаға алып келуі мүмкін.

- Орталықтық әсері бар гипотензиялық препараттар (клонидин, метилдопа, моксонидин, рилменидин сияқты) ЖЖЖ және жүрек лықсытуының қысқаруына, сондай-ақ орталық симпатиялық тонустың төмендеуі салдарынан вазодилатацияға алып келуі мүмкін. Күрт тоқтату, әсіресе бета-блокаторларды тоқтатқанға дейін «рикошетты» гипертензия даму қаупін ұлғайтуы мүмкін.

Сақтықпен пайдаланылуы керек біріктірілімдер:

- Дигидропиридинді типтегі кальций антагонистері (мысалы, нифедипин, фелодипин, амлодипин) Бисотекса® препаратымен бір мезгілде қолданғанда гипотензия даму қаупін жоғарылатуы мүмкін. Жүрек жеткіліксіздігі бар емделушілерде қарыншаның сорғылық функциясын кейінгі төмендетуі қаупін жоққа шығаруға болмайды.

- III класты антиаритмиялық препараттар (мысалы, амиодарон). атриовентрикулярлық импульстар жүруіне Бисотекса® препаратының бәсеңдететін әсерін күшейтуі мүмкін.

- Жергілікті бета-блокаторлар (мысалы, глаукома емдеуге арналған көз тамшысы) әсері Бисотекса® препаратының жүйелік әсерімен қосылып күшеюі мүмкін.

Парасимпатомиметикалық препараттар Бисотекса® препаратымен бір мезгілде қолданғанда атриовентрикулярлық импульстар жүруін бәсеңдететін әсерін күшейтуі және брадикардияның даму қаупін жоғарылатуы мүмкін.

- Инсулин немесе пероральді қолдануға арналған диабетке қарсы препараттардың қантты төмендететін әсері күшеюі мүмкін. Қандағы глюкоза (гипогликемия) деңгейінің төмендеу белгілері – атап айтқанда ЖЖЖ артуын (тахикардия) – бүркемеленуі немесе бәсеңдетілуі мүмкін. Бұған ұқсас өзара әрекеттесулердің селективті емес бета-блокаторлар қолданғанда ықтималдығы жоғары.

- Жансыздандыратын препараттар Бисотекса® препаратының жүректі бәсеңдететін әсерін күшейтуі, гипотензияға алып келуі мүмкін (жалпы жансыздандыру бойынша толығырақ ақпаратты алу үшін Айрықша нұсқаулар және сақтық шаралары бөлімін қараңыз)

- Жүрек гликозидтері (дигиталис) Бисотекса® препаратымен бір мезгілде қолданғанда импульстар жүру уақытының артуына, осылайша ЖЖЖ төмендеуіне алып келуі мүмкін.

- Қабынуға қарсы стероидты емес дәрілер (ҚҚСД) Бисотекса® препаратының гипотензиялық әсерін төмендетуі мүмкін.

Бисотекса® препаратын және бета-симпатомиметиктерді (мысалы, изопреналин, добутамин) бір мезгілде қолдану екі препараттың да әсері төмендеуіне алып келуі мүмкін.

Бисотекса® препаратын симпатомиметиктермен, белсендіретін және бета және альфа адренорецепторларымен (мысалы, норадреналин, адреналин) үйлестіру осы препараттардың альфа-адренорецепторлар арқылы жүретін вазоконстрикторлық әсерін, қан қысымы жоғарылауына алып келе отырып, күшейтуі мүмкін.

Селективті емес бета-блокаторлар қолданғанда осыған ұқсас өзара әрекеттесулер болуы ықтимал.

Гипертензияға қарсы дәрілер, сондай-ақ гипертензияға қарсы болжамды әсері бар басқа да дәрілер (мысалы, үш циклды антидепрессанттар, барбитураттар, фенотиазиндар) Бисотекса® препаратының гипотензиялық әсерін күшейтуі мүмкін.

Талқылануы керек біріктірілімдер

Мефлохин Бисотекса® препаратымен бір мезгілде қолданғанда ЖЖЖ төмендеу қаупін (брадикардия) ұлғайтуы мүмкін.

Моноаминоксидаза тежегіштері (моноаминоксидаза В тежегіштерін қоспағанда) бета-блокаторлардың гипотензиялық әсерін күшейтуі мүмкін. Сондай-ақ бір мезгілде қолданғанда гипертензиялық криз дамуына алып келуі мүмкін.

Айрықша нұсқаулар

Препаратты келесі қатарлас жай-күйлерде сақтықпен қолдану керек:

  • қандағы глюкоза деңгейінің елеулі тербелістері бар қант диабеті: тахикардия, жүрек қағуы немесе тершеңдік сияқты глюкоза деңгейінің анық төмендеу (гипогликемия) симптомдары бүркемеленуі мүмкін

  • дене салмағын азайтуға арналған қатаң емдәм

  • жалғасатын десенсибилизациялаушы ем

  • атриовентрикулярлық өткізгіштіктің орташа бұзылуы (бірінші дәрежелі AV-блокадасы)

  • тамырлық түйілу себептері бойынша коронарлық тамырларда қан ағынының бұзылуы (Принцметал стенокардиясы)

  • артерияның шеткергі окклюзиялық зақымдануы (ем басталғаннан кейін симптомдар күшеюі мүмкін)

  • псориаздан зардап шегуші, немесе сыртартқысында псориаз барлар.

  • бронх демікпесінде немесе өкпенің басқа симптоматикалық созылмалы обструкциялық ауруларында қатарлас бронх кеңейту емі көрсетілген. Демікпесі бар емделушілерде кейде тыныс алу жолдары төзімділігінің артуы болуы мүмкін, бұл бета2-симпатомиметиктердің жоғары дозалануын талап етеді.

  • бета-блокаторлар, Бисотекса® қоса, бета-блокаторлардың әсер етуімен адренергиялық кері реттелістің әлсіреуі салдарынан, аллергендерге сезімталдықты және анафилактикалық реакциялар ауырлығын арттыруы мүмкін. Адреналинмен емдеу үнемі күтілетін емдік нәтиже бере бермейді.

  • Жалпы анестезияда анестезиолог жалпы жансыздандыру жасалатын емделушілерде бета-блокаторларды абайлап қолдануы тиіс. Егер емделушіге операция алдында Бисотекса® тағайындау қажет болса, оны жансыздандырудан толық 48 сағат бұрын біртіндеп жүзеге асырған жөн.

  • бүйрек үсті бездерінің ісігі (феохромоцитома) бар емделушілерде Бисотекса® препаратын альфа-рецепторлардың алдыңғы блокадасынан кейін ғана тағайындауға болады.

  • Бисотекса® препаратымен тиреотоксикозы бар науқастарды емдегенде қалқанша без гиперфункциясы симптомдары бүркемеленуі мүмкін.

  • бүйрек функциясының айқын бұзылуларында (креатинин клиренсі 20 мл/минуттан аз) және ауыр сипатты бауыр аурулары бар емделушілерде ең жоғары тәуліктік доза 10 мг құрайды.

Бисопрололды балаларда қолдану тәжірибесі жеткіліксіз, сондықтан Бисотекса® препаратын балаларда қолдану ұсынылмайды.

Жүктілік және лактация кезеңі

Жүктілік кезеңінде, егер ана үшін пайдасы ұрықтағы жағымсыз әсерлердің даму қаупінен артық болған жағдайда ғана, Бисотекса® ұсынуға болады. Әдеттегідей, бета-адреноблокаторлар плацентадағы қан ағымын төмендетіп, ұрықтың дамуына ықпал ете алады. Плацента мен жатырдағы қан ағымын ұқыпты қадағалап, келешек сәбидің өсуі мен дамуын да бақылап, ал жүктілікке немесе ұрыққа қатысты қатері білінген жағдайда баламалы емдік шаралар қабылдау керек.

Босанудан кейін жаңа туған нәрестені мұқият тексеруден өткізу керек. Тіршілігінің алғашқы үш күнінде ЖЖЖ және қандағы глюкоза деңгейінің төмендеу симптомдары туындауы мүмкін.

Бисопрололдың емшек сүтіне бөлінуі немесе бисопрололдың емшектегі балаларға әсер ету қауіпсіздігі туралы деректер жоқ. Сондықтан бала емізу кезеңіндегі әйелдерге Бисотекса® препаратын қабылдау ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бисопролол жүректің коронарлық қан тамырлары ауруларынан зардап шегетін емделушілерді зерттеу кезінде автокөлік басқару қабілетіне ықпал етпеген. Алайда жекеше реакциялар салдарынан автокөлік басқару немесе техникалық күрделі механизмдермен жұмыс істеу қабілеті бұзылуы мүмкін. Бұған емдеудің басында, дозаны өзгерткеннен кейін, сондай-ақ бір мезгілде алкоголь тұтынғанда ерекше назар аударған жөн.

Артық дозалануы

Симптомдары: аритмия, қарыншалық экстрасистолия, айқын брадикардия, атриовентрикулярлық блокада, АҚ айқын төмендеуі, жедел жүрек жеткіліксіздігі, гипогликемия, акроцианоз, тыныстың тарылуы, бронх түйілуі, бас айналу, естен тану ахуалдары, құрысулар.

Емі: Бисотекса®препаратын қабылдауды тоқтату, асқазанды шаю және сіңіргіш дәрілік заттар тағайындау.

Симптоматикалық ем:

- Брадикардия – атропинді көктамыр ішіне енгізу, реакция жеткіліксіздігінде изопреналин немесе басқа оң хронотропты әсері бар дәрілерді сақтықпен қолдануға болады. Белгілі бір жағдайларда көктамыр арқылы өтпелі кардиостимулятор керек болуы мүмкін.

- Гипотония – сұйықты және тамыр тарылтатын препараттарды, сондай-ақ глюкагонді көктамыр ішіне енгізу

- Атриовентрикулярлық блокада - 1-2 мг атропин, эпинефринді көктамыр ішіне енгізу немесе уақытша кардиостимулятор қою

- Қарыншалық экстрасистолия – лидокаин (IА класс препараттары қолданылмайды)

- Жүрек жеткіліксіздігі – жүрек гликозидтері, диуретиктер, глюкагон

- Құрысулар – көктамыр ішіне диазепам

- Бронх түйілуінде - бета2 – адреностимуляторлар ингаляциямен

- Гипогликемия – көктамыр ішіне глюкоза енгізу.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан салынған.

3 пішінді қаптамадан медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ жерде, 15-25С-ден аспайтын температурада.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

ПРО.МЕД.ЦС Прага а.о.

Телчска 1, 140 00 Прага 4

Чех Республикасы

Қаптаушы

ПРО.МЕД.ЦС Прага а.о.

Телчска 1, 140 00 Прага 4

Чех Республикасы

Тіркеу куәлігінің иесі

ПРО.МЕД.ЦС Прага а.о.

Телчска 1, 140 00 Прага 4

Чех Республикасы

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«PROM.MEDIC.KAZ.» ЖШС Қазақстан Республикасы 050051

Алматы қ., Достық даңғ. 132, кеңсе 9, тел. 8(727)260-89-36

Email: sekretar@prommedic.kz

 

Прикрепленные файлы

802463731477976388_ru.doc 115 кб
093260991477977589_kz.doc 109.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники