Бисопролол (5 мг, Борисовский завод медицинских препаратов ОАО) (Bisoprolol)
Инструкция
-
русский
-
қазақша
Саудалық атауы
Бисопролол
Халықаралық патенттелмеген атауы
Бисопролол
Дәрілік түрі, дозасы
Қабықпен қапталған таблеткалар 5 мг және 10 мг
Фармакотерапиялық тобы
Жүрек-қантамыр жүйесі. Бета-адреноблокаторлар. Селективті бета-адреноблокаторлар. Бисопролол.
АТХ коды C07AB07.
Қолданылуы
- артериялық гипертензияда;
- жүректің ишемиялық ауруында (стенокардия)
Қолдану басталғанға дейін қажетті мәліметтер тізбесі
Қолдануға болмайтын жағдайлар
- Бисопрололға немесе препараттың кез келген компоненттерінің біреуіне жоғары сезімталдық;
- жүректің жедел жеткіліксіздігі немесе вена ішіне инотропты емді талап ететін декомпенсация сатысындағы жүрек жеткіліксіздігі;
- кардиогендік шок;
- II және III дәрежедегі атриовентрикулярлық блокада (электрокардиостимуляторсыз);
- синусты түйін әлсіздігі синдромы;
- синоатриальді блокада;
- симптоматикалық брадикардия;
- симптоматикалық гипотензия;
- анамнезде бронх демікпесінің ауыр түрі және өкпенің созылмалы обструктивті аурулары;
- шеткері артериялық обтурациялайтын аурулардың кеш сатылары немесе Рейно ауруы;
- емделмеген феохромоцитома;
- метаболизмдік ацидоз;
- 18 жасқа дейінгі балалар (аталған жас тобында тиімділігі мен қауіпсіздігі анықталмаған);
- жүктілік және лактация кезеңі.
Сақтықпен
- қатар жүретін жүрек жеткіліксіздігімен гипертония немесе стенокардия;
- қанда глюкоза деңгейінің айқын ауытқуымен болатын диабет; бүркемеленуі мүмкін гипогликемия симптомдары (мысалы, тахикардия, жүректің жиі қағуы немесе тершеңдік);
- қатаң диета сақтау;
– ұзаққа созылған десенсибилизациялайтын ем;
- АВ-блокаданың бірінші дәрежесі;
- Принцметал стенокардиясы;
- шеткері артериялық обтурациялайтын аурулар (әсіресе емнің басында шағымдары көбеюі мүмкін);
- анамнезінде псориаз бар пациенттерге, бета-блокаторлар (мысалы, Бисопролол) тек пайда/ қауіп арақатынасын бағалағаннан кейін тағайындалуы керек.
Қолданған кездегі қажетті сақтандыру шаралары
Анамнезінде немесе отбасылық анамнезінде псориаз бар пациенттерге бета-блокаторлар пайда/ қауіп арақатынасын мұқият бағалағаннан кейін ғана тағайындалуы мүмкін.
Басқа дәрілік препараттармен өзара әрекеттесуі
Бисопрололдың тиімділігі мен көтерімділігіне басқа дәрілік заттарды бір мезгілде қолдану әсер етуі мүмкін. Осындай өзара әрекеттесу екі дәрілік зат қысқа мерзім аралығында қабылданған жағдайда да байқалуы мүмкін. Оларды дәрігердің тағайындауынсыз (яғни рецептісіз босатылатын препараттар) қабылдаған жағдайдың өзінде де дәрігерді басқа дәрілік затты қабылдағаны жөнінде ескерту керек.
Ұсынылмайтын біріктірілімдер
I класты антиаритмиялық препараттар (мысалы хинидин, дизопирамид, лидокаин, фенитоин, флекаинид, пропафенон). AV-өткізгіштік уақытына әсерінің күшеюі және теріс инотропты әсерінің артуы байқалуы мүмкін.
Верапамил тобынан және аз дәрежеде дилтиазем тобынан кальций өзекшелерінің блокаторлары. AV-өткізгіштікке және жиырылғыштыққа жағымсыз әсері. Бета-адреноблокаторлармен ем алатын пациенттерге верапамилді енгізу, айқын артериялық гипотензия және AV блокада дамуымен қатар жүруі мүмкін.
Орталықтық әсерімен антигипертензиялық дәрілер (мысалы клофелин, метилдопа, моксонидин, рилменидин). Орталықтық әсерімен антигипертензиялық препараттарды бір мезгілде қолдану орталық жүйке жүйесінің симпатикалық тонусын қосымша төмендетуі мүмкін, және осының салдарынан жүректің жиырылу жиілігін және жүрек лықсуын азайтуы, сондай-ақ вазодилатацияны туындатуы мүмкін. Әсіресе алдын ала бета-адреноблокаторларды қабылдауды тоқтату жағдайында дереу емді тоқтату рикошет әсерінің (артериялық гипертензия) даму қаупін арттыруы мүмкін.
Сақтықпен қолданылуы керек біріктірілімдер
Дигидропиридинді типтегі кальций өзекшелерінің блокаторлары (мысалы фелодипин мен амлодипин). Біріктірілген қолдану артериялық гипотензия қаупін арттыруы және жүрек жеткіліксіздігі бар пациенттерде қарыншаның сорғы функциясының төмендеуі мүмкін екенін жоққа шығаруға болмайды.
III класты антиаритмиялық препараттар (мысалы, амиодарон). AV-өткізгіштік уақытына әсерінің күшеюі байқалуы мүмкін.
Парасимпатомиметиктер. Бір мезгілде қолдану AV-өткізгіштік уақытын ұзартуы және брадикардияның даму қаупін жоғарылатуы мүмкін.
Жергілікті қолдануға арналған бета-адреноблокаторлар (мысалы глаукоманы емдеуге арналған көз тамшылары). Бисопрололдың жүйелі әсерін күшейтуі мүмкін.
Инсулин мен пероральді қантты төмендететін препараттар. Гипогликемиялық әсерінің күшеюі. Бета-адренорецепторлардың бөгелісі гипогликемия симптомдарын бүркемелеуі мүмкін.
Анестетиктер. Рефлекторлы тахикардияның бәсеңдеуі мен артериялық гипотензия қаупінің артуы («Айрықша нұсқаулар» бөлімін қараңыз).
Оймақгүл препараттары. Атриовентрикулярлық өткізгіштік уақытының артуы, жүректің жиырылу жиілігінің азаюы.
Қабынуға қарсы стероидты емес препараттар (ҚҚСП). Бисопрололдың гипотензивті әсерін басуы мүмкін.
Бета-симпатомиметиктер (мысалы, изопреналин, добутамин). Бисопрололмен біріктірілімі екі препараттың да әсерін басуы мүмкін.
Бета-, сондай-ақ альфа-адренорецепторларға (мысалы норадреналин, адреналин) әсер ететін симпатомиметиктер. Бисопрололмен біріктірілімі осы препараттардың альфа-адренорецептор-арқылы қантамырларды тарылтатын әсерін күшейтуі мүмкін, ол артериялық қысым деңгейінің жоғарылауына және мезгіл-мезгіл ақсақтықтың өршуіне әкеледі. Аталған өзара әрекеттесудің селективті емес бета-адреноблокаторларды қолданғанда болу мүмкіндігі жоғары.
Антигипертензиялық препараттарды немесе басқа артериялық қысымды төмендететін препараттарды (мысалы үшциклді антидепрессанттарды, барбитураттарды, фенотиазиндерді) бір мезгілде қолдану, артериялық гипотензия даму қаупін жоғарылатуы мүмкін.
МАО тежегіштері (МАО В тежегіштерін қоспағанда) бета-адреноблокаторлардың гипотензивті әсерін күшейтуі мүмкін. Бір мезгілде қолдану сондай-ақ гипертониялық криздің дамуына әкелуі мүмкін.
Арнайы ескертулер
Емді тоқтату және тоқтату синдромы: бисопрололмен емдеуді күрт үзбеу немесе дәрігермен алдын ала кеңесіп алмай ұсынылған дозаны өзгертпеу керек, себебі бұл жүрек қызметінің уақытша нашарлауына әкелуі мүмкін.
Емдеуді, әсіресе жүректің ишемиялық ауруы бар пациенттерде кенеттен үзуге болмайды (стенокардия ұстамаларының ауырлауы, миокард инфарктісінің дамуы және бета-адреноблокаторларды қабылдауды кенеттен тоқтатқанда жүректің ишемиялық ауруы бар пациенттерде қарыншалық аритмиялардың пайда болуы байқалды). Егер емдеуді тоқтату қажет болса, бисопролол дозасын біртіндеп төмендету керек. Стенокардия едәуір ауырлаған немесе жедел коронарлық синдром дамыған жағдайда бисопролол қабылдауды уақытша жалғастыру керек.
Препаратты сақтықпен қолдану қажет аурулар:
Бисопрололды мынадай жағдайларда сақтықпен қолдану керек:
- өкпенің созылмалы обструктивті ауруының ауыр түрлері және бронх демікпесінің ауыр емес түрлері;
- қандағы глюкоза концентрациясының айтарлықтай ауытқулары бар қант диабеті: бисопролол тахикардия, жүрек соғысы немесе қатты терлеу сияқты гипогликемия белгілерін (қандағы глюкоза концентрациясының айқын төмендеуі) жасыру мүмкін;
- қатаң диета;
- десенсибилизациялайтын ем жүргізу;
- I дәрежелі AV-блокада;
- вазоспастикалық стенокардия (Принцметал стенокардиясы); коронароспазм жағдайлары байқалды. Жоғары бета1-селективтілігіне қарамастан, Принцметал стенокардиясы бар пациенттерде бисопрололды қабылдаған кезде стенокардия ұстамаларын толығымен жоққа шығаруға болмайды. Препаратты аса сақтықпен қабылдау керек;
- жеңіл және орташа дәрежедегі шеткері артериялық қан айналымының бұзылуында (емнің басында симптомдардың күшеюі туындауы мүмкін);
- псориаз (оның ішінде анамнезінде).
ЖҚЖ аурулары: бета-адреноблокаторларды декомпенсацияланған жүректің созылмалы жеткіліксіздігінде пациенттің жағдайы тұрақтанғанға дейін қолдануға болмайды.
Бисопрололды қолданудың бастапқы кезеңдерінде пациенттер тұрақты бақылауды қажет етеді.
Бета-адреноблокаторлар брадикардияны тудыруы мүмкін. Тыныштықта жүрек жиырылу жиілігі 50-55 соғу./мин аз сиреген кезде бисопролол дозасын азайту немесе қабылдауды тоқтату керек.
Басқа бета-адреноблокаторлар сияқты, бисопролол ЭКГ-да PQ аралығын ұзартуы мүмкін. Бисопрололды I дәрежелі AV-блокадасы бар пациенттерде сақтықпен қолдану керек.
Селективті емес бета-адреноблокаторлар альфа-рецепторлар арқылы коронарлық артериялардың вазоконстрикциясы салдарынан вазоспастикалық стенокардиясы (Принцметал стенокардиясы) бар пациенттерде жүрек қыспаларының жиілігі мен ұзақтығын арттыруы мүмкін. Вазоспастикалық стенокардия кезінде кардиоселективті бета1-адреноблокаторларды (бисопрололды қоса) сақтықпен қолдану керек.
Қазіргі уақытта 1 типті қант диабетімен, бүйрек және/немесе бауыр функциясының айқын бұзылуымен, рестриктивті кардиомиопатиямен, туа біткен жүрек ақауларымен немесе айқын гемодинамикалық бұзылулары бар жүрек қақпақшасының ақауымен үйлесімде созылмалы жүрек жеткіліксіздігі бар пациенттерде бисопрололды қолдануға қатысты деректер жеткіліксіз. Сондай-ақ, осы уақытқа дейін соңғы 3 ай ішінде миокард инфарктісімен жүректің созылмалы жеткіліксіздігі бар пациенттерге қатысты жеткілікті деректер алынған жоқ.
Жанаспалы линзалар: жанаспалы линзаларды пайдаланатын пациенттер бета-адреноблокаторларды қолдану аясында көз жасы сұйықтығының өнімі төмендеуі мүмкін екенін ескеруі тиіс.
Жоғары сезімталдық реакциялары: Бета-адреноблокаторлар, бисопрололды қоса, бета-адреноблокаторлардың әсерінен адренергиялық компенсаторлық реттеудің әлсіреуіне байланысты аллергендерге сезімталдықты және анафилаксиялық реакциялардың/аса жоғары сезімталдық реакцияларының ауырлығын арттыруы мүмкін. Бета-адреноблокаторларды қабылдау аясында эпинефриннің (адреналиннің) әдеттегі емдік дозаларын қолдану әрқашан қалаған клиникалық әсерге қол жеткізе бермейді. Анамнезде аса жоғары сезімталдықтың ауыр реакциялары бар немесе десенсибилизация курсынан өтетін пациенттерге бисопрололды тағайындау кезінде сақ болу қажет.
Тыныс алу жүйесі: селективті бета1-адреноблокаторлар селективті емес бета-адреноблокаторларға қарағанда тыныс алу жүйесінің қызметіне аз дәрежеде әсер ететініне қарамастан, созылмалы обструктивті өкпе ауруы және бронх демікпесінің ауыр емес нысандары бар пациенттерге бисопрололды аса сақтықпен және оны қолданудың ықтимал артықшылықтары әлеуетті қауіптен асып кеткен жағдайда ғана тағайындау керек. Бронх демікпесі немесе өкпенің созылмалы обструктивті ауруы кезінде бронходилатациялайтын дәрілермен бір мезгілде қолдануға болады. Бронх демікпесі бар пациенттерде тыныс алу жолдарының резистенттілігінің жоғарылауы мүмкін, бұл бета2-адреномиметиктердің анағұрлым жоғары дозасын талап етеді.
Өкпенің созылмалы обструктивті ауруы бар пациенттерде жүрек жеткіліксіздігін емдеу мақсатында кешенді емде тағайындалатын бисопрололды қолдануды ең аз ықтимал дозадан бастаған жөн, ал пациенттерде жаңа симптомдардың пайда болуын (мысалы, ентігу, дене жүктемелеріне төзбеушілік, жөтел) мұқият бақылаған жөн.
Кең көлемді хирургиялық араласулар және жалпы анестезия: хирургиялық араласулар жүргізу қажет болған жағдайда анестезиолог-дәрігерге пациенттің бета-адреноблокаторларды (ауыр брадиаритмиялардың дамуымен дәрілік өзара әрекеттесу қаупі, рефлекторлық тахикардияның және артериялық гипотензияның төмендеуі) қабылдайтыны туралы ескерту керек. Периоперациялық кезеңде бисопрололды қабылдауды айқын қажеттіліксіз тоқтатпау ұсынылады (себебі бета-адренорецепторлардың блокадасы кіріспе наркоз және трахея интубациясы кезінде аритмия және миокард ишемиясының пайда болу қаупін азайтады).
Хирургиялық араласу алдында бисопрололмен емдеуді тоқтату қажет болған жағдайда препаратты операциядан кемінде 48 сағат бұрын тоқтату керек.
Феохромоцитома: феохромоцитомасы бар пациенттерде бисопрололды альфа-адреноблокаторларды қолдану аясында ғана тағайындауға болады.
Тиротоксикоз: қалқанша безінің гиперфункциясында бета-адреноблокаторлар (бисопрололды қоса) тахикардияны жасырып тиреотоксикоз симптомдарының анықтылығын төмендетуі мүмкін. Препаратты күрт тоқтату ауру симптомдарының өршуіне және тиреоуытты криздің дамуына әкелуі мүмкін.
Псориаз: бисопрололды псориазы бар пациетттерде қолдану туралы мәселені шешу кезінде препаратты қолданудың болжамды пайдасы мен псориаз ағымының асқыну қаупін мұқият салыстыру керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Бисопролол жүректің коронарлық қантамырларының ауруларымен зардап шегетін пациенттерге зерттеу жүргізгенде автокөлікті басқару қабілетіне әсер етпейді. Алайда, жекелей реакциялары салдарынан автокөлікті басқару немесе техникалық тұрғыда күрделі механизмдермен жұмыс жасау қабілеті бұзылуы мүмкін. Осыған емнің басында, дозаны өзгерткеннен кейін, сондай-ақ бір мезгілде алкоголь қабылдағанда ерекше назар аудару керек.
Қолдану бойынша ұсыныстар
Дозалау режимі
Таблеткаларды ертеңгісін таңғы асқа дейін, аспен бірге немесе одан кейін шайнамай, сұйықтықтың аздаған мөлшерімен қабылдау керек.
Дозалануы
Ем негізінен біртіндеп кейіннен жоғарылатылатын аз дозадан басталуы керек. Барлық жағдайларда пульстің жиілігін және емдік әсерін ескеріп доза жекелей таңдалуы керек.
Артериялық гипертензия, жүректің ишемиялық ауруы (стенокардия)
Ұсынылған доза тәулігіне 5 мг (5 мг Бисопрололдың 1 таблеткасы) құрайды. Қажет болғанда тәуліктік дозаны тәулігіне 10 мг дейін (10 мг Бисопрололдың 1 таблеткасы) арттыруға болады. Жекелеген жағдайларда ғана дозаны жоғарылатуға болады. Ең жоғары тәуліктік доза-20 мг.
Титрлеу. Бисопрололмен емдеу келесідегідей дозаны біртіндеп, жоғарылатумен басталуы керек:
1-ші апта-күніне бір рет 1,25 мг. Жақсы көтерімділігінде 2-ші аптада - күніне бір рет 2,5 мг. Жақсы көтерімділігінде 3-ші аптада - күніне бір рет 3,75 мг. Жақсы көтерімділігінде 4-7 апта ішінде дозаны күніне бір рет 5 мг дейін жоғарылатады. Жақсы көтерімділігінде келесі 4 апта ішінде дозаны күніне бір рет 7,5 мг дейін жоғарылатады. Жақсы көтерімділігінде тұрақты демеуші доза ретінде дозаны күніне бір рет 10 мг дейін жоғарылатады.
Титрлеу фазасы кезінде пульс, артериялық қысым және жүрек емінің нашарлау белгілерін мұқият мониторингілеу керек.
Дозаны түзету. Егер ұсынылатын ең жоғары дозаның көтерімділігі нашар болса, дозаны біртіндеп төмендету керек.
Жүрек жеткіліксіздігінің уақытша нашарлауында, гипотензияда немесе брадикардияда Бисопрололмен емді уақытша қысқарту немесе тоқтатуды қарастыруға болады. Науқастың жағдайы тұрақтанған әрбір жағдайда емді жаңғырту үшін Бисопрололдың дозасын титрациялау керек.
Емді тоқтату
Дозаны біртіндеп төмендету керек, өйткені дереу тоқтату аурудың жедел өршуіне әкелуі мүмкін. Дозаны біртіндеп төмендету керек (аптасына 25% - ға).
Бүйрек немесе бауыр функциясының бұзылуы бар пациенттер. Артериялық гипертензиямен немесе жүректің ишемиялық ауруымен және жеңіл және орташа дәрежедегі ауырлықтағы бауыр немесе бүйрек функциясының бұзылуымен пациенттер үшін әдетте дозаны таңдау қажет етілмейді. Бүйрек жеткіліксіздігінің ауыр түрімен (креатинин клиренсі 20 мл/мин кем) және бауыр жеткіліксіздігінің ауыр түрімен пациенттер үшін тәуліктік доза 10 мг Бисопрололдан аспауы керек.
Егде жастағы пациенттер. Препарат дозасын түзету талап етілмейді.
Артық дозаланған жағдайда қабылдануы тиіс шаралар
Симптомдары: аритмия, қарыншалық экстрасистолия, айқын брадикардия, AV-блокада, АҚ айқын төмендеуі, жүректің созылмалы жеткіліксіздігі, саусақ тырнақтарының немесе алақан цианозы, тыныстың тарылуы, бронхтүйілуі, бас айналуы, естен тану жағдайлары, құрысулар.
Емі: асқазанды шаю және адсорбенттерді тағайындау; симптоматикалық ем: AV блокада дамығанда - 1-2 мг атропинді, эпинефринді в/і енгізу немесе уақытша кардиостимуляторды қою; қарыншалық экстрасистолияда - лидокаин (IA класты препараттар қолданылмайды); АҚ төмендегенде науқас Тренделенбург қалпында болуы керек; егер өкпе ісінуі белгілері болмаса - в/і плазма алмастыратын ерітінділер, тиімсіз болса - эпинефрин, допамин, добутаминді енгізу; жүрек жеткіліксіздігінде – жүрек гликозидтері, диуретиктер, глюкагон; құрысуларда - в/і диазепам; бронхтүйілуінде ингаляциялық бета-адреностимуляторлар. Гипогликемия: глюкозаны вена ішіне енгізу. Бисопролол диализ кезінде ағзадан нашар шығарылады.
Дәрілік препараттың қолдану тәсілін түсіндіру үшін медициналық қызметкерге кеңес алу үшін хабарласу ұсынылады
ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар
Орталық жүйке жүйесі
Жиі:
- бас айналуы*, бас ауыруы*.
Сирек:
- естен тану.
Жалпы бұзылулар
Жиі:
- астения (СЖЖ бар пациенттерде), жоғары шаршағыштық*.
Жиі емес:
- астения (артериялық гипертензиясы немесе стенокардиясы бар пациенттерде).
Психикалық бұзылулар
Жиі емес:
- депрессия, ұйқысыздық.
Сирек:
- елестеулер, түнгі қорқыныштар.
Көру мүшелері тарапынан
Сирек:
- жас ағуының азаюы (жанаспалы линза таққанда ескеру керек).
Өте сирек:
- конъюнктивит.
Есту мүшелері тарапынан
Сирек:
- есту қабілетінің бұзылуы.
Жүрек-қантамыр жүйесі тарапынан
Өте жиі:
- брадикардия (СЖЖ бар пациенттерде).
Жиі:
- СЖЖ ағымы симптомдарының нашарлауы (СЖЖ бар пациенттерде);
- аяқ-қолдың салқындауын немесе жансыздануын сезіну.
- АҚ айтарлықтай төмендеуі, әсіресе СЖЖ пациенттерде.
Жиі емес:
- AV өткізгіштігінің бұзылуы;
- брадикардия (артериялық гипертензиясы немесе стенокардиясы бар пациенттерде);
- СЖЖ ағымы симптомдарының нашарлауы (артериялық гипертензиясы немесе стенокардиясы бар пациенттерде);
- ортостатикалық гипотензия.
Тыныс алу жүйесі тарапынан
Жиі емес:
- бронх демікпесі немесе анамнезде тыныс алу жүйесінің обструкциясы бар пациенттердегі бронх түйілуі.
Сирек:
- аллергиялық ринит.
Ас қорыту жүйесі тарапынан
Жиі:
– жүректің айнуы, құсу;
- диарея, іш қатуы.
Сирек:
- гепатит.
Сүйек-бұлшықет жүйесі тарапынан
Жиі емес:
- бұлшықет әлсіздігі;
- бұлшықет құрысуы.
Тері жабыны тарапынан
Сирек:
- терінің қышынуы, бөрту, тері жабынының гиперемиясы секілді жоғары сезімталдық реакциялары.
Өте сирек:
– алопеция. Бета-адреноблокаторлар псориаз ағымының симптомдарының өршуіне ықпал етуі немесе псориазға ұқсайтын бөртулерді туындатуы мүмкін.
Репродуктивті жүйе тарапынан
Сирек:
- потенцияның бұзылуы.
Зертханалық көрсеткіштер
Сирек:
- триглицеридтер концентрациясының және қандағы «бауыр» трансаминазалары (АЛТ, АСТ) белсенділігінің жоғарылауы
* Артериялық гипертензиясы немесе стенокардиясы бар пациенттерде бұл белгілер әсіресе емдеу курсының басында пайда болады. Әдетте бұл құбылыстар жеңіл сипат иеленген және емді бастағаннан кейін 1-2 апта ішінде қайтады.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препараттың құрамы
белсенді зат – бисопролол фумараты - 5 мг немесе 10 мг;
қосымша заттар: микрокристалды целлюлоза, кальций гидрофосфаты дигидраты, жүгері крахмалы, сусыз коллоидты кремнийдің қостотығы, магний стеараты, натрий крахмалгликоляты (А типі), опадрай II (оның ішінде поливинил спирті, ішінара гидролизденген, тальк, макрогол 3350, қызғылт түсті бояғыш пигмент (құрамында титанның қостотығы, Е 171, кармин, Е 120, индигокармин негізіндегі алюминий лагы, Е 132, темірдің қара тотығы, Е 172 бар) немесе көгілдір түсті бояғыш пигмент (құрамында титанның қостотығы, Е 171, индигокармин негізіндегі алюминий лагы, Е 132, хинолинді сары негізіндегі алюминий лагы, Е 104 бар).
Сыртқы түрінің, иісінің, дәмінің сипаттамасы
Екі беті дөңес, сызығы бар көгілдір түсті (дозасы 5 мг), қызғылт түсті (дозасы 10 мг) қабықпен қапталған таблеткалар. Көлденең кесіндісінде екі қабаты көрінеді.
Шығарылу түрі және қаптамасы
10 таблеткадан поливинилхлоридті үлбірден немесе дәрілік заттарды қаптауға арналған пластификацияланбаған ПВХ үлбірден және алюминий фольгасы негізіндегі икемді қаптамадан немесе алюминий фольгасы немесе біріктірілген материалдан жасалған пішінді ұяшықты қаптамаға салынады
3 пішінді ұяшықты қаптамадан медициналық қолдануы жөніндегі мемлекеттік және орыс тіліндегі нұсқаулықпен бірге картон қорапшаға салынған.
Қорапшаларды мемлекеттік және орыс тілдеріндегі нұсқаулықпен бірге топтық қаптамаға қаптайды.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Сақтау шарттары
Құрғақ, жарықтан қорғалған жерде, 25 оС-ден аспайтын температурада.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
«Борисов медициналық препараттар зауыты» ашық акционерлік қоғамы, Беларусь Республикасы, Минск облысы, Борисов қаласы, Чапаев көшесі 64, тел/факс +375(177)734043, market@borimed.com.
Тіркеу куәлігінің ұстаушысы
«Борисов медициналық препараттар зауыты» ашық акционерлік қоғамы, Беларусь Республикасы. Борисов қаласы, Чапаев көшесі, 64, тел/факс +375(177)734043, market@borimed.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
Қазақстан Республикасы, 050026. Алматы қ., Нұрмақов к-сі 26/195, 39 пәтер, «МедФарм» ЖК, тел / факс: +7 (727) 2911 198, тел.: +7 777 7040709, +7 777 2306494; е-mail: pvqa-bzmp-kz@mail.ru