Бепантен® Плюс

• русский
• қазақша

• Скачать инструкцию медикамента

Саудалық атауы

Бепантен® Плюс

Халықаралық патенттелмеген атауы

Жоқ

Дәрілік түрі

Сыртқа қолдануға арналған крем

Құрамы

1 грамм кремнің құрамында

белсенді заттар: 50 мг декспантенол, 5 мг хлоргексидин гидрохлориді

қосымша заттар: DL-пантолактон, цетил спирті, стеарил спирті, ақ жұмсақ парафин, сұйық парафин, ланолин, макрогол стеараты, тазартылған су.

Сипаттамасы

Өзіне тән әлсіз иісі бар, бозғылт-сары түсті, гомогенді, жұмсақ, мөлдір емес крем.

Фармакотерапиялық тобы

Асқын тыртықтануға қарсы басқа препараттар

АТЖ коды D03AХ

Фармакологиялық қасиеттері

Фармакокинетикасы

Декспантенол теріге тез сіңеді. Декспантенол пантотен қышқылына (В5 витамині) айналады және осы витаминнің эндогендік бөлігімен бірігеді. Қанда пантотен қышқылы плазма ақуыздарымен байланысады (-глобулиндермен және альбуминмен); өзгеріссіз күйде – 60-70%-ы несеппен,

қалған бөлігі АІЖ арқылы шығарылады. Хлоргексидин теріге жаққанда сіңбейді деуге болады. Пероральді қолданылғанда хлоргексидин толығымен дерлік нәжіспен шығарылады.

Фармакодинамикасы

Декспантенол Бепантен® Плюстің белсенді компоненті болып табылады, жасушаларда пантотен қышқылына (витамин В5) тез өзгереді. Пантотен қышқылы – эссенциялық А коэнзимінің компоненті. А ацетилкоэнзимі түрінде жасуша метаболизмінде маңызды рөл атқарады және тері мен шырышты қабықтардың регенерациясын жақсартады. Декспантенол жергілікті қолданғанда тез таралады. Хлоргексидин гидрохлориді грамоң бактерияларға, әсіресе, тері жұқпаларына қатысы бар алтын түстес стафилококк сезімтал штаммдары мен микроорганизмдерге қатысты бактерицидтік белсенділігі бар барынша белсенді және жақсы көтерімді жергілікті антисептиктердің бірі. Ол грамтеріс бактериялар мен саңырауқұлақтарды да жояды (Candida текті).

Қолданылуы

• шығу тегі кез-келген жараларда, жұқпалану қаупі болғанда: сыдырылған жерлер, сызаттар, кесілген жерлер, жарықтар, күйіктер, ойық жаралар, дерматиттер

• созылмалы жараларды емдеуде (тесілулер, аяқтардағы ойық жаралар және басқа)

• тері жұқпаларында, мысалы, салдарлы жұқпаланған экзема, нейродерматиттер

• бала емізетін аналарда емшек ұшы жарылғанда

• шағын хирургия: жарақаттар, хирургиялық жараларда.

Қолдану тәсілі мен дозалары

Кремді жұқа қабаттап, күніне бір немесе бірнеше рет, қажет болған жағдайда, алдын-ала тазартылған жара немесе терінің қабынған бөлігіне жағады және жеңіл ысқылайды. Қажет болса таңғышты пайдалануға болады.

Емдеу ұзақтығы көрсетілімдері мен емдеудің тиімділігіне байланысты.

Жағымсыз әсері

Сирек

аллергиялық реакциялар (есекжем, қышыма).

Қолдануға болмайтын жағдайлар

- препараттың құрамдас бөліктеріне жекелей жоғары сезімталдықта

- терінің ауқымды бөліктері зақымданғанда

- дабыл жарғағы тесілгенде.

Дәрілермен өзара әрекеттесуі

Басқа препараттармен өзара әрекетесу жағдайлары белгісіз.

Хлогексидин гидрохлориді құрамында анион тобы бар детергенттермен (сапониндер, натрий лаурилсульфаты, натрий карбоксиметилцеллюлозасы), сондай-ақ, сабынмен үйлесімсіз.

Айрықша нұсқаулар

Көзге, құлаққа және шырышты қабықтарға тигізбеу керек. Декспантенол хлоргексидинмен бірге (Бепантен Плюс) тері тітіркенулерін емдеуге қолданылмауы тиіс, олар жұқпалануы мүмкін / жұқпа жұқпауы тиіс (мысалы, күнге күйген жер). Мұндай жағдайларда декспантенолы бар Бепантен кремін немесе лосьонын пайдалану ұсынылады).

Жүктілік пен лактация кезеңі

Кремді жүктілік және бала емізу кезінде пайдалануға болады (емізер алдында препаратты жуып тастау керек).

Жүктілік пен бала емізу кезінде терінің ауқымды бөліктерінің зақымдануында қолдануға болмайды.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозаланғанда

Белгілері: сирек жағдайларда терінің тітіркенуі (терінің бір жеріне өте жиі қолданғанда).

Емі. Препаратты қолдануды тоқтату керек. Симптоматикалық ем.

Шығарылу түрі мен қаптамасы

30 г препаратты алюминий сықпаға салады. 1 сықпадан мемлекеттік және орыс тілдеріндегі медицинада қолданылуы жөніндегі нұсқаулықпен бірге картон пәшкеге салады.

Сақтау шарттары

25 ° С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецептісіз

Өндіруші ұйымның атауы мен елі

ГП Гренцах Продукционс ГмбХ, Германия

Тіркеу куәлігі иесінің атауы мен елі

Байер Консьюмер Кэр АГ, Швейцария

Қаптаушы ұйымның атауы мен елі

ГП Гренцах Продукционс ГмбХ, Германия

Қазақстан Республикасы аумағында өнім (тауар) сапасына қатысты шағымдарды қабылдайтын ұйымның мекенжайы:

Қазақстан Республикасындағы «Байер КАЗ» ЖШС,

050057 Алматы, Тимирязев к-сі, 42, Экспо-Сити, 15 павильон, 3қабат.

Tеl.: +7 727 258 80 40 (148)

e-mail: kz.claims@bayer.com