Бензонал (100 мг)

• русский
• қазақша

• Скачать инструкцию медикамента

Саудалық атауы

Бензонал

Халықаралық патенттелмеген атауы

Бензобарбитал

Дәрілік түрі

100 мг таблеткалар

Құрамы

Бір таблетканың құрамында

белсенді зат – бензонал (бензобарбитал) 100.0 мг,

қосымша заттар: картоп крахмалы, тальк, стеарин қышқылы, полисорбат 80.

Сипаттамасы

Ақ түсті, жалпақ цилиндрлі таблеткалар. Таблетканың бір жақ бетінде ойығы, басқа жақ бетінде ойығы және крест түрінде фирмалық логотипі бар.

Фармакотерапиялық тобы

Эпилепсияға қарсы препараттар. Барбитураттар және олардың туындылары.

АТХ коды N03AA

Фармакологиялық қасиеттері

Фармакокинетикасы

Бензобарбитал ішке қабылданғаннан кейін асқазан-ішек жолынан тез сіңеді. Бауырда метаболизденеді, содан кейін P450 цитохромының микросомальді жүйесімен тотығады. Плазма ақуыздарымен нашар байланысады. Мида, бауырда және бүйректерде жоғары концентрацияға жетеді. Гистогематикалық бөгеттер арқылы өтеді және емшек сүтіне енеді. Әсері пероральді түрде қабылдаудан кейін 20-60 минуттан соң пайда болады. Жартылай шығарылу кезеңі 3-4 күнді құрайды. Бүйректер арқылы өзгермеген күйінде де, метаболиттер түрінде де шығарылады.

Фармакодинамикасы

Эпилепсияға қарсы дәрі, ұйықтататын әсер бермейді дерлік. Орталық жүйке жүйесіне, әсіресе таламуста, ретикулярлы формацияның өрлемелі белсенді ми сабауындағы қондырма нейрондар деңгейінде, ГАМК-ергиялық тежегіш ықпалды күшейтеді. Na+ үшін жүйке талшықтары жарғақшаларының өткізгіштігін төмендетіп, эпилепсияның белсенді ошағынан импульстардың таралуын азайтады. Әсері пероральді қабылдаудан кейін 20-60 минуттан соң басталады.

Қолданылуы

- денеге жайылған және парциальді құрысу ұстамалары бар эпилепсияда (клоника-тоникалық, тоникалық, клоникалық)

- құрысусыз және полиморфтық ұстамаларда (кешенді ем құрамында).

Қолдану тәсілі және дозалары

Препаратты ас қабылдаудан кейін ішке қабылдайды.

Дозаны көрсетілімдеріне, пациенттің жасына, клиникалық жағдайларға қарай жекелей белгілейді.

Ересектер үшін: тәулігіне 3 рет 100-200 мг (1-2 таблетка).

Ең жоғары тәуліктік доза – 800 мг.

6-10 жастағы балалар үшін: бір қабылдауға 50-100 мг (1/2-1 таблетка), тәуліктік доза 150-300 мг құрайды.

11-14 жастағы балалар үшін: бір қабылдауға 100 мг (1 таблетка), тәуліктік дозасы 300-400 мг құрайды.

14-18 жастағы балалар үшін: бір қабылдауға 150 мг (1,5 таблетка), тәуліктік дозасы 450 мг құрайды.

Емдеуді бір реттік дозаны бір рет қабылдаудан бастайды.

2-3 күннен кейін дозаны клиникалық әсерге қол жеткізілгенше біртіндеп арттырады (ұстамалар жиілігі төмендейді немесе толық тоқтайды).

Емдеуді, тәулігіне бір реттік дозадан тағайындай отырып, (тіпті ұстамалар жоқ болса да) ұзаққа, кем дегенде, 1-2 жылға жалғастырады.

Ұстамалар қайта басталған жағдайда бұрынғы тәуліктік дозаға оралған жөн.

Егер науқас бұрын құрысуға қарсы басқа дәрілерді қабылдаса, Бензоналмен емдеуге ауысу біртіндеп жүзеге асырылуы тиіс:

Бензоналмен алдымен бұрынғы препараттың бір дозасын, ал содан кейін (3-5 күннен кейін) екінші және үшінші дозасын алмастырады. Бұрынғы препаратты толық алмастырғаннан кейін бензонал дозасын ұстамалар толық тоқтағанша немесе олардың жиілігі мен қарқындылығы азайғанша біртіндеп арттырады.

Жағымсыз әсерлері

- ұйқышылдық, әлсіздік, мәңгіру, бас ауыру

- тромбоцитопения, анемия

- артериялық гипотензия, тромбофлебит

- тері бөртпесі, қышыну, есекжем түріндегі аллергиялық реакциялар

- бронхтың түйілуі

- тәбеттің нашарлауы

- атаксия, нистагм, сөйлеудің қиындауы, психикалық реакциялардың баяулауы

- дәріге тәуелділік, дағдылану, «тоқтату» синдромы

Қолдануға болмайтын жағдайлар

- бензобарбиталға немесе препараттың қосымша компоненттеріне аса жоғары сезімталдық

- ауыр бауыр және бүйрек жеткіліксіздігі

- созылмалы жүрек жеткіліксіздігі NYHA бойынша III-IV ФК

- тыныс алу жеткіліксіздігі, бронх демікпесі

- порфирия

- анемия

- гиперкинезалар

- депрессивті жай-күйлер (суицидальді әрекеттері бар)

- қант диабеті, тиреотоксикоз, бүйрекүсті безінің жеткіліксіздігі

- жүктілік және лактация кезеңі

- 6 жасқа дейінгі балалар

Дәрілермен өзара әрекеттесуі

Бензобарбитал анальгетиктердің, анестетиктердің, наркозға арналған дәрілердің, нейролептиктердің, транквилизаторлардың, үшциклдық антидепрессанттардың, алкогольдің әсерін күшейтеді; парацетамолдың, антикоагулянттардың, тетрациклиндердің, гризеофульвиннің, глюкокортикоидтардың, минералокортикоидтардың, жүрек гликозидтерінің, хинидиннің, D витаминінің, ксантиндердің әсерін төмендетеді.

Айрықша нұсқаулар

Қазіргі таңда эпилепсиясы бар науқастарды емдеуді айқын жағымсыз әсері аз, эпилепсияға қарсы басқа дәрілік заттардан (вальпрой қышқылы, карбамазепин және басқа) бастайды. Егер бұл дәрілік заттар тиімсіз болса, Бензоналды тағайындайды, көбіне – біріктірілген ем құрамында.

Егер пациент бұрын құрысуға қарсы басқа дәрілерді қабылдаса, онда Бензоналмен емдеуге біртіндеп көшу керек: Бензоналмен құрысуға қарсы мұның алдындағы препараттың алдымен бір, содан кейін (3-5 күннен соң) екінші және үшінші дозасын алмастырады. Бұрын қабылданған препарат толық алмастырылғаннан кейін Бензонал дозасын ұстамалар толық тоқтағанша немесе олардың жиілігі мен қарқындылығы азайғанша біртіндеп арттырады.

Бұрын басқа барбитураттарды қабылдаған науқастар Бензоналмен емдеуге ауысқанда ұйқының бұзылуы мүмкін, ол түнге қарай фенобарбитал (50-100 мг) немесе ұйықтататын басқа да дәрілік заттарды тағайындау арқылы қайтарылады.

Бензонал дозасын тоқтатқанда, оны біртіндеп төмендетеді.

Емдеу кезінде алкоголь ішімдіктерін ішуге болмайды.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Емделу кезінде автокөлікті жүргізуді және зейінді жұмылдыру мен психомоторлы реакциялардың шапшаңдығын қажет ететін қауіпті қызмет түрлерімен жұмыс жасауды тоқтату тұру қажет.

Артық дозалануы

Симптомдары: препараттың жағымсыз әсерлерінің күшеюі.

Емі: препаратты тоқтату, симптоматикалық ем жүргізу.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада 10 таблеткадан.

Пішінді қаптамалар қораптық немесе гофрланған картон қорапқа салынған. Әрбір қорапқа қолдану жөніндегі мемлекеттік және орыс тіліндегі нұсқаулықтар салынады.

Сақтау шарттары

Құрғақ, жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

«Химфарм» АҚ, Қазақстан Республикасы,

Шымкент қ., Рашидов к-сі, 81

Тіркеу куәлігінің иесі

«Химфарм» АҚ, Қазақстан Республикасы

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«Химфарм» АҚ, Шымкент қ., Қазақстан Республикасы, 160019

Рашидов к-сі, 81

Телефон нөмірі 7252 (561342)

Факс нөмірі 7252 (561342)

Электрондық пошта infomed@santo.kz

.