Беландж (5 мг)

МНН: Бисопролол
Производитель: Реплек Фарм Лтд Скопье
Анатомо-терапевтическо-химическая классификация: Bisoprolol
Номер регистрации в РК: № РК-ЛС-5№021429
Период регистрации: 11.06.2015 - 11.06.2020
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)

Инструкция

Саудалық атауы

Беландж

Халықаралық патенттелмеген атауы

Бисопролол

Дәрілік түрі

Үлбірлі қабықпен қапталған 2.5 мг, 5 мг, 10 мг таблеткалар

Құрамы

Бір таблетканың құрамында

белсенді зат - бисопролол фумараты 2,5 мг, 5.0 мг және 10.0 мг

қосымша заттар: желатинделген крахмал, микрокристалды целлюлоза, кросповидон, сусыз коллоидты кремнийдің қостотығы, магний стеараты

қабықтың құрамы (2,5 мг доза үшін): гипромеллоза, макрогол, тазартылған тальк, титанның қостотығы Е171

қабықтың құрамы (5,0 мг және 10 мг доза үшін): гипромеллоза, макрогол, тазартылған тальк, титанның қостотығы Е171, темірдің (III) сары тотығы Е172

 

Сипаттамасы

Ақ түсті үлбірлі қабықпен қапталған, екі беті дөңес, дөңгелек пішінді, бір жағында сындыру сызығы бар таблеткалар (2,5 мг доза үшін).

Ақшыл-сары түсті үлбірлі қабықпен қапталған, екі беті дөңес, дөңгелек пішінді, бір жағында сындыру сызығы бар таблеткалар (5 мг доза үшін).

Ақшыл - қызғылт сары түсті үлбірлі қабықпен қапталған, екі беті дөңес, дөңгелек пішінді, бір жағында сындыру сызығы бар таблеткалар (10 мг доза үшін).

Фармакотерапиялық тобы

Бета–адреноблокаторлар. Селективті бета - адреноблокаторлар. Бисопролол

АТХ коды С07АВ07

Фармакологиялық қасиеттері

Фармакокинетикасы

Бисопролол асқазан-ішек жолдарынан іс жүзінде толық сіңеді. Бауыр арқылы бірінші өтуінің әсері өте төмен, ол жоғары биожетімділікке алып келеді, бұл 90% жуықты құрайды. Бисопрололдың плазма ақуыздарымен байланысуы 30% жуықты құрайды. Таралу көлемі 3,5 л / кг құрайды. Жалпы клиренсі шамамен 15 л / сағатты құрайды. Қан плазмасынан жартылай шығарылу кезеңі (10-12 сағат) күніне бір рет доза қабылдағаннан кейін 24 сағат препарат тиімділігін қамтамасыз етеді.

Бисопролол организмнен екі жолмен шығарылады, 50% бауырда белсенді емес метаболитке дейін метаболизденеді, ол кейін бүйрекпен экскрецияланады. Қалған 50% бүйрекпен метаболизденбеген түрде шығарылады. Бүйрек және бауыр арқылы шығарылуы бірдей дәрежеде жүргендіктен, бауыр функциясының бұзылуы немесе бүйрек жеткіліксіздігі бар пациенттерде доза түзету талап етілмейді. Бисопролол кинетикасы дозаға байланысты және жасқа байланысты емес.

Созылмалы жүрек жеткіліксіздігі бар пациенттерде қан плазмасындағы бисопролол деңгейі жоғары, ал жартылай шығарылу кезеңі дені сау пациенттерге қарағанда ұзақтау. Қан плазмасындағы ең жоғары концентрациясы тепе теңдік жай-күйінде 64 ± 21 нг / мл (10 мг тәуліктік дозада) құрайды, ал жартылай ыдырау кезеңі 17 ± 5 сағатты құрайды.

Фармакодинамикасы

Бисопролол жоғары селективті, өзінің симпатомиметикалық және жарғақша тұрақтандыратын белсенділігі жоқ бета1 –адреноблокатор болып табылады. Тегіс бұлшықеттердің, бронхтардың және тамырлардың бета-2-рецепторларына, сондай-ақ метаболизмдік реттеуге байланысты бета-2-рецепторларға аздаған тектестігі бар. Осылайша, бисопрололдың тыныс жолдарында қарсыласуға әсерін және зат алмасуына бета-2-арқылы әсерін күтуге болмайды. Оның бета1- рецепторларға таңдаулы әсері емдік дозаның шегінен шығып кетеді. Созылмалы жүрек жеткіліксіздігі жоқ ишемиялық жүрек ауруы бар пациенттерде бір рет қолданғанда бисопролол жүрек жиырылу жиілігін, соғу көлемін және миокардтың оттегіні талап етуін төмендетті. Ұзақ уақыт қолданғанда басынан жоғары болған тамырдың жалпы шеткері қарсылығы төмендейді.

Қолданылуы

- артериялық гипертензияда

- жүректің ишемиялық ауруында (стенокардия)

Қолдану тәсілі және дозалары

Беландж препаратының таблеткаларын таңертең қабылдау керек, тамақпен бірге қабылдауға болады. Препаратты сұйықтың аздаған мөлшерімен, шайнамай қабылдау керек.

Дозалануы

Емдеу негізінен біртіндеп, аз дозадан басталу керек, артынан арттырыла береді. Барлық жағдайларда пульс жиілігін және емдік әсерді ескере отырып, доза жекелей таңдалады.

Артериялық гипертензияны емдеу

Беландж препаратының ұсынылатын дозасы күніне бір рет 5 мг құрайды.

Гипертонияның жеңіл түрі кезінде (диастолалық артериялық қысым 105 мм сын.бағ.), 2,5 мг дозамен емдеу күніне бір рет жеткілікті болуы мүмкін.

Қажет болған кезде дозаны күніне бір рет 10 мг-ге дейін арттыруға болады.

Дозаны ары қарай арттыру айрықша жағдайларда негізделуі және жүргізілуі керек.

Беландж препаратының ең жоғарғы ұсынылатын дозасы күніне бір рет 20 мг құрайды.

Жүректің ишемиялық ауруы (стенокардия)

Беландж препаратының ұсынылатын дозасы күніне бір рет 5 мг құрайды.

Қажет болған кезде дозаны күніне бір рет 10 мг-ге дейін арттыруға болады.

Дозаны ары қарай арттыру айрықша жағдайларда негізделуі және жүргізілуі керек.

Беланджтың ең жоғарғы ұсынылатын дозасы күніне бір рет 20 мг құрайды.

Бүйрек жеткіліксіздігі бар пациенттер

Бүйректің ауыр жеткіліксіздігі бар науқастарда (креатинин клиренсі <20 мл / мин) дозалау күніне 10 мг аспауы тиіс. Дозалау екі рет қабылдауға бөлінуі мүмкін.

Бауырдың ауыр бұзылуы бар пациенттер

Доза түзету талап етілмейді, алайда мұқият мониторинг ұсынылады.

Егде жастағылар

Әдетте доза түзету талап етілмейді. Ең аз рұқсат етілетін дозамен ем бастау ұсынылады.

Балалар

Препаратты балаларда қолданудың тәжірибесі жоқ, сондықтан Беландж препараты балаларға тағайындалмайды.

Емді тоқтату

Емді біртіндеп тоқтату керек. Дозалауды баяу азайту керек, біртіндеп - дозаны апта сайын екі рет азайту керек.

Жағымсыз әсерлері

Өте жиі (≥ 1/10)

- брадикардия (созылмалы жүрек жеткіліксіздігі бар пациенттерде)

Жиі (≥1/100 - ≤ 1/10 дейін)

- бас айналуы, бас ауыруы (емдеу курсының басында)

- жүрек жеткіліксіздігі белгілерінің күшеюі (созылмалы жүрек жеткіліксіздігі бар пациенттерде), артериялық гипотензия (әсіресе жүрек жеткіліксіздігі бар пациенттерде)

- аяқ - қолдың мұздауын немесе ұюын сезіну, мезгіл-мезгіл ақсаңдау симптомдарының күшеюі және Рейно ауруы

- жүрек айнуы, құсу, диарея, іш қатуы, іштің ауыруы, ауыз қуысының шырышты қабығының құрғауы

- астения (созылмалы жүрек жеткіліксіздігі бар пациенттерде), шаршағыштық (емдеу курсының басында)

Жиі емес (≥1/1000 - ≤ 1/100 дейін)

- депрессия, ұйқының бұзылуы, мазасыздық, сананың шатасуы немесе есте сақтаудың қысқа мерзімді жойылуы, астения (гипертониясы немесе стенокардиясы бар пациенттерде)

- жүрекше-қарыншалық өткізгіштігінің бұзылуы, бұрыннан бар жүрек жеткіліксіздігінің нашарлауы (артериялық гипертензиясы немесе стенокардиясы бар науқастарда), брадикардия (гипертониясы немесе стенокардиясы бар пациенттерде), AV блокадасы (толық көлденең блокада дамығанға және жүрек тоқтағанға дейін болатын), аритмия, миокард жиырылуының әлсіреуі, созылмалы жүрек жеткіліксіздігінің ушығуы (жіліншік, табан ісінуі, ентігу), кеуде ауыруы

- жоғары дозалар тағайындалғанда және/немесе бейімі бар пациенттердегі ларингоспазм және бронхоспазм кезінде тыныс алудың қиындауы (селективтікті жоғалту), бронх демікпесімен немесе тыныс жолдары обструктивті аурулары анамнезімен пациенттердегі бронх түйілуі

- бұлшықет әлсіздігі және құрысулар, артропатия

- ортостатикалық гипотензия

Сирек (≥1/10000 - ≤ 1/1000 дейін)

- түнгі қорқыныштар, елестеулер

- естен тану

- көз жасы бөлінуінің азаюы (жанаспалы линза қолданғанда ескеру керек)

- естудің бұзылуы

- бүйрек функциясының бұзылуы (несеп күңгірттігі, ақ қабықтың немесе терінің сарғаюы, холестаз), дәм сезу бұрмалануы, гепатит

- тері қышынуы және бөртпесі, терінің қызаруы, аллергиялық ринит сияқты аллергиялық реакциялар

- қатты тершеңдік, тері гиперемиясы

- гипергликемия (инсулинге тәуелді емес қант диабеті бар науқастарда), гипогликемия (инсулин қабылдайтын науқастарда), гипотиреоз

- потенция бұзылуы

- қандағы триглицеридтер концентрациясының жоғарылауы, қандағы бауыр ферменттері деңгейінің артуы (АЛТ, АСТ), гипербилирубинемия

- ем аяқталғанда жойылатын дәрілік жегінің өтпелі синдромы (антинуклеарлық антидене пайда болуында)

- арқаның ауыруы, "тоқтату" синдромы (стенокардия ұстамаларының күшеюі, АҚ жоғарылауы)

Өте сирек

- конъюнктивит, көрудің бұзылыстары

- алопеция

- бұрыннан бар псориаз, псориазға ұқсас тері реакцияларына түрткі болу немесе өршуі

- шаранаға әсері (жатыр ішіндегі өсудің іркілуі, гипогликемия, брадикардия).

Қолдануға болмайтын жағдайлар

- препараттың белсенді затына немесе басқа компоненттеріне жоғары сезімталдық

- жедел жүрек жеткіліксіздігі

- көктамыр ішіне инотроптық ем жүргізуді талап ететін жүрек қызметінің декомпенсациясы

- кардиогендік шок

- II немесе III дәрежелі атриовентрикулярлық блокада (кардиостимуляторсыз)

- синустық түйіннің әлсіздік синдромы

- синоатриалды блокада

- ем басталғанға дейінгі айқын брадикардия (ЖЖЖ 50 соғуы/мин. аз)

- айқын артериялық гипотензия (систолалық АҚ 100 мм сын. бағ. төмен)

- ауыр бронх демікпесі немесе өкпенің ауыр созылмалы обструктивті ауру

- шеткері артериялар ауруының ауыр түрі

- Рейно синдромының ауыр түрі

- емделмеген феохромоцитома

- метаболизмдік ацидоз

- 18 жасқа дейінгі балалық және жасөспірімдік жас (тиімділігі мен қауіпсіздігі анықталмаған)

- жүктілік және лактация кезеңі

- флоктафенинмен және сультопридпен біріктірілген ем.

Дәрілермен өзара әрекеттесуі

Препараттардың ұсынылмайтын біріктірілімі

1 класты аритмияға қарсы препараттар (мысалы, хинидин, дизопирамид; лидокаин, фенитоин; флекаинид, пропафенон): атриовентрикулярлық өткізгіштік уақытына әсер етуі және теріс инотроптық әсерін күшейтуі мүмкін (қатаң клиникалық және ЭКГ мониторингі талап етіледі).

Верапамил типті кальций антагонистері, аз дәрежеде дилтиазем және бепридил типті: жиырылу және атриовентрикулярлық өткізгіштікке теріс әсер етеді. Бета-адреноблокаторлармен ем қабылдайтын пациенттерге верапамилді көктамырішілік енгізу терең гипотензияға және атриовентрикулярлық блокадаға алып келуі мүмкін.

Орталықтық әсері бар гипотензиялық дәрілер (мысалы клонидин, метилдопа, моксонидин, рилменидин): орталықтық әсері бар гипотензиялық дәрілерді үйлестіріп қолдану орталықтық симпатикалық тонустың төмендеуіне ықпал етуі мүмкін және осылайша жүрек жиырылуы жиілігінің азаюына және жүрек лықсыту азаюына және вазодилатацияға алып келуі мүмкін. Кенеттен тоқтату, көбіне егер бұл бета-блокаторды қабылдауды тоқтатқанға дейін жасалса, "артериялық гипертензия симптомдарының жаңғыру" қаупін арттыруы мүмкін.

Сақтықпен пайдаланылуы керек препараттар үйлесімі

III класты аритмияға қарсы дәрілер (мысалы амиодарон): жүрекше-қарыншалық өткізгіштіктің нашарлауы мүмкін.

Парасимпатомиметикалық дәрілер: үйлестіре қолдану жүрекше-қарыншалық өткізгіштіктің баяулауына және брадикардия туындау қаупін артуына алып келуі мүмкін.

Дигидропиридин типті кальций антагонистері (мысалы фелодипин және амлодипин): үйлестіре қолдану артериялық гипотензияны ұлғайтуы мүмкін, сондай-ақ жүрек жеткіліксіздігі бар пациенттерде қарыншалардың сорғы функциясын одан әрі нашарлату қаупін жоққа шығаруға болмайды.

Антихолинэстераздық препараттар (оның ішінде такрин): атриовентрикулярлық өткізгіштік және/немесе брадикардия уақыты ұлғаюы мүмкін.

Бета-блокаторлардың топиялық түрі (мысалы глаукоманы емдеуге арналған көз тамшылары) бисопрололдың жүйелік әсерін күшейтуі мүмкін.

Инсулин және пероральді диабетке қарсы препараттар: қантты төмендететін әсерінің күшеюі. Бета-адренорецепторлардың блокадасы гипогликемия симптомдарын бүркемелеуі мүмкін.

Анестетиктер: рефлекторлық тахикардияның әлсіреуі және артериялық гипотензия қаупінің жоғарылауы (жалпы анестезия бойынша қосымша ақпаратты «Айырықша нұсқаулар» бөлімінен қараңыз).

Эрготамин туындылары: шеткері қан айналымы бұзылуының нашарлауы.

Оймақгүл гликозидтері: жүрекше-қарыншалық өткізгіштіктің баяулауы, жүрек жиырылуы жиілігінің төмендеуі.

Баклофен және амифостин: гипотензиялық әсердің күшеюі.

Қабынуға қарсы стероидты емес препараттар (ҚҚСП): ҚҚСП бисопрололдың гипотензиялық әсерін азайтуы мүмкін.

Бета-симпатомиметиктер (мысалы изопреналин, добутамин): бисопрололмен біріктірілім екі препараттың да әсерін төмендетуі мүмкін.

Бета-және альфа-адренорецепторларды стимуляциялайтын симпатомиметиктер (мысалы норэпинефрин, эпинефрин): Беландж препаратымен біріктірілім бұл заттардың вазоконстрикторлық әсерін альфа-адренорецепторлар арқылы бейтараптандыруы мүмкін, бұл артериялық қысымның артуымен және мезгіл-мезгіл ақсаңдаудың өршуімен білінеді. Өзара әрекеттесулердің бұл түрі селективті емес β-блокаторларда жиірек кездеседі. Артериялық қысымды төмендетуге ықпалды гипертензияға қарсы, сондай-ақ басқа да препараттармен (мысалы, үшциклді антидепрессанттар, барбитураттар, фенотиазиндер) үйлестіре қолдану артериялық гипотензия қаупін арттыруы мүмкін.

Қарастыру керек препараттар үйлесімі

Мефлохин: брадикардияның жоғары қаупі.

Кортикостероидтар: су және натрий іркілісі есебінен гипертензияға қарсы әсерінің төмендеуі.

Моноаминоксидаза тежегіштері (MAO-B тежегіштерін қоспағанда): бета-блокаторлардың жоғары гипотензиялық әсері, бірақ сондай-ақ гипертензиялық криз қаупі де бар.

Рифампицин: болжамды себептері дәрілік заттарды метаболиздейтін бауыр ферменттерінің индукциясы болып табылатын бисопрололдың жартылай шығарылу кезеңінің аздаған төмендеуі. Әдетте доза түзету талап етілмейді.

Эрготамин туындылары: Қан айналудағы шеткері бұзылулардың өршуі.

Лидокаин және ксантиндердің клиренсін төмендетеді (теофиллиннен басқасы) және әсіресе шылым шегу әсерінен теофиллиннің клиренсі бастапқы жоғарылығы бар науқастарда қан плазмасындағы олардың концентрациясын жоғарылатады.

Айрықша нұсқаулар

Тұрақты созылмалы жүрек жеткіліксіздігін емдеуді (СЖЖ) ең аз дозадан, біртіндеп бастау керек. Тұрақты созылмалы жүрек жеткіліксіздігін Беландж препаратымен емінің басында және емді тоқтатқанда ұдайы бақылау керек.

Беландж препаратын қабылдайтын науқастарға бақылауға ЖЖЖ және АҚ өлшеу (ем басында –күн сайын, содан кейін 3-4 айда 1 рет), ЭКГ жүргізу, қант диабетімен науқастарда қандағы глюкоза концентрациясын анықтау (4-5 айда 1 рет) қосылуы тиіс. Егде пациенттерде бүйрек функциясын бақылау ұсынылады (4-5 айда 1 рет).

СЖЖ емдеуді бастағаннан кейін (1,25 мг доза) пациент өткізгіштіктің болжамды бұзылуларын ерте анықтау үшін 4 сағат бойы (ЖЖЖ, АҚ, ЭКГ) бақылауда болуы тиіс. Науқасты ЖЖЖ есептеу әдісіне үйрету керек және ЖЖЖ минутына 50 соғудан аз болғанда дәрігер кеңесі қажеттігі туралы нұсқау беру керек.

Беландж препаратымен емді егер оған анық көрсетілім болмаса, әсіресе жүректің коронарлық аурулары бар пациенттерде кенеттен үзуге болмайды, өйткені ол жүрек жеткіліксіздігінің уақытша артуына алып келуі мүмкін. Стенокардиясы бар науқастардың шамамен 20%-да бета-адреноблокаторлар тиімсіз. Негізгі себептері – ишемияның төменгі шегі бар айқын коронарлық атеросклероз (минутына 100 соғудан төмен ЖЖЖ) және субэндокардиалдық қан ағынын бұзатын сол жақ қарынша диастолалық көлемінің ақырғы жоғарылауы.

«Шылым шегетіндерде» бета-адреноблокаторлар тиімділігі төмен.

Төмендегі аурулары бар пациенттерде жүрек жеткіліксіздігін емдеуде Беландж препаратын қолданудың тәжірибесі жоқ:

- инсулинге тәуелді қант диабеті (I типті)

- бүйрек функциясының ауыр бұзылуы

- бауыр функциясының ауыр бұзылуы

- рестриктивті кардиомиопатия

- туа біткен жүрек ақауы

- гемодинамикалық елеулі органикалық клапан ақауы

- бастапқы 3 ай ішіндегі миокард инфарктісі.

Беландж препаратын қолданғанда төмендегі жағдайларда сақ болу керек:

- бронх түйілуінде (бронх демікпесі, тыныс жолдарының обструктивті аурулары),

- қан плазмасындағы глюкоза деңгейінің елеулі ауытқулары бар қант диабетінде, гипогликемия симптомдары (мысалы, тахикардия, жиілеген жүрек қағуы немесе тер бөлінулері) бүркемеленуі мүмкін,

- ашығуда немесе қатаң диетада,

- ағымдағы десенсибилизация жүргізуде (басқа да бета-блокаторларды қолданғандағы сияқты Беландж препараты аллергендерге сезімталдықты және анафилаксиялық реакциялардың айқындығын күшейтуі мүмкін), Ээинефрин қолданғанда күтілетін емдік әсері болмауы мүмкін,

- бірінші дәрежелі атриовентрикулярлық блокада,

- Принцметал стенокардиясы, бета-бөгегіш препараттар Принцметал стенокардиясы бар пациенттерде стенокардия ұстамаларының мөлшері мен ұзақтығын арттыруы мүмкін. Бета1 селективті адреноблокаторларды тек жеңіл түрінің жағдайында ғана және тек тамыр кеңейтетін препараттармен үйлесімде ғана қолдануға болады,

- шеткері артериялардың окклюзиясы, көп жағдайда симптомдардың артуы емнің басында дамиды.

Беландж препаратымен емделу тиреотоксикоз симптомдарын бүркемелеуі мүмкін.

Феохромоцитомасы бар пациенттерге Беландж препаратын альфа-адреноблокаторлар қолдану аясында ғана тағайындау керек.

Жалпы анестезия

Бета-блокаторларды қолдануды жалғастырғанда кіріспе наркоз, интубация кезінде және операциядан кейінгі кезеңде аритмия және миокард ишемиясының даму қаупі төмендейді. Қазіргі кезде бета-блокаторларды операция кезеңінде жалғастыру ұсынылады. Басқа препараттармен дәрілік өзара әрекеттесуге, сондай-ақ брадиаритмия дамуының, рефлекторлық тахикардия әлсіреуінің және қан жоғалту кезінде рефлекторлық компенсаторлық механизмдер төмендеуінің даму мүмкіндігіне байланысты анестезиолог қолданылатын бета-блокаторлар туралы хабардар болуы тиіс. Егер хирургиялық араласулар алдында бета-блокаторлармен емді тоқтату керек болса, оны біртіндеп және жалпы анестезия жүргізу алдында 48 сағат бұрын аяқтау керек.

Бронх демікпесінде немесе басқа да созылмалы обструктивтік өкпе ауруларында бірге жүретін бронходилатациялайтын ем жүргізу ұсынылады. Жекелеген жағдайларда бронх демікпесі бар пациенттерде тыныс алу жолдарының резистенттілігі артуы мүмкін, бұл бета2-адреностимуляторлардың дозасын ұлғаютуды талап етеді. Ем бастағанға дейін функциялық тыныс алу тестін жүргізу ұсынылады.

Кардиоселективті (бета1) бета-блокаторлардың селективтік емес бета-блокаторларға қарағанда өкпе функциясына әсері аз болғанымен, барлық бета-блокаторларға секілді, егер тағайындауға анық клиникалық көрсетілімдер болмаса (ондай жағдайларда оларды сақтықпен қолдану қажет), тыныс алу жолдарының обструктивті аурулары бар пациенттерге оларды қолданудан тартынған жөн. Тыныс алу жолдарының обструктивті аурулары бар пациенттерде бисопрололмен емдеуді ең аз тиімді дозадан бастау қажет және оларда жаңа симптомдар (мысалы, ентігу, дене жүктемесін көтере алмау, жөтел) пайда болуын мұқият бақылап отырған жөн. Бронх демікпесінде немесе басқа да созылмалы обструктивті өкпе ауруларында (симптомдармен) бронхолитикалық емді бір мезгілде жүргізген жөн. Демікпемен зардап шегетін пациенттерде ара-тұра тыныс жолдарындағы қарсыласу артуы мүмкін, сондықтан бета 2-стимуляторлар дозасын жоғарылату қажет болуы ықтимал. Псориазы бар немесе анамнезде псориазы болғанда науқастарға бета-блокаторларды (мысалы, бисопролол) пайда/қауіп арақатынасын мұқият бағалағаннан кейін ғана тағайындауға болады.

Йод контрастылы препараттар: бета-блокаторлар жүрек-қан тамырларының гипотонияға немесе йод контрастылы препараттардан туындаған шокқа байланысты компенсациялық реакциялары дамуына кедергі жасауы мүмкін.

Бисопрололдың кальций антагонистерімен (верапамил немесе дилтиаземмен), 1 класты аритмияға қарсы препараттармен және орталықтан әсер ететін гипертензияға қарсы препараттармен үйлесімі, әдетте ұсынылмайды, барынша толық ақпарат «Дәрілермен өзара әрекеттесуі» бөлімінде баяндалған.

Жанаспалы линзалар пайдаланатын науқастар ем аясында көз жасы сұйықтығы өнуінің азаюы мүмкіндігін ескеруі тиіс.

Егде жастағы науқастарда брадикардия асқынуы (минутына 50 соғудан аз), АҚ айқын төмендеуі (100 мм сын. бағ. төмен систолалық АҚ), AV блокадалары, бронх түйілуі, қарыншалық аритмиялар, бауыр және бүйрек функциясының ауыр бұзылулары білінуі жағдайында дозаны азайту немесе емді тоқтату керек.

Сондай-ақ депрессия дамығанда да емді тоқтату ұсынылады.

Жүктілік және лактация кезеңі

Бисопролол жүктілік барысына және/немесе шаранаға/жаңа туған нәрестелерге зиянды әсер етуі мүмкін фармакологиялық әсерге ие. Әдетте бета-адреноблокаторлар плацентарлық перфузияны төмендетеді, бұл шарана өсуінің баяулауына, шарананың жатыр ішінде өлуіне, түсік тастауға немесе мерзімінен бұрын босануға алып келеді. Шарана және жаңа туған нәрестелерде патологиялық реакциялар (гипогликемия, брадикардия сияқты) туындауы мүмкін. Егер бета-адреноблокаторлармен ем керек болса, бета1-селективті адреноблокаторларды қолданған дұрыс. Беландж препараты жүктілік кезінде қолданылмайды.

Беландж препаратының емшек сүтімен бөлініп шығуы туралы деректер немесе оның емшектегі балаларға әсерінің қауіпсіздігі туралы деректер жоқ. Сондықтан Беландж препаратын бала емізу кезеңінде қабылдау ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналуы, елестеулер, көрудің бұзылуы және пациенттің емге басқа да жеке реакциялары сияқты жағымсыз әсерлерінің даму мүмкіндігін ескере отырып, автомобиль басқару немесе механизмдермен жұмыс істеу қабілеті бұзылуы мүмкін. Осыған, әсіресе емнің басында, сондай-ақ доза өзгерістерінен кейін немесе бір мезгілде алкоголь пайдалануда назар аудару керек.

Артық дозалануы

Симптомдары: бета-блокаторлар артық дозаланған жағдайда дамуы мүмкін жиірек кездесетін симптомдар брадикардия, гипотензия, бронх түйілуі, жедел жүрек жеткіліксіздігі және гипогликемия болып табылады. Беландж препаратының бір реттік жоғары дозасына сезімталдықтың әркімде жекелей үлкен айырмашылығы бар, бұл арада жүрек жеткіліксіздігі бар пациенттердің сезімталдығы жоғары болуы ықтимал.

Емі: Беландж препаратымен, демеуші және симптоматикалық ем жүргізуді тоқтату. Күтілетін фармакологиялық әсеріне және басқа да бета-блокаторлар үшін ұсыныстарға қарап, олар клиникалық түрде ақталған жағдайда, жалпы сипаттағы төмендегі шаралар жүргізілуі мүмкін. Брадикардияда: атропинді көктамырішілік енгізу. Қажетті әсері болмаған жағдайда изопреналинді немесе оңды хронотропты әсері бар басқа препаратты сақтықпен енгізуге болады. Кейде трансвенозды кардиостимулятор орнату талап етілуі мүмкін. Гипотензияда: ерітіндіні және вазопрессорлық препараттарды көктамырішілік енгізу, қажет болғанда глюкагон к/і енгізу.

Атриовентрикулярлық блокадада (екінші немесе үшінші дәрежелі) пациенттер тұрақты бақылауда болуы тиіс және изопреналин инфузиясы немесе трансвеналық кардиостимуляция жүргізу түрінде ем қабылдау.

Жүрек жеткіліксіздігі нашарлауында мынадай емдеу көрсетіледі: диуретиктерді, инотроптық препараттарды, вазодилататорларды көктамырішілік енгізу, бронх түйілуінде: изопреналин, бета2-симпатомиметиктер және/немесе аминофиллин сияқты бронходилататорлар тағайындау, гипогликемияда: глюкозаны көктамырішілік енгізу. Қолда бар деректер бисопрололдың диализбен шығарылуының нашар екенін көрсетеді.

Шығарылу түрі және қаптамасы

2,5 мг, 5 мг және 10 мг дозадағы 10 таблеткадан поливинилхлорид/поливинилиденхлоридті үлбірден және алюминий фольгадан жасалған пішінді ұяшықты қаптамаға қапталады.

3 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

 

Өндіруші

REPLEK FARM Ltd. Skopje

Скопье, Македония Республикасы

Тіркеу куәлігінің иесі

BELINDA Laboratories LLP., Лондон, Ұлыбритания.

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Cepheus Medical» (Цефей Медикал) ЖШС, 050000, ҚР, Алматы қ., Панфилов к-сі 98, «OLD SQUARE» БО, 807 кеңсе.

тел: +7 (727) 300 69 71, e-mail: cepheusmedical@gmail.com

Прикрепленные файлы

688562411477976484_ru.doc 131 кб
083173651477977648_kz.doc 139 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники