Бар-ВИПС

• русский
• қазақша

• Скачать инструкцию медикамента

Саудалық атауы

Бар-ВИПС

Халықаралық патенттелмеген атауы

Жоқ

Дәрілік түрі

Ішке қабылдау үшін суспензия дайындауға арналған ұнтақ, 240 г

Құрамы

100 г препараттың құрамында

белсенді зат - барий сульфаты – 98.942г,

қосымша заттар - натрий цитраты дигидраты, сорбитол, банан хош иістендіргіші, метилпарагидроксибензоат, Эспумизан® 40,

құрамы

Сипаттамасы

Ақ немесе сұрғыш реңді ақшыл-крем түстес өзіне тән иісімен ұсақ дисперсиялы ұнтақ.

Фармакотерапиялық тобы

Рентгеноконтрастылы йодталмаған заттар. Құрамында барий сульфаты бар дәрілер. Суспензияланатын дәрілермен барий сульфаты.

АТХ коды V08BA01

Фармакологиялық қасиеті

Фармакокинетикасы

Төмен уыттылыққа ие. Асқазан- ішек жолдарында (АІЖ) сіңбейді және жүйелі қанағымына түспейді. Организмнен 24-48 сағат ішінде толық шығарылады.

Фармакодинамикасы

Рентгеноконтрастылы дәрі. Асқазан ішек жолдарының шырышты қабатын бүркемелейді және шырышты қабаттың микрорельефінің дәл бейнеленуімен қамтамасыз етеді. Препараттың айқын адгезивті әсері АІЖ шырышты қабатының микрорельефінің аз ғана өзгерістерін зерттеуге мүмкіндік береді. АІЖ ағзаларын рентгенологиялық зерттеулерде бейнеленуінің контрастылығын жоғарылатады.

Қолданылуы

- жұтқыншақ, өңеш, асқазан, он екі елі ішек, ішек ауруларын рентгенологиялық диагностикалау үшін (оның ішінде екі есе контрастылануы әдісімен).

Қолдану тәсілі және дозалары

Ішке, алдын ала дайындалған суспензия түрінде (тура рентгенологиялық зерттеу жүргізер алдында). Суспензия 3 минут бойы (алынған суспензияның көлемі 120 мл құрайды) үздіксіз араластырумен 240 г ұнтақтың барлық мөлшерін 60-80 мл қайнаған суда біртіндеп сұйылту жолымен дайындалады.

Қабылданатын суспензияның мөлшері зерттеу әдісіне байланысты және 15-20-дан 80-100 мл дейінді құрайды.

Ректальді, тоқ ішекті ретроградты екі есе контрастыландыру әдісімен зерттеу үшін 720 г ұнтақты 300 мл суда сұйылтады.

Жағымсыз әсерлері

- іш қату

- диарея

- жүрек айнуы

- құсу

- ішектің түйілуі

- барийлік аппендицит (сирек жағдайларда)

- асқазан тұсында жағымсыз әсерлер (екі есе контрастыландыру үдерісінде

газ түзетін заттарды пайдалануда)

Қолдануға болмайтын жағдайлар

- препарат компоненттеріне жоғары сезімталдық

- ас қорыту жолдарының шырышты қабатының тесілуі ( оған күдіктену)

- жұту актісінің бұзылуы

- ішектің бітелуі

- іш қату

- өңештің тарылуы

- АІЖ ағзаларынан қан кету

- атрезия

- АІЖ ағзаларына операциялық араласымнан кейінгі жағдай

- мальабсорбция синдромы

- тағамдық аллергия

- эзофаготрахеальді жыланкөздер

Дәрілермен өзара әрекеттесуі

Анықталған жоқ.

Айрықша нұсқаулар

Науқастың жалпы ауыр жағдайында, сондай-ақ егде адамдарды зерттеуде аспирацияға байланысты сақтықпен қолданылады.

Ересектер мен жастары үлкен балаларда екі есе контрастылау жүргізу үшін (жастары кіші балаларда екі есе контрастылау жүргізу мақсатқа сай емес) тура зерттеу алдында емделушіге жасына байланысты 1.5-3.5 г ас содасын береді (ерітінді немесе ұнтақ түрінде), оны 1-3 г лимон қышқылының ерітіндісімен тез ішеді. Дистиллденген судың жалпы көлемі 7-15 мл-ден аспауы керек. Балаларда ішектің моторикасын зерттеу үшін қолданылуы мүмкін. Ішкеннен кейін суспензия балаларда аш ішекті 1-2 сағатта өтеді, ол аш ішектің құрылымын және қимылдық функциясын қысқа уақыт ішінде зерттеуге, осылайша оны зерттеудің арнайы тәсілдерінен бас тартуға мүмкіндік береді. Суспензияның тоқ ішектен өту ұзақтығы 4 сағат, ол ішекті тексеру уақытын айтарлықтай қысқартады және сәулелік жүктемені 2 есе азайтады.

Педиатрияда қолданылуы

Балаларға қолдануға ұсынылмайды.

Жүктілік және лактация кезеңі

Препаратты анаға деген күтілген пайдасы ұрыққа деген әлеуетті қаупінен жоғары болғандағы жағдайларды қоспағанда жүктілік кезінде қолдануға болмайды.

Емшекпен қоректендіру кезінде қолдануға қатысты шектеулер жоқ.

Дәрілік заттың көлік құралдарын немесе басқа әлеуетті қауіпті механизмдерді басқару қабілетіне әсер ету ерекшеліктері

Препарат зейінді жоғары жұмылдыру мен психомотрлық реакциялар жылдамдығын талап ететін көлік құралдарын басқару және басқа әлеуетті қауіпті қызмет түрлерімен айналысу қабілетіне әсер етпейді.

Артық дозалануы

Артық дозалану жағдайлары сипатталмаған.

Шығарылу түрі және қаптамасы

240 г препараттан полиэтилентерефталат – алюминий фольга – полиэтилен біріктірілген материалынан жасалған пакеттерге салынған.

40 пакеттен медицинада қолданылуы жөніндегі мемлекеттік және орыс тіліндегі нұсқаулықпен бірге гофрланған картоннан жасалған қораптарға салынған.

Қораптарға жазылатын немесе заттаңбалық қағаздан жасалған заттаңбалар жапсырылған.

Сақтау шарттары

Құрғақ жерде, -50° С-ден +40° С-ге дейінгі температурада.

Балалардың қолы жетпейтін жерде сақтау керек.

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босматылу шарттары

Рецепт арқылы

Өндіруші

«Фирма «ВИПС-МЕД» ЖШҚ, Ресей Федерациясы,141190, Мәскеу обл., Фрязино қ-сы, Заводской өткелі, 4 үй, тел./факс (495) 22-181-22, www.vipsmed.ru

Тіркеу куәлігінің иесі

«Фирма «ВИПС-МЕД» ЖШҚ, Ресей Федерациясы

Қазақстан Республикасы аумағында тұтынушылардан өнім/тауардың сапасы туралы түскен шағымдарды қабылдайтын ұйымның мекенжайы:

«Нестеренко Н.А.» ЖК, Қазақстан Республикасы, 050000, Алматы қ-сы, Фурманов к-сі, 128 үй, 16 кеңсе, тел. /факс (727) 2796659, e-mail: ip_n_nesterenko@list.ru.