АЦЦ® 600 (таблетки шипучие)

• русский
• қазақша

• Скачать инструкцию медикамента

Саудалық атауы

AЦЦ® 600

Халықаралық патенттелмеген атауы

Ацетилцистеин

Дәрілік түрі

Көпіршитін таблеткалар 600 мг

Құрамы

Көпіршитін бір таблетканың құрамында

белсенді зат – 600.00 мг ацетилцистеин

қосымша заттар: сусыз лимон қышқылы, натрий гидрокарбонаты, сусыз натрий карбонаты, маннитол, сусыз лактоза, аскорбин қышқылы, натрий цикламаты, натрий сахарин дигидраты, натрий цитрат дигидраты, «В» қара бүлдірген хош иістендіргіші

Сипаттамасы

Дөңгелек пішінді, диаметрі 19.6 бастап 20.4 мм дейінгі, биіктігі 4.3 бастап 4.8 мм дейін, тегіс беткейлі, қара бүлдірген иісі бар ақ түсті таблеткалар.

Дайындалған ерітінді – мөлдір, түссіз, механикалық қоспаларсыз, қара бүлдірген иісі және дәмімен.

Фармакотерапиялық тобы

Суық тию және жөтел симптомдарын жоюға арналған препараттар. Қақырық түсіретін препараттар. Муколитиктер. Ацетицистеин

АТХ коды R05 CB01

Фармакологиялық қасиеттері

Фармакокинетикасы

Ацетилцистеин ішке қабылданғаннан кейін асқазан-ішек жолынан (АІЖ) тез сіңеді және бауырда фармакологиялық тұрғыдан белсенді метаболит цистеинге, сондай-ақ диацетилцистеинге, цистинге және әртүрлі аралас дисульфидтерге метаболизденеді.

Бауыр арқылы “алғаш өту” әсерінің жоғары болуына байланысты, ацетилцистеиннің биожетімділігі өте төмен (шамамен 10%).

Адамда плазмадағы ең жоғары концентрацияға 1-3 сағаттан соң жетеді. Плазмадағы цистеин метаболитінің ең жоғары концентрациясы 2 мкмоль/л жуықты құрайды. Ацетилцистеиннің қан плазмасы ақуызымен байланысуы шамамен 50% құрайды.

Ацетилцистеин бүйректер арқылы тек белсенді емес метаболиттер (бейорганикалық сульфаттар, диацетилцистеин) түрінде шығарылады.

Плазмадағы жартылай шығарылуы шамамен 1 сағатты құрайды және негізінен бауырлық биотрансформациямен анықталады. Сондықтан бауыр функциясының бұзылуы плазмалық жартылай шығарылу кезеңінің 8 сағатқа дейін созылуына әкеледі.

Фармакодинамикасы

Ацетилцистеин – цистеин амин қышқылының туындысы болып табылады. Тыныс жолдарында ацетилцистеиннің секретолитикалық және секретомоторлық әсері бар. Ол мукополисахаридтік тізбектер арасындағы дисульфидтік байланыстарды үзеді және ДНҚ тізбектеріне деполимеризациялаушы әсері бар (іріңді қақырық кезінде). Осы механизмнің арқасында қақырықтың тұтқырлығы азаяды.

Ацетилцистеиннің баламалы механизмі оның реактивті сульфгидрильді тобының химиялық радикалдарды байланыстыру және осымен оларды залалсыздандыру, яғни уыттануға қарсы әсер ету қабілетіне негізделеді.

Ацетилцистеин глутатион синтезінің жоғарылауына ықпал етеді, бұл улы заттардың уытсыздануы үшін маңызды. Бұл парацетамолмен уланғанда оның уға қарсы әсерінің бар екендігін көрсетеді.

Оны профилактикалық қолданғанда ол бактериялық инфекциялардың өршу жиілігі мен ауырлығына қатысты қорғаныш әсер береді, бұл созылмалы бронхиті және муковисцидозы бар науқастарда анықталды.

Қолданылуы

Қақырық түзілуі және шығарылуының бұзылуымен қатар жүретін тыныс алу жолдарының жедел және созылмалы (бронх және өкпе) аурулары кезіндегі секретоликалық емде.

Қолдану тәсілі және дозалары

Ересектер және 14 жастан асқан және одан үлкен жасөспірімдер

Көпіршитін ½ таблеткадан тәулігіне екі рет немесе көпіршитін 1 таблеткадан тәулігіне бір рет (бұл тәулігіне 600 мг ацетилцистеинге баламалы).

Көпіршитін таблеткаларды стақан суда алдын ала ерітеді, тамақтан соң қабылдайды.

Дәрігердің ұсынымы болмағанда 4-5 күннен артық қолданбаған жөн. Балаларға және 14 жасқа дейінгі жасөспірімдерге АЦЦ басқа түрлері ұсынылады: АЦЦ® 100, көпіршитін таблеткалар, 100 мг, АЦЦ® 200, көпіршитін таблеткалар, 200 мг, AЦЦ® 200, ішке қабылдау үшін ерітінді дайындауға арналған ұнтақ, 200 мг, AЦЦ® юниор, ішуге арналған ерітінді 20 мг/мл немесе AЦЦ®, ішуге арналған ерітінді 20 мг/мл.

Таблеткаларды шығарып алғаннан кейін контейнерді нығыздап жабыңыз!

Жағымсыз әсерлері

Жиі емес

- аллергиялық реакциялар (қышыну, есекжем, тері бөртпесі, бронхтың түйілуі)

- тахикардия

- артериялық гипотензия

- бас ауыру

- қызба

- стоматит, іштің ауыруы, диарея, құсу, қыжыл және жүрек айнуы

Сирек

- ентігу, бронх түйілуі негізінен бронх демікпесімен байланысты бронх жүйесінің реактивтілігі жоғарылаған пациенттерде

Өте сирек

- жоғары сезімталдық реакцияларымен ішінара байланысты қан кетулер және қан құйылулар

- анафилаксиялық шокқа дейін болатын анафилаксиялық реакциялар

Қолдануға болмайтын жағдайлар

- ацетилцистеинге немесе препарат компонентіне аса жоғары сезімталдық

- өршуі ауыр бронх демікпесі

- асқазан мен он екі елі ішектің созылмалы ойық жара ауруы

- галактоза жақпаушылығы

- фруктоза жақпаушылығы

- лактация кезеңі

- туа біткен лактаза жеткіліксіздігі

- глюкоза-галактоза мальабсорбциясы синдромы

- 14 жасқа дейінгі балалар және жасөспірімдер

Дәрілермен өзара әрекеттесуі

Ацетилцистеинді және жөтелге қарсы дәрілерді бір мезгілде қолдану, жөтел рефлексінің азаюы салдарынан, қауіпті секреторлы іркілуді тудыруы мүмкін. Біріктірілген емнің осы нұсқасы емдеуші дәрігермен анықталуы тиіс.

Бүгінгі күні ацетилцистеинмен антибиотиктер (тетрациклин, аминогликозидтер, пенициллин) белсенділігін жою тек қана жасанды жағдайдағы эксперименттер кезінде соңғыларды тікелей араластырған кезде байқалған. Осыған қарамастан, қауіпсіздік мақсатында пероральді антибиотиктер бөлек және кем дегенде 2 сағаттық аралықпен қолданылуы қажет. Мұның цефиксим мен лоракарбефке қатысы жоқ.

Белсендірілген көмірдің жоғары дозаларын қолдану ацетилцистеиннің әсерін бәсеңдетуі мүмкін.

Нитроглицерин және ацетилцистеинді бір мезгілде қолдану кейбір жағдайларда бас ауыруының пайда болуы хабаршысы болып табылатын ауыр гипотензияның және тромбоциттер агрегациясына тежегіш әсерінің даму мүмкіндігіне байланысты емдеу дәрігердің бақылауымен жүргізілуі керек.

Ацетилцистеин салицилаттарды анықтаудың колориметриялық мөлшерлік талдауына әсер етуі мүмкін.

Ацетилцистеин несеп талдауы кезінде кетон денелері талдауының нәтижелеріне әсер етуі ықтимал.

Айрықша нұсқаулар

АЦЦ® 600 препаратын қолданғанда өте сирек жағдайларда Стивенс-Джонсон синдромы, Лайелл синдромы сияқты ауыр тері аллергиялық реакциялары туындауы байқалған. Тері аллергиялық реакциялары туындаған жағдайда АЦЦ® 600 препаратын қабылдауды дереу тоқтатып, дәрігерге қаралу керек.

Сыртартқысында бронх демікпесі, асқазан мен он екі елі ішектің ойық жарасы бар пациенттерде АЦЦ® 600 препаратын қолданғанда сақ болу керек.

Гистамин жақпаушылығы бар пациенттер AЦЦ® 600 препаратын қысқа курстармен қабылдауы керек, өйткені гистаминнің өзінің метаболизміне ықпал етумен жақпаушылық симптомдары (мысалы, бас ауыру, мұрынның бітелуі, қышыну) туындауы мүмкін.

Ацетилцистеин қолдану, әсіресе емдеудің басында бронх секретінде қақырықтың сұйылуын және көлемінің ұлғаюын туындатуы мүмкін. Жеткіліксіз жөтел рефлексінде: постуральді дренаж немесе аспирация қолданылады.

Бір көпіршитін таблетканың құрамында 6.03 ммоль (138.8 мг) натрий бар. Тұзсыз диета ұстанып жүрген адамдар осыны ескергендері жөн.

Жүктілік және лактация кезеңі

Препаратты жүктілік кезеңінде егер ана үшін болжамды пайдасы ұрық пен ұрыққа төнетін ықтимал қауіптен асып түскен жағдайда ғана тағайындайды, бірақ жануарларға зерттеу буаздықта, эмбриондық және/немесе постнатальді дамуға әсер ететін ешқандей тікелей немесе жанама уыттылығын анықтамаған.

Препаратты тағайындау қажеттілігі жағдайында лактация кезеңінде емшекпен қоректендіруді тоқтатқан жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: жүрек айну, құсу, диарея.

Емі: симптоматикалық.

Шығарылу түрі және қаптамасы

Ішінде құрғатқышы бар полиэтиленді тығынмен тығындалған полипропиленнен жасалған контейнерге салынған.

1 контейнерден медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Контейнер ашылғаннан кейін – 1 жыл

Қаптамасында көрсетілген жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецептісіз

Өндіруші

Гермес Арцнеймиттель ГмбХ, Германия

Тіркеу куәлігінің иесі

Гексал АГ, Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын дәрілік заттың қауіпсіздігін тіркеуден кейін байқауға жауап беретін ұйымның мекенжайы

«Сандоз Фармасьютикалс д.д.» АҚ Қазақстан Республикасындағы өкілдігі

Алматы қ., Луганский к-сі, 96

Тел: +7 (727) 2581048 Факс: +7 (727) 2581047

e-mail: kzsdz.drugsafety@sandoz.com

8 800 080 0066 – Қазақстан бойынша тегін қоңырау шалу нөмірі